கனவுகளே..,

எம்.ஜி.யார் பாணியில் விஜய்

2012-01-15T07:32:00.000+05:30

நண்பன் திரைப்படம், வித்தியாசமான அனுபவமாக அமைந்தது. சில திரைப்படங்கள் விஜயை வேறொரு களத்திற்கு அழைத்து செல்லும் வகையில் அமைந்திருக்கும். பூவே உனக்காக, காதலுக்கு மரியாதை, திருமலை போன்ற படங்களுக்கு பிறகு விஜய் தனது பயணத்தை மாற்றிக் கொண்டிருப்பார். நண்பனும் அது போன்ற ஒரு படம்தான். ஆனால் நண்பன் போன்ற கதையை எழுதும் ஆட்கள் இப்போது இருக்கிறார்களா என்று தெரியவில்லை. நடப்பதெல்லாம் நன்மைக்கே என்ற எண்ணத்தில் வாழும் விஜய் கதாபாத்திரம் தமிழுக்குப் புதுசு. விஜய் ரசிகர்கள் சிலராவது ஆல் ஈஸ் வெல் என்று சொல்லிக் கொண்டு சுற்றினால் அதுவே மிகப் பெரிய வெற்றிதான். கருப்பு வெள்ளைக் காலத்து எம்.ஜி.ஆர் படங்களில் சில, பல தத்துவங்கள் எம் ஜியாரால் ரசிகர்களுக்கு திணிக்கப் பட்டு இருக்கும். ரசிகர்கள் தெரிந்தோ தெரியாமலோ அதன் பால் ஈர்க்கப்பட்டு இருப்பார்கள். அது போலத்தான் ஆல் ஈஸ் வெல். எப்படியோ நல்லது நடப்பதை வரவேற்றுத்தான் ஆக வேண்டும்.

விஜய்க்கு பன்ச் டயலாக் இல்லை. எண்ட்ரி சீன் இல்லையென்றெல்லாம் சொல்லிக் கொள்கிறார்கள். ஆல் ஈஸ் வெல்லைவிட என்ன ஒரு பன்ச் டய்லாக் வேண்டும். விஜய்யின் எண்ட்ரி சீன் சொல்கிறதே படித்ததை வாழ்க்கையில் உபயோகித்து வாழ்பவர் என்று. இதைவிட பவர்ஃபுல் எண்ட்ரி சீன் இதுவரை விஜய் படங்களில் வந்ததே இல்லை என்றுதான் சொல்லுவேன். காட்சிக்கு காட்சி விஜய் ஒரு மாபெரும் பராக்கிரமசாலியாகவே காட்டப் படுகிறார். சக மாணவர்களுக்காக பொங்கி எழுவதிலும், அவர்களால் ஒரு வருடம் முழுவதும் செய்ய முடியாததை ஒரே நாளில் செய்து முடிப்பது ஆகட்டும், நண்பர்களுக்காக எதையும் செய்பவராக ஆகட்டும். முதலாளிக்காக அனைத்தையும் இழந்துவிட்டு செல்லும்போது. முதலாளிக்காக அனைத்தையும் கொடுத்துவிட்டாலும் விஜய் நிமிர்ந்து நிற்கிறார். விருப்பப்பட்டு படித்தால் சொந்தக்காலில் சந்தோஷமாக நிற்க்கலாம் என்ற கருத்து அற்புதமாக சொல்லப் பட்டு இருக்கிறது. அமெரிக்காவில் போய் பேங்க் வேலை செய்வதற்கு எதற்கு என்சினியரிங், படிக்க வேண்டும் என்ற கேள்வி எழுப்பி இருக்கிறார்? ( கேள்வி இந்தியில் எழுப்பப் பட்டு ஷ்ங்கரால் தமிழ் படுத்தப் பட்டிருந்தாலும் இந்தக் கேள்வி ஜீவாவோ, ஸ்ரீகாந்தோ கேட்டிருந்தால் அது நம் காதில் கூட விழுந்திருக்காது)

இது போன்ற வலிமை வாய்ந்த ஹீரோ பாத்திரம் இனிமேல் விஜய்க்கு கிடைக்குமா என்று தெரியவில்லை. ஆனால் விஜய்க்கு மட்டுமல்லாது எல்லா ஹீரோக்களுமே இது போன்ற கதாபாத்திரங்களை தேர்வு செய்து நடிக்க வேண்டும்.

அனைத்து மாணவர்களுக்கும் ஒரு கருத்து சொல்லப் படுகிறது, அதுதான் விஜய் முதல் மாணவனாக வரும் விதம். எத்தனை விஜய் ரசிகர்கள் அதை கவனிக்கிறார்கள் என்பது கேள்விக்குறியாக இருந்தாலும் ஒருவர் கவனித்துப் பயன் பெற்றாலும் மகிழ்ச்சியே..,

அடுத்ததாக கருத்துப் புரியாமல் மனனம் செய்து தேர்வு எழுதும் மாணவர்களை கண்டபடி கலாய்த்து இருந்தாலும் அந்த மாணவனும் நிறைய சம்பாதித்து தனக்கு பிடித்த வாழ்க்கை வாழ்வதாகவே காட்டி இருக்கிறார்கள். அனைத்து விதங்களிலும் நண்பன் ஆல் ஈஸ் வெல்..,

===========================================================================

என்றே முடித்து விடுவதுதான் நல்லது. இல்லியானாவை பற்றி எது பேசினாலும் அது எதிர்மறையாகத்தான் அமையும். விஜய் போன்ற ஒரு மிகச்சிறந்த மாணவனுக்கு இல்லியானாவைப் போன்ற மிக மிக சுமாரான ஜோடிதான் அமையும் என்று நிதர்சனைத்தைக் காட்டுகிறார்கள். இல்லியானாவை ஆந்திராவில் நம்பர் ஒன் என்கிறார்கள். விஜயசாந்தி, ரம்யாகிருஷ்ணா , அனுஷ்கா வரிசையில் இல்லியானா என்பதை ஜீரணிக்கவே முடியவில்லை. சாப்பாட்டில் எல்லாமே இனிப்பாக இருந்தால் திகட்டிவிடும் அல்லவா, அது போலதான் இந்தப் படத்தில் இலியானாவும்..,

ராமன், சீதை உதாரணத் தம்பதிகளா?

2011-11-24T15:16:00.001+05:30

டிஸ்கி:- புராண, இதிகாச கதைகள் எதிர்ப்பாளர்கள் மனம் புண்படும் விதமாக இந்த இடுகை இருப்பதாக நினைத்தால் சற்று ஒதுங்கி நில்லுங்கள்.

ஏக பத்தினி விரதனாக ராமனையும், பதிவிரதையாக சீதையும் பலரும் உதாரணமாகச் சொல்லி நாம் கேள்விப் பட்டிருக்கிறோம். ஆனால யாராவது ராமன், சீதையை உதாரணத் தம்பதியாகச் சொல்லிப் பார்த்திருக்கிறோமா? எங்காவது உதாராணத் தம்பதிகள் கதை ஏதாவது இருக்கிறதா?

கண்ணகி கதையிலும் சரியான தம்பதிகள் கிடையாது.

சாவித்ரி கதையிலும் சத்தியவான் டம்மி பீஸ்தான்.

அனுசூயா கதையோ தலை சுற்றவைக்கக் கூடியது.

இவர்கள் கதையில் எல்லாம் கணவர்களைப் பற்றி பெரிதாக எதுவும் இல்லாத நிலையில் சீதையின் கணவர் மட்டும் பத்தினி விரதனாக காட்டப் படுகிறார்.

ஒரே ஒரு மனைவியோடு அவரையும் காட்டுக்கு அனுப்பி விட்டு ஆட்சிக் கட்டிலில் இருந்ததால் அவரைப் பற்றி இவ்வாறான புகழ்ச்சி மொழிகளை பரப்பி இருப்பார்களோ..

சீதையாக நடித்ததால்தான் கணவனைப் பிரிந்து மனைவி படும் வேதனை புரிந்தது என்று நயந்தாரா சொன்னதாக செய்திகள் வந்து இருக்கின்றன. சீதையாக நடிக்க அவர் அசைவ உணவுகளை தவிர்த்ததாக வேறு சொல்லி இருக்கிறார். சீதை சுத்த சைவம் என்று கம்பராமாயணத்தில் நேரடியாகவோ அல்லது மறைமுகமாகவோ எங்காவது சொல்லி இருக்கிறார்களா..? ராமன் சீதையைப் பிரிந்த பின்னர் புலால் உண்பதை தவிர்த்ததாக வேறு பேசிக் கொள்கிறார்கள். இது பற்றி கம்ப, வால்மீகி ராமாயணங்களில் ஏதாவது சொல்லி இருக்கிறார்களா..?

ஜேம்ஸ் பாண்ட், சூப்பர் ஹீரோவாக சூர்யா நடிக்கும் புத்தம் புதிய படம்

2011-11-06T14:22:00.000+05:30

ஸ்பைடர் மேன், பேட் மேன் கதைகள் படிக்கும்போது ஒரு பிரமிப்பு ஏற்படும். அப்படியே அந்தக் காட்சிகளில் நாமும் இருப்பது போன்ற ஒரு உணர்வு. அந்தப் படங்கள் திரைப்படங்களாக வந்தபோது லாஜிக் பற்றியெல்லாம் கவலைப் படாமல் பிரமிப்புடன் ரசித்துப் பார்த்தோம். கதாநாயகனுக்காக இல்லாமல், கதாப்பாத்திரத்துக்காக பெரிய அளவில் ரசிகர்களை சேர்த்து வைத்த கதாப்பாத்திரங்கள் அவை. சீன்கானரி வேண்டுமானால் ஜேம்ஸ்பாண்ட் கதாபாத்திரத்தைவிட அதிகமாக ரசிகர்களைப் பெற்றிருக்கலாம். ஆனால் பிய்ர்ஸ் பிரஸ்ணனைவிட ஜேம்ஸ்பாண்ட்க்குத்தான் ரசிகர்கள் கூட்டம் இருக்கும். தமிழில் கூட இதுமாதிரி சூப்பர் ஹீரோ படங்கள் வந்து கொண்டுதான் இருக்கின்றன். ஆனாலும் அவை இரண்டாம்பாகம் மூன்றாம்பாகம் வந்தமாதிரியெல்லாம் இடுப்பதில்லை.

இரும்புக்கை மாயாவி கதை பார்த்திருப்பீர்கள். ஆய்வகத்தில் நடக்கும் ஒரு விபத்தின் காரணமாக மாயாவிக்கு அதீத சக்தி வரும். ஸ்பைடர் மேணுக்கும் அப்படித்தான். அவரின் வில்லன்களுக்கும் அப்படித்தான். கந்தசாமி, வேலாயுதம் போன்றவர்களுக்கு இதுபோன்ற விபத்து நடக்காவிட்டாலும் மக்களைப் பாதுகாக்க மிகுந்த சக்தி படைத்தவர்களாக இருந்தார்கள்.

அப்படிப்பட்ட ஒரு கதை இப்போது சூர்யாவிற்கு வாய்த்துள்ளது. ஆய்வக உதவியோடு அதிபயங்கர சக்திகள் அவர் உடலில் ஏற்றப்படுகின்றன. ஆப்கானிஸ்தான் தீவிரவாதிகளை விஜய் ஏலத்தில் எடுத்துவிட்டதால் இவரது படத்துக்கு சீன உளவாளிகளை பயன்படுத்துகிறார்கள். அவர்களின் அழிவு சக்தியை சமாளிக்க இந்திய தேசமே நடுநடுங்கிக் கொண்டிருக்கும்போது சூர்யா தனது அதி அற்புத சக்தியைப் பயன்படுத்தி சாரூக்கான், சடன்பிரேக் போட்டு ட்ரெயினை நிறுத்துவது போல கொடிய அழிவு ஆயுதங்களின் சக்தியை சூர்யா தடுத்து நிறுத்துகிறார்

ஹலோ ஹலோ என்ன இந்தப் படம் ஏற்கனவே வந்து விட்டதா? ஐயா அது வேற அது பல்லவ தமிழ் இளவரசன் துறவரம் போய் இந்திய தேசத்தை வெல்ல தனியாக ஒரு நாட்டு மக்களை தயார்படுத்திய கதை. அட அதுவும் இல்லையா? பரவாயில்லை விடுங்கள். சூர்யா, ஏ.ஆர் முருகதாஸிடம் சொல்லி அதி அற்புத சக்தி வாய்ந்த சூர்யாவின் அடுத்த அடுத்த சாகஸங்களை வெளிவிடச் சொல்லுங்கள். நமக்கு ஜாலியாக இருக்கும்

பவர் ஸ்டார் படம் மச்சி

2011-10-17T16:46:00.002+05:30

பவர் ஸ்டாட் பத்தி தெரியாத தகவல்கள் இன்னைக்கு யூட்யூப்ல தெரிஞ்சிக்கிட்டேன். நீங்களும் தெரிந்து கொள்ளுங்கள்

ஸ்ட்ராங்கான மனைவி அமைவதெல்லாம் இறைவன் கொடுத்த வரம்

2011-10-05T21:07:00.002+05:30

மனைவி நல்லா ஸ்ட்ராங்கா இருந்தா ஒரு சக்கரம் இல்லாட்டிக்கூட வண்டி ஓட்டலாம் அப்படிங்கறதா எவ்வளவு அழகா சொல்லி இருக்காங்க பாருங்க

நயன் தாரா, ஆன்மீகம், இந்திய அரசியல் சட்டம்

2011-08-09T20:58:00.001+05:30

நயந்தாரா இன்று இந்து மதத்திற்கு மாறியதாக செய்திகள் சொல்கின்றன. அவர் திருமணம் செய்து கொள்ள வசதியாகத்தான் இந்து மதத்திற்கு மாறியதாக சில நண்பர்களும் ஊடகங்களும் கருத்து சொல்லிக் கொண்டு இருக்கிறார்கள். இது அவர்களின் சொந்த விஷயம் என்றாலும்கூட நமக்கு சில கேள்விகள் எழுகின்றன. கேள்விகள் கண்டிப்பாக நயந்தாராவின் சொந்த வாழ்க்கை பற்றி அல்ல. எனவே எனது குழப்பங்களுக்கு விடை சொல்ல நினைக்கும் நண்பர்கள் தயவு செய்து நயந்தாராவின் சொந்த வாழ்க்கைக்குள் நுழைய வேண்டாம்.

1.சட்டப் படியோ அல்லது மத முறைப் படியோ ஒருவர் இந்து மதத்திற்கு மாற முடியுமா?

2.இந்து மத கடவுள்களை வணங்குபவர்கள், பின்பற்றுபவர்கள் சட்டப் படி இந்துக்கள் என்று அழைக்கப் படுவார்களா?

3.இந்து மதத்திற்கு மாற முடியும் என்றால், மதத்தில் நுழைந்து விட்டு சாதிக்குள் நுழையாமல் இருக்க முடியுமா?

4.மதத்திற்குள் நுழைபவர்கள் சாதிக்குள் நுழைய முடியும் என்றால் எந்த சாதிக்குள் நுழையலாம்?

5. இந்து மதத்தின் ஒரு சாதியில் இருந்து வேறொரு சாதிக்கு மாறமுடியுமா? அப்படி மாறினால் சட்டப் படி செல்லுபடியாகுமா? அவர்களுக்கு அரசில் சலுகைக்கள் ( இட ஒதுக்கீடு, கலப்புத் திருமண உதவிகள் கிடைக்குமா?

900/1200 க்கு தமிழக அரசு மருத்துவக் கல்லூரியில் எம்.பி.பி.எஸ் சீட்

2011-06-24T22:02:00.000+05:30

இன்றைய தேதியில் எம்பிபிஎஸ் சீட்டுக்காக பெற்றோர் அங்கும் இங்கும் அல்லாடிக் கொண்டு இருப்பதை பார்க்க முடிகிறது. (சில பெற்றோர் லயோலா கல்லூரியில் விசுவல் கம்யூனிகேசன் சீட்டுக்காக போராடிக் கொண்டிருக்கிறார்கள் என்பதையும் மனதில் வைத்துக் கொள்வோம்). தமிழ்நாட்டில் கட் ஆஃப் மதிப்பெண் ஒன்று இரண்டு குறைந்தால் கூட தனியார் மருத்துவ கல்லூரிகளில் சில லட்சங்கள் அதிகம் ஆகிக் கொண்டே இருக்கிறதாம்.

ஆனால் அரசு மருத்துவக் கல்லூரியில் சேர 900 மதிப்பெண் எடுத்தாலே கூடப் போதும். ஆனால் என்ன கீழே கொடுக்கப் பட்டிருப்பதுபோல மதிப்பெண் வாங்கி இருக்க வேண்டும் அவ்வளவுதான்.

உயிரியல்- 200/200
வேதியியல் 200/200
இயற்பியல் 200/200
கணிதம் 100/200
தமிழ் 100/200
ஆங்கிலம் 100/200

நம்பினால் நம்புங்கள் மேலே உள்ளமாதிரி மதிப்பெண்கள் வாங்கியிருந்தால் கண்டிப்பாக உங்களது 900 மதிப்பெண்ணுக்கே எம்.பி.பி.எஸ் சீட் கண்டிப்பாக கிடைக்கும்.

அசைந்த திரை அஞ்சன விழிகள் - நான் ஒரு வாசகன்

2011-06-12T00:17:00.000+05:30

சென்ற பகுதியில் சுங்க அதிகாரி இளையபல்லவனை தனியாக அழைத்து பேசுகிறார் என்ற சந்தேகம் வந்த்தல்லவா? கலிங்கத்தின் ஊழிய்ம் செய்தாலும் பிறப்பால் தமிழனாக இருந்த்தால் அந்த சுங்க அதிகாரி கருண்காரப் பல்லவனுக்கு உதவி செய்வதாக சொல்லுகிறார் ஆசிரியர். (உடனே நமது உள்மனது நம்ப்பிட்ட்டோம் நம்ம்ம்ம்ப்பிட்ட்ட்டோம் என்று உரக்கச் சொல்கிறது) கருணாகரப் பல்லவனே சில கேள்விகளை கேட்கிறார். முறையான பயணமாக முறைப்படிக் கப்பலில் வந்து அரச முத்திரை மோதிரத்தைக் காட்டியவனை அனுப்பாமல் ஏன் தனியே அழைத்து வந்தீர்கள் என்று கேட்கிறார். அதற்கு சுங்க அதிகாரி தங்கள் கொண்டு வரும் பத்திரத்தில் கலிங்க துறைமுகங்களை சோழநாட்டுக்குச் சொந்தமாக்கும் வகையில் எழுதப் பட்டுள்ளதால் தாங்கள் சிறையில் அடைக்கப் படுவீர்கள் என்றும் பின்னர் கொள்ளப் படுவீர்கள் என்றும் சொல்கிறார். பத்திரத்தில் எழுதப் பட்டுள்ளதை சுங்க அதிகாரி சொன்னதைக் கேட்ட்தும் இளைய பல்லவன் அதிர்ச்சி அடைந்த்தாக நாவலாசிரியர் சொல்கிறார்.

ஏற்கனவே நம்ப்பிட்ட்ட்ட்டோம் என்று நமது உள்மனது சொன்ன வார்த்தைகள் இப்போது எதிரொலிக்க ஆரம்பிக்கின்றன.

சோழநாட்டு ஒற்ற்ர்கள் இங்கு அதிக அளவில் உலவுவதாகவும், சோழநாடு கலிங்கத்தின் மீது போர் தொடுக்கும் வாய்ப்பு இருப்பதாக வதந்திகள் உலாவுவதாகவும் அதனால் சோழநாட்டவர்கள் பலரும் கைது செய்யப் பட்டுவருவதாகவும் சொல்கிறார்.

இந்த நேரத்தில் பாலூர் துறைமுகத்திற்கும், தமிழகத்தின் மற்ற துறைமுகங்களுக்கும் உள்ள வித்தியாசங்களை சாண்டில்யன் விளக்குகிறார். ஆங்கில நாவலாசிரியர்கள் பொதுவாக தங்கள் நாவல்களில் ஒவ்வொரு பகுதியையும் தனித்தனியே விளக்குவார்கள்.

குறிப்பாக ஒரு பைக் மெக்கானிக் பைக்கை ரிப்பேர் செய்வதாகட்டும் மருத்துவர் அறுவை சிகிச்சை செய்வதாகட்டும் ஒருவரியில் சொல்லாமல் அங்கும் நடக்கும் செயல்கள் நம் கண் முன்பே நடப்பது போல சொல்லுவார்கள். ஒவ்வொரு படியாக அதன சாதகபாதகங்கள் மாற்றுவழிகள் எல்லாவற்றையும் அலசுவார்கள். ஒரு நாவல் படிக்கும்போது பல்வேறு செய்திகளைப் பார்த்துப் பழகிய உணர்வினை வாசகனுக்கு ஏற்படுத்துவார்கள். தற்போதைய தமிழ் நாவல் ஆசிரியர்களில் தொழில்நுட்ப ரீதியாக வாசகனுக்கு கற்றல் அனுப்வத்தை கொடுப்பவர்கள் மிக்க் குறைவாக உள்ளனர்.

தமிழ் மக்கள் வாழும் பகுதிகளில் இரவில் நடமாடுவது கூட கண்காணிப்பிற்க்கு உள்ளாக்கப் பட்டு இருப்பதாகச் சொல்லப்படுகிறது, அதுமட்டுமல்ல, அது மட்டுமல்ல என்ற ரீதியில் சிறிது நேரம் பேசி விட்டு சோழ நாட்டு இளவல் அம்மங்கா தேவியின் மகன் ராஜராஜ நரேந்திர செல்வனும் ( கவனிக்க சோழன் என்று சொல்லவில்லை ) கைது செய்யப் பட்டுள்ளதாக சொன்னதும்தான் சென்ற பகுதியின் கடைசியில் சொன்ன வாக்கியத்தை உணர்ச்சி வசப் பட்டு இளையபல்லவன் உச்சரிக்கிறான். (அத்தனை துணிவா கலிங்கத்து பீமனுக்கு)

சென்ற பகுதியிலேயே அதைக் கேட்ட வீர்ர்கள் இளையப்ல்லவனை நோக்கிப் பாய அவர்களை கொண்டுவிடுகிறான். அமளி துமளி கிளம்புகிறது. அராபியர் அங்கியுடன் இளையப்ல்லவன் தப்பிச் செல்கிறான். பின்னர் அந்த அங்கியைத்துறந்து பாலூரின் வீதிகளில் ஓடுகிறான். படிக்கும் நமக்கென்னவோ நாமும் சேர்ந்து ஓடுவதுபோலவே தோன்றுகிறது. அவனை கலிங்கத்து வீர்ர்கள் துற்த்துகிறார்கள்.

ஒரு வீட்டுக்குள் நுழைந்து ஒளிந்து கொள்கிறான். அந்த அறைக்கு ஒரு பெண் வருகிறார்கள் சாண்டில்யன் ரசிகர்களுக்கு உடனே நிமிர்ந்து உங்கார்ந்து கொள்வார்கள். வழங்கமான சாண்டில்யன் டச். ஆமாம் அந்தப் பெண் உடைமாற்ற தொடங்குகிறார். தமிழர் பண்பாட்டைக் காக்கும் வகையில் கண்களை மூடிக்கொண்ட இளைய பல்லவன் திறைச்சீலையைப் பிடிக்க சத்தம் கேட்டு அந்தப் பெண் இளையனைப் பார்க்க இந்தப் பகுதி அப்படியே அடுத்த பகுதிக்கு பயணம் செய்கிறது.

அந்தப் பெண் உடை மாற்றும் அழகை அப்படியே காப்பி பேஸ்ட் பாணியில் டைப் செய்யலாம். திரட்டிகள் நம் தளத்தை தடைசெய்து விட்டால் நாம் என்ன செய்வது என்ற அச்சத்தின் காரணமாக நாம் அதை ஒரே வரியில் முடித்து விட்டோம்.

இந்த பகுதியில் புதிதாக தப்பிப் போய் ஒரு பெண் உடைமாற்றும் மாளிகையில் ஒளிந்து கொள்வது மட்டுமே இணைந்துள்ளது.. மற்ற்படி சென்ற பாகத்தின்விளக்க உரையாக மட்டுமே இந்தப் பகுதி அமைந்துள்ளது..

இந்தப் பகுதியின் நமது சந்தேகங்கள். புதிதாக பெரியதாக் இல்லாவிட்டாலும் கூட இந்த நாவலின் கற்பனைக் கதாபாத்திரங்கள் எவை எவை என்ற எண்ணம் நமக்கு வருகிறது. பொதுவாக சரித்திர கதைகளில் சில கற்பனைக் கதாபாத்திரங்கள் உலவும். அந்த கதாபாத்திரம் இல்லாவிட்டால் அந்தக் கதையே நமக்குப் பிடிக்காமல் போய்விடக்கூடிய அபாயம் பல நாவல்களுக்கு நிகழ்ந்திருக்கிறது.

குறிப்பாக பொன்னியின் செல்வனில் ந்ந்தினி பாத்திரம் கற்பனை என்கிறார்கள். ந்ந்தினி இல்லாமல் பொன்னியின் செல்வனில் ஏதாவது கிக் இருந்திடுமா? குறைந்த பட்சம் ந்ந்தினி போன்ற கவர்ச்சி இல்லாவிட்டாலும் ஒரு கிழவியாவது இருந்திருந்தால்தானே பல இடங்கள் நகர்ந்திருக்க முடியும். சுத்தமாக ந்ந்தினியே இல்லையென்றால்......

சரி அதை அங்கேயே விடுங்கள் எனது எண்ணமெல்லாம் இதுவரை நாம் சந்தித்த எந்த எந்த பாத்திரங்கள் கற்பனை எவை உண்மை. என்பதுத்தான். போகப் போகப் பார்ப்போம்.

சாண்டில்யனின் கடல்புறா - ஒரு வாசகனின் அனுபவம்

2011-06-02T16:19:00.000+05:30

இளைய பல்லவன்

காஞ்சி இருக்க கலிங்கம் குலைந்த களப்போர் என்ற வாக்கியத்தோடு கடல்புறா தொடங்குகிறது. சாண்டில்யன் ஒரு இளமைதுள்ளும் ஒரு எழுத்தாளரின் அடையாளமாக அந்த வரிகள் விளங்குகின்றன். காஞ்சியில் சோழமன்னன் குலோத்துங்கள் இருக்கும்போதே அவனது படைகள் கலிங்க நாட்டை அழித்தது என்று கலிங்கத்து பரணியில் பாடி இருக்கிறார்களாம். அதைத்தான் மேற்கோள் காட்டுகிறார் என்று நினைத்தால் கூடவே இன்னொரு விளக்கமும் கொடுக்கிறார். அதாவது காஞ்சி என்பது பெண்களில் அணியும் ஒரு ஆபரணம். கலிங்கம் என்பது ஆடை. ஆக பெண்ணின் நகை களையாமல் உடைகள் குலைந்த களப் போர். என்பதாக அந்த வாக்கியத்தைக் குறிக்கிறார். முதல் வரி படிக்கும்போதே ஜிவ்வென்று இருக்கிறது. அந்தக் காலத்திலேயே இதைப் படித்திருந்தால் நமது அறிவு மேலும் வளர்ந்திருக்குமே என்ற ஏக்கம் வரத்தான் செய்கிறது.

பாலூர் துறைமுகம். பாலூரா துறைமுகம் என்றழைக்கப் படும் இடத்தில் நமது கதை துவங்குகிறது அந்த இடம் கோதாவரி ஆற்றின் முடிவில் இருக்கிறதாம். கோதாவரி ஆற்றீன் துணையாறுகள் கலந்து கடலில் கலப்பதையே புணர்தலுக்கு ஒப்பிடுகிறார் நாவல் ஆசிரியர். சித்திரா பவுர்ணமியின் அதிகாலை வேளையில் கடற்கரையை ஒப்பிட்டு அந்த இடத்தையே நம் கண்முன்னால் கொண்டுவரும் அவர் கிரேக்க, அரேப்பிய சீன் வணிகர்களையும் அவர்தம் தோற்றம்,. ஆடைகள் ஆகியவை பற்றி விளக்குகிறார். அதே நேரத்தில் பேய் அடிமைகள் என்றொரு பதத்தினை அவர் உபயோகப் படுத்துகிறார். அவர்கள் நீக்ரோக்கள் ( எனது ஒரு இடுகையின்போது இந்தப் பதத்தினை நீக்குமாறு நண்பர் ஒருவர் வேண்டுகோள் விடுத்திருந்தார், அப்போது நீக்கிவிட்டேன். இப்போது இதற்கு பதிலாக வேறுபதம் எனக்கு தெரியாத காரணத்தாலும் நாவலாசிரியர் உபயோகப் படுத்தியதாலும் அப்படியே எழுதியுள்ளேன். ) அவர்களை அரேபியர்கள் சீனர்களுக்கு விற்றதாக புதினத்தில் சொல்லப் பட்டுள்ளது. ஆந்திர மக்களும் வட நாட்டினரும் கூட வாணிகம் செய்ய இந்த இடத்திற்கு வந்திருப்பதாகவும். மேலைதேசம், கீழைநாட்டினரும் கலந்து இருந்த இடமாக இருந்தாலும் தமிழ் மக்கள் அங்கு அதிகம் வாழ்ந்ததாலேயே அந்த இடம் பாலூர் என்று அழைக்கப் பட்டதாக கூறியுள்ளார்.

கடல், கரை, மக்கள் , வாணிகம் ஆகியவற்றை விளக்கிவிட்டு நாயகன் அறிமுகம் செய்கிறார். ரஜினியின் அறிமுகக் காட்சியை விட விஜய் அறிமுகக் காட்சியை விட, ஏன் பவர் ஸ்டார் டாக்டர் ஸ்ரீனிவாசனின் அறிமுகக் காட்சியை விட இந்த கதை நாயகனின் அறிமுகக் காட்சி அமர்களமாக அமைந்திருக்கிறது. ஒரு படகில் இருந்து புரவியுடன் நாயகன் இறங்கி வருகிறார். அவர் கால் வைத்த உடனேயே கலிங்கத்துப் போரின் வித்து விதைக்கப் பட்டதாகவும் கடல் அலைகளின் ஆர்ப்பரிப்பு அதிகரித்து விட்டதாகவும் சூரியனின் ஒளிக் கதிர்களுக்கே ஒளிவந்ததாகவும் சொல்லுகிறார். நெற்றி, முடி, கன்னம் கன்னத்தழும்பு என வர்ணித்துவிட்டு அவருக்கு வயது 21 என்று சொல்லுகிறார். மக்களே குறித்துக் கொள்ளுங்கள். ஆயிரம் ஆண்டுகளுக்கு முன் 21 வயதில் ஒரு ஆண்மகனுக்கு என்னென்ன பொறுப்புகள் இருக்கின்றன என்பது போகப் போக்த் தெரியும்.

அவர் கையில் வைத்திருக்கும் வாளினை விளக்கும்போது அவர் ஒன்று ஏழையில்லை என்று சொல்லி வர்ண்னை செய்கிறார்,. அவரது வாளின் வர்ணனையே பிரமிப்பாக இருக்கிறது . இந்த வாளின் வர்ணனைகளை ராணாவிற்கு அப்படியே உபயோகப் படுத்திக் கொண்டால் நன்றாகத்தான் இருக்கும்.

அடுத்ததாக அந்த வீரர் சுங்கச் சாவடிக்குள் நுழைகிறார். அந்த சாவடியை மண்டபம் என்றே நமக்கு ஆசிரியர் அறிமுகப் படுத்துகிறார். அங்கு சுங்கப் பணம் வசூலிக்கப் படுவது, சுங்க முத்திரை இடப் படுவது என்பது பற்றியெல்லாம் சொல்லப் படுகின்றன.

ஒரு நாவலில் சொல்ல வேண்டிய இடங்களில் கதைகளோடு இன்னபிற பல செய்திகளும் பதியப் பட வேண்டும் என்பதில் ஆசிரியர் முனைப்புடனேயே இருக்கிறார். கடல்புறா முடிக்கும்போது நாம் 11ம்நூற்றாண்டின் பல செய்திகளையும் நம்மோடு உள்வாங்கிக் கொண்டிருப்போம் என்றே நம்பலாம்.

நமது நாயகர் வணிகரல்லாத பயணிகளின் பரிசோதனைப் பகுதிக்கு வந்து தன் உடமைகளைப் பரிசோதிக்க கொடுத்துவிட்டு முத்திரை மோதிரத்தைக் காட்டுகிறார். அந்த முத்திரை மோதிரத்தைப் பார்த்த உடன் அந்த அதிகாரி நமது வீரரை தனியே அழைத்துச் செல்லுகிறார். அவ்வாறு அழைத்துச் செல்லும்போது தனது இடத்தில் வேறொரு நபரையும் இறுத்திச் செல்வதையும் நாவலாசிரியர் சொல்லிச் செல்லுகிறார். பதிலி நபர்கள் என்னேரமும் தயாராக இருக்கும் செய்தியையும் ஒவ்வொரு இடத்திலும் மக்களுக்கு சேவை செய்ய தேவையான நபர்கள் எந்நேரமும் இருக்கும் வகையிலும் திடீரென தற்செயல் விடுப்பு எடுத்தால் கூட அந்த இடத்திற்கு வேறொரு நபர் உடனடியாக பணியாற்றும் வகையில் செயல் பாடு இருந்தததையும் நம்மால் உணரமுடிகிறது.

தனியே அழைத்து வந்து மோதிரத்தின் மதிப்பைப் பற்றி கேட்கிறார் அந்த அதிகாரி. நமக்கென்னவோ அதிலிருந்து பெர்செண்டேஜ் கேட்பார் போல என்று தோன்றியது. அதே எண்ணம்தான் வீரருக்கும் தோன்றியிருக்கும் போல ஆயிரம் பொற்கழஞ்சுகள் என்று மதிப்பைச் சொல்லி அதற்கும் வரிவிதித்தால் கட்டி விடுவதாகச் சொல்லுகிறார்.

அதிகாரி இப்போது தெளிவாக அந்த மோதிரத்தை, முத்திரை ஒரு சிலரே அணிய முடியும் அதனால் கேட்டதாக சொல்ல அது தனக்குத் தெரியும் என்று வீரர் கூறுகிறார். அதுவும் ராஜ வம்சத்தினர் தான் என்று சொல்லி விட்டு தாங்கள் என்று ஒரு இழு இழுக்கிறார்,

கருணாகரப் பல்லவர் என்று பதிலைச் சொல்லுகிறார். இளைய பல்லவரா? என்று கேட்டு உறுதி படுத்திக் கொள்கிறா. பிரமிப்புடன் இருக்கும்போதே இளைய பல்லவர் விடைபெற்றுக் கொள்ள தாங்கள் போகப் போகும் இடம் எது என்று கேட்கிறார் சுங்க அதிகாரி. அதற்கு இவர் கோடிக்கரை கூளவாணிகன் மாளிகை என்று கூறுகிறார். அபப்டியென்றால் எனது வீட்டில் தங்கி நடு இரவில் செல்லுமாறு சொல்லுகிறார். ஏன் இப்போது செல்லவேண்டாம் என்று கேட்கும்போது அந்த சுங்க அதிகாரி சில விஷயங்களை சொல்ல அந்த கலிங்க பீமனுக்கு அவ்வளவு துணிச்சலா என்று உரக்கச் சொல்லி விடுகிறார். அது கலிங்க சுங்கச் சாவடி ஆகையால அங்கிருக்கும் கலிங்க வீரர்கள் வாளுடம் அவரை நெருங்குகிறார்கள் இப்போது இந்த பகுதி முடிவடைந்து தொடரும் போடப் படுகிறது.

இப்போது நம் மனதில் எழக்கூடிய கேள்விகள். பதில்கள்

1.யார் இந்த இளைய , கருநாகர பல்லவர்.? பொதுவாக கருநாக என்று பெயர் வைத்திருந்தால் சரித்திர கதைகளில் வில்லனாகத்தான் இருப்பார்.

2.அவர் ஏன் கலிங்க துறைமுகத்திற்கு வருகிறார்? அவர் வந்ததால்தான் இந்தக் கதை இந்த இடத்தில் துவங்கி இருக்கிறது.

3 சுங்க அதிகாரி ஏன் இளைய பல்லவரை ஓரம் கட்டுகிறார்? நடுநிசிவரை வீட்டில் மறைந்திருந்து இரவில் பயணம் செய்யச் சொல்ல காரணம் என்ன? இவரைப் பார்த்தால் கலிங்க தேசத் துரோகி போல் உள்ளது.

4. இளைய பல்லவருக்கு கோபம் வரும் அளவு அப்படி என்ன சொன்னார்? அது சில பாகங்களில் தெரிந்து விடக்கூடியது தான் என்றாலும் ஆவலாகத்தான் இருக்கிறது.

சிங்கப்பூரில் ரஜினி ( காணொளிகளுடன்)

2011-05-28T15:18:00.000+05:30

சிங்கப்பூருக்கு ஓய்வெடுப்பதற்காக சென்றிருக்கும் ரஜினிகாந்த நன்கு ஓய்வு எடுத்துக் கொண்டு பூரண நலத்துடன் தாயகம் திரும்பி ராணா, ஜீணா, நீனாம் கானா, இந்தன்னா, இத்தண்ணா என்று பல படங்களில் நடித்து மகிழ்ச்சியாக வாழுவதற்கு நம்மால் முடிந்த பிராத்தனைகளை செய்வோம்.

ஏற்கனவே ஒரு முறை ரஜினி உடல்நலம் இல்லாதபோதும் அவரது குருநாதர் கே.பாலசந்தரின் ஏற்பாட்டின்படி சிங்கப்பூர்தா அப்போது அங்கு படமாக்கப் பட்டதுதான் நினைத்தாலே இனிக்கும்.

இந்தப் படம் நாங்கள் குழந்தைகளாக இருக்கும்போதே வந்திருந்தாலும்கூட ஒரு சராசரி மாணவனாக கல்லூரியில் காலடி எடுத்த வைத்த காலத்தில் நம்மைப் போன்ற ஒரு ஜீவனாக தோன்றிய பாத்திரம்தான் இந்த காணொளியில் வரும் ரஜினி. நமக்கே இவ்வாறு தோன்றியதென்றால் அந்தக் கால கட்ட மாணவர்களுக்கு தங்களில் ஒருவராக ரஜினி தோன்றியிருப்பார். தங்களில் ஒருவராக முதல்மதிப்பெண் வாங்கிய மாணவரை தலைக்குமேல் தூக்கிக் கொண்டாடும் சகமாணவர்களாக அப்போது ரஜினியை நினைத்துப் பார்த்திருப்பார்கள்.

இந்த்க் குறிப்பிட்ட காட்சியில் துவக்கத்தில் ரஜினி காட்டும் அலட்சியம் பின்னா அவர் காட்டும் பதட்டம். அதையெல்லாம் விளக்கும் சக்தி நமக்கு இருப்பதாகவே தோன்றவில்லை.

ரஜினியின் கதாபாத்திரம் உருவாக்கமே ரஜினியை மனதில் வைத்து ரஜினிக்காக மட்டுமே செய்தது போல இருக்கும். கொஞ்சம் பிசகினாலும் என்னவோ போல ஆகிவிடும் கதாபாத்திரம் அது. ரஜினியின் நண்பர் வீட்டில் விடைபெரும்போதும், கமல் வீட்டில் கிளம்பும்போது நகைச்சுவை செய்யும்போது பரிசோதனை செய்யும்போதும் விமானத்திலும் நிதானமாக மீண்டும் மீண்டும் ரசிக்கலாம்.

<p>&amp;amp;amp;lt;p&amp;amp;amp;gt;&amp;amp;amp;amp;amp;amp;lt;br&amp;amp;amp;amp;amp;amp;gt;அ&amp;amp;amp;lt;/p&amp;amp;amp;gt;</p>மேடை நிகழ்ச்சிகளின்போது மாணவர்கள் பலரும் சேர்ந்துதான் அந்த கலைநிகழ்ச்சிகளை உருவாக்குவார்கள். நிகழ்ச்சியின் ஒட்டுமொத்த பேர் குறிப்பாக அன்று மட்டும் நிகழ்ச்சிகளை ரசிக்கும் நபர்கள் முன்னால் நிற்கும் மாணவனைத்தான் பாராட்டுவார்கள். கதை திரைக்கதை எழுதும் அதாவது ரூம்போட்டு யோசிக்கும் நபர்களுக்கு பாராட்டு மிக மெதுவாகத்தான் கிடைக்கும். அந்த உணர்வை ரஜினி இந்தப் பாடலின்போது அழகாக வெளிக்காட்டுவார். அது.................

முதன்முதலாக நகரத்திற்கு செல்லும் மாணவனுக்கும் இந்தப் படத்தில் வரும் ரஜினிக்கும் நிறைய ஒற்றுமைகள் உள்ளன.

இது ஒரு பக்தி பாட்டுன்னும் சொல்லலாம். ஒரு ஆட்டத்தில் ரிசர்வ் பிளேயர் எப்படி தனக்கு கொடுக்கப்படும் வாய்ப்பை நன்கு உபயோகப் படுத்திக்கொள்ளவேண்டும் என்பதாக இந்தக் கதாபாத்திரம் எனக்குப் படுகிறது.

முப்பது ஆண்டுகளுக்கு முன் சிங்கப்பூர் சென்ற ரஜினி நலமுடன் திரும்பியத்தைப் போல இம்முறையும் நல்லபடி திரும்பி வர அனைவரும் பிராத்தனை செய்வோம்

இளையராஜா ரசிகர்களுக்கு ஒரு சவால்

2011-05-27T23:15:00.003+05:30

நாட்டில் எல்லோரும் ரொம்ப சீரியஸா யோசனை பண்ணிட்டு இருக்காங்க. சீரியஸா அப்படிங்கறத தீவிரமான்னு எழுதலாமான்னு யோசித்து பார்த்தால் தப்பா அர்த்தம் வந்திருந்தும் நினைச்சால் ஒரு வேளை அதையே மக்கள் அதுதான் சரி என்று சொல்லி விடுவார்கள் என்று சீரியஸா என்றே எழுதி விட்டேன்.

கொஞ்சம் மென்மையாக ஏதாவது எழுதலாம் என்று நினைத்த போது சில மென்மையான பாடலகள் நினைவுக்கு வந்தன. அதில் ஒரு பாடல்தான் இது.

ஆனந்த தாகம்
உன் கூந்தல் பூக்கள் தீர்க்குமே
நாணம் தோற்குமே
அடிக்கடி
மலர்கொடி நேரம் பார்க்குமே
உரிமையில் என்மயில் ஆடும் முன்
ஆடும் முன்
உன்மழைக்காலம் போய்விடும்
ஆசைஆகிவிட நேர்ந்திடும்
நேருமோ....
ராத்திரி அலைகள் ஓயட்டும்
...
மூத்தவர் தலைகள் சாயட்டும்
..
தீபத்தின் விழிகள் மூடட்டும்
....
ஆடை கொடு
ஆளை விடு
தேகம் கொடு
போதும் விடு
தாகம் ஊருதே
......
( மௌனம்)

வலைக்கரம் ஒலிக்கையில் மானம் போகுதே
கன்னியின் மேனி வேர்க்குதே
ஏனம்மா
ஜன்னலின் கம்பி பார்க்குதே
அடராமா..,

பேசும் ஓசை இங்கு கேட்குதே கேட்குமோ
திரிகளை விரல்கள் தூண்டுதே தூண்டாதோ
அணைகளை வெள்ளம் தாண்டுதே
ஆசைநாகம் வந்து தீண்டுதே

நாணம் வந்து போகின்றது
தீயில் விஷம் சேர்கின்றது
கண்கள் மூடுதே
......(மௌனம்

அனைக்கையில் கவிக்குயில் ஊமை ஆனதே..

அதில் ஒரு பாடல்தான் இது. இந்தப் பாடல் என்ன ராகம் என்றெல்லாம் தெரியாது. ஆனால் இசைக் கோர்வைகள் தனித்தனியாக அசத்தும். அதைவிட பாடகர்கள் பாடுவதே மிக அழகாக வேறொருவரால் இப்படிக் கொண்டுவர முடியுமா என்பது போல நேர்த்தியாக வடிவமைத்திருப்பார்கள். படத்தின் பெய்ர் தெரியவில்லை. வா இந்தப் பக்கம், ஒரு ஊதாப் பூ கண் சிமிட்டுகிறது என்றெல்லாம் யூ ட்யூப் பக்கம் பேசி இருப்பார்கள். இந்தப் பாடல் பெரும்பாலானவர்களுக்கு புதிதாக் கேட்பதாகவே அமைந்திருக்கும்.

=======================================================================

எங்கெங்கோ செல்லும் என் எண்ணங்கள்
இங்கேதான் கண்டேன் பொன்வண்ணங்கள்
என் வாழ்க்கை வானில் , நிலாவே, நிலாவே

நான் காண்பதே உன் கோலமே அங்கும் இங்கும் எங்கும்
என் நெஞ்சிலே உன் எண்ணமே அன்றும் இன்றும் என்றும்

உள்ளத்தின் தீபம் உள்ளே என் ஜீவன் நீ நீ நீ

கல்லானவன் பூவாகிறேன் கண்ணேஏஏஏ உன்னைஐஐஐ எண்ணீஈஈஈ

எதற்காக வாழ்ந்தேன் உனக்காக வாழ்வேன் நான் நீ நாம்ம்ம்ம்

இந்தப் பாடல் பதின்ம வயதில் கேட்டு இருந்தாலும் சமீபத்தில்தான் பார்க்க நேர்ந்தது. கமல்ஹாசனை மனதில் நிறுத்தியே அசைப்போட்டு வந்த பாடல். கேட்ட்கும்போதெல்லாம் ஒரு உலுக்கு உலுக்கும். கதாநாயகி பாண்டியனின் போலீஸ் அக்காதான்.
இந்தப் பாடலை கேட்கும்போதே அலைகள் ஆர்ப்பரிப்பதும் உள்ளத்தில் புயல் அடிப்பதும் படக்காட்சியைப் பார்க்காமலேயே நமது உள்ளத்தில் தோன்றும். அதுவும் அந்த கடைசி வரிகள். மீண்டும் ஒரு முறை இளைஞனாக மாறி களவு காதலைச் செய்யலாமா என்று தோன்ற வைக்கும். பாடலைப் பார்க்கும்போது குறிப்பிட்டு சொல்ல வேண்டுமானால் 2.50க்கு பின் வரும் நடன அசைவுகள் க்க்க்கிரேட்.,

=======================================================================

வேண்டும் வேண்டும் உங்கள் உறவு,
வெண்பனி தென்றல் உள்ளவரையில்..,

தோன்றும் இளமை, தொடர்ந்திட வேண்டும்
தொடரும் மாலை வளர்ந்திட வேண்டும்..,

நான்கு இதழ்கள் கலந்திட வேண்டும்
நாளை என்பதே மறந்திட வேண்டும்

நெஞ்சில் நீயே நிறைந்திட வேண்டும்
நீண்ட இரவுகள் நான் பெற வேண்டும்

கொஞ்சும் மொழிகள் நீ சொல்ல வேண்டும்
கோடைமழையில் நான் நனைந்திட வேண்டும்

உனை நினைத்தே நான் வாழ்ந்திட வேண்டும்
ஒவ்வொரு பிறப்பிலும் இணைந்திட வேண்டும்

இந்தப் பாடல் சமீப கால அரசியலில் முதல் இரண்டு வரிகளுக்காக பாடப் பட்டு வந்த பாடல். சிவாஜி, ஸ்ரீபிரியா காதல் கோடிகளாக இந்தப் பாடலைப் பாடினாலும் கூட கதை தந்தை சிவாஜிக்கும், மகள் ஸ்ரீப்ரியாவுக்கும் இடையேயானது. தாயார் ஸ்ரீப்ரியா மகளை பெற்றவுடன் ஓய்வு பெற்றுவிடுவார். படம் முடியும் போது இதே பாடலை மகள் தந்தையைப் பார்த்து பாடுவார் என்றால் படத்தின் புரட்சியைப் புரிந்துதான் ஆக வேண்டும். இந்தப் படத்தோடு மூன்றாம் பிறை, மூன்று முகம் ஆகிய வெளியானதாக பேசிக் கொள்கிறார்கள்.

கடைசி வரியைப் பாடும்போது ஸ்ரீப்பிரியாவின் கண்களே தனிக் கவிதையாக ஒளிரும்.

டிஸ்கி:- இந்தப் பாடல்களில் இளையராஜாவின் பணி கலந்துள்ள பாடல்களை கேட்டதும் சொல்லுங்களேன்.

ஏமாந்திட்டீங்களே இளைய தளபதி

2011-05-15T21:59:00.002+05:30

ஒருவழியாக அப்படி இப்படி என்று ஒருமாத கால இடைவெளிக்குப் பின்னர் முடிவுகள் வந்து விட்டன. அதிமுக தலைவர் நான்காவது முறையாக ஆட்சி அமைக்கப் போகிறார். அவர்தான் ஆட்சி அமைப்பார் என்று பெரும்பான்மையான பதிவர்கள் வளைத்து வளைத்து பதிவிட்டுக் கொண்டிருந்தனர். இணைய அளவில் பலரும் பிரச்சாரங்களில் பின்னி எடுத்துக் கொண்டிருந்தனர். சற்றும் எதிர்பாராத வகையில் அவர் வென்று நான்காவது முறையாக முதல்வராகப் போகும் வேளையில் அவர்ருக்கு ஆதரவாக இடுகைகள் இட்டுக் கொண்டிருந்த பதிவர்களே இது மாற்றத்திற்கான வாக்கு. திமுக ஆட்சியைப் பிடிக்காதவர்கள் வாக்கு என்று சொல்லிக் கொண்டு சுற்றுகிறார்கள். ஒரு கட்சி பிடிக்காத நிலையில் அடுத்த கட்சிக்கு வாக்களித்தாக வேண்டிய நிலையில் தள்ளப் பட்டதாக வலைப்பூக்களிலும் , முகநூல்களிலும் ட்விட்டர்களிலும் சொல்லிக் கொண்டு திரிகிறார்கள்.

பாருங்கள் இளைய தளபதி அவர்களே, பேசாமல் நீங்கள் ஒரு கட்சி ஆரம்பித்து இந்த தேர்தலில் பங்கெடுத்து இருக்கலாம். மாற்று அணி தேவை என்று நினைப்பவர்கள் உங்களுக்கு வாக்களித்து இருப்பார்கள். நீங்கள் தேர்தலில் நிற்காமல் பெரியார் வழியைப் பின்பற்றுவதாக சொல்லி கொண்டு இருக்கலாம். ஒரு வேளை தேசியக் கட்சியாக மாறினால் காந்தி வழி என்று கூட சொல்லிக் கொண்டு சுற்றலாம். உங்கள் தந்தையை முதல்வராக்கி ரசித்திருக்கலாம். உங்கள் தாயாரை ஐ.நா.சபையில் பாடவைத்து அழகுபார்த்திருக்கலாம்.

மாணவர்கள் சபை என்று ஒன்றை புதிதாக உருவாக்கி அதில் உங்கள் மகனை முதல்வராக்கி ரசித்திருக்கலாம்.

நம்நாட்டில் நடிகரைத்தான் ஏற்றுக் கொள்ளமாட்டார்கள். ஒரு தயாரிப்பாளரை, இயக்குநரை, ஒரு வசன்க்காரரை கண்டிப்பாக ஏற்றுக் கொண்டிருப்பார்கள். நீங்கள் தேர்தலில் நிற்காமல் இருக்கும் காரணத்தால் பதவியை விரும்பா பத்தரை மாற்றுத் தங்கள் என்ற பட்டத்தை அமெரிக்கா, இங்கிலாந்து , ஈராக் போன்ற எல்லா நாடுகளிலும் அவரவர் மொழியில் பெயர் வைத்து உங்களுக்கு கொடுக்க ஏற்பாடு செய்திருக்கலாம்.

இப்போது பாருங்கள் நமது பதிவர்களை மூன்றாவது அணி இல்லாத சூழலில் புலம்ப விட்டு விட்டீர்களே, 1996ல் ரஜினி எவ்வாறு தனக்கு கிடைத்த வாய்ப்பை கோட்டை விட்டாரோ அதே போல் நீங்களும் இந்த 2011ல் கோட்டை விட்டுவிட்டீர்கள் இளைய தளபதி அவர்களே.......,

ஒரு சந்தேகம்: கீழே வரும் முன்னோட்டத்தில் 0.50ல் சந்தானம் பேசும் வசனம் விஜய்க்கு தெரிந்து வைத்ததுதானா?

விஜய் எதிரிகளை பழிவாங்கி விட்டதாக சந்தானம் சொன்னவுடன் விஜய் எவ்வளவு மகிழ்ச்சியாக சிரிக்கிறார். அதே போல் தாங்கள் ஆதரித்த கட்சி ஜெயித்த போது கூட அதை மகிழ்ச்சியாக் கொண்டாடாமல் வேறு வழியில்லாமல் ஆதரித்தோம் என்று சொல்லிக் கொண்டு சுற்றுவது எந்த வகை என்று தெரியவில்லை. இத்தனைக்கும் திமுகவுக்கு ஆதரவாக இருப்பவர்கள் கூட புதிய ஆட்சிக்கு வாழ்த்து சொல்லிவிட்டார்கள்.

தமிழகம் முழுவதும் நாங்கள் எடுத்த எக்ஸிட்போல் கருத்துக் கணிப்புகள்

2011-05-11T06:48:00.000+05:30

இந்த தேர்தலில் வாக்களிப்பதற்கு பிந்தைய கருத்துக் கணிப்பு நடத்த நாங்கள் எங்கள் நண்பர்களுடன் சேர்ந்து முடிவு செய்தோம். நண்பர்கள் மற்றும் தெரிந்தவர்கள் எல்லாம் பார்த்தால் ஏறக்குறைய தமிழ்நாடு முழுவதற்கும் ஆள் இருந்தது. கேள்விகளைத் தயார் செய்து வைத்தோம்.

1.இது வரை இருந்த முதல்வர்களில் நன்றாக செயல்பட்டவர் யார்? இந்த தேர்தலில் யார் முதல்வராக வர ஆசைப் படுகிறீர்கள்?

2.புதிய சட்ட சபையில் அதிமுக எத்த்னை இடங்களைப் பிடிக்கும்? திமுக எத்தனை இடங்களைப் பிடிக்கும் என்று நீங்கள் நினைக்கிறீர்கள்? மற்ற அணிகளுக்கு எவ்வளவு?

3 கடந்த ஐந்து ஆண்டுகளில் மக்களின் வாழ்க்கைத்தரம் இந்திய அளவை ஒப்பு நோக்க அதிகரித்திருக்கிறதா? குறைந்திருக்கிறதா?

4.விலைவாசி அதிகரிப்பு இந்திய அளவைவிட் குறைந்திருக்கிறதா? அதிகரித்திருக்கிறதா?

5. தொலைக்காட்சி, ஸ்டவ், கிரைண்டர் பிரச்சாரம் எடுபடுமா?

6.ஊழல் ஒரு பிரச்சனையாக இருக்குமா?

7.அரசியல் தலைவர்கள் தங்கள் தவறுகளைத் திருத்திக் கொள்வார்கள் என்று நம்புகிறீர்களா?

8.வடிவேலுவின் பிரச்சாரம் எடுபடுமா? வடிவேலு அடுத்த கருப்பு எம்.ஜி.ஆர் ஆக மாறி திமுக வெற்றிக்கு உதவுவாரா?

9.மின்வெட்டு தேர்தல் பிரச்சனையா?

10.இந்திய அரசியலில் தமிழ்நாட்டு தேர்தல் முடிவுகள் எதிரொலிக்குமா?

இப்படியெல்லாம் கேள்விகளை வைத்துக் கொண்டு மூத்த நண்பர் ஒருவரிடம் கேள்வித்தாள் பற்றி கருத்துக் கேட்டோம். அவரும் சில விஷய்ங்களைப் பேசி விட்டு, யார் யாரிடம் எல்லாம் கொடுத்து கேட்கப் போகிறீர்கள் என்று கேட்டார். நாங்களும் பெரும்பாலான நண்பர்கள் பெயர் மற்றும் அவரது நண்பர்கள் என்று 150-200 பெயர்களைச் சொன்னோம்.

இது போன்ற வாக்கெடுப்பு ஏற்றவகையில் பலதரப் பட்ட வேளை செய்பவர்கள். பல ஊர்களில் குடியிருப்பவர்கள், பல்வேறு அரசியல் கட்சிக்கு ஆதரவு அளிப்பவர்கள் என்று பரவலாக இருப்பதையும் சொன்னோம்.

அவர் உடனே சில கேள்விகளில் சில மாற்றங்கள் சொன்னார்.

முதல் கேள்விக்கு சச்சின் பெயரை சேர்த்துக் கொள்

இரண்டாவது கேள்விக்கு இந்திய கிரிக்கெட் அணியை சேர்த்துக்கொள்

மூன்று நான்காவது கேள்விக்கு கேள்வி புரிகிறதா இல்லையா என்று ஒரு வாய்ப்பினைக் கொடு

என்பது மாதிரி வரிசையாகச் சொன்னார். எனக்கென்னவோ கேள்வித்தாளில், சச்சின் பெயரைச் சேர்த்தால் அவர்தான் முதலிடம் வருவார் என்று தோன்றியது. இது போன்று அவர் சொன்ன மாற்றங்களில் மொத்தமாக குழம்பி நின்றதும் அவரே சொன்னார். உங்க லிஸ்ட் பாருங்கப்பா, அவங்களெல்லாம் என்ன சொல்லுவாங்கன்னு நீங்க யோசித்து சில எண்களைப் போட்டு கருத்துக் கணிப்பு வெளியிட்டு விடு அவ்வளவுதான் விஷயம். இதுக்கு போய் பக்கம் பக்கமா அச்சிட்டு அதை விநியோகித்து, அதை தபாலில் திரும்பப் பெற்று, அதை தொகுத்து.., அதற்குள் உண்மையான முடிவுகளே வந்து விடும் என்று சொல்லி விட்டார்.

சூப்பர் ஸ்டார் s/o பொன்னி

2011-05-10T22:45:00.001+05:30

இந்தக் கதை ஒரு சரித்திரக் கதைதான் கி.பி.26ம் நூற்றாண்டில் நடப்பதாக சித்தரிக்கப் பட்டுள்ளது. இதன் முதல் பாகத்திற்கு இந்தச் சுட்டியைத் தட்டுங்கள்.

ஜேம்ஸ் வாண்டி கைது செய்யப் பட்டதும் அதிர்ச்சி அடைந்தான். இந்தியாவிற்குள் நுழையும்போதே இப்படி ஆகவேண்டுமா? அதுவும் தனது தலைவன் ப்ளாக்பூட் ராஜா கொடுத்த வேளையை முடிக்கும் முன்பே இப்படி கைது செய்யப் படுவதா? இது தனது வீரத்திற்கு இழுக்கல்லவா? பேசாமல் தனது நண்பன் அபிஷேக் மாறனின் பெயரைச் சொல்லித் தப்பி விடலாமா? அவனது எண்ணத்தில் முதலில் தான் அபிஷேக் மாறனின் நண்பனாக உள்ளே நுழைந்து சிரிது இலைப்பாறி விட்டு பின்னர் சென்னையை நோக்கிச் செல்வது என்றுதான் திட்டம் இருந்தது,

ஜேம்ஸ் வாண்டியைக் கைது செய்த வீரர்கள் நேரடியாக மும்பை நக்ரின் தலைவரான ஷாம்ப்பூ சென்ங்கர் முன்பாக நிறுத்தினர். வாண்டி எப்படி என்ன சொல்லலாம் என்று குழம்பிக்கொண்டு இருந்த போதே இடி இடியென சத்தத்துடன் ஒருவர் வ்ந்து கொண்டிருந்தார். அது ஏதோ எண்ணைப் போடாத புராதாண காலத்து கதவாகத்தான் இருக்க வேண்டும் என்று நினைத்தபோது அது ஒரு தனிநபரின் சிரிப்பாகவும் அந்த நபரின் முகத்தில் முக்கால்வாசி மீசையால் மறைக்கப் பட்டிருந்ததையும் கண்டான். அவனுக்கு பின்னால் ஒரு இளைஞன் ஓடுவருவதுபோல் நடந்து வந்து கொண்டிருந்தான். அவன் வாண்டிக்குத் தெரிந்தவந்தான். அவன் நமது அபிஷேக் மாறன் தான். அபிஷேக் மாறனே 6 அடி உயரம் இருப்பான். ஆனால் அவனே ஒரு சிறுவன் போல் காட்சி அளிக்கும் படி இருந்ததென்றால் அந்த மீசைக்காரரின் தோற்றத்தை நீங்களே கற்பனை செய்து கொள்ளுங்கள்.

அப்பா, விடுங்கள் இவனை, இவன் எனது நண்பன் ஜேம்ஸ் வாண்டி. ஐரிஷ் நாட்டு யூத்து,

இப்போது அந்தப் பெரியவரும், மும்பைத் தலைவரும் ஒருவரை ஒருவர் பார்த்துக் கொண்டனர்.

நானும் இவனும் ஒன்றாகப் படித்தோம். ஐரிஷ் நாட்டின் ஒரு காலத்தில் இவனது பெற்றோர் முக்கிய அரசியல் கட்சியை சொந்தமாக வைத்திருந்தனர். பின்னர் ஜனநாயகம் தலைத்தோங்க இப்போது தேசம் விட்டு தேசம் வந்து விட்டான்.   மிகச் சிறந்த வீரன். கணிணியை கண் அசைவிலேயே இயக்குவான் என்று சொல்லிக் கொண்டிருந்தபோதே   ஷாம்ப்பூ சென்ங்கர் அவன் கண்கள் போன திசையைக் கண்டு அதிர்ந்தார். அவன் கண் போன திசை யில் இருந்த மாடத்தில் இளவரசி கரினா காற்றுவாங்கிக் கொண்டிருந்தார்.   இருந்தாலும் ஏற்கனவே அபிஷேக் மாறன், கரினாவை எனது நண்பனுக்குத்தான் மணம் முடிக்க வேண்டும் என்று சொன்னது நினைவுக்கு வர ஜேம்ஸ் வாண்டி மேல் ஆத்திரமும், அதே நேரத்தில் அபிஷேக் கின் கணக்கு தப்பாது என்ற எண்ணமும் மேலோங்கி இருந்ததால்   ஒரு இனம் புரியாத உணர்வு ஷாம்ப்பூ சென்ங்கருக்கு ஏற்பட்டது,

அபிஷேக் மாறனே ஜேம்ஸ் வாண்டியை அழைத்துச் சென்று அந்த மா....பெரும் மனிதரிடம் அறிமுகப் படுத்திவைத்தான். மாமா இவந்தான் ஜேம்ஸ் வாண்டி,   நாங்கள் படிக்கும் காலத்திலேயே இவன் உங்கள் ரசிகன். இவனது மடிக் கணிணியின் வால்பேப்பரே உங்கள் படம் தான் வைத்திருப்பான். உங்களை சந்திக்க வேண்டுமென்பது இவனது நீண்ட கால ஆசை. எதிர் பாராத விதமாக அவன் இங்கு வரும் போதே நீங்களும் இங்கு இருக்கிறீர்கள் என்றான்.

அப்படியானால் இவர்....... இழுத்தான் வாண்டி

இவர்தான் நமது கல்லூரிக்கால நாயகன் பெரிய மீசைக் காரர். பல என்கவுண்டர்களை எளிமையாகப் போட்டவர். ஹெலிகாப்டர் ஷாட் மூலமாக அந்திய தேசங்களிலும் புகுந்து என்கவுண்டர் போடுவதில் வல்லவர்.

தலைவா என்று கூவி விட்டான் ஜேம்ஸ் வாண்டி. அபிஷேக் மாறனின் புகழுரைகளிலும், ஜேம்ஸ் வாண்டியின் கூவுதலிலும் உச்சி குளிர்ந்த பெரிய மீசைக்காரர் தனது மின்னல் அடிக்கும் வெண் மீசையைத் தடவிக் கொண்டே    அபிஷேக் மாறா உன் நண்பனுக்கு அட்சயாவில் தங்க ஏற்பாடு செய்து விடு. அங்கே இருக்கும் உள்ளரங்கத்தில் இன்று 16ம் கீட் வின்ஸ்லெட்டின் கட்டை விரல் நடனம் இருக்கிறது. உன் நண்பன் மிகவும் மகிழ்வான். என்று சொல்லிக் கொண்டு அபிஷேக் மாறனின் தந்தையை அழைத்துக் கொண்டு சென்றார்.

எப்படியோ விடுதலை ஆகி விட்டோம் என்ற மகிழ்ச்சியில் இருந்தாலும் ஜேம்ஸ் வாண்டியின் மனதில் வரும் வழியில் பார்த்த அழகியின் அங்கங்களே நெளிந்து கொண்டிருந்தன. மேற்கத்திய பாணியில் புரட்சிப் பெண்கள் அணியும் வகையில் வளைவுகளையும் நெளிவுகளையும் சுளிவுகளையும் மேடுகளையும் பள்ளங்களையும் காட்டி ஆடை அணிந்திருந்த அந்த மங்கை வடக்கத்தி பெண்கள் போல் முக்காடு போட்டு முகத்தை மறைத்திருந்தாள். அந்த முகமூடியை கண்டுபிடித்தவன் மட்டும் இப்போது வாண்டியின் கையில் கையில் கிடைத்தால் கைமா செய்திருப்பான்.

இதே நேரத்தில் அபிஷேக் மாறன் எதேதோ பேசிக் கொண்டிருந்தான். வாண்டியும் ஊ ஊக் கொட்டிக் கொண்டே வந்தான். அவன் எண்ணமெல்லாம் அந்த அழகியைப் பற்றியே இருந்தது.    மாறனே ஒரு கட்டத்தில் என்ன சிந்தனை பலமாக இருக்கிறது என்று கேட்டபோது தடுமாறிப் போனான். இருந்தாலும் வழியில் தான் கண்ட அழகியைப் பற்றிச் சொன்னான். அந்த பெரிய வாகனத்தில் வந்த மங்கையைப் பற்றி சொன்னான். உடனே அபிஷேக் மாறனும் பெரிய சிந்தனை வசப் பட்டவனாக அந்த கதையை யாரிடம் சொல்ல.., கேட்பவர்கள் எல்லாம் கால்சட்டை கிழியும் அளவு சிரிக்கிறார்கள்.உள்ளாடை உரியும் அளவு சிரிக்கிறார்கள். அந்த மங்கை பெரிய மீசைக் காரரின் மனைவி, நார்வே பகுதிக்கு ஒரு என்கவுண்டருக்குப் போனபோது இந்த நாரீமணியைப் பிடித்து வந்திருக்கிறார்.

இதைச் சொன்னபோது வயசானாலும் உன் இளமை போகல என்றும், வாட் ஏ மேன் என்ற வசனத்திற்கும் ஒரு கமல் ரசிகர், ரஜினி ரசிகரை வம்புக்கிழுத்து சண்டை போட்டுக் கொண்டிருந்த நிகழ்ச்சி ஏனோ நினைவுக்கு வந்து தொலைத்தது. அவர்களின் ரசிகர்களின் சண்டைத்தான் ஐந்து நூற்றாண்டு கழித்தும் தொடர்கிறது என்றால் இந்த பெரிய மிசைக்காரரும் அதே பாணிக்குப் போகிறாரே என்று வியந்தான் ஜேம்ஸ் வாண்டி.

அந்த அழகியை அவர் போகும் இடங்களில் எல்லாம் தனி ரதம் கொண்டே அழைத்து செல்கிறார். ஆனால் அவளை யார் கண்ணிலும் அவளைக்காட்டுவதில்லை. நீ பார்த்திருப்பது உலக அதிசயங்களில் ஒன்று. இந்த நிகழ்ச்சியை இணைய வாக்கெடுப்பில் விட்டால் கள்ள ஓட்டுப் போடாமலேயே முதல் இடம் பிடிக்கும் என்றான்.

இளம் பெண்ணை மணந்த வயதாவனர்கள் கதை எல்லாம் இப்படித்தான் இருக்கும் போல.., என்று நினைத்துக் கொண்டே வந்த ஜேம்ஸ் வாண்டி பக்கத்தில் இருந்த இருக்கையில் அமர்ந்த வாரே தூங்க ஆரம்பித்தான். எழுப்ப நினைத்த அபிஷேக் மாறன் அப்படியே அவனை விட்டுவிட்டு மற்ற வேளைகளைப் பார்க்க ஆரம்பித்தான்.

நடு இரவில் கண்விளித்த ஜேம்ஸ் வாண்டிக்கு பசி வயிற்றைக் கிள்ள அந்த மாளிகையை ஒரு சுற்று சுற்றீ வர ஆரம்பித்தான். அங்கிருந்த ஒரு நீராதாரம் ஒன்றில் ஒரு கொஞ்சம் நீரும், காஃபியாதாரத்திலிருந்து ஒரு கோப்பை காஃப்பியும் பிடித்தான். தானியங்கி பீஸ்ஜா மூளையிலிருந்து ஒரு துண்டை எடுத்து சாப்பிட்டுக் கொண்ட அவன் ஓரிடத்தில் வந்து நின்றான். அங்கே அவன் கண்ட காட்சியில் அப்படியே சமைந்து போனான். இந்தியாவின் முக்கிய அரசிய்ல பிரமுகர்கள் பெரும்பான்மையோர் அங்கே குழுமியிருந்தனர். பார்த்தவுடனே யூகித்து விட்டான்.   இது ஏதோ அதிபயங்கர ஆலோசனைக் கூட்டமென்பதை...................,

தொடரும்...,

+2 வெற்றி, மாயை அல்லது பிரமை

2011-05-10T07:34:00.000+05:30

பனிரெண்டு முடித்தவர்களுக்கான தேர்வு முடிவு வந்து விட்டது, மதிப்பெண் தரவரிசை போட்டுக் கொண்டு இருக்கிறார்கள். முதல் இடம் பிடித்த மாணவர்களை தலையில் தூக்கிவைத்து ஆடிக் கொண்டிருக்கிறார்கள். ஊக்கப் படுத்துவது அவசியம்தான்,. அதற்காக கிரிக்கெட் அணிக்கு வரவேற்பு கொடுப்பதுப்போல விளம்பரம் அவசியம்தானா!

10ல் நல்ல மதிப்பெண் வாங்கி 12ல் தடுமாறிப் போனவர்கள் கதி என்ன?

12ல் நல்ல மதிப்பெண் எடுத்தவர்களில் பெரும்பாலோனோர் மருத்துவம் எடுக்கிறார்கள். ஒரு சிலர் மட்டுமே லட்சியமாக பொறியியல் எடுக்கிறார்கள். மற்றவர்கள் மருத்துவம் கிடைக்காததால் பொறியியல் எடுக்கிறார்கள். ஆனால் இந்த ஓட்டப் பந்தயத்தில் முன்னிலை பெற்றவர்கள் நிலை. படிப்பு முடிக்கவே ஆறு ஆண்டுகள். சற்று பின் தங்கியவர்கள் நான்கு ஆண்டுகளில் நல்ல வேலைக்குப் போய் விடுகிறார்கள். பலர் உலகம் சுற்றிக் கொண்டிருக்கிறார்கள். ஆனால் 6 ஆண்டுகளில் மருத்துவம் படித்தவர்களில் சில முண்ணனி கல்லூரிகளில் முதுகலை படிக்கவில்லை என்றால் எதிர்காலமே இல்லை என்ற அளவில் தன்னம்பிக்கையை வளர்த்துவைத்து மேலும் மேலும் போட்டித் தேர்வுகளுக்கு தயார் செய்வதிலேயே காலம் தள்ள வைக்கிறார்கள். சிலர் வெற்றி பெறுகிறார்கள்.

பொறியியல் சேர்ந்தவர்களில்கூட அனைவரும் லட்சக் கணக்கில் சம்பாதிக்கிறார்களா? என்றால் அதுவும் இல்லை. பலரும் தடுமாறிக் கொண்டிருக்கிறார்கள். சிலபல ஆண்டுகள் லட்சங்களில் புரண்டவர்கள் கூட அதன்பின் கல்லூரி ஆசிரியர்களாக சொற்ப சம்பளத்துக்கு திரும்பிக் கொண்டிருக்கிறார்கள்.

மருத்துவம், பொறியியல் கிடைக்காதவர்கள் அத்தோடு அழிந்து போய்விட்டார்களா? என்றால் அப்படி இல்லை. ஆசிரியர் பள்ளிகளில் சேர்ந்தவர்கள். அரசுப் பள்ளி, கல்லூரிகளின் பணிக்கான போட்டித் தேர்வுகளில் வென்று பணியில் சேர்ந்தவர்கள் மிகச் சிறிய வயதிலேயே மேற்கண்ட பிரிவு மாணவர்களைவிட அதிகமாக வெகுகாலம் சம்பாதிக்கும் நிலைக்கு வந்து இருக்கிறார்கள்.

பொறியியல், மருத்துவம், ஆசிரியர் பணி வாய்ப்புக்கள் கிடைக்காமல் கலை அறிவியல பட்டப் படிப்பு போய் பின்னர், நிர்வாகப் படிப்போ, இந்திய ஆட்சிப் பணிக்கோ போனவர்களும் அதிகம்.

இது எதற்கும் வழி இல்லாமல் போன அளவு மதிப்பெண் எடுத்தவர்களின் வாழ்க்கை அஸ்தமித்துவிட்டதா என்றால் அதுவும் கிடையாது. அவர்களும் தங்கள் பிழைப்பை நடத்திக்கொண்டுதான் இருக்கிறார்கள்.பலர் மிக நல்ல நிலையிலேயே இருக்கிறார்கள்.

என்னொடு ஒன்பதாம் வகுப்புப் படித்த நண்பர் ஒருவர், மூன்றுமுறை ஒன்பதாம் வகுப்பில் தோல்வி. நகரில் உள்ள முண்ணனி கடை ஒன்றில் அன்றாடக் கூலிக்கு வேலைக்குச் சேர்ந்தார். அவரிடம் எந்த சொத்தும் கிடையாது. முதலாளிக்கு விசுவாசமாக இருந்தார். சில ஆண்டுகள் கூலித் தொழியாளியாக காலந்தள்ளியவர் பின்னர் அங்கேயே ஓட்டுநராக மாறினார், யார் அவரது வண்டியில் ஏறினாலும் மிகவும் பணிவுடன் விருப்பத்திற்கேற்ப ஓட்டுவார். மணம் கோணாமல் பார்த்துக் கொள்வார். இன்று அவருக்குச் சொந்தமாக ஏழு வண்டிகள் உள்ளன. ஒவ்வொரு வண்டியும் வங்கிக் கடன் மூலம் வாங்கியது. சிபாரிசு மற்றும் கியாரண்டிக் கையெழுத்துக்கள் அவரது விசுவாதத்தின் மூலம் சம்பாதித்த மனிதர்கள் போட்டதுதான். கடனை வெகுவிரைவில் அடைத்துவிடுவார். இப்போது ஓட்டுநர்களும் இவரிடம் பணிக்கு உள்ளனர். இவர் இன்னும் பழைய முதலாளியிடம் மாதச் சம்பளத்தில்தான் பணிக்கு இருக்கிறார்.

மதிப்பெண்களாக குவித்து லட்சக் கணக்கில் சம்பாதிக்கும் வேலைக்குச் சென்றவர்கள் வென்றவர்களாக கருதமுடியுமா? என்றால் அதுவும் இல்லை. வாழ்க்கை என்று ஒன்று இருக்கிறது. சமுதாயக் கட்டமைப்பில் வாழும் நம்மால் நம் சந்ததிகளை உருப்படியாக உருவாக்கும் லடமை இருக்கிறது. இல்லையென்றால் அவர்கள் வெறும் உருப்படிக்களாக போய்விடும் ஆபத்தும் இருக்கிறது, அதில் தோல்வி கண்டால் அவர்கள் பெற்ற வெற்றிகளையெல்லாம் அவர்களின் குழந்தைகள் குழிதோண்டிப் புதைத்துவிடுவார்கள்.

அப்படியென்றால் என்ன செய்வது? வாழ்க்கையில் படிப்பு முக்கியமில்லையா? மதிப்பெண்கள் அவசியமில்லையா? முதல் மதிப்பெண்க்கள் பெற்றவர்களைப் பாராட்ட வேண்டாமா?

பாராட்டுங்கள். வெற்றி பெற்ற இந்திய கிரிக்கெட் அணியைப்போல பாராட்டு மழையில் மூழ்கடிக்கடித்துவிடாதீர்கள். அவர்கள் போக வெண்டிய பாதைகள் நிறைய உள்ளன. இந்த வெற்றியை அடித்தளமாக பயன்படுத்தி சாதிக்க வேண்டிய விஷய்ங்கள் நிறைய உள்ளன. அதில் கவனம் செலுத்த்ச் சொல்லுங்கள்.

தோல்வி அடைந்தவர்கள் ( இந்தப் பாராட்டுக் கொண்டாட்டங்கள் இரண்டாம், மூன்றாம் நிலைபெற்றவர்களை தோற்றவர்கள் போல சித்தரிக்கின்றன) மனம் வெம்பும் அளவிற்கு கொண்டாட்டங்கள் தேவையே இல்லை.

வாழ்க்கையில் ஒரு நிலை அவ்வளவுதான். ஒலிம்பிக்கில் தங்கப் பதக்கம் வாங்குவதுபோல . அதை மட்டும் வைத்துக் கொண்டு அடகுவைக்கக்கூட முடியாது.

சென்ற ஆண்டு போட்டதுதான். மீள்பதிவு

இந்த ஆண்டு பதினொன்று சேரும் மாணவர்களுக்கு..,

2011-05-09T13:50:00.005+05:30

இந்த ஆண்டு பனிரெண்டாம் வகுப்பு தேர்வு முடிவுகள் வந்துவிட்டன.   இன்னும் சில நாட்களுக்கு மாறி மாறி வாழ்த்துக்களும் பேட்டிகளும் வந்து கொண்டே இருக்கும்.    ஒவ்வொரு பள்ளியிலும் எம் மாணவர்களும் இத்தனை பேர் 1100+ , இத்தனை பேர் 1150+ , இத்தனை பேர் 1200+ என்றெல்லாம் மாறி மாறி விளம்பரம் கொடுப்பார்கள்.

அந்த விளம்பரங்கள் இப்போது வருவதைவிட 10ம் வகுப்பு முடிவுகள் வந்த பின்பு இன்னும் அதிகமாக இருக்கும். இந்த -------+ விளம்பரம் போடும் பள்ளிகள் எல்லாம் பெரும்பாலும் 475க்கும் மேல் மதிப்பெண் எடுக்கும் மாணவர்களை மட்டுமே சேர்க்கும் பள்ளிகளாக இருக்கும்.   முடிந்தால் இன்று வெளியாகியுள்ள + 2 தேர்வுகளில் ஒவ்வொரு தனித் தனி மாணவனும் +2ல் எடுத்த மதிப்பெண் சதவீதம் எவ்வளவு அதே மாணவன் பத்தாம் வகுப்பில் எடுத்த மதிப்பெண் சதவீதம் எவ்வளவு என்பது பற்றி ஒரு ஒப்புமை பாருங்களேன். பெரும்பாலான பள்ளிகள் இதில் தோல்வியே அடைகின்றன.

பல 95 சதவிகிதத்திற்கும் மேற்பட்டு மதிப்பெண் வாங்கியவர்கள் 90-95ல் வந்து நிற்கிறார்கள். பல 90 % + மாணவர்கள் 90க்கும் கீழே போகிறார்கள். இவ்வாறு பெரும்பாலான மாணவர்களின் மதிப்பெண் சதவிகிதத்தை இரண்டு ஆண்டுகளில் குறைத்திருக்கும் பள்ளிகளில் பல மாணவர்கள் 1150க்கும் மேல் வாங்கியிருந்தால் அது அந்த மாணவர்களால் வாங்கப் பட்டதா? அந்த பள்ளி கொடுத்த பயிற்சியினால் வாங்கப் பட்டதா?

எனவே மாணவர்களே, மாணவர்களின் பெற்றோரே இந்த ஆண்டு பனிரெண்டாம் வகுப்பு தேர்வு முடிவுகளை இந்த கோணத்திலும் ஒரு முறை ஆய்வு செய்து பின்னர் பள்ளியை முடிவு செய்யலாமே? மாணவர்களின் ஆளுமைத் திறன், போராடும் தன்மை போன்ற பல விஷயங்கள் முக்கியாக இருந்தாலும் தேர்வில் பெரும் மதிப்பெண்கள் தலையாய இடம் பிடித்து நிற்கின்றன. நமக்குத் தேவை சிறந்த பயிற்சி அளித்து உயர்வடையச் செய்யும் பள்ளிகளே.   சிறந்த மாணவர்களை மட்டுமே சேர்த்துக் கொண்டு அவர்களின் சிறப்பான உழைப்பால் தாங்கள் பெயர் வாங்கிக் கொண்டு நிற்கும் பள்ளிகள் அல்ல

பின் குறிப்பு:- இவ்வாறு மதிப்பெண் வாங்கியிருப்பதாக விளம்பரம் செய்யும் பள்ளிகள் அந்த மாணவர்களின் 10 வகுப்பு மதிப்பெண்களை தெரிந்து கொள்ள வாய்ப்பு இருந்தால் சொல்லுங்களேன்.

பின்குறிப்பு 2: இணைய்ம மூலம் அதை தெரிந்து கொள்ள ஏதாவது வழி இருக்கிறதா?

பின்குறிப்பு3:- உங்களுக்கு தெரிந்து இவ்வாறு மதிப்பெண் சதவிகிதம் குறைந்த மாணவர்கள் அதிகமா? அதிகரித்த மாணவர்கள் அதிகமா?

ஜோதிகா கார்த்தி நிச்சயதார்த்ததிற்கு ஏன் வரவில்லை?

2011-05-06T22:09:00.002+05:30

சிவக்குமார் தனது மகனுக்கு தனது விருப்பப்படி தானே தனது சுற்றமும் நட்பும் சூழ முன்னின்று ஒரு பெண்ணைப் பார்த்து நிச்சயம் செய்து இருக்கிறார்.

கொடுமுடிக்கு அருகிலுள்ள ஒரு கிராமத்தில் நிச்சயம் நடந்ததாக செய்திகளும் படங்களும் வந்துள்ளன. சூர்யாவும் இருந்திருக்கிறார்.

ஆனால் ஜோதிகாவும், அவர்களது குழந்தையும் காணவில்லை.

வழக்க்மாக சிவகுமார் வீட்டுப் பெண்களின் மேல் காமிரா விழாமல் பார்த்துக் கொள்வது போல இந்த நிகழ்ச்சியிலும் ஜோவும், குழந்தையும் படங்கள் வெளிவராமல் பார்த்துக் கொண்டனரா?

இல்லை ஜோவுக்கு இது போன்ற விழாக்களில் கலந்து கொள்ளும் உரிமை மறுக்கப் படுகிறதா?

அவ்வாறு மறுக்கப் பட்டால் அதற்கு அவர் காதல் திருமணம் செய்து கொண்டது காரணமா?

கொடிசீயா- கோவையில் நடக்கும் திருமணத்திற்காவது ஜோ வருவாரா?

குடும்பத்தின் மூத்த மருமகளுக்கு அவருக்கு உரிய மரியாதை கிடைக்குமா?

=========================================================================

இவ்வளவு தூரம் வந்தாச்சு அப்படியே
பாபா s/o பொன்னி படிச்சு கருத்து சொல்லிட்டு போங்க

பாபா s/o பொன்னி

2011-05-06T05:56:00.001+05:30

இந்த கதை கிபி 26ஆம் நூற்றாண்டில் நடைபெறுவதாக வடிவமைக்கப் பட்டுள்ளது. இந்த கதை எழுத தமிழில் நான்படித்த சில பல நாவல்கள் தூண்டுகோளாக இருந்துள்ளன. அந்த சில பல நாவலக்ளை திரைப்படம் எடுப்பதற்காக திரைக்கதை அமைப்பதற்காக மிகவும் சிரமப் படுவதாக செய்திகள் உலாவருகின்றன. கி.பி26ஆம் நூற்றாண்டில் உலகளாவிய நிலையில் அப்போதைய திரையுலகின் உபயோகப் படுத்திக் கொள்ளும் வகையில் பரம்பரை பரம்ப்ரையாக நாம் கேட்டு ரசித்த படித்த ரசித்த சிலபல கதைகளை கி.பி.26ஆம் நூற்றாண்டிற்கேற்ப எழுதியுள்ளேன்.   இதில் வாசகர்கள் சொல்லும் சிலமாற்றங்களையும் செய்ய நான் தயாராக இருப்பதால் வாசகரக்ளின் எண்ணங்கள் வரவேற்கப் படுகின்றன.

அரபிக்கடல் ஆர்ப்பரித்துக் கொண்டிருந்தது. தனது பறக்கும் குதிரையில் ஜேம்ஸ் வாண்டி வந்து கொண்டு இருந்தான். பறக்கும் குதிரை என்பது 25ம்நூற்றாண்டில் கண்டறியப் பட்ட ஒரு புதுமையான வாகனம். இருவர் பயணம் செய்யக்கூடிய நீர் நிலம், காற்றில் பறக்கும் வண்ணம் வடிவமைக்கப் பட்ட ஒரு வாகணம்.   இன்னும்கூட முழுமைப் படுத்தப் பட வேண்டும் என்று வாண்டி நினைத்துக் கொண்டே வந்தான். அவன் வரலாற்றுப் புத்தகங்களில் படித்திருக்கிறான். சில நூறு ஆண்டுகளுக்கு முன்புவரை அரபிக் க்டல்முழுவதும் நீரால் நிறைந்திருக்குமாம். எப்போதும் ஆர்ப்பரிக்கும் அலைகளாக ஆங்காங்கா கோவா போன்ற கடற்கரை மக்களிடம் விளையாடிக்கொண்டிருக்குமாம். 23ம்நூற்றாண்டின் மத்தியில் உலகில் உணவுப் புரட்சி ஏற்பட்ட பிறகு உலகநாடுகளின் உணவு மையமாக இந்தியா உருவெடுத்தது. உலகில் அனைத்துப் பகுதிகளுக்கும் இந்தியாவிலிருந்துதான் உணவு அனுப்பப் படும் நிலையில் உலக நாடுகள் அனைத்தும் இந்தியா சொல்லும் வார்த்தைகளை தட்ட முடியாத நிலை இப்போது இருக்கிறதென்றால் அது அந்த உணவுப் புரட்சியையே சாரும். மக்கள் வாழும் இடங்களில் விவசாயத்திற்கு ஏற்ற பகுதிகள் எல்லாம் விவசாய பூமியாக மாற்றப் பட்டு அவர்களுக்கு குடியிருப்புக்கள் கடலில் அமைக்கப் பட்டன. இந்தியா தேசம் செய்த இந்த இயற்கை ஆக்ரமிப்புக்களை உலக நாடுகள் தட்டிக் கேட்க முடியாமல் போனது. உலக ஒற்றுமை சபைகூட இந்தியாவின் கைப் பாவையாக மாறிப் போனதாலும் உணவுக்காக இந்தியாவிடம் கைகட்டி நிற்க வேண்டிய நிலை இருந்ததாலும் இந்தியா இதை மிகச் சுலபமாக செய்து கொண்டிருந்தது.

தனது பயணம் இந்திய அரசியலில் எவ்வளவு முக்கியப் பங்கு வகிக்கப்போகிறது என்பது ஜேம்ஸ் வாண்டி க்கு தெரிந்துதான் இருந்தது. ஆனால் அவனையும் மீறி எவ்வளவு சிக்கல்கள் வரப் போகின்றன. அதுவும் தன்னால் உருவாக்கப் படும் முடிச்சுக்கள், தான் சந்திக்கப் போகும் பிரச்சனைகள் என்பவை அவனுக்கு தெரிந்திருக்க நியாமில்லை.    அவனது ஆளுநர் ப்ளாக்பூட் ராஜா அவனுக்கு கொடுத்த வேளையை நினைத்துப் பார்த்தான். அவனிடம் இரண்டு சிப் களைக் கொடுத்து அதை ப்ளாக்பூட் ராஜா தனது தந்தையிடமும், சகோதரியிடமும் கொடுக்குமாறு சொல்லியிருந்தார். ஆனால் ஒருவருக்கு கொடுப்பது இன்னொருவருக்குத் தெரியாகக்கூடாது என்பதில் கவனமாக இருக்குமாறு சொல்லி அனுப்பி இருந்தார். எப்படி சென்னை அரண்மனைக்குள் நுழைவது என்பதே ஒரு கேள்வி என்றாலும். அவரது சகோதரி பாண்டிச்சேரியில் தங்கி இருந்தார். சென்னையில் வேலைமுடித்துவிட்டு பாண்டிச்சேரி செல்வதுதான் அவனது வேளை.

மும்பை நகருக்குள் நுழையும் முன்பே அவன் சுதாரித்துக் கொண்டுதான் இருந்தான். நகரிலும் நகருக்கு வெளியேயும் மாணவர்களும் இளைஞர்களும் ட்விட்டரிலும், ஃபேஸ் புக்கிலும் தங்கள் அலைபேசி மூலமாக உலவிக் கொண்டே இருந்தார்கள். தாங்கள் பார்க்கும் நிகழ்வுகள், புதிய மனிதர்கள் ஆகியவற்றை அவர்கள் தங்கள் நண்பர்களிடம் பகிர்ந்து கொண்டே இருந்தார்கள் . உளவுத் துறைக்கு உதவிகரமாக இருந்ததால் பொது சுதந்திரம் என்ற பெயரில் அரசும் இதை ஆதரித்து வந்தது. யாராவது ஒரு இளைஞன் தன்னையோ , தனது வாகனத்தையோ அந்தத் தளங்களில் போட்டு காமெடி ஃபீஸ் ஆக்கிவிட்டால் தனது ஆளுநரின் கோபத்துக்கு ஆளாக வேண்டும் என்பதை ஜேம்ஸ் வாண்டி அறிந்தே இருந்தான். ப்ளாக்பூட் ராஜா சுவிட்ஜர்லாந்தில் கவுரவ ஆளுநராக இருந்தாலும் அவர் இந்திய மன்னரின் மூத்த மகன் ஆவார். ஐரோப்பிய நாடுகளை கண்காணிக்கவும், ப்ளாக்பூட் ராஜாவின் தாத்தா அங்கே இருந்ததாலும் அங்கே அனுப்பி இருந்தார்.    இதையெல்லாம் விட இன்னொரு நிகழ்வும் இருந்தது. தாய்லாந்து நாட்டுடன் ஏற்பட்ட போரில் அன்னாட்டையே அழித்து அன்னாட்டின் மன்னனின் தலையை சாலையில் எட்டி உதைத்து தனது கோபத்தைக் காட்டியவர் அவர்.

இன்று தனது தந்தை கூட்டணிக் கட்சித் தலைவர்களின் கைப்பாவையாக இருப்பதாக தகவல் கிடைத்ததால்தான் தனது நம்பிக்கைக்கு உரிய ஒற்றனாக ஜேம்ஸ் வாண்டியை அனுப்பி இருந்தார்.

மும்பை நகரில் நுழையும்பொதே ஜேம்ஸ் வாண்டி அவனது நண்பன் அபிஷேக் மாறன் அங்கே இருப்பதால் அவன் வீட்டிற்கு சென்று சற்று இளைப்பாறிவிட்டு செல்லலாம் என்று நினைத்தான். தவிர இந்திய அரசியல் நிலவரங்களை அவனிடம் தெரிந்து கொண்டால் தனது பயணத்திற்கு மிகவும் உதவியாக இருக்கும் என்று நினைத்தான்.

வழியில் இரண்டு மனிதர்கள் ரஜினி பெரியவரா, கமல் பெரியவரா என்பது பற்றி விவாதம் செய்து கொண்டிருந்தனர். ரஜினி, கமல் இருவரும் 20ம்நூற்றாண்டின் பிற்பகுதியில் தோன்றிய இரு பெரும் நடிகர்கள். அவர்களின் பெயர் 5 நூற்றாண்டுகள் கழித்தும் ரசிகர்களால் பேசப் பட்டு வருகிறது என்றால் அதற்கு இவ்வாறாக சண்டை போடும் ரசிகர்களும், உணவுப் புரட்சியால் சென்னை நகரில் நடப்பவை உலகம் முழுவதும் எதிரொலிப்பதுமே காரணமாக இருந்தது.

அபிஷேக் மாறனின் அரண்மனைக்கு ரகசியமாக செல்லலாமா? அல்லது நேர் வழியிலேயே உள்ளே நுழையலாமா என்பதைப் பற்றி யோசித்துக் கொண்டிருந்த போதே ஒரு அதி நவீன ரதம் ( தமிழின் தாக்கம் உலகம் முழுவதும் இருந்ததால் கார் என்பதை ரதம் என்றே பெரும்பாலான நாடுகளில் அழைத்து வந்தனர்).   அதில் உள்ளவர்கள் யார் என்பதே வெளியே தெரியாத வகையில் வடிவமைக்கப் பட்டுந்தாலும் அதன் கதவை சற்றே திறந்து மூடிய கணநேரத்தில் உள்ளே அமர்ந்திருந்த பெண்ணைப் பார்த்து பிரமித்து போனான். அழகு என்றால்...............

அதற்குமேல் அவனால் சிந்திக்கமுடியவில்லை. மேற்கத்திய பாணி கலந்த வட இந்திய முறையில் உடை அனிந்திருந்தார். அதாவத் முகத்தினை திரையிட்டு இருந்த அவர் உடலின் பல பாகங்களையும் வெட்டவெளிச்சமாக காட்டிக் கொண்டிருந்தார். ஒரு இந்தியப் பெண்ணின் அழகைப் பருகுவது வாண்டிக்கு அதுவே முதல் முறை. சில நிமிடங்களில் அவன் தன்னிலைக்கு வந்தவுடன் அந்த வாகனம் யாருடையது? அதில் உள்ளவர்கள் யார் என்பதையெல்லாம் தனது தகவல் தளத்திலிருந்து பெற்றுக் கொண்டான். அந்த ரதம் மாமன்னரின் பிரதம தளபதியுடையது என்றும் அதில் உள்ள பெண்மணி அவரது இளம் மனைவி என்பதையும் அறிந்து கொண்டான். மேலும் தகவல்களை விசாரிக்க எத்தனிக்கையில் அபிஷேக் மாறனின் படைவீரர்கள் அவனைக் கைது செய்து அபிஷேக் மாறனின் தந்தையிடம் அழைத்துச் சென்றனர்.

தொடரும்

தாடிக்குப் பின்னால் இரண்டு பெண்கள் (இருபத்தைந்தாம் பாகம்)

2011-05-05T16:18:00.000+05:30

சுமித்ராவின் ஊருக்குள் நுழையும்போது எங்களுக்கும் கொஞ்சம் பயமாகத்தான் இருந்தது. பெண் விஷயம் அதுவும் ஆள் கடத்தல், அரிவாள் கல்யாணம் என்றெல்லாம் கொஞ்சம் குடல் நடுங்கித்தான் போய் இருந்தது, இருந்தாலும் சுமன் உடன் வந்ததால் எங்களுக்குப் பயம் இல்லாமல் ஊருக்குள் நுழைந்தோம்.

வழியிலே சுமத்ராவின் தந்தையை பார்த்தோம். தீஃபக் குமாரை மீட்பதற்காக எங்களுடன் வந்த தீஃபக்கின் நண்பர்கள் ஆடையுடன் சிறுநீர் கழித்து விடுவதைப் போல நடுநடுங்கி அமர்ந்திருந்தனர். சச்சின் தான் எதைப் பற்றியும் கவலைப் படாமல்

அன்கிள், சுமன் வீட்டுக்கு வந்தோம். உங்க தோட்டமும் இங்கதான் இருக்குன்னு சொன்னாங்க, அதுதான் அப்படியே உங்களையும் பார்த்துட்டு போலாம்னு வந்தோம்.

ஒன்னுமே நடக்காதுபோல சுமன் கூறியது அங்கிருந்த மற்றவர்களுக்கு கிளியைக் கொடுத்தது.

அவரும் மாணவர்களை வரவேற்றுப் பேசி இள்நீர் எல்லாம் போட்டுக் கொடுத்து உபசரித்தார்.

காணாமல் போன தீபக்கைப் பற்றி விசாரிக்குமாறு அவன் நண்பன்கள் கேட்டபோதும் அவனைப் பற்றி நேரடியாக விசாரிக்க தைரியம் இல்லாமல் இருந்தனர்.

அவரிடம் இருந்து விடை பெறும்நேரம் வந்த போது அவரும் தனது அறிவிப்பினை வெளியிட்டார். சுமித்ராவிற்கு தேர்வுகள் முடிந்த பிரகு திருமணம் செய்வதாக இருக்கிறோம்.

மாப்பிள்ளை.., இழுத்தோம்.

ம் அதெல்லாம் பார்த்து பலகாலம் ஆச்சுப்பா...., இவ படிப்ப முடிச்ச உடனே கல்யாணம் செய்ய வேண்டியதுதான். உங்களுக்குக் கூட தெரிஞ்சிருக்கும்ப்பா.. அவர்தங்கச்சி கூட உங்க கல்லூரில கொஞ்ச நாள் படிச்சா.., அப்புறம் அவங்க ஊர் பக்கமே இடம் மாற்றம் வாங்கிட்டு போய்ட்டா........

எங்களுக்கு ஒன்றும் நினைவில் இல்லை. (எங்களைப் போலவே நீங்களும் 2, 3, 4 ம் பாகங்களை படித்தால் நினைவிற்கு வரும்).

அப்போதும் கூட தீபக்கைப் பற்றி விசாரிக்க எங்களுக்கு தைரியம் வரவில்லை.

எல்லோரும் கிளம்பிய பின்னர் டேஞ்சர் டயபாலிக் அவரை அணுகி அன்கிள் காலேஜில கொஞ்சம் பிரச்சனை.

கேள்விப் பட்டேன்ப்பா.. சுமித்ராட்ட சொல்லியிருக்கறேன். இது அவளது தந்தையார்

முடிஞ்ச வரைக்கும் நீயே சமாளி, முடியலேண்ணா எங்கிட்ட சொல்லு.., அப்புறம் பாரு கதையைன்னு..,

நீங்களே கதைய முடிச்சிடுவீங்களா..., ஏனோ எங்கள் வாயை விட்டு வார்த்தைகள் வெளிவரவில்லை

அவ எம்பொண்ணுல்ல எந்த ஒரு பிரச்சனையும் அள்ளி முழுங்கிடுவா., மீசையை முறுக்கிக் கொண்டே அவர் சொன்னார்.

சுமித்ராவின் திமிருக்கு ஆணிவேரே இவர் மீசை முறுக்குவதில் இருக்கிறதா?

சுமித்ரா ஜடைய சுத்திக்கிட்டே பேசுறது கூட இவர் மீசை முறுக்கிக்கிடே பேசற மாதிரித்தானா?

அப்படி என்றால் தீ*பக் குமார் காணாமல் போனதற்கும் சுமத்ராவிற்கும் எந்த சம்பந்தமும் இல்லையா? திகிலுடன் வெளியேறி விடுதி வந்து சேர்ந்தோம்.

பின்னர் விசாரித்ததில் தீபக் குமார் அவர் பெயருக்கு ஏற்ப ஒரு தோழியுடன் ஊட்டி சென்று விட்டார் என்பதும் அவரது நண்பர்கள் அலப்பறை விட்டு இருந்ததனர் என்பதும் தெரிந்தது.

=======================================================

பின்னர் பயிற்சிக் காலத்தில் சுமத்ராவிற்கு திருமணம் நடைபெற்றது. சுமன் சிலநாட்கள் விடுப்பு எடுத்துக் கொண்டுவந்து மாப்பிள்ளை வீட்டாருக்கு கடும் ஒத்தாசை செய்து கொண்டிருந்தான். திருமண நாளன்று ஹ்ருத்திக் ரோஷன் நினைப்பில் லேசான தாடியுடன் திருமண மேடைக்கு எங்களோடு வந்தான்.

அப்போதுதான் சுமத்ராவின் கணவர் அவனைப் பார்த்து அந்தக் கேள்வி கேட்டார். எந்த கேள்வி என்பதை அறிய முதல் பாகத்திற்குச் செல்லுங்கள். அதனால் என்ன நடந்தது என்பதை அறிய அடுத்தடுத்த பாகங்களுக்குச் செல்லுங்கள்.

சுபம்

இந்தப் பாடலின் முதல் மூன்று வரிகள் எழுதிய பாடகர் யாரென்று கண்டுபிடியுங்களேன்

விஜயகாந்த், சிம்பு Vs ஒசாமா

2011-05-04T15:30:00.001+05:30

டிஸ்கி: இது முழுக்க முழுக்க நகைச்சுவைக்காக எழுதப் பட்டது. யார் மனதாவது புண்பட்டிருந்தால் பொறுத்துக் கொள்ளவும்.

பாகிஸ்தானில் நேரடியாக ராணுவ நடவடிக்கைகளில் இறங்கி அமெரிக்கா லேடன் மகன் ஒசாமாவை அழித்துவிட்டது. இதில் பாகிஸ்தானுக்கு தங்கியதும் தெரியாது. இவர்கள் அழித்ததும் தெரியாது என்ற நிலைப் பாடுகளை கடைபிடித்துவருகிறார்கள்.

அமெரிக்க தலைமையிடம் இப்போது ஊடக நண்பர்களால் பெரிதும் நோண்ட முடியாத காரணத்தால் அந்த படையில் இருந்த வீரர்கள் மற்றும் முக்கிய அதிகாரிகளிடம் நமது ஊடகங்கள் பேட்டி எடுக்கின்றன. அப்போது கீழ்கண்ட நபர்கள் அங்கிருந்தால் என்ன சொல்லி இருப்பார்கள்:-

ரஜினி காந்த்: - உண்மையில் என்ன நடந்ததுன்னா என்ன சுத்தி நிறைய ஊடக நண்பர்கள் இருந்தார்கள். அப்போது நான் கோப்பில் கையெழுத்து போடுவதுபோல படம் எடுக்க விரும்பினார்கள். அப்போது கைதவறி அந்த கோப்பில் கையெழுத்து விழுந்துவிட்டது. நான் எப்போதும் உலக நாடுகளின் இறையாண்மைக்கு ஆதரவாகவே செயல்பட்டு வருகிறேன் என்பது உங்கள் அனைவருக்கும் தெரியும்

கமல்ஹாசன்:- ஓ.கே. ஃப்ரண்ட்ஸ். இப்ப நடந்தது ஒத்திகைதான். திரும்பிக்கங்க நான் உண்மையான நடவடிக்கை எடுக்கணும். இது ஹைலி கான்ஃபிடன்ஷியல்.

விஜய்காந்த் :- என் கையால செத்தால் சொர்க்கம் நிச்சயம். அதுனாலத்தான் சாக வைச்சேன்.

அஜித் குமார்:- நல்ல காரியம் செய்யமுன்னு ஆசை இருந்தா போதும் செய்திடலாம். அதனால் நான் ராணுவத்தை இன்னொயோட கலைச்சிடறேன்.

விஜய்:- (மனசுக்குள்ளயே) ஐயோ அப்பா இப்ப என்ன பண்ண

தங்கபாலு: சதாம் ஹூசைன் கொல்லப் பட்டத்தை வன்மையாக கண்டிக்கிறேன்

டோனி:- ஒருவேளை இதில் நாங்க தோற்றுப் போயிருந்தால் ஏன் பாகிஸ்தான் போன? அவங்ககிட்ட ஏன் அனுமதி வாங்கல? அப்படின்னெல்லாம் கேள்வி வந்திருக்கும். ஆனா நல்லவேளை நாங்க ஜெயிச்சிட்டோம். அதிலயும் ஹெலிகாப்டர் ஷாட் ல ஜெயித்தது சந்தோஷமா இருக்கு.

யுவராஜ்சிங்:- நான் ஆரம்பத்திலேயே சொன்னேன்ல ஒரு முக்கியமான நபருக்காகத்தான்னு . அது எங்க அண்ணன் விஜயகாந்துக்குத்தான் சமர்ப்பணம். ஏன்னா அவர் படம் பார்த்துத்தான் நான் சண்டையே பழகினேன்.

சிலம்பரசன்:- என்ன வாழ்க்கைடா இது? செத்தவன்கூட இருந்தது அவன் மனைவி இல்லையாமே!

தனுஷ்:- நாங்களெல்லாம் ஒண்டியா ஆள்கிடைச்சா கும்மு கும்முனு கும்முவோம். இதுல ஒசாமாவே கிடைச்சா..,

விஜயகாந்தின் மே டே வந்திருந்தால்....,

2011-05-01T14:31:00.000+05:30

தமிழக வரலாற்றில் பாதியில் நின்றுபோன பல திரைப்படங்கள் உண்டு. பூஜை மட்டும் போடப் பட்டு நின்றுபோன திரைப் படங்கள் உண்டு. சில படங்கள் வந்ததால் ஒவ்வொரு காலகட்டத்திலும் சில பல மாற்றங்கள் நடந்திருக்கக் கூடும். எம்ஜியார், சிவாஜி எடுக்க நினைத்த பொன்னியின் செல்வன், கமலஹாசன் எடுக்க நினைத்த பொன்னியின் செல்வன், மருதநாயகம் போல விஜயகாந்த் எடுக்க நினைத்த மே டே என்ற ஆங்கிலப் படமும் ஒன்று. நாங்கள் சிறுவர்களாக இருந்த காலத்தில் அந்த படம் வரப் போகிறது வரப் போகிறது என்று காத்து கிடந்தோம். ஒரு முறை அந்தப் படம் வந்து விட்டது. ஆங்கிலப் படத்திற்கு நம்மை விட மாட்டார்கள். இருந்தாலும் எப்படியாவது பார்த்துவிட வேண்டும் என்று நகரத்திற்குச் சென்று ஏமாந்து வந்த கதை கூட ஒரு முறை நடந்தது.

அந்தப் படம் வந்திருந்தால் என்னென்ன நிகழ்வுகள் நடந்திருக்கும் என்று நினைத்தபோது

1. கேப்டன் என்பவர் கர்னலாக மாறி இருப்பார்.

2.அகில உலக நடிகர் சங்க தலைவர் ஆகி இருப்பார். அவருக்கு இணையாக ஷரன் ஸ்டோன், சோஃபியா லாரண்ஸ் வந்திருப்பார்கள். குஷ்பு ஒரு மூலையில் இருந்திருப்பார்.

3.அவ்ரது படத்தில் பாகிஸ்தான் வில்லனுக்குப் பதிலாக செவ்வாய் தோஷ வில்லன் இருப்பார். பாகிஸ்தான் வில்லனை வைத்தால் பாகிஸ்தானில் படம் ஓடுவது சிரமம் அல்லவா..,

4. உலகத்தொழிலாளர்கள் அனைவரும் இவரது கையால் அடிவாங்க தயாராக காத்து இருப்பார்கள் . ஏனென்றால் இவரிடம் அடிவாங்கினால் மகாராஜா ஆகிவிட்லாம்.

5 வடிவேலுவின் மதுரை மணம் வீசும் ஆங்கிலம் உலகம் முழுவதும் பாவி இருக்கும். அமரிக்கன் இங்கிலீஷ், ஃப்ரென்ச் இங்கிலீத் போல் மேஜூரா இங்கிலீஷ் நமக்கு ஒரு நல்ல பெயர் வாங்கிக் கொடுத்திருக்கும்.

6.வைகை ஆற்றைப் பார்க்கவும், உலக அதிசயமாம் நிரம்பி வழியும் ஆரப்பாளையம் பேருந்து நிலையத்தை பார்க்கவும் வெளிநாடுகளில் இருந்தெல்லாம் மக்கள் குவிந்து கொண்டிருப்பார்கள். கோரிப்பாளையம், மாட்டுத்தாவணி போன்ற படங்களுக்கெல்லாம் உலக அளவில் மார்க்கெட் கிடைத்திருக்கும்.

7. இங்கிலாந்து இளவரசர் திருமணத்திற்கு அழைப்பு வந்திருக்கும். அவரது பயணத்திட்டம் முன்கூட்டியே திட்டமிடப் பட்டிருப்பதால் கலந்து கொண்டிருக்க மாட்டார். பத்தோடு பதினைந்தாக நேரிட்டிருக்கும் என்று எதிர் அணியினரால் பிரச்சாரம் செய்யப் பட்டிருப்பார்.

8.இந்தப் பாட்டு வந்திருக்காது

9. ஆனா இவ்வளவு நல்லா செயல் பட்டு சென்னையை காப்பாற்றுப்வர் வாஷிங்டனைக் காப்பாற்ற போயிருப்பார்.

10.இந்தக் காட்சிகளை உலகமே ரசித்து இருக்கும்.

உண்மையான புரட்சி எப்போது?

2011-05-01T08:13:00.000+05:30

மேதினம், தொழிலாளர் தினம் இவை பற்றி பேசும்போதெல்லாம் அலசப் படும் வார்த்தைதான் புரட்சி. தொழிலாளர்களை சுரண்டி, விவசாயிகளின் ரத்தத்தை உறிஞ்சுபவர்களிடம் இருந்து மக்களை விடுவிப்பது என்பதுதான் புரட்சி என்பதாக பலரும் பொருள் கொண்டிருக்கிறார்கள்.   பொதுவுடமைத் தத்துவமே பணம் நிறைய சேர்த்து வைத்திருப்பவர்களிடமிருந்து பிடுங்கி மற்றவர்களுக்கு கொடுப்பது என்பதாக உருவகப் படுத்தி இருக்கிறார்கள். தொழிலாளர்களுக்கு லாபத்தில் சரி பங்கு கொடுக்க வேண்டும் என்பதாக பல திரைப்படங்கள் சில, பல ஆண்டுகளுக்கு முன் வந்திருக்கின்றன.

நாம் புரிந்து கொண்டிருக்கும் பொதுவுடமைத் தத்துவம் அப்படித்தான். நாம் மட்டும் என்றில்லை ரஷ்ய தேசம் கூட அப்படித்தான் போல. பொதுவுடமையை நாம் புரிந்து கொள்ளாததுதான் நம் பிரச்சனை.

ஒரு தேநீர் கடை இருக்கிறது. அதில் வேலை செய்ய தேநீர் போடுபவர், போண்டா போடுபவர், மேசை துடைப்பவர், சில நேரங்களில் பரிமாறுபவர் இருப்பார்கள். தனிநபராக சிறிய கடை வைத்திருக்கும்போது எல்லாமே ஒருவராக இருப்பார். லாபம் முழுவதும் அவருக்குத்தான். கொஞ்சம் பெரிய அளவில் கடை வளரும்போது தனித்தனி நபர்களாக வேலைக்கு வைத்திருக்கும்போது எல்லோரும் ஒரே மாதிரியான சம்பளம் கொடுக்க முடியுமா? கண்டிப்பாக முடியாது. ஆனால் பல நேரங்களில் அவ்வாறு எதிர்பார்க்கும் நிலை ஏற்படுகிறது. அப்படி என்றால் முழுவதும் முதலாளிகள் கொடுக்கும் சம்பளத்தை பெற்றுக் கொண்டுதான் போக வேண்டுமா?   ஒவ்வொரு தொழிலாளிக்கும் முதலாளியால் அல்லது முதலாளியின் தொழிலாளியால் ஒவ்வொரு வேலையுமே நிர்ணயிக்கப் பட்டிருக்குமே அப்போது அவரவர் அவரவர் வேலை செய்ய வேண்டுமே என்ன செய்வது? சில மாதங்களுக்கு முன் இயந்திரத்தில் சிக்கிக் கொண்ட ஒரு தொழிலாளியை இயந்திரத்தை உடைக்காமல் காப்பாற்ற நினைத்து உயிரைப் பலிக் கொடுத்த மக்களும் இருக்கத்தானே செய்கிறார்கள் . அதற்கென்ன காரணம். அந்த இயந்திரத்தின் செயல் வேகம் தெரியாதவர்களா? தெரியாதவர்கள் என்றால் தொழிலாளியா? அலலது தொழிலாளியின் மேற்பார்வையாளரான ( முதலாளியின் ) தொழிலாளியா? அப்படி என்றால் அவர் அந்த இடத்தில் தொழிலாளியைக் காப்பாற்ற என்ன செய்து இருக்க வேண்டும். இயந்திரத்தை உடைத்திருந்தால் அதற்கான நஷ்ட ஈட்டுத்தொகையை கட்டச் சொல்லி இருக்க மாட்டார்களா? அல்லது இன்சூரண்ஸ் கம்பெணீயிலிருந்து கொடுத்திருக்க மாட்டார்களா?   கேள்விகளை கேட்டுக் கொண்டிருந்தால் கேள்விகள் வந்து கொண்டேதான் இருக்கும். இதற்கான முழுக்காரணம் முதலாளிகள் தொழிலாளிகளின் நிலையை அறியாமல் இருப்பதும்.   மேற்பார்வை செய்ப்வர்களுக்கு உற்பத்தியை பெருக்குவதற்காக எதையும் செய்து முதலாளியிடம் நல்ல பேர் வாங்க நினைப்பவர்களும்தான்.   முதலாளியிடம் நல்ல பேர் வாங்கினால் அவர் சம்பளம் கொஞ்சம் சேர்த்துக் கொடுப்பார்.

பன்னாட்டுத் தொழிற்சாலைகளில் பல மடங்கு அடுக்குகளாக தொழிற்சாலைகள் வைத்து செய்து கொண்டிருக்கிறார்களே? இதையே சிறு தொழிற்சாலைகளாக மாற்றிச் செய்ய முடியாதா? ஒவ்வொரு உதிரி பாகத்தையும் தயாரிப்பதை யாராவது ஒருவரிடம் இருந்து கொடுத்து பெற்றுக் கொள்ள முடியாதா?

பல பொம்மைகளை சைனா தயாரிப்புகள் என்று சொல்லுகிறார்களே.., குறிப்பாக கோயில் திருவிழாக்களில் விற்கப் படும் பொம்மைகள். அவைகளை சைனாவின் பெயரினைச் சொல்லித்தான் விற்கவேண்டுமா? சில ஆண்டுகளுக்கு முன் டெல்லி செட்டுக்கள் என்று டிரான்ஸிஸ்டர், டேப் களை விற்பார்களே அவையெல்லாம் இன்று சைனா என்று சொல்லி விற்கவேண்டிய அவசியம் என்ன?

அலை பேசிகள் பலவும் சைனாத் தயாரிப்புகளாக வந்து இறங்குகின்றனவே. அதையெலாம் நம் ஊரிலேயே தயாரிக்க முடியாதா? இந்திய நிறுவனங்களின் சில தயாரிப்புகளில் நேட் இன் சைனா என்று எழுதப் பட்டு இருக்கிறதே அதையெல்லாம் இந்தியாவிலேயே தயாரிக்க முடியாதா? அதன் ஒவ்வொரு உதிரி பாகங்களையும் இந்தியாவில் இருக்கும் ம்க்களிடமே தயாரித்துக் கொடுக்க சொல்லி தொழிலகளை பரவலாக்க முடியாதா? ஏகபோக உரிமையாக ஒருவரிடமே எல்லாவற்றையும் குவிப்பதை விட பலரையும் முதலாளிகளாக மாற்ற முடியாதா?

சில தொழில்களில் பெரிய முதலீடு தேவை என்று சொன்னாலும் கூட திருப்பூர் போன்ற இடங்களில் குறிப்பிட்ட வேலைகளை தனியே எடுத்து செய்பவர்கள் இருக்கிறார்கள். பீஸ் ரேட் என்று சொல்லுவார்கள். அவர்களில் டெய்லர்களுக்கு ஒரே நாளில் ஆயிரம் ரூபாய் சம்பாதிக்கும் வாய்ப்புகள் நிறைய அமையும் (இன்றிருக்கும் தேக்க நிலை தற்காலிகமானதுதான்) . ஆனாலும்கூட அவர்கள் முதலாளிகளாக மாறிவிட்டார்களா என்றால் இல்லை என்றுதான் சொல்ல வேண்டும். இத்தனைக்கும் கம்பூனிஸ்ட்களின் பல வடிவங்கள் அங்கு நிறியை இருக்கின்றன.

அப்படி யென்றால் மாற்றத்தினை யார் ஏற்படுத்துவது? க்ம்யூனிசப் பாதையில் அனைத்து சொத்துக்களை பொதுவுடமை யாக்கினால் என்ன வேலை செய்ய வேண்டும் என்ற உணர்வு மழுங்கு போய் விடுமே?

ஆயுதம் ஏந்தி சுரண்டல் பேர்களிடமிருந்து மக்களின் பங்கைப் பிரித்துக் கொடுப்பது நல்ல வழியா என்றால் அதுவும் கிடையாது. சுரண்டல் பேர்வழிகள் ஆயுதம் ஏந்திய இன்னும் பலரை அதிக சம்மளத்துக்கு வேளைக்கு வைத்துக் கொண்டு இன்னும் தைரியமாக சுரண்டத் தொடங்குவார்கள். அப்படியென்றால் என்னதான் செய்வது என்று தோன்றலாம்.

ஊழலுக்கும் சுரண்டலுக்கும் எதிராக தனிநபர்கள் போராடுகிறார்களே அவர்களுக்கு ஆதரவு தரலாமா? அவர்கள் மூலம் சமதர்ம சமுதாயத்தை ஏற்படுத்த முடியுமா என்றால் அதுவும் சிரமமான காரியமே. இது போன்ற தனிநபர்கள் முக்கியக் குழுக்களில் தங்களின் செல்வாக்கு மிக்கவர்களை இடம் பிடிக்க வைத்து அவர்க்ளின் வளத்திற்காக போராடுகிறார்களே தவிர மக்களின் நலம் மிகக் குறைவாகவே இருக்கிறது.

அப்ப்டியென்றால் என்னதான் செய்ய முடியும். இன்றைய சூழலில் பொதுவுடமையை நிலைநாட்டுதல் என்பது ஜனநாயகத்தால் மட்டுமே முடியும். ஒரு இயக்கம், மக்களால் நடத்தப் படும் மக்களுக்காக நடத்தப் படும் இயக்கம மட்டுமே அதை சாதிக்க முடியும். மக்களின் மூலமாக தெளிவான கருத்துக்களை அடித்தட்டு சமுதாயம் வரைக்கும் கொண்டு செல்லுதல் வேண்டும். ஏற்றத்தாழ்வு இல்லாத வாழ்க்கையை ஏற்படுத்தும் வகையில் அந்த இயக்கம் செயல் படுதல் வேண்டும். இயக்கத்தில் இருக்கும் அனைத்து நபர்களின் வாழ்க்கையையும் கவனித்துச் செல்லும் வகையில் இருக்க வேண்டும். தலைமை ஏற்று நடத்தும் நபர்களைத் தேர்ந்தெடுக்கும் அதிகாரம் அந்த அமைப்பின் செயல்வீரர்களுக்கு இருக்க வேண்டும். குறிப்பாக பதவி ஆசை பிடித்தவர்களிடம் அந்த இயத்தினர் விலை போகக் கூடாது. ஆனாலும் அவர்கள் ஜன்நாயகத்தில் பங்கேற்ற வேண்டும்.

பதவி ஆசை பிடித்தவர்களிடம் விலை போக ஆரம்பித்தால் அந்த இயக்கமே பதவி ஆசை பிடித்தவர்கள் கைக்கு போய் விடும்.   அரசியலில் இறங்காமல் மக்களுக்காக சேவை மட்டும் செய்து கொண்டு ஒரு இயக்கம இயங்க முடியுமா? இயக்க முடியுமா என்றால் அதில் பல ஆபத்துக்கள் இருக்கின்றன. அரசியலில் இயங்க முடியவில்லை என்றால் அந்த இயக்கம் ஒரு மிரட்டல் இயக்கமாகவே செயல் படும். பெரும்பாலும் பேரங்களில் படிந்துவிடக் கூடிய இயக்கமாகவும், நான் நல்லவன் என்று மட்டுமே சொல்லமுடியும். என்னுடம் இருப்பவர்கள் எப்படி என்றெல்லாம் சொல்லமுடியாது போன்ற தத்துவ வித்தகங்களை சொல்லவேண்டிய ஒரு சூழல் அந்தப் போராளிகளுக்கு வந்து விடும்.

ஒரு இயக்கம், முழுக்க முழுக்க மக்களால் நடத்தப் படும் இயக்கம் சாத்தியமா என்றால் அது சாத்தீயமே, ஏற்கனவெ தமிழகத்தில் பெரியார் அது போன்ற ஒரு இயக்கத்தினை ஆரம்பித்து தமிழ்கம் முழுவதும் கொண்டு சேர்த்தார். ஆனால் அரசியலில் ஈடுபடுத்தவில்லை.   அவர்கள் அரசிய்லில் இறங்கி சில பல கட்டங்கள் தாண்டிய பிறகும் கூட மற்ற மாநிலங்களை விட ஓரளவு நேர்த்தியாக தமிழகம் இருப்பதற்கு அவர் ஒரு காரணம் என்பதை யாரும் மறுக்க முடியாது. இப்போது கூட ஊழல் ஒழிப்பு என்ற ஒளியில் குவிந்த மக்கள் எத்துணை பேர். இவர்களை யெல்லாம் ஒருங்கிணைக்க வேண்டும். ஆனால் இந்த் ஒருங்கிணைப்பு என்ற செயல் மட்டும் ஒரு தலைவனால் மட்டுமே நடக்கிறது. நடந்திருக்கிறது.

ஒவ்வொரு சமுதயாத்திலும் இந்தத் தேவை ஏற்படும்போது ஒரு மனிதர் தோன்றுகிறார். ஒரு மதத்தினை அமைக்கிறார். அந்த மதத்திறு ஒரு கொள்கைகளை வகுத்துக் கொடுத்திருக்கிறார். இதுதான் காலம்காலமாக நடந்து வ்ந்திருக்கும் நிலைகள். இன்றைக்கு அவை கட்சிகளாக மாறி இருக்கின்றன. அப்படி ஒரு தலைவன் என்ற நிலையில் கொள்கை என்று அமைந்தால் ஒரு பெரிய மாற்றமாக அமையும். ஆனால் அந்த கொளகையையும்கூட நாம் நம் வசதிக்கு ஏற்றாற்போல புரிந்து கொள்ளும் நிலைமையும் இருக்கிறது.

முற்போக்கு சிந்தனையாக செயல் பட வேண்டிய மதங்கள் விலங்குகளாக , கைக்கால்களை கட்டிப் போடும் விலங்குகளாக மாறியது இந்த இடத்தில்தான். அந்த நிலையை மாற்ற படிக்கும் வழக்கத்தினை அதிகப் படுத்த வேண்டும் என்பதைவிட உருவாக்க வேண்டும் என்றே சொல்லவேண்டும். பல பட்டங்கள் வாங்கியவர்களிடம் கூட தினமும் செய்தித்தாள் படிக்கும்வழக்கம் இல்லை என்பது நிதர்சனமான உண்மை. தினமலர், தினத்தந்திம் தினமணி போன்றவை ஒரு கட்சியை ஆதரித்தும், பரபரப்புக்காக செய்தி வெளிவிடுவதால் அதைப் படிப்பதில்லை என்று சொல்லுவார்கள். அபப்டியென்றால் டைம்ஸ் ஆஃப் இண்டியா, ஹிண்டு போன்றவை படிக்கிறார்களா என்றால் அதுவும் இருக்காது. குறைந்த பட்சம் அனைத்து இரண்டு மூன்று பத்திரிக்கைகளாவது படிக்க வேண்டும். ஏதாவது புத்தகங்கள் கதைப் புத்தகங்கள் கூட பரவாயில்லை. ஏதாவது படித்துக் கொண்டும் அதைப் பற்றிப் பொதுவில் பேசும் பேசும் வழக்கமும் வந்தால் கருத்துக்களை ஆராய்ச்சி செய்யும் நிலை உருவாகும். குறிப்பிட்ட காலகட்டங்களில் நல்ல புத்தகங்களையும் பற்றி பேசும் நிலை உருவாகும். ஒவ்வொரு பணியிடத்திலும் இரண்டு மூன்று தினசரிகள் மற்றும் சில பல புத்தகங்களை வைத்து படிப்பகங்களை உருவாக்க வேண்டும். மாற்றுக் கருத்துக்களையும் சபையில் வைத்துப் பேசும் சூழலை உருவாக்க வேண்டும். அப்போதுதான் கருத்துக்கள் முன்னிலை படுத்தப் படும். சிந்தனைகள் செயல் படத் துவங்கும். உண்மையான புரட்சி உலகை வசப் படுத்தும். வளப் படுத்தும்.

அவன் மூஞ்சியப் பார்த்தாலே தெரியுது அவன் கெட்டவந்தான்

2011-04-26T21:18:00.006+05:30

ஜான் டேவிட் 1996-97 களில் பத்திரிக்கைகளில் தவறாது இடம் பெற்ற பெயர். உச்ச நீதி மன்றத்தின் சமீபத்திய தீர்ப்புக்கு பின்னர் மீண்டும் பத்திரிக்கைகளில் இடம் பெற்று வருகிறது. சுடச் சுட செய்திகளையும் விமர்சனஙகளையும் தரும் வலைப்பூக்கள் மீண்டும் அந்த நிகழ்ச்சிகளை அசை போட்டு வருகின்றன.   இந்த இடுகை அந்த நிகழ்ச்சி பற்றியோ தீர்ப்புக்கள் பற்றியோ பேசப் போவதில்லை. குறிப்பாக ராக்கிங்கிற்கு துளிகூட ஆதரவு தரப் போவதில்லை. ராக்கிங் ஒழிய காரணமானவர்களை கைகூப்பி நன்றி சொல்பவர்களில் நானும் ஒருவந்தான்.

தீர்ப்பு வெளிவந்த உடன் வந்த இடுகை ஒன்றில் பின்னூட்டம் போட்டவர்கள் சொன்ன சில வார்த்தைகளே என்னை இதை எழுதத் தூண்டின.

ஒரு நபர் தன்னை ஜான் டேவிட்டுடன் படித்ததாக அறிமுகப் படுத்திக்க்கொண்டு ஜான் டேவிட் பள்ளியிலேயே கராத்தா கற்றுக் கொண்டு ஒரு அடிதடிப் பையனாக இருந்தார் என்று கூறுகிறார்.

படிக்கும் காலங்களில் தற்காப்புக் கலைகளைக் கற்றுக் கொள்வது என்பதும், தவறுகளைப் பார்த்துக் கோபப் படுவதும் என்னைப் பொறுத்தவரை மிகவும் நல்ல விஷயங்கள். பள்ளிக் காலங்களில் வரும் கோபத்தால் வரும் பின்விளைவுகளையும் அதனை சமாளிக்கும் வல்லமையும் பள்ளிக் காலத்திலேயே வருவது மிகப் பெரிய வரம். பள்ளிப் பருவத்திலும் கல்லூரிப் பருவத்திலும் நமக்கு உதவ பெற்றோர் நண்பர்கள் என்று பலரும் வருவார்கள். பிற்காலத்தில் அதே தவறை நாம் செய்தால் நமக்கு உதவ மிகச் சிலரே வருவார்கள் அவர்களும் யோசித்துத்தான் செய்வார்கள். கல்லூரிக் காலங்களில் இது போன்ற தவறுகளைப் பார்த்து பொங்கும் இயல்புடையவர்கள்தான் மாணவர் பேரவை போன்ற அமைப்புகளை நடத்த முடியும். மாணவர் பேரவை வழிநடத்துவது என்பது மிகப் பெரிய நிறுவனத்தை வழிநடத்துவது போன்ற அதில் கிடைக்கும் அனுபவங்கள் விலை மதிப்பற்றவை.

இன்னொரு பெருந்தகை அவன் முகத்தைப் பார்த்தாலே சகிக்கவில்லை. வில்லன் போல உள்ளது என்கிறார். அகத்தின் அழகு முகத்தில் என்று சொன்னால்கூட அவரவர் பார்க்கும் கோணத்தில்தான் அது அமையும். முகம் என்பது நம்மால் விரும்பிப் பெற்றுக் கொள்வது அல்ல. நம் முன்னோர் நமக்கு அளிக்கும் சொத்து. அது தவிர அவரவர் வழித்தோன்றல்களே அவரவர்க்கு அழகாகத் தெரிவார்கள். உலக அழகி லாரா தத்தா, யுக்தா முகி போன்றவர்கள் இந்திய மக்களுக்கு அழகிகளாகவா தெரிந்தார்கள்.   மேற்கத்த்தியவர்க்கு மேற்கு அழகு, கிழக்கத்தியவற்கு கிழக்கு அழகு .அழகு என்று மெச்சிக் கொள்ளலாமே தவிர ஒரு குறிப்பிட அமைப்பில் முகம் உடையவர்களை கொடியவர்கள் என்று சொல்ல யார் அவர்களுக்கு உரிமை கொடுத்தது?

உங்களுக்கு அந்த முக அமைப்பு பிடிக்கவில்லை என்றால் அவரை நீங்கள் திருமணம் செய்து கொள்ள வேண்டாம் அவ்வளவுதான் சொல்லமுடியும்.

எங்கள் கல்லூரியில் மூத்த நண்பர் இருந்தார். அவரது நடந்து போனாலே இளையவர்கள் பயந்து நடுங்குவார்கள். எனக்குத் தெரிந்து யாரையும் அவர் அடித்ததோ, திட்டியதோ கிடையாது. அவர் பார்வையே ராஜபார்வை என்று சொல்லலாம். அவரது வகுப்பு மாணவர்களுக்கு அவர் மிக இனிமையானவர். எங்களைப் போல சில இளையவர்களுக்கு அவர் இனிமையானவர் மட்டுமல்ல ஒரு சிறந்த வழிகாட்டியாகவும் திகழ்ந்தவர். கல்லூரியின் பெரும்பகுதி மாணவர்கள் பயந்து நடுங்கிய அவர் நிர்வகிக்கும் ஆரம்ப சுகாதார நிலையம் சென்ற ஆண்டு ஐ.எஸ். ஓ 9000 தரச் சான்று இந்த ஆண்டு பெற்றிருக்கிறது. நெய்வேலிப் பகுதியில் இருக்கிறது அந்த அரசு ஆரம்ப சுகாதார நிலையம். ஒரு அரசு அலுவலகம். அதுவும் ஏழை எளிய மக்கள், பிணியாளர்கள் தினமும் வந்து போகும் இடம் ஐ.எஸ்.ஓ. தரச் சான்றிதழ் பெற்றுள்ளது என்றால் அதன் நிர்வாகி எவ்வளவு பெரிய ஆளுமைத் திறன் பெற்றிருக்க வேண்டும். அவரைப் பார்த்து பயந்தவர் இன்று வாய் பிளந்து நிற்கிறார்கள்.   அவரது சக மருத்துவர் சொன்னார் அண்ணாச்சியைப் பார்த்து அனைத்து அலுவலர்களுக்கும் பணியாளர்களுக்கும் பயம். அவர் சொன்னால் உடனே அதை செய்துவிடுவார்கள் அதனால்தான் எங்கள் ஆரம்ப சுகாதார நிலையம் மிக எளிதில் ஐ.எஸ்.ஓ தரச் சான்றிதல் பெற முடிந்தது என்றார்.

எப்படித்தான் நம் மக்கள் ஒரு நபர் பள்ளிக் கல்லூரியில் துடுக்காக இருப்பதையும் முகம் தமிழ் மண்ணோடு கலந்து இருப்பதையும் வைத்து ஒரு முடிவு கட்டுகிறார்கள் என்றே தெரியவில்லை.

====================================================
1996 நிகழ்ச்சி என்பது விபத்து. அதில் பாதிக்கப் பட்டவர் ஓரேயடியாய் போய்விட்டார். அவர் பெற்றோரும் அறப்பணிகள், கல்விப்பணிகள் என்று காலந்தள்ள ஆரம்பித்து விட்டார்கள். ஆனால் பாதிப்பை ஏற்படுத்தியவர் குடும்பத்திற்கு மாறாத ரணமாக மாறி அழுந்திக் கொண்டே இருக்கிறது. கல்வியாளர்களும் அந்த விபத்தினைப் பயன்படுத்தி ராக்கிங்கை பெருமளவு ஒழித்து விட்டார்கள். கடும் சட்டங்களையும் கொண்டுவந்து விட்டார்கள்.

============================================================

=====================================================================

=====================================================================

இந்த மாதிரி படங்கள் இந்தியாவில் 1957லேயே வந்துவிட்டன. இன்னும் நம் மக்கள்தான் உணர மறுக்கிறார்கள்

யார் சொல்லும் தேர்தல் கணிப்பு பொய்த்துப் போகும்?

2011-04-25T21:27:00.001+05:30

இன்று நண்பர்களுடன் பேசிக் கொண்டு இருந்தபோது தேர்தல் பற்றிப் பேச்சு வந்தது. ஒவ்வொருவரும் ஒவ்வொரு கருத்துச் சொல்லிக் கொண்டு இருந்தோம். அப்போது வயதில் மூத்த நண்பர் ஒருவர் போப்பா.., ஒவ்வொருத்தனும் ஒவ்வொண்ணச் சொல்றான். ஊழல் ஆரம்பிச்சு, மின்சாரம் வந்து, சாலை போடுவது, டாஸ்மாக் திறந்தது, ராஜா பக்‌ஷே விவகாரம் எல்லாம் பேசுறாங்க. நம்மால் ஒண்ணும் கணிக்க முடியலயே அப்படின்னு ரொம்ப ஃபீல் பண்ண ஆரம்பித்தார். இன்னொரு நண்பர், அண்ணே அது ரொம்ப சுலபம்ண்ணே நான் சொல்ற வகை ஆட்கள் சொல்றத அப்படியே எதிர்மறையா எடுத்துக்குங்க. அப்புறம் கணக்குப் பாருங்க எல்லாம் சரியா வரும் என்றார்.

அவர் சொன்ன ஆட்கள்:-

1.ரஜினி படம் பார்த்து விட்டு நல்லாவே இல்லை என்று சொல்பவர்கள்.

2.கமலஹாசன் படம் பார்க்காமலே சூப்பர் என்று சொல்பவர்கள்

3.சச்சின் டெண்டுல்கரை சுத்தி சுத்தி திட்டிவிட்டு சச்சின் அவுட் ஆனதும் டிவியை விட்டு நடையைக் கட்டுபவர்கள்

4.எம்.எல்.எம் சோப்புப் போட்டால்தான் சிவப்பானதாகச் சொல்பவர்கள்

5.அலுவலகத்திற்கு தினமும் ஹிண்டு வாங்கி வந்து முதல் கடைசி பக்கம் மட்டும் படிப்பவர்கள்

6.இருமல், சளி என்றால்கூட கோயமுத்தூர் போகும் புள்ளிகள்

7.பகுத்தறிவு கொள்கையில் பிஹெச்டி வாங்கி விட்டு மனைவி சொன்னதற்காக கையில் வண்ணமயமாக கயிறுகள் கட்டிக் கொண்டு சுற்றுபவர்கள்.

நண்பரிடம் இது என்ன கணக்கு என்று கேட்டபோது, இந்த ஆட்கள் அவர்களின் தெரிவை வெளியே சொல்ல தயங்குவார்கள். ரஜினி படம் என்றால் நன்றாக இருக்காது, சச்சின் சதம் அடித்தால் தோற்கும் என்று பேசினால்தான் மற்றவர்கள் மதிப்பார்கள் என்று நினைப்பார்கள். அவர்கள் குறிப்பிட்ட கட்சிக்கு வாக்களித்தால் கூட வெளியே சொன்னால் ஒரு மாதிரி பார்ப்பார்கள் என்ற எண்ணத்தில் அந்தப் பகுதியில் என்ன பேசிக் கொள்கிறார்களோ அதையே சொல்லுவார்கள்.

உங்களுக்கு என்ன தோன்றுகிறது?

மனைவிக்கு மல்லிகைப்பூ வாங்கி வருபவரா நீங்கள்?

2011-04-23T22:43:00.001+05:30

உன் மனைவிக்கு மல்லிகைப் பூ வாங்கிக் கொடுப்பதற்கு பதிலாக ஒரு புத்தகம் வாங்கிக் கொடு

என்று ஒரு பெரியவர் சொல்லியிருக்கிறார்.

புத்தகங்கள் சில எழுத்துக்கள் மூலம் எண்ணங்களையும் கருத்துக்களையும் குவித்து வைத்திருக்கும் இடம். அந்த புத்தகங்கள் ஒரு மனிதனை என்ன வேண்டுமானாலும் செய்து விட முடியும். வாழ்வின் அடிப்படை ஆதாரங்களையும் அவசியங்களையும் கற்றுக் கொடுப்பவை புத்தகங்கள். மனப்பாடம் செய்து ஒப்புவிக்க அல்ல, மனதில் பதித்து ஒத்து வாழ வழி செய்பவை புத்தகங்கள். பகுத்தறிவினை பரவலாக்க உதவுபவை புத்தகங்கள்.

செய்தித்தாள்களையும் கூட புத்தகங்களாகக் கொள்ளலாம். இப்போதெல்லாம் படிக்கும் வழக்கம் குறைந்து விட்டதாகச் சொல்லுகிறார்கள். படிப்பவை அப்படியே மனதிற்குள் காட்சிப் படுத்திக் கொண்டே செல்வது படிப்பின் உச்ச கட்டம். ஆனால் கற்பனை செய்ய சோம்பல் படும்போது வந்தது தான் நாடகம் அதன் அடுத்த கட்டமாக திரைப்படமும் சின்னத்திரையும் இருக்கின்றன், அவைகளும் ஒரு வடிவில் புத்தகங்கள்தான். ஆனால் நமக்கு என்றுமே போதைச் சுவையில்தான் விருப்பம் செல்லும் அல்லவா அதுபோல புத்தகப் படிப்பு என்பதும் வடிவம் மாறிக் கொண்டேதான் செல்கிறது.

எப்படி இருந்தாலும் அடிதடி, வெட்டி நாவல்களைப் படித்துக் கொண்டிருந்தாலும்கூட கற்பனையை வளர்க்கும் வடிவிலான பொன்னியின் செல்வன் போன்ற நாவல்களைப் படிக்கும்போது புத்தகங்களின்பால் ஒரு பிடிப்பு உருவாகிவிடுகிறது.

எப்படி எப்படியோ சுற்றிக் கொண்டிருந்த நான் இப்போது முகநூலில் பகிர்ந்து கொள்ளவும் நண்பர்கள் பகிரும் விஷயங்களுக்கு பதில் சொல்லவுமாகவே பல அரிய, முக்கிய விஷயங்களைப் படிக்க வேண்டியுள்ளது.

எனவே கண்டிப்பாக படித்தல் என்பது அடுத்த கட்டத்திற்குச் சென்று மீண்டும் ஒருமுறை அறிவுப் புரட்சி மலரும்போலத்தான் தோன்றுகிறது.

இவ்வாறாக இணைய நண்பர்களுக்கு வசதியாக பதிப்பகத்தாரும் தங்கள் புத்தகங்களின் முக்கியப் பக்கங்களை மட்டுமாவது இலவச மின்னூலாக வழங்கினால் சமூக வளர்ச்சிக்கு மிகவும் உதவியாக இருக்கும்.

இன்று உலக புத்தக மற்றும் பதிப்புரிமை தினம்

மாப்பிள்ளையில் அனுஷ்கா - ஒரு மாதிரியான பார்வை

2011-04-22T22:44:00.002+05:30

தமிழில் பல்வேறு படங்கள் ரீமேக் என்று அதிகார பூர்வமாக அறிவிக்காமல் ரீமேக் நிறைய செய்து உள்ளார்கள். சில படங்களை சொல்லிவிட்டே எடுப்பார்கள். தனுஷின் மாப்பிள்ளை ரீமேக் , படு கேவலமாக இருப்பதாக சொல்லி இணையத்தில் பேசி முடித்துவிட்டுந்தாலும் நமக்கு சில நாட்களுக்கு முன்புதான் வாய்ப்பு கிடைத்து பதிவிடும் வாய்ப்பு இன்றுதான் கிடைத்தது.

திரையரங்க வாசலிலேயே அந்த ஹன்ஷிதா அம்மையார் ஒரு பக்கமும் மணிஷா அம்மையார் மறுபுறமும் நின்று தனுஷ் காட்சி அளித்திருந்தார். மணிஷா கொடுத்திருந்த பொஸ் அந்தக் காலத்தில் குச்சி குச்சி ராக்கம்மா பொண்ணு வேணும் பாட்டுக்கு கொடுத்திருந்த மாதிரி இடுப்பில் கைவைத்து போஸ் கொடுத்திருந்தார். அதைப் பார்த்த உடனேயே நமக்கு ரஜினியின் மாப்பிள்ளையை விட சிரஞ்சீவியின் கில்லாடி மாப்பிள்ளை நினைவுக்கு வந்து தொலைத்தது, ரஜினியின் மாப்பிள்ளை கூட சிரஞ்ச்சீவி தயாரித்ததுதான் எனவே அது சிரஞ்சீவியின் மாப்பிளையாகவும் கொள்ளலாம். ஆனால் இங்கு சிரஞ்சீவியின் மாப்பிள்ளை என்பது தெலுங்கு மொழிமாற்றப் படம். அதில் ரம்யா கிருஷ்ணன்., ரம்பா, மற்றும் லட்சுமி ஆகியோர் நடித்திருப்பார்கள். அதில் ஒரு முக்கியக் காட்சியாக சில நிமிட இருட்டுவேளையில் சிரஞ்சீவியுடன் குலாவியது யார் என்பது மூன்று பெண்மணிகளுக்குள் குழப்பம் வரும்.

அந்தப் படத்திலாவது இருட்டில் நடப்பதாக கருப்ப்பு இருட்டைக்காட்டி, மீதத்தை வார்த்தையில் சொல்லி விடுவார்கள். இதில் மணிஷாவைக் கட்டியே பிடித்து விடுகிறார்கள். (நடுநிசி நாய்களையே பார்த்த நம்க்கு இது எம்மாத்திரம்.) அப்போதுதான் தோன்றியது பேசாமல் இந்தப் பாத்திரத்துக்கு அனுஷகாவைப் போட்டிருந்திருக்கலாம். இரட்டை வேடத்தில் நடிக்க விட்டிருந்தால் கம்பீரத்துக்கு கம்பீரமும் ஆச்சு, கவர்ச்சிக்கு கவர்ச்சியும் ஆச்சு என்று மகிழ்ந்திருக்கலாம்.

மனீஷா முதல் காட்சியில் மட்டும் அழகாக தெரிகிறார். அதற்கடுத்த காட்சிகளில் எல்லாம் ராஜ ராஜேஷ்வரியை நினைவு படுத்துவதற்குப் பதிலாகஏனோ ஜெயமாலினியை நினைவு படுத்திக் கொண்டே இருக்கிறார். ஒரு காட்சியில் நீச்சல் குளத்திலிருந்து வருவதுபோல காட்டுகிறார்கள். அவர்களூக்கே பொறுக்கவில்லை போல முழு உடையில் துவட்டி உடை மாற்றிய பின் நீச்சல் குளக்கரையில் உரையாடுகிறார்.

மாப்பிள்ளை , மண்டபத்திற்குள் எப்படி வந்தார் போன்ற லாஜிக்குகளையெல்லாம் எதிர்பார்க்கவில்லை என்றாலும் ராஜ ராஜேஷ்வரியின் முகம் மனிஷாவிற்கு வரவே இல்லை. முகத்தில் ராஜ கோபம் தென்படுவதற்குப் பதிலாக வெட்கப் படுவது போலவே தெரிகிறது.
நெற்றிக் கண் ரஜினியை இமிடேட் செய்து விவேக் வரும் காட்சிகளில் நமக்கே குமட்டில் குத்தவேண்டும்போல் தோன்றும்போது ராஜேஷ்வரி அவர்கள் லூசு மாதிரி அவரை நம்முவது கொஞ்சம் அல்ல ரொம்பவே டூ மச். விவேக்கிற்கு பதில் கருணாஸையே நடிக்க வைத்திருக்கலாம். அல்லது ஏதாவது ஒரு இலம் ஹீரோக்களைப் போட்டு ஒரு கண்ணீர் காதல் ட்ராக்கை ஓட விட்டிருக்கலாம். மொத்தத்தில் விவேக் கின் மார்க்கெட்டையும் சேர்த்து இந்த படத்தில் ஒழித்துவிட முடிவு செய்தது போலவே தோன்றியது.

ஹீரோயினைப் பார்த்து நிறைய பதிவர்கள் ஜொல்லுவிட்டதைப் போல ஹன்ஷிதா மோட்டுவாணி அப்படி ஒன்றும் சூப்பராக இல்லை. பழைய குஷ்பூ எந்திரன் வேடம் போட்டிருந்தால் எப்படி இருப்பாரோ அப்படி இருக்கிறார். சீவலப் பேரி பாண்டி படத்தில் வரும் அஹானாவின் சாயல் இருக்கிறது. முடிகூட கலையாமல் படத்தில் வருகிறார். அலுங்காமல் குலுங்காமல் போகிறார். அவர் அதிக வேலை செய்த இடமே போதையில் தனுஷ் ஹன்ஷதாவின் அறைக்குள் செல்வதும் அதைத் தொடர்ந்து நடக்கும் காட்சிகளுமே ( ரேப் செய்யப் பட்டதாக சொன்னாலும் அங்கே ஒன்ன்ன்னுமே இல்லை).

வசனங்களும் படு சொத்தை. சொல்லிக்க ஒண்ணுமே இல்லை.

கல்யாணத்துக்கு முன்பே கர்ப்பமாக இருக்கும் தனுஷின் தங்கை முகத்தை ஒரு குளோசப் கூட காட்டவில்லை.

படத்தை மொத்தமாக எடுத்து பின்னர் குலுக்கல்முறையில் காட்சிகளைத் தொகுத்து வழங்கியதுபோல் இருந்தது.

நெருடியவை :-
ஆறுமுகமாக நடித்த ரஜினி படிப்பில்தங்கப் பதக்கம் வாங்கிய நல்லபிள்ளை. தனுஷயையும் அப்படியே காட்டித் தொலைத்திருக்கலாம். சரவணன் என்று பேரை மாற்றியது கதாபாத்திரத்தையும் போட்டுத் தள்ளிவிட்டார்கள்.

அந்தப் படத்தில் அமலா தென்றல் போல கடந்து சென்றார் என்றால் ஹன்சிதா ஷோகேஸில் இருக்கும் ஐஸ்கிரீம் போல இருக்கிறார்.

ராஜேஷ்வரி மொத்தமாக நெருடுகிறார்.

மணிஹா நான் ராயல் என்றதும் தனுஷ் நான் லோக்கல் என்று சொல்கிறார். இதை ஏன் நாங்க டீசண்ட், அல்லது கல்சுரல், எங்களுக்கு பண்பாடு இருக்கு என்று சொல்லகூடாது.

மகிழ்ச்சியான விஷயம்

ராஜராஜேஷ்வரி என்ற பதம் படத்தில் எந்த இடத்திலுமே உபயோகப் படுத்தப் படவில்லை. ராயல் என்ற சொல்கூட அந்த சவாலில் மட்டுமே உபயோகப் படுத்தப் பட்டுள்ளது.

sweet sixteen

2011-04-18T08:03:00.003+05:30

கல்லூரி முடிந்த உடன் சுமத்ராவை மாணவர்கள் நிறுத்தினர்.

இளவரசனை நாளைக்கு சஸ்பண்ட் பண்ண போறாங்களாம். நாளைக்கு காலைல வி.பி. வரச் சொல்லி இருக்காங்க. நீ பாட்டுக்கு போயிட்டு இருக்க.

அவன் ரேக்கிங் பண்ணியிருக்கான். அதுக்கு நான் என்ன பண்ண முடியும். இது சுமத்ரா

அவன் என்ன பண்ணினாலும் பண்ணாட்டியும் நீதான் வந்து பேசணும். நீதான் இப்ப ரெப்பு.

பாருங்கப்பா; ஜூனியர் பொண்ண ரேக் பண்ணியிருக்கான்; அதை தட்டிக் கேட்ட இன்னொரு ஜூனியர் பையன அடிச்சிருக்கான். அத ஏ.பி. வேற பாத்திருக்காங்க. நான் என்ன பண்ண முடியும்.

இப்டியே பேசின உன் மண்டைதான் உடையும். மொதல்ல சஸ்பண்சன் ஆர்டர கேன்சல் பண்ண வழியப் பாரு. சச்சின் தனக்கே உரித்தான பன்ச் டயலாக்கோடு தானும் இருப்பதை உறுதி படுத்தினான்.

என்ன நடந்ததுன்னு நாமதான் சொல்லணும் சுமி.., ( பேச்சோடு பேச்சாக அஜித் அவளுடைய பெயரை சுறுக்கி கூப்பிட ஆரம்பித்தான்.

அஜித் போன்றவர்கள் பேச ஆரம்பித்த பின்னர் சுமித்ரா கொஞ்சம் நிகழ்காலத்திற்கு வர ஆரம்பித்தாள்.
என்ன நடந்துச்சு? சுமித்ராவின் அல்லக்கை ஒருத்தி கேட்டாள்.

ரொம்ப நாளாவே நம்ம இளவரசன் ஜூனியர் வினிதா பின்னால் சுத்திட்டு இருந்தான்ல.

ஆமா ..., நீங்க ரெண்டு பேர் கூட உஷாபின்னாடி சுத்திட்டு இருத்தீங்க, அதை சாக்கா வெச்சு ஒருத்தர ஒருத்தர் சகலைன்னு வேற கூப்பிட்டுக்கிட்டு திரியறீங்க, நேரங்காலம் தெரியாமல் சுமித்ராவும் நகைச்சுவை செய்ய முயற்சி செய்து கொண்டிருந்தாள்.

இப்ப இளவரசு மேட்டருக்கு வருவோம். இப்ப என்ன ஆச்சுண்ணா இரண்டு பேரும் தினமும் மதிய இடைவேளையிலும் வகுப்பு முடிஞ்சதும் கடலை போட ஆரம்பிச்சிட்டாங்க. அது கடந்த ஒரு வாரமா தினமும் நடக்க ஆரம்பிச்சிருச்சு.

ஐயோ.., ஐயோ.., என்னத் தவிர எல்லாப் பசங்களும் ஒரு திட்டத்தோடுத்தான் சுத்திட்டு இருக்கீங்களாடா.., வழக்கம்போல சச்சின் தனது முத்திரையை பதிக்க ஆரம்பித்தான்.

டேய் நடந்தத சொல்லுங்கடா இது சார்லி

இப்ப என்னண்டா வெள்ளெலி கூட கடலை போடற்து அவங்க பேட்ச்ல அக்ஷ்ய்க்கு புடிக்கல.., கொஞ்சம் இடைவெளிவிட்டு லோலாயி பண்ணிட்டு இருந்தவன். இன்னிக்கு பக்கத்திலயே வந்து கமெண்ட் அடிச்சிருக்கான்.

வெள்ளெலியா?

வினிதா பேருதான் வெள்ளெலி

உடனே தம்பிக்கு கோபம் வந்து அடிச்சிருக்கான். அதத்தான் ஏ.பி. பார்த்திருக்கார்.

அவன் ஃபஸ்ட் இயர் அப்படிங்கறதால அத ராக்கிங்கா காட்டி யிருக்கார். தவிரவும் அவர் வரும்ப்போதெல்லாம் இவன் பாட்டுக்கு வெள்ளெலிக்கூட பேசிக்கிட்டே இவருக்கு ஒரு வணக்கம் கூட போடாம இருந்திருக்கான். அவரும் ஒரு வாரம பார்த்திருக்கார்.

என்ன பேசிக்கிட்ட்ட்ட்டா..., ஓ.ஜி. போஸ்டிங்கில் இருந்த ஒரு மாணவன் கொஞ்சம் வேகமாகவே கத்திவிட்டான்.

அடச்சீ சும்மா இருடா.., எவ்ளோ சீரியஸா பேசிக்கிட்டு இருக்கோம். நீ வேற இது அஜித்

இன்னிக்கும் பார்த்திட்டார். அதுதான் போட்டுக் கொடுத்திட்டார். மீண்டும் சார்லி சொன்னான்.

இவ்ளோ மேட்டர் நடந்திருக்கா. இப்ப நான் என்ன பண்றது? நிஜமாக புரியாதது போல பேசினாள் சுமித்ரா.

இப்ப ரெண்டு வழி இருக்கு.

1. அடிக்கவே இல்லைன்னு நாம நிக்கலாம்

அதுக்கு வழியே இல்ல. ஏ.பி.கண்முன்னாடி அடிச்சிருக்கான்.

2. அக்ஷய் பண்ணினத நாம் நிரூபிக்கணும்.

அப்ப நாம அப்படியே பண்ணிடலாமே அந்த வெள்ளெலி ச்சீ வினிதாவ கூப்பிட்டு சொல்லச் சொன்னா சொல்லிட்டுப் போறா..., இது சுமத்ரா

அதெப்படிச் சொல்லுவா..., என்னத் தப்பா பேசுவாங்க அதுனால நீயெ பார்த்துக்க அப்படின்னு சொலிட்டு ஒதுங்கீட்டாளாம்.

இந்த பொம்பிளங்கலே இப்படித்தான் , சிவப்பு ரோஜாக்கள் சின்னப் பையன் ஒரு ஓரமாகச் சொல்லிக் கொண்டிருந்தான்.

அவள் சொல்றதிலயும் நியாயம் இருக்கில்ல

ஏன் சொல்ல மாட்ட, போன வருசம் நீயும் அப்படித்தானே சொல்லிக்கிட்டு சுத்திக்கிட்டு இருந்த

சரி அத விடுங்கடா.., இப்ப என்ன பண்றது.

அக் ஷய் பண்ணினத நீருபிக்க ஒரு வழி அந்தப் பொண்ணுவந்து ஒத்துக்கணும். அப்படி இல்லேண்ணா அவனே ஒத்துக்கணும்.

அவன் ஒத்துக்கற மாதிரி தெரியலயே ஏற்கனவே வெள்ளெலி வேற அவன இரி பண்ணிட்டு இருந்திருக்கா.. (இரி=இரிட்டேட் ன் சுருக்கம்)
அப்ப வெள்ளெலி சொன்னாலும் நம்ப மாட்டாங்க..,

ஆமாமா, செல்லாது; செல்லாது.

அதுக்கு நானொரு ஐடியா வெச்சிருக்கேன். நீ என்ன செய்யற நாளைக்கு காலைல பத்து மணிக்கு வி.பி. ரூமுக்கு வந்திரு.

நாளைக்கா? நாளைக்கு முடியாதே! துறைத்தலைவர் வகுப்பு எடுக்கிறார். நான் தான் கேஸ் பிரசண்ட பண்ணனும். பண்ணலேன்னா தொலைச்சிடுவார்.

தாயி இதெல்லாம் நீ ரெப் ஆகறதுக்கு முன்னாடி யோசிச்சிருக்கணும். நீ நாளைக்கு ஸ்கூட் விடு. அவ்வளவுதான்,

நீ இறுதி ஆண்டு தேர்வுக்கு போறதுக்கு இன்னும் மூணு வருஷம் இருக்கு. அதுக்குள்ள துறைத்தலைவர் ஓய்வு பெற்றுவிடுவார். நீ கட் அடிச்சித்தான் ஆகணும். நாங்கெல்லாம் கட் அடிச்சிட்டுத்தான் இருக்க போறோம். சச்சினின் இன்னொரு பன்ச் வெளிவந்தது.

இல்ல இன்னிக்கு கூட துரைத்தலைவர் கூப்பிட்டு கேட்டாரே! நாளைக்கு நான் போகலேனா தொலைச்சிடுவார். நான் வேணும்னா வார்டு வகுப்ப வேணும்ணா கட்டடிச்சிட்டு வந்திடரனே அழுதுவிடுவாள் போலிருந்தது.

உனக்கு இருசக்கர வாகனம் ஓட்டத்தெரியுமா?

ம். சைக்கிள் நல்லா ஓட்டுவா! நாமதான் அன்னைக்கு பார்த்தோமே !அடுத்த பன்ஞ்சை சச்சின் வெளியிட்டான்.

அப்ப ரெண்டாம் எண் பேருந்த புடிச்சி கிளம்பி வந்திரு.

சீஃப் வகுப்பு, அவர் எத்தனை மணிக்கு வேணும்னாலும் முடிப்பார்.

அது நீ ஒழுங்கா கேஸ் பிரசண்ட் செஞ்சாத்தான். நீ ஊத்தை விடு. அவரும் சீக்கிரம் விட்டுவிடுவார்.

நீ வந்தாப் பரவாயில்லை. அப்படியில்லைனா நீயும்தான் ரேக்கிங்கல உடந்தைன்ன்னு நாங்க வாக்குமூலம் எழுதி வி.பி. கையில கொடுத்திடுவோம்.

இல்ல நான் வந்திருவேன்.

அதான் எப்படி?

சும்மா கதை விடாத! சுமனும் நீயும் ஒரே யூனிட் தானே; பேசாம சுமன் வண்டில வந்திடு. அங்க 9.30க்கு புறப்பட்டா 10.கெல்லாம் வி.பி. ரூம்முக்கு வந்திடலாம்.

தேர்தலுக்கு பின் சுமன் சுமத்ரா உரசல் அதிகரித்துக் கொண்டே இருந்தது.

இப்ப நானும் அவனும் பேசிக்கறது இல்ல சுமித்ரா சற்று குழப்ப்பத்துடன் சொன்னாள்.

அவளுக்கு எப்படி இளவரசனை விடுவிப்பது என்பதிலிருந்து எப்படி வி.பி.யின் விசாரணைக்கு வருவது என்பதுவரை குழப்பமாக இருந்தது. மாணவர்கள் எப்படி கொஞ்சமும் கவலையில்லாமல் வகுப்புகளை தியாகம் செய்கிறார்கள் என்பதும் ஆச்சரியமாகவே இருந்தது

தொடரும்----------------------------------------->

இது கதையின் பதினாறாம் பாகம், அதனால்தான் தலைப்பு இப்படி

இந்தக் கதையைப் படிக்கும்போது அப்படியே இந்தப் பாடலையும் கேளுங்கள். எஸ்.பி.பி, எஸ். ஜானகி குரலில் மிக மென்மையான பாடல் இளையராஜாவின் இசையமைப்பு. ஆனால் மிக அபூர்வமாக வானொலி, தொலைக்காட்சிகளில் வருகிறது. உங்கள் அனைவருக்குமே மிகவும் பிடிக்கும்.

===========================================================================

கதையின் முதல் பகுதி "அடப்பாவி மணமேடையில்கூட

இரண்டாம் பகுதி நண்பர்கள் என்றும் சொல்லலாம்

மூன்றாம் பகுதி இந்தப் பூனையும் பால் குடிக்குமா?

நான்காம் பகுதி ஃபிகர் இல்லடா.., ஃபிகர் மாதிரி

ஐந்தாம் பகுதி ஒருத்திக்கு எத்தனை பேர்டா லவ் லெட்டர் கொடுப்பீங்க

ஆறாம் பகுதி நான்கு பெண்களைக் காணவில்லை.

ஏழாம் பகுதி நெஞ்சுக்கு நடுவில் தொங்கிய வாக்மேன்

எட்டாம் பகுதி மறந்தே போச்சு ரொம்ப நாளாச்சு; மடிமேல் விளையாடி...

ஒன்பதாம் பகுதி தமிழ் இந்தி ஒற்றுமையை வளர்த்த ரங்கோலிப் போட்டி

பத்தாம் பகுதி இது ராக்கிங்கிற்கு ஆதரவான இடுகை அல்ல

பதினொன்றாம் பகுதி மாணிக் ஃபாத்திமாவின் துப்பட்டா

பனிரெண்டாம் பகுதி பெண்ணுரிமை காக்க வந்த ஆபத்பாந்தவன்

பதிமூன்றாம் பகுதி அங்க is போடு இங்க was போடு

பதினான்காம் பகுதி சுதேசி மாணவர்கள், விஜயதசமி,

பதினைந்தாம் பகுதி நார்த்தி ரங்கீலாவும் மண்ணின் மகள்களும்

பதினாறாம் பகுதி sweet sixteen

பதினேழாம் பகுதி மயங்கிச் சரிந்த மாணவர் தலைவி

பதினெட்டாம் பகுதி குருதி சிந்தி குடிமக்களைக் காப்பாற்றிய கொங்கு நாட்டுத்தங்கம்

பதினொன்பதாவது பகுதி உருகும் மனிதன், பேசும் தனித்தலை

இருபதாம் பகுதி டபுள் மீனிங்

இருபத்தொன்றாம் பகுதி நான் சுத்தமானவள்

இருபத்திரெண்டாம் பகுதிநான் ஒண்ணுமே பண்ணலயே

இருபத்தி மூன்றாம் பகுதிவெளிய வாடா

இருப்பத்தி நான்காம் பகுதி வயசுப் பொண்ணு வாந்தி எடுத்தா இவன சும்மாவா விடுவாங்க?

இருபத்தி ஐந்தாம் பகுதி தாடிக்குப் பின்னால் இரண்டு பெண்கள்

நன்றி நன்றி

என்ன வேணும்? டி. ஆர் கேள்வி(புதுசு)

2011-04-15T21:41:00.002+05:30

பார்த்தேன், பிடித்திருந்தது, பகிர்ந்து கொள்ள இங்கு வைத்திருக்கிறேன்

நன்றி கானா பிரபா, அவர்தான் ட்விட்டடில் தட்டிவிட்டிருந்தார்

மாணவர்களுக்கு லேப்டாப் - முதல் படி துவங்கியது

2011-04-13T22:18:00.002+05:30

பள்ளி மாணவர்கள் அனைவருக்கும் லேப்டாப் கொடுக்கப் பட இருப்பது அனைவருக்கும் தெரிந்திருக்கும். இதைப் பற்றி பலரும் பலவாறு விவாதம் செய்திருக்கிறார்கள். அதன் முதல் படியாக தமிழகத்தில் பள்ளிப் பாடப்புத்தகங்கள் அனைத்தும் பிடிஎஃப் வடிவத்தில் வெளியிடப் பட்டுள்ளன.
இந்தச் சுட்டியில் போய் தேவையானவற்றை பார்த்துக் கொள்ளலாம்.

http://www.textbooksonline.tn.nic.in/
ஏற்கனவே கிராமப் புறப் பள்ளிகளில் டி.வி. , டிவிடி கொடுத்ததன் விளைவாக கிராமப் புறப் பள்ளி மாணவர்கள் ஆங்கில பாடல்கள், தமிழ் பாடல்களை நல்ல ராகத்தோடும் தெளிவான உச்சரிப்போடும் பழகி வருகின்றனர். இதில் சந்தேகம் அல்லது மாற்றுக் கருத்து இருப்பவர்கள் அருகிலுள்ள துவக்கப் பள்ளிக்குச் சென்று பார்க்கலாம். பெரும்பாலான பள்ளிகளில் ஆசிரியர்கள் இதை நன்கு உபயோகப் படுத்தி வருகின்றனர்.

இதே போல விடியோ வடிவில் வகுப்புகளையும், இயற்பியல், வேதியியல், செயல் முறைகளையும் காண்பித்தால் உலகத்திற்கு தமிழ்நாடு வழிகாட்டியாக இருக்கும்.தனியாக ட்யூசன் நிலையங்களுக்குச் செல்லவேண்டிய அவசியம் இருக்காது.

http://www.textbooksonline.tn.nic.in/

டிஸ்கி:-

தமிழக அரசுதான் இதுபோன்ற செயல்களுக்கு வழிகாட்டியாக இருக்கிறது.

பல நூறு கோடி ரூபாய்களை உலகவங்கியில் டெபாஸிட் செய்திருப்பதாக கூறும் எந்த ஒரு மாநில அரசாங்கமும் இது போன்ற ஆக்க செயல்களில் ஈடுபடவில்லை. ஒருவேளை அவர்கள் மூளைக்கு இதுபோன்ற செயல்கள் தெரியாமல் போயிருக்கலாம். எனக்கு அது போன்ற ஃபார்வேடு மெயில்கள் அனுப்பும் புண்ணியவான்கள் மேலே உள்ள சுட்டியை அந்த அரசுக்கு அனுப்பினால் பணத்தை வங்கியில் போடாமல் மக்களின் கல்வியில் போட்டு வளப்படுத்துவார்கள் என்பதை தெரிவித்துக் கொள்கிறேன்.

தனுஷ், விஜய் ஓர் ஒப்பீடு

2011-04-12T08:03:00.003+05:30

விஜய்:-
1991ல் நாயகனாக நுழைந்து என்னன்னவோ கஷ்டப் பட்டு, யாரோருக்கோ சோப் போட்டு திரையுலக இளம் நடிகர்களின் முதல் இடத்தை நோக்கி வந்து கொண்டிருந்த நடிகர். சூப்பர் ஸ்டார் தனது 18 ஆவது திரையுலக ஆண்டை ஒட்டி வெளியான தளபதி, மன்னன் போன்ற போன்ற படங்கள் அளவில் இல்லாவிட்டாலும் அவரது 35, 36 வயதுகளில் வெளியான அதிரடிப் படங்க்ளைப் போல வெளியிட்டு வந்தவர்.

திரையுலகின் முன்வரிசையில் ரஜினி, கமல் பொன்றொர் ஃபெவிகால் போட்டு ஒட்டிக் கொண்டிருக்க விஜய் தன்வயது நடிகர்களில் முதலிடத்தை நோக்கி வேகமாக முன்னேறிக் கொண்டிருந்த போது சன் பிக்சர்ஸ் வெளியீடுகளில் நடிக்க ஆரம்பித்தார். அவர்களது வெளியீடு காரணமாகவே படங்கள் சூப்பர் ஹிட் ஆவது போன்ற பிரம்மை உருவாக்கப் பட்டுக் கொண்டிருந்தது. விஜயை முன்னிலைப் படுத்தப் படுவது போல அவரையும் மீறி விஜய் படங்களில் சன் பிக்சர்ஸ் முன்னிலைப் படுத்தப் பட்டது. குறிப்பிட்ட சூழலில் வெளிவந்த வேட்டைக் காரன் ஒரு கமர்சியல் வெற்றிப் படத்திற்குரிய அத்தனை தகுதிகளும் இருந்தும், விஜய் ரசிகர்களுக்கு பெருமளவில் பிடித்திருந்தும், எல்லா படங்களையும் பார்க்கும் வெகுஜனங்களுக்கு பிடித்திருந்தும் படம் தோல்வி போல காட்டப் பட்டு தோல்விப் படம் ஆக்கப் பட்டது.

இதற்கடுத்த படம் சுறா, ஒவ்வொரு நடிகனின் மைல்கல்லான 50வது படம் . திட்டமிட்டே ஒரு தோல்விப் படமாக எடுக்கப் பட்டு யார் நினைத்தாலும், எவ்வளவு தீவிர ரசிகனாலும் பார்க்க முடியாத ஒரு கொடுஞ்சித்திரமாக உருவாக்கப் பட்டு விஜயின் திரையுலக வாழ்க்கையை மிகச் சாதாரண நடிகனாக மாற்றி அமைக்கப் பட்டது. இதற்கடுத்த படத்தை அவர் வெளியிட ஒரு அறிமுக நாயகன் தனது படம் வெளியாக எவ்வளவு சிரமம் படுவாரோ அவ்வளவு சிரமப் பட்டு வெளியிட்டார்.

தனுஷ்:

தனுஷின் சமீபத்திய படங்கள் எல்லாம் சன் பிக்சர்ஸ் மூலமே வெளியிடப் பட்டுள்ளது. சமீபத்தில் மாப்பிள்ளையும் மேலே விஜய்க்கு சொன்ன வழியில் வந்ததாகவே நினைக்கத் தோன்றுகிறது.

ஒரு ஆத்திகனின் பார்வையில் : சுத்த ராசியில்லாத நிறுவனமோ..., நடிக்கறவங்க மார்க்கெட் அத்தோடு முடியுது.

பகுத்தறிவாளன் பார்வையில் : திட்டம் போட்டுச் செய்யறாய்ங்க அப்பு...,

ஊ...ழ.....லலா.., ஊ..ஊ ழலல்லா ( தீப ஒளித் திருநாள் )

2011-04-10T22:49:00.001+05:30

ஊழலை ஒழிப்பது என்பது ஏதோ காலனி ஆதிக்கத்திலிருந்து வெளியே வருவது போன்ற விஷயம் போலவும், அன்னிய தேச ஆதிக்கத்திலிருந்து வெளியே வருவது போலவும் முடிவு கட்டிக்க் கொண்டு அலுவலக டீக் கடைகளிலும், எதற்கும் உதவாத வகையில் எல்லோரும் மோசம் என்று எல்லோரும் திருட்டுப் பசங்க என்றும் பேசிக் கொண்டும் இருப்பதும்தான் என்று நினைத்துக் கொண்டு இருக்கிறார்கள். இன்னும் ஒரு வகையில் போய் மாலை நேரத்தில் மெழுவர்த்தி ஏற்றிக் கொண்டாடுவது என்பது ஊழலை ஒழிப்பது என்றும் நினைத்துக் கொண்டிருக்கிறார்கள்.( பலருக்கும் கோபம் வரலாம்).

ஊழல் எங்கிருந்து ஆரம்பிக்கிறது? யாரால் யாருக்காக யார் மூலம் ஊழல் செய்யப் படுகிறது? என்ற கேள்வியை எழுப்பிப் பாருங்கள். ஊழலின் ஊற்றுக் கண் எங்கிருந்து வருகிறது என்பது புலப் படும். அதை அடைப்பது எப்படி என்றும் தெரியும்.

எவர் மூலம் என்ற கேள்விக்கு பதில் அரசியல்வாதிகள் மூலம் என்பதில் எல்லோரும் உறுதியாக இருப்பார்கள். அவர் மாற்றிவிட்டால் ஊழல் ஒழிந்துவிடுமா என்றால் ஒழியாது. எத்தனை கமர்சியல் திரைப்படங்கள் வந்துவிட்டன. அதிலும்கூட யாருக்காக ஊழல் என்பதை தெரிந்தும் தெரியாமலும் மறைத்தே காட்டுகின்றன. யாரும் தன்க்கு தொழில்தரும் வாடிக்கையாளரை குறை சொல்ல விரும்புவதில்லை.

அர்சியலில் நேரடியாக ஈடுபடுபவர்கள் ஒருபுறம், மறைமுகமாக ஈடுபடுபவர்கள் ஒருபுறம். நேரடியாக ஈடுபடுபவர்கள் லஞ்ச ஊழல் விவகாரங்களில் மாட்டிக் கொண்டால் பெரும்பாலும் அவர்களது அரசியல் எதிர்காலம் முடிந்து விடுகிறது . இதற்கு முன் இருந்த அமைச்சர்களின் வாழ்க்கையே அதற்கு உதாரணம். எதிரிக் கட்சியில் டம்மி பீஸாக மாறி வாழ்க்கை ஓட்ட வேண்டிய கட்டாயத்திற்கு உள்ளாகின்றனர். நகர, பஞசாய்த்துக்களில் மக்களை எதிர்த்து ஊழல் செய்தவர்கள் மீண்டும் ஆட்சிப் பொறுப்புக்கு வந்ததே கிடையாது.

ஆனால் மிகப் பெரிய தலைகள் எஸ்கேப் ஆனாலும் கூட பெரும்பாலும் தேர்தலில் தோல்வியைத் தழுவுகின்றனர். வலிமையான எதிரிக் கட்சி அமைந்துவிட்டால் அவர்கள் அந்த எதிரிக் கட்சித் தலைவர் மறையும் வரை தலைதூக்க முடியாது. 1967ல் ஊழல் குற்றச்சாட்டுக்கள் சுமத்தப் பட்ட காங்கிரஸ் கட்சி இன்னும்கூட தமிழ்நாட்டில் தோழமைக் கட்சியாகவேதான் இருக்கிறது. அப்போது காங்கிரஸ் தலைவராக இருந்த காமராஜரின் அரசியல் வாழ்க்கைகூட மங்கத் தொடங்கியது இது வரலாறு.

நேரடி அரசியல்வாதிகளின் ஊழலைத் தேர்தல் மூலம் சுலபமாக ஒழித்துவிட முடியும். நம் நாட்டுத் தேர்தல் முறை இதை பல முறை நிரூபித்துக் காட்டி இருக்கிறது.

ஆனால் அந்த அரசியல் வாதிகளையே ஊழலுக்கு தூண்டும் பின்புல அரசியல்வாதிகள் அதாவது அரசியலுக்கு நேரடியாக வராமல் அரசியலில் முக்கிய முடிவுகளை எடுக்கும் மனிதர்களை யார் நிர்ணயிக்கிறார்கள்? ஒவ்வொரு பகுதியிலும் தங்கள் காரியங்களை மறைமுகமாக சாதிக்க சிலரை வளர்த்துவிடுபவர்கள் யார்?

ஒரு சாதிச் சான்று வாங்குவதற்கு கூட பிறரின் உதவியை நாடுபவர்கள்,

பத்திரப் பதிவு, கடன் உதவி, தொழில் போன்றவைகளில் நேரடியாக நேர்மையாக இல்லாமல் மறைமுக ஆட்களை வளர்த்துவிடுபவர்கள், பலவந்தப் படுத்தி காரியம் சாதிக்க நினைப்பவர்கள், இது போன்று குறுக்குவழிகளில் காரியங்கள் சாதித்து அவர்களுக்கு அவர்களுக்கு ஊதியம் (இதை லஞ்சம் என்று சொல்லலாமா என்று தெரியவில்லை. இந்த ஊதியம் பெற்று வாழ்பவர்களுக்கு இதுவே வாழ்வாதாரம்) வழங்குபவர்கள் யார்?

உண்மையில் ஒவ்வொரு இந்தியக் குடிமகனும் லஞ்சம் கொடுக்காமல் வாழ்வேன் என்று சத்தியபிரமாணம் எடுத்துக் கொண்டால்

ஒவ்வொரு மனிதனும் குறுக்கு வழியை நாட மாட்டேன் என்று சொல்லிக் கொண்டால்

ஊழலுக்கு தூண்டல் புரியும் எந்த அலுவலகத்திலும் நான் பணியாற்ற மாட்டேன் என்று முக்கியப் பொறுப்புவகிக்கும் நிர்வாக அதிகாரிகள் ( இந்த வகையினர் எந்த நிறுவனத்திற்குச் சென்றாலும் பெரிய அளவில் ஊதியம் பெற முடியும்). முடிவு செய்தால்,

எனது கடமை செய்வதற்கு எந்த வகையிலும் ஊட்டுத் தொகை பெறமாட்டேன் என்றும் எந்த வகையில் கடமையில் தவறுவதற்கு பணம் பெற மாட்டேன் என்று முடிவு செய்தால் ஊழல் சுலபமாக முடிவுக்கு வந்து விடும்.

உண்மையில் ஊழலை ஒழிக்க நினைக்கபவர்கள் எதிர்த்து போராட வேண்டியது அதிகார வர்க்கத்தை அல்ல, அடங்கி ஒடுங்கி ஊழலுக்கு நெய்யும் பாலும் ஊற்றி வளர்க்கும் அடுத்த வர்க்கமே

==================================================================

நாட்டில் எத்தனையோ உயர் அதிகாரிகள் நேர்மையாக செயல் படுகிறார்கள். அவர்களின் நேர்மையால் சில அப்பாவிகளுக்கு இடைஞ்சல் நேரிட்டால்கூட அதை அவர்களே சரி செய்து கொடுத்துவிடுவார்கள். அதற்கு தேர்தல் நேரத்தில் பணியாற்றும் அதிகாரிகளை பெரும்பாலோனோர் பாராட்டவே செய்கின்றனர். ஆனால் கீழ்மட்ட அலுவலர்களின் நிலை. கொஞ்சம் சிரமமான சூழலே நிலவுகிறது. பணம் கொடுக்காமல் நேரடியாக பணிக்கு வந்த அலுவலர்களில் பெரும்பாலானவர்கள் நேர்மையாகவே இருக்க முயற்சி செய்கின்றனர். ஆனால் ஐ.ஏ.எஸ் ஐ.பி.எஸ் அதிகாரிகளுக்கு இருக்கும் பாதுகாப்பு இவர்களுக்கு இல்லை. இவர்களுக்கு பாதுகாப்பு தர வேண்டியது ஒவ்வொரு நகரத்திலும், ஒவ்வொரு கிராமத்திலும் இருக்கும் ஊழல் எதிர்ப்பாளர்களே, பெரும்பாலான மக்கள் நேர்மையாக நடந்து, அலுவலர்களும் நேர்மையாக நடக்க நிர்பந்திக்கும்போது குறுக்கு வழியை தூண்டும் சிலர் தானாகவே ஒதுங்கிப் போய்விடுவார்கள்.

பெரும்பாலானவர்கள் குறுக்கு வழியை நாடினால் அதில் வலிமை வாய்ந்தவன் சொல்வதே வழி என்ற நிலையை அலுவலர் நாட வேண்டிய சூழல் ஏற்படுகிறது. நேரமையான அதே நேரத்தில் உறுதியாக இருந்தால் கண்டிப்பாக நாட்டில் ஊழலை ஒழிக்க முடியும். நிர்பந்திக்கும் நபர்களை நேர்மையாளர்களின் உதவியுடன் வெற்றி பெற முடியும். ஆனால் நடப்பது தலைகீழ்.

ஒவ்வொரும் தங்கள் காரியங்கள் நடக்க மட்டும் ஊழலை நாடுவதும். அதே வழியை மற்றவர்கள் பின்பற்றும்போது புலம்புவதும். இவர்களே நேரடியாக ஊழலை தவிர்க்கமுடியும் என்ற நிலையில் அதைவிட்டு விட்டு இன்னொருவர் போராடும்போது மெழுவர்த்தி ஏற்றி கார்த்திகை தீபம் கொண்டாடிவிட்டு புரட்சி வெடித்துவிட்டது என்று சொல்லிக் கொண்டு சுற்றுவதும் காரியத்திற்கு ஆகாதவை.

இதைவிட நேரமையாக இருப்பதும், நேர்மையாக இருப்பவர்களுக்கு நேர்மையில்லாதவர்கள் மூலம் பிரச்சனைகள் வரும்போது நடுநிலமை வகிக்காமல் நேர்மையின் பக்கம் ஆதரித்தலே நேர்மையானவர்களுக்குத் தரும் ஊக்கமும், ஊழலை ஒழிக்கும் வழியுமாக இருக்கும்.

இவ்வாறு இருக்கும் நடுநிலை வாதிகள் நேர்மையின் பக்கம் இருப்பார்களேயானால் கண்டிப்பாக கட்டைப் பஞ்சாயத்து பேர்வழிகளிடமும், மிரட்டல் பேர்வழிகளிடமும் நேர்மையாளர்கள் பயப் படாமல் இருக்க முடியும்.

===================================================================

ஊழல் என்பது தவறு ஊழலை ஒழிக்க முடியும் என்ற எண்ணத்தை மீண்டும் நினைவு படுத்திய அன்னா ஹசாராவுக்கு இந்திய தேசமே கடமைப் பட்டிருக்கிறது என்றே சொல்ல வேண்டும்.

இன்னொரு சுதந்திரம் அடைந்தது இந்தியா

2011-04-09T07:20:00.001+05:30

ஊழலுக்கு எதிரான போர் இந்தியாவில் நடைபெற்று வருவதாகவும், எகிப்து, ரஷ்யா புரட்சி போன்றதொரு புரட்சி இந்தியாவில் துவங்கிவிட்டதாகவும் இணையத்திலும் பலதரப்பட்ட மக்கள் மத்தியிலும் நேற்று பரவலாக செய்திகள் அடிபட்டுக் கொட்டு இருந்தன. அதன் உச்சக் கட்டமாக நேற்று இரவு மக்கள் குழுவினருக்கும் அரசுக்கும் இடையே நடைபெற்ற பேச்சு வார்த்தையில் இறுதி முடிவு எடுக்கப் பட்டதில் ஊழலை ஒழிக்கும் சட்ட முன்வரைவு அமைக்கும் குழுவில் தலைவராக பிரணாப் முகர்ஜிக்குப் பதிலாக வேறொருவரைப் போடுவதாக உறுதி வழங்கப் பட்டதை அடுத்து அன்னா ஹசாரே தனது உண்ணாவிரதத்தை முடித்துக் கொள்வதாக அறிவித்திருக்கிறார்.

செய்திகள்

http://timesofindia.indiatimes.com/india/India-wins-again-Anna-Hazare-to-call-off-fast-today/articleshow/7921304.cms

http://in.news.yahoo.com/live--anna-hazare-s-fast-enters-4th-day.html

Victory for Anna Hazare and India as government bends

நேற்று உண்ணாவிரத ஆதாரவாளர்கள் பேசும்ப்போது இது தான் உண்மையான சுதந்திரப் போர் என்றெல்லாம் உணர்ச்சிப் பொங்க பேசினார்கள் என்பது குறிப்பிடத்தக்கது.

///பேச்சுவார்த்தை குறித்த விவரங்களை தெரிவிப்பதற்காக, மத்திய அமைச்சர்கள் கபில் சிபல், வீரப்ப மொய்லி, சல்மான் குர்ஷித் ஆகியோர், பிரதமர் மன்மோகன் சிங்கின் வீட்டுக்குச் சென்றனர். அவருடன் இதுகுறித்து ஆலோசனை நடத்தினர். இதன் வரைவு மசோதா தயாரிக்கும் கமிட்டி குறித்த முறையான அறிவிப்பு நேற்று வெளியிடப்பட்டது. இதன்படி, இந்த கமிட்டியில், மூத்த அமைச்சர்களான பிரணாப் முகர்ஜி, கபில் சிபல், வீரப்ப மொய்லி, சல்மான் குர்ஷித் மற்றும் சிதம்பரம் ஆகியோர் இடம்பெற்றுள்ளனர். குழுவின் துணைத்தலைவர் பதவி சாந்தி பூஷணுக்கு வழங்கப்பட்டுள்ளது.///

இதுவும் செய்திதான்

இது குறித்தான மக்களின் கருத்துக்கள் சில

யாகூ தளத்தில்
//At last a person has shown the interest in our India. Three cheers for ANNA. He is playing as a real FATHER OF INDIA. All over the India he deserve the Salute - JAI HIND.//

//All corrupted leader should be gone in jail on 12th//

டைம்ஸ் ஆஃப் இண்டியாவில்

///Indias greatest victory.Bigger than anything. People have raised their voice against corruption and have said "Its Enough". I see a ray of hope for a corruption free india. Imagine!// // I really wish and would be very much happy if curruption is totally eliminated from this country. But it would be premature and too early to celebrate the victory now. In India anything can happen. Even the Lok Pal Bill can be got rejected or delayed (putting in Tanda Bastha) in the Parliament by the most currupt politicians. In case the entire Jantha is supporting Mr. Anna Hazare Ji and against curruption as is shown in the electronic media for the last 4 days, then this should reflect in the forthcoming Assembly elections in some States especially in Tamil Nadu. I have the feeling that the media hype about the agitation has been very well utilized by some for their cheap publicity and popularity// வாழ்த்துக்கள்..,
http://www.annahazare.org/

சச்சின் முன் நிற்கும் சவால்.

2011-04-08T16:54:00.001+05:30

1. லலித் மோடி இல்லாமல் நடைபெறும் முதல் ஐ.பி.எல் இது. லலித் மோடி இப்போது தலைமறைவாக இருப்பதாகச் சொல்கிறார்கள். இதற்கு முந்தைய உலகக் கோப்பைக்கு கதை, திரைக்கதை, வசனம் எழுதி இயக்கியவர் அவர்.

2.இந்திய அணியின் ஆக்ரோஷமான கேப்டன் கங்குலி இன்று என்ன செய்யப் போகிறார் என்றே தெரியவில்லை. ஃபிளம்பிங் கூட பயிற்சியாளராக வளம் வருகிறார்.

3.வாசிக் அக்ரம் பந்து வீச்சு பயிற்சியாளராக வந்திருக்கிறார், அவரே கடமை, கண்ணியம், கட்டுப்பாட்டுக்கு சிறந்த உதாரணம். அதை அவர் கற்றுக் கொடுக்க வேண்டும். பாகிஸ்தானில் எதிரணியினரை விளையாட்டு நுட்பங்களால் மட்டுமே பயமுறுத்திய வீரர். அநேகமாக ஒரே பாகிஸ்தானிய வீரர்.

4.சைமண்ட்ஸ், ஹர்பஜன்சிங் ஒரே உறையில் இருக்கும் இரு கத்திகள். சச்சின் சமாளிப்பாரா என்று தெரியவில்லை

5. சென்ற ஆண்டு இளையவர்களூக்கு வழிவிட்டு கேப்டன் பதவியிலிருந்து ஒதுங்கிய சேவக், கம்பீர் வேறிடம் சென்றதால் இன்று மீண்டும் கேப்டன் ஆகிவிட்டார். இந்திய அணியின் கேப்டன் மேக்கராக சச்சின் மாறியது போல சேவக்கும் யாராவது ஒரு புதியவருக்கு வழிவிட்டு விடலாம்.

6.இந்த ஆண்டு ஐ.பி.எல் லின் அரையிறுதி போட்டி கலந்து கொள்ளுபர்களுக்கு நல்ல வாய்ப்பினைத் தருவதாக இருக்கிறது. எதிர்காலத்தில் அனைவராலும் இந்த முறை பின்பற்றப் பட வாய்ப்பு உள்ளது. இதையே காலிறுதியில் பின்பற்றினால் நினைக்கவே தேனாக இருக்கிறது.

7.உலகக் கோப்பைக்கு பாகிஸ்தான் அணி வீரர்களுக்கு அனுமதி தந்தவர்கள், வசிம் அக்ரமுக்கு அனுமதி தந்தவர்கள் விளையாட விருப்பம் உள்ளவர்களுக்கு அனுமதி கொடுத்திருக்கலாம்.

8.ஆட்டம் முடிந்தவுடன் நடைபெறும் தேநீர் விருந்துக்கு தடை வழங்கப் பட்டுள்ளது. அதே போல் ஆட்டம் முடிந்த உடன் வீரர்கள் தங்குமிடத்தை விட்டு வெளியே செல்வதற்கும் தடை போடலாம். அனைத்து வி.ஐ.பிக்களுக்கும் பாதுகாப்பு ஏற்பாடுகளை கவனிப்பது காவல்துறைக்கு கூடுதல் தலைவலியைத் தரும்

9.ஒவ்வொரு போட்டியிலும் நால்வர் மட்டுமே வெளிநாட்டுவீரர்கள் இருக்கலாம் என்பது போல பயிற்சியாளராக வெளிநாட்டு வீரர் இருக்கலாம். ஆனால் தலைவராக உள்நாட்டுவீரர்தான் இருக்கலாம் என்று சொல்லி விடலாம். துணைத் தலைவராக சர்வதேச அனுபவம் இல்லாத அல்லது மிகக் குறைந்த சர்வதேச போட்டிகளில் மட்டும் விளையாடியுள்ள உள்ளூர் வீரர்தான் இருக்க வேண்டும் என்று உறுதி படச் சொல்லி விடலாம்.

10. போட்டி நடத்துவதில் மட்டுமே மிகச் சிறந்த கட்டுக்கோப்புடன் திட்டமிடுகிறோம். ஆனால் போட்டி அதன் போக்கில்தான் போகிறது என்பதை ஐ.பி. எல் ரசிகர்களிடம் தங்கள் செயல் பாடுகள் மூலம் நிரூபிக்க வேண்டும்.

அன்னா ஹசாரே - ஆதரவு எவ்வளவு தூரம்?

2011-04-08T16:21:00.000+05:30

டிஸ்கி :- உண்ணாவிரதம், காந்திய வாதம் ஆகியவை மிக புனிதமானவை, வலிமைமிக்கவை என்பதில் எனக்கு எந்த மாற்றுக் கருத்தும் கிடையாது என்பதை இங்கு நான் அழுத்தம் திருத்தமாக சொல்லிக் கொள்கிறேன்

அன்னா ஹசாரே அவர்கள் ஒரு மாபெரும் கொள்கையை நோக்கி ஒரு உண்ணாவிரதப் போரைத் தொடங்கி இருக்கிறார். அவர் சொல்லும் விஷயங்கள் எல்லோராலும் ஏற்றுக் கொள்ளப் படவேண்டியது. ஆனால் அன்னா ஹசாரேக்கு முன்னதாக தமிழகத்திலும் இது போன்று ஒரு இயக்கம் சென்ற தேர்தலில் நடைபெற்றது. பதிவர் ஒருவரே முன்னிலை வகித்தார். பல பதிவர்களும் அந்த வேட்பாளருக்கு ஆதரவுகளை அள்ளித் தெளித்தனர். அந்த தேர்தலுக்குப் பின்னர் அந்த நடவடிக்கைகள் என்ன ஆனது என்றே தெரியவில்லை.

இப்போது அன்னா ஹசாரே அவர்களைப் பற்றியும் இணையத்தில் ஆதரவுகளை வாரி வழங்கிக் கொண்டு இருக்கிறார்கள். அதனால் ஏதாவது பயன் இருக்கிறதா? இணைய கையெழுத்து இயக்கம் வேறு நடத்திக் கொண்டிருக்கிறார்கள். சில இடங்களில் பதிவர்கள் கூட்டங்கள் கூட நடக்க இருக்கின்றன.

எனக்கு சில சந்தேகங்கள்: -
1.இந்த நடவடிக்கைகள் அன்னா ஹசாரேவுக்கு எந்த விதத்தில் உதவப் போகின்றன?

2. இவ்வாறு ஆதரவுக் கூட்டங்கள் போடுவதை விட அவருக்கு ஆதரவாக பத்து, இருபது பேராக ஒவ்வொரு இடத்திலும் உண்ணாவிரதம் இருக்கலாமே. ஏன் அதைச் செய்வதில்லை. டோனிக்கு ஆதரவாக எந்திரனுக்கு ஆதவராக செயல்படும் இயக்கம்போல்தான் செயல் படப் போகிறார்களா?

அப்படி உண்ணாவிரதங்கள் ஆங்காங்கு நடைபெற்றிருந்தால் இன்னேரம் மிகப் பெரிய பேச்சாக மாறியிருக்குமே?

3.71 ஆண்டுகள் அன்னா ஹசாரே மக்கள் பணியில் எவ்வளவு நாட்கள் ஈடுபட்டு வருகிறார்? அதனால் பொது மக்கள் எந்த அளவு நன்மை பெற்றிருக்கின்றனர் என்பதுபோன்ற பாஸிட்டிவ் தகவலகளை சொல்லி அவருக்கு ஆதரவு திரட்ட ஏன் அவரது ஆதரவாளர்கள் தவறுகின்றனர்?

4.அவருடன் இருக்கும் முன்னாள் நீதியரசர்கள் சட்ட ரீதியாக இந்தச் சூழலை சமாளிக்க முடியவில்லையா?

===========================================================================
தமிழக ஊடகங்கள் ஏன் இந்த போராட்டத்திற்கு பெரிய அளவில் ஆதரவு தெரிவிக்கவில்லை என்று ஒரு நண்பரிடம் கேட்டபோது அவர் சொன்ன பதில். நாங்கெல்லாம் இதவிட பெரிய பெரிய உண்ணாவிரதமெல்லாம் பாத்திருக்கோம்ல

சச்சினின் பாரத ரத்னாவும் டோனியின் பத்மஸ்ரீயும்

2011-04-06T23:02:00.001+05:30

சச்சினுக்கு பாரத ரத்னா கேட்டு டோணி குரல் கொடுத்திருக்கிறார். டிராவிட்டும் கொடுத்திருக்கிறார். ஹிஸ்துஸ்தானி பிரபல பாடகர், பீம்சேன் ஜோஷி, பிரபல ஷெனாய் கலைஞர் பிஸ்மில்லா கான், பிண்ணனி பாடகர் லதா மங்கேஷ்கர், ஜே.ஆர்.டி டாடா போன்றவர்களுக்கு வழங்கப் பட்ட விருதுதான் அது.

இந்த விருதினைப் போன்றே கவுரவம் மிக்க விருதுகள்தான் பத்ம விருதுகள். ஒவ்வொரு இந்திய குடிமகனும் பத்மஸ்ரீ, பத்ம பூஷன் விருதுகளை கையில் வாங்கும் போது எவ்வளவு மகிழ்ச்சியடைய வேண்டும். ஆனால் 2009ல் டோனிக்கு பத்ம விருது வழ்ங்கப் பட்ட போது அதனை வாங்கச் செல்லவில்லை. அதே நேரத்தில் ஒரு விளம்பர நிகழ்ச்சிக்காக டெல்லியில் இருந்ததாக பரபரப்பாகப் பேசப் பட்டது. அப்போது எழுதப் பட்ட இடுகை இது.

இந்த பத்ம விருதுகளைப் பற்றி ஒரு நல்ல மரியாதை இருந்திருந்தால் கண்டிப்பாக போய் வாங்கி இருப்பார். ஒருவேளை பதம விருதுகள் அவ்வளவு மதிப்பு வாய்ந்தவை அல்ல. பாரத ரத்னா மட்டும் மதிப்பு வாய்ந்தது என்று நினைத்திருக்கிறாரோ என்னவோ? அல்லது இப்போது விருதுகள் பற்றி நல்ல எண்ணத்தை வளர்த்திக் கொண்டாரோ என்னவோ. ஒருவேளை அப்படி வளர்த்திருந்தால் நல்லதுதான்.

ஆஸ்திரேலியா போட்டியின்போதே டோனி சிறப்பாக விளையாடுவார் என்றும். அதற்கான காரணங்கள் என்ன என்ன என்று எதிர்பார்க்கப் பட்டு எழுதப் பட்ட இடுகை இங்குள்ளது.

அனைவரையும் காத்திருக்க வைத்து அவர் ஆடிய ஆட்டம் அவரை மீண்டும் ஒரு முறை மிகப் பெரிய ஹீரோ ஆக்கிவிட்டதைப் போல பல பிரச்ச்னைகளையும் தவிர்த்துவிட்டது.

சைமண்ட்ஸ் - தமிழகத் தேர்தல் - ஊடகங்கள்

2011-04-05T21:34:00.001+05:30

தமிழக அரசியலில் உவமை, உவமானங்கள் எல்லாம் கொடுத்து பேசிக் கொண்டிருக்கிறார்கள். ஆஸ்திரேலியாவில் நம் ஆட்கள் விளையாடப் போனபோது ஹர்பஜன் சொன்ன இன்வெறி வார்த்தையை ஒரு முன்னாள் முதல்வரைப் பார்த்து முன்னாள் மத்திய அமைச்சர் சொல்லுகிறார். ஒரு வருங்கால முதல்வரைப் பார்த்து இன்னொரு வருங்கால முதல்வர் சொல்லுகிறார். ஆனால் இதெல்லாம் ரொம்ம்ம்ம்ம்ம்ம்ம்ப சாதாரண விஷயமாக ஊடகங்கள் சொல்லிக் கொண்டு இருக்கின்றன. விளையாட்டில்கூட சொல்லக் கூடாத வார்த்தையை ஊடகங்கள் முன்னிலையில், ஊர்மக்கள் முன்னிலையில் சொல்வதையும் ஊடகங்கள் ஒளிபரப்பிக் கொண்டே இருக்கின்றன. ஹர்பஜன் மட்டும் ஆமாம் சொன்னேன் என்றிருந்தால் அவருக்கு வாழ்நாள்தடை வந்திருக்கும். இந்திய அணிக்குக் கூட நிறவெறிச் சாயம் பூசப் பட்டிருக்கும்.

============================================================
இந்திய இலங்கை அணியின் இறுதி ஆட்டத்தைப் பற்றி பேசப் படும் ஒரு கருத்து. இலங்கை அணி தன்பாதையில் ஆஸ்திரேலியா, பாகிஸ்தான், நியூஸிலாந்து, இங்கிலாந்து போன்ற எளிமையான அணிகளைச் சந்தித்து இறுதி ஆட்டத்திற்கு வந்தது. ஆனால் இந்திய அணியோ, இங்கிலாந்து, தெனாப்பிரிக்கா, ஆஸ்திரேலியா, பாகிஸ்தான் ஆகிய கடுமையான அணிகளுடன் போராடி வந்திருக்கிறது.

என்ன கொடுமைடா சாமி.

=====================================================

அஃப்ரிதிக்குத் தெரிகிறது. கிரிக்கெட் வெற்றியை அரசியல் ரீதியில் அர்ப்பணம் செய்யக் கூடாது என்று. இத்தனைக்கும் அவர் விளையாட்டில் வெற்றி பெற பற்களை உபயோகப் படுத்தக் கூட தயங்காதவர். விளையாட்டுகளில் அரசியல் பேசும் வீரர்களுக்கு தண்டனைகள் கொண்டுவரச் சர்வதேச சட்டங்கள் போட்டால்தான் என்ன

விஜய காந்தின் ஓட்டு வங்கியும் ரஜினியும்

2011-04-05T08:38:00.003+05:30

இந்திய அரசியலில் மூன்றாவது அணி என்று பேசுவார்கள்; நான்காம் அணி கூட உருவாக்கிக் கொண்டார்கள். அதுபோல் மாநிலக் கட்சிகளின் வளர்ச்சி தவிர்க்க முடியாதது என்றெல்லாம் பேசிக் கொண்டிருக்கிறோம். தேசிய அளவில் மாநிலக் கட்சிகள் முக்கியப் பங்காற்றினால் மாநில அளவில் மாவட்டக் கட்சிகள் வளரத் தானே செய்யும்

மாவட்டக் கட்சி என்ற வடிவத்தை நாம் யோசித்தால் நமது மாவட்டங்கள் அப்படி ஒன்றும் பெரிய பரப்பளவு உள்ளவை அல்ல. புதுவை மாநிலமே சிறிய அளவில் இருப்பதால் தான் தமிழகக் கட்சிகள் அங்கே கிளைகளை வெற்றிகரமாக நடத்த முடிகிறது. நமது மாவட்டங்கள் சின்னதாக இருப்பதால் சில நேரங்களில் சில மாவட்டங்கள் பரவி ஒரு கட்சி இருக்க முடியும். தமிழ் முழுவதும் தெரிந்த தலைகளால் அதை மாநிலக் கட்சியாகக் கூட மாற்ற முடியும்.

பொதுவாக நமது மக்கள் கட்சியில் சேர்வது என்பது பெரும்பாலும் மக்களுக்கு சேவை செய்வது என்பதைவிட தனக்கு ஒரு பின்புலமாக பக்க பலமாக இருக்கும் என்ற நிலையில் கட்சிகளில் சேர்கிறார்கள். திறமையாக செயலாற்றத் தெரிந்தவர்கள் மேலும் மேலும் பெரிய அளவில் வளருவதற்கு தற்போதுள்ள சூழலில் பழைய அரசியல் கட்சிகளில் இடம் இருப்பதில்லை. ஏற்கனவே கட்சியில் உள்ள மூத்த உறுப்பினர்களும் அவர்களோடு தோள்நின்ற இளவல்களும் அந்தக் கட்சிகளில் முக்கிய நிலையில் இருப்பதால் புதிதாக பதவி எதிர்பார்த்து கட்சிகளில் சேர்பவர்களுக்கு பதவிகள் என்பது வார்டு செயலாளர் என்பதை தாண்டுவது என்பதே குறைவு.

இந்த சூழலில் புதிதாகக் கட்சி யார் ஆரம்பித்தாலும் இது போன்று பதவி இல்லாமல் சிரமப் படும் நபர்கள் புதிய கட்சிகளில் தங்களை இணைத்துக் கொண்டு தங்கள் திறமைக்குத் தகுந்த பதவிகளை அடைந்து மக்கள் சேவைக்கு தங்களைத் தயார் படுத்திக் கொள்ள நினைக்கிறார்கள்.

விஜய காந்த் கட்சி ஆரம்பித்த போது கூட அதுதான் நடந்தது. உழைத்து கட்சியில் முன்னேற விரும்பியவர்களும் ஏற்கனவே ஓரளவு முன்னேறியவர்கள் சுதந்திரமாக செயலாற்ற விரும்பியவர்களும் கட்சியில் சேர்ந்து உழைக்கின்றனர். அவர்களது உழைப்பின் காரணமாகவும் தமிழ்நாடு தெரிந்த கட்சித்தலைமையின் காரணமாகவும் அந்த உழைப்பினை ஓட்டுக்களாக மாற்ற முடிகிறது.

பொதுவாக கட்சிமாறித் தலைமை இருந்தால் இந்த வட்ட அளவில், பேரூராட்சி, ஊராட்சி அளவிளான த்லைகளால் தொடர்ந்து போராட முடியாது. நேற்றைய எதிரியை இன்றைய நண்பனாக ஒரு சிலரால் ஒரு சிலரை மட்டுமே ஏற்றுக் கொள்ள முடியும். அப்படிப் பட்ட சூழலில் கீழ்மட்டத்தலைவர்களால் தொடர்ந்து திறம்படச் செயலாற்றுவது மிகக் கடினம். ஆனால் விஜயக் காந்த் தனியாக நிற்பது இவர்களுக்கு தங்கள் திறமையைக் காட்டவும், தங்களை வளர்த்துக் கொள்ளவும் மிக உபயோகமாக இருக்கிறது.

நடுநிலை ஓட்டுக்களும், முக்கியக் கட்சிகளை பிடிக்காத ஓட்டுக்களும் விஜயக் காந்த்துக்கு விழுந்ததாக பேசுகிறார்கள். ஆனால் நகரங்களில் கிராமங்களில் யார் தோற்கவேண்டும் என்று போடப் படும் ஓட்டுக்களே அதிகம்.(யாருக்கு வேணும்னாலும் ஓட்டுப் போடு,நம்பியாருக்கு மட்டும் ஓட்டுப் போட்டுராத.. என்ற வசனத்தை கேட்டு இருக்குறீர்களா). பெருநகரங்களிலும் ஓரளவு வளர்ந்த நகரங்களிலும் முக்கிய கட்சிகளை பிடிக்காதவர்கள் வாக்களிக்கவே போக மாட்டார்கள். இவரது கட்சிக்கு மட்டுமல்லாமல் புதிதாக பெரிய அளவில் ஓட்டு வாங்கக் கூடிய மற்ற மாவட்டக் கட்சிகளுக்கும், ஜாதிக்கட்சிகளுக்கும் உள்ள நிலை கூட இதுதான்.

முக்கிய இரு கட்சிகளைப் பிடிக்காதவர்களின் ஓட்டுக்கள் என்றால் பகுஜன் சாமாஜ்கட்சி, பா.ஜ.க போன்று பிரதமர் வேட்பாளரை தன்னகத்தே வைத்திருந்த கட்சிகளுத்தான் அந்த ஓட்டுக்கள் போயிருக்க வேண்டும். ஆனால் போகவில்லை

தலைவரின் மீதான நம்பிக்கை பெரிய அளவில் இருந்தாலும் கூட அவரால் கிடைக்கக் கூடிய பலன்களை வாங்கிக் கொடுக்க முடியும் என்ற நம்பிக்கையை ஏற்படுத்தக் கூடிய நகர, கிராம, வார்டு தலைகளின் உழைப்பே ஓட்டு வங்கிகளை ஏற்படுத்த முடியும்.

இன்றைய சூழலில் தமிழ்நாடு முழுவதும் தெரிந்த தலைவர்கள் கூட குறைவாகவே இருக்கிறார்கள். அதுபோல இந்தியா முழுவதும் தெரிந்த தலைவர்களை விரல்விட்டு எண்ணிவிடலாம். அவர்களுக்குக் கூட நேரடியாகச் சந்தித்துப் பேசக் கூடிய அடுத்தடுத்த கட்ட தலைவர்கள் இந்தியா முழுவதும் இருப்பதும் கேள்விக்குறியே...

அதனால்தான் நடிகர்கள் கட்சி ஆரம்பித்தால் இது போன்று உழைக்கும் திறமை வாய்ந்தவர்கள் அவர்களது கட்சியில் முதலில் சேர்ந்துகொள்கிறார்கள். அவர்களை கட்சித்தலமை அதிகமாக உபயோகப் படுத்திக் கொள்ள தெரிந்திருந்தால் அந்தக் கட்சியால் வெற்றி பெற முடிகிறது.

அவ்வாறாக ஒரு புதிய அரசியல் கட்சி ஓட்டுக்கள் அதிகம் வாங்கினால் அது இவர்களைப்போன்ற இரண்டாம் கட்ட மூன்றாம் கட்ட தலைவரைகளைப் பொறுத்தே அமையும்.

நடிகர்களின் நற்பணி மன்றங்களில் (இப்போது ரசிகர் மன்றம் என்று ஏதாவது இருக்கிறதா என்ன?) ஆட்கள் சேருவதும் இதற்காகத்தான். தங்கள் தலைவனை தெய்வமாக நினைத்து பாலாபிஷேகம் செய்வர்கள் ஒரு கட்டத்தில் தங்களை பூசாரிகளாக நினைத்துக் கொண்டு பூசாரிக்கு உரிய மரியாதையையும், காணிக்கைகளையும் எதிர்பார்க்க ஆரம்பித்து அதற்கான அடிப்படையாகவே இதில் உழைக்கின்றனர்.

புதிய அரசியல் கட்சி ஆரம்பித்தால் அதில் சேருபவர்கள் இதுபோன்ற பல கூட்டல், கழித்தல் கணக்குகளைப் போட்டுப் பார்த்தே சேருகிறார்கள்.

அவ்வாறு புதிய கட்சி ஆரம்பிக்கும்போது ஏதாவது உணர்ச்சிகரமான பிரச்சனைகளை முன்னிறுத்தி கட்சி ஆரம்பித்தாள். மற்றவர்கள் பெறக்கூடிய ஓட்டுகள் குறையும். ஆரம்பிப்பவர் பெறக்கூடிய ஓட்டுக்கள் வெற்றியைக் குவிக்கும்.

எம்.ஜி.ஆர் கட்சி ஆரம்பித்தபோது சூழல் அப்படித்தான். தி.மு.க. இந்திரா கூட்டு, எதிரணியான ராஜாஜி-காமராஜ் கட்சிகள் வழுவிழந்த சூழல். அந்த சூழலில் தி.மு.க.வின் பொருளாளரான எம்.ஜி.யார் (இப்போது மு.க.ஸ்டாலின் பொருளாளராக இருக்கிறார்) தனியே பிரிந்து வந்து ஒரு உணர்ச்சிகரமான உரைகள் நிகழ்த்தப் படுகிறது. அந்த கட்டத்தில் வந்த எம்.ஜி.யார் பாடல்களைக் கேட்டாலே ஓரளவு புரிந்துகொள்ள முடியும்.

என்.டி.யார் கட்சி ஆரம்பித்த சூழல் இன்னும் அபாரமாக இருக்கும். எம்ஜியாரைப் போல என்டியார் இருபது ஆண்டுகாலம் ஒரு அரசியல் கட்சிக்கு உழைத்தவரல்ல.மூன்று சட்டமன்றங்களில் உறுப்பினராக இருந்தவரும் அல்ல. எம்ஜியார் போல தெருதெருவாக பிரச்சாரம் செய்த அனுபவமும் அவருக்குக் கிடையாது. ஆனாலும் அவருக்கும் ஒரு வாய்ப்பு கிடைத்தது. அப்போதைய காங்கிரஸ் முதலவர் கட்சித் தலைமையை வரவேற்க விமான நிலையத்தில் ஒரு பொழுது முழுதும் காத்திருக்கிறார், ஆனால் கட்சித்தலைமை அவரை நிராகரித்துச் செல்கிறார்கள். அது ஒரு உட்கட்சி விவகாரம். ஆனால் அந்த பிரச்சனையை ஆந்திர மக்களின் ஒட்டு மொத்த கவுரவ பிரச்சனையாக என்டியார் எடுத்துக் கொண்டு ஒரு கட்சி ஆரம்பிக்கிறார். மாநிலம் முழுவதும் பிரச்சாரம் செய்கிறார். அவரது பிரச்சாரத்தை எதிர்கொள்ள வழியில்லாமல் மற்றவர்கள் தோற்கிறார்கள். 84ல் அதிபயங்கர காங்கிரஸ் அலை அடித்தபோது கூட ஆந்திராவில் தெலுகுதேசம் கட்சிதான் பெருவாரியான வெற்றி அடைந்தது என்பதும் பிரதான எதிர்கட்சியாக பாராளுமன்றத்தில் அமர்ந்திருந்தது என்பது சரித்திரம்.

96ல்கூட ஒரு உணர்ச்சிகரமான சூழல் நிலவியது. புதிதாக மூப்பனார் கட்சி தொடங்கினார். அவரது கூட்டணி ஆட்சியைப் பிடித்தது. அந்தக் கூட்டணிக்கு எல்லாமே பிரச்சார பிரம்மாஸ்திரமாக அமைந்தது. தூர்தர்ஸனில் ஒலிபரப்பான ஒரு சாதாரண பேட்டி(தொலைக்காட்சி நிலையத்தை பொருத்தவரை அந்தப் பேட்டி பத்தோடு பதினொன்று) கூட தமிழகத்தில் உள்ள அனைத்து தொலைக்காட்சி பெட்டிகளிலும் பார்க்கப் பட்டது. அரசியல் முக்கியத்துவம் வாய்ந்ததாக மாறியது.

ஆனால் சிரஞ்சீவிக்கோ, விஜயகாந்த்துக்கோ இப்படி ஒரு சூழல் இல்லை, இருந்தாலும் அவர்கள் குறிப்பிடத்தக்க ஓட்டுப் பெற்றிருக்கிறார்கள் என்றால் அவர்களது கீழ்மட்டத்தலைவர்கள் கடுமையாக உழைத்திருக்கிறார்கள் என்றுதான் பொருள்.

தமிழகத்தில் எத்தனையோ பெரிய தலைவர்கள் தனியே கட்சி ஆரம்பித்திருக்கிறார்கள். அவர்கள் கட்சி ஆரம்பித்தபோது ஒரு உணர்ச்சிகரமான சூழல் இல்லை. தாய் கட்சியிலிருந்து வெளியேறியவர்களுடன் புதிதாகக் கட்சியில் வந்தவ்ர்கள் கடை மட்டம் வரை மற்ற கட்சிகளை எதிர்த்து வேலை பார்க்கும் தொண்டர்கள் இல்லாத சூழலில் தோல்வியையே தழுவி யிருக்கிறார்கள். (தலைவருக்குத்தான் மற்ற தலைவரோடு பிரச்சனை. கீழே உள்ளவர்களுக்கு மற்ற நண்பர்களோடு பிரச்சனை இல்லையே. அப்புறம் எங்கே கடும் எதிர்ப்பைக் காட்டுவது)

இன்றைய சூழலில் தமிழகத்தில் மட்டுமல்ல இந்தியா முழுவதுமே இணைத்து கடுமையாக அரசியல் பணி செய்யும் நிலையில் உள்ள யார் அரசியலுக்கு வந்து கட்சி ஆரம்பித்தாலும் அவர்களால் நிறைய ஓட்டுக்களைப் பெற முடியும். ஆனால் அந்தத் தகுதி நடிகர்களுக்கு அதிகமாக இருப்பதால் நடிகர்கள் பலரும் கட்சி ஆரம்பிக்கும் ஆவலில் இருக்கிறார்கள். ஒருவேளை எதிர்காலத்தில் கிரிக்கெட் வீரர்கள் கூட இம்ரான்கான் மாதிரி கட்சி ஆரம்பிக்க நினைக்கலாம். ஆனால் அதற்கு முன்னர் நற்பணி மன்றங்களை ஆரம்பித்து அடிப்படைப் பணிகளைச் செய்ய வேண்டும்.

உண்மையில் ரஜினி அரசியலுக்கு வந்தாலும், விஜய் அரசியலுக்கு வந்தாலும் இரண்டாம் கட்ட மூன்றாம் நான்காம்நிலை த்லைவர்களின் தொண்டர்களி ன் உழைப்பினை பெறும் திறமை இருந்தால் மட்டுமே ஓட்டுக்களைப் பெறமுடியும். அவர்களின் முகத்திற்காகவெல்லாம் ஓட்டு விழவேவிழாது

டிஸ்கி ; இது போன தேர்தல் முடிந்த பின் எழுதியது. இன்றைய விஜயகாந்த்க்கு இதெல்லாம் தெரியுமா? என்று நினைத்த போது என்னவோ போல் இருந்தது. த்ங்களிடம் மீண்டும் பகிர்ந்து கொள்ள ஒரு மீள்பதிவு

உலகக் கோப்பை முடிவுகள் - 12 சிந்தனைகள்

2011-04-03T13:53:00.001+05:30

ஒரு போட்டியில் ஒருவர்தான் வெல்ல முடியும் என்ற போட்டிவிதிகளுக்கு அடங்க இந்த உலகக் கோப்பையை இந்திய கிரிக்கெட் அணி கைப்பற்றியிருக்கிறது. வாழ்த்துக்கள். அணியின் மூத்த வீரர் சச்சினுக்கு அனைவரும் அதை சமர்ப்பணம் செய்கிறார்கள். சச்சின் பல வீரர்கள் கிரிக்கெட் மட்டையை தொட்டுப் பார்க்கும்முன்பே சர்வதேச களம் கண்டவர். இன்னும் விளையாடிக்கொண்டு இருக்கிறார். அவருக்கும் வாழ்த்துக்களைச் சொல்லிவிடுவோம்.

இந்த உலகக் கோப்பையைப் பற்றி யோசித்ததில் சில விஷயங்கள் தோன்றின அதை பகிர்ந்துகொள்ளவே இந்த இடுகை

1. சச்சினுக்காக உலக் கோப்பையை வென்றிருக்கிறோம். ஆனால் இதற்கு முன் சச்சின் தலைகீழாக நின்றபோதெல்லாம் கிடைக்காத கோப்பை. இன்று அவருக்கு சமர்பிக்கப் பட்டிருக்கிறது. அணியினர் அவருக்காக வாங்கிக் கொடுத்திருக்கிறார்கள். இந்திய அணி முழுக்க சச்சினை நம்பி இல்லை என்ற சூழல் வந்திருக்கிறது. (முன்பெல்லாம் சச்சின் சதம் அடித்துக் கொடுத்தால்கூட வெற்றிபெரும்வரை களத்தில் இருக்கவேண்டும். இல்லையென்றால் ஊத்திவிடும்)

2. பாகிஸ்தானிலிருந்து வந்த அஃப்ரிதி நல்லவர் அஃப்ரிதியாக திரும்பி யிருக்கிறார். கிரிக்கெட்டில் வெற்றிக்காக எதையும் செய்யக்கூடியவர் அவர். அவரே இந்தியாவுடன் நடக்கும் ஆட்டத்தை இயல்பாக பாருங்கள் என்று அங்குள்ள ஊடகங்களின் முன்னர் கூறும் அளவிற்கு நல்லவராகவும் தைரியமானவராகவும் இருக்கிறார். அவரிடமிருந்து நம்மவர்கள் இதை ஏற்றுக்கொள்ளவேண்டும்.

3.சென்ற முறை அணிகள் இலங்கைக்கு சென்று ஆட மறுத்த போது இலங்கைக்கு சாதகமாக புள்ளிகள் வழங்கின. ஆனால் இந்த முறை பாகிஸ்தானை கழட்டிவிட்டுவிட்டது. இது ஒரு எல்லா அணிகளுக்குமே எச்சரிக்கைதான்.

4. பாகிஸ்தான், இலங்கை அதிபர்கள் இந்தியத் தலைமை கூப்பிட்டால் உடனே வரத்தயாராக இருக்கிறார்கள். ஒரு நாள் முழுவதும் செலவு செய்ய தயாராக இருக்கிறார்கள். அவர்களிடம் பேசி பல பிரச்ச்னைகளைத் தீர்க்க இந்திய அரசாங்கம் முயலலாம். கிரிக்கெட் போட்டி முடிந்தால் என்ன? ஏதாவது கலைநிகழ்ச்சிகள் கூட நடத்தி உலக அமைதியை நிலைநாட்டலாம்.

5. வெற்றியின்போது நம் ஆட்கள் அழுகிறார்கள். கண்கள் பனிக்க இதயம் கணக்கத்தான் ஆடுகிறார்களோ?

6. பூணம் பாண்டே மாதிரி உள்ளூர் கபடி போட்டிகளிலும் அறிவிப்பு வந்தால் நல்லாயிருக்குமோ?

7.இனிவரும் ஆட்டங்களில் முதல் சுற்றில் ஏதாவது ஒரு போட்டி டை ஆனால்தான் கோப்பை வாங்குவார்களா?

8.ஒருவேளை இந்த ஆட்டத்தில் டோனி வெற்றி இன்னிங்க்ஸ் கொடுக்கவில்லையென்றால் சென்ற உலகக் கோப்பை நிகழ்வுகள் திரும்பி இருக்குமோ?

9.சச்சின் மேல் எந்த ஒரு நெருக்குதலும் இல்லை. மற்ற வீரர்களை விட நன்றாகத்தான் விளையாடுகிறார். அவர் இருப்பதே சகவீரர்களுக்கு உற்சாகமும், எதிர் அணியினருக்கு கிலியையும் கொடுப்பதால் அவர் ஏன் ஓய்வு பெற வேண்டும்?

10. எல்.பி.டபிள்யூ கூட மேல் முறையீடு செய்வதற்கு பதிலாக எல்லா முடிவுகளையும் மூன்றாம் நடுவருக்கு கொடுத்து விடலாமோ?

11.ரிக்கி பாண்டிங் மாதிரி வலிமையான அணியை கையில் வாங்கி அதை குட்டிச் சுவராக்கிய அணித்தலைவர் வேறெங்காவது இருப்பார்களா? நடுவர் அவுட் கொடுத்தால் மட்டுமே வெளியேறுவேன் எறும் தரையில் பந்து பட்டது நன்றாக தெரிந்தும் நடுவர் ஏமாந்து சாதகமாக தீர்ப்பு கொடுக்கமாட்டாரா என்று எதிர்பார்க்கும் தலைவர் எந்த தேசிய அணியிலாவது இருப்பார்களா?

12. பேசாமல் பிசிசிஐ ஒரு கட்சி ஆரம்பித்தால் என்ன? நல்ல நட்சத்திர அந்தஸ்து உள்ள ஆட்கள் இருக்கிறார்கள். பணமும் நிறைய இருக்கிறது. பெரும்பாலான மாநிலங்களில் சரமாறியாக செலவு செய்ய ஆட்களும் இருக்கிறார்கள். கண்டிப்பாக ஆட்சி அவர்களுத்தான் உலக அளவில் இருந்தெல்லாம் வந்து பிரச்சாரம் செய்ய ஆட்கள் இருக்கிறார்கள்.

ங், ஞ் எழுத்துக்கள் தமிழ் மொழியிலிருந்து நீக்கம்

2011-03-31T22:13:00.002+05:30

தமிழ்மொழியை எளிமைப் படுத்தி உலக அளவில் பிரபலப் படுத்த பல முயற்சிகள் எடுக்கப் பட்டு வருகின்றன. இது தொடர்பாக அகில உலக தமிழ் மக்கள் பண்பாட்டு பரவலாக்கல் மட்டும் விரிவாக்கக் கழகம் சார்பாக சில அறிவிப்புகள் வெளியிடப் பட்டு உள்ளன.

இதன்படி தமிழ்மொழியை எளிமைப் படுத்தும்பொருட்டு அதில் உள்ள   ங், ஞ் ஆகிய எழுத்துக்கள் நீக்கப் பட்ட உள்ளன. இந்த எழுத்த்துக்கள் தேவையில்லாமல் இடத்தை அடைத்துக் கொண்டு இருப்பதாகவும், இதன் காரணமாகவே தமிழ் மொழியில் அதிக எழுத்துக்கள் இருப்பது போல தோற்றம் இருப்பதாகவும் சொல்லப் பட்டுள்ளது.

இனிமேல் இங்ஙனம் = இன்கனம்

                  வாங்க = வான்க
           மஞ்சு = மன்சு

என்று எழுத மற்றும் அழைக்கப் படும் என்று தெரிவிக்கப் பட்டுள்ளது.

தமிழ் மொழியில் எழுத்து வடிவங்கள் மாறுவது இது ஒன்றும் முதல் முறையில்லை என்றும் பல வித எழுத்து வடிவங்களை தமிழ் கடந்து வந்துள்ளதாகவும்,
இப்போதுள்ள எழுத்துவடிவத்திற்கும் தொல்காப்பியரின் ஓலைச் சுவடிகளில் இருக்கும் எழுத்துக்களுக்கும் எந்த தொடர்பும் இல்லை என்றும் காலப் போக்கில் எல்லாம் மாறியே தீரும் என்றும் கூறப் பட்டுள்ளது.

மேலும் னை, லை ழை போன்ற எழுத்துக்கள் புழக்கத்தில் வந்து 100 ஆண்டுகள்கூட ஆகவில்லை என்றும் அதற்கு முன் இருந்த வடிவங்கள் இப்போது மாறி , மறைந்து விட்டதாகவும் அ, உ, த,ம, ப,வி, கழகத்தினர் தெரிவித்தனர்.

மற்றும் ந, ல, போன்ற எழுத்துக்களிலும் சிறு குறியீடுகள் மூலம் வேறுபடுத்தி காட்ட ஏற்பாடுகள் நடைபெறுவதாகவும் அதன் அறிவிப்பு விரைவில் வெளிவரும் என்று செய்திக்குறிப்பு கூறுகிறது.

நிஜமா இலவசம்னு ஒன்னு இருக்கா?

2011-03-30T21:20:00.001+05:30

இலவசம், இலவசம் என்று புலம்புவர்களுக்கு ஒரு கேள்வி, தயவு செய்து பதில் சொல்லுங்கள்.

தமிழ் நாட்டில் நிறைய இலவசங்கள் கொடுப்பதாகப் புலம்புகிறீர்களே.., பள்ளி மாணவர்களுக்கும், நோயாளிகளுக்கு , வயோதிகர்களைத் தவிர வேறு மக்களுக்கு இலவசங்கள் ஏதாவது கொடுத்திருக்கிறார்களா?

தொலைக்காட்சி பெட்டி மட்டும் விதிவிலக்காக எல்லோருக்கும் கொடுக்கப் பட்டது. நாட்டு நிகழ்வுகளை, மக்களின் வாழ்க்கை முறைகளை தமிழ்நாட்டின் கடைகோடி வரை கொண்டு சென்ற மிக முக்கிய அரசியல் நிகழ்வு அது.

பணம், சாதி, கொள்கை, கூட்டணி ...... ஓட்டு

2011-03-28T23:16:00.002+05:30

தேர்தலில் வாக்களிப்பது என்பது முழுக்க முழுக்க சுயநலம் தொடர்பான விஷயம்தான். இதில் வருத்தப் பட ஒன்றும் இல்லை. நம்மை ஆள்பவர்கள் நமக்கு தோதாக அமையவேண்டும் என்று நினைப்பதில் என்ன தவறு இருக்க முடியும். என்னைப் பொறுத்தவரை 89தேர்தல் முதற்கொண்டு நேரடியாக பார்த்து வருகிறேன். மக்களின் வாக்களிக்கும் மனப்பாண்மை என்பது முழுக்க முழுக்க தன் தலைவன் தொடர்பாகவே அமைகிறது.

எம் ஜி யாரை தலைவராக ஏற்றுக் கொண்டவர்கள் கலைஞருக்கோ, கலைஞரை தலைவராக ஏற்றுக் கொண்டவர்கள் எம் ஜி யாருக்கோ, அவரது கட்சிக்கோ வாக்களிக்கவே மாட்டார்கள்.

ஆனால் எம் ஜி யாருக்குப் பிறகு தனது தலைவராக கலைஞரை ஏற்றுக்கொண்டவர்கள் நிறைய உண்டு. எப்படி சச்சின் சதம் அடித்தால் தான் அடித்தது போல மக்கள் மகிழ்கிறார்களோ அதே போல தனது தலைவர் ஜெயித்தால் தானே ஜெயித்தது போல் தானே முதல்வர் ஆனது போல நினைப்பவர்கள் அதிகம். அது அவர்களுக்கே தெரியும். உண்மை அல்ல. இது கற்பனை என்று. ஆனால் அந்த கற்பனையிலேயே வாழ்பவர்கள் மிக அதிகம்.

குறிப்பிட்ட நாயகர்களுக்கு, கடவுளர்களுக்கு கூட்டம் இருப்பது போலத்தான் இதுவும்.

தலைவர் கொடுக்கும் வாக்குறுதிகள் முக்கியத்துவம் வகித்தாலும் தலைவரால் அதை நிறைவேற்ற முடியுமா அல்லது இத்தனை நாள் ஏன் நிறைவேற்றவில்லை என்பதிலும் வாதவிவாதங்கள் செய்கிறார்கள். அப்போதும் கூட தலைவரின் ஆளுமைத் திறன் முக்கியப் பங்கு வகிக்கிறது.

லஞ்சங்கள், அதிகார துஷ்பிரயோகங்கள் பெரும்பாலான மக்களால் விரும்பப் படுகிறது. தன் தலைவரால் நியமிக்கப் பட்ட பிரதிநிதி, அலுவலகங்களில் தனது திறமையைக் காட்டி காரியம் சாதிக்கும்போது மக்கள் புளங்காகிதம் அடைகிறார். ( காணிக்கையும் செலுத்துவார்கள் என்பதையும் மனதில் கொள்ளுங்கள் )

தன்னையும் தன் சமுதாயத்தையும் பார்த்து மற்றவர்கள் பயப்பட தலைவரின் பெயர் உபயோகப் படும் என்றால் மட்டுமே சாதி, மதங்கள் உள்ளே நுழைகின்றன. ஆனால் பல நேரங்களிலும் பெரும்பான்மையான சாதியைச் சேர்ந்தவர்களையே அரசியல் கட்சிகள் நியமிக்கின்றன. இது அடியாள் சேர்ப்பதற்கு வேண்டுமானால் உதவுமே தவிர வெற்றிக்கு உதவுமா என்பது கேள்விக் குறிதான்.

நடுநிலை வாக்காளர்கள் என்ற நிலையில் சிலர் இருப்பார்கள். இவர்கள் ஊசலாடும் வாக்காளர்கள் என்றே சொல்லலாம். இவர்களைப் பொறுத்தவரையில் யார் தலைமைக்கு வந்தால் இந்த முறை நம் தொழில் நன்றாகப் போகும் என்று பார்ப்பார்கள். யார் வந்தாலும் ஒன்றுதான் என்னும்போது தொகுதிப் பிரதிநிதியிடம் நாம் எளிதில் சாதித்துக் கொள்ளமுடியுமா என்று பார்ப்பார்கள். அப்போது சாதிய ரீதியில் ஏற்கனவே உள்ள நெருக்கம் உதவும். சாதிக்கு அப்பாற்பட்டு தங்கள் பகுதியில் செல்வாக்கினை வளர்த்து வைத்திருக்கும் சிலரிடம் பெரும்பான்மைச் சாதியை சேர்ந்தவர்களை நிருத்தினாலும் செயிக்க முடியாத நிலையே ஏற்படும்.

கூட்டணியைப் பார்த்து ஓட்டுப் போடுவது என்பதும் நடக்கிறது. பெரும்பாலான கூட்டணிகள் இன்னார் வரக்கூடாது என்றுதான் சேருகின்றன.

91லும் சரி, 96, 2001ன் மெகா கூட்டணி, 2006 கூட்டணி போன்றவை இவர்கள் வெல்ல வேண்டும் என்பதை விட இந்த நபர் ஆட்சிக்கு வந்து விடக் கூடாது என்பதில்தான் கவனத்துடம் இருந்தன. 96ல் கொள்கைக்கான உருவான தமாகா அதைக் குழிதோண்டி2001ல் புதைத்ததற்கு காரணம் வேறு என்னவாக இருக்க முடியும்? இன்னார் வரக்கூடாது என்று என்ற காரணம் கூட தலைவனை முன்னிலைப் படுத்துவது என்றே அமைகிறதல்லவா?

பிரச்சனைகள் என்பதில் பொதுப் பிரச்சனைகள் என்றுமே ஓட்டுப் போடும் காரணியாக இருந்ததாக எனக்குத் தோன்றவில்லை. ஒவ்வொருவரும் ஏதாவது ஒரு காரணத்தைக் கொண்டிருந்தாலும் தீர்க்கும் நபரை தேடியே ஓட்டுப் போடுகிறார்கள்.

வாக்குறுதிகள் : மனிதன் என்று ஒரு திரைப்படம் எஸ்பி முத்துராமன் இயக்கியது. அதை மீண்டும் ஒரு முறை பார்க்கவேண்டும். வாக்குறுதிகளை வைத்து மக்கள் மத்தியில் நம்மை பற்றியே பேசும் சூழலை உருவாக்க முடியும். வாக்குறுதிகள் தலைவனின் மதிப்பை மிகவும் உயர்த்தும். ஆனால் சொல்லும் தலைவரின் நம்பகத்தன்மையும் இதில் அடங்கியிருக்கின்றது,

பிரியாணியும் குவார்ட்டரும் வாங்கிக் கொண்டு ஓட்டுப் போட்டுவதாகச் சொல்லுகிறார்கள். யாருமே அந்த குறிப்பிட்ட தினத்தில் வாங்கிக் கொடுப்பதைப் பொறுத்து ஓட்டுப் போடுவதில்லை. வாங்கிக் கொடுப்பவருக்கும் அதை சாப்பிடுபவருக்கும் இடையிலான் ஒரு நெருக்கம் மட்டுமே அதை ஓட்டாக மாற்ற முடியும். திடீரென ஒரு ஆள் ஆயிரம் ரெண்டாயிரம் அல்லது ஒரு ஃபுல் வாங்கிக் கொடுத்து குறிப்பிட்ட சின்னத்துக்கு ஓட்டுப் போடச் சொன்னால் கண்டிப்பாக அதே சின்னத்துக்கு ஓட்டுப் போடும் அளவிற்கு நம் ஊரில் நேர்மை இருக்கிறதா என்பது என்பது அனைவருக்கும் தெரிந்ததே..,

============================================
சக பதிவர் மாதவராஜ் அவர்களின் தளத்தில் கொடுத்துள்ள கேள்விகளுக்கான எனது கருத்தே இந்த இடுகை.

==================================================

பணம், சாதி, கொள்கை கூட்டணி எல்லாம் இருந்தாலும் தலைவன், தலைவன் மட்டுமே அவை எல்லாவற்றையும் ஓட்டாக மாற்ற முடியும். தமிழ்கத்தில் இதுவரை அதுதான் நடந்து கொண்டிருக்கிறது.

=======================================================

கூட்டணி கட்சிகள் இருந்தாலும் தேர்தலுக்குப் பின்னரும் இவர்கள் நம்முடன் இருப்பார்களா? என்பதும் ஓட்டுப் போடும் வாக்காளர்கள் யோசித்துக் கொண்டுதான் ஓட்டுப் போடுகிறார்கள். எனக்கென்னவோ 1980ல் நடந்த இந்த சிந்தனை ஓட்டம் இந்த ஆண்டும் வரும் என்று தோன்றுகிறது.

==================================================================

அரசு சார்பாக புதிய திட்டம் ஒன்று பற்றி முதலமைச்சர் உத்தரவு போடச் சொன்னபோது ‘ஜீ.ஓ. இடம் தராது’ என்று சம்பந்தப்பட்ட அதிகாரி சொன்னார். உடனே அவர் , ‘ஜீ.ஓ.’ன்னா என்ன?’ என்று கேட்டிருக்கிறார். இதுகூட தெரியாமல் ஒரு முதலமைச்சர் இருக்கிறாரே என்று நினைத்தாரோ என்னவோ, ‘அது கவர்மெண்ட் ஆர்டர் ஐயா’ என்றார் அந்த அதிகாரி. ‘அதுசரி, கவர்மெண்ட் ஆர்டர் என்றால் என்ன?’ என்று மறுபடி கேட்டார்
என்ன பதில் சொல்வதென்றே அதிகாரிக்குத் தெரியவில்லை. மௌனம். மீண்டும் அவரே பேசினார் : ‘நீங்கள் எழுதி வைப்பதில் நான் கையெழுத்துப் போட்டால் அது கவர்மெண்ட் ஆர்டர். அப்படித்தானே? நான் சொன்னபடி மாற்றி எழுதுங்கள். நான் கையெழுத்துப் போடுகிறேன்!’

இவ்வாறு சொன்ன முதல்வர் பிற்காலத்தில் சட்ட மன்ற தேர்தலில் தோற்றுப் போனார். அவர் தோற்றதற்கு பணம், சாதி, கொள்கை, பிரச்சனை, கூட்டணி போன்றவை காரணம் என்றா நினைக்கிறீர்கள்?

ஒரு தலைவர், அவர் வழி நடந்த களப் பணியாளர்களின் கடின உழைப்பு அவ்வளவுதான்.

===================================================================

கொள்கை அடிப்படையில் ஓட்டுப் போடுபவர்கள் யாராவது இருந்தால் எந்தக் கொள்கையின் அடிப்படையில் எதிர்கட்சி வேட்பாளரை நிராகரித்தீர்கள் என்று சொன்னால் கொள்கை அடிப்படையில் ஓட்டு என்றால் என்ன புரிந்து கொள்ள வசதியாக இருக்கும்.

எங்கள் கட்சியின் கொள்கையை அந்தக் கட்சி காப்பியடித்து விட்டது என்று எந்த தலைவரும் கூறாவிட்டாலும் அதுதான் நாட்டு நடப்பு

=============================================================

வளர்ச்சிப் பணியா? வைப்பு நிதியா?

2011-03-28T06:27:00.001+05:30

சென்ற இடுகையில் நண்பர் ஒருவர் ஒரு மாநில அரசு பணத்தினை டெபாஸிட் செய்து வைத்திருப்பதை சற்று பெருமையாகச் சொன்னார். பலரும் பாராட்டும் அரசுதான் அந்த மாநில அரசு. ஆனால் லட்சம் கோடிகளை டெபாஸிட் செய்து வைத்திருப்பது என்பது கொஞ்சம் நெருடலாகவே உள்ளது.

அன்னிய செலவாணியில் மத்திய அரசு கையிருப்பில் வைத்திருப்பது என்பதும் மாநில அரசு பணத்தினை டெபாஸிட் செய்து வைத்திருப்பது என்பதும் வேறுவேறு என்று நினைக்கிறேன். (மாற்றுக் கருத்து அல்லது உண்மை நிலவரம் தெரிந்தவர்கள் கருத்துச் சொல்ல அழைக்கப் படுகிறார்கள்)

மக்களுக்கு தூய்மையான குடிநீர், பாதுகாப்பான வாழ்க்கை, தரமான கல்வி, துரிதப் போக்குவரத்து ஆகியவை கொடுக்க வேண்டிய கடமை மாநில அரசுகளுக்கு இருக்கின்றன. கண்டிப்பாக இந்தியாவின் எந்த மூலையிலும், ஏன் முக்கிய நகரங்களில் உள்ள மக்களுக்குக் குட இந்த தேவைகள் பூர்த்தி செய்யப் பட்டிருக்குமா என்பது கேள்விக் குறிதான். மேலும் மேலும் பள்ளிகள், கல்லூரிகள் அமைக்கலாம். மருத்துவமனைகளில் மிக மிக கடினமான சிகிச்சைகள் அளிக்கும் வகையில் விரிவு படுத்தலாம். கடைக் கோடி கிராம மக்களுக்கு வந்து செல்ல போக்குவரத்து வசதி சாலைகள் அமைக்கலாம். நாட்டில் பேருந்தே வராத கிராமங்கள் இன்னும் இருக்கத்தான் செய்கின்றன. ஒரு நாளைக்கு ஓரிரு பேருந்துகள் மட்டும் வரும் கிராமங்களும் இருக்கத் தான் செய்கின்றன. அவர்களுக்கெல்லாம் நட்டக் கணக்கு பார்க்காமல் அருகிலுள்ள பெரிய கிராமங்கள், அல்லது நகரங்களை இணைக்கச் செய்யலாம்.

இதையெல்லாம் முடித்துவிட்டு பணத்தை வைப்புநிதியாக வைத்திருந்தால் கண்டிப்பாக பாராட்டியே தீரவேண்டும். அப்படி இல்லாமல் இருந்திருந்தால் குழந்தைகளுக்கு சாப்பாடு போடாமல் படிக்க வைக்காமல் சொத்துக்களை சேர்க்கும் பெற்றோர்களைப் போல அவர்களும் பரிதாபத்துக்கு உரியர்களே..,

=====================================================================

//ரம்மி said...: சரியாகச் சொன்னீர்கள்! இவை இலவசங்கள் அல்ல! மக்கள் நலத் திட்டங்கள்! இதுவே உண்மையான கம்யூனிஸ பாதை! என்ன அடுத்த தலைமுறைக்கும் சேர்த்து, இப்பவே அரசு கடன் வாங்குகிறது! ஒரு லட்சம் கோடிகள் கடன், தமிழகத்திற்கு! குஜராத்க்கு, ஒரு லட்சம் கோடி டெப்பாசிட் வைத்துள்ளது!// இதற்கான மறுமொழியே இந்த இடுகை. கருத்துச் சொன்ன ரம்மி அவர்களுக்கு நன்றி

எது இலவசம்?

2011-03-27T22:29:00.001+05:30

தமிழக தேர்தலில் தேர்தல் அறிக்கையை வைத்துக் கொண்டு பலரும் பலவாறு பேசிக் கொண்டிருக்கிறார்கள். தமிழன் இலவசத்திற்கு விலை போகிறானாம். இலவசம் என்றால் என்ன என்றே தெரியாத பெருந்தகைகள் எள்ளி நகையாடிக் கொண்டிருக்கிறார்கள்.

முதலில் அரசு என்றால் என்ன? அரசின் கடமை என்ன? என்று கூட தெரியாமல் இலவசங்களைப் பற்றி மாறி மாறி பேசிக் கொண்டிருக்கிறார்கள்.

மக்களுக்கு தன்னிறைவான வாழ்க்கையைத் தருவதுதான் உண்மையான அரசின் கடமையாக இருக்கமுடியும். அனைத்து மக்களுக்கும் குடியிருக்க உறைவிடம், அனைத்து மக்களுக்கும் தரமான கல்வி, பாதுகாப்பு, தரமான உணவு, குறையே சொல்ல முடியாத மருத்துவ வசதி போன்றவைகளை மக்களுக்குத் தருவதுதான் சிறந்த அரசாக இருக்க முடியும்.

இன்றைய தினத்தில் அனைத்திற்கும் அடிப்படை கல்வியாகவே இருக்கிறது. கல்வியைப் பெற பொருளாதாரம் ஒரு தடையாக இருக்குமெனில் அதைக் களைய வேண்டியது அரசின் கடமைதான். புருனோ போன்ற பதிவர்கள் எழுதும்போதெல்லாம் சொல்லுவார்கள். டான் பாஸ்கோ போன்ற பள்ளிகளில் கிடைக்கும் கல்விக்கு எந்த விகிதத்திலும் குறைவில்லாத வகையில் கடைக் கோடி கிராம மக்களுக்கும் கிடைக்கும் சூழல் வரவேண்டும். சென்னையிலுள்ள தனியார்பள்ளிகளில் படிக்கும் மாணவனுக்கு அவன் பெற்றோர் பிறக்கும் முன்பே முன்பதிவு செய்து ஒவ்வொரு தினத்திற்கும் சில ஆயிரங்கள் செலவு செய்கிறார்கள் என்றால் அதே செலவினை அன்றாடக் காட்சி தன் மகனுக்குச் செய்ய முடியுமா? அப்படியென்றால் அதை வழங்க வேண்டியது அரசின் கடமையல்லவா? அப்படி வழங்கினால் அதன் பெயர் அரசாட்சியா? இலவசமா?

மதிய உணவுத் திட்டத்தின் பின்னர் பள்ளிகளில் மாணவர் எண்ணிக்கை அதிகரித்து இருப்பது சரித்திரம். பின்னர் சீருடை, புத்தகங்கள், குறிப்பேடுகள் எல்லாம் அரசுப் பள்ளிகளில் வழங்கப் படுகின்றன. பின்னர் சைக்கிள்கள் கொடுத்தார்கள். இதெல்லாம் நாட்டின் கல்வியை வளர்க்கத் தேவையான அடிப்படைகள். இதை முழுமையாக கொடுக்கவேண்டியது அரசின் கடமை. இந்தியாவில் பெரும்பாண்மையான மாநிலங்களுக்கு முன்பே தமிழகம் வழ்ங்குகிறது என்றால் தமிழகம் ஒளிர்கிறது என்றுதான் பொருளே தவிர இதில் விமர்சிக்க ஒன்றும் இல்லை.

மாணவர்களுக்கு புத்தகங்கள். பேனாக்கள், குறிப்பேடுகள் கொடுத்த அரசு மடிக் கணினி வழங்குவதும் காலத்தின் கட்டாயம் அல்லவா.., ஒரு மாணவன் அவனது முழுத் திறமைக்கேற்ப படிக்க நினைக்கும் அளவிற்கு படிக்கும் சூழலை ஏற்படுத்தி தரவேண்டியது அரசின் கடமை என்பதையும் பொருளாதாரம் எந்த இடத்திலும் இடையூறு செய்யக்கூடாது என்பதையும் இலவசங்களை விமர்சிப்பவர்களே ஏற்றுக் கொள்வார்கள்.

எட்டு ரூபாய் மானியம் கொடுத்து 3.50க்கு அரிசி கொடுத்துக் கொண்டிருந்த அரசு ஒரு ரூபாய் செலவில் கொடுத்த போது விமர்சிக்கிறார்கள். இதெல்லாம் விமர்சிக்க வேண்டும் என்ற ஒரே காரணம்தானே தவிர வேறென்ன இருக்க முடியும். குறைந்த பட்ச அளவு அரிசியை மக்களுக்கு அடிப்படை உரிமையாக முழு மானியத்தையும் ஏற்றுக் கொண்டு வழங்குவது கூட மக்களாட்சியின் வெற்றி என்றுதான் சொல்லவேண்டும். இதில் தவறு இருப்பதாக தோன்றவில்லை.

கிராமங்களில் அங்கன்வாடி மையங்களை வந்து பாருங்கள். எத்தனை பெற்றோர் அந்த மையங்களை நம்பி குழந்தைகளை விட்டுவிட்டு வேலைக்குச் செல்கிறார்கள் என்பது புரியும். அந்த நம்பிக்கையை வழங்க வேண்டியது அரசின் கடமை அல்லவா?

இன்றைய தமிழகத்தில் தொலைக்காட்சி மூலம் ஒரே மக்கள், ஒரே சூழல், ஒரே பண்பாடு என்பது உருவாகி வருகிறது அல்லவா.., மக்களின் சிந்தனைகள் சீரியல்களின் அடிப்படையில் இருந்தாலும் கூட பேச்சு மொழிகள் கூட ஓரளவு வித்தியாசம் குறைந்து வருகின்றன. நல்ல தூய்மையான உடைகள், பளிச்சென்று இருக்கவேண்டும் என்ற எண்ணம், குழந்தைகளை படிக்க வைக்க வேண்டும் பெண்கள் படித்தால் அவர்களது வாழ்க்கைப் போராட்டத்திற்கு உதவும் போன்ற எண்ணங்கள் பல தொலைக்காட்சித்தீமைகளுக்கு நடுவிலும் வளர்ந்து கொண்டுதான் இருக்கின்றன.

மிக்ஸி கிரைண்டர் போன்றவை வரும்போது அடித்தட்டு மக்களின் வாழ்க்கைத் தரம் கண்டிப்பாக உயர்ந்து தான் போகும். ஒவ்வொரு குடும்பத் தலைவியின் சுமையைக் குறைப்பதும் அரசின் கடமைதானே..,

இலவசமாக வீடு வழங்குவது என்பதும் கூட விமர்சிக்கப் படுகிறது. உண்மையில் அனைத்து குடியிருப்புகளையும்கூட அரசு பொதுவுடமையாக்கிவிடலாம். குறைந்த பட்ச வசதி கொண்ட வீடுகளை மக்களுக்கு குடியிருக்க இலவசமாகவும், சற்று வசதிகள் கூடக் கூட அந்த வீட்டுக்காண வாடகையை சற்று அதிகமாக்கி அரசுக்குச் செலுத்தச் சொல்லலாம். ஏற்கனவே தண்ணீர்வரி, மின்சார வரி போன்றவைகளை மக்கள் தொடர்ச்சியாக செலுத்திக் கொண்டுதான் இருக்கிறார்கள். இதன்மூலம் குடியிருப்புகளையும் இலவசமாகக் கொடுக்க முடியும். தனிநபர்கள் சொத்துக் குவிப்பதையும் தடுக்க முடியும். இது இப்போதைக்கு நடைமுறைக்கு சாத்தியம் இல்லாவிட்டால்கூட வருமைக்கோட்டிக்கு கீழே உள்ள மக்கள் அனைவருக்கும் இலவச வீடுகளை வழங்கும்போது மக்கள் தொகையை பரவலாக்கப் படுகிறது. குறைவான எண்ணிக்கையில் கொடுத்தால் மட்டுமே அதை பிறருக்கு வாடகைக்கு விடுவது என்பது வரும். சற்று வசதியான வீடுகளை அரசே மக்களுக்கு விற்பனை செய்யலாம். ஹவுசிங் போர்டு ஏற்கனவே செய்வது தான் என்றாலும் பெரிய அளவில் செய்தால் இதில் இருக்கும் மனக் கசப்புகள் அகலும்.

திருமண உதவித்தொகைகள் வழங்கப் பட்டு வருகின்றன. திருமணத்தையே அரசு நடத்தி வைத்துவிடலாம். இவ்வாறு திருமணத்தை அரசு நடத்தினால் குழந்தை திருமணத்தை தவிர்த்து விட முடியும். மக்களுக்கு திருமணம் என்ற பெயரில் ஏற்படும் மிகப் பெரிய கடன் சுமைகள் குறையும். கோவில்களில் அன்னதானம் வழங்குவது போல திருமணத்தின்போது சாப்பாட்டையும் அரசே போட்டுவிடலாம்.

இலவசமாக ஆடுகள், கன்றுகள் வழ்ங்குவதாக அறிவித்து இருக்கிறார்கள். ந்டைமுறைக்கு சாத்தியமா என்ற கேள்வியை பலரும் கேட்கிறார்கள். படிப்படியாக செய்தால்கூட இது ஒரு மாபெரும் திட்டம் அல்லவா? கண்டிப்பாக எந்த அரசு வந்தாலும் இதைச் செய்வார்கள். இதில் பாதிப் பேர் விற்றுத் தின்றாலும்கூட மீதம் இருப்பவர்கள் அதை வளர்ப்பார்கள். உழைக்கும் எண்ணம் பெரும். கால்நடைகள்மூலம் கிடைக்கும் வருமாணம் நிரந்தரமாகவும், உடலுழைப்பு மட்டுமே மூலதனமாக இருப்பதால் பலரும் நல்ல நிலமைக்கு வந்து விடுவார்கள். கால்நடைகளை வாங்கு விற்றவர்கள்கூட மீண்டும் அந்த வேலையை செய்ய தொடங்கினாலும் ஆச்சரியப் பட ஒன்றும் இல்லை. மறைமுகமாக இறைச்சியின் விலையும் நன்கு குறையும். ஆனால் இறைச்சிவிலை குறைந்தாலும் உற்பத்தியாளர்களுக்கு வருமான இழப்பு வராது. எவ்வளவு பெரிய பொருளாதார சூத்திரம் இது.

உண்மையில் இலவசங்கள் என்பவை இந்தியா போன்ற வளரும் நாடுகளில் மிக அவசியமானதும் அத்தியாவசியமானதும்கூட...,