இன்றைய கபில்தேவ் அன்றைய கபில் தேவ்வுடன்

இன்றைய கபில்தேவ்:-


கவுரவ லெடினென் ட் ஜெனரலாக....


பயிற்சி முகாமில் அவர் கூறியது

கடந்த இரண்டு நாட்களாக போர் பயிற்சி முகாம் இங்கு நடந்து வருகிறது. இன்று இரண்டாவது நாள். போர் படை அதிகாரிகளுடன் இணைந்து பயிற்சி மேற்கொள்வது புதிய அனுபவமாக உள்ளது. அவர் களது வாழ்க்கை முறையை கற்றுக் கொண்டு வருகிறேன். ராணுவத்தில் கற்றுக் கொடுக்கப்படும் ஒழுக்க முறைகளை, ஒரு விளையாட்டு வீரர் தெரிந்து கொள்வது நல்லது. இங்குள்ள நடவடிக்கைகளை பார்க்கையில், இப்போது கூட நான் கிரிக்கெட் விளையாடலாம் என எண்ணத் தோன்றுகிறது.

இங்கு நான் போர் வீரனாக வரவில்லை. நாட்டை காக்கும் வீரர்களுக்கு உற்சாகம் அளிக்கும் வகையில் ராணுவத்தில் இணைந்து உள்ளேன். ராணுவ உடை அணிந்தவுடன் புதிய உணர்ச்சி வருகிறது. பயிற்சியின் போது துப்பாக்கி சுடுதலும் கற்று கொண்டேன். இருப்பினும் துப்பாக்கி தூக்கும் கலாசாரம் சிறந்தது என்பதில் எனக்கு நம்பிக்கை இல்லை. 50 வயதில் ராணுவ பயிற்சி மேற் கொள்வது என்பது மிகவும் சிரமம். ஆனால் ஆர்வம் இருந் தால், எதையும் சாதிக்கலாம். 30 ஆண்டுகளுக்கு முன் ராணுவத்தில் இணையும் வாய்ப்பு எனக்கு கிடைக்காதது துரதிருஷ்டம் தான். ஆனால் எனது கனவு தற்போது மெய்யாகி உள்ளது. நான் ஒரு முழுமையான இந்தியக் குடிமகனாகி விட்டதாக கருதுகிறேன்.

ஏப்ரல்-1 சிறப்புப் பதிவு; யாரையும் ஏமாற்ற அல்ல

இங்க ஒரு சிங்கத்த சீண்டப் பார்க்கறாங்க. மனைவியின் குரலில் மனைவியின் தோழியைப் பேச விட்டு சிங்கத்தை டீஸ் பண்றாங்க. பாருங்க சிங்கம் எவ்வளவு கோபம்+கடுப்பு அடைகிறார்ன்னு பாருங்க. தயவு செய்து யாரும் மற்றவர்களை ஏமாற்ற நினைக்காதீர்கள்.

சிங்கம் சமாளிப்பார். சின்னப் பசங்க.......

இதய பலவீனம் உள்ளவர்கள் இந்தப் படத்தை பார்க்க வேண்டாம்

physical balance-1969 திரைப்படச் சுருக்கம்

முன்னுரை:-இதய பலகீனம் உள்ளவர்கள் இந்த திரைப்படத்தைப் பார்க்க வேண்டாம்.பார்க்க முயற்சி கூட எடுக்க வேண்டாம்.


ஒரு பெரிய பணக்காரர், அவருக்கு ஒரு வக்கீல் நண்பர். பணக்காரருக்காக ஒரு வழக்கில் வக்கீல் நண்பரே வாதாடுகிறார். கொஞ்சம் ஏமாற்றம், கொஞ்சம் ஏமாற்றல். நடக்கிறது. பணக்காரர். ஏழையாகிறார்.

பணக்காரர் மகள் ஒருவனைக் காதலித்து வருகிறார். வக்கீல் மகள் வக்கீலுக்கு படிக்கிறார்.

சொத்து போனதால் காதல் போகிறது. பழைய வேலைக்காரன் பணக்காரர் மகளுக்கு அடைக்களம் கொடுக்கிறான். பின்னர் அவனையே திருமணம் செய்து கொண்டு குழந்தைகளும் பெற்றுக் கொள்கிறாள்.

பண்க்காரர் மகளின் ஏழைக் கணவனுக்கு மில்லில் வேலை போகிறது. போராட்டம் வெடிக்கிறது.அரசாங்கம் தொழிற்சாலையை எடுத்துக் கொள்கிறது. முதலாளி நீதிமன்றத்தில் தடையுத்தரவு பெறுகிறார். பட்டினியின் கொடுமை அழகாகப் பதியப் பட்டிருக்கும். படம் வெளிவந்த 1969ல் நாடு முழுவதுமே பரபரப்பாகப் பேசப் பட்டது. முதலாளிகளின் கையாட்களால் பணக்காரர் மகளின் கணவன் கொலை செய்யப் படுகிறான்.


வறுமையில் உலவும் நாயகி தனது குழந்தைகளைக் கொன்றுவிட்டு தற்கொலை செய்ய முயல்கிறாள். காவல்துறையால் கைதுசெய்யப் பட்டு நீதிமன்றத்தில் நிறுத்தப் படுகிறாள்.

வழக்கில் முன்னாள்தோழி இன்னாள் வக்கீல் வாதாடுகிறாள். பணக்காரரின் மகளுக்கு தூக்குதண்டனை கிடைத்ததா.. வாதங்கள் எவ்வாறு இருக்கின்றன. என பரபரப்பான கிளைமாக்ஸ் காட்சியுடன் அமைந்த படம் இது.

பின்குறிப்பு:-தமிழ், மலையாளத்தில் வெளிவந்த துலாபாரம் திரைப் படத்தின் கதைச்சுருக்கம்தான் இது. இப்படத்தின் நாயகி சாரதா ஊர்வசி விருது பெற்றார். இப்படத்துக்காக.. துலாபாரம்=physical balance

நீங்க காதலிச்சு இருக்கீங்களா.. dont get emotion and irritation

வார்த்தைய எதிர்பார்த்தா எழுதிடலாம்..

வாழ்க்கைய எதிர்பார்த்தால்

.......... நழுவிடலாம்

..............................

நீங்க தெரியாம கேட்கல

தெரிஞ்சே கேட்கறீங்க

...........................
அடிபட்டவன் நான்

வலி எனக்குத்தான் தெரியும்

..............................

அந்தப் பொண்ணு உன்னக் காதலிக்கலயே

நான் அந்தப் பொண்ணக் காதலிக்கறனே

இந்தப் பொண்ணும் உன்னகாதலிக்கறாளே

ஆனா அதுக்கு நான் பொறுப்பில்ல
............................................

உயிரக் கேட்டா பரவாயில்ல

உள்ளத்தக் கேட்டா...

....................................
நீங்க மண்ண மதிக்கறீங்க

நான் மனச மதிக்கறேன்
..............................

தண்ணில எழுதியிருந்தா தானா அழிஞ்சிருக்கும்

மணல் எழுதியிருந்தா மழைப் பட்டு அழிஞ்சிருக்கும்

மனசுல எழுதிட்டனே
.............................
எழுதியது கொஞ்சம்தான், முழுசா பாருங்க



==============================================================

dont get emotion and irritation இதுக்குமேல நீங்களே பாருங்க




===================================================================

உங்கள் குழந்தை நன்கு சாப்பிட வேண்டுமா?

நண்பர் முருகவேல் அவர்கள் சமீபத்தில் பழனிக்கு வருகை தந்திருந்தார். அவருடைய வீட்டில் ஒரு வேண்டுதல் செய்திருந்திருக்கிறார்கள். குழந்தை ஆரோக்கியமாக பிறந்தால் பழனி மலைக்கு குழந்தையை தூக்கிக் கொண்டு வருவதாக வேண்டியிருக்கிறார்கள். குழந்தையை தூக்கிக் கொண்டே மலை நடந்தே ஏறி வருவதாக வேண்டுதலாம்.

அவரை சந்திக்க நான் சென்றிருந்தேன். சற்று குண்டாக இருந்தார். அவரே காரணத்தையும் சொன்னார். தினமும் இரவு சாப்பாடு குழந்தையுடந்தானாம். இரண்டுவயது குழந்தைக்கு தட்டில் உணவை போட்டுவிட்டு இவரும் தட்டில் உணவை எடுத்துக் கொண்டு இருவரும் ஒன்றாக அமர்ந்து உணவு உண்பார்களாம். அவரது குழந்தை இப்போது அவராகவே உணவு உண்ணும் பழக்கத்தை கொண்டிருக்கிறாராம். குழந்தை சாப்பிடும் நேரம் முழுவதும் அவரும் சாப்பிட வேண்டி வருவதால் அவர் சற்று கூடுதலாகவே சாப்பிட்டு விடுகிறாராம். தவிர குழந்தை மிச்சம் வைப்பதையும் சேர்ந்தே சாப்பிடுவதால் கொஞ்சம்(?) எடை போட்டுவிட்டதாக சொன்னார்.

உங்கள் குழந்தையும் நன்றாக சாப்பிட வேண்டும் என்று நினைக்கிறீர்களா.. நண்பரின் வழியைக் கொஞ்சம் பின்பற்றிப் பாருங்களேன்.

சாதீயத்தை உடைத்து என்.டி.ஆர் பேசும் வசனம்.

தெலுங்கு புத்தாண்டு கொண்டாடும் நல்ல நாளில் தெலுங்கு பேசும் நண்பர்களுடன் சேர்ந்து வாழ்த்துக்களைக் கூறி வாழ்த்துக்களை பரிமாறிக் கொள்ளுவோம். இந்த யூ-ட்யூப் வீடியோவைப் பாருங்களேன்.

இந்தத்திரைப் படம் தமிழிலும் வந்திருக்கிறது. ஆனால் தெலுங்கில் மக்களை அதிகமாக ஈர்க்கும்படியாக எடுத்திருப்பார்கள். சாதிதீயத்தை எதிர்த்தும் நண்பனை ஆதரித்தும் தமிழில் பேசியதைவிட தெலுங்கில் அழகாக எடுத்திருக்கிறார்கள். என்.டி.ஆர் அவர்களின் உடல்மொழியும் குரல்வளமும் தெலுங்கு தெரியாதவர்களையும் ஆர்வத்துடன் பார்க்கவைக்கும்.

தான் பேச நினைக்கும் , பதிய நினைக்கும் கருத்துக்களை திரைப் படத்தில் செருகி காட்சியை வளப் படுத்தி தன் பிம்பத்தையும் வளப்படுத்துவதில்
என்.டி.ஆருக்கு நிகர் அவர்தான். பாருங்கள், ரசியுங்கள்

இந்தக் காணொளியின் தமிழாக்கத்தை 


சித்தூர்.எஸ்.முருகேசன் இந்த இடுகையில் கொடுத்து இருக்கிறார்.

சிவாஜி மேலே சிவாஜி

இந்த இரண்டு படக்காட்சிகளையும் பாருங்கள்.

முதல் படச்சுருளில் இளமையும் துள்ளலும் தர்மேந்திராவும் அமிதாப்பும் வாரிவழங்கிருப்பார்கள். மொழி தெரியாதவர்கள்கூட இருக்கையின் மேல் ஏறி ஆடவைக்கும் பாடல் அது.





இந்தப் படம் வந்த போதெல்லாம் இந்திப்படங்கள் தமிழகம் முழுவதும் எல்லாம் வெளியாகாது. நகர மக்கள் மட்டுமே பார்ப்பார்கள். ஓடும் இருசக்கரவாகனத்தில் ஒருவர்மீது மற்றொருவர் ஏறிநின்று இசைக்கருவியை வாயில் வாசித்துக் கொண்டு அற்புதமாக தர்மேந்திராவும் அமிதாப்பும் செய்த காட்சிகளை தமிழகத்தின் கடைகோடி மக்கள் வரை கொண்டு செல்ல வேண்டுமே. அந்தப் பணியை செய்த படம்தான் இது. நடிகர்திலகத்துக்கு சரியான ஜோடி வேண்டுமே. என்றும் அவருக்கு நிகர் அவர்தான். இதில் அவரே அவர்மேல் ஏறி அமர்ந்து இன்னும்பிற சாகசங்களையும் சென்ற ஜோடி செய்ததற்கு மேலேயே செய்து அசத்தி இருப்பார்.

நடிகனைத் திட்டினால் ரசிகனுக்கு ஏன் கோபம் வருகிறது?

முதலில் ரசிகன் என்பவன் யார் என்பதை கவனியுங்கள்


தன்னால் எழுத முடியாத பாடலைப் பாடும் புலவனுக்கு பாராட்டுகளையும் பரிசுகளையும் கொடுத்து ரசிகனாக மாறுகிறான்.


பாடல்களை தனக்குப் பிடித்தது போல் கற்பனைகள் செய்து கொண்டு ரசனையை வளர்த்துக் கொள்கிறான். ( திருவிளையாடல் பாடலில் கூந்தலுக்கு மணம் இருக்கிறதா வாக்குவாதத்தில் இறையானரின் கூந்தலுக்கும் மணமில்லை என்று வாதம் வந்த போது எப்படி ஆராய்ச்சி நடந்து முடிவு அறியப்பட்டது என்பது பற்றி பலசுவாரசியமான வாதங்கள் வந்தது என்பதை எண்ணிப் பாருங்கள்)

இல்லையெனில் நர்சிம் அவர்களின் படைப்புகளைப் பாருங்கள். எவ்வளவு ரசித்து எழுதுகிறார் என்பது புரியும்.

தன்னால் படைக்க முடியாத சிலையை சிற்பி படைக்கும் போது சிலைக்கு ரசிகனாக மாறுகிறான்.

சிலைகளைப் பார்த்து கதைகளை உணர்ந்தது ஒரு காலகட்டம்.

பாடல்களாக வந்த கதைகளை பாடல்களாகவும், கதைகளாகவும் ரசித்துவந்தான். சிலைகளைப் பார்த்து சிலைகளையும் பாடல்களையும் ரசித்துவந்தான். அடுத்த கால கட்டங்களில் நாடகங்களாக வந்த போது சிலையே உருவெடுத்து வந்ததாக கருதி ரசித்தனர். அந்த காலகட்டங்களில் நாடகங்கள் நடிப்பதற்கும் பக்தி நாடகங்கள் பார்ப்பதற்குமே விரதம் இருந்தனர்.

வெறும் அறிவு போதனை மத போதனை கதைகளுக்கு அடுத்து சாகஸ பக்தி இலக்கியங்களை ரசிக்க ஆரம்பித்தான். அப்போதெல்லாம் சாகஸ்ங்கள் செய்யும் கடவுளின் பிம்பங்களாக வழித்தோன்றலாக தன்னை நினைத்துக் கொண்டு இலக்கியங்களை ரசிக்க ஆரம்பித்தான். (பொன்னியின் செல்வன் படித்துப் பாருங்கள் -கடவுளின் சாகஸங்களில் ஒரு பகுதி மக்கள் எவ்வளவு மயங்கி கிடந்தனர் என்றும் மற்றபகுதியினர் அதை எவ்வளவு மொக்கை என்று கூறினார்கள் என்றும் கல்கிஅழகாக விளக்கியிருப்பார்.)

அடுத்த சாகஸ சமூகக் கதைகள் வந்த போது நாயகனின் வழித்தோன்றலாக நினைத்து வந்தவன் தனது பிம்பமாகவே கருத ஆரம்பித்துவிட்டான். பரத்துக்கு பால் அபிஷேகம் செய்பவன் தன்னை கோயில் த்ர்மகர்த்தாவாகவும் முதல் மரியாதை பெருபவனாக தன்னை சமுதாயத்தில் மாற்றிக் கொள்கிறான். தனக்கு அவ்வளவு மரியாதை பெற்று தரும் தன் தலைவனை நாம் திட்டினால் அவனுக்கு கோபம் பொத்துக் கொண்டு வருகிறது. அவ்வாறு சொல்பவனை கண்டபடி கோபப்படுகிறான்.

தன்காலத்தில் இருப்பவர்கள்தான் சிறந்தவர்கள் என்ற எண்ணமும் நிறையப் பேருக்கு உண்டு. சரோஜாதேவி மாதிரி இன்னைக்கு யார் இருக்கா? என்று சொல்பவர்கள் நிறைய உண்டு. அதே போல் நந்திதா தாஸ் கூட அறிவு ஜீவியாகப் பேசப் பட்டிருக்கிறார். ஆனால் எல்லோரும் அவரவர் காலத்தவர்களை உயர்த்தி மற்றவர்களை தாழ்த்தி பேசிக் கொண்டிருக்கிறார்கள். ஏனென்றால் தனது பிம்பத்தை உயர்த்துவது தனக்குத்தானே பெருமை.(இந்த காலத்துக்கு பசங்களுக்கு கொஞ்சம் கூட பொறுப்பே இல்லை என்று நூறு வருடங்களில் வந்த படங்களிலும் பதிவு செய்யப் பட்டிருக்கிறது)

..............................................................................................

பிரச்சனைகளில் கஷ்டப்பட்டுக் கொண்டிருப்பவர்கள், மனம்விட்டு அழ நினைப்பவர்கள், பிறரின் பரிதாபத்தை எதிர்பார்ப்பவர்கள் சிவாஜியின் ரசிகர்களாக மாறுவார்கள்.

பிரச்சனைகளை கண்டு பொங்கி எழ நினைப்பவர்களும், தன்னைக் காப்பாற்ற இன்னொரு கடவுள் வருவார் என்று நினைப்பவர்களும் எம்ஜியார், ரஜினி ரசிகர்களாக மாறுகிறார்கள்.

உருவத்தில் பேச்சில் நிறத்தில் தன்னைப் போல் இருக்கும் நாயகனுக்கு ரசிகன் மானசீக அடிமையாக மாறும்போது அந்த நடிகனை திட்டுப் போது கண்டிப்பாக அந்த ரசிகணுக்கு கோபம் வரத்தானே செய்யும்.

...............................................................................................................

தன் பசிக்காக குளத்தில் இருக்கும் அழுக்குகளை தின்று சுத்தப்படுத்தும் மீன் போல தனது படத்தின் ஓட்டத்துக்காக என்றாலும் நல்ல கருத்துள்ள பாடல்களை சிறந்த கவிஞர்களிடமிருந்து வாங்கி நல்ல இசையமைப்புடன் கொடுத்து கல்வியறிவு இல்லாத ரசிகனுக்கு கொடுத்த ந்ல்ல இதயமுள்ள நடிகர்களும் உண்டு. (அப்பா..... எம்ஜியாரையும் கலைஞ்ரையும் பேலன்ஸ் பண்ணியாச்சு)

...................................................................................................................

இன்றெல்லாம் ரசிகன் தனது இதய தெய்வங்களீன் மனைவியரை அரைகுறை ஆடையுடன் பார்ப்பதை மிகவும் விரும்புகிறானே... ஏன்?


பின்குறிப்பு:- இந்த இடுகை வெளியானபோது விகடன் குட் பிளாக் பகுதியில் இடம்பெற்றிருந்தது

இந்தியாவிலேயே ஐபில் போட்டி நடத்த ஒரு ஆக்கபூர்வமான யோசனை

ஐ.பி.எல் போட்டிகள் வெளிநாடுகளில் நடத்தப் போவதாக அறிவித்துள்ளனர். அதற்கு பாதுகாப்பு காரணங்கள் சொல்லப் படுகின்றன. ஏற்கன்வே வங்கதேசமும் வெளிநாடுகளில் போட்டி நடத்தபோவதாகச் சொல்லியுள்ளது.

பிசிசிஐ இந்தியாவின் மிகப் பெரிய ஒரு அமைப்பு. அதற்கு இந்தியாவின் மூளை முடுக்கெல்லாம் அதற்கு ஆதரவுகள் உள்ளன. பிசிசிஐயில் கிரிக்கெட் ரசிக்க மட்டும் தெரிந்தவர்கள் கூட பெரிய பொறுப்புகளில் வரமுடியும். அவர்களுக்கு கிரிக்கெட் விளையாட தெரிந்தவர்கள்தான் பொறுப்புகளுக்கு வரமுடியும் என்றெல்லாம் கட்டாயம் இல்லை. அந்த அளவு ஜனநாயகம் நிலவும் அமைப்பு பிசிசிஐ.

பல முண்ணனி கிரிக்கெட் வீரர்கள் பலரும் பல்வேறு அரசியல் கட்சிகளில் சேர்ந்து மக்கள் சேவை செய்து வருகின்றனர். அசாருதீன், சித்து போன்றவர்கள் சேவை செய்ய தயாராக இருக்கின்றனர். அனைத்து மாநிலங்களிலும் மக்களுக்கு நன்கு தெரிந்த முகங்கள் நிறைய உள்ளன. இன்றைய சூழலில் இந்தியாவில் எந்த அரசியல் கட்சிக்கும் இந்த மாதிரி ஒரு சூழ்நிலை இல்லை.

பேசாமல் பிசிசிஐ ஒரு அரசியல் கட்சி ஆரம்பித்து விடலாம். ஜனநாயகம், பணபலம், ஆள்பலம் போன்ற அனைத்தும் இருக்கும் பிசிசிஐ தேர்தலில் நின்று ஆட்சியைப் பிடித்து விட்டால் எந்த இடத்தில் எங்கு வேண்டுமானாலும் எப்போது வேண்டுமானாலும் கிரிக்கெட் போட்டியை நடத்திக் கொள்ளலாம். பாதுகாப்புக்காக தனி படையையே அமைத்துக் கொள்ளலாம்

பாதுகாப்புக்காக வெளிநாடு செல்வதாகக் கூறி அவமானப் பட்டுக் கொள்வதைவிட மக்களுக்காக சேவை செய்வதால் நாட்டுக்கும் பலன். சங்கத்துக்கும் பலன்.

செய்வார்களா.......

சச்சினை நீக்க வேண்டும்

சச்சின் டெண்டுல்கர் இந்திய அணியில் ஒரு நிரந்தர நட்சத்திரம். கபில்தேவ் காலத்தில் அறிமுகமானவர். அவரது அறிமுகத்திற்குப் பிறகு பிறந்த ஆட்கள் அணிக்குள் வர வழிபார்த்துக் கோண்டிருக்கிறார்கள். அந்த அளவு நீ..........ண்ட நெடிய வரலாறு கொண்டவர். அவரது சாதனைப் பட்டியல்கள் சில. (சில புள்ளி விவரங்கள் மாறுபடலாம். இந்தப் பதிவு சாதனைகளைப் பற்றியது. புள்ளி விவரங்கள் பற்றியது அல்ல. இருந்தாலும் சுட்டிக் காட்டினால் திருத்திக் கொள்ளப் படும்).

இன்றைய தினம் 42ஆவது டெஸ்ட் சென்சூரியை அடித்துவிட்டார். இது டான் பிராட் மேனைவிட அதிகம்.

12000 டெஸ்ட் ரன்களை எடுத்துள்ளார். அப்படி எடுத்த முதல் நபர்.

குறைந்த டெஸ்ட் இன்னிங்ஸ்களீல்(195)களில் 10000ரன்கள் எடுத்தவர்களில் இவரும் ஒருவர்.(மற்றவர் லாரா).

ஒருநாள் ஆட்டங்களில் அதிக ரன்கள் எடுத்தவர் இவர்தான். முதல் 10000 இவர்தான் அதிலிருந்து ஒவ்வோரு ஆயிரமும் இவருக்குத்தான்.

42 சதம் அடித்தவரும் இவர்தான்.

57 முறை ஆட்டநாயகன் விருதும் 14முறை ஆட்டத்தொடர் நாயகன் விருதும் பெற்றிருக்கிறார்.

பந்துவீச்சிலும் பலவகைகளை உபயோகப் படுத்தி நூறுக்கும் மேற்பட்ட விக்கெட்டுகள் எடுத்திருக்கிறார்.

இது இல்லாமல் கேட்ச், ரன் அவுட் என்றெல்லாம் சாதனைப் பட்டியல் போடுகீறார்கள்

...........................................................................................

சச்சினின் சாதனைகளைப் பார்த்தால் அவருக்கு அருகில் இருப்பவர்கள் எல்லாம் டான் பிராட்மேன்,ஆலன் பார்டர், சுனில் காவஸ்கர், ஸ்டீவ் வாக், கேரி கிரிஸ்டன், பிரைன் லாரா, கங்கூலி போன்றவர்களே. விளையாடிக் கொண்டிருப்பவர்களில் பாண்டிங் மட்டுமே இருக்கிறார்.

இந்த நிலையில் சாசின் முதலிடம் பிடித்தார். அதிக சதங்கள் வரிசையில் முதலிடம் பிடித்தவர் என்றெல்லாம் போடுவது. கொஞ்சம் கூட சரியாக படவில்லை. அவருக்கு போட்டியாள்ரே இல்லாத சூழலில் அவர் எப்படி முதலிட்ம் பெற்றவராக இருக்கமுடியும்?

ஐசிசி ரேங்கிங்கில் கடைசி ஆறு மாதம் காலம் மட்டுமே எடுத்துக் கொள்ளப் படுவதால் அதில் எல்லோரையும் ஒப்பீடு செய்ய முடியும். ஆனால் மற்ற சாதனைகளை எடுத்துக் கொண்டால் அவரது நீண்ட நெடிய வரலாறுகளும் சேர்ந்து வருகின்றன. அவரை மற்றவர்களுடன் ஒப்பீடு செய்வது என்பது மற்ற வீரர்களுக்கு இளைக்கப் படும் அநீதியாக கருத வேண்டும்.

அவர் போன்றவர்களை அவுட்ஸ்டேண்டிங் எண்று பெயரிட்டு தனியே பட்டியலிட்டு விட்டால் இந்த மொத்த சத, ஓட்ட வகையராக்களில் போட்டி என்பதற்கு சரியான போட்டி இருக்கும். அது இல்லாமல் ஒட்டு மொத்தமாக கணக்கிட்டு வந்தால் அவரின் சாதனைகள் , சாதனையாக அல்லாமல் வெறும் கணக்கீட்டு கருவியின் எண்களாகவே பதியப் படும். என்வே இது போன்ற கண்க்குகளிலிருந்து சச்சினை நீக்க வேண்டும். அப்போதுதான் சுவாரசியம் கூடும். கிரிக்கெட் என்பதே சுவாரசியத்திற்காகத்தானே..

டி.வி. ரைட்ஸ் வாங்கப் படாத ஒரு முழு நீள தமிழ்த்திரைபடம்

தமிழ்திரைப்படங்களில் அதுவும் வெளிவந்து சில ஆண்டுகள் ஆன திரைப்படங்களில் தொலைக்காட்சி உரிமை வழங்கப் படாத சில படங்களில் இதுவும் ஒன்று. ஒரு திரைப்படம் வெறும் பொழுது போக்கு அம்சமாக மட்டும் இல்லாமல் பல நடைமுறை வாய்ப்புகளையும் மக்கள் மத்தியில் பேச வைத்த திரைப் படங்களில் இதுவும் ஒன்றாகத்தான் இருக்கும்.




ஒரு இயக்குநர் நினைத்தால் எந்த கதையையும் சுவாரசியமாக வழங்க முடியும் என்பதற்கு இந்தத் திரைப்படம் ஒரு உதாரணம். அவரே தயாரிப்பாளராக இருப்பது இன்னொரு வசதி. அதில் அவரே நாயகனாக நடிப்பது ஒட்டு மொத்த அறுவடையும் அவரே எடுத்துக் கொண்ட திறமை.




கண்ணதாசன் போன்ற வளரும் எழுத்தாளரின் முழுதிறமையையும் உபயோகப் படுத்திக் கொண்ட திறமை. முக்கிய கட்டத்தில் நாயகியைத் தூக்கிவிட்டு புதிய நாயகி அறிமுகப் படுத்திய மனவலிமை. ஒரு பெரிய தீவையே நீரில் மூழ்கடித்த கிளைமாக்ஸ் காட்சி சுனாமி பற்றி இந்தியாவில் பேச படுவதற்கு 50 ஆண்டுகளுக்கு முன் எடுக்கப் பட்டிருப்பது போன்றவை இயக்குநரின் திறமைக்கு சான்றாக அமைகின்றன




கீழே தோன்றும் காட்சியைப் பாருங்கள், தொழில் நுட்பம் எவ்வளவு உபயோகப் படுத்தப் பட்டிருக்கிறது என்பதைத் தெரிந்து கொள்ளலாம்






நாடோடி மன்னன்: கம்யூனிச சித்தாத்தங்களை எனக்கு அறிமுகப் படுத்திய படம். "நீங்கள் மாளிகையில் இருந்து மக்களைப் பார்க்கிறீர்கள், நாங்கள் மக்களோடு இருந்து மாளிகையைப் பார்க்கிறோம்". படத்தின் மொத்தக் கதையை ஓரே வரியில் சொல்லும் வசனம்.

அரச சபையில் வரும் ஒரு விவாதம் "அப்படியென்றால் நாட்டில் பணக்காரர்களே இருக்க மாட்டார்கள். அப்படித்தானே? தவறு. பணக்காரர்கள் இருப்பார்கள் ஏழைகள் இருக்க மாட்டார்கள்" கம்யூனிசத்தினை பாமரனுக்கும் கொண்டு செல்லும் முயற்சி. (ஆனால் இன்னும் நெறய பேருக்கு புரிந்தபாடில்லை)

"இந்த அரியாசனத்திற்கு தேவை நான் சொன்னதைக் கேட்கும் நடமாடும் ஒரு பொம்மை"

சர்வாதிகாரத்தின் குரல். அதைதான் இன்று நெறய பேர் தொடர்ராங்க.
'

கூரில்லாக் கலப்பை, அதிகாரமில்லா பதவி"

கடைசியாக படம் முடியும்போது வீராங்கன் மன்னரை எழுப்பி 'மன்னா மகாராணி குற்றமற்றவர்" என்று சொல்லிவிட்டு போவார். ஒரு action படத்தில் கடைசி வசனம் கூட கதைசொல்ல வைக்கும். ஆனால் மொழி புரியாவிட்டாலும் படம் புரியும்.

இது எனது தொடக்க காலப் பதிவு. அக்டோபர் 26,2008ல் எழுதியது.






டிசம்பர்-5,2008ல் பதிவர் முரளிக்கண்ணன் எழுதிய

1958ன் அபூர்வ படங்கள் இடுகையில் நாடோடி மன்னன் பற்றியும் எழுதியிருந்தார். அதில் நான் கொடுத்திருந்த பின்னூட்டங்கள்:-

//

SUREஷ் said...

மன்னனாவதற்கு தேவை, செங்கோல் தாங்கும் கை, மகுடம் தாங்கும் த்லை, ஆரணங்குகளை மயக்கும் அழகு, இவை எனக்கும்தான் இருக்கிறது. அதோடு சிந்தனை செய்யும் சக்தியும் எனக்கிருக்குறது. ந்ம்பியாரின் வசனம் இது.

5/12/08 07:10 //

//

SUREஷ் said...

நாடோடி மன்னன் படம் கூட நான்கு மணி நேரம் ஓடக் கூடியதே. இளவரசியி உடலில் உடை மாற்றும்போது மச்சத்தினை கண்டுபிடிப்பார்கள் இருளைப் போக்கும் விளக்கிற்கு தன் நிழலைப் போக்கும் சக்தி கிடையாது. மன்னன் அழிக்கும் மானியத்தில் நானும் பங்கு கொள்கிறேன். வாழ்விலந்த மகளிருக்காகவும், மருத்துவ மனைக்காகவும் என் சொத்தில் நானும் பாதியை கொடுக்கிறேன்.(ராணி பேசுவது) நம் மன்னர் குடிகாரரா.......... கடைசிக் காட்சியில்... மன்னா, மகாராணி குற்றமற்றவர் நாடோடி,, மன்னனிடம் கூறவதும் கூறும் தோணியும்...

5/12/08 07:17 //

//

SUREஷ் said...

படத்திற்கு துளி கூட சம்பந்தம் இல்லாமல் இரண்டு பாடல்கள் படத்தில் உண்டு மற்ற தத்துவ பாடல்களுக்கு ஏதாவது தொடர்பு இருக்கும் கீழ்கண்ட பாடல்களுக்கு திரைக்கதையில் ஒரு தொடர்பும் இருக்காது. ஆனால் படத்தின் கதைப் போக்கே அவைதான். எங்கும் இந்தப் பாடல்களை வெட்டுவதில்லை. அதில் இயக்குனர் வெற்றி பெற்றிருப்பார். உழைப்பதிலா உழைப்பை கொடுப்பதிலா இன்பம் உண்டாவதெங்கே சொல் என் தோழா உழைப்பவரே உரிமை பெறுவதிலே இன்பம் உண்டாகும் என்றே சொல் என் தோழா பட்டத்திலே பதவி உயர்வதிலே இன்பம் கிட்டுவதே இல்லை என் தோழா உனை ஈன்ற தாய் நாடு உயர்வதிலே இன்பம் உண்டாகும் என்றே சொல் என் தோழா ........... தினம் கஞ்சி கஞ்சி என்றால் பானை நிறையாது சிந்திச்சு முன்னேற வேணுமடி வாடிக்கையாய் வரும் துன்பங்களை இன்னும் நீடிக்க செய்வது மோசமன்றோ இருள் மூடிக் கிடந்த மனமும் வெளுத்து சேகரித்தால் இன்பம் திரும்புமடி நல்லவர் ஒன்றாய் இணைந்துவிட்டால் மீதம் உள்ளவரின் நிலை என்ன மச்சான் நாளை வருவதை எண்ணி எண்ணி அவர் நாழிக்கு நாழி தெளிவாரடி எல்லாமே பாஸிடிவ் அப்ரோச் உடன் அமைக்கப் பட்டிருக்க்கும்.

5/12/08 15:37 //

//

SUREஷ் said...

நானே போடப்போறேன் சட்டம் பொதுவில் நன்மை புரிந்திடும் திட்டம் நாடு நலம் பெறும் திட்டம் நன்மை புரிந்திடும் திட்டம் நாடு நலம் பெறும் திட்டம் 58லேயே இப்படி பாடியிருப்பார்//

எனக்கு வந்த பின்னூட்டங்களும், கருத்துப் பரிமாற்றங்களும்:-

முரளிகண்ணன் சொன்னது…

நல்ல பகிர்வு

November 11, 2008 8:20 AM

பெயரில்லா சொன்னது…

Communism views are interesting to talk. It is not practical. It failed in all countries where communism is tried. Nehru tried socialism and that is the main reason for all the subsidies and other handnouts plaguing the country today. Look around. Communism countries are poor and Capitalistic countries are rich. That should tell you something.

November 16, 2008 7:41 AM

நசரேயன் சொன்னது…

அருமை

November 16, 2008 7:55 AM

SUREஷ் சொன்னது…

நன்றி முரளி கண்ணன் சார். நசரேயன் சார், மற்றும் அனானி சார். கம்யூனிசத்தைப் பற்றி அந்தப் படத்தில் தெளிவாக கூறியிருப்பார்கள் //பணக்காரர்கள் இருப்பார்கள் ஏழைகள் இருக்க மாட்டார்கள்// அதைப் பலரும் தவறாகப் புரிந்து கொண்டுவிட்டனர். வேலைக்கேற்ற ஊதியமே சரியான கொள்கை. ஆனால் ஒரு டீகடையில் வேலை செய்யும் ஆயாவுக்கும் டீ மாஸ்டருக்கும் சம்மான ஊதியம் என்னும்போது வேலை செய்யும் எண்ணம் குறைந்து அந்த நாடுகளின் வள்ர்ச்சி பாதிக்கப்பட்டது என்பதெ உண்மை

November 16, 2008 9:17 AM

புருனோ Bruno சொன்னது…

//Nehru tried socialism// Nehru's ideas are 100 times better than the American Economy, the failure of which is for every one to see

November 16, 2008 9:27 AM

பெயரில்லா சொன்னது…

//Nehru's ideas // Could you give me specific examples of Nehru's ideas. He followed Russsian model and introduced licenseing for everything killing free market. He protected indian industries by closing the country to outside investment. Result - Companies with outdated technology no way of surviving in open competetion and consumers are forced to pay more for substandard products. //are 100 times better than the American Economy, the failure of which is for every one to see// This is not the first economic crisis US faced and wont be the last one. Beauty of capitalism is it survives and in few years time no one will be talking about this crisis.

November 16, 2008 10:18 AM

கருப்பு சிவாஜி இவர்தானுங்க...

விஜயகாந்த் நடித்த எங்கள் ஆசான் திரைப்படம் இன்று வெளியாகி விட்டது. அந்த படத்தின் படங்களை அங்காங்கே பார்க்க நேரிட்டது. அதே நேரத்தில் பழைய சில படங்களின் சுவர்ப்படங்களும் ஏனோ ஞாபகத்தில் வந்து விழுந்தன. இரண்டையும் கோர்த்துப் பார்த்த போது தோன்றியது விஷயம்தான் இது. அரசியல்ல் அவரை கருப்பு எம்ஜியார்ன்னு சொல்லிக்கிற மாதிரி, சினிமாவில் கருப்பு சிவாஜின்னு இனிமேல் அவரை சொல்லிக் கொள்ளலாம். யார் எதிர்ப்பு தெரிவிச்சா நமக்கு என்ன? அவர் பிறந்த நாளைக்கு அவர்க்கும் ஒரு மாலை போட்டுவிட்டால் போச்சு.

மீள் பதிவு...,

அவ்மானப் பட்ட ஆஸ்திரேலிய அணி.

கிரிக்கெட் உலகில் ஒரு கேவலமான நாள் ஒன்று உண்டு. பந்து வீச்சாளர்களையும், மட்டை பிடிப்பவர்களையும் இதற்கு மேல் அவமானப் படுத்த முடியுமா.. என்று தெரியவில்லை. குறிப்பாக ஆஸ்திரேலிய அணியில் பந்துவீச்சு உலகத்தில் இருக்கும் அனைத்து வகைக் கிரிக்கெட் (எல்.கே.ஜி. அணியைவிட) அணிகளைவிட கேவலமாக இருந்த நாள். அந்த அணியின் களத்தடுப்பு கூட அப்படித்தான். அவர்கள் களத்தடுப்பு செய்ததற்குப் பதில் பேசாமல் நட்சத்திர ஓட்டலில் குப்புறப் படுத்து தூங்கி இருக்கலாம். அந்த ஆட்டத்தின் முழு வர்ணனையும் ஒரு பதிவர் பதிவிட்டு இருக்கிறார். இங்கே பாருங்கள்.

இந்திய அணி பலவீனமான இரண்டாம்தர அணிதான்

தற்போது விளையாடிக் கொண்டுவரும் இந்திய அணியினை ஒரு இரண்டாம் தர அணி என்று சொன்னால் பலரும் திகைக்கக் கூடும். கல்கத்தா பாஷா (அவர்கள் மொழியில் தாதா) இந்த அணியை சிறந்த அணி அல்ல என்று சொன்ன போது பலரும் விமர்சிக்கத்தொடங்கி பிரித்து மேய்ந்து கொண்டே இருக்கிறார்கள். ஆனால் அதுதான் உண்மை.

இந்திய கிரிக்கெட் அணிகளில் மிகச் சிறந்த அணி என்று கூறினால் 1992ல் ஆஸ்திரேலிய உலகக் கோப்பைக்குச் சென்ற அணியினைக் கூறலாம்.
உடனே சிலருக்குக் கோபம் வரலாம். சி.கே. நாயுடு தலைமையினாலான இந்திய அணியே சிறந்து எனச் சொல்லலாம். சுதந்திர இந்தியாவின் முதல் கேப்டன் லாலா அமர்நாத் தலைமையினால் ஆன அணியே சிறந்த அணி என்று கூறலாம். நாம் 1983 உலகக் கோப்பைக்கு பிந்தைய கிரிக்கெட் அணிகளை மட்டும் பார்ப்போம்.

1992 அணியில்
உலகின் வாழ்ந்த, வாழ்ந்து கொண்டிருக்கும் தலைசிறந்த ஆல்ரவுண்டர் கபில்தேவ் இருந்த அணி அது. அதுமட்டும் அல்லாமல் முதல் ஓவரிலேயே அடித்தாடும் பாணியை துவக்கி வைத்த ஸ்ரீகாந்த் அந்த அணியில் இருந்தார். முழுமையான ஆல்ரவுண்டர்கள் என்று சொல்லக் கூடிய ரவிசாஸ்திரி, மனோஜ் பிரபாகர் போன்றோரும் அந்த அணியில் இடம் பெற்றிருந்தனர். இன்னொரு பெருமைக்குரிய அறிமுகமும் (உலகக் கோப்பைக்கு)அந்த அணியில் இடம் பெற்றிருந்தார். அவர் சச்சின். அவர் மட்டுமில்லாமல் கங்கூலி, மஞ்ரேகர், காம்ப்ளி போன்றோரெல்லாம் அந்த அணியில் இருந்தனர். பந்து வீச்சில் கபில், பிரபாகர், சாஸ்திரி, ஸ்ரீநாத் போன்றோரும் அணியில் இருந்தனர். கடைசி ஆளாக இறங்கி சிக்ஸர் அடிக்கும் வல்லமை வாய்ந்த பானர்ஜி கூட இருந்தார். சிறந்த கீப்பராகவும் கபில் சிறந்த தோழமை மட்டை பிடிப்பவராகவும் விளங்கிய கிரன் மூரே கூட அந்த அணீயில் இருந்தனர்.

ஆனால் துரதிஷ்டவசமாக அந்த அணி சுற்றுப் போட்டிகளைக் கூட தாண்டவில்லை. அதற்குக் காரணமாக ஸ்ரீலங்கா (அப்போதைய பங்களாதேஷ்வகை அணி) உடன் நடந்த ஆட்டம் மழையால் பாதிக்கப் பட்டதுதான் காரணம் என்று கூறிக் கொண்டிருந்தனர்.

அவ்ருக்குப் பின் அசாருதீன் வந்தார். அந்த அணியில் யார் இருந்தார்கள் என்றே நினைவில் இல்லை. தெரிந்தவர்கள் கூறலாம்.

அதற்கடுத்து டெண்டுல்கர் தலைமை, தலைமை நன்றாகத்தான் இருந்தது. ஆஸ்திரேலியாவிற்கு இன்பச் சுற்றுலா அழைத்துச் சென்றார். அந்த அணியில் ஹர்விந்தர் என்றொருவர் அவர்தான் பெரிய பந்து வீச்சாளர். குருவில்லா போன்றவர்கள் எல்லாம் அந்த அணியில் இருந்தனர். பின்னர் மீண்டும் அசாருதீன்.

இந்த அணி கூட மிகவும் பலம் வாய்ந்த அணிதான். மும்மூர்த்திகள் மட்டை, பந்து வீச்சில் உருவானார்கள். அவர்களது சாதனைகள் மிக அதிகம். ஆனால் அதன் காரணமாக அணிவெற்றி பெற்றதா என்றெல்லாம் கேட்க கூடாது. ஃபீல்டிங்கில் கூட ஜடேஜா, அசாருதீன், சச்சின் போன்றோர் மிகச் சிறப்பாக செயல் பட்டார்கள். இந்த கால கட்டத்தில் கிரிக்கெட் அணியில் ஐந்து மட்டையாளர்கள் நிரந்தர ( சச்சின், கங்கூலி, டிராவிட்,அசார், ஜடேஜா) இடம் பிடித்தனர். அவர்களுக்கு ஐம்பத்தெட்டு வயதில்தான் ஓய்வு. அதற்குப் பின்னர்தான் மற்றவீரர்களுக்கு வாய்ப்பு என்று கூட கல்லூரியில் பேசிக் கொள்வார்கள்.




எப்படியோ ஒரு சுபயோக சுபதினத்தில் அசாரும் ஜடேஜாவும் ஓய்வு பெற மற்ற வீரர்கள் அவ்வப்போது தலைகாட்ட ஆரம்பத்தினர். கும்ப்ளே பந்து வீச்சில் முண்ணனியில் திகழ்ந்தார். இவரது பந்து வீச்சைப் பற்றி கல்லூரியில் பேச்சு உண்டு. சுழல்பந்து மாதிரி வேகப் பந்து வீசுவதாகக் கூறிக் கொள்வார்கள். அவரது பந்து திரும்பும் என எதிர்பார்க்கும் போது திரும்பாமல் நேராக வந்து காலில் பட்டு எல்.பி.டபுள்யூ. முறையில் ஆட்டம் இழக்க வைப்பார். பிரசாத் கூட இவரைவிட கொஞ்சூண்டு வேகம்தான் அதிகம் காட்டுவார்.

கங்கூலி, டிராவிட் போன்றோரெல்லாம் ஓய்வெடுக்கும் வயதில் ஒருவர் அணிக்கு வந்தார். அவர்தான் ராபின்சிங்.

இவர்களை போல தனித்தன்மை வாய்ந்த கிரிக்கெட் வீரர் யாரேனும் இந்த அணியில் இருக்கிறார்களா.. சச்சினைத்தவிர, அவர்கூட அவ்வப்போது ஓய்வெடுத்துக் கொள்கிறார்.

சேவக், யுவராஜ் போன்றோர் அவ்வப்போது நல்ல ஸ்கோர்களைக் குவிப்பார்கள். அவ்வளவுதான். கங்கூலி, டிராவிட், அசார் போன்ற நீண்ட நெடிய பயணங்கள் கிடையாது. இன்னுமே அணியில் நிறந்தர இடம் உண்டா என்ற பயத்துடனே இருக்கிறார்கள். சேவக், யுவராஜ் நிலைமையே அப்படி என்றால் மற்ற மட்டையாளர்களைப் பற்றி சொல்ல வேண்டியதே இல்லை.

பந்துவீச்சில் கூட நிறந்தர பந்துவீச்சாளர் இந்திய அணிக்கு உண்டா. என்றால் இல்லை. எந்த பந்து வீச்சாளர் அணியில் இடம் பிடிப்பார் என்றே யாரும் யூகிக்க முடியாது. அப்படியே அணியில் இடம்பிடித்தாலும் தசைப் பிடிப்பு வந்து உட்கார்ந்து கொள்வார். வேறு யாராவது பந்து வீச்சாளராக இடம்பிடிப்பார். முதலில் எல்லாம் ஸ்ரீநாத் தசைப் பிடிப்பு வந்தால் கங்கூலி, சச்சின் போன்றோர்தான் பந்து வீச வர வேண்டும். இப்போது ஓரே த்ரத்தில் நிறையப் பேர் இருக்கிறார்கள். ஆனால் பிரட்லீ, அக்ரம் போல யாரும் கிடையாது. அதனாலேயே இந்தைய் அணியின் பந்து வீச்சினை எதிர் கொள்ள மற்ற அணியினரால் திட்டம் தீட்ட முடியவில்லை என்றே கூறலாம்.


இப்படி இந்திய அணி கடந்த கால்ங்களில் இருந்த பல இந்திய  அணிகளை விட பலம் குறைந்த அணியாகவே விளங்குகிறது. இருந்தாலும் தங்கள் பலத்திற்கு தகுந்தாற்போல ஒவ்வொருவரும் அணிக்காக உழைக்கிறார்கள். அணில்களைப் போல இருக்கும் ஒவ்வொருவரிடமும் எதை எடுக்க முடியும், எப்படி உபயோகிக்க முடியும் எனத்தெரிந்த அணித்தலைவர் டோனி இருக்கிறார்.
முன்னெல்லாம் சச்சின் அவுட் ஆனால் பின்னால் வருபவர்கள் தாக்குபிடித்தல் சிரமம். ஆனால் அணி தள்ளாடும் போதெல்லாம் தாங்கிப் பிடிக்கும் மட்டையாளராகவும் டோனி விளங்குகிறார். அவரது தனிப் பட்ட சாத்னைகள் எதுவும் சென்ற ஆண்டு பேசப் படவில்லை. ஆனால் மட்டை பிடிப்பில் அவர்தான் ஐ.சி.சி. தரம் ஒன்று.
மட்டை பிடிப்பாளருக்குப் பின் நிற்பதால் மட்டையாளருக்குத் தெரியாமல் யுக்திகளை அமைக்க முடிகிறது. எனவே அணியின் பலம் என்று பார்த்தால் இந்திய அணி இரண்டாம் தர அணிதான். ஆனால் அணியின் பலவீனத்தை பலமாக மாற்றும் கேப்டன் இருப்பதால் இந்திய அணி வெற்றி பெறுகிறது.
டோனி கூட நாணல்போல வளைந்து கொடுக்கும் கேப்டன் போலத்தான் தோன்றுகிறார். கங்கூலி அதில் ஒரு சக்கரவர்த்தியாகவும் சர்வாதிகாரியாகவும் அல்லவா தோன்றுவார்.




ஏற்கனவே இதுபற்றி ஒரு இடுகையும் எழுதியிருக்கிறேன்.

ஆட்டக் காரர்களைப் பற்றி மாட்டும் பார்த்தால் இது இரண்டாம்தர அணிதான். ஒரு குழு என்று பார்த்தால் இதுதான் முழு முதல் அணி என்பது கூட புலப் படும்.

மீள்பதிவுதான் என்றாலும் ஓட்டுக்கள் ஏற்றுக் கொள்ளப் படுகின்றன

அவளிடம் கேட்டதை அவனிடம் கேட்டால்......

இன்று மதியம் டி.வி.யில் வறுமையின் நிறம் சிகப்பு படம் பார்க்க நேர்ந்தது. கமல் ஸ்ரீதேவியிடம் சொல்லிக் கொண்டிருப்பார்

"எத்தனை நாட்களுக்குத்தான் அடிமையாய் இருப்பிங்க. பிறந்ததும் அப்பாவுக்கு அடிமை,
கல்யாணம் ஆனதும் கணவனுக்கு அடிமை, குழந்தை பிறந்தால் அதற்கு அடிமை. எப்ப
சுதந்திரமாய் வெளிய வருவீங்க"

சாதரண்மாய் பார்த்தால் பெண்விடுதலைக்கான அற்புதமான ராக்கட் வசனமாக தோன்றும்.
ஆனால் கமலின் {வ.நி.சி.யில்} குடும்ப நிலையை சூழ்நிலையைப் பார்த்தால் ஒரு
உண்மை புலப் படும். இதே வசனத்தை ஸ்ரீதேவி, கமலைப் பார்த்தும் பேசலாம் .பேச விட்டுப்
பாருங்கள். வாழ்க்கையின் நிதர்சனம் புரியும்.

பாருங்கள். கமலுக்கும் அதே சூழ்நிலைதான். கமலும் தந்தைக்கு அடிமையாய் நினைக்கிறார். தந்தையும் கமலைஒரு சுமையாகவே நினைக்கிறார். இருவரும் ஒருவரிடம் இருந்து ஒருவர் சுதந்திரம் வாங்க நினைக்கிறார்கள். குடும்பம் சிதைகிறது. கமல் தனது குடும்பத்தின் ஈன நிலையை ஒரு வசனத்தின் மூலம் ஸ்ரீதேவிக்கு கூறுகிறார்.

பெற்றவர்களுக்கு பிள்ளையை நேர்படுத்தும் பொறுப்பு உண்டு. பிள்ளைகளுக்கும் பெற்றவர்களை கவனிக்கும் பொறுப்பு உண்டு, கண்வன், மனைவி இருவரும் ஒருவருக்கு ஒருவர் அனுசரனையாக (அடிமையாய் கூட இருக்கலாம்) இருந்தால்தான் குடும்பம் குடும்பமாக இருக்க முடியும். இல்லையென்றால் ஆளுக்கு ஒரு மூலையில் உட்கார்ந்து புரட்சி வாழ்க்கை வாழ முடியுமே தவிர மனித வாழ்க்கை வாழ முடியாது.

ஆனால் துரதிர்ஷ்டவசமாக விரக்தியில் ஒரு கதாபாத்திரம் எதிர்மறையாய் பேசுவதை விழிப்புணர்வு வசனம் என்று இன்று பள்ளியில் கூட பேச்சுப் போட்டியில் பெண்விடுதலைக்காக இந்த வசனம் உபயோகப் படுத்தப் படுகிறது.

ஸ்ரீதேவி கமலிடம் கூறியிருந்தால் இந்த தாக்கம் ஏற்பட்டிருக்குமா என்று தெரியவில்லை. ஆனால் அப்படித்தான் பேசியிருக்க வேண்டும்.

இது ஒரு மீள்பதிவு. மகளிர்தின ஸ்பெஷல்

மஞ்சளழகி

ஜீவா இன்று கல்லூரி செல்வதில்லை என்று முடிவெடுத்திருந்தான். அவனது உறவினர் ஒருவரது திரும்ணத்திற்கு கண்டிப்பாகச் செல்ல வேண்டிய அவசியத்தில் இருந்ததால் அப்படி ஒரு முடிவு. அதிகாலையிலேயே எழுந்து திருமணத்திற்கு சென்றுவிட்டு கல்லூரிக்குச் செல்லுமாறு அவனது தந்தை அவனிடம் சொல்லி இருந்தார். வழக்கம் போல் ஜெமினி டி.வி.யில் மிட்னைட் மசாலா பார்த்துவிட்டுப் படுத்ததில் அதிகாலை என்பது தூக்கத்திலேயே சென்றுவிட்டது. முக்கிய திருமணம் என்பதால் காலைக் கல்லூரிக்கு மட்டம் போட்டுவிடுவது என்று முடிவு செய்தான்.

மாணவர் விடுதியை விட்டு வெளியே செல்லும்போது பேருந்து நிறுத்தத்தில் மினியைப் பார்த்தான். மினி அவனோடு படிப்பவள்தான். இருவரும் மருத்துவக்கல்லூரியில் மூன்றாம் ஆண்டு படித்துவந்தனர். வெகுநாட்களாகவே மினியின் மீது ஜீவாவுக்கு ஒரு இது. தகுந்த நேரம்வரும்போது மினியிடம் தன்னை வெளிப்படுத்தி இதுவை அதுவாக மாற்றம் செய்ய எண்ணியிருந்தான். அதற்கான நேரமும் துணிச்சலும் அவனுக்கு வந்தபாடில்லை. மூன்றாம் ஆண்டிருந்து ஏட்டுக்கல்வியுடன் அனுபவக் கல்வியும் துவங்கியிருந்தது. உள்ளுறை நோயாளிகள் பிரிவுக்கு பல குழுக்களாகப் பிரித்து எல்லோருக்கும் பாடம் ஆரம்பித்துவிட்டனர். ஜீவாவின் குழுவில் அவன் மற்றும் மினியோடு சேர்ந்து அறுவர். அவர்களுக்கு வகுப்பு எடுக்க முதுகலை மாணவர்களும் இரு உதவிப் பேராசிரியர்களும் இரு விரிவுரையாளர்களும் ஒரு பேராசிரியரும் இருந்தனர்.

இருவருமே சராசரிக்கும் கூடுதலான திறமை வாய்ந்த மாணவர்கள்தான்.

அந்த மினியைத்தான் அவன் பேருந்து நிறுத்தத்தில் பார்த்தான். பச்சைக்கலர் புடவையில் ஏதோ திருமணத்திற்குச் செல்லுவதுபோல் நின்று கொண்டிருந்தாள்.கையில் கல்லூரிக்கு(மருத்துவ கல்லூரி மருத்துவ மனைக்கு) செல்லும்போது கொண்டு செல்லும் பாடப் புத்தகங்களும் கருவிகளும் இருந்தன. முகம் சற்று சோர்வாகத்தென்பட்டாலும் மஞ்சள் அதிகமாகவே தென்பட்டது. ஜீவா பேசாமல் கல்லூரிக்குக்கே சென்று விடலாம் என்றமுடிவுக்கு வந்தான். இருந்தாலும் முக்கிய திருமணம் என்பதால் திருமண மண்டபத்தைநோக்கி தனது இருசக்கர வாகனத்தைச் செலுத்தினான்.

கோயமுத்தூர் வந்து மூன்று ஆண்டுகள் அகியும் இவள்கள் திருந்தவே மாட்டார்களா.. சுத்த பட்டிக்காடு மாதிரி இவ்வளவு மஞ்சள் பூசி குளித்துவிட்டு வகுப்புக்குச் செல்கிறார்கள். ஒட்டு மொத்த பெண்களையும் திட்டிக்கொண்டே திருமணத்திற்குச் சென்றான். நல்ல சிவப்பாய் இருந்தால் கூட பரவாயில்லை. இவள் மாநிறம்தான். இதில் இவ்வளவு மஞ்சள் பூசிக் குளித்துக் கொண்டு.... என்ன ரசனையோ.. லேசாக தென்பட்ட இடுப்பில் கூட மஞ்சள் கலந்திருப்பது போல்த்தோன்றியது.

திருமணத்திற்குச் சென்ற அவனது மனம் முழுக்க முழுக்க மினியைச் சுற்றியே வந்தது. இன்று எப்படியும் அவளிடம் இது பற்றி பேசிவிட வேண்டும்.. எத்தனை நாள்தான் மனதிற்குள்ளேயே வைத்துக் கொண்டிருப்பது. அப்புறம் நம் கதையைக் கூட கல்லூரி ஆண்டுவிழாவில் நாடகமாய் போட்டு மானத்தை வாங்கிவிடுவார்கள். பல்வேறு நினைவுகள் அவனுக்குள் சுற்றிக் கொண்டே இருந்தது.

திருமணம் முடிந்தவுடன் நேரே மருத்துவமனைக்குச் சென்றான். அவனது வார்டுக்குச் சென்றான். வாசலிலேயே அவன் வகுப்பைச் சேர்ந்த மாணவர்கள் சிலர் கல்லூரி முதல்வருடன் பேசிக் கொண்டிருந்தனர். போச்சு.. திரும்பவும் ஏதாவது வேலை நிறுத்தம் செய்ய போகிறார்களா? இவர்களோடு சிக்கினால் இன்று இரவு வரைக்கும் கூட இங்கிருந்து தப்ப முடியாது. முதலில் மினியிடம் பேச வேண்டும் பின்னர்தான் மற்ற விஷ்யங்கள்.

நேராக மாணவர் விடுதிக்கு வந்து சேர்ந்தான். முதலில் அவனது ஊரினைச்சேர்ந்த மூத்த மாண்வர் ரங்கு தென்பட்டார். அவர் ஜீவாவிற்கு நன்கு நெருக்கமான நண்பர். அவருக்குஜீவாவுக்கு ஓரளவு மினியிடம் ஒரு இது என்பது தெரியும். இவனைப் பார்த்ததும் அருகில் வந்தார். ஏதோ தயங்கியது போல் தென்பட்டது. இருந்தாலும் ஜீவா அதிபயங்கர துதூகலதுடன் சொல்ல ஆரம்பித்தான்.

ஊர்ஸ் இன்னைக்கு சொல்லிறலாம்னு இருக்கேன். காலையிலமினியைப் பார்த்தேன்.

கோயமுத்தூர் வந்து மூன்று ஆண்டுகள் ஆகியும் இவள்கள் திருந்தவே மாட்டார்களா.. சுத்த பட்டிக்காடு மாதிரி இவ்வளவு மஞ்சள் பூசி குளித்துவிட்டு வகுப்புக்குச் செல்கிறார்கள். ஒட்டு மொத்த பெண்களையும் திட்டிக்கொண்டே திருமணத்திற்குச் சென்றான். நல்ல சிவப்பாய் இருந்தால் கூட பரவாயில்லை. இவள் மாநி றம்தான். இதி இவ்வளவு மஞ்சள் பூசிக் குளித்துக் கொண்டு.... என்ன ரசனையோ.. லேசாக தென்பட்ட இடுப்பில் கூட மஞ்சள் கலந்திருப்பது போல்த்தோன்றியது.

பச்சை சேலை வேர ... தாங்கல

இன்னைக்கு எப்படியும் அவளிடம் இதைப் பற்றி பேசிவிடுவது என்று முடிவு செய்துவிட்டேன். ஆசிர்வாதம் பண்ணுங்க ஊர்ஸ்..

காதல் மயக்கத்தில் உளறிக்கோண்டே இருந்தான்.

இது ஒன்றும் புதிதல்ல. முதல் வருடம் கல்விச் சுற்றுலா சென்று வந்ததிலிருந்து வாரம் ஒருமுறையாவது மினியைப் பற்றி ஏதாவது உளறிக் கொண்டே இருப்பான்.

ஊர்ஸ் ரங்கு அமைதியாகச் சொன்னார். இனிமேல் இதைப்பத்தி யார் கிட்டயும் பேசாதே.. பேசினால் உனக்குத்தான் பிரச்சனை.

மினி குடும்ப பிரச்சனை காரணமாக விஷம் சாப்பிட்டு செத்து போயிட்டா.. நீ காலையில பார்த்தப்பவே விஷம் அவ உடம்பு பூரா பரவித்தான் இருந்திருக்கு. அமைதியா ரூம்ல உட்காரு. உன் வகுப்புத் தோழர்களெல்லாம் பிணவறை பக்கத்தில்தான் இருக்கிறார்கள். கல்லூரிமுதல்வர் கூட அங்குதான் இருக்கிறார்.

ஜீவா சிலையாய் மாறி நின்றான். கண்களில் மட்டும் நீர் ஆறாய் பெருக்கெடுத்தது. (அவன் பார்த்த மஞ்சள் விஷத்தின் முழு வெளிப்பாடு)

இது ஒரு மீள்பதிவு

படையப்பா- ஒரு அலசல்

சூப்பர் ஸ்டார் படம் என்றாலே எல்லாருக்கும் கொண்டாட்டம்தான். ஒரு படம் பார்த்தாலே நூறு படம் பார்த்த திருப்தியைக் கொடுப்பவை சூப்பர் ஸ்டாரின் படங்கள். அதிலும் படையப்பா இதுவரை வந்த சூப்பர் ஸ்டாரின் படங்களுக்குள் மிகவும் சிறப்பாக அமைந்த படம். அந்த திரைக் காவியத்தில் எத்தனை எத்தனை சரித்திரங்கள் அடங்கியுள்ளன என்பதைக் காண்லாம்.



துவக்கத்திலேயே நீதி தவறாத தந்தையாக வருகிறார் நடிகர் திலகம் அவர்கள். ஆனால் சின்னக் கவுண்டர், எஜமான், நாட்டாமை போன்ற படங்கள் பார்க்காதவர்களுக்கு ஒரு வரப் பிரசாதமாக அமைந்த காட்சிகள் அவை. ஒரு அழகான மேடை அமைத்து அதன் மேல் கையில் வேலுடன் சிம்மாசனத்தில் காட்சி அளிக்கும் நிகழ்ச்சி பல சரித்திரங்களை நமக்கு கண்முன்னே கொண்டுவரும்.



அடுத்ததாக எதிலும் முதன்மையாக வரத்துடிக்கும் நாயகியாக பழைய குமரிக்கோட்டம் வகைப் படங்களை பார்க்காதவர்களுக்கு கண்முன்னே காட்சியளிக்க வைத்த படம்.



இளவரசியை விட்டுவிட்டு இளவரசியின் வேலைக் காரியைக் காதலித்து நாயகன் திருமணம் செய்து கொள்ளும் காட்சி அமைப்பு பழைய தங்க மலை ரகசியம் படம் (சிவாஜி, ஜமுனாராணி நடித்த டார்ஜான் வகை ராஜா கால மந்திர தந்திர படம்) பார்க்காதவர்களுக்கு ஒரு வரம் என்றே சொல்லலாம்.
ரம்யாவின் வேலைக்காரியாக வரும் சௌந்தர்யாவைத் திருமணம் செய்து கொள்வது போல, டி.ஆர்.ராஜகுமாரியை பெண் பார்க்க வந்து அவரது பணிப் பெண்ணைத் திருமணம் செய்து கொள்வதால் ராஜகுமாரியின் பழிவாங்கும் படலமே அதன் கதை.


தவிரவும் மன்னன் படம் பார்த்துவிட்டு விஜய சாந்திக்கு பதிலாக குஷ்பூவுடன் தலைவரை ஜோடி சேர்த்து பார்க்க ஆசைப் பட்டவர்களின் பதினேழு ஆண்டுகால கனவையும் நிறைவேற்றி வைத்த படம் படையப்பா..




என் வழி தனி வழி வசனத்தின் வீரியத்தை நாளை நமதே படம் பார்க்காதவர்களையும் உணரவைத்த படம் படையப்பா..

அண்ணனை தம்பி ஒட்டு மொத்தமாக ஏமாற்றி சொத்துக்களை மாற்றிக் கொள்ளும் காட்சிகள், தர்மதுரை, முத்து போன்ற படங்கள் பார்க்காதவர்களை மகிழ்ச்சியில் ஆழ்த்தியது.

தங்கைக்கு மாப்பிள்ளை பார்ப்பது, ஓரே பாட்டில் தலைவர் மிக பெரிய பணக்காரனாக மாறுவது போன்றவை இதுவரை ரஜினி படமே பார்க்காதர்களுக்கும் ரஜினி பட இலக்கண இலக்கியங்களை சொல்லிக் கொடுக்கும் வகையில் காட்சிகள் அமைக்கப் பட்டிருக்கும்.

வளர்ந்த இரு பெண்களுக்கு தந்தையாக வந்து அவர்களின் திருமணம் செய்ய முற்படும்போது பார் மகளே பார் சிவாஜி கணேசனே மீண்டும் வந்தது போல் இருந்தது. அவரளவுக்கு இவரும் கஷ்டப்படுவார். ஏற்பாடு செய்த திருமணத்தை ஒரு மகள் மறுப்பார்.

அப்பாஸுடன் சேர்ந்து கடைசி சண்டைக் காட்சிகளில் ஒட்டு மொத்த தெலுங்கு பட உலகையே கண் முன் கொண்டுவந்து what a man? சொல்ல வைத்து இருப்பார்.

படத்தின் இறுதியில் சபதத்தில் வெல்ல முடியாமல் குத்துப் பட்டு சாகும் காட்சியில் நீலாம்பரி, மகாதேவி வீரப்பாவையும், தூரல் நின்னு போச்சு வில்லன் செந்தாமரையையும்(உண்மையில் அவர் நாயகியின் தந்தை- நல்லவர்) நினைவு படுத்துவார்கள்.




சிவப்பு புடவையைப் பார்த்து மிரளும் மாடு, பாம்பு புற்றுக்குள் கையை விடுவது போன்ற காட்சிகள் ராம நாராயணன் படங்கள் சுவை மாறியதைக் கண்டு வருத்தத்தில் இருந்த ரசிகர்களையும் மகிழ்ச்சிக்கடலில் ஆழ்த்திய படம் என்றே சொல்லலாம்.

மொத்தத்தில் ஒரு படம் பார்த்தால் நூறு படம் பார்த்த மாதிரி....

இது ஒரு மேம்படுத்தப் பட்ட மீள்பதிவு

கட்டைவிரல் உயர்த்திப் பிடித்த கூட்டம்

வழக்கமாக இடுகை எழுதி முடித்த பின்னர்தான் தமிழ்மணக்கட்டைவிரல் பற்றீயும் அதிலும் மேல்நோக்கிய கட்டைவிரலில் க்ளிக் செய்து வாசகர் பரிந்துரையில் முதல் ஓட்டை நமக்குநாமே போட்டு எப்படியாவது முகப்பில் இடம்பிடிக்க படாதபாடு படுவோம். இந்த இடுகை அவ்வளவு முக்கியத்துவம் வாய்ந்தஅந்த கட்டைவிரல் பற்றியதுதான்.


ஒருபள்ளியின் நடைபெற்ற ஆண்டுவிழாவில்தான் இந்த கருத்துக்களைக் கூறினார்கள்.

குழந்தைகளைப் படிக்கச் சொல்லிவிட்டு டி.வி. பார்க்கும் பெற்றோர்களைப் பற்றியும் நாம் பார்க்கும் காட்ட்சிகள் நம்மை எப்படி ஆளுமை செய்கின்றன என்பது பற்றியும் அருமையாகக் கூறினார்கள்.

முதல் வரிசையில் வரிசைகளில் இருப்பவர்களை மட்டும் கலந்து கொள்ளுமாறு கேட்டுக் கொண்டனர். பின் வரிசையில் இருப்பவர்களை சாட்சியாக வைய்த்துக் கொண்டனர்.

அனைவரையும் ஆட்டிக் காட்டிவிரலை உயர்த்திக் காட்டுமாறு கேட்டுக் கொண்டனர். அதே நேரத்தில் இந்த அறிவிப்பு செய்தவர் தனது கட்டைவிரலை உயர்த்திக் காட்டினார். முன் வரிசையில் அமர்ந்திருந்தவர்களில் பெரும்பாலோரும் தங்களது கட்டைவிரலையே உயர்த்திக் காட்டினர். கேட்டுக் கொண்டதற்கு இணங்க ஆட்காட்டிவிரலை உயர்த்திக் காட்டியவர்கள் வெகு சிலரே.. செயல்முறையிலேயே

நாம் என்னதான் நினைத்தலும் எவ்வளவுதான் அறிவை வள்ர்த்து வைத்திருந்தாலும் நாம் பார்க்கும் காட்சிகள்தான் நம்மை பெருமளவு ஆளுமை செய்கின்றன.

என்பதை அழகாகக் காட்டினார்கள்...

.................................................................................................................................................

முன்னொருகாலத்தில் எங்கள் காதலர்தின அனுபவம்

அது ஒரு காதலர் தினம்। நாங்கள் கல்லூரியில் படித்துக் கொண்டிருந்த காலம் அது।। ஒரு வி।ஐ।பி। வருகிறார் என்று ஊரே பரபரப்பாக இருந்தது। எங்களுக்கும் ஒரு பரபரப்பாக இருந்தது। எங்கள் நண்பன் அரவிந்தசாமி, மணிஷாவிடம் காதலைச் சொல்லப் போவதாகச் சொல்லிக் கொண்டிருந்தான்। அவர்கள் காதலை சொல்லிக் கொள்ளவில்லையே தவிர மற்றபடி காதலர்கள்போல்தான் சுற்றிக் கொண்டிருப்பார்கள்।

அவர்களுக்கு அடிக்கடி பாடங்களில் சந்தேகம் வரும்। அதை சரி செய்ய இவர் இருக்கும் இடத்திற்கு அவரும் அவர் இடத்திற்கு இவரும் வருவார்। ஓரே வகுப்புதான்। ஆனால் செயல்முறை வேறுவேறு இடங்களில்।। அருகில் இருக்கும் எங்களிடம் எல்லாம் சந்தேகம் கேட்க மாட்டார்கள்। இவர்கள் ஒன்றாக படிப்பது எங்களுக்கு எந்த பாதிப்பையும் ஏற்படுத்தாத காரணத்தால் நாங்கள் நல்ல நண்பர்களாக இருந்தோம் என்றே நினைக்கிறேன்। பொதுவாக இது போன்று ஆரம்பிக்கும்போது மற்ற நண்பர்களை வெட்டி விடுவார்கள்।

லஷ்மி காம்ப்ளக்ஸில் என்னமோ வாங்க வேண்டும் என்று சொல்லிவிட்டு சென்றிருந்தான்। அரவிந்தசாமி। । கல்லூரி விடுதியில் மதிய உணவு எடுத்தபின் கிரிக்கட் ஒன்பிச் விளையாடிக் கொண்டிருந்தபோது காந்தி புரத்தில் குண்டு வெடித்ததாக செய்தி வந்தது। இவன் வேற அங்கதானே போயிருக்கிறான்। ஒன்றும் புரியவில்லை। யூனிட்ஸ்க்கு என்ன ஆச்சோ என்று என் ரூம்மேட் வேறு புலம்ப ஆரம்பித்தான்। மனிஷாவும் அவனுக்கும் ஒரே இடத்தில் செயல்முறை வகுப்பு இருப்பதால் அப்படி।

சிறிது நேரம் கழித்தபின் நிஜமாகவே எங்களுக்கு படபடப்பு அதிகம் ஆனது। நாங்கள் சென்று பார்த்து வர வேண்டும் என்றால் எங்கள் சீணியர் மாணவர்கள் அனுமதிக்கவில்லை। (யாரும் வண்டி கடன் கொடுக்கவில்லை)। மாலைப் பொழுது ஆனது। அவர்களைப் பற்றி ஒரு தகவலும் இல்லை। ஆனால் ஊரில் ஆங்காங்கே குண்டு வெடிப்பதாக மட்டும் தகவல் வந்து கொண்டே இருந்தது। இந்த நேரத்தில் அரவிந்தசாமி வீட்டில் இருந்து வேறு பத்திரமாக இருக்கிறீர்களா? என்று போண் வேறு செய்துவிட்டார்கள்। அப்போது செல்போன் கிடையாது।

மிகக் கொடுமையான நேரங்கள் அது। அந்தநேரத்தில் அடுத்த தகவல் வந்தது। மருத்துவ கல்லூரி மருத்துவ மனையிலேயே குண்டுவெடித்தது। செவிலியர்கள் பலி। மற்றும் படுகாயம்। யாரோ சொல்லிக் கொண்டிருந்தார்கள்। உலகப் போர் காலத்தில் கூட மருத்துவமனைக்குள் குண்டு வெடித்து கிடையாதாம்।

நாங்கள் என்ன செய்ய முடியும் அரவிந்தசாமியின் வீட்டிலிருந்து மீண்டும் போன் வந்தால் என்ன சொல்வது। கூப்பிடுகிறோம் என்று சொல்லி வைத்துவிட்டோம்। அதன்பிறகு போண் பிசியாகவே இருந்தது। எல்லா மாணவர்களையும் அவர்கள் வீட்டில் விசாரித்துக் கொண்டிருந்தனர்।। இரவும் வந்துவிட்டது। அப்போது மருத்துவ மனையை விசாரித்து ரெண்டும் இருக்கா என்றும் கேட்டோம்। ஒரு தகவலும் இல்லை।

மருநாள் காலை। கோவையில் அனைத்து கல்லூரிகளுக்கும் விடுமுறை। ஆனால் மருத்துவ கல்லூரி படுவேகத்துடன் இயங்கி கொண்டிருந்தது। வேகமாக மருத்துவ மனைக்குச் சென்று காயம் அடைந்தவர்கள் மரணம் அடைந்தவர்கள் என்று எல்லா பகுதிகளையும் சுற்றி சுற்றீ வந்தோம்। மூன்றாம் ஆண்டு மாணவர்களுக்கு பெரிய வேலை ஒன்றும் கிடையாது என்றாலும் அன்று பார்க்க வருபவர்களுக்கு கூட நிறைய வேலை இருந்தது।

ஒவ்வொரு முறை சுற்றும் போதும் தப்பித்து விட்டார்கள் என்று மனம் சந்தோஷப் படும்। அடுத்த வினாடியே இப்போது ஏதும் கொண்டுவந்திருப்பார்களோ நாம் சரியாய் பார்க்கவில்லையோ என்று துக்க பட வைக்கும்। உடனே மீண்டும் ஒரு சுற்று। நரக வேதணை என்பது அதுதான்। இப்போது கூட அன்று கண்ட காட்சிகள் குலைநடுங்க வைக்கின்றன। அடுத்த மூன்று நாட்களும் எல்லா வார்டுகளையும் சுத்தோசுத்து என்று சுத்தி ஒருவழியாக நிலமை கட்டுக்குல் வந்தது।

,

இவர்கள் என்ன ஆனார்கள்।? அங்கேதான் விதி।। காதலர் தினத்தை கொண்டாட முதலில் தேர்ந்தெடுத்த இடம்। ஈச்சனாரி பிள்ளையார் கோவில்। அவ்விடம் ஊரின் நுழைவாயிலில் இருக்கிறது। அங்கேயே செய்தி கிடைத்த உடன் அப்படியே அவனது பைக்கில் பொள்ளாச்சிக்கு (சொந்த ஊர்) போய் மணிஷாவையும் ஊருக்கு அனுப்பிவிட்டான்। மறுநாள் அவன் மாணவர் விடுதிக்கு போன் போட்டிருக்கிறான்। நாங்கள் பயிற்சி மருத்துவர்களுடன் இருந்திருக்கிறோம்।எங்களுக்கு மூன்று நாள் கழித்து தெரிந்தது.

எப்படியோ என்னோட ரூம்மேட்

யூனிட்ஸ்க்கு ஒன்னும் ஆகல

என்று மகிழ்ச்சியுடன் சுற்றிக் கொண்டிருந்தான்.


இது ஒரு மீள்பதிவு. ஏற்கனவே நவம்பரில் பதிவிட்டதுதான்.

மறக்காமல் தமிழ்மண மேல்நோக்கிய கட்டைவிரலிலும், தமிழீஷ் வோட்டிலும் க்ளிக் செய்து விடுங்கள்.

விஜய் - தமிழ்ப்படம் - கேட்காமலே சில சிந்தனைகள்

எனது இந்த இடுகையைப் படிக்கும்முன் முரளிக் கண்ணன் அவர்களின்

விஜய் நம்பர்- 1 ஆக முடியுமா? படித்துவிட்டு பிறகு வாருங்கள்.

விஜய் அவர்களின் லட்சியம் செயல்பாடு ஆகியவற்றை நாம் கொஞ்சம் ஆழமாகப் பார்த்தால் ஒரு உண்மையைத் தெளிவாக அறிய முடியும்.

அதற்கு முன் எம்ஜியாரின் கால கட்டங்களையும் ரஜினியின் கால கட்டங்களையும் கொஞ்சம் ஆராய்ந்தால் முரளிக்கண்ணன் சார் அவர்களின் ஒப்பீடு போல வேறுசில விஷயங்களையும் அறியலாம்.

எம்ஜியாரின் கால கட்டத்திலேயே எஸ். எஸ். ராஜேந்திரன் (தமிழ்நடிகர்களில் முதன்முதலாக ச.ம.உ. ஆக தேர்ந்தெடுக்கப்பட்டவர்.). ஜெமினி, ஆகியோர் இருந்திருக்கிறார்கள். பின்னர் முத்துராமன், ஜெயசங்கர் ரவிச்சந்திரன் ஆகியோர் இருந்திருக்கிறார்கள். சிவக்குமார் ஆகியோர் இருந்திருக்கிறார்கள்.

பாலச்சந்தரின் படங்களில் கூட ஆரம்ப கட்டங்களில் ஜெமினி , முத்துராமன் ஆகியோரின் இளமை போதாத கதாப்பாத்திரங்களுக்குதான் ரஜினி கமல் போடப் பட்டதாக பேசப் படுவதும் உண்டு.

எம்.ஜி.யாரையும் ரஜினியையும் ஒப்பீடு செய்தோமென்றால் எம்.ஜி.யாரின் காலத்தில் நடித்த நடித்த நடிகர்களையும் ரஜினி காலத்தில் நடித்த நடிகர்களையும் ஒப்பு நோக்குதலே சரியாக அமையும். ஜெய்சங்கரையோ, ரவிச்சந்திரனையோ, ஏ.வி.எம் ராஜனையோ அடுத்த நம்பர் 1 என்று அந்த காலகட்டத்தில் பேசியிருப்பார்களா? என்பது தெரியவில்லை. சிவக்குமாருக்கு கூட அப்படி ஒரு வாய்ப்பு கிடைத்திருக்குமா தெரியவில்லை. (ஒருவேளை ராமன் பரசுராமன் ஓடியிருந்தால் பேசப் பட்டிருப்பாரோ என்னமோ).

விஜயகுமார், எம்.ஜி.ஆர் ரசிகராகவே கூட நடித்துப் பார்த்தால் ஒருகதாப் பாத்திரமாகக் கூட அவரை ஒருமையில் அழைக்கத்தயங்கியவர் அவர். ( இன்று போல் என்றும் வாழ்க படத்தில் எம்.ஜி.யாரோடு சண்டை போடும்போது பேசும் வசனம்தான்0

அதே போல இன்று நடிக்கும் நடிகர்களையும் எடுத்துக் கொண்டால் அந்த காலக் கட்டத்தில் இருப்பது போன்ற சூழலோடு பொருத்திப் பார்க்கமுடிகிறது. எல்லா நடிகர்களும் அடிதடி, சராசரி இளைஞர்களை கவரும்படியான கதைகளையும் படமாக்கி வருகிறார்கள். இது பழைய காலகட்டத்தில் நடித்த இரண்டாம் வரிசை நடிகர்களின்பாணிதான். எத்தனை நடிகர்கள் ரஜினி பாணியில் நடித்தாலும் ரஜினி ரசிகனாக வேஷம் போட்டாலும் அது ரஜினியின் இடத்தைப் பலப் படுத்துமேதவிர இவர்களுக்கு உதவாது.

விஜய்க்கு கூட தனது இடம் பற்றி மிகத்தெளிவான கருத்து இருப்பதாகவே தோன்றுகிறது. அதனால்தான் வில்லு படத்தைப் பற்றிய பேச்சுகளில்கூட அது ஒரு ஜேம்ஸ்பாண்டு படம் மாதிரி ஒரு தோற்றத்தைக் கொண்டு வந்திருக்கிறார்.


பழைய தமிழ்நடிகர்களில் ஜேம்ஸ்பாண்ட் என்றால் அது ஒருவர்தான். எத்தனை ரகசிய உளவாளி படங்களில் நடித்திருந்தாலும் எம்.ஜி.ஆரை யாரும் ஜேம்ஸ் பாண்ட் என்று சொல்ல மாட்டார்கள். அந்த ஜேம்ஸ் பாண்ட் அவர் ஜெயசங்கர் ஒருவர்தான். எனவே விஜய் அடுத்த ஜெயசங்கராகவே கருதப் படுவார், கருதப் படுகிறார்.

எம்.ஜி.யார்ர்க்கு அடுத்த தலைமுறை நடிகர்களில் முதலிடம் பிடித்தவர். அதே காலகட்டத்தில் எம்.ஜி.யார் முண்ணணியில் இருந்தார்.அவர் ஜெய சங்கர்.

அதேபோல ரஜினிக்கு அடுத்த தலைமுறை நடிகர். அவரது தலைமுறையில் அவரே முதலிடம்.   அவர் விஜய்.

எம்.ஜி.ஆர், ரஜினி வரிசைக்கு இன்னும் பத்து(20) ஆண்டுகள் கழித்து புதிதாக நடிக்க வருபரால் முயற்சி செய்ய முடியும். அதற்கும் திரைப் படக் கலையின் வடிவம்கூட மாறிப் போய்விடும் வாய்ப்பு கூட இருக்கிறது.
===========================================================

இது ஒரு மீள்பதிவு



===========================================================

இன்றைய அவரது பாணி எம்.ஜி.ஆர் பாணி படத்தலைப்புகளிலும், ரஜினி பாணியில் ரசிகர் மன்றங்கள் நடத்துவதிலும் செல்கிறது. இந்த இடுகை வெளிவந்த காலத்திற்குப் பிறகு படத்திற்கு பெயர்வைக்கும் போக்கும் ரசிகர் மன்றங்களை நடத்திச் செல்லும் போக்கும் பெருமளவு மாறியிருக்கிறது என்றாலும் அன்றைய சூழலை மீண்டும் ஒரு முறை நினைவு கூர்ந்து ரசிக்கவே இந்த மீள் பதிவு.

இந்த இடுகையைப் படித்துத்தான் விஜய் தனது பாணியை மாற்றிக் கொண்டார் என்றெல்லாம் நான் கூறமாட்டேன் என்பதையும் இந்த இனிய த்ருணத்திலே வலையுலகத்தின் முன் வைப்பதில் பெருமிதம் கொள்கிறேன் என்பதனையும் டிஸ்கியாக போட்டுக் கொள்ள இருக்கிறேன் என்பதையும் கூறிக் கொள்ள ஆசைப் படுகிறேன்



மீண்டும் மீள்பதிவு

தருமியைப் பார்த்தால் உங்களுக்கு சிரிப்பு வருகிறதா...

திருவிளையாடல் படம் பார்த்திருக்கிறீர்களா.... (பார்க்காவிட்டால் இன்று பார்த்துவிடுங்கள்). அதில் இன்றும் மனம் கவர்ந்த பாத்திரம் எது என்று நினைத்துப் பாருங்கள். சந்தேகமே இல்லாமல் தருமியாகத்தான் இருக்கும். மற்ற பாத்திரங்கள் அந்த கதையில் ஈடுபாடு உள்ளவர்களையும் கதாநாயக நாயகிகளின் ரசிகர்களுக்கும் மட்டுமே பரிச்சமாயிருக்கும். ஆனால் தருமி எல்லோரையும் சென்றடைந்திருக்கும். அந்த பாத்திரத்தை நாகேஷ் அவர்களைத்தவிர வேறு யாரும் செய்திருந்தால் அப்படி ஒரு வெற்றி அடைந்திருக்குமா என்றால்......

அந்தப் பாத்திரத்தை மட்டும் பாருங்கள். ஒரு ஒப்புக்கு வரும் பத்தோடு பதினொன்றான பாத்திரம். பாட்டை வாங்குகிறார். சபையில் பாடி திரும்பிவருகிறார். வந்து நாயகனிடம் தருகிறார். அப்புறம் கதை அதன்போக்கில் செல்கிறது. இதில் ஒரு நகைச்சுவையாளனால் என்ன செய்து விட முடியும்? ஆனால் சாதித்திருக்கிறாரே....

அந்த பாத்திரத்தில் அவர் வெளிப்படுத்திய சுவைதான் எத்தனை? அந்த பாத்திரத்தைப் பார்த்து நீங்கள் சிரித்திருந்தால் உங்களுக்கு இரும்பு மனம் என்றுதான் சொல்லவேண்டும்.

முதல் காட்சியில் பரிசுத்தொகையைக் கேட்டு ஏற்படும் பிரமிப்பு... அந்த பிரமிப்பே அடுத்த காட்சியில் அவலமாக மாறும் நிலை. ஒரு ஏழையின் புலம்பலாக மாறும். ஒட்டுமொத்த ஏழ்மையின் குரலாக மாறி ஒலிக்க வைத்திருப்பார். அடுத்த காட்சியில் மெத்த படித்த மேதாவியுடன் போட்டியிடும் சாதாரணனாக அனைவரின் பரிதாபத்தையும் பெறுவார்.

சரியோ.. தவறோ.. அந்தப் பாத்திரம் பரிசினைப் பெற வேண்டும் என்ற பரிதவிப்பினை அனைவர் மனதிலும் ஏற்படுத்தி இருப்பார்.

நான் பார்க்கறதுக்கு சாதாரணமாத்தான் இருப்பேன். ஆனால் என் புலமையைப் பத்தி உனக்குத்தெரியாது..

எனக்கு கேட்க மட்டும்தான் தெரியும்

...

கொஞ்சம் வசனநடையில் எழுதறேன். இருந்தாலும் புலவன்னு ஒத்துக்கறாங்க.....

எவ்வளவு பிழை இருக்கிறதோ அவ்வளவு குறைத்துக் கொள்ளுங்கள்

..

அங்க ஒருத்தன் இருக்கான். அவன் தான் உன்பாட்டை குற்றம் சொன்னான்.

பேசறதெல்லாம் பேசு. எழுதுபோது மட்டும் கோட்டை விட்டுறு.


இந்த வசனங்களையெல்லாம் வேறொருவர் எழுதி இருந்தாலும் அதை பேசும் தொனியில் ஆயிரம் அர்த்தங்களை தந்தவர். நாகேஷ்.

வசனங்களை விடுங்கள்.

கோவிலில் நுழைந்த உடன் பாடல் எழுதுவதறாக அவர் துடிக்கும் துடிப்பு.

தமிழ்சங்கத்தில் நுழைந்த உடன் மன்னன் யாரென தெரியாமல் அனைவருக்கும் வணக்கம் சொல்லும் பாங்கு.

மொழியில்லாமல் அனைவரின் மனதிலும் இடம்பிடிக்க முடியும் என்பதை நிரூபித்த பிறவிக் கலைஞனின் ஆத்மா சாந்தியடைய இறைவனை பிராத்திப்போம்.

எந்திரன் உங்களுக்காக ஒரு பழைய கதை

ஊழல் நாளொரு மேனியும் பொழுதொரு வண்ணமுமாய் தனது முகங்களைக் காட்டி வளர்ந்துகொண்டே இருக்கிறது. கல்தோன்றி மண்தோன்றிய காலத்திலிருந்தே பல்வேறு விதமான மோசடிகள் நடந்துகொண்டேதான் இருக்கின்றன. அதனடிப்படையில் பல்வேறுவிதமான இலக்கியங்களும் இதிகாசங்களும் உருவாகிக்கொண்டேதான் இருக்கின்றன.

நவீன கால படைப்பாளிகளில் ஷங்கர் மிகவும் முக்கியமானவர். நாட்டில் நடக்கும் பல்வேறு ஊழல்களை வெளிப்படுத்தி மக்களை விழிப்புணர்வு கொண்டுவருவதில் ஷங்கரின் படங்களுக்கு தனி இடம் உண்டு. அதைப் போன்ற ஒரு கதைதான்

கம்ப்யூட்டர் ஊழலுக்குள் எந்திரன்.

முன்குறிப்பு: இந்தக்கதையில் வரும் கதாபாத்திரங்கள் அனைத்தும் கற்பனையே. இதில் வரும் பாத்திரங்களும் சம்பவங்களும் யாரையும் குறிப்பிடுவன அல்ல.


சிறுவன் ரஜினி கூட்டல் கணக்குப் போடுவதற்கு பாசிமணிகளை உபயோகப் படுத்துவதிலிருந்து படம் துவங்குகிறது. அடுத்த காட்சியில் எல்லோரும் வாய்ப்பாடு உபயோகப் படுத்தும் போது சிறுவன் ரஜினி கால்குலேட்டர் உபயோகப் படுத்துகிறார்.

கல்லூரிக்குச் செல்லும்போது பைக் ஓட்டுவதற்கு நவீன சாதனம் ஒன்றை உபயோகப் படுத்துகிறார். தனியாக ஒரு கம்ப்யூட்டர் கம்பெனி துவக்குகிறார். அப்போது கார் ஓட்ட தனி சாதனம் ஒன்றை உபயோகப் படுத்துகிறார். அதில் பல்வேறு நவீன வசதிகளை வைத்திருக்கிறார். ஒரு சூப்பர் கம்ப்யூட்டராக அதை உருவாக்கி உபயோகப் படுத்துகிறார். ஆட்டோ அப்டேட் வசதியை உருவாக்கி வைக்கிறார்.

அவரது கம்ப்யூட்டர் கம்பெனி உலக அளவில் மிகப் பெரிய இடத்தைப் பிடிக்கிறது. உலகத்தில் உள்ள பல்வேறு நாடுகளில் பல்வேறு ஊர்களை தேர்ந்தெடுத்து தன் சொந்த செலவில் கழிப்பிட வசதிகள் செய்து கொடுக்கிறார். உலக மக்கள் அனைவரும் ரஜினிகாருவை புகழ்ந்து விழா எடுக்கிறார்கள்.

"சத்தியமே லட்சியமாய் கொள்ளடா"

பழைய பாட்டை ரீமிக்ஸ் போட்டு ஆடுகிறார்கள்.

பாட்டு முடிந்ததும் ரஜினிகாரு கைதுசெய்யப் படுகிறார். அவர்மீது சரமாறியாக ஊழல் குற்றச்சாட்டுகள் சுமத்தப் படுகின்றன. கழிப்பிடம் கட்ட குழிதோண்டியதில் கிடைத்த மண்ணை நாடுவிட்டு நாடுதாண்டி கொட்டியதாக கணக்குக் காட்டி பலகோடி ரூபாய்கள் வருமான வரி ஏய்ப்பு செய்த்தாக குற்றம் சாட்டப் படுகிறது. அவர் கைது செய்யப் பட்டதால் அவரது கம்பெனியின் ஷேர் மதிப்புகள் குறைந்து கொண்டே வருகின்றன. அதனால் அப்பாவி கிராமத்து மாணவர்கள் பொங்கி எழுகிறார்கள்.

ரஜினியின் வீட்டை சூறையாடுகிறார்கள். அவரது தானியங்கி சூப்பர் கம்ப்யூட்டர் சாதனம் தூக்கி குப்பை வண்டிக்குள் போடப் படுகிறது. குப்பை வண்டியில் போகும் சாதனம் ஆட்டோ அப்டேட் ஆகிறது. மனித உருவத்தைப் பெருகிறது. குப்பை வண்டிக்குள் இருந்து ரஜினியைப் போலவே உருவ அமைப்பைக் கொண்ட எந்திரன் வெளியே வருகிறார். ( ஜீன்ஸ் படத்தைவிட அற்புதமாக வரவேண்டும் என்பதால் கிராபிக்ஸ் காட்சிகள் அனிமேசன் காட்சிகள் அமெரிக்காவில் உள்ள நானோஹார்டு கம்பெனியில் செய்து வருகிறார்கள். இவர்கள் பில்கேட்ஸுடன் படித்தவர்கள் என்பது குறிப்பிடத்தக்கது.)

எந்திரன் ரஜினி வெளியே வந்தவுடன் துப்பறியும் பணியில் ஈடுபடுகிறார். பிபாசா பாசுவின் நடனம் பார்ப்பதற்காக ஒரு ஹோட்டலுக்குச் செல்கிறார். அங்கே அவருக்கு ஒரு உண்மை தெரிகிறது.

அமெரிக்க ஜனாதிபதியின் தூண்டுதல் காரணமாக இந்த நிகழ்ச்சிகள் நடைபெறுகின்றன என்ற உண்மையை அவர் கண்டறிந்த உடனேயே பிபாசா கடத்தப் படுகிறார். பிபாசாவைப் பின் தொடர்ந்து எந்திரன் செல்கிறார். பிபாசாவை அமெரிக்காவுக்குக் கொண்டு சென்று அமெரிக்க ஜனாதிபதிமுன் நிறுத்துகிறார்கள். ( அமெரிக்க ஜனாதிபதி பாத்திரம் தமிழ்திரையில் வருவது இந்த ஆண்டில் இதுவே முதல் முறை என்பது குறிப்பிடத்தக்கது).

அங்கே பிபாசா மீண்டும் நடணம் ஆடுகிறார். அந்த நடனத்தைக் காண அவரின் பால்ய நண்பர்களும் வருகிறார்கள். அவர்களைப் பார்த்த எந்திரன் அதிர்ச்சியடைகிறார். அவர்களில் ஒருவர் வினுசர்க்கரவர்த்தி. கதையில் அடுத்த திருப்பம் வருகிறது.

..........................................................................................................

பதினைந்து ஆண்டுகளுக்கு முன் ரஜினி கல்லூரியில் படித்துவருகிறார். உலக அளவில் நடக்கும் அறிவியல் வினாடிவினால் வெற்றி பெற்றுவிட்டு விமானத்தில் வருகிறார். அப்போது ஒருபெண் அவரைப் பார்த்த உடன் காதல் கொண்டு பாட்டு பாடுகிறார். ரஜினியிடம் தன்னை அறிமுகப் படுத்திக் கொள்கிறார்.

நான் தான் மிஸ். வேர்ல்டு.

என்பதைக் கேட்ட ரஜினி தனக்கே உரிய சிரிப்பை உதிர்த்துவிட்டு திரும்பி விடுகிறார். ரஜினி படிக்கும் கல்லூரிக்கு வேலைக்கு சேர்ந்து விடுகிறார் ஐஸ்வர்யா . ரஜினியை துரத்தி துரத்தி காதலிக்கிறார்.

பணம் அதிகமாய் இருந்தால் ராத்திரி தூக்கம் வராது
பொண்டாட்டி
அழகாயிருந்தால்

எப்போமே தூக்கம் வராது

என்று சொல்லிவிட்டு தன் மாமன் மகளை திருமணம் செய்து கொள்கிறார். கம்ப்யூட்டர் நிறுவனத்தைத் துவக்கி உலக அளவில் பெரிய தொழிலதிபர் ஆகிறார். அவர் உலகின் எந்த மூலையில் இருந்தாலும் அவர் மனைவி சமைத்துக் கொடுத்த உணவையே சாப்பிடுகிறார்.

ரஜினி திருமணம் செய்து கொள்ளமுடியாத ஐஸ்வர்யா கிராமத்தில் போய் தவம் செய்யத்தொடங்குகிறார்.

..................................................................................................

ஐஸ்வர்யாவின் தந்தைதான் வினுசர்க்கரவர்த்தி. தன் மகள் சாமியார் ஆக காரணமாய் இருந்த ரஜினியைப் பழிவாங்க தனது பால்ய நண்பன் அமெரிக்க ஜனாதிபதியை அனுகிறார். அவரது செல்வாக்கினைப் பயன்படுத்தி ரஜினியின் கம்ப்யூட்டர் கம்பெனியில் பல ஊழல் குற்றச் சாட்டுகளை சுமத்தி சிறையில் அடைக்கிறார்கள்'

அமெரிக்க ஜனாதிபதியை தனியே சந்தித்த எந்திரன் நடந்த உண்மைகளைச் சொல்ல ஜனாதிபதி திருந்திவிடுகிறார். ரஜினியைக் கொல்ல வினுச் சர்க்கரவர்த்தி ஆட்களை அனுப்புகிறார். அவரைக் காப்பாற்ற எந்திரன் பறந்து வருகிறார். வான் வழியிலேயே அவரைத்தடுக்க முயற்சிகள் நடக்கின்றன். பலத்த சண்டைக்குப் பின்னர் முதலாளி ரஜினியும் எந்திரன் ரஜினியும் ஐஸ்வர்யாவின் கிராமத்திற்கு செல்கின்றனர். சண்டை நடக்கிறது. ஐஸ்வர்யா தவம் கலைந்து எழுந்து விடுகிறார். ரஜினியைப் பார்த்து

இன்னும்

கல்லூரி மாணவன் மாதிரித்தான் இருக்கறீங்க

என்று சொல்கிறார். அதற்கு ரஜினி

நீ 94ல தான் மிஸ். வேர்ல்டு

நான் எப்பவுமே மிஸ்டர். வேர்ல்டு

என்று கூறுகிறார். மனம் திருந்திய ஐஸ்வர்யா ரஜினி ரசிகர் மன்றத்தில் சேர்ந்து சேவை செய்ய ஆரம்பிக்கிறார்.

சத்தியமே லட்சியமாய் கொள்ளலடா

பாட்டுடன் கதை நிறைவடைகிறது.

விரக தாபத்தில்.... ஓர் உலக சினிமா

இப்பொழுதெல்லாம் நமது திரைப்படங்கள் உலக மக்கள் அனைவரின் பார்வைக்கும் செல்கின்றன. குறைந்தபட்சம் உலகத்தமிழ் மக்களின் சந்தைக்கு வருகிறது. சில நேரங்கள் மக்களின் ரசனை என்பதும் வியாபாரம் என்பதும் வேறு வேறு பாதையில் சென்று விடுகிறது. உலக சினிமா கலைஞர்கள் பல்வேறு விருதுகள் பற்றி சொல்லிக் கொண்டிருக்கிறார். ஏதோ நமக்குத் தெரிந்த சில நுடபங்களை சொல்லிக் கொடுத்து நம் மக்களை விருதுகள் வாங்கி குவிக்க வைக்க வேண்டும் என்பதற்காகவே இந்த இடுகை துவங்கப் படுகிறது. உங்கள் அனைவரின் ஒட்டு மொத்த ஆலோசனைகளைப் பெற்று தமிழ் படத்துக்கு ஆஸ்கர் உள்ளிட்ட விருதுகளை வாங்கி குவிக்க வேண்டும் என்பதே நமது லட்சியம்.


ஒரு திரைப்படத்தின் வெற்றி என்பதே அதன் கதையின் காலடியில்தான் இருக்கிறதாம். அதனால் நல்ல கதை வேண்டும். தமிழ் படம் எடுப்பதால் தமிழ்நாட்டில் உள்ள ஒரு பிற்போக்கான கிராமத்தை எடுத்துக் கொள்ளவேண்டும். அங்கே இருக்கும் மூட நம்பிக்கைகள், மது மாது இன்னபிற பழக்கங்களை கதையின் அடிநாதமாக கொண்டிருக்க வேண்டும். அதன் தீமைகளைப் பற்றியும் திருத்துவதைப் பற்றியும் படம் எடுத்து விடக் கூடாது. அப்படி எடுத்து விட்டால் இயல்புக்கு மீறிய (லாஜிக் இல்லாத) படமாகக் கருதி நிராகரிக்க படும்.


விதவைகளைப் பற்றி ப்டம் எடுத்தால் அவர்கள் விரகதாபத்தால் வேதனைப் படுவதையும் குடும்பத்தார் அவர்களை கொடுமைப் படுத்துவதையும் எடுக்கவேண்டும். குடும்பத்தார் ஆதரவுடன் கடுமையாக உழைத்து குடுப்பத்தை முன்னேற்றுவதாக எடுத்தால் அது வெறும் வியாபார ரீதியான படமாகவே கருதப் படும். தவிரவும் மேலை நாட்டினர் நம்மை இவ்வளவு நல்லவர்களாகவே ஒத்துக் கொள்ளமாட்டார்கள். மது, மாது குடிப்பதை எதிர்க்கும் மனிதர்கள் ஆசிய ஐரோப்பிய நாடுகளிலேயே கிடையாது என்ற கருத்துடந்தான் இந்தப் படங்களைப் பார்ப்பார்கள்.
கற்பினைக் காப்பாற்றுவதற்காக பல நாள் பட்டினி என்று படம் எடுத்தால் கொஞ்சமும் நம்பும் படி இல்லை என்று நிராகரித்து விடுவார்கள்.

முதியவர்களை ஒதுக்கித்தள்ளுவது போலவும் அவர்களை கொடுமைப் படுத்துவது போலவும் படம் எடுக்கவேண்டும் அவர்களுக்கு ஆதரவு தரவும் ஆள் இருக்கிறது என்பது படம் எடுப்பது தவிர்க்கப் படவேண்டும்.


பல ஆண்டுகளாக ஒரே ஆளை ஒருதலையாய் காதலிப்பது அதை உள்ளே வைத்துக் கொண்டு உருகுவது எல்லாம் பூ.... போன நூற்றாண்டிலேயே முரளி செய்துவிட்டார் என ஒதுக்கிவிடும் வாய்ப்பு இருக்கிறது.


கதாநாயகியை கொலை செய்வது என்று முடிவு செய்தால் ஒரு கத்திக்குத்து, தோட்டா உபயோகப் படுத்துவது உலகத்தரம் வாய்ந்த தமிழ் அல்லது இந்திய சினிமாவுக்கு அழகல்ல. கற்பழித்துதான் கொலை செய்யப் படவேண்டும். பலரும் சேர்ந்து கற்பழித்தால் அறிவுஜீவிகளால் பாராட்டப் படும் வாய்ப்பு இருக்கிறது.


குழந்தைகள் பிச்சை எடுப்பது அவர்களை அடித்து கையைகாலை உடைத்து பிச்சை எடுக்க வைப்பது போன்ற நெஞ்சைக் கண்க்கவைக்கும் காட்சிகள் இருந்தால் கூடுதல் மரியாதை கிடைக்கும்.

குடும்பத்தை காப்பாற்ற நினைக்கும் ஆண்மகன் பாத்திரமே படத்தில் இல்லாமல் இருப்பது கூடுதல் மதிப்பெண் தரும்.

ரத்தம் சிந்திக்கொண்டே இருப்பது , நிர்வாணமாகத்தோண்றுவது போன்ற காட்சிகள் இடம்பெற்றே தீர வேண்டும்.

நிற்பது, நடப்பது, உட்கார்வது, கதவைத்திறப்பது போன்ற காட்சிகள் மிக இயல்பாக எடுக்கப் படவேண்டும். கதவைதிறக்காமல் வீட்டுள் நுழையும் லாஜிக் இல்லாத படங்கள் நிராகரிக்கப் படும்.

நாயகனோ, நாயகியோ மோசமான குணமுடையவர்களாகக் காட்டுதல் நலம். கடைசியில் கொடுமையான முறையில் பிரிவது இன்னும் நலம்.

இதெல்லாம் உலகத்தரம் வாய்ந்த படங்களுக்கான யோசனைகள். உங்களுக்கு தோன்றுவதை நீங்களும் சொல்லுங்கள்.

நான் பார்த்த படிக்காதவன்

படிக்காதவன் இளம்பருவத்தில் வரும் ரசிகர்களை ஏமாற்றாத படம். முதல் காட்சியிலேயே இரத்தச் சிவப்பினை குளோசப் காட்ட்சியில் காட்டி பயமுறுத்துகின்றனர். அடுத்த காட்சியிலேயே அதனை தக்காலியாக மாற்றி விடுகிறார்கள். டைட்டில் சாங் அற்புதமாக அமைந்திருக்கிறது.

பின்னே சிவாஜிகணேசன் m.p.பாடும் பாட்டென்றால் சும்மாவா.... ஒரு கூட்டுக் குயிலாக... மலேசியா வாசுதேவன் குரலில் பட்டையைக் கிளப்பி இருப்பார். குழந்தைகளாக சூப்பர் தம்பிகள். பாட்டு முடிந்ததும் தேர்வெழுத அவ்ளோ பெரிய சிவாஜி தன்னோட சின்னத்தம்பிகளை அண்ணியிடம் விட்டு விட்டு செல்கிறார்.
அண்ணியின் சொற்கள் தாங்காமல் தம்பிகள் வீட்டைவிட்டு கிளம்பிவிடுகிறார்கள்.

இந்தப் படத்தை முன்னமே பார்த்த காரணத்தாலேயே வெள்ளைச்சாமி அண்ணன் தன் தம்பிகளை அண்ணியிடமிருந்து காப்பாற்றிவிடுகிறார் என்பது குறிப்பிடத்தக்கது. (வானத்தைப் போல).

மூட்டை தூக்கியாவது தம்பிக்கு ரொட்டி வாங்கி கொடுக்கும் உன்னதமான பாத்திரம் சூப்பர் ஸ்டாருக்கு. பின்னி பெடல் எடுப்பார்.

தப்பி வந்த தம்பிகளுக்கு அடைக்கலம் கொடுக்கும் தந்தையாக நாகேஷ். அவரது மகனும், மக்ளும் சூப்பர் அவர்களை அண்ணா என்றே அழைக்கிறார்கள்.

சூப்பர் ஒரு கார் வைத்திருப்பார். அதில் யாராவது போதைப் பொருளுடன் ஏறினால் ஸ்டார்ட் ஆகாது. சிவப்பு விளக்கு எறியும். வயிற்றீல் இருந்தால் கூட எறியும். லக்ஷ்மி ஸ்டார்ட்.. சூப்பர் சொல்லும் வசனம்.. நாங்கள் சைக்கிள் எடுக்கும் போது சொல்வது வழக்கமாய் மாறியது.

காரோட்டியாக மாறி தம்பியை காலேஜில் படிக்கவைக்கிறார். தம்பியின் கல்லூரியை விட்டு வரும்போது சட்டை, பேண்ட், கோட் என எல்லா பாக்கெட்டுகளில் இருந்து பணம் கொடுப்பார். கண்கலங்குவார். தனது புவனா ஒரு கேள்விக்குறி, ஆறிலிருந்து அறுபதுவரை போன்ற படங்களுக்குப் பின் நடிப்பதற்கு ஒரு வாய்ப்பாக அமைந்தது எனலாம்.

தம்பியின் காதலியாக மனைவியாக நீலாம்பரி வருவார். தம்பியை பணக்கார வீட்டு மாப்பிள்ளையாக கேட்கும்போது சுயமரியாதைபேசிவிட்டு தம்ம்பியின் எண்ணம் தெரிந்தபின் திரும்பவும் போய் சம்பந்தம் பேசுவது, தம்பி பாஸ் என்று தெரிந்த பின் குதியாட்டம் போடுவது.. பின்னர் போலி எண்ணை கொடுத்தி ஏமாற்றிவிட்டார் என தெரிந்தபின் தம்பியிடம் போய் நியாயம் பேசுவது,, பின்னர் தம்பியிடம் மூக்குடை பட்டு திரும்பி வருவது என சூப்பர் அசத்துவார்.

தம்பியிடம் அவமானப்பட்டுத்திரும்பி தண்ணியடிக்கச் செலவது, அங்கே அம்பிகாவின் தோளில் கையைப் போட்டுக் கொண்டு பாடும் பாட்டு இன்னும்கூட கல்லூரிகளில் மாணவர்கலால் பாடப் படுகிறதாம் (காரணம் வேறு).

பின்னர் அதே தம்பி சின்ன மாமனாரால் ஏமாற்றப் பட்டு திரும்ப அவர் வீட்டுக்கு திருமபச் செல்ல அங்கே கொலைக் குற்றம் சாட்டப் பட நீதி மன்றத்தில் நிறுத்தப் படுகிறார். அங்கே நீதிபதியாக பெரியண்ணன்.

பெரிய அண்ணனை முதலிலேயே சூப்பர் பார்த்து விடுகிறார். அவர் முன்னிலையில்தான் தம்பிக்கு திருமணமே செய்து வைக்கிறார்.

குற்றவாளியின் பேர் ஊர் கேட்டவுடன் பெரிய அண்ணன் தெரிந்து கொண்டவுடன் கண் கலங்கி மீண்டும் வக்கீலாக மாறுகிறார். கோர்ட் காட்சிகளுக்கு இங்கே கிளிக் செய்யவும். ஃபோட்டோவில் இருக்கும் நின்று போன வாட்சைவைத்து உண்மை கொலை குற்றவாளிகளை கண்டறிகிறார்.


கடைசியில் சூப்பர் சண்டை போடாவிட்டால் படம் ஓடுமா.. என்ற சந்தேகம் போல .. ஒரு துரத்தல் சண்டை போட்டு வில்லன் ஜேம்ஸ் பாண்டை பிடித்துக் கொடுக்க அண்ணியும் திருந்த சுபம்.


யப்பா... எவ்ளோ பெரிய கதை. இதுல அம்பிகா.. நாகேஷ். அவர்தம் பிள்ளைகள், வில்லன் செயல்பாடுகள் பத்தி வேற எதுவும் எழுதுல..............

எத்தனை படம் எடுத்திருக்கலாம். ஒரே படத்தில் வைத்துவிட்டார்கள்.

அவசரத்தில் முளைத்த புல்லு

இது கொஞ்சம் அவசரமா எழுதும் பதிவு. நமது வலைஞர்களின் பதிவுகளை படித்துக் கொண்டிருந்தபோது உடனடியாக எழுதத்தோன்றியது.

இது நான் எப்போதோ பார்த்த படம் ..


தந்தை ராணுவத்தில் மேஜராகப் பணியாற்றுவார். அவரது கூட்டாளிகள் கெட்டவர்கள்.. அவர்கள் எதிரி நாட்டுக்கு ரகசியங்களை விற்கும்போது மேஜர் தமிழ்மணி பார்த்து விடுவார். அப்போது அவரை கொண்றுவிட்டு அவரை தேசத்துரோகி ஆக்கிவிடுவார்கள். தேசத்துரோகக்குற்றம் சாட்டப் பட்டதால் அவரது வீட்டை சூறையாடி விடுகிறார்கள். மகன் வளர்ந்து பெரியவர் ஆக வளர்கிறார்.

அவருக்கு பழைய கதை தெரிகிறது. தந்தை கூட்டாளி எதிரிகளை தேடுகிறார். ஒருவர் முக்கிய அரசியல் கட்சி தலைவராகவும் ஒருவர் பெரிய தொழிலதிபராகவும் இருக்கிறார். என்னவொரு ஒற்றுமை என்றால் அதில் ஒருவர் ராஜூகாரு மாதிரியே இருப்பார். அவரை பின்னி பெடலெடுப்பார் ஆனந்த்.
இது தாய்நாடு திரைப் படத்தின் கதைசுருக்கம். சத்தியராஜ் இரட்டை வேடத்திலும் ராதிகா, ஸ்ரீவித்யா, நம்பியார், இளவரசன் ஆகியோர் நடித்திருப்பார்கள்.


இதேபோல் ஒரு படம் வந்திருக்கிறதாம். அதை இந்திப் படத்தின் ரீமேக் என்று சொல்கிறார்களாம். நம்பாதீர்கள். அது முழுக்க நமது தமிழனுக்கே சேர வேண்டிய பெருமை.

பொங்கல் கொண்டாடும் வீரம்மிக்க தமிழ் இளைஞர்களே..

தமிழர் திருநாள் கொண்டாட்டங்கள் துவங்கிவிட்டன். தமிழ்நாட்டு இளைஞர்கள் தங்களுக்கும் உணவு வழங்கிக் கொண்டிருக்கிற பஞ்ச பூதங்களுக்கும் நன்றி சொல்லத் தொடங்கிவிட்டனர். தமிழனின் வீர விளையாட்டு ஜல்லிக்கட்டு, மஞ்சுவிரட்டுகளும் நடத்தப் படப் போகின்றன்.

தமிழன் மறந்துபோன தமிழனின் வீர விளையாட்டு ஒன்று இருக்கிறது. அதுதான் இளவட்டக் கல் தூக்குவது. நினைவு படுத்துவதற்கு சில உதாரணங்கள்.
1. முதல்மரியாதை படத்தில் சிவாஜி தூக்குவார். நினைவுபடுத்திப் பாருங்கள். அதற்கு சிறப்பு தீம் மியூசிக் கூட சேர்த்திருப்பார்கள்.
2.விரும்புகிறேன் படத்தில் பிரசாந்த் தூக்குவார்.

இதையும் மீறி ஞாபகம் வராதவற்களுக்கு சிறிய விளக்கம்.. ஊரின் ஒரு முக்கிய இடத்தில் ஒரு பெரிய கல் இருக்கும். அந்தக் கல்லை தூக்கும் சக்திபடைத்தவனுக்கு மட்டுமே திருமணம் செய்யும் தகுதி இருப்பதாக நினைத்தார்கள். எடைக் கொஞ்சம் அதிகமாகவே இருக்கும்.

இன்று கூட கிராமம்தோறும் அந்தக் கல்லை நிறுவலாம். அதில் சிலநிலைகளைக் கூட கொண்டுவரலாம். கொஞ்சம் கொஞ்சமாக எடைகளை அதிகரிக்கலாம். அதைத்தூக்கும் இளைஞர்களுக்கு ஒரு கவுரவம் கூட கிடைக்கும். மற்ற விளையாட்டுகளைவிட ஆபத்து குறைவு. அதே நேரத்தில் வலிமையை நிரூபிக்கும் வாய்ப்பும் அதிகம். செலவும் குறைவு.

இதனால் யாருக்கும் எந்தவிதமான உடல் உயிர் பாதிப்புகளும் கிடையாது. கவுரவமும் கிடைக்கும்.

எனவே தமிழ்நாட்டு இளைஞர்கள் தமிழனின் மானம் காக்கவும் தனது வலிமையை நிரூபிக்கவும், மறைந்துவரும் நமது வீரவிளையாட்டாம் இளவட்டக் கல் தூக்குவதை ஊருக்கு ஊர் தெருவுக்கும் தெரு நிறுவ வேண்டும்.

பட்டிக் காட்டான் தலையில் மிளகாய் அரைக்கிறார்களா...

இதனைப் படிக்க ஆரம்பிக்கும் முன் நீங்கள் ஒரு உண்மையை மனதில் வைத்துக் கொண்டு படியுங்கள். எனக்கு முதலீடுகள் பற்றியோ பங்கு வர்த்தகம் பற்றியோ எதுவும் தெரியாது. ஒரு குக்கிராமத்தில் வாழ்ந்து கொண்டிருக்கும் சராசரி குடிமகன் எப்படியெல்லாம் நினைத்து கொண்டிருப்பானோ அவ்வளவுதான் எனக்கும் தெரியும். (உண்மையில் நான் பிறந்தது, படித்தது இப்போது பிழைப்பு நடத்திக் கொண்டிருப்பதும் அதே குக்கிராமத்தில்தான் கல்லூரி படிப்பு மட்டும் கோவையில் )


கல்லூரி பேராசிரியர் ஒரு அறிவுரை சொல்லியிருந்தார். சம்பாதிக்கும் பணத்தை பூட்டி வைத்துக் கொண்டிருப்பதற்கு அந்தப் பணத்தை சம்பாதிக்கலாமலே இருக்கலாம் என்று கூறுவார். அவரது அறிவுரைகள் மிகவும் பயங்கரமாக இருக்கும். உதாரணமாக நம்மிடம் வேலை செய்யும் ஒருவருக்கு வேலை தெரியவில்லை என்றால் அவருக்கு நாம் சொல்லிக் கொடுத்து வேலை வாங்க வேண்டும். கழிப்பிடம் சுத்தம் செய்பவருக்கு சரியாக சுத்தம் செய்யவில்லை என்றால் அவருக்கு சொல்லித்தரும் அளவுக்கு நாம் வேலை தெரிந்திருக்க வேண்டுமாம். அப்போதுதான் ஒரு அமைப்பை நிறுவி நடத்தமுடியுமாம்.

பணி செய்யும் இடத்தில் நிறைய பேர் வருகிறார். நீட்டும் இடத்தில் மட்டும் கையெழுத்துப் போடுங்கள். பங்கு மார்க்கெட் போகும் வேகத்தில் ஒரே நாளில் உங்களுக்கு இவ்வளவு லாபம் கிடைக்கும் என்றெல்லாம் சொல்லி வந்தார்கள். சிறு நகரத்திற்கு{கிராமத்திற்கு தொடர்புடைய நகரம். அவ்வளவுதான் மற்றபடி அங்கு போவதுகூட ஒரு சுற்றுலா போவது மாதிரியான நிலைதான்} அவர்கள் சொல்லும் வார்த்தைகள்தான் வேதவாக்கு. கரும்பு விற்ற காசுகளைக்கூட சிலர் கொடுத்து வந்தனர். என்னைப் போன்ற சிலருக்கு இணையம் மூலம் வர்த்தகம் முதலீடு என்பதே புரியாத நிலையில் இருந்தது.

சில காகிதங்களைக் காட்டி இதன் மதிப்பு ஒரு லட்சம் என்றார்கள். சில நாட்கள் கழித்து ஒன்றரை லட்சம் என்றார்கள். திடீரென வர்த்தகம் வீழ்ச்சி அதனால் அதன் மதிப்பு 75ஆயிரம் என்கிறார்கள். நமக்கு தேவைப் படும்போது பணமாக்கலாம் என்றால் முடியாதாம் நல்ல நிலையில் இருக்கும்போது விற்றால்தான் லாபமாம். கண்ட நேரத்தில் விற்றால் நட்டமாம். இப்படி சிலருக்கு அனுபவம். இதில் எத்தனை அவர்களுக்கு ஏற்பட்டதோ.. எத்தனை அவர்களாகவே சேர்த்துக் கொண்டதோ தெரியவில்லை.


நேற்று 170 ரூபாயாக இருந்த காகிதம் இன்று 30 ரூபாயாக மாறியிருக்கிறது. நேற்றும் அதை உபயோகப் படுத்தி ஒரு கடலை மிட்டாயும் வாங்க முடியாது. இன்றும் வாங்க முடியாது. உபயோகமாகாத பணம் எந்தப் பேரில் எந்த மதிப்பில் இருந்தால் என்ன.... வர்த்தகர்களுக்கு வேண்டுமானால் பங்கு வர்த்தகம் பட்டையைக் கிளப்பலாம். எங்களுக்கு பட்டைதான் போடும்.



அடுத்ததாக சோப்பு, பேஸ்ட், பவுடர் விற்பது... ஒரு பேஸ்ட், டூத் பேஸ்ட்தான் 75ரூபாயாம். ஆயிரம் ரூபாய் கொடுத்தால் உங்களுக்கு இவ்வளவு லாபம் வரும் என்கிறார்கள். மக்களை சேர்த்து கொண்டே போனால் நம் காட்டில் பண மழை பொழியுமாமே. என்னைச் சந்தித்த ஒருவர், இனிமேல் எந்த வேலையுமே செய்யாவிட்டாலுமே மாதம் ஒரு லகரம் வருமாம். கம்பனியில் ஊக்கப் படுத்தி கார், வெளிநாட்டுச் சுற்றுலா எல்லாம் கூட்டிப் போகிறார்களாம். அது எப்படி ஒரு வேலையும் செய்யாதவருக்கு ஒரு லகரம் ஊதியம் தருவார்கள்.. அதற்கும் அவர் விளக்கம் கொடுக்கிறார். இதுவரையில் அவர் செய்த வேலைக்காக நிறுவனமே கொடுக்கும் ஊக்கத்தொகையாம். அவர் சேர்த்து விட்டவர்கள் முதலீடு செய்ய செய்ய இவருக்கு ஒரு பங்கு ஊக்கத்தொகையாக க் கிடைக்குமாம். இப்படியே நிறையப் பேருக்கு ஊக்கத்தொகை கொடுத்தால் உண்மையில் எவ்வளவுதான் உண்மையான முதலீடு? இவ்வளவு கமிஷன் போனால் அந்த பவுடர், பேஸ்ட்டின் உண்மையான விலைதான் என்ன..? இவர்கள் நேரடி மார்க்கெட்டில் நுழைந்தால் அதன் விற்பனை விலைகள் என்னவாக இருக்கும்..? இவர்கள் பொருடகளை விற்பதற்காக கூட்டம் சேர்க்கிறார்களா.. அல்லது அதன் போர்வையில் முதலீடுகளை சேர்க்கிறார்களா... அல்லது மூட்டைக் கட்டிக் கொண்டு கிளம்பி விடுவார்களா....

இத்தனை பேருக்கு கொடுக்கும் ஊக்கத்தொகை புதிய சேர்ர்க்கையாளர்களுடையது என்றால் அந்தப் பணம் கமிஷன் கொடுக்க போதுமானதாக இருக்குமா. ... அப்படியென்றால் எதுதான் முதலீடு?


இதெற்கெல்லாம் எனக்கு மட்டுமல்ல... பலருக்கும் பதில் தெரியாமல்தான் சுற்றிக் கொண்டிருக்கிறோம். இதற்கெல்லாம் பதில் சொல்லுவது போல் ஏதாவது பதிவுகள் இருந்தால் அதன் லிங்க் களைக் கொடுங்களேன்..

பின் குறிப்பு:-

மல்டி லெவல் மார்க்கெட்டிங், ஷேர் மார்க்கெட், இன்னும் பல முதலீடு செய்ய என்னை அனுகியவர்கள் ஏற்படுத்திய குழப்பத்தில் எழுதியவை. மற்றபடி இதனால் யாருக்காவது மன வருத்தம் இருந்தால் பொருத்தருளுங்கள்.

இது ஒரு மீள்பதிவு

மின்னணு உதவியுடன் நடந்த சாப்பாட்டுப் போட்டி.

கல்லூரியில் ஆண்கள் விடுதி பரபரப்பாக இருந்தது. இந்தவார இறுதியில் விடுதி தினம் கொண்டாடப் போகிறார்கள். அதற்கான ஏற்பாடுகளில் எல்லோரும் முழுவீச்சில் ஈடுபட்டு கொண்டிருந்தார்கள். சிலர் கொண்டாடவே ஆரம்பித்திருந்தனர். அன்றைய தினம் விடுதியில் இட்லிசாப்பிடும் போட்டி நடப்பதாக இருந்தது.

போட்டிக்கு என்று சில விதிமுறைகள் இருந்தன. ஒவ்வொரு குழுவிலும் இருவர். அவர்களுக்கு 25 இட்லிகள் கொடுக்கப் படும். அதனை வேகமாக சாப்பிட்டு முடிப்பவர் வென்றவராக அறிவிக்கப் படுவார். விடுதி சமையலறையில் அதற்காக சிறப்பு ஏற்பாடுகள் செய்யப் பட்டுவந்தன. மாலை 7மணியளவில்பெயர் கொடுத்தவர்களை பார்த்தபோது ஏறக்குறைய 30அணியினர் இருந்தனர். விடுதி சமையலறையில் ஒரே நேரத்தில் 500 இட்லிகள் மட்டுமே தயார் செய்யும்வகையில் ஏற்பாடு செய்யப் பட்டிருந்தது. இரண்டுமுறை சமையல் செய்து போட்டி நடத்தலாம் என்றால் ஆறிய இடலி, சூடான இட்லி பாகுபாடு வருமே.. ஒரு சுற்றுக்கும் மற்றொரு சுற்றுக்கும் நடுவே அரைமணிநேரம் இடைவெளி கிடைக்கும்

போட்டி நடத்துபவர்கள் தங்கள் மூளையை கண்டபடி கசக்கி ஒருவழியைக் கண்டுபிடித்தனர். முதல்முறை இட்லி எடுத்தவுடன் முதல் சுற்றினை நடத்துவது ஒவ்வொருவரின் நேரத்தையை குறித்துக் கொள்வது. பின்னர் இரண்டாம் முறை நடத்துவது . அதில் போட்டியாளர்களின் நேரங்களை குறித்துக் கொள்வது ,, குறைவான நேரத்தில் சாப்பிட்டு முடிப்பவர்களை வெற்றியாளர்களாக அறிவிப்பது என முடிவானது. அனைத்து ஆண்டு மாணவர்கள் பிரதிநிதிகளும் ஒத்துக் கொண்டணர்.

முதல் சுற்றில் இறுதிஆண்டு-இளைஞர்பிரிவில் இருந்த எம்ஜியார்-சிவாஜி ஜோடி நான்கு நிமிடங்களுக்கு சில வினாடிகள் குறைவான நேரத்தில் 25 இட்லிகளையும் சாப்பிட்டுவிட்டனர். மூன்றாம் ஆண்டு மாணவர்கள் அஜித்-விஜய் ஆகியோர் நான்குநிமிடங்கள் மற்றும் சிலவினாடிகள் எடுத்துக் கொண்டனர். மற்றவர்கள் எல்லோருமே 5நிமிடங்களுக்கு மேலே எடுத்துக் கொண்டனர்.

அஜித்-விஜய் ஜோடிக்கு பயங்கர ஃபீலிங்ஸ். பின்னே.. சில வினாடிகளில் முதலிடம் பறிபோனது மனதை உலுக்கும் செய்திதானே.. அவர்களுக்கு அதிக நேரம் செலவானதன் காரணங்கள் நண்பர்களால் ஆராயப் பட்டது. உடனடியாக அவர்கள் அடுத்த முடிவு எடுத்தனர். அது

அவர்கள் அடுத்த சுற்றிலும் கலந்து கொள்ள முடிவு செய்தனர்..

ஏற்கனவே 25 இட்லிகளை சாப்பிட்டவர்கள் மீண்டும் 25 இடலி சாப்பிட உட்கார்ந்தால் அதிர்ச்சியாக இருக்காதா..

அந்த அதிச்சியிலேயே அவர்கள் கலந்து கொள்வதை மற்றவர்கள் எதிர்க்கவில்லை. அவர்களும் உட்கார்ந்தனர். சாப்பிட்டனர். ஆனால் இந்தச் சுற்றில் அவர்கள் ஏறக்குறைய நான்கு நிமிடங்களில் சாப்பிட்டு முடித்தனர். அதாவது இரண்டாம் மற்றும் மூன்றாம் இடங்களை அவர்கள் கைப்பற்றினர்.

அவர்கள் முதலிடம் பெறாவிட்டாலும் அவர்களது இந்த பெர்ஃபாமன்ஸ் பார்த்து விடுதியே அதிர்ந்துதான் போனது.

பின்குறிப்பு:-
1..50 இட்லிகளை சாப்பிட்டுவிட்டு தாகசாந்திக்கு வேறு கொஞ்சம் குளிர்பானம் குடித்தனர்.
2.. போட்டியின்போது எலக்ட்ரானிக் வாட்ச் உபயோகப் படுத்தப் பட்டது. தமிழில் மின்னணு கடிகாரம்.

===========================================

இது ஒரு மீள்பதிவு, வெண்ணிலா கபடிக்குழு திரைப்படம் வருவதற்கு வெகுநாட்கள் முன்பே (7-1-1009) எழுதப்பட்டது.

கோழையா? அஹிம்சாவாதியா? பொறுமைசாலியா?

கத்தியின்றி இரத்தம் இன்றி போராடும் முறை என்று அஹிம்சை முறயைப் பற்றி பேசிக் கொண்டிருக்கிறார்கள். ஆனால் உண்மையில் அஹிம்சை என்பது முற்றிலும் வேறு பட்ட ஒன்று.

அதில் ரத்தம் அளவே இல்லாமல் சிந்தப் பட்டிருக்கிறது. இந்திய சுதந்திரப் போரிலேயே எத்தனையோ தியாகிகள் தங்கள் இரத்தத்தையும், இன்னுயிரையும் தந்திருக்கின்றனர். அவர்கள் சிந்திய இரத்தத்தைப் பார்த்து அதிகாரம் கொண்டிருப்பவர்கள் தங்கள் மனசாட்ட்சியால் ஹிம்சை செய்யப் பட்டு நரக வேதனை அடைந்து இந்தியாவுக்கு சுதந்திரம் கொடுக்குமாறு கட்டாயப் படுத்தப் பட்டனர். மீண்டும் ஒருமுறை யோசித்துப் பாருங்கள். அஹிம்சை என்பது கத்தியும் ரத்தமும் இன்றி போராடும் முறையா...? இரத்தம் சிந்துவதைப் பற்றி கவலையே படாத லட்சிய வாதிகளின் போராட்டமுறையா...?



ஆயுதம் எடுத்துப் போராடுவதற்கு வெறும் உடல்வலிமை மட்டும் போதும். ஆயுத வீரர்களுக்கு வழி நடத்த கொஞ்சம் போர்தந்திரங்கள் தெரிந்தால் போதும். ஆனால் அஹிம்சை முறையில் போரிடுவதற்கு வன்முறையைத்தாங்கும் உடல் வலிமையும், மன வலிமையும் மிகமிக அவசியம். அவமானங்களைத் தாங்கும் உள்ளத்தெளிவும் அவசியம். அந்த அளவு உடல் வலிமையும் மன வலிமையும் உள்ளத்தெளிவும் இல்லாதவர்கள் அஹிம்சை முறையைப் பின் பற்றுவதற்கே தகுதி இல்லாதவர்களாக மாறிவிடுகிறார்கள்.


பாட்ஷா படத்தில் பாட்ஷாவை கட்டி வைத்து அடிப்பார்கள். ஆனால் பாட்ஷா மிக அமைதியாக சிரித்துக் கொண்டு இருப்பார். காந்தி, யேசு போன்றோரையெல்லாம் உவமைப் படுத்துப் பாடுவார்கள். அந்தப் பாட்டிற்கு முன் பாட்ஷா தம்பிக்காக கெஞ்சுவார். அவரை கட்டி வைக்க அழைத்துச் செல்லப் படும்போது கொதித்தெழும் கூட்டாளிகளை ஒரு விரல் அசைவில் நிறுத்தி வைப்பார். அடிக்கப் படும்போது கூட வலியைத்தாங்கி கொண்டு சிரிப்பார். அடி வாங்கி ஓய்ந்த பிற்கு கூட வலியுடன் சிரிப்பார். அனைத்து அடிகளையும் வாங்கிக் கொண்டு நிற்கும் வல்லமை படைத்தவராக நாயகனைக் காட்டுவார்கள்.

கீழே உள்ள காட்சியில் 3நிமிடம் கழித்து வருகிறது, மேற்கண்ட காட்சிகள்



அப்படி அமைதியாக பொறுமை காத்தவர் பொங்கி எழும் காட்சியை கீழே பாருங்கள்



அஹிம்சையை பின்பற்ற நினைப்பவர்களின் அடிப்படைத்தகுதிகளை மிக அழகாக பாட்ஷா படத்தில் பாட்ஷாவைக் கட்டி வைத்து அடிக்கும் போது வரும் காட்சிகளில் அற்புத்மாக விளக்கியிருப்பார்கள்.

திருமணத்திற்கு முன் ஆணும் பெண்ணும்.........

திருமணம் ஒவ்வொரு மனிதனின் வாழ்க்கையிலும் வரும் ஒரு நிகழ்வு. வெகுசிலருக்கு வராமல் கூட இருக்கலாம். வராமல் போனது கூட ஒரு நிகழ்வாகவே கருதப் படும் அளவிற்கு முக்கியத்துவம் வாய்ந்த நிகழ்ச்சி அது. சிலநேரங்களில் அது பெற்றோரால் நிச்சயக்கப்படும் வகையிலும் சில நேரங்களில் அவர்களாகவே நிச்சயிக்கப் படுவதாகவும் அமைகிறது.

அவர்களாகவே முடிவு செய்வது பற்றி நாம் பேசப் போவதில்லை. பெற்றோரால் உறுதி படுத்தப் படும் திருமணங்களிலிருந்து ஒரு நிகழ்வினைப் பற்றி மட்டும் பார்ப்போம். பல இடங்களில் ஆணும் பெண்ணும் நிச்சயத்திற்கு முன் பேசுகின்றனர். பெரும்பாலும் பேச ஆசைப் படுகின்றனர். இப்படி பேசுவதால் ஏதாவது நன்மை இருக்கிறதா? ஒருவரை ஒருவர் புரிந்து கொள்ள என்று சொல்லிக் கொள்கிறார்கள். சிலநிமிடங்களில் எவ்வாறு அது சாத்தியம்?

பல நேரங்களில் காதலிக்க தைரியம் இல்லாத இளைஞர்கள் இதை ஒரு வாய்ப்பாகப் பயன்படுத்தி கடலை போடுவதற்கும் ஊர்சுற்றுவதற்கும் பயன் படுத்திக் கொள்கிறார்கள். இதில் அத்துமீறலுக்குத்தான் வாய்ப்பு இருக்கிறதே தவிர புரிந்து கொள்வது என்பது.............


ஒருவரை ஒருவர் ஏமாற்றுவதும் சிறந்தவர்களாகக் காட்டிக் கொள்வதும் மட்டுமே உண்மையில் நடைபெறுகிறது. தங்களின் ரசனைகளை வெளிக் காட்டிக் கொள்கிறார்களா.. என்றால் இல்லை. எல்லாவற்றிலும் பெஸ்ட். என்ற நிலைமையிலேயே பழகுகின்றனர். வெறும் இனக்கவர்ச்சி மட்டுமே நிற்கிறது. திருமணத்திற்கு பின் ஏற்படக்கூடிய ஒரு சஸ்பென்ஸ் ப்போய்விடுவதால் பல நேரங்களில் சளிப்பு மட்டுமே மீந்து போகிறது. சின்ன குறைகள் வெளியே தெரியும் போது அது சண்டையாய் மாறி திருமணத்தையே முறித்துவிடக்கூடிய சம்பவங்களும் நடந்து கொண்டுதான் இருக்கின்றன.

என்னமோ போங்க...........

மூன்றுமணி நேரம் அடங்கி இருக்கும் ஒருவயது குழந்தைகள்

உங்கள் வீட்டில் ஒன்று அல்லது இரண்டு வயதில் குழந்தைகள் இருக்கிறார்களா.... அவர்கள் என்றாவது ஒரு மூன்று மணி நேரம் அமைதியாக ஒரே இடத்தில் இருந்து பார்த்திருக்கிறீர்களா,,,

நானும் பார்த்ததில்லை. அப்படி ஒரு முப்பது குழந்தைகளாவது அமர்ந்திருப்பார்கள் என்ற எண்ணம் வரக்கூடிய சூழல் எனக்கு ஏற்பட்டது.

அன்று வேலைநிமித்தம் பொழுதுசாயும் வேலையில் ஒரு தேநீர் சாலையில் தேநீர் அருந்தும் வாய்ப்பு கிடைத்தது. அந்த சாலைக்கு அருகில் ஒரு திரையரங்கம் இருந்தது. அந்த நேரத்தில் திரைப்படம் முடிந்து மக்கள் சாரைசாரையாகச் சென்று கொண்டிருந்தனர்.

இப்பொழுதெல்லாம் வெகு அபூர்வமாகவே திரையரங்கிற்குச் செல்கிறோம். அப்படியே போனாலும் இரு சக்கரவாகனத்தில் சென்று படம் முடிந்த உடனே கிளம்பிடுவோம். பள்ளியில் படிக்கும் காலத்திலும் இருசக்கரவாகனமே.. மிதிவண்டி. அதனால் இந்தக் கூட்டத்தைப் பார்க்கும் வாய்ப்பு கிடைத்ததில்லை.

அது ஒரு கிராமத்தில் உள்ள திரையரங்கு. கிராமம் என்றால் வாரம் ஒருமுறை சந்தை நடக்கும். அந்த அளவு சற்றே பெரிய கிராமம்தான். சனி, ஞாயிறுகளில் மதிய காட்சியுண்டு. தேநீர் அருந்திக் கொண்டே அந்தக் கூட்டத்தைப் பார்த்தபோது பார்வையில் பட்டவிஷயம் இதுதான். நிறைய தாய்மார்கள் தங்கள் ஒரு அல்லது இரு வயது குழந்தைகளுடன் வந்து படம் பார்த்துவிட்டு சென்று கொண்டிருந்தனர். எப்படியும் இருபது முப்பது குழந்தைகளாவது இருப்பார்கள். அனைவரும் உழைக்கும் வர்க்கத்தைச் சார்ந்தவர்கள்தான்.

கண்டிப்பாக குளிர்சாதனவசதி செய்யப் பட்ட அரங்கம் கிடையாது அது. ஒரு சிலர் தங்கள் கணவருடன் வந்திருந்தனர். பொதுவாக குழந்தைகள் அரை மணிநேரம் அடங்கி இருந்தாலே அது ஆச்சர்யப்படத்தக்க விஷ்யம் தான். இவர்கள் எப்படி மூன்று மணிநேரம் குழந்தையுடன் படம் பார்த்திருப்பார்கள்.? உங்களுக்கு ஏதாவது ரகசியம் தெரியுமா..

சாதாரணமாக கல்யாண வீடுகளிலோ, கோயில்களிலோ எப்படியும் குழந்தைகள் ஏதாவது ஒன்றாவது அழுது கொண்டும் ஓரிடத்தில் நிற்காமல் ஓடிக் கொண்டே இருக்கும். இந்த குழந்தைகள் எப்படி அமைதியாக இருக்கிறார்கள். அந்த நிகழ்ச்சிக்குப் பின் திரைப்படம் விட்டுவரும் கூட்டங்களைப் பார்த்தால் எப்படியும் பல தாய்மார்கள் குழந்தைகளுடன் படம்பார்த்துவிட்டு வருகிறார்கள். எப்படி இது சாத்தியம்...? யாருக்காவது தெரிந்தால் சொல்லுங்களேன்................