நன்றி அமித் ஷாஜி

இந்த நாள் ஓணம் பண்டிகை கொண்டாட்டத்துடன் நகர்ந்து கொண்டிருக்கிறது.  மகா சக்கரவர்த்தி மகாபலியின் வருகை உற்சாகத்துடன் கொண்டாடப் படுகிறது. உண்மையில் மகாபலியின் வருகையை கேரளா தாண்டி கொண்டு சென்ற பெருமை அமித் ஷாவையே சேரும். 

மன்னன் மகாபலியின் பெருமையை வெறும் சடங்காக சம்பிரதாயமாக பாடிக் கொண்டிருந்த மக்களை உணர்ச்சிப் பூர்வமாக ஒவ்வொரும் பகிர்ந்து கொள்ளக் காரணமே அமிஷ் தான் அவர் போட்ட வாமன ஜெயந்தி போஸ்டர்தான்.  நம்ம ஊரில் பிள்ளை சதுர்த்தி திருவிழா போல வாமன ஜெயந்திக்குஅடி போட்ட போஸ்டரை எதிர்த்து கேரளாவே பொங்கிக் கொண்டு இருக்கிறது.

சில நாட்களுக்கு முன் நான் போட்ட பதிவு

வடக்கத்தியர் எதிர்க்கும் ஓணம் பண்டிகை

இன்று ஒவ்வொருவரும் மகாபலி பற்றிச் சொல்லுகிறார்கள். மகாபலி ஆட்சியில் பஞ்சம் இல்லை, பசி இல்லை, பட்டினி இல்லை, இள வயது மரணம் இல்லை, சாதி இல்லை. அனைத்து மக்களும் சாதி வேறுபாடு இன்றி சமத்துவத்துடன் வாழ்ந்து வந்ததாக கூறுகின்றனர். வந்துள்ளவர் தானம் என்று கேட்டால் எதையும் கொடுக்கும் மனதோடு வாழ்ந்து வந்திருக்கிறார்.  அவர் ஆட்சியில் யாரும் கெட்ட எண்ணத்துடன் தானம் கேட்டதில்லை.  வந்திருப்பவர் கபட வேடதாரி என்று  எச்சரிக்கப் பட்டும் தானம் கொடுக்க சம்மதிக்கிறான்.  

அவன் நாட்டில் பார்த்த முதல் வேட தாரி வாமனன்.  உள்ளன்றொரு வைத்து புறம் ஒன்று பேசும் முதல் நபர் வாமனன்.   

இன்று கேரளாவில் உள்ள ஒவ்வொரு ட்விட்டரும், முகநூலாரும் வாமன அவதாரத்தின் வஞ்சனையையும்  மகாபலியின் பெருமைகளையும் ஆரிய திராவிட வித்தியாசத்தையும் தெளிவாக ஆவணப் படுத்தி பேசுகிறார்கள்.  நேரில் பார்ப்பவர்களிடம் ஓணம் வாழ்த்துக்கள் என்று சொன்னாலே அவர்கள் மகாபலியின் பெருமை பேசி பதில் சொல்கிறார்கள்.

இப்படி ஓர் ஆரிய எதிர்ப்பு திராவிட வாழ்த்து சமீப காலத்தில் வந்ததே இல்லை. இப்படி ஒரு சூழல் வந்ததற்கு  அமித் ஷா அவர்களுக்கு நன்றி சொல்லியே ஆக வேண்டும்.

பின்குறிப்பு:- கேரள நண்பருடன் பேசிக் கொண்டிருந்த போது இன்னொரு நண்பர் சொன்ன செய்தி, மகாபலிக்கு முற்பிறவி சாபமாம் அதனால்தான் வாமணன் அவரை பாதாள உலகம் அனுப்பினாராம்.

பின்குறிப்பு 2:-  வாமனனை வில்லனாக கொண்ட இந்த கதைக்கும் விஷ்ணுவை பெண்ணாக்கி அவருக்கு குழ்ந்தையையும் கொடுத்த கதைக்கும் ஏதாவது அரசியல் தொடர்ப்பு இருக்குமா?

பின்குறிப்பு 3:- நாம் ஏன் தீபாவளியைக் கூட  பூமாதேவியின் மகனான நரகாசுரனின் மீள் வருகை நாளாக மாற்றிக்கொண்டாடக் கூடாது?

பூவே உனக்காக அவசர ரீமேக்.

பூவே உனக்காக 1996ல் வந்த படம், நாங்கள் கல்லூரியில் காலடி எடுத்து வைத்த காலம் அது நண்பர் கிரிஸ்டல் செந்திலுடன் பார்த்த விஷ்ணு படம்தான் கோயமுத்தூரில் எனது கணக்கை துவக்கியது என்ற வகையில்விஜய் நமக்கு நெருக்கமானவரே..,

பூவே உனக்காக வந்து 20 ஆண்டுகள் நிறைவடைந்து விட்ட நிலையில் முகநூலில் எனது நண்பர் மகேஷ் குமார் இந்த படம் வராமல் இருந்திருந்தால் என்று ஒரு கேள்வி எழுப்பி இருந்தார்.

சற்றே இந்தக் கேள்வியை மாற்றி இந்தப் படம் இப்போது வந்திருந்தால் என்று நினைத்துப் பாருங்கள். ஒரு வேளை இளைஞர்களை கவர்ந்திருந்தால், மனங்களை மாற்றி இருந்தால்.........

1. தான் காதலித்த பெண் தன்னைக் காதலிக்க வில்லை என்றாலும்கூட அவளது நல்வாழ்வுக்க்காக வே உழைப்பான்.

2. தனது காதலியைத் தவிர வேறெந்த பெண்ணையும் மனதாலும் நினைக்க மாட்டான்.

3.இது போன்ற இளைஞர்களின் மத்தியில் எந்த பெண்ணுமே பாதுகாப்பாக உணருவார்கள்.

4.மதம் தாண்டிய திருமணங்கள் இயல்பாக நடக்கலாம்.

5.மதம் தாண்டிய திருமணங்களுக்கு ஆதரவு தரும் இளைஞர்களும் அதிகரிக்கலாம்.

++++++++++++++++++++++++++++++++++++++++++++++++++++++++++++++++++

எஸ்.ஏ.சந்திர சேகரின் இயக்கத்தை விட்டு வெளி இயக்குநர்களின் படங்களில் நடிக்க ஆரம்பித்தபின் விஜயின் இரண்டாவதோ மூன்றாவதோ படம்தான் இது. ஏற்கனவே இதயம் படத்தில் காதலை மூக்கின் நுணியிலேயே வைத்திருந்து முரளி இதய நோயாளியாகி இருப்பார். காதல் படங்களின் துவக்கமாக அது இருந்த போதும் சரியான நாயகர்கள் இல்லாத சூழல் நிலவிய கால கட்டம்.  முரளியே சீனியர் நாயகர் ஆகியிருந்தார். இருந்தாலும் கூட அவர் கல்லூரி மாணவனாக 97ல் வெளிவந்த காலமெல்லாம் காதல் வாழ்கவில் வெற்றிக் கொடி கட்டியிருப்பார்.

கிராமத்திலிருந்து வரும் அப்பாவி இளைஞன் பாத்திரத்திற்கு சரியான தேர்வாக விஜய் அமைந்திருப்பார்.  அப்போது பல என்சினியரிங் கல்லூரிகள் துவங்கி மாணவர்கள் கூட்டம் கூட்டமாக நகரை நோக்கி வந்து கொண்டிருந்த காலம் அது. தங்களைப் போன்ற எளிய தோற்றத்தில் இருந்த விஜயயை அவர்கள் சுலபமாக ஏற்றுக் கொண்டு விட்டனர்.  அதன் பிறகு விஜய்யும் அஜித்தும் விதவிதமாக காதலித்துக் கொண்டே இருந்தார்கள்.  அதன் பின்னர் பணக்கார பையன்களின் காதலும் படமானது.  விஜய் திருமலையானதும் அந்த இடத்தில் தனுஷ் போய் உட்கார்ந்து கொண்டார்.

டி.ஆர் சிலம்பரசனை தயாரித்தது போல எஸ்.ஏ.சி விஜயை தயாரித்திருந்தார்.  வித்தியாசம் என்னவென்றால் எஸ்.ஏ.சி கதை திரைக்கதை இயக்கம் இசையெல்லாம் விஜய்க்கு சொல்லித்தரவில்லை.  வித வித மாக காதலித்தே விஜய் அடுத்த தலைமுறையில் நம்பர் ஆகியிருந்தார்.

இந்த படம் வந்திருக்காவிட்டால் விஜய் முழுநேர ஆக்‌ஷன் ஹீரோவாக சங்கவி, யுவராணி போன்றவர்களை வைத்து தேவா, செந்தூரபாண்டி,செல்வா போன்ற  பல கிராமத்து ஜேம்ஸ்பாண்ட் படங்களை நடித்துக் கொடுத்திருப்பார்.  தெலுங்குப் படங்களை அப்படியே ரீமேக் கொடுத்து பத்து ஆண்டுகளுக்கு முன்பே வருங்கால முதல்வராக மாறியிருப்பார். தமிழக மக்களும் காதல் என்பது தொட்டபட்டா ரோட்டில் சாப்பிடும் முட்டை பரோட்டாவாக எண்ணியிருந்து இருப்பார்கள். காதல் தோல்விக்காக கொலை செய்வது, ஆளை வெட்டுவது, தற்கொலை செய்து கொள்வது போன்றெல்லாம் இல்லாமல்.  திரிஷா இல்லையென்றால் நயந்தாரா என்ற நிலைக்கு முதலிலேயே வந்திருப்பார்கள்.


ஆனால் இதயம், கோகுலம் மற்றும் இந்திக் காதல் படங்கள், மகுடமாக டைட்டானிக் (ஆங்கிலத்திலேயே கோவையில் 100நாள் ஓடியது)  போன்ற படங்கள் அணிவகுத்த நிலையில் சில வருடங்கள் தாமதமாகியிருந்தாலும் பூவே உனக்காக வந்தே இருக்கும். ஒருவேளை இப்போது இந்தப் படத்தை ரீமே செய்தால் இளைஞர்களின் காதல் உணர்வுகள் மொட்டு விட்டு மலர்ந்து வன்முறைகள் குறைந்தாலும் குறையலாம்.

வடக்கத்தியர் எதிர்க்கும் ஓணம் பண்டிகை

ஓணம் பண்டிகை ஒவ்வொரு வருடமும் கேரளத்தில் கொண்டாடப் படும் விமரிசையான பண்டிகை. தமிழகத்திலும் கேரளாவை ஒட்டிய பகுதிகளில் ஒருநாள் விடுப்பு விடும் அளவிற்கு எல்லோரும் கொண்டாடும் ஒரு பண்டிகை.

மகாபலி மன்னனை வாமன அவதாரம் எடுத்து மூன்றடி கேட்டு கதைமுடித்தார் விஷ்ணு என்பதுதான் கதை. அந்த மகாபலி மன்னன் தன்னுடைய நாட்டுக்கு ஆண்டுக்கு ஒருமுறை வருவதாகவும் மக்களுக்கு நல்லாசிகள் வழங்குவதாகவும் நம்பிக்கை நிலவுகிறது. இன்றுவரை மக்களை அவரை அன்போடுதான் வரவேற்றுக் கொண்டுதான் இருக்கிறார்கள். 

மகாபலி மன்னனின் ஆட்சிச் சிறப்பை இந்த ஒரு பாடலின் மூலம் தெரிந்து கொள்ளலாம்.

Maveli nadu vaneedum kalam,
manusharellarum onnupole
amodhathode vasikkum kalam
apathangarkkumottillathanum.
adhikal vyadhikalonnumilla
balamaranangal kelppanilla
Dushtare kankondu kanmanilla
Nallavarallathe illa paaril..illa paaril
kallavum illa chathiyumilla
ellolamilla polivachanam
kallampparayum cherunazhiyum
kallatharangal mattonnumilla
Vellikolaadikal naazhikalum
Ellam kanakkinu thulyamaayi..thulyamaayi

When Maveli ruled the land,
All the people were equal-
Times when people were joyful and merry;
They were all free from harm.
There was neither anxiety nor sickness,
Deaths of children were unheard of,
No wicked person was in sight anywhere
All the people on the land were good.
There was neither theft nor deceit,
And no false words or promises.
Measures and weights were right;
There were no lies,
No one cheated or wronged his neighbor.
When Maveli ruled the land,
All the people formed one casteless race



 மகாபலி மன்னரின் ஆட்சியில் மக்கள் அனைவரும் சமமாகவும், மகிழ்ச்சியாகவும் வாழ்ந்திருக்கின்றனர். துன்பங்கள், துயரங்கள் நீங்கி வாழ்ந்திருக்கின்றனர். சிசு மரணம் அவன் ஆட்சியில் இல்லை. (இன்றும்கூட ஒரு நாட்டின் மருத்துவ வசதியினை தெரிந்துகொள்ள குழந்தைகள் மரணவிகிதத்தைத் தான் எடுத்துக் கொள்கின்றனர்.) அங்கு பொய், புரட்டு கிடையாது, ஏமாற்று கிடையாது.  சாதி வித்தியாசமற்ற ஒரு இனத்தை உருவாக்கி வாழ்கின்றனர் என்று இந்தப் பாடல் சொல்கிறது.


இவ்வளவு நல்லவரான மகாபலி சக்கரவர்த்தியினை  போரிட்டு ஜெயிக்க முடியாத விஷ்ணு மூன்றடி பிச்சை கேட்டு பாதாள உலகத்திற்கு அனுப்பியதாகச் சொல்கிறார்கள்.   இந்தக் கதையில் எப்படிப் பார்த்தாலும் மகாபலிதான் ஹீரோ , விஷ்ணுதான் வில்லன்.

மகாபலியை கதை முடிப்பதற்கு பொறாமையைத்தவிர வேறு காரணம் தேடினாலும் கிடைக்கவில்லை.


இந்த கதைகளை, இது போன்ற பாடல்களை ஒவ்வொரு ஆண்டும் சொல்லிதான் கேரள மக்கள் தங்கள் மக்களை வளர்க்கிறார்கள். அதனால் கூட கேரளாவில் அதிக அளவில் இந்துக்கள் அல்லாத மக்கள் (பெரும்பாலும் மதம் மாறிய மக்கள்)  இருப்பதாகச் சொல்லலாம். இது போன்ற கதைகள் கேரளாவை விட்டு வெளியே சொல்லப் படுவது  பழம் நம்பிக்கைகளுக்கு எதிராக இருப்பதாக வடநாட்டு பழமை வாதிகள் நினைக்கிறார்களாம். அதனால் ஓணம் பண்டிகை கேரளாவை விட்டு வெளியே கொண்டாடப் படுவதை அவர்கள் விரும்பவில்லையாம்.  


பின்னினைப்பு:- ஒருவேளை நரகாசுரன் கதையும் இப்படித்தானோ? 

பின்னிணைப்பு:- வாமன அவதாரத்திற்கு பிறகு அடுத்தடுத்த யுகங்களில்தான் ராம, கிருஷ்ண அவதாரங்கள் வருகின்றன. ஒருவேளை மகாபலி உயிருடன் இருந்தால்  அவர் உருவாக்கிய சாதி வித்தியாசம் அற்ற ஏற்ற தாழ்வற்ற சமுதாயம்தான் இருந்து இருக்குமா?

மினி, ஜெனி மற்றும் மலர் டீச்சர்

என் நண்பர்(மருத்துவர்) ஒருவர் சமீபத்தில் PG சேர்ந்தார். அவர் ட்ரீட் கொடுத்தார். நானும் என்னைப் போல சிலரும் கலந்து கொண்டோம். அவர் வாங்கியிருந்த மதிப்பெண்களுக்கு சிட்டி காலேஜே கிடைக்கும் என்ற நிலையில் அடுத்த நிலைக் கல்லூரியை எடுத்திருந்தார். அந்த ஊர் அவர் ஊருக்கு பக்கமும் அல்ல. காரணம் கேட்ட பொழுது அங்கதான் அந்த கோர்ஸ் நல்லா சொல்லித் தருவாங்கடா என்றார். நாங்களும் அதை நம்பி விட்டோம். சமீபத்தில் அந்த கல்லூரியைச் சேர்ந்த மற்றொரு நண்பரை சந்திக்க நேர்ந்தது. அவரிடம் அந்தக் கல்லூரியில் இருக்கும் நண்பர்களைப் பற்றி பொதுவாகக் கேட்டோம். அப்போதுதான் ஒரு உண்மை தெரிந்தது.முதல் நண்பர் சேர்ந்திருக்கும் கல்லூரி , கோர்ஸ்ஸில் தான் அவரது கல்லூரிக் க்கால மினி, ஜெனி , இந்நாளில் மலர் டீச்சராக உதவிப் பேராராசியராக இருக்கிறாராம்...,
)
)
)
அடப் பக்கி இன்னும் சில வருஷம் பொருத்திருந்தீன்னா அந்த அம்மா chiefஆவே ஆகியிருக்குமேடா...,
நண்பர்கள் அனைவருக்கும் ஆசிரியர் தின வாழ்த்துக்கள்.

தர்ம துரை யின் மூன்று நாயகிகள்- ஓர் உள்ளார்ந்த பார்வை

தர்ம துரை நாயகிகளைப் பற்றி மட்டும் நாம் பார்ப்போம்.

முதலில் ஸ்டெல்லா,

தன்னை முதன்முதலாக தொட்டுத் தூக்கிய ஆண்மகனை காதலிக்க ஆரம்பித்து விடுகிறார். அவன் தன்னை நிராகரித்தது தெரிந்த பின்னர் தண்ணி போட்டுக் கொண்டு இரவில் ஹீரோவின் அறைக் கதவைத் தட்டுகிறார். ஹீரோ தன்னை வெறுக்கவில்லை என்பதை தொடர்ந்து ஹீரோவுடன் தொடர்ந்து பழகுகிறார். ஹீரோவின் நிழலாக இருக்கிறார். ஹீரோவுக்கு கஷ்டம் என்றவுடன் துடிக்கிறார். படிப்பு முடிந்த உடன் தன்னை வந்து பெண் கேட்குமாறு ஹீரோவுடன் சொல்கிறார். இந்த அனைத்து நிகழ்விலும் எக்ஸ்ட்ரா ஃபிட்டிங்காக சுபாஷிணி இருக்கிறார்.

அன்புச்செல்வி

ஹீரோ பயிற்சி பெறும் கிராம மருத்துவமனைக்கு கிராமத்து பாட்டிகளுடன் அவர்களுக்கு உதவியாக வருகிறார். அவரது தாயார் மருத்துவ வசதி இல்லாததால் மரணம் அடைந்ததால் பிறருடன் உதவிக்கு வருவதாகச் சொல்லுகிறார். பார்க்கும் அனைத்து ஆண்களையும் அண்ணே.., என்று அழைக்கிறார். இவரைப் பார்த்த உடன் ஹீரோவுக்கு பிடித்து விடுகிறது. ஊர் பெயர் விசாரித்து பெண் கேட்கிறார்.  ஹீரோவின் சாதிக்காரராக காட்டுகிறார்கள்.  பத்தாம் வகுப்பு படித்தவராக காட்டப் படுகிறார். ஆனால் பத்திரிக்கைகளுக்கு துணுக்குகள் எழுதும் எழுத்தாளராக காட்டப் படுகிறார். தனது மாப்பிள்ளை என்று தெரிந்த உடன் ஹீரோவை மாமா என்று அழைக்க ஆரம்பித்து விடுகிறார்.திருமணம் நடக்காது என்ற சூழலில் தற்கொலை செய்து கொள்கிறார்.

முழுக்க முழுக்க தற்கால சிறுநகர, கிராமப்புற ஆண்களின் விருப்பமாக இருக்கிறார்.

புத்திசாலியாக இருக்க வேண்டும். ஆனால் பெரிய புத்திசாலியாக இருக்க கூடாது. பெரிதாக படித்திருக்க கூடாது.ஆனால் நாகரீகமாக இருக்க வேண்டும். நடுவகிடெடுத்து சீவி ஒற்றை சடை போட்டு புடவை கட்டி இருக்க வேண்டும். அனைவரையும் அண்ணனாக  நினைக்க வேண்டும். தன் ஒருவனை மட்டும் மாமாவாக பார்க்க வேண்டும். ஹீரோ விலகினால் தற்கொலை பண்ணிக் கொண்டு சாக வேண்டும்.

எதற்காக இந்தப் படைப்பு என்று தெரிய வில்லை. ஸ்டெல்லாவையே அவர் திருமணம் செய்து கொள்ள நினைத்து அது நடக்காமல் போனதால் ஹீரோ குடிகாரனாக சற்றே மனநிலை சிதறியவராக காட்டி இருக்கலாம். புதிதாக ஒரு பாத்திரம் ஏன் என்று தெரியவில்லை.

ஒரே காரணம் மட்டுமே தோன்றுகிறது. அன்புச் செல்வி அவரது சாதிக்காரர். ஸ்டெல்லா வேறு மதத்தவர். ஸ்டெல்லாவை அவரது சாதிக்காரர் மதத்துக் காரராகக் காட்டி இருந்தால் நிராகரிப்பு இருந்திருக்காது, கதை நகர்ந்திருக்காது. மதத்தின் காரணமாக நிராகரிப்பு என்பதை காட்ட விரும்பாத காரணத்தால் இயக்குநர் ஒரு புதிய கதா பாத்திரத்தை படைத்து சாக வைக்கிறார்.

மீண்டும் ஸ்டெல்லா

வீட்டிலிருந்து தப்பி ஓடும் மது அடிமை, மனநலம் பிறழ்ந்த ஹீரோ முதலில் ஸ்டெல்லாவை நாடிப் போகிறார். அங்கு ஸ்டெல்லா விபத்தில் இறந்ததாகச் சொல்லி விடுகிறார்கள்.  . அதாவது அன்புச் செல்வி, ஸ்டெல்லா இரண்டும் பாத்திரங்களும் இறந்து விடுவதாக காட்டப் படுவதாலேயே இரண்டும் ஒரே பாத்திரம் என்றும் இயக்குநர் சில பல காரணங்களுக்காக இரண்டு பாத்திரங்களையும் பிரித்து வைக்கிறார் என்பது புலப் படும்.

சுபாஷிணி

ஸ்டெல்லா இறந்தது தெரிந்த பின்னர் ஹீரோவின் பயணம் சுபாஷிணியைத் தேடி, சுபாஷிணி கணவனைப் பிரிந்து வாழ்கிறார். ஹீரோ சுபாஷிணியைச் சேர்ந்த உடன் மதுவிலிருந்து மீள ஆரம்பிக்கிறார். மனநலம் பெறுகிறார். சுபாஷிணியும் விவாகரத்து பெற்று விடுகிறார். விவாகரத்து வழக்கு முன்னரே துவங்கப் பட்ட ஒன்று என்று காட்டுகிறார்கள். சுபாஷிணியுடன் சேர்ந்து வாழ ஆரம்பிக்கிறார். சொந்தமாக கிளினிக் வைத்து மகிழ்ச்சியாக வாழ்கிறார்கள்.


ஹீரோ சுபாஷிணியை சேர்ந்த உடனேயே எல்லாமே சுபம் ஆகி விடுகிறது. சுபாஷிணியும் ஹீரோவுக்காகவே காத்திருந்தது போல இருக்கிறது. ஏதோ ஒரு முன் ஜென்ம பந்தம் தொடர்வது போல காட்டப் படுகிறது. அப்படி என்றால் கல்லூரியிலேயே  இருந்து இருக்க வேண்டுமே, ஆம் கலை நிகழ்ச்சிகளில் இருவரும் சேர்ந்து  perform செய்திருக்கிறார்கள்.  ஆனால் கல்லூரியில் ஏன் இருவருக்கும் அந்தக் காதல் வர வில்லை என்ற கேள்வி கேட்கும் போது மறைமுகமாக நமக்கே அந்தப் பதில் தோன்றுகிறது. ஸ்டெல்லாவும் சுபாஷிணியும் ஒருவரே..,  
ஹிரோ சுபாஷிணியை சேர்ந்து விடுவதால் அவரது கல்லூரிக் காலக் காதலை சேர்ந்து மகிழ்ச்சியான வாழ்க்கையை மீண்டும் பெறுகிறார்.  பின்னர் எதற்காக இத்தனை கதாபாத்திரங்கள் ? யோசிக்கும்போது தோன்றுவது இதுதான்

ஹீரோ கல்லூரியில் ஒரு பெண்ணை விரும்புகிறார். அவர் வேறு மதம் அல்லது சாதியைச் சேர்ந்தவர். ஹீரோ அவ்வாறு காதலிப்பதை இயக்குநர் விரும்ப வில்லை. அது மட்டுமல்லாமல் அவரது வீட்டினரும் விரும்பவில்லை. எனவே அவரது திருமணத்திற்கு ரகசிய வழியில் முட்டுக்கட்டை போடுகிறார்கள். நொந்து போன ஹீரோ மது அடிமையாகி விடுகிறார். வீட்டிலே இருந்து கொண்டு அனைவரையும் கடுப்பேற்றிக் கொண்டிருக்கிறார். ஒரு கட்டத்தில் குடும்பத்தினரே அவரை கொள்ள முடிவெடுப்பதால் அவரது தாய் அவரை வீட்டை விட்டு வெளியேற்றி விடுகிறார். அவர் தனது காதலை தேடிப் போய் மகிழ்ச்சியாக வாழ்கிறார். 


மூன்று பெண்கள் இருப்பதன் முழு காரணமும் இயக்குநரே.., ஹீரோ  சாதி மீறி ஒரு பெண்ணை காதலிப்பதாகச் சொல்ல அவர் விரும்பவில்லை. இறுதியில் சுபாஷிணியைக் கூட அவர் மணம் செய்து கொள்ளாமல்தான் வாழ்கிறார் என்பதையும் நாம் கவனிக்க வேண்டும்.

#darmaduraipsk

காதல், களவு தமிழர் பண்பாடே 3.9.16

தனக்கு பிடித்த ஒருவனைத் தானே தேர்ந்தெடுத்துக் கொண்டு தன் வாழ்க்கையை தேடிச் செல்வது என்பது பழந்தமிழர் வாழ்க்கையில் இயல்பான ஒன்றே. அதற்கான ஓர் ஆதாரம் இதோ

கழிய காவி குற்றும் கடல
வெண் தலைப் புணரி ஆடியும் நன்றே
பிரிவு இல் ஆயம் உரியது ஒன்று அயர
இவ்வழிப் படுதலும் ஒல்லாள் அவ்வழிப்
பரல் பாழ் படுப்பச் சென்றனள் மாதோ
செல் மழை தவழும் சென்னி
விண்ணுயர் பிறங்கல் விலங்குமலை நாட்டே.

குறிந்தொகை 116, கோடன் கொற்றனார் எழுதியது

கழிய – ஆறு கடலோடு சேருமிடம், மனைவி கணவனோடு சேருமிடமாகவும் கொள்ளலாம்

காவி –தாம்பூலத்தின் வண்ணம், மலர்கள் ,

குற்றும் – பறித்தும்,அரிசி குத்தும் செயலில் வரும் குத்தும் என்ற பொருளிலும் கொள்ளலாம்

கடல – கடலில் உள்ள,

வெண்டலைப் – வெள்ளைத் தலைகளையுடைய ,

புணரி ஆடியும் – அலைகளில் ஆடியும்,

நன்றே – மிக,

பிரிவு இல் ஆயம் – பிரிவு இல்லாத தோழியருடன்,

உரியது ஒன்று அயர – எல்லோருக்கும் உரிய விளையாட்டையும் புரிய,

இவ்வழிப் படுதலும் ஒல்லாள் – இந்த வழிக்கு ஒத்துக் இருக்காமல், 

அவ்வழி – அந்த வழியில்,

பரல்பாழ் படுப்பச் சென்றனள் – சிலம்பில் உள்ள கற்கள் பாழாக்கும்படி சென்று விட்டாள்.

மாதோ – அசை,

செல்மழை – செல்லும் மழைமேகங்கள்,

தவழும் சென்னி – தவழும் மலை உச்சி, 

விண்ணுயர் பிறங்கல் விலங்குமலை நாட்டே   – வானத்து அளவும் உயர்ந்த மலைகள் உள்ள நாட்டிற்கு (சென்று விட்டாள் )

.

இது ஒரு செவிலித் தாய் பாடியதாக உள்ள பாடல்.  இந்தப் பாடலை மீண்டும் ஒரு முறை படித்து இதில் உள்ள பொருட்களோடு உங்களுக்கு தோன்றும் பொருளையும் சேர்த்து படிக்கும்போது வெளிப்படும் உணர்வுகள் சுவையாக இருக்கும்.

 

இந்தப் பாடல் ஒரு செவிலித்தாயானவள் தனது மகள் காதலனோடு சென்று விட்டதை சொல்லும் வண்ணம் அமைந்த பாடல். இது போன்ற பாடல்களை பள்ளிகளிலேயே சொல்லித் தர ஆரம்பித்தால் காதல் எண்பது மிக இயல்பான ஒன்று என்பதை மிக ஆரம்பத்திலிருந்தே புகட்ட முடியும்.

ஆண்டைகளை அம்பலப் படுத்திய கே.எஸ்.ரவிக்குமார்.

முதலில் இந்தப் படத்தில் ஆண்ட பரம்பரையின் சாதியை சொல்லாமல் விட்டதற்காக கே.எஸ்.ரவிக்குமாருக்கு நன்றி சொல்ல வேண்டும். அதனால்தான் அந்த ஆண்ட பரம்பரை பற்றி நம்மால் பேச முடிகிறது.

1.நாட்டாமையில் வரும் ஆண்ட பரம்பரை பாராளும் வம்சம், பச்சை தண்ணியில் விளக்கெரியும் என்ற பில்டப் அல்லது மூட நம்பிக்கையுடன் வாழ்ந்து கொண்டிருப்பவர்கள்

2.நீதி நேர்மை, நியாயம் காப்பதையே தங்கள் வாழ்க்கையின் உன்னத லட்சியமாக கொண்டிருப்பார்கள். ஆனால் அவர்கள் வழங்கும் நீதியின் லட்சனத்தை இரண்டு கேஸ்களில் கே.எஸ்.ரவிக்குமார் கிளித்திருப்பார்.

3.எதையும் தீர ஆராயாமல் தனது தம்பி பசுபதிக்கே ஒரு தவறான தீர்ப்பை தந்து விடுவார்.

4.மனோரமாவின் மகன் செய்த தவறுக்கு குடும்பத்துக்கே தண்டனை தருவார்

5.கற்பழித்த பெண்ணை தாழ்த்தப்பட்ட சாதிப் பெண்ணை கற்பழித்தவனுக்கே திருமணம் செய்து வைப்பார்கள்.  பின்னரும் அந்த பாவப் பட்ட பெண்ணை ஊரைவிட்டே தள்ளி வைத்து தீர்ப்பு வழங்குவார்கள்.

6.தவிர தவறான தீர்ப்பை தந்து விட்டது தெரிந்ததும் உயிரை விடும்  கவுர தற்கொலை ஆசாமிகள்தான் அந்த நாட்டாமைகள் என்பதை தோலுரித்திருப்பார்.

7.வெளியில் போய் வீடு திரும்பும் கணவனுக்கு பணிவிடை செய்வதே முழுமுதல் கடமையாக வலியுறுத்துவதே நாட்டாமை குடும்பத்தார்க்கு உகந்ததாக காட்டுவார்கள்.

8.சொத்தை பிரிக்கவே பிரிக்க கூடாது என்பதில் உறுதியாக இருப்பார்கள்.

9சொத்தில்லாத தம்பிகள் என்ன செய்வார்கள் என்பதை செந்தில் ( நாட்டமையின் பங்காளி ) பாத்திரம் மூலமாக அழகாக காட்டி இருப்பார்கள்.

10.நாட்டாமையின் பங்காளியின் நடவடிக்கைகளால் மிச்சர் சாப்பிடும் ஒரு குரூப் உருவானதை அழகாக ஆவணப் படுத்தி இருப்பார்.

11.நாட்டாமை தைரியம் தந்தால் பெண்கள் தங்கள் தந்தையையே தூக்கி எரிவார்கள் என்பதை சங்கவி மூலம் ஆவணப் படுத்தி இருப்பார்.

12.தீர்ப்பு ஊருக்காக இருந்தாலும் நேரிடையாக மீற மாட்டார்கள் என்றாலும் தேவைப்படின் மறைமுகமாக மீற தயங்க மாட்டார்கள் என்பதை மனோரமாவுக்கு தண்ணீர் கொடுக்கும் காட்சியில் ஆவணப் படுத்தி இருப்பார்கள்.

13.ஊர் மக்கள் மட்டுமல்ல சொந்த தம்பிகளே அவருக்கு அடிமைதான் என்ற உணர்வில்தான் அந்த பகுதி மக்கள் அனைவரும் உருவாக்கப் பட்டிந்ததையும் ஆவணப் படுத்தி இருப்பார்.

காதலும் களவும் தமிழர் ஒழுக்கம் 31.8.16

நான் சொல்ல வருவது இந்தப் பாடலில் உள்ள செய்தி அல்ல.., இது போன்ற செய்திகளை பொதுவில் சொல்ல பழந்தமிழ் மகளிருக்கு உரிமை இருந்திருக்கிறது. என்பதே ஆகும். ஆணுக்குக்கு இருக்கும் உரிமை பெண்ணுக்கும் உண்டு என்பது புரிந்தாலே, காதலுக்காக சோகமாக சுற்றுவதும் காதலிக்க மறுத்தவளை கொல்வதும் தவிர்க்கப் பட்டுவிடும்.


யாரும் இல்லை தானே கள்வன்
தான் அது பொய்ப்பின் யான் எவன் செய்கோ
தினைத்தாள் அன்ன சிறு பசுங்கால
ஒழுகு நீர் ஆரல் பார்க்கும்
குருகும் உண்டுதான் மணந்த ஞான்றே.

இது கபிலர் எழுதிய பாடல், குறுந்தொகை 25
குறிஞ்சித் திணை அதாவது புணர்தலும் புணர்தல் நிமித்தமுமான பாடல்கள் இந்த குறிஞ்சித் திணையில் வரும்.

//யாரும் இல்லை தானே கள்வன்//
அந்த நிகழ்ச்சி நடக்கும்போது யாரும் இல்லை. தானே கள்வன் என்று சொல்வதால் அவன் திருடிவிட்டான் என்று பொருள் கொள்ளலாம். என்ன திருடிவிட்டான். குறிப்பாக சொல்லாததால் நாயகியின் அகம், அல்லது புறம் என்று நமக்கு வசதியாக பொருள் கொண்டு விடலாம்.


//
தான் அது பொய்ப்பின் யான் எவன் செய்கோ//
நான் நெனச்சது பொய்யாக போனால் யார் என்ன செய்ய முடியும்?


//தினைத்தாள் அன்ன சிறு பசுங்கால
ஒழுகு நீர் ஆரல் பார்க்கும்
குருகும் உண்டுதான்// திணைப் பயிரின் தாள் மாதிரி சின்ன பசுமையான(இளமையான அப்படி எடுத்துக்கலாமா) காலில் ஒழுகும் நீர்... ஆரல் பார்க்கும் குருகும்..,, ஆரல்- ஒரூ வகை மீன் குருகு அப்படின்னா குருத்து..,அதாவது மீனைப் பார்க்கும் குருத்து.



//குருகும் உண்டுதான் மணந்த ஞான்றே.//
இந்த மேட்டர்ல்லாம் திருமணம் நாளிலிருந்தே


இதையெல்லாம் திரும்ப ஒருமுறை துவக்கத்திலிருந்து மீண்டும் ஒருமுறை படித்துப் பார்த்து. உங்களுக்குத் தோன்றும் பொருளை எடுத்துக் கொள்ளலாம்.
நான் சொல்ல வருவது இந்தப் பாடலில் உள்ள செய்தி அல்ல.., இது போன்ற செய்திகளை பொதுவில் சொல்ல பழந்தமிழ் மகளிருக்கு உரிமை இருந்திருக்கிறது. என்பதே ஆகும். ஆணுக்குக்கு இருக்கும் உரிமை பெண்ணுக்கும் உண்டு என்பது புரிந்தாலே, காதலுக்காக சோகமாக சுற்றுவதும் காதலிக்க மறுத்தவளை கொல்வதும் தவிர்க்கப் பட்டுவிடும்.
#kadhalpsk

பாட்ஷா பார்த்துக் கொண்டிருக்கிறீர்களா?

இப்போது சன் டிவியில் பாட்ஷா படம் ஓடிக் கொண்டிருக்கிறது.  இந்தப் படம் இந்தியில் வந்த ஹம் படத்தில் தழுவல் என்பார்கள். இரண்டு படங்களுக்கும் இடைப்பட்ட வித்தியாசங்களை படிக்க இந்த இடத்தை கிளிக் செய்து படித்துப் பாருங்கள்.


சாம்பிள் வரிகள் சில

///////////////////////சத்யா மூவீஸாரின் படத்தில் ரஜினிதான் ஹீரோ என்றாலும் ஹம் படத்தில் ரஜினி ஹீரோ அல்ல. பாஷாவில் தம்பியாக ஒரு போலீஸ் வருவாரே அந்தப் பாத்திரம்தான் ரஜினிக்கு. நீங்க யாரு.., பம்பாயில என்ன பண்ணிட்டு இருந்தீங்க என்று ரஜினியைப் பார்த்து பேசுவது போல ரஜினி அந்தப் படத்தில் இவர் பேரு டைகர், பம்பாயில் ஒரு கிரிமினல் என்றுஅமிதாப்பைப் பார்த்து பேசுவார். அவ்வளவுதான். இத்தனைக்கும் இந்தப் படம் 1991ல் வந்திருக்கிறது. 91ல் தளபதி, மன்னன் என்று பட்டையை கிளப்பிக் கொண்டிருந்தார். அதற்கு முன்னாலும் கூட மாப்பிள்ளை, பணக்காரன் என்று எல்லாமே ஹிட்டோஹிட்தான்.  ராமராஜன், மைக் மோகன், டி.ஆர். பாக்கியராஜ் போன்ற வெள்ளிவிழா குரூப்ஸ் தங்கள் கடையை காலி செய்து கொண்டிருக்கும்போது, டெண்டுல்கர் போல நின்று நிலையாக ஹிட்களைக் கொடுத்துக் கொண்டு  தான் ஒரு உண்மையான சூப்பர் ஸ்டார் என்பதை நிரூபித்த ஆண்டு அது. அந்த ஆண்டில் அப்படி ஒரு படத்தில் ரஜினி நடித்திருக்கிறார் என்றால் அதற்கு ஒரே ஒரு காரணம்தான் இருக்க முடியும்./////////////////  

HUM- திரை விமர்சனம்.

ஹம் படம் தமிழ்நாட்டு மக்களுக்கே பரிச்சயம் ஆன ஒரு படம். இந்தப் படத்தை அடிப்படையாகக் கொண்டு சத்யா மூவிஸ் எடுத்த படம். அந்தப் படத்தின் வெற்றி விழா . அதைத் தொடந்து சத்யா மூவிஸ் நிர்வாகிக்க்கு ஏற்பட்ட பிரச்ச்னைகள் போன்றவை தமிழ்நாட்டுக்கே அந்த ஆண்டு பிஸியாக அமைய வைத்தன.

சத்யா மூவீஸாரின் படத்தில் ரஜினிதான் ஹீரோ என்றாலும் ஹம் படத்தில் ரஜினி ஹீரோ அல்ல. பாஷாவில் தம்பியாக ஒரு போலீஸ் வருவாரே அந்தப் பாத்திரம்தான் ரஜினிக்கு. நீங்க யாரு.., பம்பாயில என்ன பண்ணிட்டு இருந்தீங்க என்று ரஜினியைப் பார்த்து பேசுவது போல ரஜினி அந்தப் படத்தில் இவர் பேரு டைகர், பம்பாயில் ஒரு கிரிமினல் என்றுஅமிதாப்பைப் பார்த்து பேசுவார். அவ்வளவுதான். இத்தனைக்கும் இந்தப் படம் 1991ல் வந்திருக்கிறது. 91ல் தளபதி, மன்னன் என்று பட்டையை கிளப்பிக் கொண்டிருந்தார். அதற்கு முன்னாலும் கூட மாப்பிள்ளை, பணக்காரன் என்று எல்லாமே ஹிட்டோஹிட்தான்.  ராமராஜன், மைக் மோகன், டி.ஆர். பாக்கியராஜ் போன்ற வெள்ளிவிழா குரூப்ஸ் தங்கள் கடையை காலி செய்து கொண்டிருக்கும்போது, டெண்டுல்கர் போல நின்று நிலையாக ஹிட்களைக் கொடுத்துக் கொண்டு  தான் ஒரு உண்மையான சூப்பர் ஸ்டார் என்பதை நிரூபித்த ஆண்டு அது. அந்த ஆண்டில் அப்படி ஒரு படத்தில் ரஜினி நடித்திருக்கிறார் என்றால் அதற்கு ஒரே ஒரு காரணம்தான் இருக்க முடியும்.


அதற்கு முந்தைய சில வருடங்களில் அமிதாப் பச்சனின் படங்கள் வரிசையாக வெற்றியடையாமல் போயின. அமிதாப்பின் வெற்றிப் படஙக்ள் பலவும் ரஜினியால் ரீமேக் செய்யப் பட்டு இங்கு  ஹிட் ஆனவை. தவிரவும் ரஜினி, கமல் ஆகியோர் இந்தியில் நுழைந்த போது அந்தப் படங்கள் ஒரு துவக்கம் கொடுப்பதற்காக அமிதாப் நடித்துக் கொடுத்திருக்கிறார்.  90களில் ரஜினிக்கு தென்னிந்தியா முழுவதுமே ஒரு மார்க்கெட் இருந்தது. நம்பினால் நம்புங்கள் 94- 95 களில் பல தெலுங்கு படங்கள், வெறுமனவே ரம்பாவையும், ரம்யா கிருஷ்ணனையும் நம்பி இங்கு கல்லா கட்டியுள்ளன. இது இல்லாமல் சிரஞ்சீவி, விஜ்யசாந்திக்கெல்லாம் இங்கு தனி மார்க்கெட்டே உண்டு. அதே கணக்கில் பார்த்தால் ரஜினி நடித்திருப்பது தென்னிந்திய சிறு நகரங்களில் ஒரு நல்ல துவக்கத்தையே கொடுத்திருக்கும். இதில் அமிதாப்பிற்கு ஜோடி இருக்கு ஆனால் இல்லை.. அப்போதைய இளைஞன் கோவிந்தாவும் அதில் நடித்திருப்பார்.

இந்த படத்திற்கு பிற்கு நிஜமாகவே அமிதாப் ஒரு ஓய்வு எடுத்தார். அதுவரை இதுதான் கடைசி, இதுதான் கடைசி என்றே சொல்வார்கள். ஆனால் அடுத்த படம் வரும். இந்தப் படம் ஓரளவு ஹிட்தான். அமிதாப்பும் ஓய்வு எடுத்தார். அந்த ஹிட்டுக்கு உதவுவதற்காக ரஜினி இந்தப் படத்தில் நடித்துக் கொடுத்ததாகவே எனக்குத் தோன்றுகிறது.

=======================================================================

கதைன்னுப் பார்த்தா ஒரு வரிசையில் சொல்லலாம் மூன்று அண்ணன் தம்பிகள். ஒரு குடும்பப்பாட்டு கிளைமாக்ஸ் காட்சியில் அந்தப் பாட்டைப் பாடி எல்லோரும் ஒன்று சேர்வார்கள்.  யதோன் கி பாரத் என்ற பெயரில் வந்த படம். அதில் அண்ணன் தம்பிகள் ரயிலில் பிரிவார்கள். இதில் மூவரும் சேர்ந்தே ஏறிவிடுவார்கள். அதனால் பிரியவெ மாட்டார்கள். கிளைமாக்ஸில் வில்லன் கட்டி வைத்த பின்னர் குடும்பப் பாட்டை பாடி சேர்ந்து விடுவார்கள்.  இது போலவே  அண்ணன் தம்பிகள் கடைசி வரையில் பிரியாமல் நின்று படம் முடிந்த பின் குடும்பப் பாட்டு பாடுவார்கள் விஜய காந்த் நடித்த வானத்தைப் போல படத்தில் ., அதையும் கூட இந்தப் படத்தின் ரீமேக் என்று சொல்லலாம். ஆனால் ஏனோ சொல்லவில்லை

==============================================================
பாஷா இந்தியில் மீண்டும் ரீமேக் செய்யப் பட்டு அங்கும் நன்றாக ஓடியதாகச் சொல்கிறார்கள். அந்த அளவு ஹம் மிலிருந்து பாஷா மாற்றப் பட்டுள்ளது.

இந்தியில் இந்த ஃப்ளாஷ் பேக் அதனுள் ஒரு ஃப்ளாஷ் பேக் என்றெல்லாம் கிடையாது. சீரான வரிசையாகக் காட்சிகள்தான்.   டைகர் (அவர்தாம் மாணிக் பாஷா) ஒரு கோபக் கார இளைஞர் .அவரது நண்பர்  கோன்சால் கண்ணாடி போட்ட இன்னொரு இளைஞர். இவர்கள்  மும்பை தாதா பாக்தாவர் (நம்ம ஆண்டணி)ஐ  எதிர்கிறார்கள்.  கோன்சாலின் சகோதரி ஜும்மா ஒரு நடனமாது. அவரோடு டீ கப் வைத்துக் கொண்டு ஒரு குத்துப் பாடல் இரண்டு முறை இருக்கிறது.



 டைகரின் அப்பா , மாணிக்கத்தின் அப்பாவைப் போலவே வில்லனிடம் வேலை பார்க்கிறார். டைகரின் அப்பாவுக்கும் இரண்டாம் தாரம் உண்டு. இரு மகன்கள்.  டைகரின் நண்பரைக் கொல்ல, டைகர் கொதித்து எழ  டைகரை காப்பாற்ற டைகரின் அப்பாவும் மாற்றாந்தாயும் பலியாகிறார்கள். கொதித்தெழுந்த டைகர் பாக்தாவாரின் சாம்ராஜ்யத்தை சூரையாடி விட்டு பாக்தாவரை கொல்லப் போகும்போது அங்கொரு டேஞ்சர் காமெடி போலீஸ் அனுபம் கேர் வந்து டைகரை போகச் சொல்லி விடுகிறார். வில்லனின் வீட்டை சூறையாடி விட்டு. அந்த ஊர் ஆண்டனியின் மனைவி குழந்தையை கொன்று விடுகிறார்.

டேஞ்சர் காமெடி போலிஸ் டைகர் ஒரு கெட்டவன் என்று அலுவலக குறிப்பு எழுதி வைத்து விட்டு தொழிலதிபராக செட்டில் ஆகி விடுகிறார். டைகர்தான் வில்லனின் வீட்டைக் கொள்ளையடித்துவிட்டு மனைவி குழந்தையை கொன்றதாக கதை பரப்பி விடுகிறார்.

டைகர் ரயிலில் பாம்பேயை விட்டு வெளியெறுகிறார், அவரது தோழியோடும் சின்னத் தம்பிகளோடும் ஓடும் ரயில் ஏறுகிறார். எல்லோரும் ஏறிய பின் உனது பழைய வாழ்க்கை எதுவும் வேண்டாம். நீ உன் தம்பிகளிடம் முழு அன்பைச் செலுத்து என்று சொல்லி விட்டு ஜும்மா நின்று விடுகிறார்.


கொஞ்சம் மொக்கையாகத் தெரிகிறதா?  அதனால்தான் சத்யா மூவீஸ் கதை இலாகா பிச்சுப் பிச்சு ஃபிளாஷ்பாக் ஆக்கியிருக்கிறார்.



அடுத்த காட்சியில் நேராக ஊட்டிக்கு வந்து விடுகிறார்கள்.  பெரிய தம்பி நல்லா படிச்சு இன்ஸ்பெக்ட்ராகி கல்யாணம்  ஆகி நன்றாக பாட்டுப் படிக்கக் கூடிய பெரிய சைஸ் குழந்தை ஒன்றும் இருக்கிறது.  ஃப்ளாஷ் பாக்கில் அவரை விட ச்ற்றே சின்னப் பையனாக இருக்கும் சின்னத்தம்பி கல்லூரி மாணவனாகவே  இருக்கிறார். மக்குப் பையன் ப்போல..

வீட்டில் ஒவ்வொருவரும் அவரை விரட்ட பம்பரமாய் சுற்றி வேலை செய்கிறார். அந்த வேகத்தில் அவர் கீழே விழுகிறார். விழுந்த உடன் இந்தக் குடும்பத்தின் வேகத்திற்கு என்னால் ஈடு கொடுக்க முடியவில்லை என்று கூறி அழுகிறார். உடனே  குடும்பப் பாட்டைப் பாடி சமாதானப் படுத்துகிறார்கள்.



சின்னத் தம்பி  கோவிந்தா ஒரு பெண்ணைக் காதலிக்க பெண்ணின் தந்தையின் விருப்பத்திற்கேற்ப ஒரு மிலிட்டரிக்காரராக வேடமிட்டு அமிதாப் குடும்பட்த்துடன் செல்ல குட்டு  வெளிப்பட   பெண்ணின் வீட்டில் அவரை த் துப்புகிறார். உடனே ரஜினியின் மனைவியாக வரும் பெண் ஐந்து விரல்களையும் காட்டி குடும்பப் பாட்டை ப் பாடுகீறார்.



இதே மாதிரி தங்கையின் திருமணத்திற்காக ரஜினி பேசும்போது அவர்து மாற்றாந்தாய் ரஜினியைப் புகழ்ந்து பேசுவார். ரஜினி எல்லாத்தையும் விட்டு கொடுப்பதாகப் பேசுவார். இதில் பெரிய தம்பியின் மனைவி கூட்டுக் குடும்பத்தைப் ப்ற்றியே பேசுவார்.


அப்படியே படம் செல்ல மெயின் வில்லன் வெளியேறி வருகிறார். உடைந்து போன தன் வீட்டைப் பார்த்து விட்டு டைகரைத்தேட ஆள் அனுப்புகிறார்.  கடைசியில் ஊட்டி வீட்டைக் கண்டு பிடித்து விடுகிறார்கள்.

ரஜினியின் மனைவிக்கு உடல் நிலை சரியில்லை என்று மாமியாருக்கும், மாமியாருக்கு உடல் நிலை சரியில்லை என்று இவர்களுக்கும் தந்தி வருகிறது.

ரஜினியின் மனைவி, குழந்தையை வில்லன் கடத்தி, தனது உடைந்து போன பழைய வீட்டில் அடைத்து வைக்கிறார். அமிதாப் வீட்டிற்கு ஃபோன் செய்து டைகரைக் கேட்கிறார். ரஜினிக்கு பழசெல்லாம் தெரியாததால் கோன் டைகர் என்று சொல்லி ஃபோனை கட் செய்கிறார்.   ரஜினியின் மனைவி மற்றும் குழந்தையைத் தேடி பெங்களூருவுக்குச் செல்கிறார்கள். இருவரையும் விசாரிக்கும்போது ஒரு டிரைவர் தவறாகப் பேச அமிதாப் கொதித்தெழுந்து அவனைப் புரட்டி விடுகிறார். அதற்கு ஈடாக தமிழில் ரஜினிக்கு கோபம் வரும் காட்சி  படும் பயங்கரமாக இருக்கும்.


அமிதாப் டைகரைப் பற்றி தெரிந்த தன் கடந்த கால நண்பர்களுடன் ஃபோன் செய்ய  ஜும்மா பெங்களூரில் இருப்பது தெரிய வருகிறது. அவரைப் பார்க்க போகிறார். இந்தக் காட்சி வரை படம் வானத்தைப் போல படம் மாதிரியே ஒரு திகிலுடன் தான் செல்கிறது. அந்த ஷூட்டிங் ஸ்பாட்டை அடைந்த உடன் இந்தக் காட்சி வருகிறது.



ஜும்மா பழைய பாடல் ஒரு குஜாலாகப் பாடுகிறார்.  படம் அப்படியே கமர்ஷியல் ஆக்‌ஷன் த்ரில்லராக மாறுகிறது. இந்த நிலையில் ரஜினிக்கு திரும்பவும் ஃபோன் வருகிறது. உன் அண்ணந்தான் டைகர் என்று சொல்கிறது. உடனே அவர் பழைய ஃபைல்களை எடுத்துப் பார்க்கிறார். அதில் இன்ஸ்பெக்டர் கிரிதர் அவரைப் பற்றி தப்பும் தவறுமாக எழுதி இருப்பதை படித்து விட்டு வருகிறார்.  வீட்டிற்கு நுழைந்த உடன் அமிதாப்பை இவர் ஒரு பயங்கர ரவுடி என்று வீட்டிற்குள் திட்டுகீறார்.

இந்தக் காட்சியில் அவர் ஒரு இன்ஸ்பெக்டர் என்பது நினைவுக்கு வந்து துப்பாக்கியைக் காட்டி அண்ணனை கைது செய்யப் பார்க்க சின்னத் தம்பி குறுக்கே பாய்ந்து தடுக்க அண்ணன் தப்பிச் செல்ல இணைந்த கைகள் எதிரும் புதிருமாக மாறுகின்றன. அமிதாப் தப்பிச் சென்றவுடன் ஜும்மா பேச ஆரம்பிக்கிறார். தம்பிகளுக்காக அவர் வாழ்க்கையையே தியாகம் செய்ததையும், அதுவும் மாற்றாந்தாய் வழித் தம்பிகள் என்பதையும் எடுத்துச்சொல்கிறா. உடனே ரஜினி திருந்தி விடுகிறார். கதையின் பிற்பகுதி ரஜினியின் மனைவி குழந்தையைச் சுற்றி வந்தாலும் இந்தக் கதாபாத்திரம் 1991ம் ஆண்டு ரஜினிக்கானது அல்ல.   கொஞ்சம் யோசித்துப் பார்த்தாலே தெரியும் உண்மை. மார்க்கெட்டிங்கிற்காக நடித்துக் கொடுத்தது போலவே இருக்கிறது.


அதற்குள்  அமிதாப் வில்லனின் இடத்திற்குள் சென்று விட ரஜினியின் குடும்பத்தை வெடி குண்டால் கட்டி வைத்து அவரைச் சுற்றி பெரிய அடியாள் படையுடன் வில்லன் நிற்கிறார். வழக்கம்போல உரத்த குரலில் அமிதாப் பேசுகிறார். சண்டை உனக்கும் எனக்கும்தான் . உன் குடும்பத்தை நான் ஒன்றும் செய்யவில்லை என்று பாஷா போலவே பேசுகிறார். குடும்பத்தைக் கொன்றது. சூரையாடியது எல்லாம்  இன்ஸ்பெக்டர் கிரிதர்தான் என்று சொல்கிறார். அதை உறுதி படுத்துவதற்காக சிரிப்பு போலீஸ் கிரிதர் ஹெலிகாப்டரில் வந்து அத்தனை அடியாட்களை மெஷின் கன் வைத்து சுட்டுவிட்டு படத்தின் முக்கிய வில்லனாக பிரமோசன் பெறுகிறார்.  சகோதரர்கள் பாட்டுப் பாடிவிட்டு ஒருவரை ஒரு கட்டிப் பிடித்துக் கொள்கிறார்கள். அப்படியே ரஜியின் மனைவியைத் தூக்கி தண்ணீருக்குள் போட்டு விடுகிறார்கள்.  சண்டை நடக்கிறது.  கடைசியில் ராணுவம் வருகிறது.  பழைய வில்லன் புதிய வில்லன்மேல் வெடிகுண்டினை மாட்டிவிட பாஷா போல அமிதாப் தலைமேல் அவரைத் தூக்கி இவர் போல போடுகீறார். வெடிகுண்டு வெடித்து வில்லன்கள் சாக  இவர்கள் எல்லோரும் ஒன்று சேருகிறார்கள். சுபம்.


படத்தின் முக்கிய வித்தியாசம் என்னவென்றால் டைகர் ஒரு சராசரி கோபக்கார இளைஞர்.  பாஷா அதிபயங்கர சக்திவாய்ந்த கடத்தல் மன்னன்.

மற்றபடி சிரிப்பு போலீஸ்- கேசவன், கோவிந்தா யுவராணி அப்படி இப்படி என்று சின்ன சின்ன மாறுதல்தான்.


வில்லனின் பெண்ணை தூக்கிக் கொண்டு போய் வளர்ப்பதாக சின்ன வயதில் ஏதோ ஒரு படத்தில் பார்த்த நினைவு. ஆனால் ஹம்மில் தாய் மகள் இருவரையும் கொன்று விடுகிறார். அது எந்த படம் என்று இல்லை.

ஜும்மா பாத்திரத்தை ஃபிளாஷ்பாக் காட்சிகளில் தமிழ்படத்தில் காட்டவேவில்லை . ஃப்ளாஷ்பாக்கிலும் நக்மா வந்திருந்தால் ரசிகர்கள் குழம்பாமல் இருந்திருப்பார்கள். படத்தின் பிற்பகுதியில் வரும் ஜும்மா நக்மா போலத்தான் இளமையாக இருக்கிறார்,.

கல்யாண சமையல் சாதம்- ஏ கிளாஸ்

டிஸ்கி:- முன்னொரு காலத்தில் முத்துராமன் மஞ்சுளா நடிப்பில் மறுபிறவி என்றொரு படம் வந்தது. 1995-98ல் சன் டிவியை இரவு 12க்கு மேல் பார்த்த ரசிக கண்மனிகளுக்கு அந்தப் படம் ரொம்பவும் பரிச்சயம். அடுத்த கட்டத்தில் கார்த்திக் ராதா நடிப்பில் வாலிபமே வா வா என்றொரு படம். அதுவும் பிரபலம்தான்.  இப்போது அடுத்த காலகட்டம். அதே போன்றதொரு கதை. ஆனால் கவுதம் கார்த்திக் நடிக்கவில்லை. பிரசன்னா நடித்து இருக்கிறார். அந்தப் படம் தான் கல்யாண சமையல் சாதம்.


முதலில் இந்தப் படம் ஆகா போன்றதொரு படம்போல என்ற எண்ணம் மனதில் இருந்தது. ஒரு சுபயோக சுபதினத்தில் தயிர் சாதம் மட்டும் சாப்பிடும் எண்ணத்தில் படம் பார்க்க ஆரம்பித்தவனுக்கு ஓப்பனிங்கே ஒரு இன்ப அதிர்ச்சிதான்.  பொண்ணு உட்கார்ந்துட்டா, ஓ உட்கார்ந்துட்டாளா..., நானும்தான் உட்கார்ந்துட்டேன் என்று ஆரம்பித்து,  if u want to talk, first learn WHISPER, உடனே ஒரு கெக்கெபிக்கே சிரிப்பு என்று டைட்டில் போடுகிறது.

முதல் படத்தில் கல்யாணத்திற்கு பிறகு முத்துராமனுக்கு அதில் ஒரு பலஹீனம் தென்படும். அவரது மனைவி தனது தளராத முயற்சியால் அதை சரிசெய்வார்.

இரண்டாவது படத்தில் சுற்றுலா சென்ற இடத்தில் ராதா போடும் சண்டை, மற்றும் கார்த்திக்கின் ஃபேவரிட் குத்துச் சண்டை வீரரின் மேல் திணிக்கப் படும் சதியின் காரணமாக கார்த்திக் தானும் ஒரு பலவீனமான மனிதரோ என்று வீட்டைவிட்டு ஓட கிளைமாக்ஸில் ராதா தானே களத்தில் இறங்கி, அவரும் வெற்றி பெற்று கார்த்திக்கையும் வெற்றியடையச் செய்வார். அவர்கள் இருவரும் வெற்றி யடைந்ததை அவர்களது சொந்தக் காரர்கள் வரிசையாக வந்து பார்த்து மகிழச்சியடைந்து செல்வார்கள்.

இந்தப் படத்தில் என்னவென்றால் முழுக்க முழுக்க ஒரு அரேஞ்சுடு மேரேஜ். பார்த்ததும் நாயகியிடம் விழுந்து விடுகிறார். ஹீரோ .   அவரது தாசானுதாசன் ஆகி விடுகிறார்.  திருமணத்துக்கு முன்பே ஒரு முயற்சித்துப் பார்க்க்க ..........., முயற்சி தோல்வி அடைகிறது.    இந்த முயற்சிக்கு முன்னால் சில டயலாக்குகள்,, இப்பெல்லாம் கல்யாணத்துக்கு முன்னாடிய மக்கள் களத்தில் இறங்கிடறாங்க,, இன்னும் சிலர் கல்லூரியின் போதே.., நீ அப்படி இல்லையில்ல என்று......  அதாவது ஹீரோ ஹீரோயின் சுத்தமானவங்களாம்........., 


இந்த இடத்தில்தான்  பழையகால விமர்சனங்கள் சில நினைவுக்கு வ்ந்தன. சில நேரங்களில் சில மனிதர்கள், அரங்கேற்றம் போன்ற சில ப்டங்கள் பற்றிய பேச்சுவந்த போது அந்த ப் படத்தின் நாயகிகள் எல்லாம் குறிப்பிட்ட சமூகத்தைச் சேர்ந்தவர்களாக படைப்பக்கப் பட்டிருப்பார்கள்,  அதற்காக சிலர் கொதித்துக் கொண்டிருந்தார்களாம். அப்போது படைப்பாளிகளால் சொல்லப் பட்ட ஒரு விளக்கம். பொதுவாக நாயகி கெட்டுப் போகிறார் என்றால் அவர் சுத்தமானவர் என்பதை மக்களிடம் காட்டவேண்டுமாம். இயல்பான கதாநாயகி கெட்டுப் போகிறார் என்றால் மக்களிடம் அதிர்ச்சி எதுவும் வராதாம். அதனால் குறிப்பிட்ட சமூகத்தைச் சார்ந்த கதாநாயகியைக் காட்டுவார்களாம். அவர்கள் கெட்டுப் போனால் பார்ப்பவர்களுக்கு ஒரு அதிர்ச்சி உருவாகுமாம. ஒரு வேளை அதே தியரிதான் இங்கு உபயோகப் படுத்தப் பட்டு நாயகனையும் நாயகியையும் குறிப்பிட்ட சமூகத்தில் காட்டுகிறார்களா என்ற சந்தேகம் கூட எழுகிறது.

நாயகி மனதளவில் நாயகனுக்கு சப்போர்ட்டாக இருக்கிறார்.  மறுபிறவியில் திருமணம் முடிந்து விட்டதால் மஞ்சுளா தனது கணவனை மீட்டெடுக்க கண்டபடி போராடுவார். பார்க்கும் நமக்கு தண்ணீரே வந்துவிடும் கண்களில்.



வாலிபமே வா வாவில் கார்த்திக்கின் போராட்டம்தான் படம் முழுவதும் ராதாவின் அதிரடி கிளைமாக்ஸில்தான்.  கிளைமாக்ஸ் முடிந்ததும் அவர்களின் சொந்தக்காரர்கள் பார்த்து சந்தோசப் படுவதுபோல் நாமும் சந்தோஷப் படுவோம்.



 இதில் கல்யாணம் ஆகவில்லை. தவிரவும் இவர்கள் சுத்தமானவர்கள். அதனால் அவருக்கு முழு அளவில் ஆதரவு கொடுக்கிறார் மனதளவில்.  பல இடங்களில் உட்கார்ந்து இது பற்றிப் பேசுகிறார்.

கோபத்தில் மாப்பிள்ளை ஒரு புஸ்ஸூ என்று சொல்லுவிட்டு ஹீரோ வருத்தப் படுவாரோ என்று இவர் வருத்தப் படுகிறார். மாப்பிள்ளைக்கு இப்படி ஒரு பிரச்ச்னை இருப்பது தெரிந்தும் மாமனார் திருமணத்தை தொடர்ந்து நடத்துகிறார். வாழ்க அந்த மாமனார்.   இணையத்தில் பார்த்து தெரிந்து கொள்வதற்குக்கூட பிரசன்னா அவ்வளவு கூச்சப் படுகிறார். அந்த அளவுக்கு அவர் நல்லவராம்.  இவ்வாறாக பிரச்சனையை எப்படி சரிசெய்வது என்பதிலேயேபடத்தை கொண்டு போகிறார்கள். கடைசியில் அவருக்கு எப்படி சரியானது என்பது தெரியாமலேயே சரியாகிவிட்டதாகச் சொல்கிறார்கள்.

நீங்களும் ஆகலாம் அர்விந்த் கஜ்ரிவால்

ஆம் ஆத்மி கட்சி பெற்றுள்ள வாக்குகள் இன்றைய இளைஞர்களுக்கு ஓர் ஆச்சரியத்தைக் கொடுத்திருக்கும். ஊழலுக்கு எதிராக அவதாரம் எடுத்திருக்கும் கட்சியாக துடைப்பம் கொண்டு துடைக்கக் கூடிய பொருளாக ஊழலை கற்பனை செய்து கொண்டுள்ள மக்களுக்கு ஆம் ஆத்மி ஒரு அவதாரமாகவே தோன்றும். அவர்களிடம் ஊழலை கழுவி சுத்தம் செய்யக்கூடாதா, எரித்து சுத்தம் செய்யக்கூடாதா என்பதெல்ல இந்த இடுகையின் நோக்கம்,  ஆம் ஆத்மியின் வெற்றியில் நமக்கு தெரியும் செய்தி என்ன? என்பதுதான்.

அஸ்ஸாம் கனபரிசத் கட்சியின் வரலாறு தெரியாதவர்களுக்கு இது ஆச்சரியமாக இருக்கலாம்.  ஆனானப் பட்ட அஸ்ஸாம் கனபரிசத் கட்சியே இப்போது பத்தோடு பதினொன்ரு எண்ணும்போது மற்றவர்களைப் பற்றி பேச வேண்டியதே இல்லை.

கஜ்ரிவால் போல திட்டம் போட்டால் யாவருமே வெற்றியை நோக்கிப் போக முடியும்.  கஜ்ரிவால் நினைத்திருந்தால் அகில உலக தேசிய கட்சியை ஆரம்பித்திருக்க முடியும். ஆரம்பித்து ஐந்து மாநில தேர்தல்களில் ஒரு கலக்குக் கலக்கி ஒரு விஜய காந்த் ஆகவோ அல்லது ஒரு சிரன்சீவி ஆகவோ மாறி இருக்கலாம். ஆனால் அவர்கள் டெல்லியில் மட்டும் தனது வேட்டையைக் காட்டி ஒரு சூப்பர் ஹீரோவாக மாறிவிட்டார். 

சமுதாயத்தை ஊழலற்றதாக மாற்ற நினைக்கும் மக்கள் நம் ஊரில் கூட மாநகராட்சி அளவில், நகராட்சி அளவில் கட்சி அல்லது கட்சி போன்ற அமைப்பை ஆரம்பிக்கலாம். உள்ளூரிலேயே ஆயிரக் கணக்கில் பிரச்சனைகள் இருக்கின்றன.  மாநகராட்சி போன்ற அமைப்புகள் நினைத்தால் அதிலுள்ள மக்கள் பிரதிநிதிகள் நினைத்தால் மிக்ச் சிறப்பான நிர்வாகத்தை தரமுடியும்.

முழுநேர அரசியலில் ஈடுபடும் அளவிற்கு வசதி இருப்பவர்கள் அவரவர் ஊர்களில் ஒன்று சேர்ந்து ஒரு கட்சி ஆரம்பியுங்களேன். இன்று ஒரு சில பிரதிநிதிகளின் வருமானத்தைப் பார்த்திருப்பீர்கள். அதில் பாதி அளவுக்கு மக்களுக்கு செலவு செய்தாலே மக்கள் உங்களை தலையில் தூக்கி வைத்து கொண்டாடுவார்கள்.

சச்சினை வீழ்த்திய பிபாசா பாசு

டிஸ்கி:- இது கொஞ்சம் காலதாமதமாக வந்த இடுகையாக இருந்தாலுன் கூட இப்போது அலசுவது என்பது கொஞ்சம் நடுநிலையாக இருக்கும் என்றே நினைக்கிறேன்.

சச்சின் ரசிகர்களால் அப்படி இப்படி பேசப்பட்டாலும்  உண்மையில் வெளியான போது தோல்வியான திரைக்கதை அது. சச்சின் வெளியான போது நான் திரைப் படம் பார்க்காமல் இருந்த காலகட்டம் தவிர அப்போது பிளாக்கர் எல்லாம் இருந்ததா என்றும் தெரிய வில்லை. நானும் களத்தில் இல்லை.

 சமீபத்தில்தான் எனக்கு இந்தப் படம் பார்க்கும் வாய்ப்பு கிடைத்தது. விஜய் ரசிகர்கள்  சிறப்பாகவே சொல்லியிருந்ததால் நானும் நல்ல எதிர்பார்ப்புடந்தான் பார்க்க ஆரம்பித்தேன்.  படம் பார்த்தபின் அது ஒரு படத்துக்கான எல்லா விஷயங்களுடந்தான் இருந்தது. இருந்தாலும் படத்தின் தோல்விக்கான் காரணத்தை அலசியபோது சில் விஷயங்கள் வெளிப்படையாகவே தெரிந்தன.


1.இது போன்ற ஜனரஞ்சகமான படத்துக்கு ஏ சர்டிஃபிகேட் அனாவசியம். குறிப்பாக அதைத் தவிர்த்திருக்க வேண்டும்.  முக்கியமாக குஷி மும்தாஜ் கதாபாத்திரத்திற்கு அந்த வயோதிக தோற்றம் உடைய பிபாசா அம்மையார் தேவையே இல்லை. அதுவும் கல்லூரி முடிய 30 நாட்கள் இருக்கும் நிலையில் நடனப் பயிற்சி எல்லாம் செய்யும் செய்யும் பெண்மணி தேவையே இல்லை.


2.குஷி வெற்றியடைந்திருந்த சில வருடங்கள் வெளிவந்த திருடா திருடியும் வெற்றி என்பது குறிப்பிடத்தக்கது.  இரண்டும் ஈகோ அடிப்படையில் வெளிவந்த படங்கள் என்பதும் குறிப்பிடத்தக்கது.  திருடா திருடிக்கும்  எம்ஜியாரின் அன்பே வாவுக்கும் உள்ள தொடர்பு ரீமேக் லேபிளை சுண்டி தெரிந்து கொள்ள முடியும். இந்தப் படத்திலும் சரோஜா தேவி சொல்லும் அதே காரணத்தை ஜெனிலியா கிளை மாக்ஸில் சொல்லுகிறார்.   இந்தப் படத்தை குஷி பார்ட் 2 என்றே ரிலீஸ் செய்து இருக்கலாம்.

3.இது போன்ற படங்களுக்கு நல்ல காதல் பாடல்கள் அவசியம். இந்த படத்தில் அவை சுத்தமாக மிஸ்ஸிங்.  ஒருவேளை நல்ல பாடல்கள் இருந்திருந்தால்  இந்தப் பாடல்களும் ஹிட் அடித்திருக்கும்.



4. அந்தப் படம் வந்த போது நாயகி தேர்வைப் பற்றியும் குறை சொல்லி பத்திரிக்கைகளில் எழுதியதாக நினைவு. ஒரு வேளை படம் வெற்றி பெற்றிருந்தால் ஜெனிலியாவை சரியான தேர்வு என்று சொல்லி இருப்பார்கள். இப்போது பார்க்கும்போது பாத்திரத்தில் அவர் சரியாகத்தான் பொருந்தி இருப்பதாகத் தோன்றுகிறது.


மொத்தத்தில்  மிக லேசான சருக்கல்களால் மிகப் பெரிய வெற்றிப் படமாக வந்திருக்க வேண்டிய படம் தூங்கி விட்டதாகவே தோன்றுகிறது. சருக்கல்கள் இருந்தாலும் இன்று மீண்டும் ரிலீஸ் செய்தாலும் படம் வெளியான போது கிடைத்த வர வேற்பை விட இன்று நல்ல வரவேற்பு கிடைக்கும் என்றே தோன்றுகிறது.

இது அது மாதிரியா?

ஆதித்ய கரிகாலன் மன்னன் ஆகிருந்தால்.....,

டிஸ்கி:-

நமக்கு பிடித்தவர்களை நாயகனாக்கி பல காவியங்கள் எழுதுவது மரபுதான். அது கல்தோன்றி மண் தோண்றா காலத்தில் துவங்கி இன்றைய சினிமா வரைக்கும் இருப்பதுதான். இது ஒரு சுவையாக கற்பனை.  சின்ன வயதில் நான் மன்னனானால்..........,    எதிர்காலத்தில் நான்....., என்றெல்லாம் பேச்சுப் போட்டி நடத்துவார்கள். இதுவும் அது போலத்தான்.


என் மனதில் வெகுநாட்களாக இருந்து கொண்ட அரிப்புதான். தமிழ் சமுதாயம் ஏன் இவ்வளவு சிரமப் பட்டுக் கொண்டு இருக்கிறது. இந்த தமிழ் சமுதயாத்தின் இழி நிலைக்கு காரணம் தான் என்ன என்றெல்லாம் நானும் உள்ளங்கிடங்கோடு போராடிக் கொண்டிருந்தவன் தான். 

அப்படி யோசித்துக் கொண்டிருந்த காலக் கட்டத்தில் தீடீரென்றா தீயாய், காற்றாய், புயலாய் தோன்றியதுதான். ஆதித்ய கரிகாலன் சக்ரவர்த்தி ஆகி இருந்தால் தமிழ் சமுதாயத்தின் இந்த இழிநிலை மாறியிருக்குமோ என்றுதான் தோன்றியது.இதற்கான காரணங்கள்.



1.  ஆதித்ய கரிகாலன் ஒரு அதிரடி இளவரசன், இணை அரசன், போர்கள் பல பறந்திருக்கும்.  சோழப் பேரரசு விரைவில் உருவாகி இருக்கும்.

2.ஆதித்ய கரிகாலன் தளிச் சேரிப் பெண்டிரை ஆதரித்த சுவடுகள் எதுவும் இல்லை. எனவே தேவரடியார் என்ற தனிப் பிரிவினர் வந்திருக்க மாட்டார்கள். பிற்காலத்தில் அவர்களுக்கு ஏற்பட்ட நிலையும், சமுதாயத்தில் அவர்களது நிலையும் அனைவருக்கும் தெரிந்ததே..,

3.அவர் அக்கனுக்கு அவ்வளவு முக்கியத்துவம் கொடுத்திருக்க மாட்டார். நாட்டுக்கு ஒரே ஒரு ராஜாதான் இருந்திருப்பார்.

4.ராஜ ராஜ சோழன் காலத்தில்தான் தமிழகத்தில் ஜாதி வாரி பிரிவுகள் வளர்ந்ததாகச் சொல்கிறார்கள். ஆதித்ய கரிகாலன் மன்னனாகி இருந்தால் இது தவிர்க்கப் பட்டிருக்கலாம். ( பட்டிருக்கலாம் என்றெல்லாம் இல்லை, கண்டிப்பாக ஜாதியாக இருந்திருக்காது.)

5. ராஜ ராஜன் காலத்தில்தான் கலைஞர்கள் எச்சில் துப்புவதை சேகரிக்க தனி ஆட்கள் நியமிக்கும் பழக்கம் வந்தது.

6. ஆதித்யன் தஞ்சை சக்கர வர்த்தி ஆகியிருந்தால்  அருள்மொழி ஈழ சக்கரவர்த்தி ஆகி இருக்க வாய்ப்பு அதிகம். ஒரு வேளை அது நடந்திருந்தால் இந்திய துணைக் கண்ட அரசியலே வேறு மாதிரி ஆகியிருக்கும்.

7. ஆதித்ய கரிகாலன் தாய் தந்தையர்க்கு செலவு செய்து வீடுகட்டும் இயல்பு கொண்டவன். ராஜராஜனோ பெருத்த செலவு செய்து கோவில் கட்டியன். அவனது மகனே அந்தக் கோவிலும், நகரும் பிடிக்காமல் வேறு ஒரு ஊருக்கு ஒதுங்கியது வரலாறு.


டிஸ்கி:-

எதிர்காலத்தில் ஔவையார் அரசாட்சி செய்திருந்தால் எப்படியிருக்கும்,  மருத நாயகம் பிரதமர் ஆகி\யிருக்க வேண்டும். கோச்சடையான் ஜனாதிபதி ஆகியிருக்க வேண்டும் என்றெல்லாம் பழ இடுகைகள் போடும் எண்ணம் இருக்கிறது.

மப்பும் மந்தாரமும்.., கொப்பும் குலையுமாய்..,

ஏறக்குறைய 20 ஆண்டுகளுக்கு முன், கூடுதலாய் சில ஆண்டுகளுக்கு முன் என்றும் கூட சொல்லலாம்.  தமிழ்நாட்டில் மது பற்றிய ஒரு எண்ணம், கசப்பாய், இனிப்பாய், புளிப்பாய் என்று கூட சொல்லலாம். நாம் பதின்ம வயதில் காலடி எடுத்து வைத்திருந்த கால கட்டம்.., 

சூப்பர் ஹீரோவாய் எதுவும் செய்ய முடியாவிட்டாலும் சூப்பர் ஹீரோ செயல் செய்பவர்களை சுற்றி, அவர்களது பிரதான அடிபொடிகளாய் நம்மை அடையாளப் படுத்திக் கொண்டிருந்த காலம் அது.

அப்போதெல்லாம் தெருவிக்கு ஓரிரு வீடுகளில் டி.வி. இருக்கும் ஓரிரு வீடுகளில் டிவிஎஸ் 50 இருக்கும். சில ஊர்களிலெல்லாம் தெருவே ஒன்றிரண்டுதான் இருக்கும்.  அப்படிப் பட்ட கால கட்டம். 

மலிவு விலை மதுக்கடைகள் அப்போது அங்காங்கே இருந்ததுண்டு. பாக்கெட், இப்போது ஆங்காங்கே விற்கும் தண்ணீர் பாக்கெட் வடிவில் இருக்கும். ரூ2 அல்லது 3 என்று நினைக்கிறேன். நான் வாங்கியதெல்லாம் கிடையாது. பிற்காலத்தில் எனக்கு கிடைத்த பொது அறிவுத் தகவல்கள் அவை.

அப்போதெல்லாம் ஊரில் சில சலம்பல் பார்டிகள் மட்டும் தண்ணி அடிப்பார்கள்.  அடித்துவிட்டு தெரு முக்கு வரை சலம்பல்கள் பறக்கும். ஊரின் நுனி வந்த உடன் அப்படியே பெட்டி பாம்பாய் அடங்கி விடுவார்கள். அப்படியே ஒரு ஓரமாய் நடந்துபோய் வீட்டில் அடங்கி விடுவார்கள். சில ஆட்கள் மட்டும் தண்ணி போட்டு விட்டு வந்து மனைவியை அடிப்பது உண்டு. அவர்களை எல்லாம்  தெருவில் இருப்பவர்கள் கண்டபடி திட்டுவார்கள், பெரும்பாலும் முதுகுக்குப் பின் தான்.

வெகுசிலர் போதையில் சண்டை போடுவது உண்டு. வெகு சிலர் என்றால் மொத்த மக்கள் தொகையில் வெகுசிலர்.  இன்று யோசித்துப் பார்த்தால் அவர்கள் போதை ஏற்றாவிட்டாலும்  சண்டைதான் போட்டிருப்பார்கள்.  

யோசித்துப்பார்த்தால் ஒரு ஒற்றுமை தெரிகிறது. அன்றைய தேதியில் மதுபோதையை நாடியவர்களை அவர்களது மக்கள், உறவினர்கள் பெரும்பாலும் வெறுத்துத்தான் இருக்கிறார்கள். மதுவை மட்டுமல்ல, மதுவின் நண்பர்களையும்தான்.


இன்றைய நிலையை யோசித்துப்பார்த்தால் மதுவால் ஏற்பட்ட படப்போகும் தீமைகள் ஒன்றும் குறைந்து போய்விடவில்லை.  ஆனால் மது மற்றும் மதுவின் உறவினர்களை வெறுக்கிறார்களா என்று பார்த்தால் , அப்படியெல்லாம் வெறுப்பவர்களாகத் தெரியவில்லை. நேற்று போதை அதிகமாகிவிட்டது என்பதை தேநீரில் இனிப்பு அதிகம் என்பது போல சொல்லுகிறார்கள். திரைப்படங்களைப் பார்த்தாலே இது நன்றாக விளங்கும். மது மயக்கத்தில் பாடுவதுபோல ஒரு பாடல் கண்டிப்பாக இடம்பெற்றுவிடுகிறது.  புகை பிடிப்பவர் ஒரு ஓரமாய் இருந்தால்கூட எச்சரிக்கை ஸ்லைடு போட்டு தெளிவாக்கி விடுகிறார்கள். 

மதுவை எதிர்ப்பவர்கள் யார் என்று பார்த்தால்

1.அரசியல்ரீதியாக நன்மைக்காக

2.சீர்திருத்தவாதியாக பெயர் எடுத்தவர்கள். இதிலும் சில புரட்சிவாதிகள் தன்னால் தண்ணி அடித்தால்தான் பேச எழுத முடியும் என்று பெருமையாக சொல்லிக்கொள்கிறார்கள்.

3.இன்றுவரை மதுவிற்கு அடிமையாகாமல் இருந்து எங்கே தங்கள் வாரிசுகள், அதில் சிக்கிக் கொள்வார்களோ என்று என்ற பயத்தில் எதிர்ப்பவர்கள் என மிக குறுகிய சில் வட்டத்துக்குள் அடிக்கிவிட முடியும். 

தனது சக மாணவன் தண்ணி அடிப்பதால் அவனை வெறுக்கும் அல்லது அவனது சகஜமாக பழக மறுக்கும்  மாணவன், மாணவி இன்று உண்டா....,?  

மதுப் பழக்கம் உண்டு என்ற காரணத்திற்காக தனது காதலனை வெறுக்கும் காதலி, கணவனை வெறுக்கும் மனைவிகள் இன்று குறைந்து கொண்டே வருகிறார்கள். வீட்டில் சிக்கன் வறுத்துக் கொடுக்கும் இல்லத்தரசிகளின் எண்ணிக்கை அதிகரித்துக் கொண்டே செல்கிறது.  எதிர்காலத்தில் இவர்களும் குடும்பத்துடன் அமர்ந்து சாப்பிடும் காலம் வரலாம் என்றே தோன்றுகிறது.

குறுகிய காலத்தில் இதெல்லாம் நடந்து விடுமோ என்று தோன்றுகிறது. மதுவை வெறுக்கும் மனப் போக்கு குறைந்துகொண்டே வருகிறது என்பதாக உலகம் போய் கொண்டு இருக்கிறது.

இப்படி மப்பும் மந்தாரமாய் மக்கள் போய் கொண்டே இருந்தால் கொப்பும் குலையுமாக விபத்தில் மாட்டிக் கொள்ளும் மக்களின் எண்ணிக்கையும் அதிகரித்துக் கொண்டே தான் போகும். என்ன சொல்லி என்ன பிரயொசனம்?  மக்களிடையே மதுவிற்க்கான எதிர்ப்பை வளர்க்காத வரையில் மது ஒழிப்பு சாத்தியமே இல்லை என்றுதான் தோன்றுகிறது .

சச்சினுக்குப் பின் டோனி?

இன்றைய விளையாட்டு வீரர்களில் மிக அதிகமாக சம்பாதிக்கும் விளையாட்டு வீரர்களில் டோனியும் ஒருவர். டோனியின் சரித்திரம் பல எதிர்பாராத திருப்பங்கள் நிறைந்தது.

அதில் ஒவ்வொரு நொடியும் ஒவ்வொரு நிமிஷமும் நானே செதுக்கினது என்று டோனி பெறுமை பட்டுக் கொள்ள முடியாது. அதில் பலரும் செதுக்கி உள்ளனர், ஆனால் அவர் ஒரு குட் ஃபினிஷர்,  ஒவ்வொன்றையும் கடைசியில அவர் செதுக்கி விட்டிருக்கிறார்.  டோனியின் கீப்பர் வாழ்க்கை டிராவிட் என்ற பேட்ஸ்மேனால் ஒரு குச்சியும், பர்த்தீவ் பட்டீல் என்ற குழந்தைப் பையனால் ஒரு குச்சியும்  தினேஷ் கார்த்திக் என்ற கொடுத்துச் சிவந்த கரங்களால் மற்றொரு குச்சியும் நடப் பட்டு அதற்குப் பின்னால் துவங்கியது. இதில் யாராவது ஒருவர் காட்டடி மன்னனாக இருந்திருந்தால் டோனி வந்தே இருக்க முடியாது. எதைப் பற்றியும் கவலைப் படாமல் அடி பிண்ணிஎடுக்க ஆரம்பித்தார் டோனி. அப்படியே ஒரு அதிரடி ஆட்டக் காரராக கில் கிரிஸ்ட் பாணியில் உருவாக  அணியில் நுழைந்து விடுகிறார்.

அடுத்ததாக அவர் கேப்டன் ஆகிய கதை இன்னும் சுவாரசியமானது. உன்னால நான் கெட்டேன். என்னால நீ கெட்டேன் என்ற நிலையில் உலகக் கோப்பையில் இருந்து இந்திய அணி திரும்பி வர  எப்படியும் டி 20லும் தோற்று விடுவோம் என்றே எல்லோரும் நினைத்திருந்த நிலையில் கங்கூலி, டிராவிட், சச்சின் ஆகியோர் அணியிலிருந்து வெளியேறுகின்றனர். இளைஞர்களுக்கு வழி விடுவதாக கூறினார்கள்  நாமும் அதை அப்படியே நம்பி விட்டோம்.  டி20ல் கேப்டனாக சச்சினின் ஆசிர்வாதம் இருந்ததாகவும் சொல்வார்கள்.

அவர் சில முடிவுகளை எடுத்தார்.  அதை பலராலும் யூகிக்க முடியாத நிலையில் அவர் எடுத்த பல முடிவுகளில் வெற்றியும் பெற்றார்.

அப்போது கிரிக்கெட்டின் கடவுளாக சச்சினை அவரது ரசிகர்கள் முன்னிறுத்தி வந்தனர். அவரைப் பற்றி பல ஸ்டேடஸ்கள் போட்டு லைக்குகளையும்  பெற்று வந்தனர்.

அதே நேரத்தில் கிரிக்கெட்டில் கங்கூலி, டிராவிட், சேவக் போன்றவர்களும் இருந்தனர். அவர்களும் ரசிகர்கள் இருந்தனர்.  அவர்களில் பலரும் சச்சினின் சாதனைகளுக்கு தங்கள் தலைவனின்  சாதனைகள் சளைத்தவை அல்ல என்ற எண்ணம் கொண்டவர்கள்தான். அவர்களுக்கு சச்சின் மேல் கொஞ்சம் கோபம், பிரமிப்பு கூட உண்டு. தங்கள் தலைவனின் சாதனைகளை சிறியதாக்கிய சச்சினை கொஞ்சம் வெறுத்தர்வர்கள் கூட உண்டு.

ஆனால் சச்சினை அவர்கள் ரசிகர் தூக்கி கொண்டாடிய நேரத்தில் அவர்களுக்கு போட்டியாக தங்கள் ஆளின் சாதனைகளை காட்டலாம் என்றால் அவர்கள் ஏறக்குறைய ஓய்வு பெற்றிருந்தனர்.  அந்த நேரத்தில்தான் டோனி வருகிறார்.  டோனியின் ஃபேஸ்பு க்  ரசிகர்களைப் பார்த்தால் ஒரு விஷயம் நன்றாகத் தெரியும்.  பெரும்பாலும் அவர்கள் ஏதாவது ஒரு விஷ்யத்தில் சச்சினை மட்டம் தட்டுவதிலே கவனம் செலுத்தி இருப்பார்கள்.

இப்படியான டோனி ரசிகர்கள்தான் ஃபேஸ்புக்கில் இருக்கிறார்கள். ஆபூர்வமாக உண்மையாக டோனி ரசிகர்கள் இருக்கலாம். ஆனால் ஃபேஸ் புக்கில் அடித்து ஆடும் பலரும் சச்சின் ரசிகர்களின் எதிர்ப்பாளர்களே.., சச்சின் ஓய்வு பெற்றுவிட்டால் அவர்களுக்கு போர் அடித்து விடும்.

எம்ஜியார் திரைப்படத்துறையை விட்டு விலகிய பின்னர் சிவாஜி படத்தைப் பார்ப்பதை குறைத்துக் கொண்ட சிவாஜி ரசிகர்கள்போல  ரஜினி திரைப் படத்துறையை விட்டு ஒதுங்கிய பின்னர் கமல் படங்களைப் பார்ப்பதை குறைத்துக் கொண்ட கமல் ரசிகர்கள் போல் சச்சினின் ஓய்விற்குப் பின் டோனியின் ஃபேஸ் புக் ரசிகர்களின் அதகள ஆட்டம் குறைந்துவிடும் என்றே தோன்றுகிறது.

விஜய்க்கு மட்டும் ஆசை இருக்க கூடாதா என்ன?

விஜய் ஏறக்குறைய 40 வயதில் இருக்கிறார். திரை உலகிற்கு (ஹீரோவாக) நடிக்க வந்து 20 ஆண்டுகளுக்கு மேல் ஆகிவிட்டது. 

நாயகன் வந்தபோது கமலுக்கு இதை விட வயது குறைவாகத்தான் இருந்திருக்கும். தளபதி வந்தபோது ரஜினிகூட 40ன் துவக்கத்தில்தான் இருந்தார்.  

எம்ஜியார் நாடோடிமன்னன் எடுத்த போது 40ல் இருந்தார். அஜித்கூட தனது 40;ல் தனது ரசிகர் மன்றங்களை கலைப்பதாக அறிவித்தார். 

இளைய தளபதி என்ற பட்டத்தை தளபதியாக மாற்றிக் கொள்ள ஆசை வருவது இயற்கைதான்.  

==========================================

தமிழில் ஸ்பூஃப் வகைப் படங்கள் அவ்வப்போது வருவது உண்டு. இருந்தாலும்கூட தமிழ் ப் படம் தான் முதல் ஸ்பூஃப் படம் என்பது போல வெளி வந்தபோது நாம் எழுதிய இடுகை இது .அதன் முழு உரிமை விஜய்க்குத்தான்.

தலைவாகூட அப்படித்தான். ஒரு முழு நீள ஸ்பூஃப் வகைப் படம் தான்.  

அஜித் பில்லா , பில்லா 2 விட்டது போல இதையும் நாயகன் 2 என்று சொல்லி இருந்தால் பிரச்சனை இருந்திருக்காது. ஸ்பூஃப் வகை சீரியல்களில் கொடி கட்டிப் பறந்த சந்தானத்தையும் திரைக் கதை வடிவமைப்பில் ஈடுபடுத்தி இருந்தால் படம் பட்டையைக் கிளப்பி இருக்கும். 

கருப்புக் கண்ணாடியை கழட்டாமல் சண்டைப் போட்டு அசத்தும் விஷ்வா பாய் அசத்தலோ அசத்தல். எம் ஜியார் கூட கடைசி காலத்தில் டூயட் சீன்களில் மட்டும்தான் கருப்புக் கண்ணாடியை கழட்டாமல் நடித்திருந்தார்.

காதலன் படத்தில் வந்த போலீஸ் அதிகாரியை காப்பி அடிக்கும் நோக்கத்தில் படைக்கப் பட்ட அமலா பால் பாத்திரம் காதலன் போலீஸ் அளவுக்கு நம்மை கவரவில்லை. அதுவும்கூட இந்த படத்தில் நமக்கு ஏற்படும் ஏமாற்றத்திற்கு காரணமாக இருக்கலாம். இன்றைய சூழலில் பெண் போலீஸ் அதிகாரி என்றால் அவர் நினைத்ததை முடிப்பவன்  மஞ்சுளா போன்ற திறமைசாலியாக இருக்க வேண்டும். ஆனால் புதிய பறவை சரோஜா தேவியோடு எல்லாம் இவரை ஒப்பிடுகிறார்கள். பாவம் அவரது பாத்திரப் படைப்பாளி.சந்தானமே சொல்லி விடுகிறார். டிஸ்கோ சாந்தி மாதிரி இருப்பதாக.

நடிகன் படத்தில் நடித்தபோது சத்தியராஜ் பல காட்சிகளில் தனது சிரிப்பை அடக்க சிரமமப் பட்டதாகச் சொல்லி இருக்கிறார். அந்த வரிசையில் இந்தப் படமும் அமைந்திருக்கும். 

படத்தில் வரும் பல காட்சிகளை பலரும் துவைத்து போட்டதால் நாமும் அதைப் பற்றி பேச விரும்பவில்லை.

==============================================================

 வீடியோ காசெட்டை விஜய் கைப்பற்றும் காட்சி, அதில் விஜய் இந்தி பேசிக் கொண்டே நடித்திருக்கும் காட்சி. கொஞ்சம்  முயன்றிருந்தால் துப்பாக்கி போல வந்திருக்கும் காட்சி அது. என்ன செய்வது எதைப் பார்த்தாலும் காமெடியாகவே தோன்றுகிறது மக்களுக்கு.

=============================================================

அமலா பால் விஜயிடம் உனக்கு அம்மா ஆக ஆசைப் படுகிறேன் என்று சொன்ன போதே  டைரக்டர் சொல்லி விட்டார் அவர் விஜயின் அப்பாவுக்குத்தான் ஆசைப் படுகிறார் என்று. இந்த டைரக்சன் டச் கூட மக்களை சென்றடையவில்லை. 

==================================================================

படத்தில் துவக்கத்தில் அண்ணா(விஜயோட அப்பா) வின் ஃபோன்  வந்ததால் அவரது நடன நிகழ்ச்சியில் அவரை டிஸ்குவாலிஃபை( அதுதாங்க தகுதி நீக்கம்)  செய்து விடுகிறார்கள். பிறகு அவர் தெருவில் ஆடி மக்கள் மனதில் இடம் பிடித்து யூ ட்யூப் மூலம் ஹிட் ஆகிறார். பேசாமல் இந்த முறையை கையாண்டிருந்தால் விஜய் நிஜமாகமாக பெரிய ஆள் ஆகியிருப்பாரோ...,

அரசியல்ல ஏதுவுமோ நமக்கு சாதகமா நடக்கறதில்ல. நடக்கிறத நமக்கு சாதகமா மாத்திடணும்....   இதுவும் கூட இந்தப் படத்தில் வரும் வசனம் தான்.

கிளைமாக்ஸ் சண்டை முடிந்த பிறகு வரும் போலிஸ் அதிகாரி (படம் பார்க்காதவர்களுக்கு ஒரு சஸ்பென்ஸ் )  கருப்பு சிவப்பு உடையில்...,   இதுவும் மக்களைச் சென்றடையவில்லை.

திருமணம் அவசியமா?

 பெத்த மனம் பித்து பிள்ளை மனம் கல்லு

- யாரோ ஒரு புண்ணியவான்.

காதல் திருமணம்தான் நம் வாழ்க்கைக்கு முக்கியம். 21 வயதுக்கு மேல் காதல் திருமணம் செய்து கொள்ள பெற்றோர் சம்மதம் தேவையில்லை. பிரேசில், சிங்கப்பூர், போன்ற நாடுகளில் இப்படி ஒரு சட்டம் உள்ளது என்றெல்லாம் நாட்டில் பேசிக் கொள்கிறார்கள். 

பதினெட்டு வயதில் பெண்கள் சட்ட ரீதியாக திருமணம் செய்து கொள்ளலாம் எனவே அவள் விரும்பிய ஆணைத் திருமணம் செய்து கொள்ளலாம். பெற்றோருக்கு அந்தப் பையனைப் பிடித்தாலும் பிடிக்காவிட்டாலும் ஏற்றுக் கொண்டேதீர வேண்டும் என்றெல்லாம் மக்கள் பேசிக் கொள்கிறார்கள்.  

சாதி ஒழிய வேண்டுமானால் காதல் திருமணமே வழி என்று பலரும் பேசிக் கொள்கிறார்கள். தென் தமிழகத்தில் பஞ்சமர்களில் இருந்த ஒரு சாதியே தனது உழைப்பால் மிகப் பிற்படுத்தப் பட்டவர் வரிசையில் இடம் பிடித்து இருக்கிறார்கள். அவர்கள் காதல் திருமணத்தால் அதை சாதிக்கவில்லை. உழைப்பால்தான் அதை நடத்தினார்கள்,  (ஐந்து சாதிகளில் ஒன்று மி.ப. வரிசையில் சேர்ந்தாலும் இப்போது தமிழ்கத்தில் தாழ்த்தப் பட்டவர்கள் எண்ணிக்கை நூறுக்கும் பக்கம் இருக்கிறது. )

தாழ்த்தப் பட்டவர்களைத் தவிர பிறரை காதலித்தால் நகரப் புறத்தில் ஏற்றுக் கொள்ளப் படுவதாக வேறு ஒரு கூட்டம் சொல்லிக் கொண்டு இருக்கிறார்கள்.  

எது எப்படிப் போனாலும் காதல் திருமணம் என்பது காதலிப்பவர்களுக்கும், அவர்களைப் பெற்றவர்களுக்கும் சரி ஒரு இம்சைதான். இதை நாம் தடுத்தே ஆக வேண்டும் என்று யோசித்த போது தான். சில விஷயங்கள் தோன்றின.

1. காதலிப்பவர்கள், கோவிலிலோ , சர்ச்சிலோ, மசூதி மூலமாகவோ திருமணம் செய்து கொள்கிறார்கள். சில நேரங்களில் இதற்கு மதம் மாற வேண்டிய சூழல் இருக்கிறது.

2.மதம் மாற விருப்பம் இல்லாதவர்கள், பதிவாளர் அலுவலகத்தில் திருமணம் செய்து கொள்கிறார்கள்.

திருமணத்திற்கு பின் பெற்றோர் பார்த்து வைத்த திருமணம், தானே செய்து கொண்ட திருமணம் எப்படி போகிறது என்று பார்த்தால், பெரும்பாலான மக்கள் தனிக் குடித்தனம் வந்து விடுகிறார்கள். 

நகர் புறங்களில் முதியோர் இல்லத்தை நாடுகிறார்கள். கிராமப் புறங்களில் தனியாக உலை பொங்கிக் கொள்கிறார்கள்.

நகர்புறங்களிலும் சரி கிராமப் புரங்களிலும் சரி குழந்தை வளர்ப்பு என்பது கம்பிமேல் நடப்பது போலத்தான் இருக்கிறது,. என்னதான் கஷ்டப் பட்டாலும் விளைவு என்பது ஏற்கனவே நடந்தது போல பெரிசுகளை விட்டு சிரிசுகள் போய்விடுகின்றன.

பெத்த மனம் பித்து பிள்ளை மனம் கல்லு என்பதாக வே   வாழ்க்கை ஓடி விடுகிறது.  இதற்கெல்லாம் என்ன வழி.

திருமணத்தை ஒழிப்பது தான்.

திருமணமே செய்யாமல் இருந்தால் ஜாதிப் பிரச்ச்னை கிடையாது. மதப் பிரச்சனை கிடையாது. 

நான் திருமணம் செய்யாமல் குழந்தை பெற்றுக் கொள்ள சொல்ல வில்லை.  எதுவுமே இல்லாமல் இருந்தால் வாழ்க்கை என்பது இன்ப மயம்தான். 

ஆசையே துன்பத்திற்குக் காரணம்

ஆசையை ஒழித்தால் துன்பம் இன்றி வாழலாம். என்ற பொன்மொழியை ஏற்று

காதலை மறுப்போம். திருமணத்தை ஒழிப்போம். மகிழ்ச்சியாக வாழ்வோம்

பாரதி ராஜா வழுக்கிய இடங்கள்.

பல பல விமர்சனங்களைப் படித்த பின்னர் உந்தப் பட்டு அன்னக் கொடி படம் பார்த்துவிட்டேன். கதை என்று எடுத்துக் கொண்டால் கொஞ்சம் வங்கமொழி திரைப்படங்களில் வருவது போன்று இருக்கிறது. 

அன்னக் கொடி காதலிக்கிறாள். சூழ்நிலை காதலை பிரித்து விடுகிறது. கனத்த இதயத்துடன் அன்னக் கொடி ஒருவனைத் திருமணம் செய்து கொள்கிறாள்.  சில நாட்கள் ( ஆண்டுகளாய் கூட இருக்கலாம்) அன்னக் கொடியின் காதலனும் இன்னொரு பெண்ணை திருமணம் செய்து கொள்கிறான். இவர்களுக்கு குழந்தை கூடப் பிறக்கிறது.  அன்னக் கொடிக்கு கணவனிடம் சித்ரவதை அதிகரிக்கிறது. பொறுக்க முடியாமல் காதலுடன் சேர்ந்து கொள்கிறாள். அவனும் அவளைச் சேர்த்துக் கொள்கிறான். கணவனுக்கு கோபம் வருகிறது.  அன்னக் கொடியின் காதலனின் மனைவியை கடத்திவிடுகிறான். அவளும் தூக்கில் தொங்குகிறாள். காதலனும் கணவனும் சண்டை போட கணவன் சாக  காதலனுக்கும் அவன் மனைவிக்கும் பிறந்த குழந்தைக்கும் தனது மார்பை உபயோகித்து பால் கொடுக்கிறாள் அன்னக் கொடி. 

மலையாளப் படம் போலவோ அல்லது வங்காளப் படம் போலவோ எடுத்திருந்தால் படம் ஓடியிருக்குமோ இல்லையோ பாரதிராஜா ஒரு திறமையான இயக்குநர். அவர் தமிழனாகப் பிறந்தது அவரது தவறு. தமிழனுக்கு திறமையை மதிக்க தெரியவில்லை அப்படி இப்படி என்று எதாவது எழுதி தள்ளி இருக்கலாம்.  

ஆனால் என்ன செய்வது அவருக்கு ஒரு மகன் இருக்கிறார். எஸ்.ஏ.சந்திரசேகர், மாதிரி இல்லாவிட்டாலும் கங்கை அமரன் மாதிரியாவது தனது மகனை அழகு பார்க்க வேண்டும் என்ற ஆசை இருக்காதா? அவருக்கு. தனது படங்களில் வில்லன்களாக நடித்து தமிழ் மக்களின் வெறுப்பை அள்ளிக் கொண்ட ரஜினிகாந்த், சத்யராஜ், பாக்யராஜ் ( வில்லனாகத்தான்) போன்றவர்கள் பிற்காலத்தில் பெரிய ஆளான மாதிரி தனது மகனையும் பெரிய ஆளாக மாற்றியே தீர வேண்டும் ஒரு தந்தையாக தன்னை முன்னிறுத்தி எடுத்த படம் என்பதால் அதில் சில பல வகைகளில் மெருகேற்றப் பட்டத்தில்  படம்  என்னவோ மாதிரி ஆகிவிட்டது.

கிழக்குச் சீமையிலே படத்தில் நெப்போலியனின் தங்கையின் காதலையும் அதற்கு  நெப்ஸ் குடும்பம் தரும் எதிர்ப்பையும் பதிவு செய்து இருப்பார். அந்தப் படத்தில் வரும் பாண்டியனின்  கதாப்பாத்திரம் போன்ற ஒரு பாத்திரம்தான் சடையனின் பாத்திரம்.  ஆனால் அந்தப் பாத்திரம் இந்தப் படத்துக்காக மாற்றி அமைத்ததில் அடியில் ஒரு ஒடுக்கு விழுந்து விட்டது. அதனால் நேராக நிமிரவே முடியாது. என்பதாக மாற்றி விட்டார்கள்.

இந்த மேட்டரை முத்துராமன் நடித்த மறு பிறவி சொல்லுவார்கள் என்று நினைத்தேன் ஆனால் ஏற்கனவே பாரதி ராஜா இயக்கிய  கன்னிப் பருவத்திலே மாதிரி ஆக்கிவிட்டிடுக்கிறார்கள்.

ஆனால் வீட்டில் இருக்கும் அத்தனை பெண்கள். அவர்கள் அதுவும் விருப்பப் பட்டாம்.  ஒரு காப்பித் தண்ணியிலேயே சந்தோஷமாய் இருக்கிறார்கள்.  அதுவும் சடையனின் தந்தையின் கையங்கர்யமாக இருக்குமோ என்பதையும் கேள்விக் குறியாக விட்டு இருக்கிறார்கள். 

கிழக்குச் சீமையிலே படத்தில் பாண்டியனின் அறிமுகத்தில் இருக்கும் ஒரு குளுமை கலந்த கிக் இதில் வாந்தியைத் தான் கொண்டுவருகிறது. அதுவும் கோழிக் குழம்பு வைக்கும் பெண்,  அப்பனுக்கு வழக்கமாக கோழிக் குழம்பு வைத்துக் கொடுப்பவர், மகனுக்கும் கொடுக்க ஆசைப் படுகிறார். கைப் பக்குவம் அப்படி போல..,  

ஆனால் அதை ஜீரணிக்கும் பக்குவம்தான் நம்மிடம் இல்லை. 

எதற்காக மின்சாரம் உள்ளே நுழைந்த காலக் கட்டத்திற்குப் போனார் என்று தெரியவில்லை. பேசாமல் இந்தக் கதையை ஐ.டி. கம்பனியை வைத்தே சொல்லி இருக்கலாம்.  ஜாதியை இழுக்காமல் இஷ்டம் படம் போல காட்டி நவீன பெண்களின் நவீண உரிமைக்கான படமாக எடுத்து இருக்கலாம். நவீன மனிதர்களின் பாராட்டாவது கிடைத்து இருக்கும்.

இந்தப் படத்தில் கூட சில பல மாற்றங்களை செய்து இருக்கலாம்.  கிழக்குச் சீமையிலே காதலைப் போல பணம் , வசதி , குடும்ப பெருமை இதைக் காட்டி காதலர்களை பிரித்து இருக்கலாம். அதை விடுத்து விட்டு வீரன் என்ற பெயர் அதுவும் செருப்புத் தைப்பவன் என்ற அடையாளம். பேசாமல் ஆட்டுக் காரனாகவே கூட இருந்திருக்கலாம்.

தமிழ் படத்தில் ஒரு தாழ்த்தப் பட்ட்வன்  ஒரு பிற்படுத்தப் பட்ட, மிகவும் பிற்படுத்த வீட்டுப் பெண்ணை காதலிப்பது, மணப்பது போன்ற காட்சிகள் வந்து விட கூடாது அப்படி வந்தால் அந்தப் படம் படுதோல்வி. அப்படி ஒரு காட்சி படத்துக்கு மிக அவசியம் என்றால் பெண்ணை உயர்சாதிக்கு மாற்றி பையனை பிற்படுத்தப் பட்ட வகையறாக்களில்  இருந்து அமைத்துவிட வேண்டும். இந்த அடிப்படை திரைப்பட விதிகூட படத்தில் மீறப் பட்டிருக்கிறது.

 எங்க ஊரு பாட்டுக்காரனில் சிஞ்சனுக்கு ஜனக்கு, நான் சொல்லித் தாரான் கணக்கு பாட்டை கொஞ்சம் உல்டா அடித்து சடையனின்  பஞ்ச் ஆக வைத்து விட்டிருக்கிறார்கள். 

கரகாட்டக்காரன் மாதிரியே காற்றில் பறந்து வரும் சட்டை ஒழித்து வைத்துக் கொள்கிறார்கள்.  சிலம்பரசன் மாதிரி செருப்பைப் பார்க்கிறார்கள்.

அன்னக் கொடியை புகுந்த வீட்டில் கொடுமைப் படுத்துவது என்றால் ஒரு காது வளர்த்த கிழவியை விட்டு கொடுமைப் படுத்தி இருக்கலாம். ஆனால் துண்டெல்லாம் கொடுத்து கொஞ்சம் டூ மச்..,  அதற்காகத்தான் அதை எதிர்பார்த்துதான் படம் பார்க்க போயிருந்தாலும்கூட  ஷாக்தான் அந்த காட்சி. 

ஏவிஎம்மின் புதுமைப் பெண்ணில்  நாயகி வீட்டை விட்டு வெளியேறியதை மக்கள் ஏற்றுக் கொண்டுவிட்டார்கள் என்பதற்காக மக்கள் எல்லாவற்றையும் ஏற்றுக் கொள்வார்கள் என்று அர்த்தம் கிடையாது. 30 வருடத்துக்கு முன்னாடி வீட்டை விட்டு வந்ததை ஏற்றுக் கொண்டதற்காக இன்று சேர்த்து கொண்டதை ஏற்றுக் கொள்வார்கள் என்று எதிர்பார்ப்பதெல்லாம் கொஞ்சம் அதிகம்தான்..

சாமி இரவில் வலம் வரும்போது வில்லன் சாவது கூட பல படங்களில் பார்த்ததுதான்.  

வீட்டை விட்டு வெளியே வந்த அன்னக் கொடி தனியே கஷ்டப் பட அவருக்கு ஒரு ஆடு மாதிரி மாடு மாதிரி பூனைமாதிரி இல்லாமல்   நாய் மாதிரி ஹீரோ உதவி செய்திருந்தால் மக்கள் ஏற்றுக் கொண்டு இருப்பார்கள். கடைசியில் வில்லனோடு சேர்ந்து ஹீரோவும் சாக அவன் குழந்தைக்காக தனது வாழ்க்கையையே  அன்னக் கொடு அர்ப்பணித்துவிட்டாள் என்று காட்டியிருந்தால் புரட்சிகள் பல கண்ட தமிழுலகம் கண்கள் பனிக்க இதயம் கனக்க படத்தைப் பார்த்து ரசித்திருக்கும். 

என்ன செய்வது பெத்த மனம் பித்து பிள்ளை மனம் கல்லு என்ற சொலவடைக்கு ஏற்ப எந்திரன் ரஜினிக்கு மீசை வைத்தாற்போன்ற முகத்துடன் மே..., மே...., என்று சொல்லிக் கொண்டு உடையார் நாவலில் பாலகுமாரன் விளக்கு ஒரு வண்டியில் வடிவேலுபோல் அடிக்கடி வேட்டியை அவிழ்த்து தலையில் போட்டுக் கொள்ளும் மகனுக்காக என்னத்த்ச் சொல்ல என்ன்னத்தச் செய்ய..,

டிஸ்கி;-  ஒவ்வொரு பத்திக்கும் தொடர்ப்பு இருப்பது போலவும் இல்லாதது போலவும் தோன்றுகிறதா உங்களுக்கு?

உங்களுக்கு படம் பிடிக்காது.

பத்திகள் தொடர்ச்சியாக இருப்பதாக தோன்றுகிறதா? உங்களுக்கு படம் புரிந்து விடும்.