Showing posts with label கல்லூரி. Show all posts
Showing posts with label கல்லூரி. Show all posts

Monday, September 5, 2016

மினி, ஜெனி மற்றும் மலர் டீச்சர்

என் நண்பர்(மருத்துவர்) ஒருவர் சமீபத்தில் PG சேர்ந்தார். அவர் ட்ரீட் கொடுத்தார். நானும் என்னைப் போல சிலரும் கலந்து கொண்டோம். அவர் வாங்கியிருந்த மதிப்பெண்களுக்கு சிட்டி காலேஜே கிடைக்கும் என்ற நிலையில் அடுத்த நிலைக் கல்லூரியை எடுத்திருந்தார். அந்த ஊர் அவர் ஊருக்கு பக்கமும் அல்ல. காரணம் கேட்ட பொழுது அங்கதான் அந்த கோர்ஸ் நல்லா சொல்லித் தருவாங்கடா என்றார். நாங்களும் அதை நம்பி விட்டோம். சமீபத்தில் அந்த கல்லூரியைச் சேர்ந்த மற்றொரு நண்பரை சந்திக்க நேர்ந்தது. அவரிடம் அந்தக் கல்லூரியில் இருக்கும் நண்பர்களைப் பற்றி பொதுவாகக் கேட்டோம். அப்போதுதான் ஒரு உண்மை தெரிந்தது.முதல் நண்பர் சேர்ந்திருக்கும் கல்லூரி , கோர்ஸ்ஸில் தான் அவரது கல்லூரிக் க்கால மினி, ஜெனி , இந்நாளில் மலர் டீச்சராக உதவிப் பேராராசியராக இருக்கிறாராம்...,
)
)
)
அடப் பக்கி இன்னும் சில வருஷம் பொருத்திருந்தீன்னா அந்த அம்மா chiefஆவே ஆகியிருக்குமேடா...,
நண்பர்கள் அனைவருக்கும் ஆசிரியர் தின வாழ்த்துக்கள்.

Thursday, May 5, 2011

தாடிக்குப் பின்னால் இரண்டு பெண்கள் (இருபத்தைந்தாம் பாகம்)


சுமித்ராவின் ஊருக்குள் நுழையும்போது எங்களுக்கும் கொஞ்சம் பயமாகத்தான் இருந்தது. பெண் விஷயம் அதுவும் ஆள் கடத்தல்,  அரிவாள் கல்யாணம் என்றெல்லாம் கொஞ்சம் குடல் நடுங்கித்தான் போய் இருந்தது,  இருந்தாலும் சுமன் உடன் வந்ததால் எங்களுக்குப் பயம் இல்லாமல் ஊருக்குள் நுழைந்தோம்.

வழியிலே சுமத்ராவின் தந்தையை பார்த்தோம்.  தீஃபக் குமாரை மீட்பதற்காக எங்களுடன் வந்த தீஃபக்கின் நண்பர்கள் ஆடையுடன் சிறுநீர் கழித்து விடுவதைப் போல நடுநடுங்கி அமர்ந்திருந்தனர். சச்சின் தான் எதைப் பற்றியும் கவலைப் படாமல்

அன்கிள்,  சுமன் வீட்டுக்கு வந்தோம். உங்க தோட்டமும் இங்கதான் இருக்குன்னு சொன்னாங்க, அதுதான் அப்படியே உங்களையும் பார்த்துட்டு போலாம்னு வந்தோம்.

ஒன்னுமே நடக்காதுபோல சுமன் கூறியது அங்கிருந்த மற்றவர்களுக்கு கிளியைக் கொடுத்தது.

அவரும் மாணவர்களை வரவேற்றுப் பேசி இள்நீர் எல்லாம் போட்டுக் கொடுத்து உபசரித்தார்.

காணாமல் போன தீபக்கைப் பற்றி விசாரிக்குமாறு அவன் நண்பன்கள் கேட்டபோதும் அவனைப் பற்றி நேரடியாக விசாரிக்க தைரியம் இல்லாமல் இருந்தனர்.

அவரிடம் இருந்து விடை பெறும்நேரம் வந்த போது அவரும் தனது அறிவிப்பினை வெளியிட்டார்.   சுமித்ராவிற்கு தேர்வுகள் முடிந்த பிரகு திருமணம் செய்வதாக இருக்கிறோம்.


மாப்பிள்ளை.., இழுத்தோம்.

ம் அதெல்லாம் பார்த்து பலகாலம் ஆச்சுப்பா....,  இவ படிப்ப முடிச்ச உடனே கல்யாணம் செய்ய வேண்டியதுதான்.   உங்களுக்குக் கூட தெரிஞ்சிருக்கும்ப்பா..  அவர்தங்கச்சி கூட உங்க கல்லூரில கொஞ்ச நாள் படிச்சா.., அப்புறம் அவங்க ஊர் பக்கமே இடம் மாற்றம் வாங்கிட்டு போய்ட்டா........


எங்களுக்கு ஒன்றும் நினைவில் இல்லை. (எங்களைப் போலவே நீங்களும் 2, 3, 4 ம் பாகங்களை படித்தால் நினைவிற்கு வரும்).

அப்போதும் கூட தீபக்கைப் பற்றி விசாரிக்க எங்களுக்கு தைரியம் வரவில்லை.

எல்லோரும் கிளம்பிய பின்னர் டேஞ்சர் டயபாலிக் அவரை அணுகி அன்கிள் காலேஜில கொஞ்சம் பிரச்சனை.

கேள்விப் பட்டேன்ப்பா..  சுமித்ராட்ட சொல்லியிருக்கறேன். இது அவளது தந்தையார்

முடிஞ்ச வரைக்கும் நீயே சமாளி, முடியலேண்ணா எங்கிட்ட சொல்லு.., அப்புறம் பாரு கதையைன்னு..,

 நீங்களே கதைய முடிச்சிடுவீங்களா..., ஏனோ எங்கள் வாயை விட்டு வார்த்தைகள் வெளிவரவில்லை


அவ எம்பொண்ணுல்ல  எந்த ஒரு பிரச்சனையும் அள்ளி முழுங்கிடுவா., மீசையை முறுக்கிக் கொண்டே அவர் சொன்னார்.

சுமித்ராவின் திமிருக்கு ஆணிவேரே இவர் மீசை முறுக்குவதில் இருக்கிறதா? 




சுமித்ரா ஜடைய சுத்திக்கிட்டே பேசுறது கூட இவர் மீசை முறுக்கிக்கிடே பேசற மாதிரித்தானா?



அப்படி என்றால் தீ*பக் குமார் காணாமல் போனதற்கும் சுமத்ராவிற்கும் எந்த சம்பந்தமும் இல்லையா?  திகிலுடன் வெளியேறி விடுதி வந்து சேர்ந்தோம்.


பின்னர் விசாரித்ததில்  தீபக் குமார் அவர் பெயருக்கு ஏற்ப ஒரு தோழியுடன் ஊட்டி சென்று விட்டார் என்பதும் அவரது நண்பர்கள் அலப்பறை விட்டு இருந்ததனர் என்பதும் தெரிந்தது.

=======================================================

பின்னர் பயிற்சிக் காலத்தில் சுமத்ராவிற்கு திருமணம் நடைபெற்றது.  சுமன் சிலநாட்கள் விடுப்பு எடுத்துக் கொண்டுவந்து மாப்பிள்ளை வீட்டாருக்கு கடும் ஒத்தாசை செய்து கொண்டிருந்தான்.  திருமண நாளன்று ஹ்ருத்திக் ரோஷன் நினைப்பில் லேசான தாடியுடன் திருமண மேடைக்கு எங்களோடு வந்தான்.


அப்போதுதான் சுமத்ராவின் கணவர் அவனைப் பார்த்து அந்தக் கேள்வி கேட்டார். எந்த கேள்வி என்பதை அறிய முதல் பாகத்திற்குச் செல்லுங்கள். அதனால் என்ன நடந்தது என்பதை அறிய அடுத்தடுத்த பாகங்களுக்குச் செல்லுங்கள்.


சுபம்      


கதையின் முதல் பகுதி "அடப்பாவி மணமேடையில்கூட

இரண்டாம் பகுதி நண்பர்கள் என்றும் சொல்லலாம்

மூன்றாம் பகுதி இந்தப் பூனையும் பால் குடிக்குமா?

நான்காம் பகுதி ஃபிகர் இல்லடா.., ஃபிகர் மாதிரி

ஐந்தாம் பகுதி ஒருத்திக்கு எத்தனை பேர்டா லவ் லெட்டர் கொடுப்பீங்க

ஆறாம் பகுதி நான்கு பெண்களைக் காணவில்லை.

ஏழாம் பகுதி நெஞ்சுக்கு நடுவில் தொங்கிய வாக்மேன்

எட்டாம் பகுதி மறந்தே போச்சு ரொம்ப நாளாச்சு; மடிமேல் விளையாடி...

ஒன்பதாம் பகுதி தமிழ் இந்தி ஒற்றுமையை வளர்த்த ரங்கோலிப் போட்டி

பத்தாம் பகுதி இது ராக்கிங்கிற்கு ஆதரவான இடுகை அல்ல

பதினொன்றாம் பகுதி மாணிக் ஃபாத்திமாவின் துப்பட்டா

பனிரெண்டாம் பகுதி பெண்ணுரிமை காக்க வந்த ஆபத்பாந்தவன்

பதிமூன்றாம் பகுதி அங்க is போடு இங்க was போடு

பதினான்காம் பகுதி சுதேசி மாணவர்கள், விஜயதசமி,

பதினைந்தாம் பகுதி நார்த்தி ரங்கீலாவும் மண்ணின் மகள்களும்

பதினாறாம் பகுதி sweet sixteen

பதினேழாம் பகுதி மயங்கிச் சரிந்த மாணவர் தலைவி

பதினெட்டாம் பகுதி குருதி சிந்தி குடிமக்களைக் காப்பாற்றிய கொங்கு நாட்டுத்தங்கம்

பதினொன்பதாவது பகுதி உருகும் மனிதன், பேசும் தனித்தலை

இருபதாம் பகுதி டபுள் மீனிங்

இருபத்தொன்றாம் பகுதி நான் சுத்தமானவள்

இருபத்திரெண்டாம் பகுதிநான் ஒண்ணுமே பண்ணலயே

இருபத்தி மூன்றாம் பகுதிவெளிய வாடா

இருப்பத்தி நான்காம் பகுதி வயசுப் பொண்ணு வாந்தி எடுத்தா இவன சும்மாவா விடுவாங்க?




இந்தப் பாடலின் முதல் மூன்று வரிகள் எழுதிய பாடகர் யாரென்று கண்டுபிடியுங்களேன்

Monday, April 18, 2011

sweet sixteen

கல்லூரி முடிந்த உடன் சுமத்ராவை மாணவர்கள் நிறுத்தினர்.


இளவரசனை நாளைக்கு சஸ்பண்ட் பண்ண போறாங்களாம். நாளைக்கு காலைல வி.பி. வரச் சொல்லி இருக்காங்க. நீ பாட்டுக்கு போயிட்டு இருக்க.

அவன் ரேக்கிங் பண்ணியிருக்கான். அதுக்கு நான் என்ன பண்ண முடியும். இது சுமத்ரா

அவன் என்ன பண்ணினாலும் பண்ணாட்டியும் நீதான் வந்து பேசணும். நீதான் இப்ப ரெப்பு.

பாருங்கப்பா; ஜூனியர் பொண்ண ரேக் பண்ணியிருக்கான்; அதை தட்டிக் கேட்ட இன்னொரு ஜூனியர் பையன அடிச்சிருக்கான். அத ஏ.பி. வேற பாத்திருக்காங்க. நான் என்ன பண்ண முடியும்.

இப்டியே பேசின உன் மண்டைதான் உடையும். மொதல்ல சஸ்பண்சன் ஆர்டர கேன்சல் பண்ண வழியப் பாரு. சச்சின் தனக்கே உரித்தான பன்ச் டயலாக்கோடு தானும் இருப்பதை உறுதி படுத்தினான்.

என்ன நடந்ததுன்னு நாமதான் சொல்லணும் சுமி.., ( பேச்சோடு பேச்சாக அஜித் அவளுடைய பெயரை சுறுக்கி கூப்பிட ஆரம்பித்தான்.

அஜித் போன்றவர்கள் பேச ஆரம்பித்த பின்னர் சுமித்ரா கொஞ்சம் நிகழ்காலத்திற்கு வர ஆரம்பித்தாள்.
என்ன நடந்துச்சு? சுமித்ராவின் அல்லக்கை ஒருத்தி கேட்டாள்.

ரொம்ப நாளாவே நம்ம இளவரசன் ஜூனியர் வினிதா பின்னால் சுத்திட்டு இருந்தான்ல.

ஆமா ..., நீங்க ரெண்டு பேர் கூட உஷாபின்னாடி சுத்திட்டு இருத்தீங்க, அதை சாக்கா வெச்சு ஒருத்தர ஒருத்தர் சகலைன்னு வேற கூப்பிட்டுக்கிட்டு திரியறீங்க, நேரங்காலம் தெரியாமல் சுமித்ராவும் நகைச்சுவை செய்ய முயற்சி செய்து கொண்டிருந்தாள்.

இப்ப இளவரசு மேட்டருக்கு வருவோம். இப்ப என்ன ஆச்சுண்ணா இரண்டு பேரும் தினமும் மதிய இடைவேளையிலும் வகுப்பு முடிஞ்சதும் கடலை போட ஆரம்பிச்சிட்டாங்க. அது கடந்த ஒரு வாரமா தினமும் நடக்க ஆரம்பிச்சிருச்சு.

ஐயோ.., ஐயோ.., என்னத் தவிர எல்லாப் பசங்களும் ஒரு திட்டத்தோடுத்தான் சுத்திட்டு இருக்கீங்களாடா.., வழக்கம்போல சச்சின் தனது முத்திரையை பதிக்க ஆரம்பித்தான்.

டேய் நடந்தத சொல்லுங்கடா இது சார்லி

இப்ப என்னண்டா வெள்ளெலி கூட கடலை போடற்து அவங்க பேட்ச்ல அக்ஷ்ய்க்கு புடிக்கல.., கொஞ்சம் இடைவெளிவிட்டு லோலாயி பண்ணிட்டு இருந்தவன். இன்னிக்கு பக்கத்திலயே வந்து கமெண்ட் அடிச்சிருக்கான்.

வெள்ளெலியா?

வினிதா பேருதான் வெள்ளெலி

உடனே தம்பிக்கு கோபம் வந்து அடிச்சிருக்கான். அதத்தான் ஏ.பி. பார்த்திருக்கார்.

அவன் ஃபஸ்ட் இயர் அப்படிங்கறதால அத ராக்கிங்கா காட்டி யிருக்கார். தவிரவும் அவர் வரும்ப்போதெல்லாம் இவன் பாட்டுக்கு வெள்ளெலிக்கூட பேசிக்கிட்டே இவருக்கு ஒரு வணக்கம் கூட போடாம இருந்திருக்கான். அவரும் ஒரு வாரம பார்த்திருக்கார்.

என்ன பேசிக்கிட்ட்ட்ட்டா..., ஓ.ஜி. போஸ்டிங்கில் இருந்த ஒரு மாணவன் கொஞ்சம் வேகமாகவே கத்திவிட்டான்.

அடச்சீ சும்மா இருடா.., எவ்ளோ சீரியஸா பேசிக்கிட்டு இருக்கோம். நீ வேற இது அஜித்

இன்னிக்கும் பார்த்திட்டார். அதுதான் போட்டுக் கொடுத்திட்டார். மீண்டும் சார்லி சொன்னான்.

இவ்ளோ மேட்டர் நடந்திருக்கா. இப்ப நான் என்ன பண்றது? நிஜமாக புரியாதது போல பேசினாள் சுமித்ரா.

இப்ப ரெண்டு வழி இருக்கு.

1. அடிக்கவே இல்லைன்னு நாம நிக்கலாம்

அதுக்கு வழியே இல்ல. ஏ.பி.கண்முன்னாடி அடிச்சிருக்கான்.

2. அக்ஷய் பண்ணினத நாம் நிரூபிக்கணும்.

அப்ப நாம அப்படியே பண்ணிடலாமே அந்த வெள்ளெலி ச்சீ வினிதாவ கூப்பிட்டு சொல்லச் சொன்னா சொல்லிட்டுப் போறா..., இது சுமத்ரா

அதெப்படிச் சொல்லுவா..., என்னத் தப்பா பேசுவாங்க அதுனால நீயெ பார்த்துக்க அப்படின்னு சொலிட்டு ஒதுங்கீட்டாளாம்.

இந்த பொம்பிளங்கலே இப்படித்தான் , சிவப்பு ரோஜாக்கள் சின்னப் பையன் ஒரு ஓரமாகச் சொல்லிக் கொண்டிருந்தான்.

அவள் சொல்றதிலயும் நியாயம் இருக்கில்ல

ஏன் சொல்ல மாட்ட, போன வருசம் நீயும் அப்படித்தானே சொல்லிக்கிட்டு சுத்திக்கிட்டு இருந்த

சரி அத விடுங்கடா.., இப்ப என்ன பண்றது.

அக் ஷய் பண்ணினத நீருபிக்க ஒரு வழி அந்தப் பொண்ணுவந்து ஒத்துக்கணும். அப்படி இல்லேண்ணா அவனே ஒத்துக்கணும்.

அவன் ஒத்துக்கற மாதிரி தெரியலயே ஏற்கனவே வெள்ளெலி வேற அவன இரி பண்ணிட்டு இருந்திருக்கா.. (இரி=இரிட்டேட் ன் சுருக்கம்)
அப்ப வெள்ளெலி சொன்னாலும் நம்ப மாட்டாங்க..,

ஆமாமா, செல்லாது; செல்லாது.

அதுக்கு நானொரு ஐடியா வெச்சிருக்கேன். நீ என்ன செய்யற நாளைக்கு காலைல பத்து மணிக்கு வி.பி. ரூமுக்கு வந்திரு.

நாளைக்கா? நாளைக்கு முடியாதே! துறைத்தலைவர் வகுப்பு எடுக்கிறார். நான் தான் கேஸ் பிரசண்ட பண்ணனும். பண்ணலேன்னா தொலைச்சிடுவார்.

தாயி இதெல்லாம் நீ ரெப் ஆகறதுக்கு முன்னாடி யோசிச்சிருக்கணும். நீ நாளைக்கு ஸ்கூட் விடு. அவ்வளவுதான்,

நீ இறுதி ஆண்டு தேர்வுக்கு போறதுக்கு இன்னும் மூணு வருஷம் இருக்கு. அதுக்குள்ள துறைத்தலைவர் ஓய்வு பெற்றுவிடுவார். நீ கட் அடிச்சித்தான் ஆகணும். நாங்கெல்லாம் கட் அடிச்சிட்டுத்தான் இருக்க போறோம். சச்சினின் இன்னொரு பன்ச் வெளிவந்தது.

இல்ல இன்னிக்கு கூட துரைத்தலைவர் கூப்பிட்டு கேட்டாரே! நாளைக்கு நான் போகலேனா தொலைச்சிடுவார். நான் வேணும்னா வார்டு வகுப்ப வேணும்ணா கட்டடிச்சிட்டு வந்திடரனே அழுதுவிடுவாள் போலிருந்தது.

உனக்கு இருசக்கர வாகனம் ஓட்டத்தெரியுமா?

ம். சைக்கிள் நல்லா ஓட்டுவா! நாமதான் அன்னைக்கு பார்த்தோமே !
அடுத்த பன்ஞ்சை சச்சின் வெளியிட்டான்.

அப்ப ரெண்டாம் எண் பேருந்த புடிச்சி கிளம்பி வந்திரு.

சீஃப் வகுப்பு, அவர் எத்தனை மணிக்கு வேணும்னாலும் முடிப்பார்.

அது நீ ஒழுங்கா கேஸ் பிரசண்ட் செஞ்சாத்தான். நீ ஊத்தை விடு. அவரும் சீக்கிரம் விட்டுவிடுவார்.

நீ வந்தாப் பரவாயில்லை. அப்படியில்லைனா நீயும்தான் ரேக்கிங்கல உடந்தைன்ன்னு நாங்க வாக்குமூலம் எழுதி வி.பி. கையில கொடுத்திடுவோம்.

இல்ல நான் வந்திருவேன்.

அதான் எப்படி?



சும்மா கதை விடாத! சுமனும் நீயும் ஒரே யூனிட் தானே; பேசாம சுமன் வண்டில வந்திடு. அங்க 9.30க்கு புறப்பட்டா 10.கெல்லாம் வி.பி. ரூம்முக்கு வந்திடலாம்.


தேர்தலுக்கு பின் சுமன் சுமத்ரா உரசல் அதிகரித்துக் கொண்டே இருந்தது.

இப்ப நானும் அவனும் பேசிக்கறது இல்ல
சுமித்ரா சற்று குழப்ப்பத்துடன் சொன்னாள்.

அவளுக்கு எப்படி இளவரசனை விடுவிப்பது என்பதிலிருந்து எப்படி வி.பி.யின் விசாரணைக்கு வருவது என்பதுவரை குழப்பமாக இருந்தது. மாணவர்கள் எப்படி கொஞ்சமும் கவலையில்லாமல் வகுப்புகளை தியாகம் செய்கிறார்கள் என்பதும் ஆச்சரியமாகவே இருந்தது

தொடரும்----------------------------------------->

இது கதையின் பதினாறாம் பாகம், அதனால்தான் தலைப்பு இப்படி



இந்தக் கதையைப் படிக்கும்போது அப்படியே இந்தப் பாடலையும் கேளுங்கள். எஸ்.பி.பி, எஸ். ஜானகி குரலில் மிக மென்மையான பாடல் இளையராஜாவின் இசையமைப்பு. ஆனால் மிக அபூர்வமாக வானொலி, தொலைக்காட்சிகளில் வருகிறது. உங்கள் அனைவருக்குமே மிகவும் பிடிக்கும்.






===========================================================================

கதையின் முதல் பகுதி "அடப்பாவி மணமேடையில்கூட

இரண்டாம் பகுதி நண்பர்கள் என்றும் சொல்லலாம்

மூன்றாம் பகுதி இந்தப் பூனையும் பால் குடிக்குமா?

நான்காம் பகுதி ஃபிகர் இல்லடா.., ஃபிகர் மாதிரி

ஐந்தாம் பகுதி ஒருத்திக்கு எத்தனை பேர்டா லவ் லெட்டர் கொடுப்பீங்க

ஆறாம் பகுதி நான்கு பெண்களைக் காணவில்லை.

ஏழாம் பகுதி நெஞ்சுக்கு நடுவில் தொங்கிய வாக்மேன்

எட்டாம் பகுதி மறந்தே போச்சு ரொம்ப நாளாச்சு; மடிமேல் விளையாடி...

ஒன்பதாம் பகுதி தமிழ் இந்தி ஒற்றுமையை வளர்த்த ரங்கோலிப் போட்டி

பத்தாம் பகுதி இது ராக்கிங்கிற்கு ஆதரவான இடுகை அல்ல

பதினொன்றாம் பகுதி மாணிக் ஃபாத்திமாவின் துப்பட்டா

பனிரெண்டாம் பகுதி பெண்ணுரிமை காக்க வந்த ஆபத்பாந்தவன்

பதிமூன்றாம் பகுதி அங்க is போடு இங்க was போடு

பதினான்காம் பகுதி சுதேசி மாணவர்கள், விஜயதசமி,

பதினைந்தாம் பகுதி நார்த்தி ரங்கீலாவும் மண்ணின் மகள்களும்

பதினாறாம் பகுதி sweet sixteen

பதினேழாம் பகுதி மயங்கிச் சரிந்த மாணவர் தலைவி

பதினெட்டாம் பகுதி குருதி சிந்தி குடிமக்களைக் காப்பாற்றிய கொங்கு நாட்டுத்தங்கம்

பதினொன்பதாவது பகுதி உருகும் மனிதன், பேசும் தனித்தலை

இருபதாம் பகுதி டபுள் மீனிங்

இருபத்தொன்றாம் பகுதி நான் சுத்தமானவள்

இருபத்திரெண்டாம் பகுதிநான் ஒண்ணுமே பண்ணலயே

இருபத்தி மூன்றாம் பகுதிவெளிய வாடா

இருப்பத்தி நான்காம் பகுதி வயசுப் பொண்ணு வாந்தி எடுத்தா இவன சும்மாவா விடுவாங்க?

இருபத்தி ஐந்தாம் பகுதி  தாடிக்குப் பின்னால் இரண்டு பெண்கள்

நன்றி நன்றி

Sunday, March 13, 2011

வயசுப் பொண்ணு வாந்தி எடுத்தா இவன சும்மாவா விடுவாங்க?

பட பட வென்று தட்டப் பட்ட சத்தத்தில் கல்லூரி விடுதி முழுவதுமே விழித்துக் கொண்டது என்றுதான் சொல்ல வேண்டும். சுமன் எப்போது தைரியமான ஆளாக இருந்தாலும் முக்கியமான காலகட்டங்களில் இவன் வெறொரு இடத்தில் இடத்தில் இருப்பான். அவனது ராசி அப்படி என்று சிலர் சொல்லுவார்கள். அந்த நேரத்தில் எஸ்கேப்..............    என்று ஓடி விடுவான் என்றும் சிலர் சொல்லுவார்கள்.

ஆனால் கல்லூரி விடுதியின் அறைக்கு ஒரே கதவு என்பதாலும் ஜன்னல் வழியாக வெளியே செல்ல பயமாக இருந்தாலும் அவன் திறக்காமலேயே இருந்தான். என்ன இருந்தாலும் விடுதிக் கதவுகள் அதற்குரிய பலத்தில் தானே இருக்கும். அடித்த அடியில் கதவுகள் உடைந்து விடும் முன்னரே திறந்து விடலாம் என்று திறந்தாலும்    தைரியசாலி போல முகத்தை வைத்துக் கொண்டு  யார்ரா இது இந்த நேரத்தில்  என்று சொல்லிக் கொண்டே கதவைத் திறந்தான் சுமன்.

வெளியே  தீஃபக்கின் நண்பர்கள்.  கையில் ஸ்டம்ப் , பேட் போன்ற அதிபயங்கர ஆயுதங்களுடன்  வாசலில் நின்று கொண்டிருந்தனர்,


அதற்குள் சத்தம் கேட்டு  விடுதியில் இருந்த பெரும்பாலான மாணவர்கள் கூடி விட்டிருந்தனர்.


 எல்லோரும் வந்து விட்டதால் கொஞ்சம் நிம்மதி பெருமூச்சு விட்ட சுமன்,
என்னடா இந்த நேரத்தில்.......,  அவன் கேட்கும்போது அவன் மிரட்டுகிறானா? இல்லை பயப் படுகிறானா? என்றே தெரியவில்லை.

”தீபக் குமாரை தூக்கிட்டு போய்ட்டாங்க”

என் ரூம்ல செக் பண்ண போரியா.. ,  பண்ணுங்கடா, பண்ணுங்க...,   இப்போது தைரியமாகவே சொன்னான் . சுமன்.

”பொண்ணு வாந்தி எடுத்தா இவன சும்மா விட்டுவாங்களா”

என்னடா இங்க பிரச்சனை.

இங்கிலீஷ் குப்பனும் வந்து சேர்ந்தான். இங்கிலிஸ் குப்பனைப் பற்றி தெரியாதவர்கள் இந்த சுட்டியைத் தட்டுங்கள்.

இங்கிலிஷ் குப்பன் வந்த உடன் இன்னுமேட் தைரியம் ஆனான் சுமன்.


சுமத்ரா மயங்கி விழுந்த கதையையும் , அதன் பின்னர் நடந்த நிகழ்வுகளையும் சுருக்கமாக குப்பனிடம் சொல்லப் பட்டன. சச்சின், அஜித் போன்றவர்களும் வந்து சேர்ந்தனர்.

சுமத்ரா மயங்கி விழுந்த கதை  தெரியாதவர்கள்  இந்த   சுட்டியத் தட்டுங்கள்.


குப்பன் எப்போது  பிரச்சனைகளை வித்தியாசமாக கையாளுபவன்.  சுமித்ராவின் ஊரைச் சொல்லி நேரா அங்க போயி விசாரிங்கடா என்று சொன்னான்.



சுமன் அறைக்கு ஆயுதங்களுடன் வந்தவர்கள், கிராமத்திற்கு செல்லச் சொன்னதும் பயந்தே போனார்கள். சற்று சோர்வுடனேயே  தீபக்க எப்படி திரும்பிக் கொண்டு வருவது என்று பேச ஆரம்பித்தனர். 

எப்படிடா இதெல்லாம் வீட்டுக்குப் போச்சு?

சுமித்ரா மயங்கி விழுந்த நிகழ்ச்சிக்குப் பின் நடந்த நிகழ்ச்சிகளையும்  சுமித்ரா மிகுந்த மன உழைச்சலுக்கு உள்ளானதால் மிகவும் சோர்ந்து எந்த நிகழ்வுகளிலும் கலந்து கொள்ளாமல் ஒதுங்கி ஒதுங்கி இருந்ததால் தோழிகளில் ஒருத்தி வீட்டுக்குத் தகவல் கொடுத்ததாக தோழிகளின் தோழன் ஒருவன் சொன்னான்.

சரி வா.,  நாம சுமித்ரா ஊருக்குப் போய் பேசிப் பார்ப்போம்.

போலிசுக்குப் போலம்டா..,  தீபக் குமாரின் நண்பன் ஒருவன் சொன்னான். வேண்டாம்டா பேப்பர்ல வந்தா ரொம்ப அசிங்கம். தவிரவும் சுமித்ராவோட குடும்ப செல்வாக்கு முன்னாடி போலிஸ் ஒண்ணும் பண்ண முடியாது இது டேஞ்சர் டயபாலிக்.  டயபாலிக் பற்றி தெரியாதவர்கள் இந்த சுட்டியைத் தட்டவும்.

குப்பன், டயபாலிக்,சுமன் போன்றவர்கள் சுமித்ராவின் ஊருக்குக் கிளம்பினார்கள். 


சச்சின்னுக்கு திடீரென்று ஒரு சந்தேகம்.

ஏண்டா சுமித்ராவுக்கு தீஃபக் குமாரை பிடிச்சு கல்யாணம் பண்ணி செச்சிரும்பாங்களாடா?  அந்த ஊரில அரிவாள் மனை கல்யாணம் சகஜம்டா..,

அரிவாள் மனைக் கல்யாணம்  என்பது அரிவாள்மனை முனையில் பெண்ணுக்கு தாலிகட்ட வைப்பது.


என்ன நடக்குதுன்னு யாருக்குத் தெரியும்?  நம்ம போயி பார்த்திட்டு வரும். அவ்வளவுதான்.


ஏண்டா தாலி கட்ட மாட்டேன்னு சொன்ன என்னடா பண்ணுவாங்க


வெட்டிடுவாங்கடா..,


தலையன்னு நினைக்காதடா ...,


கொஞ்சம் திகிலுடனே கிளம்பிப் போணார்கள்.



தொடரும்............................................


முந்தைய பாகத்தினைப் படிக்க இந்தச் சுட்டியைத் தட்டுங்கள்







Enjoy the climax of 'Siva' by istream

Saturday, January 29, 2011

அரவிந்தசாமியும் மணீஷாவும்


அது ஒரு காதலர் தினம்। நாங்கள் கல்லூரியில் படித்துக் கொண்டிருந்த காலம் அது।। ஒரு வி।ஐ।பி। வருகிறார் என்று ஊரே பரபரப்பாக இருந்தது। எங்களுக்கும் ஒரு பரபரப்பாக இருந்தது। எங்கள் நண்பன் அரவிந்தசாமி, மணிஷாவிடம் காதலைச் சொல்லப் போவதாகச் சொல்லிக் கொண்டிருந்தான்। அவர்கள் காதலை சொல்லிக் கொள்ளவில்லையே தவிர மற்றபடி காதலர்கள்போல்தான் சுற்றிக் கொண்டிருப்பார்கள்।
அவர்களுக்கு அடிக்கடி பாடங்களில் சந்தேகம் வரும்। அதை சரி செய்ய இவர் இருக்கும் இடத்திற்கு அவரும் அவர் இடத்திற்கு இவரும் வருவார்। ஓரே வகுப்புதான்। ஆனால் செயல்முறை வேறுவேறு இடங்களில்।। அருகில் இருக்கும் எங்களிடம் எல்லாம் சந்தேகம் கேட்க மாட்டார்கள்। இவர்கள் ஒன்றாக படிப்பது எங்களுக்கு எந்த பாதிப்பையும் ஏற்படுத்தாத காரணத்தால் நாங்கள் நல்ல நண்பர்களாக இருந்தோம் என்றே நினைக்கிறேன்। பொதுவாக இது போன்று ஆரம்பிக்கும்போது மற்ற நண்பர்களை வெட்டி விடுவார்கள்।
லஷ்மி காம்ப்ளக்ஸில் என்னமோ வாங்க வேண்டும் என்று சொல்லிவிட்டு சென்றிருந்தான்। அரவிந்தசாமி। । கல்லூரி விடுதியில் மதிய உணவு எடுத்தபின் கிரிக்கட் ஒன்பிச் விளையாடிக் கொண்டிருந்தபோது காந்தி புரத்தில் குண்டு வெடித்ததாக செய்தி வந்தது। இவன் வேற அங்கதானே போயிருக்கிறான்। ஒன்றும் புரியவில்லை। யூனிட்ஸ்க்கு என்ன ஆச்சோ என்று என் ரூம்மேட் வேறு புலம்ப ஆரம்பித்தான்। மனிஷாவும் அவனுக்கும் ஒரே இடத்தில் செயல்முறை வகுப்பு இருப்பதால் அப்படி।
சிறிது நேரம் கழித்தபின் நிஜமாகவே எங்களுக்கு படபடப்பு அதிகம் ஆனது। நாங்கள் சென்று பார்த்து வர வேண்டும் என்றால் எங்கள் சீணியர் மாணவர்கள் அனுமதிக்கவில்லை। (யாரும் வண்டி கடன் கொடுக்கவில்லை)। மாலைப் பொழுது ஆனது। அவர்களைப் பற்றி ஒரு தகவலும் இல்லை। ஆனால் ஊரில் ஆங்காங்கே குண்டு வெடிப்பதாக மட்டும் தகவல் வந்து கொண்டே இருந்தது। இந்த நேரத்தில் அரவிந்தசாமி வீட்டில் இருந்து வேறு பத்திரமாக இருக்கிறீர்களா? என்று போண் வேறு செய்துவிட்டார்கள்। அப்போது செல்போன் கிடையாது।
மிகக் கொடுமையான நேரங்கள் அது। அந்தநேரத்தில் அடுத்த தகவல் வந்தது। மருத்துவ கல்லூரி மருத்துவ மனையிலேயே குண்டுவெடித்தது। செவிலியர்கள் பலி। மற்றும் படுகாயம்। யாரோ சொல்லிக் கொண்டிருந்தார்கள்। உலகப் போர் காலத்தில் கூட மருத்துவமனைக்குள் குண்டு வெடித்து கிடையாதாம்।
நாங்கள் என்ன செய்ய முடியும் அரவிந்தசாமியின் வீட்டிலிருந்து மீண்டும் போன் வந்தால் என்ன சொல்வது। கூப்பிடுகிறோம் என்று சொல்லி வைத்துவிட்டோம்। அதன்பிறகு போண் பிசியாகவே இருந்தது। எல்லா மாணவர்களையும் அவர்கள் வீட்டில் விசாரித்துக் கொண்டிருந்தனர்।। இரவும் வந்துவிட்டது। அப்போது மருத்துவ மனையை விசாரித்து ரெண்டும் இருக்கா என்றும் கேட்டோம்। ஒரு தகவலும் இல்லை।
மருநாள் காலை। கோவையில் அனைத்து கல்லூரிகளுக்கும் விடுமுறை। ஆனால் மருத்துவ கல்லூரி படுவேகத்துடன் இயங்கி கொண்டிருந்தது। வேகமாக மருத்துவ மனைக்குச் சென்று காயம் அடைந்தவர்கள் மரணம் அடைந்தவர்கள் என்று எல்லா பகுதிகளையும் சுற்றி சுற்றீ வந்தோம்। மூன்றாம் ஆண்டு மாணவர்களுக்கு பெரிய வேலை ஒன்றும் கிடையாது என்றாலும் அன்று பார்க்க வருபவர்களுக்கு கூட நிறைய வேலை இருந்தது।
ஒவ்வொரு முறை சுற்றும் போதும் தப்பித்து விட்டார்கள் என்று மனம் சந்தோஷப் படும்। அடுத்த வினாடியே இப்போது ஏதும் கொண்டுவந்திருப்பார்களோ நாம் சரியாய் பார்க்கவில்லையோ என்று துக்க பட வைக்கும்। உடனே மீண்டும் ஒரு சுற்று। நரக வேதணை என்பது அதுதான்। இப்போது கூட அன்று கண்ட காட்சிகள் குலைநடுங்க வைக்கின்றன। அடுத்த மூன்று நாட்களும் எல்லா வார்டுகளையும் சுத்தோசுத்து என்று சுத்தி ஒருவழியாக நிலமை கட்டுக்குல் வந்தது।
,
இவர்கள் என்ன ஆனார்கள்।? அங்கேதான் விதி।। காதலர் தினத்தை கொண்டாட முதலில் தேர்ந்தெடுத்த இடம்। ஈச்சனாரி பிள்ளையார் கோவில்। அவ்விடம் ஊரின் நுழைவாயிலில் இருக்கிறது। அங்கேயே செய்தி கிடைத்த உடன் அப்படியே அவனது பைக்கில் பொள்ளாச்சிக்கு (சொந்த ஊர்) போய் மணிஷாவையும் ஊருக்கு அனுப்பிவிட்டான்। மறுநாள் அவன் மாணவர் விடுதிக்கு போன் போட்டிருக்கிறான்। நாங்கள் பயிற்சி மருத்துவர்களுடன் இருந்திருக்கிறோம்।எங்களுக்கு மூன்று நாள் கழித்து தெரிந்தது.



எப்படியோ என்னோட ரூம்மேட் யூனிட்ஸ்க்கு ஒன்னும் ஆகல என்று மகிழ்ச்சியுடன் சுற்றிக் கொண்டிருந்தான்.

 ==========================================================
மீள்பதிவுதான், முதலில் வெளியான தேதி முதல் பின்னூட்டத்தில்

Sunday, January 23, 2011

நெஞ்சுக்கு நடுவில் தொங்கிய வாக்மேன்

சுமித்ரா, நக்மா இரண்டு பேரும் காணாமல் போனது எங்களுக்கு மிகவும் மகிழ்ச்சியாக இருந்தது. அப்பாடா...,,, தலைக்கு வந்தது தலைப் பாகையோடு சென்றது என மிகவும் மகிழ்ச்சியாக இருந்தோம். ஏறக்குறைய கொண்டாட்டங்கள் துவங்கிவிட்டன... இந்த சூழலில் எங்கள் தானைத் தலைவர், அன்பு அண்ணன், கடமைதவறா மாவீரன் டயபாலிக் எங்களை அழைத்தார். அவர் வகுப்புத் தலைவர் அல்லவா..., பொறுப்பு பொங்கி வழிந்தது....

என்னடா..,

போயி ரெண்டு பேரெயும் கூட்டிட்டி வாங்கடா..,

ரெண்டில்ல

ரெண்டோடு ரெண்டு நாலு..........


நாங்கூப்டாவல்லாம் வரமாட்டா.......... வேற யாராயவது அனுப்பு,


கடுப்பானார் டயபாலிக். சற்று கோபமாகவே சென்சார் செய்யக்கூட கூச்சப்படும் வகையில் தனது சர்வாதிகாரத்தைப் பயன்படுத்தி டயபாலிக் எங்களுக்கு உத்தரவிட்டார்..
==========================================================


கதையின் முதல் பகுதி "அடப்பாவி மணமேடையில்கூட


இரண்டாம் பகுதி நண்பர்கள் என்றும் சொல்லலாம்

மூன்றாம் பகுதி இந்தப் பூனையும் பால் குடிக்குமா?

நான்காம் பகுதி ஃபிகர் இல்லடா.., ஃபிகர் மாதிரி

ஐந்தாம் பகுதி ஒருத்திக்கு எத்தனை பேர்டா லவ் லெட்டர் கொடுப்பீங்க

ஆறாம்பகுதி நான்கு பெண்களைக் காணவில்லை. சுட்டிகளைப் பயன்படுத்திப் படித்துவிடுங்கள்.
=========================================================

முதல்பகுதியில்


எங்களில் முதலில் திருமணம் ஆனது சுமித்ராவிற்குத்தான். இன்னும் பயிற்சிக் காலத்தில் நாங்கள் அனைவரும் இருந்ததால் சுமித்ராவின் திருமணத்திற்கு எல்லோரும் சென்றிருந்தோம். மணமக்களுக்குப் பரிசுகளை நாங்கள் கொடுத்தபோது சுமித்ராவின் கணவர் சுமன்குமாரைப் பார்த்து கேட்ட கேள்விதான் எங்களை அதிர்ச்சிக்குள்ளாக்கியது.

"ஏன் இந்தப் பையன் மட்டும் இவ்வளவு சோகமாய் இருக்கிறான்?" என்று கேட்டார்.

"அடப்பாவி மணமேடையில்கூட என் வாழ்க்கையில் விளையாடுகிறாயா" என்று சொன்னாள் சுமிதரா.

(ஒரு ஞாபகத்துக்காக) கதை சுபமாகத்தான் முடியும்

=========================================================

வரவர டயபாலிக் ரொம்ப பண்றாண்டா..,, இவளுகல்லாம் வந்தா என்ன? போனால் என்ன? இவளுகப் போயி தேடச் சொல்றாண்டா.. புலம்பிக்கொண்டே வந்தான் சச்சின்.., அறிவைத் தவிர எல்லாம் வளர்ந்திருக்கும். அவ என்னைக்காவது நம்மள மதிச்சிருக்காளா? அவள ஏண்டா நம்ம தேடணும். சச்சினுக்கு நக்மா என்றாலே அலர்ஜி.. அல்ர்ஜி என்றால் சாதாரண அலர்ஜி அல்ல. அனாபைலாகிக்ஸ் என்று சொல்லக் கூடிய அளவு அதி தீவிர அலர்ஜி. கடுப்பின் உச்சத்தில் டயபாலிக்கை கொதறிக்கொண்டே இருந்தான். இத்தனைக்கும் அந்தப் பெண்களின் காதலர்கள் என்ற லேபிளில் ஆள் இருக்கும் போது தன்னை அனுப்புவதில் இன்னும் பெரிய கோபம்.

வாடா.., இன்னொரு முறை லால்பாக் சுத்திப் பார்க்கலாம். சற்று சமாதானப் படுத்திக்கொண்டே லால்பாக் கில் வலம்புரியாக சுற்ற ஆரம்பித்தோம். நண்பன் இங்கிலீஷ் குப்பனும், அஜித்தும் இடம்புரியாகச் சுற்ற ஆரம்பித்தார்கள்.

250 ஏக்கர் பரப்பலவில் பரந்துவிரிந்து கிடக்கும் பெரிய பூங்கா அது. தோட்டங்களாகவே பரவிக்கிடந்தது. அதில் செடிகளிலேயே கடிகாரம் செய்து வைத்திருந்தனர்.

டேய் அங்க பாரு சச்சின் கூவினான். என்னடா ட்ரெஸ் இது ஆம்பிளையா பொம்பளையான்னே தெரியல..............

போடா. இந்த ஊர்ல நெரயாப் பெண்கள் ஜீன்ஸ் போடறாங்க........ வந்த வேளையைப் பாரு..

ஆனா இந்த மாதிரி எந்தப் பொம்பளயும் ஜீன்ஸ் போட மாட்டா. எவ்ளோ பெரிய கூலர்ஸ் போட்டிருக்கா பாரு. நான்கூட வழியில வாங்கலாம்னு சொன்னேன். நீதான் மஞ்சுளா( உலகம் சுற்றும் வாலிபன் நாயகியேதான்) கண்ணாடி மாதிரி இருக்குன்னு சொல்லீட்டே.....

நாங்கள் போகும் வழியில் ஒரு அம்மன் கோவில் இருந்தது. அங்கு உள்ள பெட்டிக்கடையில் 20அல்லது30 ரூபாய் கண்ணாடிகள் குவித்துவைத்திருந்தனர். அதைக் கேட்டு சச்சின் அடம்பிடித்துக் கொண்டிருந்தான். நாங்கள்தான் கேவலமாக இருப்பதாகச் சொல்லித்தடுத்துவந்தோம். ஆனால் அதே மாதிரி கண்ணாடி இங்கே இன்னொரு பெண்..

பாதுகாப்பான தொலைவுக்கு சச்சினை அழைத்துவந்துவிட்டு நாங்கள் இருவரும் அந்த நாகரீக மங்கையை நோட்டமிட ஆரம்பித்தோம். ஒரு கையில் ஏதோஒரு சிப்ஸ், இன்னொரு கையில் வேறொரு ஐட்டம்.

டேய் வாக்மேன் பாருடா...

இல்லடா அவ பொண்ணுதான்.., எனக்கு நல்லாத்தெரியுது.

நானும் அதைத்தாண்டா சொல்றேன்..

வாக்மேன் எங்க மாட்டியிருக்கா பாரு...

எங்கே என்று வாய் கேட்டாலும் கண்களுக்கு அந்த இடம் கிடைத்துவிட்டது..

அந்த பெண் அணிந்திருந்த டி-சர்ட்டின் நெஞ்சுப் பகுதியில் வாக்மேனை செருகிக் கொண்டு இரண்டு கைகளிலும் ஏதோ ஒன்றை வைத்துக் கொண்டு அந்தப் பெண் நடந்துகொண்டிருந்தாள்.. வாக்மேன் கருவி சற்று எடை கூடிய கருவி என்பது அது மாட்டிய இடத்தை கீழே இழுத்ததில் இருந்து எங்களால் உணரமுடிந்தது.

அவள்ந்டையே வேறொரு மாதிரி இருந்தது. அப்போது அந்த அவளின் தோழிப் பெண் வந்து சேர்ந்தால். தோழியைப் பார்த்த உடன் எங்களுக்கு அடையாளம் தெரிந்துவிட்டது. அந்த நாகரீக வேற்று கிரகவாசி நக்மாதான் என்று.. வேகமாக அவள் அருகில் சென்றோம்.

நக்மா எங்கள் வகுப்பில் இருந்தாலும் கடந்த ஒரு ஆண்டில் அவளை நாங்கள் (நான்) அவ்வளவு அருகில் இருந்து பார்த்ததில்லை. தவிரவும் புடவை கட்டி கோட் போட்டுப் பார்த்த ஜீவராசியை நாகரீகக் கண்கொண்டு பார்த்ததில் எங்களுக்கு அடையாளம் காண்பதில் சிரமம் ஏற்பட்டுவிட்டது. தனது ரசனையும், நக்மாவின் ரசனையும் கூலர் விஷயத்தில் ஒன்றாய் அமைந்தது சச்சினுக்கு மிகுந்த சந்தோஷம். டயபாலிக் எது செய்தாலும் ஒரு அர்த்தம் இருக்கும்டா.. (டயபாலிக்கின் பாத்திரம் வித்தியாசமானது அவர் எது சொன்னாலும் அவரது நண்பர்கள் அவரைத் திட்டுவார்கள். ஆனால் அவர் சொல்வதைத்தான் கேட்பார்கள்)

போற்றுவார் போற்றட்டும்; தூற்றுவார் தூற்றட்டும் போகட்டும் டயபாலிக்குக்கே

என்ற எண்ணமே டயபாலிக் யின் நண்பர்களுக்கு இருந்தது.

டயபாலிக் யை புகழ்ந்து கொண்டே நக்மாவுடன் கடலை போட ஆரம்பித்தான். சச்சினுக்கு கல்லூரி வாழ்க்கையில் அதுதான் முதல் கடலை. அதுவே நன்கு விளைந்து கொண்டிருந்ததில் மிகுந்த மகிழ்ச்சி. நடுவில் வாக்மேனின் கேசட் கூட மாற்றிவிட்டான்.அவள் இரண்டு கையிலும் வைத்திருந்த நொறுக்கு தீனிகளை கைகளை மாற்றாமல் சாப்பிட்டுக் கொண்டிருந்தாள். இவன் பேசிக்கொண்டே இருந்தபோதிலும் காதில் இருந்த இயர்பீஸை கழட்டாமலேயே சச்சினுடன் கடலை போட்டுக் கொண்டுவந்தாள் நக்மா, கூடவே அல்லக் கையும்

பத்தடி தள்ளி நானும் அவர்கள் பின்னாலேயே பேருந்துவுக்கு வந்து சேர்ந்தேன்.

பேருந்தில் சுமித்ராவும் உட்கார்ந்திருந்தாள். இங்கிலீஸ் குப்பனையும் அஜித்தையும் பார்த்தியா? இது நான்



நாங்க ஏன் அவனுகள பார்க்கணும்? வழக்கம் போல் சுமித்ரா உதார்விடத்தொடங்கினாள்

உங்க ரெண்டு பேரையும் தேடிட்டுத்தான் வந்தானுக...

நாங்க என்ன சின்னப் பொண்ணுகளா... தொலஞ்சு போக சுமித்ரா கொஞ்சம் அமைதியாக பதில் சொன்னமாதிரி இருந்தது.

உங்களுக்காகத்தான் வண்டி ஒருமணிநேரம் காத்துக் கிடக்கு. இது இன்னொரு தோழி.

அவர்களைப் பார்ர்கவே இல்லை என்று சொல்லிவிட டயபாலிக் கொஞ்ச நேரம் பொறுமையாக இருக்கச் சொன்னான்.

கொஞ்ச நேரத்தில் இங்கிலீஷ் குப்பனும் அஜித்தும் வந்து சேர்ந்தனர்.

கூப்பிட்டுக்கிட்டே இருக்கேன். நீ பாட்டுக்கு வந்துக்கிட்டே இருக்க வந்ததும் கோபத்துடன் அஜித் சொன்னான்.

சுமித்ராவின் தோழி:- நான் அப்பவே சொன்னேன். இவதான்

கூப்ட்டா போகதடி. விவகாரம் புடிச்சவனுக ன்னு சொன்னா..

இங்கிலீஷ் குப்பன்:-உங்களத்தேடி நாங்க வந்தா எங்களுக்கு அல்வா கொடுத்துட்டு சுத்துரியா

சுமித்ரா:-இங்க பாரு நீ எங்கள தேடி வருவேன்னு எங்களுக்கு எப்படித் தெரியும். ஏதோ ரவுசு உடறேன்னு நினைச்சு அப்படிச் சொன்னேன். நீ பாட்டுக்கு பேசிக்கிட்டே போற.. முதல்ல வாய மூடு..

இங்கிலீஷ் குப்பன் பயங்கர கடுப்புடன் அடிங்க்............... என்று சொல்லிக் கொண்டு பாய்ந்தான் . மூடு என்பது அவர்களின் வட்டாரச் சொல்லில் ஒரு கெட்டவார்த்தை என்பது அதன்பின் தான் எங்களுக்குத் தெரிந்தது.

திருதிருவென முழித்துக் கொண்டிருந்தான் சுமன்குமார்

=========================================================

தொடரும்

Thursday, January 20, 2011

நட்டநடுராத்திரியில், வெளிநாட்டு பாணியில்......,

கல்லூரியில் நண்பன் வீட்டில் goat cutting. எங்களை அழைத்திருந்தான். பொள்ளாச்சியிலிருந்து திருப்பூர் போகும் வழியில் வீடு. {ஆனால் அதை ஊர் என்றெல்லாம் சொல்லமுடியாது. அவனே அதை தோட்டம் என்றுதான் கூறுவான்}.


அவனது குடும்பம் பற்றி முதலில் கூறிவிடுகிறேன். அவனது தந்தை திருப்பூரில் ஏற்றுமதியாளர். தவிர நிறைய விவசாயம். சுருக்கமாகச் சொன்னால் சூரிய வம்சம், நாட்டாமை சரத் குமார் வீடு மாதிரி. அவனது அண்ணன் சென்னையில் பொறியியல் துறையில் ஏதோ வேலை. அவனது அக்கா குழந்தைக்கு காது குத்தும் நிகழ்ச்சி நடந்தது. அதில்தான் goat cutting. [கிடா வெட்டும் நிகழ்ச்சிதான்]



வசதி படைத்த குடும்பம் அல்லவா.. அதில் உணவுகள் எல்லாம் சிறப்பாக ஏற்ப்பாடு செய்திருந்தினர். வீட்டின் கீழ்ப்பகுதியில் தலைவாழை இலைபோட்டு சோறு, கூட்டு, குழம்பு, ரசம், பொறியல், வடை, ஆடு, முட்டை, கோழி என்று அமர்க்களப் படுத்தி இருந்தார்கள். எங்களுக்கு மாடியை ஒதுக்கிக் கொடுத்திருந்தனர்.

நாங்கள் ஏதோ அமெரிக்காவில் இருந்து வந்தது போல் நினைத்திருந்தார்களோ என்னவோ.. எங்களுக்கு உணவே வேறா மாதிரி இருந்தது. பஃபே முறை. நான், ஃபிரைடு ரைஸ்.. இன்னபிற பெயர் தெரியாத உணவுவகைகள் [மட்டுமே].


பார்த்த உடனேயே எங்களுக்கு ஒரே ஏமாற்றம் . இருந்தாலும் சமாளித்துக் கொண்டோம். இருந்தாலும் தட்டைத் தூக்கிக் கொண்டு ஒவ்வொரு இடமாக சாப்பாடு வாங்கத்தொடங்கினோம்.

டேய்.. மணி... நண்பனின் பால்ய சிநேகிதர்கள் கூட்டம் வர ஆரம்பித்தது. அதே நேரத்தில் கீழே உள்ள சொந்தங்களுக்கும் சப்பாத்தி, காளான், கறி வகையறாக்கள் சிறப்பு உணவாக வழங்கப் படுவது தெரிந்து அவர்களும் வர ஆரம்பித்தனர். சின்ன அறையில் வெளியே வராமல் உள்ளேயே நின்று கொண்டு சாப்பிட ஆரம்பித்தனர். அந்த அறையின் மொத்த கொள்ளளவினையும் தாண்டி............ வெளியே செல்லவும் வழியின்றி.... மறுபடியும் வாங்க படியேறி வரவேண்டுமே...... ஒரே நேரத்தில் எல்லாப் பொருட்களையும் தட்டில் வாங்கிக் குவித்து மொத்தமாய் பிசைந்து சாப்பிட...


எப்படியோ ஒரு வழியாக சாப்பிட்டு முடித்தோம். கீழே வந்தால் எல்லோரும் தலைவாழை இலைபோட்டு சாப்பிட்டுக் கொண்டிருந்தனர்.

எங்கு பஃபே முறையில் சாப்பிட்டாலும் அந்தக் காட்சிதான் மனதில் ஓடிக் கொண்டே இருக்கிறது.

Saturday, January 1, 2011

பெண்ணுரிமை காக்க வந்த ஆபத்பாந்தவன்

ஆண்கள் , பெண்கள் விடுதி மாணவர்கள் மதியம் தாண்டியும் தூங்கிக் கொண்டு இருந்தார்கள்.
முன்னிரண்டு நாட்களில் நடந்த கல்லூரி விழாவுக்காக விழிந்திருந்த அலுப்பும், முதல்நாளில் இரவில் நடந்த இசை இரவினை ரசித்த களைப்பும், விழாவில் சாதித்த ஒரு திருப்தியுமாக அனைவரும் தூங்கிக் கொண்டு இருந்தனர். விழாக்காலங்களில் கூட தங்கள் கடமை தவறாத மாணவ மாணவிகள் புத்தகங்களுடன் வீட்டுக்குச் சென்று விட்டதால் அப்போது விடுதிகளில் இருந்த அனைத்து மாணவ மாணவிகளும் விழாவில் பங்கெடுத்தவர்களாகவே இருந்தனர்.

எல்லோரும் எதாவது ஒரு போட்டியில் வென்ற இருந்தனர். சிலர் மேடை ஏறி பரிசு வாங்கி இருந்தனர். சிலர் முறைசாராப் போட்டிகளில் பரிசு வாங்கி இருந்தனர். முறை சாரா போட்டிகள் என்பது சற்று வித்தியாசமான போட்டிகள். வழக்கமான மேடை போட்டிகளுக்கு நடுவே போட்டி நடத்துபவர்கள் பார்வையாளர்களுக்கு நடுவே வந்து சில கேள்விகள் கேட்பார். அந்த கேள்விகள் பாட சம்பந்தமாக இருக்கலாம்.அல்லது முந்தைய போட்டியின் போட்டியாளரின் கருத்தில் இருக்கலாம், பார்வையாளருக்கு முன்னால், பின்னால் அமர்ந்திருக்கும் சக பார்வையாளரின் சட்டை, அல்லது புடவை வண்ணத்தை கூட கேட்பார்கள். மிகவும் எளிமையான கேள்வி அல்லது போட்டியாக அமையும். பொதுவாக கேட்கப் படும் பார்வையாளர் பரிசு பெறும் நோக்கிலேயே அந்த போட்டிகள் அமையும். எனவே எல்லோரும் மகிழ்ச்சியாக இருப்பார்கள்.

இதிலெல்லாம் கலந்து கொண்டு களைப்பில் உறங்கிக் கொண்டிருந்த மாணவர்கள் மாலை நேரத்தில் ஒவ்வொருவராக எழுந்து தேநீர் குடித்துவிட்டு வெளியே வந்து நடைபயில ஆரம்பித்திருந்தனர். அன்றைய தினம் சிறப்பு விடுப்பாக முதல்வரால் அறிவிக்கப் பட்டிருந்தது.

நடைபயிலும்போதே எல்லோருடைய கால்களும் பிள்ளையார் கோவிலை நோக்கியே அமையும். அது நடைமுறைச் சட்டம் ஆதலால் அவ்வாறாகவே நடந்து கொண்டிருந்தனர்.

அப்போது பிள்ளையார் கோவிலில் நண்பர் ஜில்லட்டின் குமார் ஒரு கூட்டத்தினைக் கூட்டி பேசிக் கொண்டிருந்தார். பேச்சின் சாராம்சம் இதுதான்.
இங்கிலீஷ் குப்பனின் கொட்டம் நாளுக்கு நாள் வளர்ந்து கொண்டே வருகிறது. சகமாணவிகளை மதிப்பதில்லை. பெண்களுக்கான அடிப்படை உரிமைகளைக் கூட கொடுப்பதில்லை. எல்லோரும் ரசிக்கும் கலை நிகழ்ச்சிகளைக்கூட தனிநபர் தாக்குதல்களுக்கு உபயோகப் படுத்துகிறான். சமீபத்தில் நடந்த மாணிக் ஃபாத்திமாவின் துப்பட்டா நிகழ்ச்சியில் கூட பெண்களை மிக மோசமாக சித்தரிக்கிறான். இதை வளரவிட்டால் நம் கல்லூரியில் பெண்களின் நிலை மிகவும் மோசமான நிலையை அடைந்து விடும். நாமெல்லாம் கூடி பெண்ணுரிமையை காத்தே தீர வேண்டும்.

அவனது அந்தப் பேச்சினை அங்கே இருந்த சில பெண்கள் கேட்டுக் கொண்டு இருந்தனர். இதனை கண்டிப்பாக தட்டிக் கேட்டே தீர வேண்டும். என்பதில் எல்லோரும் உறுதியாக இருந்தனர். அந்தப் பெண்களில் சுமித்ராவோ போட்டிகளில் கலந்து கொண்டிருந்த பெண்களோ யாரும் இல்லை. ஆனாலும் ஜில்லட்டின் குமாரின் பேச்சிற்கு ஆட்கள் சேர்ந்து கொண்டிருந்தன்ர்.

-----------------------------------------------------------------------------------------------

குப்பன் கடந்த பல நாட்களாக தூங்காமல் இருந்ததால் மிகவும் அசந்து தூங்கிகொண்டு இருந்தான். இரவு எட்டுமணி அளவில் நண்பர்கள் எழுப்பினர்.

அரைதூக்கத்தில் இருக்கும்போதே சொல்ல ஆரம்பித்தனர்.

சுமித்ராவின் துப்பட்டாவை திருடிவிட்டதாக கல்லூரி முதல்வரிடம் புகார்கொடுக்க போறாளாம். சாட்சிக்கு நடன அரங்கில் பயிற்சி எடுத்துக் கொண்டிருந்த பெண்கள் , அவன் சபதம் செய்தபோது அருகில் இருந்த மாணவர்கள், அவனை ஆதரித்து போஸ்டர்கள் ஒட்டியிருந்த சீனியர் மாணவர்கள், மாணிக் ஃபாத்திமா நாடகத்தினைப் பார்த்த ஆசிரியர்கள் மாணவர்கள் அனைவரையும் சாட்சிகளாகச் சொல்ல போகிறாளாம்.

இப்ப என்னடா செய்யறது?

தூக்கக் கலக்கத்திலேயே குப்பன் சொன்னான்..,

"நடக்கறது நடக்காம இருக்காது; நடக்காம இருக்கறது நடக்காது"


..............................................................................................................



தொடரும்


இதன் முந்தைய பகுதிகளுக்கு இந்தச் சுட்டியையோ அல்லது அருகில் உள்ள சுட்டிகளையோ பயன் படுத்துங்கள்.

Monday, September 6, 2010

மாணிக் ஃபாத்திமாவின் துப்பட்டா

இது என்னோட மானப் பிரச்சனை, சுமித்ராவோட துப்பட்டா என் கைக்கு வந்தாகணும்; அந்த இத்துப்போன அட்டுக்கு நான் யாருன்னு காட்டியாகணும்.
 http://static.ibnlive.com/pix/sitepix/04_2010/manisha_wed630x420.jpg
இங்கிலீஷ் குப்பன் ஆக்ரோசமாக உரை நிகழ்த்திக் கொண்டிருந்தான். அவன் முகத்தில் ஒரு அதி பயங்கர தீவிரம் இருந்தது. சுமித்ராவிடம் விட்ட சவாலில் வெற்றி பெற்றே தீர வேண்டும் என்ற எண்ணமும் பட்டொளிவீசி பறந்து கொண்டிருந்தது.

----------------------------------------------------------------------------------

ஏற்கனவே கெட்ட வார்த்தை பேசியதால் இருவருக்கும் சண்டை ஏற்பட்டதை நீங்கள் அறிந்திருப்பீர்கள். அறியாதவர்களுக்கு இந்தச் சுட்டி.

சுமன் - சுமித்ரா சவாலையும் அப்போது ஏற்பட்ட சண்டையும் அறிய இந்தச் சுட்டி.

கதையின் முந்தைய பகுதிகளுக்குப் போக இந்தச் சுட்டி
--------------------------------------------------------------------------------------------------

ரொம்ப சிம்பிள்டா.., ஆண்கள் விடுதிக்கும், பெண்கள் விடுதிக்கும் ஒரே சலவை தொழிலாளிதான். அவரை நாம கரெக்ட் பண்ணிடலாம். நிகழ்ச்சி நடக்கும்போது துப்பட்டா நம்ம கைக்கு வந்துவிடும்.

நண்பர் ஒருவர் ஆறுதல் சொல்லிக் கொண்டிருந்தார்.

அதெல்லாம் நான் பத்து நாட்களுக்கு முன்பே ஆரம்பித்துவிட்டேன். இன்றுவரை அந்த அன்கோண்டா துப்பட்டாவ சலவைக்குப் போடவே இல்லை.

சலவைத் தொழிலாளி நம்மள ஏமாத்துறாரா?

அப்படி ஒன்னும் தெரியலயேடா... நான் தினமும் பைனாக்குலர் மூலமா துணி காயப் போடும் இடத்தை தினமும் கவனித்துக் கொண்டுதான் இருக்கிறேன்.

-----------------------------------------------------

இதைக் கேட்டுக் கொண்டிருந்த சுமித்ராவுக்கெ நெஞ்சு அடைப்பது போல ஆகிவிட்டது. சவால் விட்டிருந்தாலும் கூட அதற்கு இவ்வளவு மும்மரமாக இங்கிலீஷ் குப்பன் முயற்சி எடுத்துக் கொண்டிருப்பான் என்று அவள் துளிகூட நினைத்துப் பார்க்கவில்லை. அதுவும் பெண்கள் விடுதியின் துணி காயப் போடும் பகுதியை பைனாக்குலர் கருவி மூலம் தினமும் கண்காணிக்க முடியும் என்ற செய்தி அவளது வயிற்றில் புளியைக் கறைத்தது. பாதுகாப்பான பகுதி என்று நினைத்துக் கொண்டிருக்கும் தங்கள் இருப்பிடத்தை தினமும் சிலர் பார்க்கிறார்கள் என்றால்.. , எந்த பெண்ணிற்குத்தான் அச்சம் வராது.

-------------------------------------------------------------------------------------------

சரி வேற என்னடா வழி இருக்கு,

டேய் நம்ம பெண்தோழிகள் மூலமா ராத்திரியோடு ராத்திரியா அவ துப்பட்டாவ எடுத்திட்டு வரச் சொல்லிடலாமா!

அதெல்லாம் முடியாது. எனக்கு எந்த பொண்ணோட உதவியும் தேவையில்லை. வேணும்னா அவ ரூம்ல எங்க வச்சிருக்கான்னு கேட்டுச் சொல்லுங்கடா........., நானே போய் எடுத்துக் கொண்டு வந்து விடுகிறேன்.
இங்கிலீஷ் குப்பன் உறுதியுடன் சொன்னான்
-------------------------------------------------------------------------------------

தனது அறைக்கே வந்து துப்பட்டாவை எடுப்பானாமா? நினைக்கும்போது சுமித்ராவின் கால்கள் தரைக்கு கீழே நழுவ ஆரம்பித்தன. அவளுக்கு குப்பனின் செயல்கள் நன்கு தெரியும் . அவன் சொன்னால் எதையும் செய்வான். பெண்கள் விடுதிக்குள்ளே வருமளவு துணிந்து விட்டவனை எப்படிச் சமாளிப்பது?

அவளோடு இதைக் கேட்டுக் கொண்டிருந்த சுமனை எரிப்பது போலப் பார்த்தான். ஏதோ கொஞ்சநேரம் கடலை போடலாம் என்று நினைத்து சுமித்ராவுடன் வந்த சுமன் இந்த திட்டத்தை ஒட்டுக் கேட்டபின் இந்தப் பகுதிக்கு ஏன் வந்தோம் என்ற எண்ணம்தான் வந்தது.

இருந்தாலும் சுமித்ராவுக்கு கொஞ்சம் ஆறுதல் சொல்லிவிட்டு, துப்பட்டாவை பெட்டியில் வைத்து பூட்டிவிடும்படி சொல்லி விட்டு இருவரும் அந்த இடத்தை விட்டு நகர்ந்தனர்.
--------------------------------------------------------------------------------

சுமன் - சுமித்ரா இருவரும் ஒரு ஓரமாக நகர்வதை கண்ட சில மூத்த மாணவர்கள் அவர்களது அறிவுப் பூர்வமான ஆலோசனைகளைக் கேட்க நினைத்து அவர்களைப் பின் தொடர்ந்து வந்திருந்தனர்
. அவர்கள் இந்த நிகழ்ச்சியைப் பார்த்துவிட்டு சுமித்ரா ஒட்டுக் கேட்ட செய்தியையும் இங்கிலீஷ் குப்பன் மற்றும் தோழர்களிடம் தெரிவித்தனர்.

அந்தக் கோடாரிக் காம்ப என்ன செய்கிறேன் பார்
இங்கிலீஷ் குப்பன் கொதிக்க ஆரம்பித்தான். அவன் அவ்வப்போது இலக்கிய உவமை சொல்லிக் கொண்டு சண்டை போடுவான்.

-----------------------------------------------------------------------------

மறுநாள் கல்லூரி சுவர்களில் இங்கிலீஷ் குப்பனை ஆதரித்து சுவரொட்டிகள் பளிச்சிடத் தொடங்கின. பிற ஆண்டு மாணவர்களும் இங்கிலீஷ் குப்பனின் சவாலை ஆதரித்து அவரவர் பங்கிங்கிற்கு ஒரு பிரசுரம் போட்டார்கள். ஒட்டு மொத்தத்தில் இங்கிலீஷ் குப்பனுக்கு மறைமுகமாக அழுத்தம் கொடுக்க ஆரம்பித்தனர். சுமித்ராவிற்கும் தான்........

பெண்கள் மத்தியில் சுமித்ராவிற்கு ஆதரவு பெருகியது . சுவரொட்டிகளில் சுமித்ரா பெயர் இல்லாவிட்டாலும் அவள்பெயரும் சேர்ந்தே பேசப்பட்டது

-------------------------------------------

கல்லூரி விழா அன்று பல்சுவை நிகழ்ச்சியில் ஒரு பகுதி

மாணிக் ஃபாத்திமா..

மாணிக் ஃபாத்திமாவாக இங்கிலீஷ் குப்பன் நடித்திருந்தான். துப்பட்டாவால் முகம் மூடி இங்கிலீஷ் குப்பன் நடந்து வந்த உடனேயே மாணவ மாணவியரின் கரகோஷம் கட்டிடத்தையே அதிரச் செய்தது.
அதில் ஒரு காட்சி

காட்சி முன் சுருக்கம்:-

மாணிக் ஃபாத்திமா தமிழகத்தின் முதலமைச்சர். தண்ணீர் கொடுக்க மறுக்கும் அண்டை மாநில முதல்வருடன் பேச்சுவார்த்தைக்காகச் செல்கிறார் ( பாஷா படத்தில் தங்கைக்கு சீட் வாங்க ரஜினி போவாரல்லவா.. அதன் பாதிப்பில் உருவாக்கப் பட்ட காட்சி)
https://blogger.googleusercontent.com/img/b/R29vZ2xl/AVvXsEjYVfqi8Anw1Joo3_tQg5Z6jQgdcbaLOfrC4mVf8d-_jvwCeMv6G7EHqf3SIR79HTzzSlNH59qghlCrPCiv7ECJOTH2v3BJTEbtTrnCfDaApzpSD1pUvhaLd6zpPmnTqDME_FZlPDknr7w/s400/rajini32.jpg




http://i43.tinypic.com/wmo42b.jpg

மாணிக் ஃபாத்திமா :- அண்ணே எம் பேரு ஃபாத்திமா...., மாணிக் ஃபாத்திமா

வேற்று மாநில முதல்வர்:- நீ யாரா இருந்தா என்னம்மா.. தண்ணீர் கொடுக்க முடியாது . முதல்ல நடையக்கட்டு.

மாணிக் ஃபாத்திமா:- அண்ணே தண்ணீ இல்லேன்னா இல்லைன்னு சொல்லி இருக்கலாம். ஆனா அதுக்கும் ஒரு இது இருக்கு.. நீங்க பேசறது தப்புண்ணே

வே. மா. முதல்வர்:- அதுதான் கெளம்பு அப்பிடிணாச்சில்ல கிளம்பும்மா.., எனக்கு நெரயா வேலை இருக்கு

மாணிக் ஃபாத்திமா:- அண்ணே எம் பேரு ஃபாத்திமா...., மாணிக் ஃபாத்திமா

வே.மா.முதல்வர்:- ஐ.. ஐ... யே யாரும்மா நீ.. திரும்ப திரும்ப அதையே சொல்லிட்டு...... கிளம்பும்மா

மாணிக் ஃபாத்திமா:- எனக்கு இன்னொரு பேரும் இருக்கு

வே. மா.முதல்வர்:- (வித்தியாசமாக பார்க்கிறார்)

மாணிக் ஃபாத்திமா:- சுமித்ரா..

சுமித்ராவின் பெயரைச் சொன்னதுமே பய்ங்கரமான கைத்தட்டலுடன் மாணவர்களிடமிருந்து விசில் சத்தமும் வர ஆரம்பித்தது.

வே.மா. முதல்வர்:- ஐயோ.. சுமித்ராவா.. அக்கா எல்லா தண்ணீயும் நீங்களே எடுத்துக்கங்க.. இந்த ஆறு குளம், அணைக்கட்டு எல்லாமே உங்களோடதுதான்...

என்று கதற ஆரம்பித்தார்... ஏற்கனவே கைத்தட்டிக் கொண்டு இருந்த மக்கள் இன்னும் உற்சாகமாகத் தட்டிக் கொண்டே இருந்தனர்.

இத்தோடு இந்தக் காட்சியை முடிந்திருந்தால் சுமித்ரா கூட ஓரளவு மகிழ்ச்சி அடைந்திருப்பாள். ஆனால் அதற்கடுத்து வந்த வசனம் தான் சுமித்ராவை வெறுப்பின் உச்சத்திற்கு கொண்டு போனது.

பய்ந்து நடுங்கிய முதல்வர். எல்லாத்தையும் எடுத்துக்கங்க என்று கதறியதோடு அல்லாமல் தயவு செய்து முகத்தை காட்டீராத.., தயவு செய்து முகத்தை காட்டீராத என்றும் சேர்த்து சொல்லிக் கொண்டே ஓட ஆரம்பித்தார்.

சுமித்ரா வெறுப்பின் விளிம்பிற்கே போக ஆரம்பித்தாள்.
துப்பட்டா எப்படி அவனுக்கு கிடைத்தது என்ற கேள்வி கூட அவள்து மனதில் எழவில்லை. எப்படி பதிலடி கொடுப்பது என்பதில் தனது சிந்தனையைப் பரவவிட்டாள்

தொடரும்.........................................................................................

மேற்கொண்டு படிக்க 


http://kanavukale.blogspot.com/2009/10/blog-post_19.html  

அழுத்துங்கள்

மறக்காம தமிழீஷ், தமிழ்மணங்களில் ஓட்டுப் போட்டுவிடுங்கள்

Saturday, August 21, 2010

அழகிய லைலா.., அவளது ஸ்டைலா.., அந்தப் புரத்து மகராணி

பெண்கள் கல்லூரியில் கலைவிழா தலைப்பின் கீழ் முதன்முறையாக கலைவிழாவிற்கு சென்ற அனுபவத்தை தெரிவித்திருந்தேன். நாங்கள் முதன் முறையாக பெண்கள் கல்லூரிக்குச் சென்ற பிரமிப்பு அடங்குவதற்கே சில மணிநேரம் ஆனது. (உண்மையைச் சொன்னால் இன்னும் அந்த பிரமிப்பு இருந்து கொண்டேதான் இருக்கிறது).

கலைநிகழ்ச்சிக்குத்தேவையான் லக்கேஜ் பொருட்கள் என்றதும் ஏதோ ஒரு ஸ்கூல் பேக் பொருட்கள் என்று நினைத்துக் கொள்ள வேண்டாம். மெல்லிசை நிகழ்ச்சிக்குத் தேவையான உபகரணங்கள் முதல் பல்சுவை நிகழ்ச்சிக்குத்தேவையான மேக்கப் சாதனங்கள் வரை அதில்தான் இருந்தன. மெல்லிசைக் குழு அதன் வேலையைப் பார்த்துக் கொண்டு இருந்தது. நாங்கள் பல்சுவை நிகழ்ச்சிக்கு ரிகர்சல் பார்க்கும் இடத்தில் உதவி (நின்று) கொண்டு இருந்தோம்.


அடுத்த அறையில் மற்றொரு குழுவினர் பயிற்சியில் ஈடுபட்டு வந்தனர். அழகிய லைலா பாட்டு கேட்டுக் கொண்டு இருந்தது. 

http://lifeisreallybeautiful.com/wp-content/uploads/2009/08/marilyn_monroe_famous_blown_up_dress_picture.jpg
ஸ்டெப்ஸ் மாத்திப் போடு, ஃபேன் மாத்தி வை போன்ற வார்த்தைகள் எல்லாம் கேட்டுக் கொண்டு இருந்தது. எங்கள் நெஞ்சம் படக் படக் என்று துடித்துக் கொண்டிருந்தது. சீனியர் மாணவர்கள் இதைப் பற்றியெல்லாம் கவலை படாமல் அவர்கள் பாட்டுக்கு பயிற்சி செய்து கொண்டிருந்தனர். நாங்கள் பக்கத்து அறையை வேடிக்கை பார்க்க போகலாம் என்றாலும் அனுமதி கேட்க பயம். முன்பின் பார்த்திராத இடம் வேறு கொஞ்சம் பயமாக இருந்தது. அப்படியே கொஞ்சம் கொஞ்சமாக நகர்ந்து பக்கத்து அறைப் பக்கம் வந்தோம்.

எங்கள் மூஞ்சியைப் பார்த்தாலே தெரியுமே... ஜூனியர் என்று. அங்கு இருந்த பெரிய மாணவர் எங்களை அழைத்தார். இருதய துடிப்பு அதிகம் ஆனது. இப்போது அழகிய லைலாவை நினைத்து அல்ல... அருகில் போனதும் இரண்டு வில்ஸ் வாங்கி வா என்றார். எங்கள் கையில் காசு எதுவும் கிடையாது. எங்கள் கல்லூரியில் கடைக்குப் போகச் சொன்னால் பணம் மற்றும் சென்று வர வாகணமும் கொடுப்பார்கள். (அப்படித்தான் நாங்கள் பைக் மற்றும் கார் ஓட்டி பழகினோம்) விழிக்க ஆரம்பித்தோம். அவர் மிரட்ட ஆரம்பித்தார். அதற்குல் எங்கள் அறையில் எங்களை அழைக்க ஒரே ஓட்டமாக ஓடி விட்டோம்.
இருந்தாலும் மின் விசிறியுடன் ஓடும் அழகிய லைலாவைப் பார்க்க மனம் துடித்துக்க் கொண்டே இருந்தது.


சன்னமாக எங்கள் சீனியரிடம் பேச ஆரம்பித்தோம்.
சார் ராக தாவணி (ராகத்வனி எங்கள் மெல்லிசைக் குழு) யில் எங்களை கூப்பிட்டார்களாம். சரி போங்கடா
என்று அனுப்பி வைத்தனர். நாங்கள் மெதுவாக நழுவி வந்து நடன அரங்கிற்க்கு வந்தோம். ஜீன்ஸ் மற்றும் டீசர்ட் அணிந்த அழகிய தமிழ் மகள் எங்களைத் தடுத்தார். அடையாள அட்டை கேட்டார். எங்கள்க்கு புரியாத மொழிகளீல் ஒன்று இளம்பெண்கள் பேசும் நுணிநாக்கு ஆங்கிலம். எங்கள் சொத்ப்பலான பதில் மற்றும் ஜூனியர் தனமான மூஞ்சியைப் பார்த்த பின் அவர் தமிழில் கேட்டார். நாங்கள் காட்டிய அட்டையைப் பார்த்த பின்னரும் எங்களை அனுப்ப மறுத்தார். ஆண்களுக்கு அவர்கள் கலந்து கொள்ளும் போட்டிகளுக்கு மட்டுமே அனுமதியாம்.

நாங்கள் கண்டிப்பாக பார்த்தே ஆக வேண்டிய மன நிலையிலேயே இருந்தோம். எங்கள் அணியில் மற்றொரு பெண் உறுப்பினர் உள்ளே இருக்கிறார் அவரை அழைக்க வேண்டும் என்று போராடி உள்ளே சென்றோம். போன கொஞ்ச நேரத்திலயே சிகரெட் வாங்கச் சொன்ன வேற கல்லூரி சீனியரைப் பார்த்து ஒழிந்து கொண்டோம். இரண்டு பாட்டு முடிந்தது. அடுத்த பாட்டு. அழகிய லைலா...................................


எங்கள் கல்லூரி சீனியர் மாணவி எங்கள் தோளைத் தொட்டார். எங்கடா சுத்திட்டிருக்கீங்க.... அடுத்த ஈவண்ட் மெல்லிசை போய் ட்ரம்ஸ் எல்லாம் தூக்கிட்டு வாங்க்................... மனதுக்குள் நொந்து கொண்டே மெல்லிசைக் கூடத்துக்கு நடந்தோம்

Sunday, June 27, 2010

ஏதோ நினைவுகள் (27.6.2010)

ஒரு பொண்ணு ஐ லவ் யூ சொன்னா நீங்க என்ன பண்ணுவீங்க..,


ஆனால் நம்ம தலைவர் என்ன செய்தாருன்னு பாருங்க, அவரது தோழர் என்ன பேசுறார்ன்னும் கேட்டுங்கங்க



========================================================================

எப்படியெல்லாம் லவ் பண்னலாம் இந்த அம்மையார் பயிற்சிக் கொடுக்கிறார் பாருங்க



===========================================================================

அப்படி பண்ணாதவங்க கூட இப்படி பண்ணுறாங்க பாருங்க



========================================================================

இந்தப் பாட்டைக் கேட்கும்போது என்னமோ எங்கேயே குடைவதுபோல் இருக்கிறதே, ஏன்




=======================================================================

அந்தப் பாட்டுக்கும் இந்தப் பாட்டுக்கும் ஏதோ ஒரு பிணைப்பு



======================================================================
இந்தக் காணொளியைக் காணும்போது கிடைக்கும் அதிர்வுகளில் சிறு பகுதியைக் கூட மேலே காணும் அனைத்துக் காணொளிகளும் சேர்ந்தே கொடுக்க முடியவில்லையே..,  அது ஏன் ஏன் நண்பனே!

===================================================================


அனைத்து கல்லூரி நண்பர்களுக்கும்  , அனைத்துக் கல்லூரி நண்பர்களுக்கும் எங்களது batch day வாழ்த்துக்கள். 

Friday, April 2, 2010

கற்பழிப்பு என்றால் என்ன? 2.4.10

இந்திய தண்டனைச் சட்டத்தில் கற்பழிப்பு என்பதை பிரிவுகள்375, 376 ஆகியவை வரையறை செய்கின்றன. மற்றும் தண்டனையை தெரிவிக்கின்றன,

தற்போது அந்தப் பிரிவுகளில் தற்போது சில திருத்தங்கள் கொண்டு வந்திருக்கிறார்கள்.
ஒரு ஆணின் உடலில் ஒருபகுதி அல்லது ஒரு பொருள் முழுமையாகவோ அல்லது லேசாகவோ ஒரு பெண்ணின் உடலில் எந்த வடிவத்தில் நுழைய முற்பட்டாலும் இனி அந்த நிகழ்வு கற்பழிப்பாகவே கருதப் படும். ஆணுறுப்பை வைத்துத்தான் முயற்சிக்க வேண்டிய அவசியமில்லை.

=======================================================

உடலுறவிற்கு சம்மதம் கொடுக்கும் வயதினையும் சற்று உயர்த்தியிருக்கிறார்கள். தற்போதைய திருத்தத்தின் படி ஒருவனின் மனைவியே ஆனாலும் அவளது சம்மதத்துடன் உடலறவு கொள்ளும் பட்சத்தில் அவளது 18 வய்துக்கு கீழே இருந்தால் அது கற்பழிப்பாக கருதப் படும்.  ஏற்கனவே 15வய்துக்கு மேற்பட்ட மனைவியின் சம்மதத்துடன் கொள்ளும் உடலுறவு கற்பழிப்பாக கருதப் பட மாட்டாது. இப்போது அதில் திருத்தம் கொண்டுவரப்பட்டுள்ளது. இப்போது உடலுறவு என்பது எந்த ஒரு பாலியல் நடவடிக்கையும் குறிக்கும்.

===================================================

இது தொடர்பான குற்றங்களை சரியாக விசாரிக்காத காவலர்களுக்கு தண்டனை அளிக்கவும் இந்தச் சட்டத் திருத்தத்தில் இடம் கொடுக்கப் பட்டுள்ளது.

=================================================

பிரிவு 376 C (1)  குழந்தைகளுக்கு எதிரான பாலியல் வன்முறைகளில் இருந்து இருபால் குழந்தைகளையும் பாதுகாக்கிறது.

=================================================

நான் படிக்கும் காலத்தில் எனது பேராசியர் சொன்ன ஒரு கதை நினைவுக்கு வருகிறது. இது அவரது காலத்தில் நடந்தும் இருக்கலாம். அல்லது அவரது பேராசிரியர் அவருக்கு சொன்னதாகக் கூட இருக்கலாம்.

ஒரு கற்பழிப்பு . அதில் புண்ர்ச்சி நடந்து முடியும் போது மற்றவர்கள் பார்த்துவிடுகிறார்கள். பார்த்தவர்களில் காவல்துறை ஆய்வாளரும் அடக்கம். அவர்கள் குற்றவாளியைத் துறத்துகிறார்கள். குற்றவாளி அருகில் உள்ள ஆற்றில் விழுந்து தப்பிக்க முயற்சி செய்கிறார். ஆனால் காவல்துறை ஆய்வாளர் உள்ளிட்டோர்   அவரைப் பிடித்து வழக்குப் பதிவு செய்து மருத்துவ பரிசோதனைக்கு உட்படுத்தி நீதிமன்றத்தில் வழக்கு நடக்கிறது.


ஆனால் குற்றவாளி அதாவது குற்றம் சாட்டப் பட்டவர் விடுதலையாகிவிடுகிறார்.

காரணம் இதுதான்.

வழக்குப் பதிவு செய்யும்போது குற்றம் நடைபெற்ற இடத்திலேயே நேரிடையாக பார்த்து கைது செய்ததாக வழக்குப் பதிவு செய்திருக்கிறார்கள்,

மருத்துவ பரிசோதனையின் போது அவரது ஆண்குறியில் விந்து இருப்பதான அறிகுறி இல்லை. ஆற்றில் விழுந்து நீந்தும் போது கழுவப்பட்டிருக்கிறது.

அதே நேரத்தில் பாதிக்கப் பட்டவரின் உடலில் விந்து இருந்திருக்கிறது. இது போன்ற நிலை அதுவும் அந்த இடத்திலேயே கைது செய்யப் பட்டிருப்பின் நிகழ வாய்ப்பில்லை என்றும். இது உள்நோக்கத்தோடு பதிவு செய்யப் பட்ட வழக்கு என்றும் கூறி விடுதலை செய்யப் பட்டுவிட்டாராம்.

ஆற்றில் குதித்த நிகழ்வு பதிவு செய்யப் படவில்லை. பிற்சேர்க்கையாகச் சொல்லும்போது உள்நோக்கத்தோடு பதிவு செய்யப் பட்ட வழக்கு என்ற வாதம் மேலும் வலுப் பெற்று விட்டதாம்.

வழக்குகளில் நிகழ்வுகள்ன் வரிசைக்கும், நடந்ததை அப்படியே தெரிவிக்க பதிவு செய்ய வேண்டியதின் அவசியத்தையும் எங்களுக்கு புரிய வைக்க எங்கள் பேராசியர் சொன்ன நிகழ்வு இது.

Thursday, April 1, 2010

வெளிய வாடா............. 1.4.10

நான் சுமித்ராவப் பார்க்கணும்.

தீபக் குமார் விஜயாவிடன் கேட்டுக் கொண்டிருந்தான்.

தீபக் குமாருக்கு சுமித்ராவைப் பார்ப்பதை விட விஜயாவிடம் பேசுவது தான் அப்போதைக்கு முக்கியமாகப் பட்டது. ஆனால் விஜயா நிஜமாகவே சுமித்ராவிடம் பேசத்தான் தீபக் குமார் வந்திருப்பதாக நினைத்தாள். அவர்களுக்கு நேர் மேலே மாடிப் படியின் வளைவுகளில் அமர்ந்து சுமித்ரா, சவீதாவுடன் பேசிக் கொண்டிருந்தாள்.

கடந்த சில நாட்களாகவே  சுமித்ரா, ஆண்களுடன் பேசுவதையே தவிர்த்து வந்தாள். இந்த ஆண்டு முடிந்த உடன் மாணவர் தலைமைப் பதவியை விட்டு விலகி விடவும் முடிவு செய்திருந்தாள்.  கல்லூரிக்கு வந்தாமோ, படித்தோமா, டிகிரி வாங்கினோமா என்றிருப்போம். டரியல் செய்ய நினைத்தால் டரியல் ஆகியல் ஆகிவிடுவோம் என்ற பயம் வந்திருந்தது அவளுக்கு.

அவளுக்கு ஏன் அப்படி அந்த எண்ணம் வந்தது என்று அறியாதவர்கள் இந்தச் சுட்டியை அழுத்துங்கள்.

சுமித்ராவின் ஆரம்ப கால கல்லூரி வாழ்க்கை எவ்வளவு மகிழ்ச்சியாக இருந்தது என்று அறிய இந்தச் சுட்டி உங்களுக்கு உதவும்.

தீபக் குமாருக்கு மென்மையாகப் பதில் சொல்லி அவனை அனுப்பியிருக்கலாம். ஆனால் விஜயாவுக்கு தீபக் குமாரை சீண்டிப் பார்க்க நல்ல வாய்ப்பாக இருந்ததால் உடனே சொல்லிவிட்டா:ள்.

உன்னை மாதிரி பொறுக்கிப் பசங்களோட எல்லாம் சுமித்ரா பேச மாட்டாள்.

தீபக் குமாருக்கு சுறுசுறுவென கோபம் வந்தது. ஓ.., அதுதான் நீ பேசிட்டு இருக்கியா? சடாரென்று மடக்கினான். தீபக்

அவதான் உன்னவிட்டு விலகிட்டு இருக்கால்ல அப்புறம் ஏன் அவகிட்டயே பேசி ஆகனும்னு பார்க்கற..,  என்னவோ சொல்ல ஆரம்பித்தாள் விஜயா

தீபக் குமார் தனது கொள்கைப் படி எதாவது ஒரு காரணத்தைச் சொல்லி பேச்சை வளர்த்திக் கொண்டே இருந்தான். இருந்தாலும் கூட நல்ல பசங்க, பொறுக்கிப் பசங்க கான்செப்ட் வந்திருந்ததால் கொஞ்சம் டென்சனாகவே பேச ஆரம்பித்திருந்தான்.

தானே பேசி என்னவென்று கேட்டுவிடலாம் என்று நினைத்தாள் சுமித்ரா.., ஆனால்  மேல் மாடியிலிருந்து கீழ் மாடிக்கு சத்தம் போட்டுப் பேச கூச்சமாக இருந்ததால் நடந்து வர ஆரம்பித்தாள். ஒரு சுற்று சுற்றி படிதாண்டி வருவதற்கு சில நிமிடங்கள் ஆக ஆரம்ப்த்திருந்தது.

ஏன்.., அவ எங்கூட பேச மாட்டாளாமா?  நேத்துவரைக்கு கூடச் சுத்துனா? இன்னிக்கு பத்தினி ஆயிட்டாளா?
 

தீபக்கின் வார்த்தைகள் தடிக்க ஆரம்பித்திருந்தன.  அப்படியே சடன் பிரேக் போட்டது போல நின்றாள் சுமித்ரா.  என்ன செய்வது என்றே புரியவில்லை.

போ..,  நீ பண்றதப் பண்ணு சொல்லிவிட்டு எதிர்திசையில் நடக்க ஆரம்பித்தாள் விஜயா.  கோபத்துடன் எதிர் திசையில் சென்றான் தீபக்.

=================================================

டே வெளிய வாடா!  சுமனின் வாசல் கதவுகள் துடிக்க ஆரம்பித்தன.யார்ரா இவன் நேரங்கெட்ட நேரத்தில் கதவை உடைக்கிறவன். சுமன் இரியோடு வந்து கதவைத் திறந்தான். வெளியே  தீஃபக்கின் நண்பர்கள்.  கையில் ஸ்டம்ப் , பேட் போன்ற அதிபயங்கர ஆயுதங்களுடன்  வாசலில் நின்று கொண்டிருந்தனர்,


Thursday, January 28, 2010

சுமித்ராவின் சரித்திரம் பக்கம் 6

சுமன் மடியில் படுத்திருந்த சுமித்ராவை பார்த்தவுடன் எங்களுக்கு கொடைக்கானல் நிகழ்ச்சிகள் நினைவுகளில் வந்தது. ஏனோ மறக்க நினைத்தாலும் அதன் தொடர்ச்சியும் சேர்ந்து மூளையின் ஒரு மூலையில் ஓட ஆரம்பித்தது.

==================================================

கதையின் முதல் பகுதி "அடப்பாவி மணமேடையில்கூட


இரண்டாம் பகுதி நண்பர்கள் என்றும் சொல்லலாம்

மூன்றாம் பகுதி இந்தப் பூனையும் பால் குடிக்குமா?

நான்காம் பகுதி ஃபிகர் இல்லடா.., ஃபிகர் மாதிரி

ஐந்தாம் பகுதி ஒருத்திக்கு எத்தனை பேர்டா லவ் லெட்டர் கொடுப்பீங்க

சுட்டிகளைப் பயன்படுத்தி படித்துவிடுங்கள்

========================================================

நாங்கள் அடுத்த கட்ட நடவடிக்கைக்காக ஆட்களையெல்லாம் சேர்த்துவிட்டு சுற்றுலாவைத் தொடர ஆரம்பித்தோம். சேட்டைக்கார மாணவர்கள் வேறு வந்திருந்தார்கள் அல்லவா... அவர்களைப் பற்றிய ஒரு அறிமுகம் இந்தச் சுட்டியில் உள்ளது. அவர்கள் பாட்டுக்கு பாட்டு விளையாட ஆரம்பித்திருந்தனர். ஏறக்குறைய பயணம் தொடங்கி பனிரெண்டு மணிநேரம் ஆகியிருந்ததால் ஓரளவு மாணவ, மாணவியரிடம் ஒரு கூச்சம் விலகியிருந்தது. அது ஒருசிலரிடம் மட்டும்தான்.

சேட்டை3 உரத்த குரலில் பாட ஆரம்பித்தான்..

மடிமீது தலைவைத்து விடியும்வரை தூங்குவோம்

உடனே அடுத்தவன் பாட ஆரம்பித்தான். மறுநாள் எழுந்து பார்ப்போம்.

உண்மையில் பாடல் வரிகள் அப்படித்தான் இருக்கும். ஆனால் அவர்கள் பாடிய ராகம்தான் கொஞ்சம் வேறு மாதிரி இருந்தது. அதுவும் மறுநாள் எழுந்து பார்ப்போம் என்று பாடிவிட்டு எழுந்துநின்று எட்டிப் பார்த்துவிட்டு

இன்னும் பார்த்துக் கொண்டிருந்தால் என்னாவது?

இந்தப் பார்வைக்குத்தானா பெண்ணானது?


போன்ற பாடல்களையும் பாட ஆரம்பித்திருந்தனர்.

போட்டியின் விதிக்கு கொஞ்சமும் சம்பந்தம் இல்லாத பாடல்கள் வந்த போதிலும் எதையும் ரசிக்கும் மனநிலையில் இருந்த சகாக்கள் அதைக் கண்டுகொள்ளவில்லை. உண்மையில் அந்த குழுவில் இருந்த பல மாணவிகளுக்கு இப்படியெல்லாம் பாடல்கள் தமிழில் வந்திருக்கின்றதா? என்று கூடத்தெரியாது.

எங்கள் வகுப்புத்தலைவர் ராஜஸ்ரீயின் ரசிகராக இருந்தகாரணத்தால் ராஜஸ்ரீ நடித்த சிலபடங்கள் பேருந்தில் இருந்த சின்னத்திரையில் ஓடவிட்டிருந்தார். (இந்தியன் படமும் பாடல்களும் உச்சத்தில் இருந்த காலகட்டம் அது) ஆரம்பத்தில் எதிர்ப்பு தெரிவித்த மக்கள் காதலிக்க நேரமில்லை படத்தின் நகைச்சுவையில் கொஞ்சம் லயித்திருந்தகாரணத்தாலும் மற்றும் சிலர் கடலை சாகுபடியில் குதித்திருந்த காரணத்தாலும் மற்றும் சிலர் பாட்டுப் போட்டியில் களம் இறங்கியிருந்தகாரணத்தாலும் அந்தப் படம் அது பாட்டுக்கு ஓடிக்கொண்டிருந்தது.

அப்படியே பாட்டுப் போட்டி திசைமாறி வார்த்தை விளையாட்டாக மாறியிருந்தது. தொடர்ச்சியாக இரண்டுநிமிடம் தமிழில் பேசும் போட்டி அது. ஒருவார்த்தையை மூன்றுமுறை உபயோகப் படுத்தக் கூடாது. ஆங்கில வார்த்தை உபயோகப் படுத்தக் கூடாது போன்ற பல கடினமான விதிமுறைகளைக் கொண்ட போட்டியாக அது இருந்தது. ஆனால் சேட்டைக் குழாமில் இருந்த மாணவர்கள் எந்தமாதிரி தலைப்புகளைக் கொடுத்தாலும் மடியில் தலைவைத்துப் படுப்பதைப் பற்றியே பேச ஆரம்பித்தனர். இந்தப் போட்டி பயங்கர சூடாக அமைந்த காரணத்தால் மற்ற கடலை கோஷ்டிகளும் இதைப் பற்றியே பேச ஆரம்பித்திருந்தனர்.

இதையெல்லாம் சட்டை செய்யாத சுமித்ரா அவள்பாட்டுக்கு தொடையில் தலைவைத்து படுத்து ஏறக்குறைய தூங்கியதுபோலவே வந்தாள். சுமன் அதற்காகவே ஜென்மம் எடுத்தது போல் அவளைத்தாங்கிக் கொண்டு காதலிக்க நேரமில்லை படத்தைப் பார்த்துக் கொண்டுவந்தான்.

மடியில் படுத்திருப்பதைப் பற்றியும், முதல் சுற்றுலாவில் இருவரும் சேர்ந்து சைக்கிள் ஓட்டியது பற்றியும் வார்த்தை விளையாட்டில் வந்தபோது நக்மா பொங்கி எழுந்தாள். நக்மா எங்கள் கல்லூரியின் பெண்ணீய வாதிகளில் ஒருத்தி அவளையும்கூட ஒருநண்பன் காதலித்துக் கொண்டிருந்தான். அவனுடன் நக்மாவும் சேர்ந்து சைக்கிள் ஓட்டியிருக்கிறாள். எங்களின் கண்ணில் நக்மாவும் நக்மாவின் நண்பனும் எங்கள் கண்களில் தட்டுப் படவே இல்லை. எங்கள் கண்ணில் மட்டுமல்ல.. சேட்டைகளின் கண்களில் கூட தட்டுப் படவில்லை.

நக்மா பொங்கிஎழுந்த உடன் அவளோடு சேர்ந்து சில பெண்களும் சேர்ந்து வார்த்தை விளையாட்டுக்கு கடும் எதிர்ப்பு தெரிவிக்க ஆரம்பித்தனர். பெண்களை ஒரு பொருட்டாகவே மதிப்பதில்லை என்ற குற்றச்சாட்டும் ஆபாசமாக பேசுவதாகவும் குற்றங்களை அடுக்க ஆரம்பித்தனர். வார்த்தை விளையாட்டில் ஏற்கனவே ஈடுபட்டு வந்த பெண்களும் அவர்களுக்கு ஆதரவு தெரிவிக்க நக்மா கூட்டம் மேலும்மேலும் பெரிய குரலில் சண்டையிட ஆரம்பித்தனர். அவர்களுக்குள் சமாதானம் வராத சூழலில் நாங்கள் த்லையிட்டு அமைதிப் படுத்தினோம்.

ஒரு வழியாக பேருந்து பெங்களூருவை அடைந்தது. அங்கே மதிய வேளையில்
பெங்களூருவில் லாக்பாக் தோட்டத்தை சென்றடைந்தோம்.

வழக்கம்போல் நாங்கள் கெம்ப கௌடாவைப் பற்றியும் ஹைதர் அலி புராணம் பற்றியும் கிடைக்கும் துண்டு பிரசுரங்களையும் குட்டிப் புத்தகங்களையும் வாங்கி வைத்துக் கொண்டு கடலை போடுவதற்கான குறிப்புகளை எடுக்க ஆரம்பித்தோம். எங்கள் கல்லூரி வாழ்க்கை இவ்வாறு குறிப்பெடுப்பதிலேயே கழிந்தது. கடலை என்பது கானல் நீராகவே அமைந்து விட்டது என்பது சென்ற நூற்றாண்டில் பொன்னெழுத்துக்களால் எழுதப் பட்டுவிட்ட ஒரு சரித்திரம் என்பதையும் இங்கே குறீப்பிட்டாக வேண்டும். தலைவர் டயபாலிக் அவர்கள் எல்லோரையும் நான்கு மணிக்குள் பேருந்துக்குள் வந்துவிட வேண்டும் என்று உத்தரவு போட்டிருந்தார்.

நாங்கள் அந்த தோட்டத்துக்குள் சென்றவுடன் கெம்பே கவுடாவும், ஹைதர் அலியும் எங்கள் நினைவுகளிலிருந்து மறைந்துவிட்டனர். அங்கெ இருந்த இயற்கை அழகை ரசிக்க ஆரம்பித்தோம். ஆங்காங்க மக்கள் இயற்கை காட்சிகளை தங்கள் கொண்டுவந்திருந்த புகைப் படக் கருவியில் பதிவு செய்ய ஆரம்பித்திருந்தனர்.நிறைய இயற்கை காட்சிகள் இயற்கையாகவே காணப் பட்டன. கோயமுத்தூரில் இது போன்ற இயற்கைக் காட்சிகள் தென்படாது என்ற சூழலில் மக்களின் ஆர்வம் மிக அதிகமாக இருந்தது. கடலை போட வைத்திருந்த குறிப்புகளை நாங்கள் சுத்தமாக மறந்துவிட்டிருந்தோம். சில மணிநேரங்கள் ரசித்த பின்னர் டயபாலிக் இன் உத்தரவுக்குப் பணிந்து நாங்கள் அனைவரும் பேருந்துக்கு திரும்பியிருந்தோம்.

புற்ப்படும் சூழலில்தான் தெரிந்தது சுமித்ரா உட்பட இரண்டு பெண்களைக் காணவில்லை. கொஞச நேரம் காத்திருந்தோம். நக்மா எழுந்து தான் போய் தேடிவருவதாக தனது தோழியுடன் கிளம்பினாள். ஏற்க்குறைய 250 ஏக்கர் பரப்பளவும் பல இடங்களில் வாசல்களும் கொண்டது லால்பாக் பூங்கா..

பதினைந்து இருபது நிமிடம் போயிருக்கும். சுமித்ரா மற்றும் தோழியும் திரும்பவில்லை. நக்மா மற்றும் தோழியும் திரும்பவில்லை.

பேருந்துக்குள் இருந்த இரண்டு எள் களும் எண்ணெய்களுக்காக காய ஆரம்பித்தன..,

======================================================

தொடரும்.... தொடரும்..................................

Thursday, October 29, 2009

எத்தனை தாவணி? ஒரு புலனாய்வு

ஒரு ஊரில ஒரு சின்னப் பையன் இருந்தான். அவன் சின்னப் பையனாக இருக்கும்போதே நற்பணி மன்றம் ஒன்றில் உறுப்பினராக இருந்து வந்தான்.

Monday, October 19, 2009

பதினெட்டு பூர்த்தியாகிவிட்டது

25வது வாரமாக ஒரு தொடர்கதை போய் கொண்டு இருக்கிறது. கோவை மருத்துவக் கல்லூரி பின்புலத்தில் ஏப்ரல் 28நாள் நான் எழுதத் தொடங்கிய இந்தத் தொடர்கதை உங்கள் அனைவரின் ஏகோபித்த ஆதரவுடன் பதினெட்டு பகுதிகளை தாண்டிச் சென்றுக் கொண்டிருக்கிறது. ஒரு முழுமையான கற்பனைக்கதைக்கு உற்சாகப் படுத்திக் கொண்டிருக்கும் அனைவருக்கும் நன்றி.

கதையின் முதல் பகுதி "அடப்பாவி மணமேடையில்கூட


மணமக்களுக்குப் பரிசுகளை நாங்கள் கொடுத்தபோது சுமித்ராவின் கணவர் சுமன்குமாரைப் பார்த்து கேட்ட கேள்விதான் எங்களை அதிர்ச்சிக்குள்ளாக்கியது.

"ஏன் இந்தப் பையன் மட்டும் இவ்வளவு சோகமாய் இருக்கிறான்?" என்று கேட்டார்.


இரண்டாம் பகுதி நண்பர்கள் என்றும் சொல்லலாம்


ஒரு மணிநேரத்திற்குப் பிறகு திடீரென சிந்தனையில் ஒரு அடைப்பு. கருத்துக்கள் வெளியே வரமால் தடுமாறியபோது பக்கத்தில் யாரிடமாவது உதவி கிடைக்குமா என்று ஆராந்தபோது சுமித்ராவும் சுமனும் அந்தக் கால கங்கூலியும் டெண்டுல்கரும் போல கூட்டணி அமைத்து தேர்வெழுதி கொண்டிருந்தனர். 

மூன்றாம் பகுதி இந்தப் பூனையும் பால் குடிக்குமா?

எங்களிடம் சிக்கிய மாணவனிடம் விசாரித்த போது இது கடந்த ஒரு வாரமாக நடப்பதாகத் தெரிந்தது. அந்தப் பெண்ணின் பெயர் ஊர் ஆகியவற்றை விசாரிப்பதற்கும் புதிய மாணவன் என்னை ஒன்னும் பண்ணாதீங்க சார் என்று அழ ஆரம்பித்து விட்டான்.

நான்காம் பகுதி ஃபிகர் இல்லடா.., ஃபிகர் மாதிரி


மறுநாள் அன்று அந்த ஜூனியர் மாணவன் முழு பயோ டேட்டாவுடன் வந்து நின்றான். எனக்கே ஆச்சரியமாய் இருந்தது. சீனியர் மாணவர் கேட்டார் என்று ஏறக்குறைய மிரட்டி முழு விவரங்களும் வாங்கிக் கொடுத்துவிட்டான். பின்னாளில்தான் தெரிந்தது சீனியர் கேட்டார் என்றே நிறைய மாணவிகளின் முழுவிவரங்களையும் வாங்கி வைத்திருக்கிறான். எத்த்னை பேருக்கு என்னைக் காட்டி விவரங்கள் வாங்கினானோ தெரியவில்லை.


ஐந்தாம் பகுதி ஒருத்திக்கு எத்தனை பேர்டா லவ் லெட்டர் கொடுப்பீங்க

ஒரு குழுவாக நடு இரவில் கால்பந்து மைதானத்தின் நடுவில் அமர்ந்து ஆலோசனை செய்து கொண்டிருந்தனர். கால்பந்து மைதானத்தில் அமர்ந்து மந்திர ஆலோசனை செய்வதில் பல வசதிகள் இருந்தன. எத்தனை பேர் வேண்டுமானாலும் அமரமுடியும். பேசும் விஷயங்களை யாரும் ஒட்டுக் கேட்க முடியாது.

Tuesday, October 6, 2009

குருதி சிந்தி குடிமக்களைக் காப்பாற்றிய கொங்கு நாட்டுத்தங்கம்

சக மாணவி மூக்கில் ரத்தம் ஒழுக மயங்கிக் கிடந்தால் என்ன தோன்றும்? இருந்தாலும் மாணவர்கள் எழுப்பிக் கொண்டே இருந்தனர் .

Monday, August 24, 2009

நார்த்தி ரங்கீலாவும் மண்ணின் மகள்களும் 24.8.09

அடுத்த ஆண்டின் துவக்கம். முதல் வேளையாக கல்லூரி பேரவைக்கு பிரதிநிதி தேர்ந்தெடுக்கும் வேலை ஆரம்பம் ஆனது. அந்தப் பிரதி நிதியே வகுப்பின் தலைவனாகவும் இருப்பான். டேஞ்சர் டயபாலிக் விருப்பம் இல்லாமல் ஒதுங்கிக் கொண்டான்.

ஜில்லட்டின் குமார் ஏற்கன்வே குரூப் ஸ்டடி என்ற பெயரில் ஒரு கூட்டத்தைச் சேர்த்து வைத்திருந்தான். அவனது கூட்டத்தினர் அவன் சொல்வதை பெரும்பாலும் தலையாட்டிக் கொண்டிருந்த காரணத்தால் அவன்தான் இந்த ஆண்டின்ப் பிரதிநிதி என்பதாகவே எல்லோரும் நினைத்திருந்தார்கள்.

ஆனால் நடந்ததோ வேறு

பெண்ணுரிமை, பெண் விடுதலை என்று பேசி பேசி இருந்ததால் அவன் அணி சார்பாக ஒரு பெண்ணைத்தான் நிறுத்த வேண்டும் என்பதில் அந்தப் பெண்கள் மிகவும் உறுதியாக இருந்தனர் . ஜில்லட் ங்ஏ என்று விழித்துக் கொண்டிருந்தான். பெண்களில் வலிமை வாய்ந்தவளும் எதற்கும் அஞ்சாதவளும் எல்லோரிடமும் தைரியமாக நிற்கக் கூடியவளுமான சுமித்ராவே தலைமைப் பொறுப்புக்கு ஏற்றவள் என்பதாக அந்தக் குழுமம் முடிவு செய்திருந்தது. வழக்கம் போல் அந்தக் கூட்டத்திற்கும் குழுமி இருந்த அனைவருக்கும் ஜில்லட்டின்தான் குளிர்பானம் வாங்கிக் கொடுத்தான்.

அன்று மாலை அந்த வகுப்பு மாணவர்களின் பொதுக்குழு கூடியது. தேர்தல் பொறுப்பாளராக டேஞ்சர் டயபாலிக்தான் இருந்தான். வகுப்பினில் ஜில்லட்டின் நிற்பான் என்ற எண்ணம் இருந்ததால் ஆண்கள் யாரும் தேர்தலில் நிற்கவில்லை. ஜில்லட்டின் எழுந்து சுமித்ராவின் பெயரை முன் மொழிந்த உடன் ஆண்கள் பலர் சற்று அதிர்ச்சிக்குள்ளானார்கள். அவர்களால் ஒரு பெண்மணியை தங்கள் தலைவராக ஏற்றுக் கொள்ளும் மனநிலையில் இல்லை. புதிதாக தங்களுக்குள் ஒருவரை தேர்ந்தெடுக்கும் அவகாசம் இல்லாத நிலையில் குழப்பாகவே நின்றிருந்தனர்.

ஒரு மனதாக தேர்ந்தெடுக்கப் படலாம் என்ற சூழலில்

சுமன் எழுந்தான். ரங்கீலா தத்தா வின் பெயரை முன் மொழிந்தான். ரங்கீலா பெயரைப் போலவே வண்ணமயமானவள். மாணவர் மனதில் இடம் பிடித்தவள். ரங்கீலா சுமன் பேசியே நாங்கள் பார்த்ததில்லை. தேர்வு மும்மரத்தில் எந்த எந்த கூட்டணி எப்படி இடம் மாறியது என்றே தெரியவில்லை. சைக்கிள் சின்னம் என்.டி.ஆரை விட்டு பிரிந்ததைக் கேட்டதைவிட மக்கள் அதிகமான அதிர்ச்சியை அதிர்ச்சியுடன் பார்த்தனர்.

வேறு யாராவது நிற்பதற்கு விரும்புகிறீர்களா என்று கேட்ட போது இங்கிலீஷ் குப்பன், டயபாலிக் போன்றவர்கள் பெயர்களையும் பலரும் முன் மொழிந்தனர். (ஜில்லட்டின் பெயரும் முன்மொழியப் பட்டது. அவன் சுமித்ராவை முன்மொழிந்த காரணத்தால் அவனும் ஒதுங்கிக் கொண்டான்.) ஆனால் அவர்கள் விருப்பம் இல்லை என்று கூறிவிட்டதால் இறுதிப் போட்டியாளர்களாக ரங்கீலா தத்தாவும், சுமித்ராவும் போட்டியிட்டன்ர்.

------------------------------------------------------------------------------




----------------------------------------------------------------------------------

கொக்கு ஒன்னு காத்திருக்கு

கண்ணீரில் தத்தளிச்சு மீனிருக்குது



----------------------------------------------------------------------------------

வடக்கும் தெற்கும் மோதிக் கொண்டதில் அதிபயங்கர திருப்பங்கள் நிகழ்ந்தன.
முதலில் சுமித்ரா நிற்பாள் என்பதே யாரும் எதிர்பாராத ஒன்று. ஜில்லட்டின் குமாரின் வகையறாவில் இல்லாத ஒருத்தி அவர்கள் சார்பாக நிறுத்தப் பட்டிருக்கிறாள். அடுத்ததாக சுமித்ராவில் முன்னாள் சைக்கிள் சாரதியான சுமனின் ஆதரவோடு ரங்கீலா தத்தா நிற்கிறார்கள்.

மூத்த மாணவர்கள் மத்தியில் ஒரு பத்திரிக்கையாளர் கம் அரசியல்வாதியின் தோற்றத்தில் சுமன்குமார் சித்தரிக்கப் பட்டிருந்தான். கிங் மேக்கர், குயின் மேக்கர் என்றெல்லாம் புகழப் பெற்றான்.

சுமித்ராவின் பதவியை முடிக்க வந்த கோடரிக் காம்பாக சுமன் சித்தரிக்கப் பட்டான். ரங்கீலாவிற்காக மாணவர்கள் மத்தியில் அவன் தான் ஓட்டுச் சேகரித்துக் கொண்டிருந்தான். அவனோடு சேர்ந்து வட நாட்டுப் பெண்களும், உள்ளூர் சேட்டுப் பெண்களும் மாணவர்களைத் தேடித்தேடிச் சென்று அளவளாவியதில் மாணவர்கள் தத்தாவிற்கே ஓட்டுப் போட்டுவிடுவார்கள் என்பது போல தோன்றியது.

ஏற்கனவே இங்கிலீஷ் குப்பன் - சுமித்ரா உரசலில் அவளது சரமாரியான தமிழ் சொற்பொழிவுக்கு உள்ளூர் பாஷையில் பொருள் கொண்ட மக்கள் கொஞ்சம் எரிச்சலாகவே இருந்தனர்.

ரங்கீலா மற்றும் தோழிகள் எந்த அலட்டலும் இல்லாமல் கொஞ்சும் தமிழும், குழைந்த குரலுமாய் ஓட்டுக் கேட்க மாணவர்களின் ஓட்டுக்களை அப்படியே அள்ளும் நிலையில் இருந்தாள்.

தேர்தலுக்கு முதல்நாள் காலை:-

தமிழ் மகளின் பிரச்சார பாணியே மாறியது. அவர்கள் ஒவ்வொருவரும் தங்கள் ஊர் மற்றும் பக்கத்து ஊர் மாணவர்களை அனுகினர். மொழிஆர்வத்தையும் மண் பாசத்தையும் உணர்த்தும்விதம் சொற்பொழிவாற்ற ஆரம்பித்தனர்.

ஒவ்வொரு வார்டிலும் சராசரியாக ஐந்து மாணவர்கள் இருப்பார்கள். அவர்கள் ஒவ்வொரு நாளும் நோயாளிகளைப் பரிசோதனை செய்வார்கள். அந்த ஒரு நோயாளியைப் பற்றி உதவிப் பேராசியர்களிடம் கல்ந்துரையாடல் செய்வார்கள். என்வே தினசரி வகுப்புகளுக்கும் அடுத்தடுத்த நாட்களில் எஸ்கேப் ஆவதற்கும் சகமாணவியரின் உதவி தேவை என்பதால் அவர்களின் பிரச்சாரம் வேலை செய்தது.

(சுமத்ராவும், சுமனும் அடுத்தடுத்த பெயர் என்பதால் அவர்கள் ஒரே வார்டில் ஒரே யூனிட்டில் இடம் பெற்றிருந்தனர் ) பொதுவாக கடைசி ஆண்டுவரை இதே நிலைதான் நீடிக்கும்.

மற்றும் வடக்கத்தி மாணவர்களை யாருக்கும் பிடிக்காது என்பதால் அவர்களை எதிர்த்தும் பிரச்சாரம் செய்யப் பட்டது. காலை முதல் மாலை வரை நடந்த பிரச்சாரத்தில் நன்கு பலன் இருந்தது.

தேர்தல் நடந்தது. கடும்போட்டியில் சுமித்ரா வென்றாள்.

சில நாட்களில் பேரவை பதவியேற்பு நடந்தது. மூன்றாம் ஆண்டு மாணவர்கள் பிரதிநிதியாக சுமித்ராவை அழைத்தனர். முக்காடு போட்டுக் கொண்டு சென்றாள். நடந்தாள், நடந்தாள்......, நடந்தாள்......., அவளது சக தோழியர் பாஷா..., பாஷா.., என்ற குரலை அதே தோணியில் எழுப்பிக் கொண்டிருந்தனர். இதே போன்ற சம்பவம் மாணிக ஃபாத்திமாவின் துப்பட்டா பகுதியிலும் இருந்தது என்பதை தெரியாதவர்கள் இந்த சுட்டியை த்ட்டிப் பாருங்கள்

அவள் அணிந்திருந்த துப்பட்டா .., அதே வண்ணம், அதே வடிவம், அதே வேலைப்பாடுகள், மொத்தத்தில் அன்று வந்த அதே துப்பட்டா.

எப்படி?

குப்பன் பக்கம் பார்வையைத் திருப்பிய போது அவன் முகத்தில் எந்த வித உணர்ச்சியும் தென்படவில்லை. அவன் மட்டுமல்ல அவனோடு சேர்ந்த யாரின் முகத்திலுமே எந்தவித உணர்ச்சியும் தென்படவில்லை

தொடரும்...,

----------------------------------------------------------
கதையின் முதல் பகுதி "அடப்பாவி மணமேடையில்கூட

இரண்டாம் பகுதி நண்பர்கள் என்றும் சொல்லலாம்

மூன்றாம் பகுதி இந்தப் பூனையும் பால் குடிக்குமா?

நான்காம் பகுதி ஃபிகர் இல்லடா.., ஃபிகர் மாதிரி

ஐந்தாம் பகுதி ஒருத்திக்கு எத்தனை பேர்டா லவ் லெட்டர் கொடுப்பீங்க

ஆறாம் பகுதி நான்கு பெண்களைக் காணவில்லை.

ஏழாம் பகுதி நெஞ்சுக்கு நடுவில் தொங்கிய வாக்மேன்

எட்டாம் பகுதி மறந்தே போச்சு ரொம்ப நாளாச்சு; மடிமேல் விளையாடி...

ஒன்பதாம் பகுதி தமிழ் இந்தி ஒற்றுமையை வளர்த்த ரங்கோலிப் போட்டி

பத்தாம் பகுதி இது ராக்கிங்கிற்கு ஆதரவான இடுகை அல்ல

பதினொன்றாம் பகுதி மாணிக் ஃபாத்திமாவின் துப்பட்டா

பனிரெண்டாம் பகுதி பெண்ணுரிமை காக்க வந்த ஆபத்பாந்தவன்

பதிமூன்றாம் பகுதி அங்க is போடு இங்க was போடு

பதினான்காம் பகுதி சுதேசி மாணவர்கள், விஜயதசமி,

தொடரும்..,

Sunday, August 23, 2009

சுழி, சுண்டல் 23.8.09

ஞாபகம் இருக்கிறதா.,

விடுமுறைதினம்

கோவில் வாசல்

சுண்டல் மணம்

பார்த்ததும் பரிமாறியதும்

நம் மனங்கள் அல்லவா..,

கடவுள்

இருந்தாலும் இல்லாவிட்டாலும்

கட்டிடம் இருக்கிறது

காட்சி

கருத்தில் இருக்கிறது

நாட்கள் ஓடினாலும்

நாம் மாறினாலும்

இன்றும்

அதே

கல்லூரி

விடுமுறை

கோவில்

சுண்டல்

மணம்

மனங்கள்

மாற்றங்கள்

தோற்றங்கள்

தோற்காமல்

ஓடுவது நாட்கள்

சுற்றுவது

சுற்றிக் கொண்டே..,

Life at a Primary Health Centre - பொது சுகாதாரமும் மருத்துவமும்

படத்தை அழுத்துங்கள்

LinkWithin

Related Posts with Thumbnails