Showing posts with label விமர்சனம். Show all posts
Showing posts with label விமர்சனம். Show all posts

Sunday, November 26, 2017

சங்கதாரா (குந்தவையே ஆதித்யனின் கொலையாளி) - கதை விமர்சனம்

சங்கதாரா காலச் சுவடு நரசிம்மா வின் எழுத்தில் வெளியாகிய நாவல். பொன்னியின் செல்வன் மாறுபட்ட கோணத்தில் எழுதப் பட்ட நாவல் இது.

சங்கதாரா என்ற போது  சாரங்கதாரா என்ற படத்தின் பெயர்தான் நினைவுக்கு வரலாம். சிவாஜி நடித்த படம், சிவாஜியின் தந்தையின் மனைவி சிவாஜியை கரெக்ட் செய்ய முயற்சிக்கும் ராஜபுத்ர  கதை. வசந்த முல்லை போல வந்து அசைந்து ஆடும் வெண்புறாவே இடம் பெற்ற படம். பொன்னியின் செல்வனில் கூட நந்தினி வீர பாண்டியனின் மனைவியா, மகளா அல்லது இரண்டுமேவா என்ற ஓர் ஏடாகூடா உறவு உண்டு. பெயரிலேயே ஒரு கிளுகிளுப்பு வந்திருக்க கூடும்.

சிறுவயதில் கண்ட கண்ட புத்தகங்களைப் படித்த போது பொன்னியின் செல்வனையும் படித்திருந்தாலும் இரண்டாம் வாசிப்பு பணியில் சேர்ந்த பின் தான். அந்த கதையை படிக்க ஆரம்பித்த போது எந்த சூழலிலும் ஏடு தந்தானடி தில்லையிலே என்று பாடும் எஸ், வரலட்சுமியின் முகம் எனக்குத் தோன்றவே இல்லை. 

நான் பள்ளியில் படிக்குபோது சில நண்பர்கள் உண்டு. அவர்களின் தாயார்கள் அவர்கள் மீது அதீத பாசம் கொண்டவர்கள். எந்த அளவுக்கு என்றால் கிரிக்கெட் பேட் எடுத்துக் கொண்டு விளையாட வருபவனை யாருக்கும் பேட்டை கொடுத்து விடாதே, உடைத்து விடுவார்கள் என்று அட்வைஸ் செய்வார்கள். பள்ளிக்கு தீனி கொடுத்து விடும்போது யாருக்கும் கொடுக்காமல் நீ மட்டும் சாப்பிடு என்று சொல்லி அனுப்புவார்கள். அதுவும் என்னை மாதிரி பசங்களின் காதுகளில் விழ வேண்டும் என்பதற்காக சொல்லுவது போல சொல்லுவார்கள். 

அது போன்ற பாசமிகு தாயார், தமக்கை பாத்திரமாகவே எனக்கு குந்தவை , பாத்திரம் தோன்றியது. இத்தனைக்கும் பொன்னியின் செல்வனில் குந்தவைதான் பெரிய பாத்திரம், பொன்னியின் செல்வனை விட பெரிய ஹீரோ அவர்தான். எனக்கு படிக்கும் போதே கொஞ்சம் சுய நலம் பிடித்த பிறரை மதிக்காத அரசியல்வாதியாகவே தோன்றினார். கதையின் போக்கு செல்லச் செல்ல பல பிரச்சனைகளையும் வரும்முன் தடுக்காமல் இவரே வளரவிட்டு சரிசெய்து தனது ஹீரோயிசத்தை தக்க வைத்துக் கொள்கிறாரோ என்று தோன்றியது.


நாவல் முடிக்கும்போது ஒரு நெருடல் இருந்து கொண்டே இருந்தது. முடிந்த பின் கல்கியின் முடிவுரையில் ஒரு கூற்றினைக் கொடுத்திருந்தார். சேந்தன் அமுதனும், மதுராந்தகனும் ஒரே நபராக எழுத ஆரம்பித்ததாகவும் பின்னர் சிலபல விமர்சனங்களைத் தவிர்க்க தனித் தனிப் பாத்திரமாகவும் கொடுத்ததாகவும் குறிப்பிட்டிருந்தார். 

அதே போல என்ற எண்ணம் என் மனதில் தோன்றியது. ஆம் அதே போல நந்தினியும், குந்தவையும் ஒரே பாத்திரமாக இருந்திருந்து கதாசிரியர் வசதிக்காக வேறு வேறு பாத்திரமாக மாற்றி விட்டாரொ என்ற எண்ணம் தோன்றியது போது தான் அந்த விபரீத கற்பனை தோன்றியது.  குந்தவை தான் நந்தினிதான் என்றால் நந்தினிதான் கொலை குற்றவாளி என்றால் .............., உண்மை கொலையாளி யார்?



நான் எழுதினேன். 2010ல் சங்க தாரா வெளியாகியுள்ளது. கண்டிப்பாக சில பல ஆண்டுகள் உழைத்து இருப்பார். நூல் வரும்முன்பே எழுதி விட்டதால் எனது கற்பனை என்றே மனதை தேற்றிக் கொள்ள்லாம் அல்லவா?  

கல்கியின் எழுத்துக்களின் வாயிலாகவே அவர் குந்தவைதான் குற்றவாளி என்பதாக சொல்லாமல் சொல்லியிருக்கிறார் என்று நம்பினேன். பணிச்சூழல் அதற்கான ஆதாரங்கள் தேடும் அளவிற்கு  எனக்கு சுதந்திரம்  தரவில்லை. 

இன்றுதான் சங்க தாரா வைப் படிக்கும் வாய்ப்பு கிடைத்தது. 2010ல் எல்லாம் தினமும் பிளாக்கில் எழுதுவேன் அப்படியும் எனக்கு இந்த நூலைப் படிக்கும் வாய்ப்பு கிடைக்கவில்லை.  எனது சந்தேகங்களுக்கு பதில்களை ஆதாரத்துடன் அவித்து வைத்திருக்கிறார். குந்தவைதான் கொலைக்குக் காரணம் என்று நம்பினாலும் யாரை வைத்து கொன்றிருப்பார்? அதற்கான சூழல் எப்படி அமைந்திருக்கும் ? என்பதற்கான விடையாக இந்த நாவல் அமைந்திருக்கிறது என்றே சொல்லலாம்.

நந்தினி  வீரபாண்டியனுக்கு மகளாகவும் மனைவியாகவும் இருந்தது போல பொன்னியின் செல்வம் போகும் . அதே நந்தினி ஆதித்ய கரிகாலனுக்கு சகோதரி போலவும் காதலி போலவும் கதையில் தோற்றம் வரும். நான் வேறு குந்தவையும் நந்தினியும் ஒருவரே என்று முழுக்க முழுக்க நம்ப வருகிறேன். கல்கி வேறு நந்தினி ஒரு கற்பனைப் பாத்திரம் என்று சொல்லி விட்டார்.

சங்க தாராவிலும் நந்தினி போன்ற இரண்டு பெண்கள் வருகிறார்கள். குணாதிசிய அடிப்படையில் இரண்டு கதையிலும் குந்தவை ஒருவராகவே வருகிறார். குந்தவை தொடர்புடைய காட்சிகள் சில அப்படியே பொன்னியின் செல்வனிலிருந்து அதே நேரத்தில் மாற்றுக் கோணத்தில் தரப் பட்டுள்ளது.  சில பல இடங்களில் ஆதாரங்கள் தரப் பட்டுள்ளது. கதாபாத்திரங்களின் வயது இரண்டு கதைகளிலும் மாறுபாடு நிறைய கொண்டுள்ளது.



சாம்பவி பாத்திரம் சங்கதாராவில் புதியது. ஆனால் இது போன்ற பாத்திரங்கள் சரித்திரக் கதையில் தவிர்க்க முடியாதது. கதையில் வரும் சம்பவங்களை கோர்வைப் படுத்த இத்தகைய பாத்திரம் அவசியம். நாம் சிறுவயதில் தொலைக்காட்சியில் மகாபாரதம் தொடர்  பார்த்த போது அதில் காலச் சக்கரமே வந்து அந்த வேளையைச் செய்யும். ஆனால் சாம்பவி பாத்திரத்தின் பின்புலம் சற்றும் எதிர்பாராதது. அதுவும் பொன்னியின் செல்வனின் பாத்திரப் படைப்பில் இருந்தே இதை கொண்டு வருகிறார். சாம்பவியின் ரகசியத்தை கடைசியில் அவிழ்த்தாலும்  கதை படிப்பவர்களுக்கு சாம்பவியின் பின் புலம் எளிதில் புரியும் வண்ணம் ஊரறிந்த ரகசியமாகவே கொண்டு செல்கிறார்.  


செம்பியன் மாதேவிக்கு குழந்தை பிறந்த சில நாட்களில் கண்டாதித்தர் காணாமல் போகும் நிகழ்வே குறிப்பிட்ட ஒரு கேள்வியை வைத்து கதையின் முடிவில் பதிலைத் தருகிறது.

சூரிய மந்திரத்தை உபயோகப் படுத்தும் போதே   கதையின் போக்கு ஒரளவு யூகிக்க முடிகிறது. அதற்கேற்றார்போல் ஓராண்டு சண்டி விரதமும் வருகிறது. கதை முடிந்தபின் மலேசியாவில் உள்ள கல்வெட்டுக்களை ஆதாரமாக காட்டுகிறார் கதாசிரியர்.


ஆதித்ய கரிகாலனின் கோபமும், அவரது சிறந்த பண்பு நலன்களும் இதில் கூறப் பட்டுள்ளது. ஆனால் அவரது நற்பண்புகளுக்கு ஆதாரம்  கதையில் கொடுக்கப் படவில்லை. நாயகனின் நற்பண்புகளுக்கு ஆதாரமும் தேவையில்லையே.  

வந்தியத் தேவனின் பாத்திரம் தியாகம் செய்வதற்கே அவதாரம் எடுத்தது போல கல்கி அமைத்திருந்தாலும் வந்தியத் தேவனின் கத்தியால்தான் ஆதித்ய கரிகாலன் இறந்ததாக கதை அமைத்திருப்பார். அதுவும் கூட நான் குந்தவையை சந்தேகப் பட ஒரு காரணம். சங்கதாராவில்  வந்தியத்தேவனை ஒரு டபுள் ஏஜண்டாகவே காட்டியிருக்கிறார்கள். அவரிடம் இரண்டு சத்தியங்கள் கல்கி காட்டியிருக்கும் பல ஆதாரங்களை மெய்ப்பிக்கின்றன்.

ஆதிச் சோழன் கதையையும் கூட எடுத்தாண்டிருக்கிறார் காலச்சக்கரம் நரசிம்மா

கதாசிரியர் பல இடங்களில் சொந்தக் கவிதைகளைப் போட்டு இடம் நிரப்பியிருக்கிறார்


அந்த இடுகையை எழுதிய போது பின்னூட்டத்தில் ப்ரூனோ கேட்டிருந்தார். குந்தவையை சந்தேகப் படும் நீங்கள் ஏன் அருண்மொழியை சந்தேகப் படவில்லை என்று. நான் உடனடியாக அவர் அக்காபிள்ளை, தனியாக சந்தேகப் பட ஒன்றும் இல்லை என்று. .சங்கதாராவில் இதற்காக ஒரு கல்வெட்டே ஆதாரமாக இருக்கிறது.


கதையில் விரு விருப்புக்கு பஞ்சம் இல்லாமல் செல்கிறது.  காலச் சக்கரம் நரசிம்மாவின் உழைப்பும் கற்பனையும் ஒவ்வொரு பக்கத்திலும் ஆனந்த தாண்டவம் ஆடுகிறது. இருந்தாலும் கூட ஒவ்வொரு அத்தியாயத்தையும் இன்னும் விலாவாரியாக விளக்கியிருக்கலாம்.  இது போன்ற கதைகளுக்கு பக்கங்கள் ஒரு தடையாக இருக்கக் கூடாது. கதாசிரியர் தான் சொல்ல வருவதை வாசகர்களுக்கு சோர்வு கொடுக்காமல் விளக்க வேண்டும். உடையார் முதல் பாகம் அவ்வாறான ஒரு அயர்ச்சியை கொடுக்கும்.

கிளைமாக்ஸில் குந்தவை பெரிய கோவில் நந்தியின் காதில் சொல்லும் ரகசியம் ஏற்கனவே ராஜராஜன் மற்றும் ராஜேந்திர சோழனுக்கு ஏற்கனவே தெரிந்ததைப் போன்ற கல்வெட்டுகள் காட்டப் படுகின்றன்.



கதையில் நெகடிவ் என்று பார்த்தால்

1.இந்த கதையின் தலைப்பு பொன்னியின் செல்வனை கொஞ்சம் கூட உறவு கொண்டாடவில்லை. சங்கதாரா சோழ மன்னர்கள் முடி சூட பயன்படுத்தும் பொருட்கள். அதை விளக்கியிருந்தாலும் கூட ஏதோ ராஜ புத்திர கதையை மொழிபெயர்த்தது போன்று தலைப்பு அமைந்துள்ளது.

2.குமுதம், ஆனந்த விகடன் போன்ற ஏதாவது ஒரு புத்தகத்தில் தொடராக வந்திருந்தால் நிறையப் பேரை சேர்ந்திருக்கும், கதையை இன்னும் நீளமாக இழுத்திருக்கலாம்.

3, கதை முடியும்போது சாம்பவி சொல்லும் விஷயங்கள், தோழிப் பெண் சொல்லும் விஷயங்கள்  ஏதாவது ஒரு இடத்தில் சஸ்பெண்ஸ் வைத்து உடைத்திருக்கலாம்.

4,பல இடங்களில் வரும் சொந்தக் கவிதைகள்

Thursday, July 4, 2013

பாரதி ராஜா வழுக்கிய இடங்கள்.

பல பல விமர்சனங்களைப் படித்த பின்னர் உந்தப் பட்டு அன்னக் கொடி படம் பார்த்துவிட்டேன். கதை என்று எடுத்துக் கொண்டால் கொஞ்சம் வங்கமொழி திரைப்படங்களில் வருவது போன்று இருக்கிறது. 

அன்னக் கொடி காதலிக்கிறாள். சூழ்நிலை காதலை பிரித்து விடுகிறது. கனத்த இதயத்துடன் அன்னக் கொடி ஒருவனைத் திருமணம் செய்து கொள்கிறாள்.  சில நாட்கள் ( ஆண்டுகளாய் கூட இருக்கலாம்) அன்னக் கொடியின் காதலனும் இன்னொரு பெண்ணை திருமணம் செய்து கொள்கிறான். இவர்களுக்கு குழந்தை கூடப் பிறக்கிறது.  அன்னக் கொடிக்கு கணவனிடம் சித்ரவதை அதிகரிக்கிறது. பொறுக்க முடியாமல் காதலுடன் சேர்ந்து கொள்கிறாள். அவனும் அவளைச் சேர்த்துக் கொள்கிறான். கணவனுக்கு கோபம் வருகிறது.  அன்னக் கொடியின் காதலனின் மனைவியை கடத்திவிடுகிறான். அவளும் தூக்கில் தொங்குகிறாள். காதலனும் கணவனும் சண்டை போட கணவன் சாக  காதலனுக்கும் அவன் மனைவிக்கும் பிறந்த குழந்தைக்கும் தனது மார்பை உபயோகித்து பால் கொடுக்கிறாள் அன்னக் கொடி. 

மலையாளப் படம் போலவோ அல்லது வங்காளப் படம் போலவோ எடுத்திருந்தால் படம் ஓடியிருக்குமோ இல்லையோ பாரதிராஜா ஒரு திறமையான இயக்குநர். அவர் தமிழனாகப் பிறந்தது அவரது தவறு. தமிழனுக்கு திறமையை மதிக்க தெரியவில்லை அப்படி இப்படி என்று எதாவது எழுதி தள்ளி இருக்கலாம்.  

ஆனால் என்ன செய்வது அவருக்கு ஒரு மகன் இருக்கிறார். எஸ்.ஏ.சந்திரசேகர், மாதிரி இல்லாவிட்டாலும் கங்கை அமரன் மாதிரியாவது தனது மகனை அழகு பார்க்க வேண்டும் என்ற ஆசை இருக்காதா? அவருக்கு. தனது படங்களில் வில்லன்களாக நடித்து தமிழ் மக்களின் வெறுப்பை அள்ளிக் கொண்ட ரஜினிகாந்த், சத்யராஜ், பாக்யராஜ் ( வில்லனாகத்தான்) போன்றவர்கள் பிற்காலத்தில் பெரிய ஆளான மாதிரி தனது மகனையும் பெரிய ஆளாக மாற்றியே தீர வேண்டும் ஒரு தந்தையாக தன்னை முன்னிறுத்தி எடுத்த படம் என்பதால் அதில் சில பல வகைகளில் மெருகேற்றப் பட்டத்தில்  படம்  என்னவோ மாதிரி ஆகிவிட்டது.

கிழக்குச் சீமையிலே படத்தில் நெப்போலியனின் தங்கையின் காதலையும் அதற்கு  நெப்ஸ் குடும்பம் தரும் எதிர்ப்பையும் பதிவு செய்து இருப்பார். அந்தப் படத்தில் வரும் பாண்டியனின்  கதாப்பாத்திரம் போன்ற ஒரு பாத்திரம்தான் சடையனின் பாத்திரம்.  ஆனால் அந்தப் பாத்திரம் இந்தப் படத்துக்காக மாற்றி அமைத்ததில் அடியில் ஒரு ஒடுக்கு விழுந்து விட்டது. அதனால் நேராக நிமிரவே முடியாது. என்பதாக மாற்றி விட்டார்கள்.

இந்த மேட்டரை முத்துராமன் நடித்த மறு பிறவி சொல்லுவார்கள் என்று நினைத்தேன் ஆனால் ஏற்கனவே பாரதி ராஜா இயக்கிய  கன்னிப் பருவத்திலே மாதிரி ஆக்கிவிட்டிடுக்கிறார்கள்.

ஆனால் வீட்டில் இருக்கும் அத்தனை பெண்கள். அவர்கள் அதுவும் விருப்பப் பட்டாம்.  ஒரு காப்பித் தண்ணியிலேயே சந்தோஷமாய் இருக்கிறார்கள்.  அதுவும் சடையனின் தந்தையின் கையங்கர்யமாக இருக்குமோ என்பதையும் கேள்விக் குறியாக விட்டு இருக்கிறார்கள். 

கிழக்குச் சீமையிலே படத்தில் பாண்டியனின் அறிமுகத்தில் இருக்கும் ஒரு குளுமை கலந்த கிக் இதில் வாந்தியைத் தான் கொண்டுவருகிறது. அதுவும் கோழிக் குழம்பு வைக்கும் பெண்,  அப்பனுக்கு வழக்கமாக கோழிக் குழம்பு வைத்துக் கொடுப்பவர், மகனுக்கும் கொடுக்க ஆசைப் படுகிறார். கைப் பக்குவம் அப்படி போல..,  

ஆனால் அதை ஜீரணிக்கும் பக்குவம்தான் நம்மிடம் இல்லை. 

எதற்காக மின்சாரம் உள்ளே நுழைந்த காலக் கட்டத்திற்குப் போனார் என்று தெரியவில்லை. பேசாமல் இந்தக் கதையை ஐ.டி. கம்பனியை வைத்தே சொல்லி இருக்கலாம்.  ஜாதியை இழுக்காமல் இஷ்டம் படம் போல காட்டி நவீன பெண்களின் நவீண உரிமைக்கான படமாக எடுத்து இருக்கலாம். நவீன மனிதர்களின் பாராட்டாவது கிடைத்து இருக்கும்.

இந்தப் படத்தில் கூட சில பல மாற்றங்களை செய்து இருக்கலாம்.  கிழக்குச் சீமையிலே காதலைப் போல பணம் , வசதி , குடும்ப பெருமை இதைக் காட்டி காதலர்களை பிரித்து இருக்கலாம். அதை விடுத்து விட்டு வீரன் என்ற பெயர் அதுவும் செருப்புத் தைப்பவன் என்ற அடையாளம். பேசாமல் ஆட்டுக் காரனாகவே கூட இருந்திருக்கலாம்.

தமிழ் படத்தில் ஒரு தாழ்த்தப் பட்ட்வன்  ஒரு பிற்படுத்தப் பட்ட, மிகவும் பிற்படுத்த வீட்டுப் பெண்ணை காதலிப்பது, மணப்பது போன்ற காட்சிகள் வந்து விட கூடாது அப்படி வந்தால் அந்தப் படம் படுதோல்வி. அப்படி ஒரு காட்சி படத்துக்கு மிக அவசியம் என்றால் பெண்ணை உயர்சாதிக்கு மாற்றி பையனை பிற்படுத்தப் பட்ட வகையறாக்களில்  இருந்து அமைத்துவிட வேண்டும். இந்த அடிப்படை திரைப்பட விதிகூட படத்தில் மீறப் பட்டிருக்கிறது.

 எங்க ஊரு பாட்டுக்காரனில் சிஞ்சனுக்கு ஜனக்கு, நான் சொல்லித் தாரான் கணக்கு பாட்டை கொஞ்சம் உல்டா அடித்து சடையனின்  பஞ்ச் ஆக வைத்து விட்டிருக்கிறார்கள். 

கரகாட்டக்காரன் மாதிரியே காற்றில் பறந்து வரும் சட்டை ஒழித்து வைத்துக் கொள்கிறார்கள்.  சிலம்பரசன் மாதிரி செருப்பைப் பார்க்கிறார்கள்.

அன்னக் கொடியை புகுந்த வீட்டில் கொடுமைப் படுத்துவது என்றால் ஒரு காது வளர்த்த கிழவியை விட்டு கொடுமைப் படுத்தி இருக்கலாம். ஆனால் துண்டெல்லாம் கொடுத்து கொஞ்சம் டூ மச்..,  அதற்காகத்தான் அதை எதிர்பார்த்துதான் படம் பார்க்க போயிருந்தாலும்கூட  ஷாக்தான் அந்த காட்சி. 

ஏவிஎம்மின் புதுமைப் பெண்ணில்  நாயகி வீட்டை விட்டு வெளியேறியதை மக்கள் ஏற்றுக் கொண்டுவிட்டார்கள் என்பதற்காக மக்கள் எல்லாவற்றையும் ஏற்றுக் கொள்வார்கள் என்று அர்த்தம் கிடையாது. 30 வருடத்துக்கு முன்னாடி வீட்டை விட்டு வந்ததை ஏற்றுக் கொண்டதற்காக இன்று சேர்த்து கொண்டதை ஏற்றுக் கொள்வார்கள் என்று எதிர்பார்ப்பதெல்லாம் கொஞ்சம் அதிகம்தான்..

சாமி இரவில் வலம் வரும்போது வில்லன் சாவது கூட பல படங்களில் பார்த்ததுதான்.  

வீட்டை விட்டு வெளியே வந்த அன்னக் கொடி தனியே கஷ்டப் பட அவருக்கு ஒரு ஆடு மாதிரி மாடு மாதிரி பூனைமாதிரி இல்லாமல்   நாய் மாதிரி ஹீரோ உதவி செய்திருந்தால் மக்கள் ஏற்றுக் கொண்டு இருப்பார்கள். கடைசியில் வில்லனோடு சேர்ந்து ஹீரோவும் சாக அவன் குழந்தைக்காக தனது வாழ்க்கையையே  அன்னக் கொடு அர்ப்பணித்துவிட்டாள் என்று காட்டியிருந்தால் புரட்சிகள் பல கண்ட தமிழுலகம் கண்கள் பனிக்க இதயம் கனக்க படத்தைப் பார்த்து ரசித்திருக்கும். 

என்ன செய்வது பெத்த மனம் பித்து பிள்ளை மனம் கல்லு என்ற சொலவடைக்கு ஏற்ப எந்திரன் ரஜினிக்கு மீசை வைத்தாற்போன்ற முகத்துடன் மே..., மே...., என்று சொல்லிக் கொண்டு உடையார் நாவலில் பாலகுமாரன் விளக்கு ஒரு வண்டியில் வடிவேலுபோல் அடிக்கடி வேட்டியை அவிழ்த்து தலையில் போட்டுக் கொள்ளும் மகனுக்காக என்னத்த்ச் சொல்ல என்ன்னத்தச் செய்ய..,

டிஸ்கி;-  ஒவ்வொரு பத்திக்கும் தொடர்ப்பு இருப்பது போலவும் இல்லாதது போலவும் தோன்றுகிறதா உங்களுக்கு?

உங்களுக்கு படம் பிடிக்காது.


பத்திகள் தொடர்ச்சியாக இருப்பதாக தோன்றுகிறதா? உங்களுக்கு படம் புரிந்து விடும்.


Thursday, January 20, 2011

சூடு 20.1.11.

இப்போதைய பயங்கர சூடான இடுகை
முதலிடத்தில் இருக்கும் இந்த இடுகை   திரு .ராஜன் அவர்களால் எழுதப் பட்டுள்ளது.பகவத் ஆச்சார்யா என்பவர் தனது மனைவியுடன் மற்றும் சில குழந்தைகளையும் இணைத்து வெளியிட்ட குறும்படங்கள் பற்றி எழுதியுள்ளார்.

கலை மற்றும் வெளிப்புறப்படப்பிடிப்புகளைப் ப்ற்றி புகழ்ந்து எழுதியுள்ளார். க்ளைமாக்ஸ்ஸில் கரசேவை பற்றியும் எழுதியுள்ளார்.

============================================================

இரண்டாவது சூடான இடுகை திரு ஜாக்கி சேகருடையது. வழக்கம்போல் புகுந்து விளையாடி இருக்கிறார்.  சபரிமலையில் சம்பவத்தின் துவக்கத்தில் தடியடி நடந்தது என லேசாக பொறுத்திப் ஓட்டுள்ளார்.

ஒரு பிரிண்டர் வழியாக குழந்தை பிறப்பது போல ஒரு கார்ட்டூன் கொடுத்துள்ளார். குழந்தை பிறப்பு என்பது. பிரிண்டரில் பேப்பர் வருவது போல என்பது மிக மேம்போக்கான உதாரணம். குழந்தை பிறப்பு இதைவிட கடுமையானது. பார்ப்பதற்கு மிக சுலபம் போல இருந்தாலும் பிரிண்டரில் பேப்பர் பழுதடைவது போல குழந்தைகளும் கொஞ்சம் ஏமாந்தாலும் சிக்கல்தான்.

பிரசவகாலத் துணை பற்றி எழுதியுள்ளார். உங்களுக்குத் தெரியுமா? தமிழக்த்தில் பிரசவ நேரத்தின்போது துணையாக இருக்க்ப் போகும் பெண்ணுக்கு பிரசவத்தின் ஆரம்ப காலத்திலிருந்தே ஆரம்ப சுகாதார நிலையங்களில் பயிற்சி கொடுத்துக் கொண்டு வருகிறார்கள்

=====================================================================

சி.பி.செந்தில்குமாரின் இடுகை இது. கவுண்டர் அட்டாக்கில் இருக்கும் இடுகை.  ஆன்லைனில் 10 பேருக்கும் குறைவாக இருந்தால் புது இடுகை போடுகிறாராம். நாங்களெல்லாம் ஒருநாளைக்கு வருகை தருபவர்களின் எண்ணிக்கை பத்துக்கும் கீழே இருந்தால்தான் புது இடுகை போடுவோம்.

==============================================================

மின்னல் அவர்களின் சூடான இடுகை ஒரு பத்திரிக்கைச் செய்தி அடிப்படையிலானது.

======================================================


=========================================================

பரிசல்காரன் அவர்களின் இடுகையும் சூடாகவே இருந்தது. இவரும் கூட சபரிம்லை விபத்து பற்றி அவர் பார்த்த நபரின் கருத்தை எழுதி யுள்ளார்.  அலைபேசிக்கு பதிலாக மின்னஞ்சல் உபயோகப் படுத்தப் போவதாக ஒரு நண்பர் தெரிவித்ததாக தெரிவித்து இருக்கிறார்.  அந்த 19 ரூபாய் மேட்டர். பார்ப்போம் எப்படி இருக்கிறது என்று?

=============================================================

காவலன் பாதுகாப்பாக இருக்க விஜயின் சிரமங்களை வருண் நம்மோடு பகிர்ந்து கொண்டுள்ள இடுகையும் சூடான இருக்கிறது.

=============================================================

ஆளுக்கொரு கேள்வி   கேள்வி இருக்கும் ஜீவன்சிவத்தின் கேள்விகளும் இளமையானவை. எப்போதும்  ஆளும்கட்சியைப் பார்த்தும், எதிர்க்கட்சியை பார்த்தும் எப்போதும் ஆளும்கட்சியைப் பார்த்தும் கேட்கக்கூடிய கேள்விகள். நாளை சிலம்பரசன் முதல்வரானாலும் இந்த கேள்விகளின் அடிப்படையில் சும்மா கிளீகிளி என்று கிளிக்கலாம்.

=================================================================


பச்ச புள்ள நிலாவ புடிக்க ஆசப்பட்ட மாதிரி......ன்னு தொடங்கி ஒரு வசனம் கேப்டன் பிரபாகரன் படத்தில் வரும். அப்படி ஆசைப்பட்ட ஒரு பச்சைக்குழந்தையின் கதையை விசா எழுதி இருக்கிறார்.


====================================================





Wednesday, January 12, 2011

நடிகை கண்ணாம்பாவின் கதாபாத்திரத்தில் நடிகை சோனா

வெகுநாட்களுக்கு பிறகு குறுந்தகட்டின் உதவியுடன் ஒரு திரைப்படம் பார்க்க நேர்ந்தது. எம்.ஜி.ராம்சந்தர் என்ற பெயர் எடுத்துப்போடும்போது தென்பட்டது. கதாநாயகன் பெயரோடு சேர்ந்து  கீழே கடைசியில் தென்பட்டது. திரைப்படத்தின் துவக்கத்திலேயே தட்சசீலத்தை வென்றுவிட்டு  நாயகன் நாடுதிரும்புகிறார். அவரது புகழை பறைஅறிவிப்பவர் சொல்லும்போதெல்லாம்  குதிரை திரையின் ஒருபக்கத்திலிருந்து இன்னொரு பக்கத்திற்கு ஓடுகிறது,

நாயகன் குணாளன் நேராக சென்று நாட்டின் பேரரசர் சாம்ராட் அசோகரைச் சந்திக்கிறார்.  அசோகர் கலிங்க போருக்குப் பின் சண்டையே போட்டதில்லை என்று சொல்கிறார்கள். கரீனா கபூரின் கண்ணீருக்குப் பின்னர் அவர் புத்தமதத்தைத் தழுவி விட்டதாக ஷாருக்கான் எங்களுக்குச் சொல்லிக் கொடுந்திருந்தார். இருந்தாலும் எம்.கே.தியாகராஜ பாகவதர் தட்சசீலத்தில் கலகக் காரர்களை ஒடுக்கி திரும்புவதாக ஒரு வசனத்தை பின்னர் வைக்கிறார்கள்.

குணாளன் தனது தந்தையைச் சந்தித்த உடன் தந்தை மணமகிழ்ச்சியுடன் அவரை வரவேற்று அவருக்கு அவரது சிற்றன்னையை அறிமுகப்படுத்துகிறார், குணாளன் போரில் இருந்த நேரத்தில் அவரது தந்தை மகாச் சக்கரவர்த்தி அசோகர் மணம்புரிந்து கொண்டாராம். அந்த சித்தியின் பெயர் மனத்தில் நிற்கவில்லை,. ஆனால் அவரை அழைக்கும்போதெல்லாம் த்ரிஷா என்ற உச்சரிப்பே எனது காதில் விழுந்தது. தந்தையின் மனைவியாக கண்ணாம்பா நடித்திருந்தார்,  கண்ணாம்பா என்றதும் மனோகரா கண்ணாம்பா உங்களுக்கு நினைவுக்கு வந்திருக்கலாம். ஆனால் நினைவிற்கு வரவேண்டியவர்  மனோகரா டி.ஆர் ராஜகுமாரி. அவரைவிட தளுக்கும் குளுக்கும் நிறைந்த ( வர்ணனை உதவி:- வசனகர்த்தா இளங்கோவன்)  உடல்மொழியுடன் கண்ணாம்பா வலம்வருகிறார்.

அவருக்கு பார்த்த உடனேயே எம்.கேடி.யை பிடித்துப் போய்விடுகிறது. அவரை அடையத்துடிக்கிறார், பலானபலான திட்டங்கள் போடுகிறார். சிறப்பாக அலங்கரித்துக்கொள்கிறார். அசோகரின் மூலமாக குணாளனை அந்தப் புரத்திற்கு அழைத்துவந்து பாடச் சொல்கிறார், தந்தையின் முன்பாக மகன் சிற்றன்னையின் அந்தப் புரத்தில் பாட்டுப் பாடுகிறார். கடவுள் வர்ண்ணை மாதிரி பாடுகிறார்.  அதில் கண்ணாம்பா மிகவும் மனம் உருகிவிடுகிறார்.

அவசர வேலை காரணமாக தந்தை அசோகர் வெளியே கிளம்ப மகன் குணாளன் அந்தப் புரத்தில் பாடுவதை தொடருகிறார்.

உன்னை கண்டு மயங்காத பேர்களுண்டோ....,

இந்தப் பாடல்கூட கடவுள் பக்தி பாடல்தானாம்.

சிற்றன்னை சொக்கிப் போய் நடனமும் ஆடுகிறார். இந்தப் பாடல் முடிந்த உடன் எம்.கே.டியை வழிக்குக் கொண்டு வர கண்ணாம்பா பல இலக்கிய விவாதங்களில் ஈடுபடுகிறார்.  இந்தப் படத்தை இப்போது ரீமேக் செய்தால் சோனா பத்துக்கு பத்து மதிப்பெண்கள் பெற்றுவிடுவார்.

ஆனால் சோனாவால் இவ்வளவு பெரிய இலக்கிய விவாதத்தில் ஈடுபடமுடியுமா என்று தெரியவில்லை.

எம்கேடி அறிவுரை கூறிகிறார், இந்த நிலையில் அசோகர் அந்தப்புறத்தில் நுழைய குணாள் குற்றம்சாட்டப் பட்டு நாடுகடத்தப் படுகிறார்.

இளவரசன் குணாளுக்கு  ஆதாரவாக ஒரு பிட்சு பேசுகிறார், அவரை எண்ணெய் கொப்பரையில் போடுமாறு  உத்தரவிடுகிறார். புத்தபிட்சு எண்ணெய் கொப்பரையில் போட்ட உடன் தாமரையாய் மாறி தப்பிவிடுகிறார், இதை கேட்ட அசோகர் பிட்சு மகான் என்பதாக உணர்ந்து படுத்தபடுக்கையாகிவிடுகிறார்.


இவருக்கு வைத்தியம் பார்க்க வரும் வைத்தியரின் மகனாக இளம்வைத்தியராக என்.எஸ்.கிருஸ்ணன் வருகிறார், அவரை கண்ணாம்பாவின் அந்தரங்க தோழி மதுரம் ஆசைப் படுகிறார், அவரை தன்வழிக்கு கொண்டுவர அவரிடம் குழைந்து குழைந்து பேசுகிறார்,  அவரது பேச்சு சன் ம்யூசிக் நிகழ்ச்சிகளிடையே வரும் வாயாடிகளின் குழைவிற்கு நிகராக அமைந்திருக்கிறது. அதுவு,ம் காதல் நோயால் தான் வாடுவதாக இளம்வைத்தியரிடம் சென்று மருந்து கேட்க அவர் பல ஓலைச்சுவடிகளை எடுத்துப்படிக்க அவரது கைகள் மிகச் சிறப்பாக நடித்திருக்கும்.

எம்.கேடி.யின் மனைவி காஞ்சனை தனது சின்ன மாமியாரைப் பார்த்து தனது கணவனை மீட்க உதவி கேட்க செல்கிறார். இவருக்கு சின்னமாமியாருக்கு முன்பே திருமணம் ஆகியிருக்கும்.  அங்கு தன் கணவன் மேல் சின்ன மாமியார் ஆசைப் படுவது புரிந்து நாட்டைவிட்டு வெளியேறிவிடுகிறார்.

மகேந்திரனிடம் அடைக்கலமாகி இருக்கிறார் குணாள். அவருக்கு சில கடிதங்கள் வருகின்றன. மகேந்திரனாக நடித்திருப்பவர் எம்.ஜி.ராம்சந்தர். அதாவது பிற்கால எம்.ஜி.ராமச்சந்திரன் (எ) எம்.ஜி.ஆர் அவர்கள்.

குணாளின் மனைவி மூன்று மாத கர்ப்பம் மற்றும் கடும் ஜூரம் என்று கடிதம் வர யாருக்கும் தெரியாமல் நாடுதிரும்பி தனது மனைவியைப் பார்க்க அந்தப் புரத்திற்குள் நுழைகிறார். அந்தப் புரத்தில் அவரது சிற்றன்னை ஒரு முன்னேற்பாட்டுடன் உள்ளே தங்கியிருக்கிறார்.

-----------------------------------------------------------------------------

இந்தக் காட்சியில் மின்சாரம் போய்விட்டதால் படத்தை தொடர்ந்து பார்க்கமுடியவில்லை. வாய்ப்புக்கிடைக்கும்போது படத்தைப் பார்த்துவிட்டு மீதவிமர்சனத்தை எழுதிவிடுகிறேன்.

இதன் தொடர்ச்சி இங்கே உள்ளது

Monday, May 17, 2010

முரட்டு சிங்கம் - ஒரு கண்ணீர் காவியம் (இரும்புக் கோட்டை தெரிந்தவர்களுக்கு)

எருமைக்கு நோவுன்னா காக்கைக்கு கொண்டாட்டம் -  என்.எஸ்.கிருஷ்ணன் மதுரை வீரனில்

அக்காமாலாவையும், கப்ஸியையும் கவிழ்த்து, அந்த குளிர்பானங்களுக்கு விளம்பரம் கொடுத்தவர்களை ஓங்கி அறைந்து, நாடக் நடிகை செல்லம்மாவை பெண் என்பதால் விடுகிறேன் என்று சொன்ன சிம்புதேவனின் படத்தை ஆராயாமல் , அனுபவித்து சிரியுங்கள் என்று சொன்னால் எப்படி? அதனால் நாம் நம் பாணியில் ஆராய உட்கார்ந்தோம். வாழ்க ஞாயிற்றுக் கிழமை. 

=========================================================

சில உண்மைக் கதைகளை எடுத்துவிட்டு அதைக் கற்பனை என்று டிஸ்கிபோடுவார்கள் . இதுவும் அப்படிப்பட்ட ஒரு கதைதான். ஆனால் அதை வேறு களத்தில் எடுத்து இருக்கிறார்கள் அவ்வளவுதான்.  சிங்கத்தின் பெயரைக் கேட்டாலே அது புரிய வேண்டும்.கௌபாய் பிண்ணனி இல்லாமல் வேறு எந்தக் கட்டத்தில் எடுத்திருந்தாலும் உண்மைக்கதை உடனடியாகப் புரிந்திருக்கும். இப்போது கொஞ்சம் ஆழ்ந்து பார்க்கவேண்டும்

http://www.tamilcinema.com/CINENEWS/IMAGES1/IKMS.jpg

=============================================================

வலைப்பூ எழுதும் பலரும் காமிக்ஸ் ரசிகர்களாக, வெறியர்களாக இருப்பதால் அவர்கள் பலருக்கும்  இரும்புக் கோட்டை முரட்டுச் சிங்கம்  முழு திருப்தியளிக்கவில்லை என்றும் ஆனாலும் படத்தைப் பார்த்து மகிழ்ச்சியோடு கூடிய திருப்தி அடைவதாகவும் எழுதியிருந்தார்கள்.  அவர்கள் ஏன் மகிழ்ச்சி அடையவில்லை என்பதைஆராய்வதே நமது முதல் கட்ட லட்சியமாக இருந்தது.  


பொதுவாக டெக்ஸ்வில்லரைப் பார்த்தால் எனக்கு எப்போதுமே எம்ஜியார் நினைவுதான் வரும். லக்கிலுக்கைப் படிக்கும்போது நாகேஷ் நினவு வரும். 


https://blogger.googleusercontent.com/img/b/R29vZ2xl/AVvXsEgzLPfi-0EtnlMwv18Kp8M5-azDaEWjhhvRoC2nb_mJ9WjZiLEPe8cr9gsBMYO0YEJKehTwcghYMZl51mBJV6U_AEkii2Z3lMy-uWHJHesEYx-h4gundrYGFAya8HyN2k41_zteCzCAsMo/s400/Original+still+for+the+Ad+poster.jpg
https://blogger.googleusercontent.com/img/b/R29vZ2xl/AVvXsEiiUo7IZlyRt9iOa6MNQKwcqCQxJl6iO5dAojJ0v4jrpR3WTSR6mpEHuUBVXA4MUM5kb50bb6o7M0_-O4xXIFtkL-0n3QM4NRh4tM69-oQK9H_Xe44_Cjs1KJE3hYawzzS9vvKjjOLUgU9z/s400/vijay-vettaikaran-still.jpg
அதுவும் டெக்ஸ்வில்லரின் பாத்திரப் படைப்பு எம்ஜியார் படங்களின் பாத்திரப் படைப்புக்கு ஈடாகவே எனக்குத் தோன்றியது. எம்ஜியார் தாழ்த்தப் பட்ட மக்களுக்காக போராடுபவராக வருவார். ஆனால் அவர் உயர்ந்த குடியில் பிறந்தவராகவே வருவார். மதுரைவீரன் திரைப்படத்தில் கூட  மதுரைவீரன் ஒரு ராஜகுமாரன் என்றும் அந்தக் குழந்தையை தூக்கி காட்டில் வீச அதை எடுத்து செருப்புத் தைப்பவர் வளர்த்ததாகக் கதை சொல்லுவார்கள். நானும் அதற்கான ஆதாரத்தை தேடிக் கொண்டே இருக்கிறேன். எந்த எழுத்துவடிவங்களிலும் அப்படி இருப்பதாக யாரும் சொன்னதில்லை.கர்ணபரம்பரைக் கதைகள் கூட மதுரைவீரன் பூர்வகுடியாகவே சொல்லுகின்றன. ராஜகுமாரனாகக் காட்டவில்லை. ஆனால்  அப்படி ஒரு பிம்பத்தை தொடர்ந்திருப்பார்,அப்படி எடுத்தால்தான் பெருவாரியான மக்கள் பார்ப்பார்களோ என்னவோ!


டெக்ஸ் வில்லரும் அப்படித்தான். பல கதைகளில் நவஜோக்களுக்கு, செவ்விந்தியர்களின் பங்காளராக வந்தாலும் அவர் ஒரு வெள்ளையர். ஒரு வெள்ளயரை முன்னிலைப் படுத்தியே கதை நகரும்.   


ஆனால் லாரன்ஸின் தோற்றம்,  டெக்ஸ்வில்லரின் பழிவாங்கும் பாவையில் வரும் வில்லனைப் போல அதாவது வெள்ளையரின் நடை உடையில் வலம் வரும் செவ்விந்தியரைப் போல அல்லவா தெரிகிறது. டெக்ஸை எதிர்பார்த்து வருவோருக்கு டெக்ஸின் வில்லனை ஹீராவாக ஏற்கும் மனம் வருமா? தவிரவும் தொடக்க காட்சிகளில் ரஜினையை வேறு கிண்டல் செய்கிறார்.   கருப்பராக தோற்றமளிக்கும் லாரண்ஸ் மக்களின் மனதில் இடம் பிடிக்க சிரமப் படுகிறாரோ என்னமோ!

http://www.writermugil.com/wp-content/uploads/2009/12/mgr-vettai.jpg




ஆனால் கதைப் படி  கதாநாயகனின் கூட்டம் பூர்வ குடிகள் அல்ல, அதற்கு மனோரமாவின் உடைகளே சாட்சி



=======================================================


அடுத்ததாக நாயகிகள். என்னத்த சொல்ல, ஒவ்வொரு பாடலின்போதும்  அலைப்பேசியில் பேசி பாடலைக் கவனிக்கத் தவறிவிட்டேன். இருந்தாலும் சந்தியாவின் கண்கள்.  அத்தோடு  மண்டையோடு சேர்த்து, ......... ண்டையும் உடைத்துக் கொண்ட நாயகியின் தலை முடி, லட்சுமிராயின் எஸ்பாஸ் இவ்வள்வுதான் எனக்குத் தெரிந்தவை.


==============================================================


U S A  கோட்டையினருடன் செய்யும், அணு ஆயுத ஒப்பந்தம் ,அணு ஆயுத ஒப்பந்தமாக உங்களுக்கு தோன்றுகிறதா? அதிகாரப் பகிர்வு என்று சொல்லிக் கொள்ளும் எல்லா ஒப்பந்தங்களையும் கேலி செய்வதாகவே தோன்றுகிறது.  


=================================================================


தலைவன் இறந்ததை மறைத்துவிடவேண்டும்,. அப்போதுதான் தொடர்ச்சியாக் போரிட முடியும் என்பதை மிகத் தெளிவாகச் சொல்லுகிறார்கள். முகலாய சரித்திரத்தில் இதைக் காணமுடியும்.  ஹேமு ஏறக்குறைய போரில் வெற்றி பெற்ற நிலையில் குத்துப் பட்டு இறக்க  அவரது படைகள் முகலாயப் படைகளால் சின்னாபின்னப் படுத்தப் பட்டு முகலாய சாம்ராஜ்யம் இந்தியாவில் ஆழக்கால் ஊன்றுகிறது.


1. சிங்கத்தின் கதை


2. சிங்காரத்தின் கதை


ஒருவேளை சிங்காரம் இறந்திருந்தால் அது ஊடகங்களின் பார்வைக்கு வந்திருந்தால் சிங்காரத்தின் இறந்த புகைப்படம் சிங்கத்தின் பழைய புகைப்படத்துடன்  ஒப்பிடப் பட்டு சிங்கம் இறக்கவில்லை என்று மீண்டும் நிறுவப் பார்த்திருப்பார்களா?  அப்போதும்  ஜெய்சங்கர் புர மக்களின் நம்பிக்கையான சிங்கம் வருவார் என்பது தொடர்ந்திருக்குமோ?

===================================================

ஜெய்சங்கர்புரம், ஷோலேபுரம் என்றெல்லாம் பெயர் வைத்திருக்கிறார்களே? அனுராதா புரம் என்று அந்தக்காலத்திலேயே தமிழன் ஒரு நடிகையின் பெயரை வைத்திருக்கிறானே அதையெல்லாம் தொடர்படுத்திக் கொள்ளலாமா?

===============================================================

அப்படி என்றால் சிங்கத்திற்கும் சிங்காரத்திற்கும் உள்ள இடைவெளி. அந்த கட்சி மாறும் கோடரிக்காம்புக்கு தெரிந்திருக்குமே?  அப்போது அந்தக் கதாபாத்திரம் என்ன செய்திருக்கும்?

==========================================================
நாசரின் ஒரு கண் சொல்லும் கதைகள் என்ன என்ன? கடைசியில் அந்தக் கண்ணைக் கீழே போட்டு கசக்க வைக்கும் சிம்பு தேவன் சொல்லுவது தான் என்ன? சிலருக்குப் புரியும்.

====================================================


தமிழ் எழுத்துக்கள் எத்தனை ? பொங்குதமிழனுக்கு கஷ்டம் ஏற்படும்போது என்ன செய்வான் போன்ற ஆராய்ச்சிகள் எல்லாம் சிம்பு தேவன் செய்துள்ளார். வாழ்க சிம்பு தேவன்.  நாம் தேடியலையும் பல விஷயங்கள் நம் கண் எதிரிலெயே உள்ளன. அதைவிடுத்து நாம் பல ஆபத்துக்களை தாண்டித் தாண்டி தேடிக்கொண்டே இருக்கிறோம் என்ற ஆன்மீகக் கருத்துக்களையும் சொல்லியிருக்கிறார் சிம்புதேவன்.

மீண்டும் மீண்டும் பார்க்க பல கோணங்களில் படத்தை ரசிக்க முடியும் என்றே நினைக்கிறேன்.
=========================================
பகுத்தறிவு பிறந்ததெல்லாம் கேள்விகள் கேட்டதனாலே
உரிமைகளை பெறுவதெல்லாம் உணர்ச்சிகள் உள்ளதனாலே

-ஆயிரத்தில் ஒருவன்

Wednesday, August 5, 2009

அரங்கேற்றம்

அரங்கேற்றம் அப்படினா என்ன அர்த்தம் அப்படின்னு எங்களுக்கெல்லாம் சொல்லிக் கொடுத்த படம். எந்தப்பெண்ணுமே இதற்கு மேல் கஷ்டபட முடியுமா என்று தெரியவில்லை.

நீங்க அந்தப் படம் பார்த்திருங்கீங்களா...? அப்படியென்றால் நீங்கள் ஒரு புரட்சிக்காரராகவோ சமூக சீர்த்திருத்தவாதிகவோதான் இருப்பீர்கள்.
அல்லது அவ்வாறு மாறி இருப்பீர்கள். அந்த அளவு ஒரு அழுத்தமான படம் அது.


கல்லூரி விடுதியில் ஏதோ ஒரு சேனலில் இரவு 10 மணிக்கு மேல் பார்த்தபடம்.எங்களைப் போல ஒரு சிலர் அன்றிரவு தூக்கம் வராமல் தொலைக்காட்சி அறைக்குச் சென்று படம் பார்த்துக் கொண்டிருந்தோம். நண்பர் ஒருவர் காதல் தோல்விக்கு ட்ரீட் வைத்துவிட்டு தன் கூட்டத்தோடு அங்கு வந்து வந்து சேர்ந்தார். அவர்களில் சிலருக்கு இந்தப்படத்தைப் பற்றி கேள்விப் பட்டிருப்பார்கள் போல. இந்தப் படத்தைப் பார்த்தே தீர வேண்டும் சொன்னார்கள். நாங்களும் வேறு வழி இல்லாமல் அந்தப் படத்தோம். நேரம் செல்லச்செல்ல நிலமை வேறு மாதிரி ஆனது. அந்தக் கூட்டம் அமைதியாக உட்கார ஆரம்பித்தார்கள்.

சிறிது நேரத்தில், போதை சுத்தமாக தெளிந்து விட்டது. ட்ரீட் கொடுத்த ஜந்து கூட மிரண்டு போனான். மறுநாள் கல்லூரிக்கு போனவர்கள் பேயரைந்தது போல் சென்றது தனிக்கதை...

அந்தப் படத்தில் குறீப்பிட்டுச் சொல்ல வேண்டுமென்றால் பல விஷயங்கள் இருக்கிறது.
அரசியல்வாதி சிபாரிசு பற்றி எச்சரித்து இருப்பார்கள்..... அங்கேதான் அரங்கேற்றமே... அப்போது ஒரு பாடல் வேறு வரும்.

மூத்தவள் நீ இருக்க.........

குடும்பத்திற்கு ஓடாக உழைக்கும் பெண்மணியாக பிரமீளா நடித்திருப்பார். உங்களுக்கு பிரமிளாவைப் பற்றி தெரியவில்லையா.., தீர்க்க சுமங்கலியில் கே. ஆர். வியுடன் இளமை துள்ள வருவாரே அவர்தான். இன்னும் நினைவுக்கு வரவில்லையென்றால் இன்னொரு செய்தியையும் சொல்லலாம். தங்க பதக்கத்தில் வரும் வற்றாத நதிகளெல்லாம் என்று துவங்கும் வசனத்தைப் பேசுவாரே அவரேதான்.


இந்தப்படம் பார்த்த பெண்களுக்கு தன்னம்பிக்கை கண்டபடி அதிகரித்திருக்கும். ஆனால் அவர்கள் அதற்கடுத்து சொந்தம் பந்தம் ந்ண்பர்கள் யாரையாவது நம்புவார்களா என்பது கேள்விக்குறி.....

அந்த அளவு தன்னம்பிக்கையை வளர்க்கும் படமாக அமைந்திருக்கும். மகள் தந்த தன்னம்பிக்கையில் அவரது தாயார் இன்னொரு குழந்தைக்கு தாயாகும் அளவிற்கு தன்னம்பிக்கையுடன் நாயகி இருப்பார்.

இதையெல்லாம் விட கமலஹாசன் வேறு தம்பியாக வருவார். அவரும் அக்காவின் தன்னம்பிக்கையைக் கொஞ்சம் சீண்டுவார் என்றால் பார்த்துக்கொள்ளுங்களேன். சிவகுமார். முறுக்குடன் கலந்த அறும்பு மீசையுடன் வருகிறார். அவர்தான் நாயகியின் ஜோடி. நாயகியின் ஜோடி அவ்வளவுதான்; நாயகன் கிடையாது.


http://img220.imageshack.us/img220/192/scanimage0013ol.jpg

Monday, July 6, 2009

இதுக்கு கூட டிக்கெட்? அதில் இலவசம் வேறு இருக்கிறதாம்

உலகத்தில் எத்தனையோ விஷயங்கள் நடக்கின்றன.

சில நடப்புகளை விமர்சிக்கலாம், சில நடப்புகளை விமர்சிக்க முடியாது. அப்படி தயக்கம் காட்டக் கூடிய செய்திகளில் இதுவும் ஒன்று.

மைக்கேல் ஜாக்சனின் இறுதிச் சடங்கு செவ்வாய் கிழமை நடக்க இருக்கிறதாம்.

மைக்கேல் ஜாக்சனின் இறுதி சடங்குகளில் கல்ந்து கொள்ள 11,000 இலவச டிக்கெட்டுகள் போடுவதாக குடும்பத்தார் தெரிவித்திருக்கிறார்கள். ஆனால் 17,000 பேர் இலவச டிக்கெட் கேட்டு விண்ணத்திருப்பதாக பத்திரிக்கைச் செய்திகள் சொல்லுகின்றன. செய்தி இங்கே

அப்படியென்றால் இலவச டிக்கெட்டுகள் போக மீதம்..?

இதற்கெல்லாம் டிக்கெட் போடுவார்களா.. ? என்ன?


========================================================
நம் நாட்டில் எத்தனையோ பெரியமனிதர்களுக்கு இறுதி யாத்திரை நடந்திருக்கிறது. எத்தனையோ பேர் அவர்களுக்காக மொட்டை அடித்து சடங்குகள் செய்திருக்கிறார்கள்.

இலவசமாக அனுமதித்த அந்த புண்ணிய ஆத்மாக்கள் வாழ்க! வளர்க அவர்தம் புகழ்

Thursday, June 25, 2009

தல.., பின்னூட்டம் படிக்கலாம் வாங்க

சில நேரங்களில் நமக்கு வரும் பின்னூட்டம் நமது கருத்தினைவிட சிறப்பாக அமைந்திருக்கும். அப்படி ஒரு பின்னூட்டம்தான் இது. நான்

Saturday, June 20, 2009 அன்று எழுதிய

இன்றைய இறுதி ஆட்டமும், இந்திய அணியின் தோல்வியும் இடுகையில் நண்பர் ரஃபீக் ராஜா இட்ட பின்னூட்டம் போட்டிருக்கிறார். இடுகை வெளியாகி சில நாட்கள் ஆகிவிட்ட காரணத்தால், படித்த இடுகைதானே என்று மீண்டும் அங்கே மற்றவர்கள் செல்ல தயங்குவதாலும் அந்தப் பின்னூட்டத்தை மீண்டும் இடுகையாகவே வெளியிடுகிறேன்.
==========================================================

Rafiq Raja said...

நண்பர் சுரஷ்,

ஐபிஎல் போன்ற போட்டிகளின் தாக்கமே, நமது . இரண்டு வாரங்கள் முன்பு வரை தனி தனி அணிகளுக்கு தலைமை தாங்கி ஒருவரை ஒருவர் வீழ்த்த வியூகம் வகுத்து கொண்டு, உடனே ஒரு அணியில் ஆட சொன்னால் எப்படி என்பதற்கு இது உதாரணம்.

அதே வேளையில், நமது ஐபிஎல் அணிகளில் தன் பங்கை ஆற்றி விட்டு அவர்கள் அணிகளுக்கு திரும்பியவுடன், பட்டைய கிளப்பிய மற்ற தேசத்தவர்களை பார்த்து நாம் நிறைய கற்று கொள்ள வேண்டும்.

இத்தனை பிரச்சனைகளுக்கும் நடுவிலும் பாகிஸ்தான் அணி கோப்பையை கைபற்றி இருப்பது, அவர்கள் மன உறுதியை தெளிவுபடுத்துகிறது. நம் மக்களுக்கு விளம்பரங்களில் பிபசா பாசுவையும், இலியானாவையும் துரத்துவதற்கே நேரம் போதவில்லை... இவைகளை கவனிக்க எப்படி முடியும் :)

ரஃபிக் ராஜா
காமிக்கியல்

===========================================================

Sunday, May 24, 2009

கடமை, கண்ணியம்,கட்டுப்பாடு (தொடர் பதிவில் எனது பங்கு)

என்னை இந்த தொடர் பதிவிற்கு அழைத்த நண்பர் பிரியமுடன் வசந்த் அவர்களுக்கு நாம் நமது நன்றியைத் தெரிவித்துக் கொள்வோம்.

1 . உங்களுக்கு ஏன் இந்தப் பெயர் வந்தது? உங்களுக்கு உங்க பெயர் பிடிக்குமா ?

பெயரிலேயே முழுவிவரங்களும் அடங்கி யிருக்கிறது என்று நினைக்கிறேன். SURE +ஷ் சேரும்போது கடமை, கண்ணியம், கட்டுப்பாடு எல்லாம் சேர்ந்தார்போல் ஒரு உணர்வு.

நிறைய சுரேஷ் எழுதிக் கொண்டிருந்த காரணத்தால் நமது இன்னொரு அடையாளமான ஊரையும் சேர்த்துக் கொண்டுவிட்டேன்.


2.கடைசியாக அழுதது எப்பொழுது?

சாமிக்கு விட்டுவிடுகிறேன்.

3.உங்களோட கையெழுத்து உங்களுக்கு பிடிக்குமா?

கண்டிப்பாக.. அதை வெச்சுத்தானே தல பிழைப்பு ஓடுது

4.பிடித்த மதிய உணவு என்ன?

பிடிக்காத உணவு என்று எதுவும் கிடையாது. பாகுபாடு இல்லாமல் புகுந்து விளையாடுவோம் தல..

5.நீங்கள் வேறு யாருடனாவது உங்களோட நட்பை உடனே வச்சுக்குவீங்களா?

வேறு யாருடனாவது என்று கேட்கிறீர்களே தல

ஏதாவது உள்குத்து இருக்குமோ

6.கடலில் குளிக்க பிடிக்குமா....அருவியில் குளிக்க பிடிக்குமா?

நல்ல ரசனையான கேள்வி. பிறவிப் பெருங்கடலில் வாழ்க்கை அருவியில் மகிழ்ச்சியாக குளிக்க எப்போதுமே ஆசைதான்


7.முதலில் ஒருவரைப் பார்க்கும் போது எதை கவனிப்பீர்கள்?

உடல்மொழி. நம்மிடம் எப்படி அணுகிறார்கள் என்பதை தெளிவாகக் காட்டிவிடும். நாற்காலியில் அமர்ந்ததும் மேசையில் கையூன்றிப் பேசுபவர்களையும், காலில் விழுவதுபோல் பேசுபவர்களையும் என்றுமே நான் நம்புவதில்லை. சுயமரியாதை இல்லாதவன் என்ன வேண்டுமானாலும் செய்யக் கூடும்.

8.உங்க கிட்ட உங்களுக்கு பிடிச்ச விஷயம் என்ன? பிடிக்காத விஷயம் என்ன ?

பிடிக்காத விசயங்களை உடனே கலைந்துவிடுவது பிடித்த விசயம். அப்படிப்பட்ட விசயங்கள் தினமும் கண்டுபிடிக்கப் படும் அளவு நிறைந்து இருப்பது பிடிக்காத விசயம்தான் என்றாலும் ஒரு வகையில் பிடித்த விசயந்தான்.

9.உங்க சரி பாதி கிட்ட உங்களுக்கு பிடித்த பிடிக்காத விசயம் எது?

அடுத்த வேளை சாப்பாட்டினைக் கருத்தில் கொண்டு இந்த கேள்வியையும் சாய்ஸில் விட்டுவிடுகிறேன்.

10.யார் பக்கத்துல இல்லாம இருக்குறதுக்கு வருந்துகிறீர்கள் ?

கடவுள்

11.இதை எழுதும் போது என்ன வர்ண ஆடை அணிந்து உள்ளீர்கள் ?

வெண்ணிற வேட்டியோடு கூடிய வீட்டில் அணியும் ஆடைத் தொகுப்பு


12.என்ன பார்த்து//கேட்டுக் கொண்டு இருக்குறீங்க ?

கணினியைப் பார்த்து எழுதிக் கொண்டு இருக்கிறேன்

13.வர்ணப் பேனாக்களாக உங்களை மாற்றினால் என்ன வர்ணமாக உங்களுக்கு ஆசை?

வர்ணங்கள் தமிழில் எனக்குப் பிடிக்காத வார்த்தை. தனக்குப் பிடித்த வர்ணமாக மாற நமது வர்ணாசிரமம் அணுமதிக்காது தல. அது பேனாவுக்கும் பொருந்தும். பெருமாளுக்கும் பொருந்தும்

14.பிடித்த மணம்?

தமிழ் மணம் அப்படின்னு சொல்லிருவோம் தல,


15.நீங்க அழைக்கப் போகும் பதிவரிடம் உங்களுக்கு பிடித்த விஷயம். அவரை அழைக்கக் காரணம் என்ன ?

அவர்களின் படைப்புகள் முழுவதையும் நீங்கள் முழுவதும் படிக்க வேண்டும். என்பதே..

1.இவர் ஒரு பிரபல நடிகர் என்பது என் எண்ணம்
http://kadaikutti.blogspot.com/
2.இவர் ஓர் இலக்கிய கணக்கர் காஞ்சித் தலைவன்
3 இவர் ஒரு பலசாலிhttp://tucklasssu.blogspot.com


16.உங்களுக்கு இதை அனுப்பிய பதிவரின் பதிவில் உங்களுக்குப்பிடித்த பதிவு ?

ஒரு கொசுவின் கதை

17. பிடித்த விளையாட்டு?

வார்த்தை விளையாட்டு


18.கண்ணாடி அணிபவரா?

ரஜினி மாதிரி தோன்ற வேண்டும் என்று தோன்றும்போதெல்லாம் அணிந்ததுண்டு, இப்போது அப்படியொரு எண்ணம் தோன்றுவதே இல்லை. அதனால் அணிவதும் இல்லை


19.எப்படிப் பட்ட திரைப் படம் பிடிக்கும்?

நாடோடிமன்னன் மாதியான படங்கள்

20.கடைசியாகப் பார்த்த படம்?

அருந்ததி



21.பிடித்த பருவ காலம் எது?

மாணவப் பருவம்தான்


22.என்ன புத்தகம் படித்துக் கொண்டு இருக்கீங்க?

நல்ல கேள்வி. உண்மையில் பதில் இல்லை.

23.உங்கள் டெஸ்க்டொப்-ல் இருக்கும் படத்தை எத்தனை நாளுக்கு ஒரு நாள் மாற்றுவீர்கள்?

என்னைப் பார்த்து இப்படி ஒரு கேள்வியா.., வலைப்பூவின் வார்ப்புருவையே அடிக்கடி மாற்றுபவன்

24.பிடித்த சத்தம் ? பிடிக்காத சத்தம்?

மக்களோடு மக்களாக வாழ்ந்து கொண்டிருப்பதால் எல்லாச் சப்தங்களும் எனக்குப் பிடித்தவையே

25.வீட்டை விட்டு நீங்கள் சென்ற அதிக பட்ச தொலைவு?

சுற்றுலாக்களை விட்டுவிட்டுப் பார்த்தால் சிங்காரச் சென்னைதான் நான் சென்ற அதிக பட்ச தூரம்.

நம்பினால் நம்புங்கள். நான் கல்லூரி படிப்புக்காக மட்டுமே வெளியூரில் சில காலம் தங்கியிருக்கிறேன். மற்றபடி பிறந்தது வளர்ந்தது, படித்தது, வேலை அமைந்தது, பிழைப்பு நடத்திக் கொண்டிருப்பது எல்லாம் இதே கிராமத்தைச் சுற்றியே..

26.உங்களுக்கு ஏதாவது தனித் திறமை இருக்கிறதா?

தனித்திறமை. இந்த வலைப்பூ பூராவும் அள்ளித்தெளித்து இருக்கிறேனே தல..,

27.உங்களால் ஏற்றுக் கொள்ள முடியாத ஒரு விஷயம்?

விதண்டாவாதம் என்று தெரிந்தபின்னரும் தொடர்ச்சியாக செய்யப் படும் வாதங்கள்.

28.உங்களுக்கு உள்ளே இருக்கும் சாத்தான்?

கடவுள் என்று சொல்லப் படும் அனைத்து உருவகங்கள் தொடர்புடைய கதைகளிலேயே பல முரண்கள் இருக்கும் போது நமக்குள் இருக்காதா தல..

அதனால் சாத்தான் என்று ஒன்றும் கிடையாது. எல்லாம் கடவுள்தன்மைதான்.

29.உங்களுக்கு பிடித்த சுற்றுலா தலம்?

எங்கள் கல்லூரியில் இருக்கும் டென்னிஸ் மைதானம். எத்தனை முறை பார்த்தாலும் அலுக்கவே அலுக்காது. அவ்வளவு ஃப்ரஷ்

30.எப்படி இருக்கணும்னு ஆசை?

உயர்ந்து கொண்டே இருக்க வேண்டும்.

31.மனைவி(கணவன்) இல்லாம செய்ய விரும்பும் ஒரே காரியம் ?

செய்து கொண்டிருக்கும் ஒரு காரியம் வலைப்பூ எழுதுவது

32.வாழ்வு பற்றி ஒரு வரி சொல்லுங்க?

தவிர்க்க முடியாத தருணங்களையும் அனுபவிக்க பழகிக் கொள்ளுங்கள் தல..

ஆங்கிலத்தில் ஒரு பழமொழி சொல்லுவாங்களே அப்படி..

=========================================================

மீண்டும் அழைத்துள்ள முரளிக்கண்ணன் அவர்களுக்கும் நன்றியினைத் தெரிவித்துக் கொள்கிறேன்



Thursday, May 14, 2009

யாரந்த fake ipl player ?

இந்த நிழல் மனிதரின் எழுத்துக்கள் பலராலும் ரசிக்கப் படுகின்றன். ஏறக்குறைய 7000 பின் தொடர்பவர்களுடன் வலைப்பூ போய் கொண்டிருக்கிறது. ஆங்கிலத்தில் எழுதப் படுகிறது. நைட் ரைடர்ஸ் அணிவீரராக அறிமுகத்தில் இப்போதைய நிலை போய் கொண்டு இருக்கிறது.

அவரே ஒரு ஓட்டளிப்பு பட்டையை ஒருவாக்கி இருக்கிறார். கேள்வி

Who is FIP?

என்பது தான் . அதில் குறிப்பிட்ட பெயர்கள் எல்லாம் குறிப்புகளில்தான் இருக்கின்றன. ஆகாஷ் சோப்ராவை சந்தேகப் பட்டுதான் அவரை வீட்டுக்கு அனுப்பியதாகக் கூறுகிறார்கள். அத்ற்குக் காரணம் அவர்தான் கணினியை அதிகம் உபயோகப் படுத்தும் ஆட்டக்காரராம். ஆனால் அவர் வந்த பிறகும் கூட
fake ipl player வலைப்பூ வெற்றிகரமாக இயங்கிக் கொண்டுதான் இருக்கிறது.


அந்த வலைப்பூவின் முன்னோடி யார் என்று உங்களுக்குத் தெரியுமா? சென்னைப் பத்திரிக்கையாளர் லட்சுமி காந்தன் அவர்கள்தான். லட்சுமி காந்தன் யார் கேட்பவர்களுக்கு கடைசியில் பதில் சொல்கிறேன்

அவரது முதல் இடுகையில் அவரை கடுமையான களத்தடுப்பாளராக அவரை அடையாளம் காட்டிக் கொள்கிறார். இதுவரை விளையாடாத ஆட்டக்காரராகவும் சொல்லி இருக்கிறார்.

அவர் எழுதும் ஆங்கிலம் சில நேரங்களில் அகராதியை நாடும் வகையில் அமைகிறது. நமது கிரிக்கெட் ஆட்டக்காரர்களில் அவ்வளவு சிறப்பாக ஆங்கிலம் பேசக் கூடியவர்களை விரல் விட்டு எண்ணிவிடலாம். கண்டிப்பாக கங்கூலி இப்படியெல்லாம் நிழல் மறைவில் எழுதும் இயல்பு உடையவர் அல்ல. எது நடந்தாலும் தன்னை முன்னிலைப் படுத்திக் கொள்ளும் இயல்புள்ளவராக அவர் எனக்குத் தெரிகிறார். கல்கத்தா அணியில் இருப்பவர்களில் மிகச் சரளமாக ஆங்கிலம் பேசக் கூடியவர்கள் வேறு யாரேனும் இருக்கிறார்களா.. என்று தொடர்ச்சியாக கிரிக்கெட் பார்ப்பவர்கள் சொல்லுங்களேன்.

  • Sourav Ganguly
  • Cheteshwar Pujara
  • Ricky Ponting
  • Ishant Sharma
  • Iqbal Abdullah
  • Ashok Dinda
  • Wriddhiman Saha
  • David Hussey
  • Yashpal Singh
  • Murali Kartik
  • Brendon McCullum
  • Ajit Agarkar
  • Aakash Chopra
  • Debabrata Das
  • Moises Henriques
  • Mark Cameron
  • Angelo Mathews
  • Mashrafe Mortaza
  • Ajantha Mendis
  • Laxmi Ratan Shukla


  • Chris Gayle
  • Morne van Wyk

  • Brad Hodge

அணியின் பயிற்சியாளர் புக்கனன், மெக்கல்லம் போன்றவர்கூட ஆட்டம் முடிந்ததும் அணிக்கு டாட்டா சொல்லும் நிலையில் இருப்பதால் அவர்கள் வெளிநாட்டவர்கள் என்பதால் வாய்ப்பு குறைவுதான்.

================================================================

தமிழ்திரை யுலகின் முன்னாள் உச்ச நடிகரும், நகைச்சுவையின் நிரந்தர உச்ச நடிகரும் லட்சுமிகாந்தனை கொலைசெய்ததாக குற்றம் சாட்டப் பட்டு தண்டனை அனுபவித்திருக்கின்றனர். அவர் இந்து நேசன் என்ற பத்திரிக்கையை நடத்திவந்தவர்.

=================================================================
எப்படியோ fake ipl playerன் முன்னோடியை கண்டுபிடித்துவிட்டோம். விரைவில் உண்மையான நிழல்மனிதனை கண்டுபிடித்திவிடலாம். அவரே கூட வெளிக்காட்டிக் கொள்வதற்கான வாய்ப்பும் இருக்கிறது. அப்போது நம் இடுகையின் காரணமாகவே அவர் வெளியில் வந்ததாகப் பெருமைப் பட்டுக் கொள்ளலாம்.

Sunday, May 10, 2009

சக பதிவர்களின் உதவி தேவை

எனக்கு இந்த சூழலில் மற்ற பதிவர்களின் உதவி தேவைப் படுகிறது.

நான் ஒன்றும் பெரிய எழுத்தாளன் கிடையாது. சின்ன வயதில் இருந்த எழுத்து ஆர்வத்தில் மிச்ச சொச்சம் வைத்து எழுதிக் கொண்டிருக்கிறேன்.

முடிந்தவரை யார் மனதையும் நோகடிக்காமல் எழுத வேண்டும் என்று எழுதியிருக்கிறேன்.

எனது இந்தப் பதிவு எழுதும்போது சற்று வித்தியாமாக இருந்தது. இருந்தாலும் நண்பர்கள் அதில் பல நல்ல சிந்தனைகள் இருந்ததாகவே பின்னூட்டங்கள் இட்டு இருந்தனர். நண்பர் கிருஷ்ணா அதில் சில விஷயங்கள் நெருடல் கொடுப்பதாக எழுதி இருந்தார். உடனே அதை சரி செய்தும் விட்டேன்.



இரவு பத்து மணி அளவில் பார்த்த போது ஏறக்குறைய எதிர்மறையான விமர்சனத்துடன் ஒரு பதிவரின் பின்னூட்டம் இருந்தது. பின்னூட்டம் என்றால் எதிர்ம்றையாகக் கூட இருக்கலாம் என்ற நிலையில் அதற்கு எனக்குத் தெரிந்தவரையில் சற்று நகைச்சுவையாகவே பதிலளித்து இருந்தேன்.

இந்த நிலையில்

அவரது வலைப் பூவில்


சில நேரங்களில் என்ன எழுதுகிறோம் என்று தெரியாமல் எழுதறாங்க...

இது மாதிரி...
MOTHER'S DAY Vs மாட்டுப் பொங்கல்

//என்ன சொல்ல வரீங்கன்னு புரியலே. மாட்டையும், அம்மாவையும் எதுக்கு வீனா கலக்கி ஒரு பதிவு?//


என்று ஒரு இடுகையில் நடுப்பகுதியில் எழுதி யிருக்கிறார். இப்படி ஒரு எதிர்மறையான விமர்சனத்துடன் (அதுவும் பதிவரைப் பற்றி பதிவரின் எழுதும் தன்மையைப் பற்றி) ஒரு இடுகைக்கு அறிமுகம் அவசியமா?

எனக்கு சக பதிவர்களின் உதவி தேவைப் படுகிறது.

1. எனக்கு இப்போது ரோஷம் வரலாமா.?

2.ரோஷம் வந்தால் நான் என்ன செய்வது?

3.அப்படி ரோஷப் படுவதால் ஏற்படும் நல்லவிளைவுகள்தான் என்ன?

4.இப்படி ஒரு அறிமுகத்துடன் ஒரு தொடுப்பு கொடுத்ததால் அவருக்கு நன்றி சொல்லலாமா?

5.இதை கண்டு கொள்ளாமல் விட்டால் என்ன நிகழும்?

Wednesday, April 22, 2009

நான்கு கொள்ளையர்கள்

http://mimg.sulekha.com/hindi/don-1978/Stills/don5.jpg


அடிபிறழாமல் எழுதுக என்று தமிழ் பாடத்தில் கேட்பார்கள்। அது போல் அமைந்த படங்கள்தான்। அமிதாப்பின் டான்ம் ரஜினியின் பில்லாவும்।



தான் வளர்க்கும் குழந்தைகளுக்காக தன் உயிரையே பணயம் வைத்து உலகத்தையே அச்சுறுத்தும் கடத்தல் கூட்டத்தைப் பிடிக்க உதவும் தெருப்பாடகன் ராஜாவின் கதைதான் பில்லா॥ அதுதான் டான்। அமிதாப்பின் படத்தில் இருக்கும் கதை திரைக்கதை, கதாப்பாத்திரங்களின் உடைகள் பெயர்கள் அனைத்தும் ஒரே மாதிரி அமைத்திருப்பார்கள்। ரஜினிக்கு மட்டும் பில்லா என்று பெயர் வைத்து இருப்பார்கள்। யார் கொடுத்த யோசனையோ॥ தேங்காய் சீனிவாசன் கதாபாத்திரம் ப்ளாஷ்பேக் மற்றும் உடைகள் அனைத்தும் மறுபதிப்பு செய்யப் பட்ட படம் தான் பில்லா। டான் மேல் ரசிகர்களுக்கு ஏற்படும் மலைப்பும் அப்பாவி ராஜாமேல் ஏற்படும் பரிதாபமும், ரசிகர்களின் அனுதாபமும்... தப்பிக்க அவரது முயற்சிகளுக்கு ரசிகர்களின் விசில்களும் இரண்டின் வெற்றிக்குக் காரணமாய் அமைந்தன। பில்லாவின் வெற்றிக்கு இன்னொரு காரணமும் உண்டு। அது பெரும்பாலான தமிழ்ரசிகர்களுக்கு டான் ப்ற்றி தெரியாததும், தெரிந்தவர்கள் பார்க்க முடியாததுமே..........









இருபத்தைந்து ஆண்டுகள் கழித்து ஷாரூக் கான் ரீமேக் செய்கிறார்। திரைக்கதையில் புதுமைகள் புகுத்த முற்படுகிறார்கள்। ஆனால் கதையிலேயே லேசான திருத்தங்கள் செய்யப் படுகின்றன।

கதையில் ஏற்படுத்தும் சின்ன மாறுதல் எவ்வாறு கதையையே மாற்றீ விடுகிறது என்பதனை ஏற்கனவே பார்த்துள்ளோம்। விரும்புவர்கள் இந்தச் சுட்டியில் மீண்டும் பார்த்துக் கொள்ளலாம்.



ஷாரூக்கினை ஆள்மாறாட்டத்திற்கு அனுப்பியவர்தான் கொள்ளைக் கூட்டத்தலைவன் என்னும்போது ஷாருக் மட்டுமல்ல நாம்கூட குழம்பி விடுகிறோம்। ஷாரூக் கொஞ்சம் யோசித்து ஒரு காரணம் கண்டு பிடித்து அப்படித்தான் இருக்கும் என்று சொல்லிக் கொள்ளும்போது நம் மணம் அதை ஏற்க மறுக்கிறது। இருந்தாலும் படம் பிரமாண்டமாகச் செல்லும் போது அடுத்த கட்டத்திற்கு செல்லும்போது நாமும் சென்று விடுகிறோம்। இந்திய சினிமாக்களுக்கு லாஜிக் தேவையில்லை என்பது மற்றொரு முறை நிரூபணமாகிறது।



அடுத்து வைப்பதுதான் பெரிய ஆப்பு ரசிகனுக்கு வைப்பதாக நினைத்து தனக்குத்தானே வைத்துக் கொண்டது। கடைசியில் உயிருடன் இருப்பது ஒரிஜினல் டான் தானாம்। அப்பாவியை அவன் கொண்று விட்டதாக காட்டும்போது ரசிகர்களுக்கு ஏமாற்றமே..... மும்பை தாதாக்கள் வெற்றி பெறுவதாக அமைக்கப் படும் கதைகளுக்கு வைக்கப் பட்ட பெரிய ஆப்பாகவே கருத வேண்டும்। பாஷாவின் உயிரைக் காப்பற்றியது போல் டானைக் காப்பற்றியது ரசிகற்களுக்கு சுத்தமாக பிடிக்கவில்லை। இரண்டாம் முறை பார்க்கும் ரசிகர்களுக்கு படத்தில் வரும் திருப்பங்கள் உப்புச் ச்ப்பில்லாமல் அமைகின்றன। பாஷாவில் கதை தெரிந்தவர்களுக்கு பாஷா எப்பொது பொங்கி எழுவார் என்பது தெரிந்தாலும் ஒரு ஆர்வம் அதிகரித்துக் கொண்டே போகும்। இதில் தெரிந்து விட்டதால் தேவையில்லாமல் டான் ஓடி ஒளிவதாகத் தோன்றும் ஒரு தமாஷாக அமைந்திருக்கும்।



இதே நிலைதான் கொடி பற்க்குது படத்துக்கும் ஏற்பட்டது। விக் வைத்த, விக் வைக்காத ரஜினிகள் மாறீ மாறி சவால் விடும்போது ஏற்படும் த்ரில் இருவரும் ஒரே ஆள் என்பது தெரிந்தபின் சப் பென்று ஆகிவிடுகிறது। இரண்டாம் முறை பார்க்கும்போது த்மாஷு தமாஷு.....



ஒட்டு மொத்தத்தில் டான் (ஷாருக்) எல்லாத்தையும் ஏமாத்திடுச்சு


அஜித்தின் பில்லாவின் வெற்றிக்கு ரஜினியின் பில்லாவும் ஒரு காரணம்। திரைக்கதையில் துணைப் பாத்திரங்களை மட்டும் வெட்டி விட்டு ஒரு ஆங்கில டப்பிங் படம் பார்ப்பது போன்ற தோற்றத்தை ஏற்படுத்தி இருப்பார்கள்। இதற்கு நயன் மற்றும் நமீ ஆகியோரின் உதவி பெரும் பங்கு வகிப்பார்கள்। மொத்தத்தில் ஷாரூக் தோற்றதால் அஜித் வென்றார் என்றே சொல்லலாம்।






இப்போது தெலுங்கிலும் தயாராகிக் கொண்டிருக்கிறதாம்
Image




மறக்காமல் மேல் நோக்கிய தமிழ்மண கட்டை விரலிலும், தமிழிஷிலும் க்ளிக் செய்து விடுங்கள்



இது ஒரு மீள்பதிவு

Friday, April 17, 2009

டோனி தேசத்தை அவமானப் படுத்திவிட்டாரா?

இந்த ஆண்டு ஏப்ரல்-14ல் பத்ம விருதுகள் வழங்கப் பட்டு விட்டன.. தமிழ்மான வீரராக விவேக் போய் வாங்கிக் கொண்டு வந்துவிட்டார். அதே நேரத்தில் டோனி மற்றும் ஹர்பஜன்சிங் ஆகியோர் இந்த விழாவில் கலந்து கொள்ளவில்லை என்று செய்திகள் கூறுகின்றன. ஹர்பஜன்சிங் ஏதோ குடும்பசூழல் காரணமாக வரவில்லையாம். இவர்கள் அதே நேரத்தில் ஏதோ விளம்பர நிகழ்ச்சிக்காக டெல்லியில் இருந்ததாகவும் கூறுகிறார்கள்.

மத்திய விளையாட்டுத்துறை அமைச்சர் கில் கடும் கண்டனம் தெரிவித்து இருப்பதோடு அனைவரும் இது போன்ற உயரிய விருதுகளுக்கு மரியாதை செலுத்த வேண்டும் என்று கேட்டுக் கொண்டு சுற்றறிக்கை அனுப்பப் போவதாக கூறியுள்ளார்.

1.என்ன நடக்கிறது அங்கே..?


2.இது போன்ற விருதுகள் ஏன் மக்களிடம் முக்கியத்துவம் இழந்துவிட்டன?இந்த விருதுகள் மிக உயர்ந்தவை என்ற எண்ணத்தை எப்படி மீண்டும் மீட்டுவருவது?

3.இதைவிட விளம்பர நிகழ்ச்சிகள் முக்கியமா? அந்த அளவு பணத்தேவை விளையாட்டுவீரர்களுக்கு இருக்கிறதா?

4.ஐபியெல் இடம் மாறியதற்கும் இதற்கும் ஏதேனும் தொடர்பிருக்குமா? அப்படி இருந்தால்.........

5.இது டோனியின் பெற்றோருக்கு தெரியுமா? மற்றவர்களைவிட டோனியின் பெற்றோர் பத்திரிக்கைகள் சந்திப்பில் மிக முதிர்ச்சியுடன் பேசுகிறார்கள்.

6.வெளிநாட்டில் விளையாட சென்றிருந்தால் சிறப்பு அனுமதி கொடுத்து அவர்களை விருது அனுப்பி இருக்க வேண்டாமா?(கிரிக்கெட் விளையாடுவதே தேசத்தின் மானத்தைக் காக்க என்றுதானே கூறுகிறார்கள்)

Wednesday, April 15, 2009

IPL கவலைப் படாதீர்கள் ஷாரூக்

ஷாரூக் கான் காவஸ்கரிடம் மட்டும் மன்னிப்பு கேட்டுவிட்டார். காரணம் அவருக்கு மட்டும் கிரிக்கெட் தெரியுமாம். அவர் மட்டும் சாதனைகல் செய்திருக்கிறாராம். ஷாரூக் காட்டமாக திட்டியது கிரிக்கெட் தெரியாத ரசிகர்களைத்தான் திட்டினாராம். யார் சொன்னாலும் சொன்ன சொற்கள் நிஜம்தானே.. அப்புறம் ஏன் அவரிடம் மட்டும் மன்னிப்பு..

...............................................................................................................

முக்கியப் பிரச்சனையையே பார்ப்போம். நான்கு கேப்டன் போடுவதுதானே பிரச்சனை, அனைவரையுமே கேப்டன் ஆக்கிவிட்டால் பிரச்சனை தீர்ந்துவிடுமே.... கேப்டனுக்கெல்லாம் கேப்டனாக கங்கூலியை நியமித்து விடலாம். அனைவருமே சமாதானம் ஆகிவிடுவார்கள். ஆட்டத்துக்கு ஒரு கேப்டன் என்றில்லாமல் பேட்டிங்கிற்கு ஒரு கேப்டன், பவுலிங்கிற்கு ஒரு கேப்டன், அதிலும் சுழலுக்கு ஒன்று, வேகத்துக்கு ஒருவர், ஃபீல்டிங்கிற்கு ஒருவர், உள்வட்டத்திற்கு ஒருவர், வெளிவட்டத்திற்கு ஒருவர், கீப்பிங்கிற்கு ஒருவர்... அசத்து அசத்து என்று அசத்தி விடலாம்..

Tuesday, March 24, 2009

நடிகனைத் திட்டினால் ரசிகனுக்கு ஏன் கோபம் வருகிறது?

முதலில் ரசிகன் என்பவன் யார் என்பதை கவனியுங்கள்


தன்னால் எழுத முடியாத பாடலைப் பாடும் புலவனுக்கு பாராட்டுகளையும் பரிசுகளையும் கொடுத்து ரசிகனாக மாறுகிறான்.


பாடல்களை தனக்குப் பிடித்தது போல் கற்பனைகள் செய்து கொண்டு ரசனையை வளர்த்துக் கொள்கிறான். ( திருவிளையாடல் பாடலில் கூந்தலுக்கு மணம் இருக்கிறதா வாக்குவாதத்தில் இறையானரின் கூந்தலுக்கும் மணமில்லை என்று வாதம் வந்த போது எப்படி ஆராய்ச்சி நடந்து முடிவு அறியப்பட்டது என்பது பற்றி பலசுவாரசியமான வாதங்கள் வந்தது என்பதை எண்ணிப் பாருங்கள்)

இல்லையெனில் நர்சிம் அவர்களின் படைப்புகளைப் பாருங்கள். எவ்வளவு ரசித்து எழுதுகிறார் என்பது புரியும்.

தன்னால் படைக்க முடியாத சிலையை சிற்பி படைக்கும் போது சிலைக்கு ரசிகனாக மாறுகிறான்.

சிலைகளைப் பார்த்து கதைகளை உணர்ந்தது ஒரு காலகட்டம்.

பாடல்களாக வந்த கதைகளை பாடல்களாகவும், கதைகளாகவும் ரசித்துவந்தான். சிலைகளைப் பார்த்து சிலைகளையும் பாடல்களையும் ரசித்துவந்தான். அடுத்த கால கட்டங்களில் நாடகங்களாக வந்த போது சிலையே உருவெடுத்து வந்ததாக கருதி ரசித்தனர். அந்த காலகட்டங்களில் நாடகங்கள் நடிப்பதற்கும் பக்தி நாடகங்கள் பார்ப்பதற்குமே விரதம் இருந்தனர்.

வெறும் அறிவு போதனை மத போதனை கதைகளுக்கு அடுத்து சாகஸ பக்தி இலக்கியங்களை ரசிக்க ஆரம்பித்தான். அப்போதெல்லாம் சாகஸ்ங்கள் செய்யும் கடவுளின் பிம்பங்களாக வழித்தோன்றலாக தன்னை நினைத்துக் கொண்டு இலக்கியங்களை ரசிக்க ஆரம்பித்தான். (பொன்னியின் செல்வன் படித்துப் பாருங்கள் -கடவுளின் சாகஸங்களில் ஒரு பகுதி மக்கள் எவ்வளவு மயங்கி கிடந்தனர் என்றும் மற்றபகுதியினர் அதை எவ்வளவு மொக்கை என்று கூறினார்கள் என்றும் கல்கிஅழகாக விளக்கியிருப்பார்.)

அடுத்த சாகஸ சமூகக் கதைகள் வந்த போது நாயகனின் வழித்தோன்றலாக நினைத்து வந்தவன் தனது பிம்பமாகவே கருத ஆரம்பித்துவிட்டான். பரத்துக்கு பால் அபிஷேகம் செய்பவன் தன்னை கோயில் த்ர்மகர்த்தாவாகவும் முதல் மரியாதை பெருபவனாக தன்னை சமுதாயத்தில் மாற்றிக் கொள்கிறான். தனக்கு அவ்வளவு மரியாதை பெற்று தரும் தன் தலைவனை நாம் திட்டினால் அவனுக்கு கோபம் பொத்துக் கொண்டு வருகிறது. அவ்வாறு சொல்பவனை கண்டபடி கோபப்படுகிறான்.

தன்காலத்தில் இருப்பவர்கள்தான் சிறந்தவர்கள் என்ற எண்ணமும் நிறையப் பேருக்கு உண்டு. சரோஜாதேவி மாதிரி இன்னைக்கு யார் இருக்கா? என்று சொல்பவர்கள் நிறைய உண்டு. அதே போல் நந்திதா தாஸ் கூட அறிவு ஜீவியாகப் பேசப் பட்டிருக்கிறார். ஆனால் எல்லோரும் அவரவர் காலத்தவர்களை உயர்த்தி மற்றவர்களை தாழ்த்தி பேசிக் கொண்டிருக்கிறார்கள். ஏனென்றால் தனது பிம்பத்தை உயர்த்துவது தனக்குத்தானே பெருமை.(இந்த காலத்துக்கு பசங்களுக்கு கொஞ்சம் கூட பொறுப்பே இல்லை என்று நூறு வருடங்களில் வந்த படங்களிலும் பதிவு செய்யப் பட்டிருக்கிறது)

..............................................................................................

பிரச்சனைகளில் கஷ்டப்பட்டுக் கொண்டிருப்பவர்கள், மனம்விட்டு அழ நினைப்பவர்கள், பிறரின் பரிதாபத்தை எதிர்பார்ப்பவர்கள் சிவாஜியின் ரசிகர்களாக மாறுவார்கள்.

பிரச்சனைகளை கண்டு பொங்கி எழ நினைப்பவர்களும், தன்னைக் காப்பாற்ற இன்னொரு கடவுள் வருவார் என்று நினைப்பவர்களும் எம்ஜியார், ரஜினி ரசிகர்களாக மாறுகிறார்கள்.

உருவத்தில் பேச்சில் நிறத்தில் தன்னைப் போல் இருக்கும் நாயகனுக்கு ரசிகன் மானசீக அடிமையாக மாறும்போது அந்த நடிகனை திட்டுப் போது கண்டிப்பாக அந்த ரசிகணுக்கு கோபம் வரத்தானே செய்யும்.

...............................................................................................................

தன் பசிக்காக குளத்தில் இருக்கும் அழுக்குகளை தின்று சுத்தப்படுத்தும் மீன் போல தனது படத்தின் ஓட்டத்துக்காக என்றாலும் நல்ல கருத்துள்ள பாடல்களை சிறந்த கவிஞர்களிடமிருந்து வாங்கி நல்ல இசையமைப்புடன் கொடுத்து கல்வியறிவு இல்லாத ரசிகனுக்கு கொடுத்த ந்ல்ல இதயமுள்ள நடிகர்களும் உண்டு. (அப்பா..... எம்ஜியாரையும் கலைஞ்ரையும் பேலன்ஸ் பண்ணியாச்சு)


...................................................................................................................

இன்றெல்லாம் ரசிகன் தனது இதய தெய்வங்களீன் மனைவியரை அரைகுறை ஆடையுடன் பார்ப்பதை மிகவும் விரும்புகிறானே... ஏன்?


பின்குறிப்பு:- இந்த இடுகை வெளியானபோது விகடன் குட் பிளாக் பகுதியில் இடம்பெற்றிருந்தது

Saturday, December 20, 2008

தமிழில் யாரும் செய்யாத ஒரு முயற்சி. பதிவுலகில் புதுசு கண்ணா புதுசு

  • ௧+௭=௮
  • ௨+௭=௯
  • ௩+௭=௧0
  • ௪+௭=௧௧
  • ௫+௭=௧௨
  • ௬+௭=௧௩
  • ௭+௭=௧௪
  • ௮+௭=௧௫
  • ௯+௭=௧௬
  • ௧0+௭=௧௭
ஒரு ஆசைதான் தமிழ்ல வாய்ப்பாடு எழுதிப பார்க்கனும்னு । பிடிச்சிருந்தா தமிழ்மணம் மேல்நோக்கிய கட்டைவிரலிலும்
தமிழீஷிலும் க்ளிக் செய்து விடுங்கள்।


Sunday, December 14, 2008

உள்ளக் குமுறல்களோடு தமிழ்மண நட்சத்திர பதிவர் இளைய பல்லவன் அவர்களுக்கு

தலைப்பைக் கண்டு மிரண்டுவிட வேண்டாம். இது சென்ற ஆண்டில் நான் எழுதிய இடுகையின் மீள்பதிவுதான்.

பதிவுலகிலும், மருத்துவத்துறையிலும் பல புத்தகங்களையும், பதிவுகளையும் செய்துள்ள மரு.புருனோ அவர்களின் எழுத்துக்கள் இப்போது வெகுஜனப் பத்திரிக்கைகளிலும் வர ஆரம்பித்திருக்கின்றன. அவருக்கும் அவரது எழுத்துக்களை பிரசுரித்திருக்கும் ஆனந்த விகடனுக்கும் வாழ்த்துக்களைத்தெரிவித்துக் கொண்டு 13.12.2008ல் எழுதப் பட்ட இடுகைக்குச் செல்வோம்.

=================================================




தமிழ் மண நட்சத்திர பதிவர் இளைய பல்லவன் அவர்களுக்கு நன்றியைக் கூறிக்கொண்டு துவங்கலாம். அவரது சக்கரவியூகத்தை விடாமல் படித்துவரும் தீவிர ரசிகர்களீல் நாணும் ஒருவன்.எல்லோரையும் போலத்தான் சிறுவர் மலரில்தான் தொடங்கியது எனது வாசிப்பனுபவம். ஓரே வித்தியாசம். நாங்கள் சிறுவர் வண்ண மலரில் இருந்தே ஆரம்பித்து விட்டோம்.


ரசித்து படிக்க ஆரம்பித்தது என எடுத்துக் கொண்டால் அது கடல் புறாதான். குமுதத்தில் வந்து கொண்டு இருந்தது. (கண்டிப்பாக முதல் முறை வந்தபோது அல்ல.) பிட் பிட் டாக படிப்போம். லதா படம் வேறு இருக்கும். ஏறக்குறைய பிட் பார்ப்பது போல்தான். நிரஞ்சனாவும் மஞ்சளழகியும்............ ம்....... அப்புறம் சரித்திர கதைகள் படித்தோம். பெரும்பாலும் சாண்டில்யன் கோவி இப்படித்தான் போனது. நாடோடி மன்னன் படம் வேறு பார்த்துவிட்டதால் சரித்திர கதைக ள் மீது ஒரு வெறியே உண்டாகி விட்டது.



இதெல்லாம் நாம் ஒன்பதாம் வகுப்பு படிக்கும் போது நடந்து கொண்டிருந்தது. அதுவரையில் நமக்கு தமிழ் பாடம் நினைத்தாலே கசக்கும். அதில் நான் வாங்கும் மதிப்பென்கள் என்னை ஒரு முன்னிலை மாணவனாக வரவிடாமலேயே செய்வதால் கூடுதல் எரிச்சல் வேறு....

பத்தில் திரு ஆறுமுகம் அவர்கள் தமிழாசிரியராக வந்தார். முதல் கேள்வி யாருக்கு தமிழ் கஷ்டம்? கையை தூக்கு விட்டேன். அவர் பல நுணுக்கங்களை சொல்லிக் கொடுத்தார். அந்த வகுப்பில் மரபு கவிதை கூட எழுதுவோம் என்று சொல்லி சுற்றிக் கொண்டிருந்தோம். இங்குதான் பொன்னியின் செல்வன் படிக்கும் வாய்ப்பு கிடைத்தது. ஒரு காலாண்டு விடுமுறையில் அதைப் படித்தோம்.


பொன்னியின் செல்வன் கதையில் பொ.செ.வின் அறிமுகம் படு பிரமாண்டாமாய் ஆனால் பாதிக் கதைக்கு மேல்தான் அமையும். ஆனால் அவர் வந்தபிறகு ஒவ்வொரு காட்சியும் படு பிரமாண்டமாய் இருக்கும். அந்தக் காட்சிகளுக்கு பயந்துதான் திரைப் படம் எடுக்கும் முயற்சியை பெறீஈஈஈய பெறீஈஈஈய தலைகளெல்லாம் ஓடியிருப்பார்கள்.

அந்தப் புத்தகம் படித்தபிறகு எந்த கதை படித்தாலும் அதில் இருந்து எடுத்தது போலவே இருக்கும். தேவியின் குடும்ப கதைகள் படிக்கும்போது கூட அந்த உணர்வு வருவதை தடுக்க முடியவில்லை.


பத்து முடித்து பதிணொண்ணு வந்த பிறகு தொழிற்கல்வி படிக்க வேண்டும் தமிழில் பாஸ் செய்தால் போதும் என்று சொல்லி விட்டு அப்படி படி இப்படி படி என்று சொல்லி தீக்கதிர், தந்தி மணி மலரோடு நின்றது படிக்கும் வழக்கம்.


கல்லூரியில் சூப்பர். 150 ஏக்கரில் ஒரு கல்லூரி, விடுதி, விளையாட்டு மைதானம், மொத்தமாக ஒரு சுற்று சுவர். அதில் நூலகம் உண்டு துறை நூலகள் மட்டும். விடுதியில் வரும் ஹிண்டு மணி என சுருங்கியது வட்டம்.


அந்த கால கட்டத்தில் பல சுவர் பத்திரிக்கைகள் கல்லூரிக்குள் வலம் வரத் தொடங்கின. அதெல்லாம் படிக்கத் தொடங்கினோம். நம்பினால் நம்புங்கள். முதன்முதலில் மோனிகா லெவின்ஸ்கி மேட்டர் எனக்கு சுவர் பத்திரிக்கை கார்ட்டூன் மூலமாக தெரிந்தது.

பாடப்புத்தகங்கள் படித்தல் என்பதே ஒரு போராட்டம் என்ற சூழலிலேயே போன நூற்றாண்டும் கழிந்தது சில நாட்களில் கல்லூரியும், பிறகு பயிற்சியும். பட்டம் பெற்றபின் நேரே பிறந்த ஊருக்கே பயணம். திரும்பவும் படிக்க வேண்டுமாம். கசப்பு கசப்பாய் இருந்தபோது நான் பார்த்த புத்தகங்கள் மரு.புருனோ அவர்களுடையது. அவரது புத்தகங்கள் எனது நிலைப் பாட்டையே மாற்றியமைத்தது. துறை சார்ந்த நூற்களை அவரது புத்தகங்களின் உதவியுடன் படித்தபோது ஒரு அற்புதமான அனுபவமாக இருந்தது.


அவரது வழிகாட்டலே இணையப் பதிவுகளைப் படிக்க ஆரம்பித்ததும் எழுத ஆரம்பித்தது. இப்போது இணையத்தில் எல்லாவற்றையும் படிக்க வாய்ப்பு கிடைப்பதால் பதிண்ம வயதில் படித்த உணர்வுடனேயே மீண்டும் படிக்க முடிகிறது. மீண்டும் ஒருமுறை இளைய பல்லவன் அவர்களுக்கு நன்றியைத்தெரிவித்துக் கொள்கிறேன்.


தனது வாசிப்பனுபவங்களைப் பகிர்ந்து கொள்ள சதீசு குமார் அவர்களை
அழைக்கிறேன்.

Life at a Primary Health Centre - பொது சுகாதாரமும் மருத்துவமும்

படத்தை அழுத்துங்கள்

LinkWithin

Related Posts with Thumbnails