Monday, December 29, 2008

ரஜினி, சரத், பாம்பே, பழனி

ரொம்ப நாள் ஆகிவிட்டமாதிரி இருக்கிறது நமது விருப்பத் தலைப்பான ரீமேக் சுவடே தெரியாத தமிழ் படங்கள் வரிசையை ஆராய்வது,



இந்த முறை இரண்டு சூப்பர் ஹிட் படங்களை ஆராயலாம். சில வருடங்களில் ரீமேக் செய்யப்படங்கள் இவை.

பா(ட்)ஷா:-
பாஷா கதையைப் பற்றி சொலவதற்கு என்ன இருக்கிறது. அந்தப்படம் வந்த போது பெரும்பாலான வலைஞர்கள் பம்பரமாக சினிமா பார்ர்க்கும் பருவத்தில் இருந்திருப்பார்கள் என்பதால் அந்தக் கதையை அப்படியே விடுகிறேன். இந்தப் படம் வந்தபோது நாங்கள் மாநிலம் தழுவிய பொது தேர்வில் பங்கெடுக்க இருந்ததால் படம் பார்க்க அனுமதி இல்லை. நகரத்தில் இருந்த மாணவர்கள் பார்த்துவிட்டு படத்தில் சுத்தமாக நகைச்சுவையே இல்லை. அப்புறம் எங்க.. என்பதே அவர்கள் விமர்சனமாக இருந்தது. நக்மாவுக்கு லிப்ட் கொடுக்கும் முதல் காட்சியில் மட்டுமே நகைச்சுவை தலை காட்டும்.


அப்புறம் மே மாதத்தில்தான் படம் பார்த்தோம். கல்லூரிக்கு போனபின் தான் தெரிந்தது எந்த ரஜினி படம் என்றாலும் பிடிக்கவில்லை என்று சொல்லிக் கொண்டுதான் படத்திற்குச் செல்ல வேண்டுமாம். அப்போதுதான் நமது ரசனைக்கு அங்கீகாரம் கிடைக்குமாம். ஆனால் எங்கள் சீனியர் ராம்ஸ் அந்தப் படம் சுற்றுவட்டாரம் பதினெட்டுப் பட்டியில் எங்கு படம் போட்டாலும் பார்ப்பார். துணைக்கு எங்களை மாதிரி யாரையாவது கூட்டிச் செல்வார். ஒவ்வொரு ஜூனியர் மாணவரும் இருபத்தைந்து முறையாவது பார்த்திருப்பார்கள். இந்த நிலை அவர் பாஸ் செய்து பி.ஜி. வாங்கும் வரை தொடர்ந்தது.

ஏய்:-

இதில் சரத் குமார் பழனியில் வந்து அமைதியான வாழ்க்கை வாழ்ந்து கொண்டு இருப்பார். அவரது லட்சியம் தங்கையை கலக்டெர் ஆக்குவது. ரஜினியும் அப்படியே... ஆனால் ரஜினிக்கு டாக்டர், இன்ஸ்பெக்டர். கல்யாணம் என்று பல லட்சியங்கள். இதில் தங்கை சொந்தத் தங்கை அல்ல. அதிலும் மாற்றாந்தாய் பிள்ளைகள்தான். இதில் நண்பன் சத்தியம் வாங்குகிறார். அதில் அப்பா...


ஃபிளாஷ்பேக்:- வில்லனின் அட்டூளியம் தாங்காமல் சரத் தனது நண்பருடன் சேர்ந்து பழி வாங்குகிறார். ரஜினியும் அப்படியே.. ரஜினியின் தந்தை கொல்லப் படுகிறார். இதில் நண்பன் கொல்லப் படுகிறார்.

தங்கைக்காக கண்டபடி அமைதி காக்கிறார்கள்

அவர்களுக்குள் அடங்கியிருக்கும் புயல் கொஞ்சம் கொஞ்சமாக வெளியே வ்ருவது தெரியும்.. விரல் மட்டும் தூக்குவது, ஒருதடவ சொன்னா என்று மட்டும் சொல்வது.. சரத்துக்கும் அப்படித்தான் கண் புருவம் துடிப்பது, சதைகள் இருகுவது என்று படிப்படியாக போகும்.

வில்லன் அவர்களது தங்கை மேல் கைவைக்க நினைக்க.. அவர்கள் சுயரூபம் வெளிப் படுகிறது. கடைசியில் வில்லன் அழிய சுபம்.


அதில் அவன யாருன்னு நினைச்ச என்று தாயார் ஆரம்பிப்பார். இதில் தங்கை பேசுவார்.


மிகவும் சீரியஸாக வந்த படம் பாஷா... வடிவேலு, தங்கை, நமிதா, மற்றும் பாட்டியுடன் சேர்ந்து நகைச்சுவையில் புகுந்து விளையாடி இருப்பார் சரத் குமார்.

இரண்டும் சூப்பர் ஹிட்தான். இருந்தாலும் நக்மாவைவிட நக்மாவின் ரீமேக் நமிதா சூப்பரோ சூப்பர் ஹிட்.





Wednesday, December 24, 2008

ரஜினிக்கு உதவும் ஐஸ்வர்யா

சூப்பர் ஸ்டார் படங்கள் என்றாலே தனி மதிப்பு நம்மிடம் இருந்து கொண்டே இருக்கிறது। அவரது படங்களின் மீது நமக்கு என்றும் ஒரு கண் இருந்து கொண்டே இருக்கும்। அவரது நிகழ்காலப் படங்களும் எதிர்காலப் படங்களும் எப்படி இருக்கும் என்ற எதிர்பார்ப்பு நமக்கு இருந்து கொண்டே இருக்கும்।
அந்த வகையில் கதை எண் 1 பெரிய பொழுது போக்கு சித்திரமாக அமைந்தது।

இப்போது எந்திரனை கல்லூரியில் வைத்துப் பார்க்கும் நம்முடைய சின்ன ஆசை।


ரோபோ ஒரு கல்லூரி மாணவன்। இரண்டாம் ஆண்டு எந்த நேரமும் புத்தகம் கையுமாக இருப்பவர்। வம்பு தும்பு எதர்க்கும் போகாதவர்। (சூப்பர் ஸ்டாரின் இளமையான தோற்றத்திற்காக இருபது கோடி செலவிடப் படுகிறது)। அவரது அமைதியான அறிவான நடவடிக்கைகளாலும், கல்லூரியில் உள்ள எறும்புகளுக்கு கூட உதவும் எண்ணமும் இருப்பதாலும் கல்லூரியின் கனவுக் கன்னி ஐஸ்வர்யா அவர் மேல் காதல் கொள்கிறார்। [ஐஸ்வர்யாவின் இளமையான தோற்றத்திற்காக பத்துக் கோடி ஒதுக்கப் பட்டுள்ளது]। சூப்பர் ஸ்டார் ஒத்துக் கொள்ள மறுக்கிறார்। தனக்கு அதிகமான வேலைகள் இருப்பதாகவும் தன்னால் காதலில் எல்லாம் ஈடுபட முடியாது என்றும் கூறுகிறார்।
http://www.lankafocus.com/cinema/wp-content/uploads/2010/07/enthiran.gif
அதிர்ச்சி அடையும் ஐஸ்வர்யா தனது காதலில் என்ன குறை என்று ஆக்ரோஷமாக கேள்வி கேட்கிறார்। இன்றைய இளைஞர்கள் போல தான் ஒன்றும் டைம்பாசுக்காக காதலிக்க வில்லை என்றும் இரண்டுநிமிடங்கள் இடைவிடாது வசனம் பேசுகிறார்। இளைஞர்களைப் பற்றி பேசும்போது மட்டும் அவரது காது துடிக்கிறது। மற்றபடி அமைதியாக காதலிக்க முடியாது என்று கூறுகிறார்। கோபத்தின் உச்சிக்கே செல்லும் ஐஸ்வர்யா அந்தக் கேள்வியைக் கேட்டு விடுகிறார்


நீங்கென்ன மனுசனா? எந்திரனா? பேருதான் ரோபோன்னா ஆளும் ரோபா மாதிரி இருக்கீங்க।
கேட்டுக்கொண்டு இருக்கும் வானத்திற்கு பயங்கர கோபம் வருகிறது। மாநகரத்தின் ஓரத்தில் இருக்கும் கடலுக்கும் பயங்கர கோபம் வருகிறது। இடிமின்னல் கொந்தளிப்பு வருகிறது। ரஜினி அமைதியாக இருக்கிறார்। பக்கத்தில் ஓடும் ரயில் கூட தட தட வென்று ஓடுகிறது। ஐஸ்வர்யாவின் கண்களில் ரத்தம் வடிகிறது , அப்படியே மயங்கிசாய்கிறார்। அவரை ஒரு வயதானவர் தூக்கிகிறார்। மயக்கம் தெளிந்தவுடன் ஐஸ்வர்யாவைப் பார்க்கிறார்।


ரோபோ சாதாரண மாண்வன் இல்லைம்மா அவன நம்பி ஒரு நாடே இருக்கு। என்று சொல்லிக் கொண்டே ஃப்ளாஸ்பேக் போகிறார்।


இளமை கொஞ்சும் கிராமம்। அப்படியே வயல் வெளியிலேயேதான் ஊருக்குள்ளேயும் வெளியேயும் போகும்வழி, வரும்வழி। அதில்தான் பிரசன்னாவும் பிரியா மணியும் பள்ளிக் கூடம் போவதும் வருவதுமாக இருக்கிறார்கள்। தேர்வு முடிவுகள் வெளிவந்துவிட்டன। பிரசன்னாதான் பனிரண்டாம் வகுப்பில் முதல் மாணவன்। பிரியாமணி ஃபெயில்। நான் ஃபெயில் ஆனா என்ன நீதான் பெரிய படிப்பெல்லாம் படிக்க போறயே என்று பிரசன்னாவை வாழ்த்துகிறார்। மெடிக்கல், என்ஞ்னிய்ரிங், அக்ரி, டீச்சர், வக்கீல், போலீஸ் திருடன் என்று எல்லா படிப்புகளுக்கும் அப்ளிகேசன் போடுகிறார்। பிரியா மணியும் அதற்கெல்லாம் ஸ்டாம்ப் ஒட்டிக் கொடுத்துக் கொண்டே கேட்கிறார்। உனக்குத்தான் எதுவேனாலும் கெடைக்குமே ஏன் இப்படி டைம் வேஸ்ட் பண்ணிக் கொண்டு இருக்க, என்கிறார்। பிரசன்னா சிரித்துக் கொண்டே படிவங்களை அனுப்பிக் கொண்டே இருக்கிறார்। சிலநாட்கள் ஆட்டமும் பாட்டுமாக களிகிறது।

முதலில் மெடிக்கலில் இருந்து பதில் வருகிறது। சந்தோஷத்துடன் திறக்கிறார்। பிரசன்னா கடிதத்தை பிரித்த உடன் அப்படியே சோர்ந்து விடுகிறார்। வேகமாக ஓடி வந்து பார்க்கும் பிரியா மணி பிரசன்னாவின் முகத்தைப் பார்க்கும் விளிக்கிறார்। பிரசன்னாவின் விண்ணப்பம் மதிப்பெண்கள் இருந்தும் நிராகரிக்கப் பட்டு விடுகிறது। அடுத்து ஒவ்வொரு விண்ணப்பமும் நிராகரிக்கப் படுகிறது। எல்லா அலுவலகங்களுக்கும் சென்று காரணம் கேட்கிறார்கள் । எல்லா அலுவலகங்களிலும் காரணம் கேட்கிறார்கள்। எல்லா இடங்களிலும் ஒரே பதில்தான் நீ இந்த நாட்டின் குடிமகனே கிடையாது। இந்நாட்டின் குடிமக்களுக்கு மட்டுமே நாங்க இடம் கொடுக்க முடியும் மற்ற நாட்டு காரர்கள் உங்கள் தூதரகம் மூலமாகத்தான் வரவேண்டும் என்று சொல்லி விடுகிறார்கள்।


அப்போதுதான் அந்த உண்மை தெரிகிறது। பிரசன்னா பிறந்த கிராமம் இன்னும் சுதந்திரம் அடையவே இல்லை। அங்கே யுரேனியம் அதிகம் கிடைப்பதால் ஒரு ஐரோப்பிய நாட்டின் பிடியிலேயே இருக்கிறார்கள்।
பிரசன்னா எங்கெங்கோ அலைந்து திரிந்தும் அவருக்கு எந்தக் கல்லூரியிலும் இடம் கிடைக்க வில்லை। மனம் உடைந்து போகிறார்। கூடவே பிரியா மணியும் சுற்றுகிறார்। அப்போதுதான் அந்த முடிவு எடுக்கிறார்கள்। இருவரும் ஒன்று சேர்கிறார்கள்।
இந்த மண்ணில் குழந்தைபிறந்தால் அது இந்த நாட்டு குடிமகன் ஆகிவிடுவான்,
எனவே நமது குழந்தையை இங்கேயே பெற்றுக் கொண்டு லட்சியத்தை நிறைவேற்றுமாறு கூறிக் கொண்டு உயிரை விடுகிறார்। குழந்தையை பெற்றபின் பிரியாமணியும் உயிரை விடுகிறார்। எந்திரத்தனமாக உழைக்க வேண்டும் என்ற காரணத்தில் ரோபோ என்று பெயர் வைக்கிறார்கள்।


கதையைக் கேட்டவுடன் ஐஸ்வர்யா நெகிழ்ந்து போகிறார்।
எங்க அத்தை எங்க மாமனாருக்கு உதவியது போல நான் இவருக்கு உதவுவேன் என்று சொல்லிக் கொண்டே காஃபி போட்டுக் கொடுக்கிறார்।
வெற்றீக் கொடி நாட்டு பாடல் ஆரம்பம் ஆகிறது। பாடலின் ஒவ்வொரு பத்திக்கும் ரஜினி ஒவ்வொரு தேர்விலும் தேர்ச்சி அடைகிறார்। கடைசி வரி வரும்போது அவர் ஐ। ஏ। எஸ் தேர்விலும் தேர்ச்சி பெற்று விடுகிறார்।

அவர் நிறைய மதிப் பெண்கள் பெற்றதால் அவரை நேரடியாக உள்துறைச் செயலராக நியமிக்கிறார்கள் , ( இது இரண்டாவது முறையாக நிகழ்த்தப் படும் சாதனை। ஏற்கனவே தென்னவனில் விஜயகாந்த் குறைந்தவயதில் தலைமை தேர்தல் ஆணையராக நியமிக்கப் பட்டு இருக்கிறார்) ।



அலுவலகத்தில் கோப்புகளைப் பார்த்துக் கொண்டே வருகிறார்। அப்போது அதிர்ச்சிகரமான உண்மை வெளிவருகிறது। பிரசன்னா பிறந்த கிராமத்தை ஆளூம் ஐரோப்பிய மன்னராக ஐஸ்வர்யாவின் தந்தையே இருந்து வருகிறார்। அதனால் ஜோடிகளுக்கு நடுவே பிரச்சனை வருகிறது। தலைவர் சோகமாக முந்திரி தோப்பைச் சுற்றிவந்து பாட்டுப் பாடுகிறார்।

இப்படி ஒரு கிராமம் இருப்பது மந்திரி ஒருவருக்கு தெரிந்து விடுகிறது। அவர் உலக பயங்கரவாதிகளுடன் கூட்டணி அமைத்து ஐஸ்வர்யாவின் தந்தை நாட்டைக் கைப் பற்றிவிடுகிறார்। பிரசன்னாவின் கிராமத்தில் உள்ள யுரேனியத்தைக் கைப் பற்றி உலக அணுஆயுதங்களை வளர்த்த் முயற்சிக்கிறார்। இந்த தகவல்களை ஐஸ்வர்யா வந்து சொன்னவுடன் பொங்கி எழும் சூப்பர் ஸ்டார்। தனி ஆளாக ஐஸ்வர்யாவின் நாட்டிற்குச் சென்று அவரது தந்தையை விடுவிக்கிறார்।
பிரதான வில்லனான அமைச்சருடன் ஒத்தைக்கி ஒத்தை சண்டை போட்டு அழிக்கிறார்।


ஐஸ்வர்யாவை மணந்து கொண்டு தனது சொந்த கிராமத்திற்கு மன்னராக திரும்பி வருகிறார்।

சுபம்।

=================================================================

ஹி ஹி மீள்பதிவுதான்,

வெளிவந்துள்ள எந்திரன் பாடல்கள் இந்தக் கதைக்கு மிக அழகாகப் பொருந்துவதைக் கவனியுங்கள்

இந்தக் கதை பிடித்திருந்தாலும் பிடிக்காவிட்டாலும் மேல்நோக்கிய தமிழ்மணக் கட்டைவிரலிலும் தமிழீஷிலும் கிளிக் செய்து விடுங்கள்

Tuesday, December 23, 2008

இதற்கெல்லாம் ரஜினி கவலைப் படவேண்டியதில்லை

இந்த இடுகை மிகவும் காலந்தாழ்த்தி போடப் பட்டிருப்பதாக நினக்கலாம்। அதற்கு இரண்டு காரணங்கள் உண்டு। முதலாவது அப்போது நான் ப்ளாக் எதுவும் எழுதவில்லை। இரண்டாவது மேலும் காலந்தாழ்த்த நான் நினைக்கவில்லை।



குறைந்தபட்சம் ரஜினி ரசிகர்கள் மட்டுமாவது மகிழ்ச்சி அடைய இந்த இடுகை உதவும்। திண்டுக்கல் சாரதி படம் பார்த்தவர்கள் கூறுவது பேசாமல் குசேல்ன் படத்தை இதே இயக்குனரிடம் கொடுத்து இருக்கலாம் என்று கூறிவருகிறார்கள்



அன்புள்ள ரஜினிகாந்த் என்றொரு படம் அந்தப் படத்தின் கதையை முதலில் எம்ஜியருக்காக தயார் செய்யப் பட்டதாம்। அவர் முதல்வராகி விட்டதால் ரஜினி என்று கூட பேசிக் கொள்கிறார்கள்.


குசேலனுக்கு முன் சந்திரமுகி வந்தது। அதன் மலையால மூலத்திற்கும் கன்னட மூலத்திற்கும் பல மடங்கு மாற்றங்கள்। படம் வென்றதால் வாசு। சூப்பர் ஆகப் பேசப் பட்டார்। இதற்கு முன் லாவாரிஸ் என்றொரு இந்திப் படம் பார்க்கும்போதே கண்கள் பனிக்கும் இதயம் கணக்கும் கதை। அமிதாப் பச்சனின் அற்புத நடிப்பில் வெளியான படம் । ஒரு அனாதையின் வாழ்வின் கொடுமையையும் அவனது உள்ள குமுரல்களையும் அழகாக வெளிப் படுத்தி இருப்பார்கள்। அதே படத்தை தமிழில் பணக் காரனாக எடுத்தார்கள்। சுத்த கமர்சியலாக... சில பல மாற்றங்களுடன்......... ரஜினி மேடையில் பேசும் ஒரு காட்சியைத் தவிர மற்ற இடங்களில் பெரிய ஒரு பாதிப்பும் ஏற்படாத ஒரு கமர்சியல் படம் அது। வாசுவின் திறமை ரீமேக் திறமை பலமுறை வெளிப் படுத்தப் பட்டுள்ளது।



அன்புள்ள ரஜினி காந்த் வந்தபோது படத்தில் ஒரு குழந்தை ரசிகைக்காக ரஜினியே தனது நேரத்தை செலவிட்ட போது ரசிகர்கள் மிகவும் மகிழ்ச்சியுடன் ரசித்தார்கள்। தங்களுக்காக வந்து தங்களுடன் நேரத்தை செலவிட்டதாக நினைத்தனர்।


ஆனால் குசேலன் படத்தில் ஒரு நண்பனுக்காக தலைவர் கண்கள் கலங்குவதை யாரும் ஏற்கத்தயாராக இல்லை। அந்த காரணத்திற்காக தலைவனின் கண்கள் கலங்குவதை மீண்டும் பார்க்க விரும்பாத ரசிகர்கள் மீண்டும் பார்க்காத காரணத்தாலேயே அந்தப் படம் தோல்வி அடைந்தது। ரசிகர்களின் பேராரதவாலேயே அந்தப் படம் தோல்வி அடைந்தது எனச் சொல்லலாம்। எனவே குசேலன் தோல்வி அடைந்ததற்கு வாசுவோ, ரஜினியோ வருத்தப் படவே தேவையில்லை।

Monday, December 22, 2008

எதிர் ஓட்டு போடுபவர்களே! இங்கே வாங்க

  • எல்லாத்திரைப்படத்திற்கும் லாஜிக் இருக்க வேண்டும் என்றும் லாஜிக் இல்லாமல் எடுக்கப் படும் திரைப்படங்கள் மக்களால் நிராகரிக்கப் படும் என்றும் பேசப் படுகிறது.
    ஆனால் ஒரு தமிழ் திரைப் படம் பெரும்பாலான முக்கிய காட்சிகள் அனைத்திலும் லாஜிக் மீறப் பட்டிருக்கும். சாதாரணமாக நடக்கவேஏஏஏ இயலாத சம்பவங்களைக்கொண்டு பின்னப் பட்டு வெற்றி பெற்ற படம் இது.

    இது நம்ம ஆளு

    பட்டணத்திற்கு வேளை தேடி வந்த நபர் சுண்டல் விற்க முன்வருகிறார். இதைக் கூட ஏற்றுக் கொள்ளலாம். அடுத்து அதற்காக அந்தணர் வேடம் போடுகிறார். சுண்டல் விற்பதில் வரும் லாபத்தைப்போல பல மடங்கு செலவு செய்து போடப் படும் வேசம் இது. என்ன கொடுமை சார் இது

    அடுத்து ரோட்டில் பார்த்து அவரை புரோகிதம் செய்ய அழைகிறார்கள். எங்கேயாவது நடக்குமா?

    தவறாக மந்திரம் சொல்வதைப் பார்த்து அந்த ஊர் நாட்டாமை அந்தணர் அவருக்கு இருக்க இடம், படுக்க பாய், சம்பாதிக்க வேலை, அவ்வப்போது இலைப் போட்டு சோறு, தனியாக பாயசம், வடை வேறு கொடுக்கிறார். இந்த நாட்டாமைக் காரர் ஒழுங்காக மந்திரம் சொல்லாததால் தலையில் தீயைத் தூக்கிப்போட்டவர் என்ற பில்டப் வேறு.......

    இதையெல்லாம் பார்த்து லவ் வேறு வருமாம்.........

    ஒரு தெருவில் நடக்கும் பாட்டுப் போட்டியில் செயித்து கண் ஆபரேசன் செய்யும் அளவு பரிசாம்...............

    நாட்டாமைக்காரர் செட்டப் அப்பா அம்மாவைப் பார்த்ததும் திருமணத்திற்கு ஒத்துக் கொள்கிறார்களாம். ஊரில் நடப்பதாக சொன்னாலும் இவ்வளவு படித்தவராக காட்டப்படும் நாட்டாமையை அடிமுட்டாள் ஆக்குகிறார்கள்.

    ஒரிஜினல் தன்மை தெரிந்தவுடன் அவர் வாங்கும் சத்தியம் உலகில் எங்கும் இல்லாத ஒரு சத்தியம். கொலை செய்திருக்கலாம். கோபத்தில் என்று நினைத்துக் கொள்ளலாம். இல்லை விவாகரத்து செய்திருக்கலாம். இதைச் செய்யாமல் பெண்ணைத் தொடக்கூடாது என்று சத்தியம் வாங்குகிறார். கொடுமையோ கொடுமை.

    இதற்கடுத்து பல பலான சங்கதிகள். கடைசியில் நடக்க வேண்டியது நடக்கிறது. இந்த படம் தீண்டாமை எதிராண கொள்கையை வலியுறுத்தி எடுக்கப் பட்டதாக ஒரு விளக்கம். எப்படி என்றுதான் தெரியவில்லை.

    இயக்குநர் பாலகுமாரனாம். இதுவே ஒரு லாஜிக் இல்லாத விஷயம். யாருக்காவது உண்மை தெரியுமா................
==========================================================

தமிழ் மணத்தில் புதிய ஓட்டுமுறை அறிமுகப் படுத்தப் பட்ட பிறகு

நான் எழுதிய

தமிழ்மணம் பரிந்துரை : 2/10

Pathivu Toolbar ©2009thamizmanam.com

யார்க்கராய் இருந்தால் என்ன? ஃபுல்டாஸ் ஆனா என்ன?


இடுகை மொத்தம் பத்து ஓட்டுக்களும் அதில் எதிர் ஓட்டுகளைக் கழித்து இப்போதைய ஒட்டுமொத்த ஓட்டு மதிப்பு இரண்டு என்பதும் தெரிவித்துக் கொள்ளப் படுகிறது. ஓட்டுக்களின் மதிப்பு ஃப்யர் ஃபாக்ஸ் மற்றும் கூகிள் உலாவிகளில் தெரிகிறது. ஏனோ I E உலாவியில் தெரியவில்லை.

இந்த இடுகைக்கு என்ன நிலமை என்று பார்ப்போம்
===========================================================
இது ஒரு மீள்பதிவு. எழுத ஆரம்பித்த மாததில் பதிவிட்டது.

Saturday, December 20, 2008

தமிழில் யாரும் செய்யாத ஒரு முயற்சி. பதிவுலகில் புதுசு கண்ணா புதுசு

  • ௧+௭=௮
  • ௨+௭=௯
  • ௩+௭=௧0
  • ௪+௭=௧௧
  • ௫+௭=௧௨
  • ௬+௭=௧௩
  • ௭+௭=௧௪
  • ௮+௭=௧௫
  • ௯+௭=௧௬
  • ௧0+௭=௧௭
ஒரு ஆசைதான் தமிழ்ல வாய்ப்பாடு எழுதிப பார்க்கனும்னு । பிடிச்சிருந்தா தமிழ்மணம் மேல்நோக்கிய கட்டைவிரலிலும்
தமிழீஷிலும் க்ளிக் செய்து விடுங்கள்।


Thursday, December 18, 2008

கிரிக்கெட்??? ஏன் இப்படி

  1. கிரிக்கெட்டில் உள்ள வசதிகள்
  2. 1.கிரிக்கெட்டை யார் வேண்டுமானாலும் விளையாடிப் பார்க்கலாம். பெரும்பாலான விளையாட்டுகளை விளையாடி பார்க்கமுடியாது. கால்பந்து பத்து நிமிடங்கள் விளையாடினால் மூச்சு வாங்க ஆரம்பிக்கும். கைப்பந்து, டென்னிஸ் போன்றவைகளுக்கு பந்து கைக்கு வருவதற்கே பயிற்சி எடுக்க வேண்டும். தடகள விளையாட்டுகளை தவம் போல கருதுபவர்கள் மட்டுமே விளையாட முடியும். சில விளையாட்டுகளுக்கு செலவு அதிகம்.
  3. 2.கிரிக்கெட்டின் பரபரப்பை யார் வேண்டுமானாலும் புரிந்து கொள்ள முடியும். இன்னும் எத்தனை ரன்? எத்தனை பால்? எளிதில் புரியும். கால்பந்தில் கூட எத்தனை கோல் என கேட்க முடியும், ஆனால் கிரிக்கெட்டில் நிமிடத்திற்கு நிமிடம் புள்ளிவிவரங்கள் மாறும். பரபரப்பு கூடும். மற்ற விளையாட்டுகளுக்கு இந்த வசதி கிடையாது.
  4. 3.கால்பந்து, கைபந்துகளில் யார் சிறப்பாக விளையாடிகிறார்கள் என்பது பார்த்தால் மட்டுமே புரியும்.
  5. 4.அதுவும் விளையாட்டு தெரிந்தவர்களுக்கு மட்டுமே புரியும். கிரிக்கெட்டுக்கு அந்த அவசியம் கிடையாது.
  6. 5கிரிக்கெட் பற்றி நாள் பூரா கேட்டுக் கொண்டே இருக்கலாம். மற்ற விளையாட்டுக்கள் எல்லாம் சீக்கிரம் முடிந்து விடும்.(20/20 பத்தி அப்புறம் பார்ப்போம்).
  7. 6.தூய வெள்ளை மற்றும் கவர்ச்சியான கல்யாண மாப்பிள்ளை போன்ற உடைகளுடன் கிரிக்கெட் விளையாடப் படுகிறது. மற்ற விளையாட்டுகளில் அப்படி இல்லை.(செஸ், துப்பாக்கி தவிர).
  8. 7.டி.வி.யில் பல கோணங்களில் காட்டும் வசதி கிரிக்கெட்டிற்கு மட்டுமே உண்டு. (ஸ்டம்பிலயே காமிரா வைக்கிறாங்களே)
  9. 8. ஐந்து நிமிடத்திற்கு ஒரு விளம்பரம் ஒளிபரப்பும் வசதி கிரிக்கெட்டிற்கு மட்டுமே உண்டு. அதனால் தொலைக்காட்சிக்கு தனிகாதலே உண்டு.
  10. 9.கிரிக்கெட் முடிந்த பின் அரைமணிநேரம் விவாதிக்க முடியும்.அதற்கு மேல கண்ட காரணங்களே உதவும்.
  11. 10.மூச்சு விடுவது கூட சாதனையாக கிரிக்கெட்டில் மட்டுமே கருதப்படுகிறது. தொடர்ச்சியாக 0 எடுப்பது கூட இங்கு சாதனை. தொடர்ந்து இரண்டு ஆட்டங்களில் கடைசி பந்துகளில் 4 எடுத்தால் இந்த மைதானத்தில் இது 3ம் தடவை. இந்த நாட்டிக்கெதிராக இது 8ம் முறை. இந்த நவம்பர் மாதத்தில் இது முதல் முறை. அந்த நேரத்தி சச்சின் மிட் ஆனில் நிற்பது இது 15ம் முறை என்றெல்லாம் சாதனைப்பட்டியல் போடுவார்கள்.
  12. 11.இந்தியாவும் பாகிஸ்தானும் சமபலத்தில் இருப்பது ஒரு காரணமாக இருக்கலாம். ஹாக்கி கூட ஒரு காலத்தில் புகழுடன் இருந்தது நினைவு இருக்கலாம்.
  13. பின்குறிப்பு;- இது ஒரு மீள்பதிவு. போன மாதத்தில் எழுத ஆரம்பித்தபோது போட்டது. நிறைய பேர் படிக்கவில்லையோ என்ற ஆதங்கத்தில் மீள்பதிவு,

Wednesday, December 17, 2008

கலைஞருக்கே தெரியாத ரகசியம்?



படிக்காதவன் கிளைமாக்ஸ் பகுதியில் சிவாஜி ரஜினியைப் பார்த்து ஒரு டயலாக் சொல்வார்.

அண்ணன் நீதிபதி, ஒரு தம்பி குற்றவாளி, ஒரு தம்பி சாட்சி


என்று சொல்லி கண்ணீர் விடுவார்.

அதே மாதிரி காட்சி குற்றவாளி தம்பிக்கு பதிலாக தங்கச்சி. அது என்ன படம்


அந்த காட்சிக்கு முன் சூழ்நிலையை உணர்ந்த உடனே (குற்றவாளிக் கூண்டில் நிற்பது தம்பிதான் என்ற உண்மையும் சாட்சியாய் நிற்பது மற்றொரு உடன்பிறப்புதான் என்ற உண்மையும்) அண்ணன் நீதிபதி மயக்கம் அடைந்து விடுவிறார்.

அந்தப் படத்திலும் அப்படித்தான் ஆனால் முப்பது வருஷத்துக்கு முன் வந்தது.


சாட்சியாய் நிற்கும் தம்பிக்கு குற்றவாளி அண்ணன் தான் ஆதரவாய் இருப்பார்.

அதிலும் அப்படித்தான். குற்றவாளி தங்கச்சிக்கு கிறுக்கு அண்ணந்தான் துணையாக இருப்பார்.

ஆரம்ப கட்டத்திலேயே பெரிய அண்ணனை தம்பிகள் பிரிந்து விடுகிறார்கள். இதில் பெரிய அண்ணனை தங்கை பார்த்ததே கிடையாது. அடுத்த அண்ணனும் நடுவில் பிரிந்து விடுகிறார்.

படிக்காதவன் படத்திலும் அப்படித்தான். கடைசித்தம்பிக்கு பெரிய அண்ணனை அடையாளம் தெரியாது. ஆனால் நடுத்தம்பிக்கு மூத்தவரை நன்றாக அடையாளம் தெரியும்.

கடைசியில் யாரும் குற்றவாளி இல்லை என்று விடுதலை ஆகி குடும்பம் மொத்தமும் சேர சுபம்.

ஒன்று படிக்காதவன் என்றால் மற்றது பராசக்தி. உண்மை. சிவாஜி கணேசன் அவர்களின் அறிமுகப் படத்தில் வந்த பல முக்கிய காட்சிகளை மையப் படுத்தியே படிக்காதவன் படமும் வெளி வந்துள்ளது.


ஐயா! ஜாலி கலைஞருக்கே இந்த ரகசியம் தெரியுமான்னு தெரியல.., ஆனா நாம கண்டுபிடித்துவிட்டோம்
.........................................................................................................................................
திருடா திருடி மற்றும் அன்பே வா படங்களை ஏற்கனவே முதல் பாகத்தில் பார்த்திருந்தாலும் சற்று விரிவாகப் பார்ப்போம்.


அன்பே வா.

ஒரு நேர்மையான தொழிலழிபருக்கும் ஒரு கல்லூரி மாணவிக்கும் இடையே ஏற்படும் காதல்கதை.

திருடா திருடியில் வீட்டுக்கு அடங்க்காத பையனுக்கும் எடுத்தெரிந்து பேசும் பெண்ணுக்கும் இடைப்பட்ட காதல் கதை.

இரண்டு படங்களிலும் ஒருவரை ஒருவர் காலை வாரிக் கொண்டே இருப்பார்கள். உள்ளுக்குள் காதல் வைத்திருந்தாலும் வெளிப்படுத்தினால் எங்கே காமெடி கீமெடி பண்ணிவிடிவார்களோ என்றே நினைத்து கொண்டிருப்பார்கள்.

கிளை மாக்ஸில்கூட இந்த நிலைதான் நீடிக்கிறது. திருடா திருடியில் வீட்டு ஓனர் பொண்ணு வருவது போல் இதில் பழைய நண்பர் அசோகன் வருகிறார். இவர்கள் உள்ளே நுழைவதுகூட இரண்டு படங்களிலும் ஒரு சிறிய இடைவெளியை ஜோடிகளுக்கு நடுவே ஏற்படுத்துகிறது. பின்னர் இவர்களே படம் முடிவதற்கும் ஒரு ஏற்பாடு செய்கிறார்கள்.

கிளைமாக்ஸில் கூட சரோஜாதேவியை எம்ஜியார், துரத்திக் கொண்டே ஓட வில்லன் கூட்டம் வழிமறித்து சண்டை

இதிலும் திருடியை தனுஷ் பின் தொடர ஒரே சண்டை கம் ஜாலி.

பிடிந்திருந்தாலும் பிடிக்காவிட்டாலும் தமிழ்மண மேல்நோக்கிய கட்டை விரலிலும் தமிழீஷ் வோட்டிலும் க்ளிக் செய்து விடுங்கள் .
===========================================================

தமிழ் மணத்தில் சூடான இடுகைகளை எடுத்துவிட்டதாலும் இது மக்களை சென்றடைய வேண்டிய கட்டாயம் ஒன்று இருப்பதாலும் தொடர்ச்சியான பின்னூட்டங்களும் தொடர்ச்சியான ஓட்டுக்களும் இந்த இடுகைக்குத் தேவைப் படுகின்றன.

Sunday, December 14, 2008

உள்ளக் குமுறல்களோடு தமிழ்மண நட்சத்திர பதிவர் இளைய பல்லவன் அவர்களுக்கு

தலைப்பைக் கண்டு மிரண்டுவிட வேண்டாம். இது சென்ற ஆண்டில் நான் எழுதிய இடுகையின் மீள்பதிவுதான்.

பதிவுலகிலும், மருத்துவத்துறையிலும் பல புத்தகங்களையும், பதிவுகளையும் செய்துள்ள மரு.புருனோ அவர்களின் எழுத்துக்கள் இப்போது வெகுஜனப் பத்திரிக்கைகளிலும் வர ஆரம்பித்திருக்கின்றன. அவருக்கும் அவரது எழுத்துக்களை பிரசுரித்திருக்கும் ஆனந்த விகடனுக்கும் வாழ்த்துக்களைத்தெரிவித்துக் கொண்டு 13.12.2008ல் எழுதப் பட்ட இடுகைக்குச் செல்வோம்.

=================================================




தமிழ் மண நட்சத்திர பதிவர் இளைய பல்லவன் அவர்களுக்கு நன்றியைக் கூறிக்கொண்டு துவங்கலாம். அவரது சக்கரவியூகத்தை விடாமல் படித்துவரும் தீவிர ரசிகர்களீல் நாணும் ஒருவன்.எல்லோரையும் போலத்தான் சிறுவர் மலரில்தான் தொடங்கியது எனது வாசிப்பனுபவம். ஓரே வித்தியாசம். நாங்கள் சிறுவர் வண்ண மலரில் இருந்தே ஆரம்பித்து விட்டோம்.


ரசித்து படிக்க ஆரம்பித்தது என எடுத்துக் கொண்டால் அது கடல் புறாதான். குமுதத்தில் வந்து கொண்டு இருந்தது. (கண்டிப்பாக முதல் முறை வந்தபோது அல்ல.) பிட் பிட் டாக படிப்போம். லதா படம் வேறு இருக்கும். ஏறக்குறைய பிட் பார்ப்பது போல்தான். நிரஞ்சனாவும் மஞ்சளழகியும்............ ம்....... அப்புறம் சரித்திர கதைகள் படித்தோம். பெரும்பாலும் சாண்டில்யன் கோவி இப்படித்தான் போனது. நாடோடி மன்னன் படம் வேறு பார்த்துவிட்டதால் சரித்திர கதைக ள் மீது ஒரு வெறியே உண்டாகி விட்டது.



இதெல்லாம் நாம் ஒன்பதாம் வகுப்பு படிக்கும் போது நடந்து கொண்டிருந்தது. அதுவரையில் நமக்கு தமிழ் பாடம் நினைத்தாலே கசக்கும். அதில் நான் வாங்கும் மதிப்பென்கள் என்னை ஒரு முன்னிலை மாணவனாக வரவிடாமலேயே செய்வதால் கூடுதல் எரிச்சல் வேறு....

பத்தில் திரு ஆறுமுகம் அவர்கள் தமிழாசிரியராக வந்தார். முதல் கேள்வி யாருக்கு தமிழ் கஷ்டம்? கையை தூக்கு விட்டேன். அவர் பல நுணுக்கங்களை சொல்லிக் கொடுத்தார். அந்த வகுப்பில் மரபு கவிதை கூட எழுதுவோம் என்று சொல்லி சுற்றிக் கொண்டிருந்தோம். இங்குதான் பொன்னியின் செல்வன் படிக்கும் வாய்ப்பு கிடைத்தது. ஒரு காலாண்டு விடுமுறையில் அதைப் படித்தோம்.


பொன்னியின் செல்வன் கதையில் பொ.செ.வின் அறிமுகம் படு பிரமாண்டாமாய் ஆனால் பாதிக் கதைக்கு மேல்தான் அமையும். ஆனால் அவர் வந்தபிறகு ஒவ்வொரு காட்சியும் படு பிரமாண்டமாய் இருக்கும். அந்தக் காட்சிகளுக்கு பயந்துதான் திரைப் படம் எடுக்கும் முயற்சியை பெறீஈஈஈய பெறீஈஈஈய தலைகளெல்லாம் ஓடியிருப்பார்கள்.

அந்தப் புத்தகம் படித்தபிறகு எந்த கதை படித்தாலும் அதில் இருந்து எடுத்தது போலவே இருக்கும். தேவியின் குடும்ப கதைகள் படிக்கும்போது கூட அந்த உணர்வு வருவதை தடுக்க முடியவில்லை.


பத்து முடித்து பதிணொண்ணு வந்த பிறகு தொழிற்கல்வி படிக்க வேண்டும் தமிழில் பாஸ் செய்தால் போதும் என்று சொல்லி விட்டு அப்படி படி இப்படி படி என்று சொல்லி தீக்கதிர், தந்தி மணி மலரோடு நின்றது படிக்கும் வழக்கம்.


கல்லூரியில் சூப்பர். 150 ஏக்கரில் ஒரு கல்லூரி, விடுதி, விளையாட்டு மைதானம், மொத்தமாக ஒரு சுற்று சுவர். அதில் நூலகம் உண்டு துறை நூலகள் மட்டும். விடுதியில் வரும் ஹிண்டு மணி என சுருங்கியது வட்டம்.


அந்த கால கட்டத்தில் பல சுவர் பத்திரிக்கைகள் கல்லூரிக்குள் வலம் வரத் தொடங்கின. அதெல்லாம் படிக்கத் தொடங்கினோம். நம்பினால் நம்புங்கள். முதன்முதலில் மோனிகா லெவின்ஸ்கி மேட்டர் எனக்கு சுவர் பத்திரிக்கை கார்ட்டூன் மூலமாக தெரிந்தது.

பாடப்புத்தகங்கள் படித்தல் என்பதே ஒரு போராட்டம் என்ற சூழலிலேயே போன நூற்றாண்டும் கழிந்தது சில நாட்களில் கல்லூரியும், பிறகு பயிற்சியும். பட்டம் பெற்றபின் நேரே பிறந்த ஊருக்கே பயணம். திரும்பவும் படிக்க வேண்டுமாம். கசப்பு கசப்பாய் இருந்தபோது நான் பார்த்த புத்தகங்கள் மரு.புருனோ அவர்களுடையது. அவரது புத்தகங்கள் எனது நிலைப் பாட்டையே மாற்றியமைத்தது. துறை சார்ந்த நூற்களை அவரது புத்தகங்களின் உதவியுடன் படித்தபோது ஒரு அற்புதமான அனுபவமாக இருந்தது.


அவரது வழிகாட்டலே இணையப் பதிவுகளைப் படிக்க ஆரம்பித்ததும் எழுத ஆரம்பித்தது. இப்போது இணையத்தில் எல்லாவற்றையும் படிக்க வாய்ப்பு கிடைப்பதால் பதிண்ம வயதில் படித்த உணர்வுடனேயே மீண்டும் படிக்க முடிகிறது. மீண்டும் ஒருமுறை இளைய பல்லவன் அவர்களுக்கு நன்றியைத்தெரிவித்துக் கொள்கிறேன்.


தனது வாசிப்பனுபவங்களைப் பகிர்ந்து கொள்ள சதீசு குமார் அவர்களை
அழைக்கிறேன்.

Saturday, December 13, 2008

வெள்ளையாய் வத்தலாய் ஒரு பொண்ணு

கல்லூரி சுவர் பத்திரிக்கையில் வந்த விளம்பரம் இது

காதலி தேவை


மூன்றாம் ஆண்டு படிக்கும் சொந்தமாக டூவீலர் வைத்திருக்கும் மாணவனுக்கு காதலி தேவை.
தகுதிகள்

1.அழகான கையெழுத்தில் ரெகார்டு நோட் எழுதும் திறமை அவசியம்.


2.வகுப்பில் நடத்தும் பாடங்களை சொல்லித் தரும் திறமை அவசியம். அது இரண்டாம் ஆண்டு பாடமாய் இருந்தாலும் இருட்டில் சொல்லித் தந்தால் உத்தமம்.

3.காலையில் எழுந்ததும் மாணவர் விடுதிக்கு ஃபோன் செய்து எழுப்பி விடுதல் வேண்டும். மாலையில் அனைவரும் ஃபோனுக்காக காத்திருக்கும் போது தொடந்து ஃபோனில் பேசி எல்லரையும் காய விடுதல் அவசியம்.

4.டூ வீலரில் வருதல் அவசியம்.

5.கல்லூரி முன்னால் இருக்கும் பிள்ளையாரிடம் இருந்து தினமும் பிரசாதம் வாங்கித்தரவேண்டும்.

6.அவ்வப்போது கடன் தருவதற்கு திறமையான ஆளாய் இருத்தல் நலம். குறைந்தபட்சம் சங்கிலியை அடகு வைக்க கலட்டிக் கொடுப்பது வரவேற்கத்தக்கது.

7.நண்பர்களிடம் ஏன் இவ
ரை கெடுக்கறீங்க என்று கேட்டு தாக்க வேண்டும்.

8.அனிமியா, அனோரெக்சியா நெர்வோசா போன்ற வியாதிகள் இருக்கும் பெண்களுக்கு முக்கிய இடம் கொடுக்கப் படும்.

------------------------------------------------------------------------------------
இது ஒரு மீள்பதிவு
--------------------------------------------------------------------------------------
அனிமியா என்பது ரத்தச் சோகை நோயாகும். மிகவும் வெளுத்துக் காணப்படுவார்கள். பொன்னியின் செல்வன் வானதிபோல் அடிக்கடி மயங்கி விழுவார்கள்.அனோரெக்சியா நெர்வோசா என்பது உடல் எடையை குறைக்கும் எண்ணத்திலேயே இருக்கும் ஒருவகை மன நோய்.(இருப்பத்தைந்து கிலோ இருந்தாலும்..
================================================================

http://kanavukale.blogspot.com/2008/12/blog-post_4103.html இந்த அடையாளம் சொல்லும் இந்தப் பதிவின் வயதை.., அவ்வளவு பழைய  இடுகை. மீண்டும் மீள்பதிவு

Sunday, December 7, 2008

ரீமேக் பெயர் இல்லா திரைப்படங்கள் பாகம் 2

http://www.prakritifoundation.com/events03/indirav/c1.jpg


தில்லானா மோகனாம்பாள்
தமிழ் திரையுலகில் மாபெரும் வெற்றிச்சித்திரம் நாவலாக வந்து வெற்றி பெற்ற வெகு சில சினிமாக்களில் இதுவும் ஒன்றாம். நாதஸ்வர வித்வான் சிக்கல் சண்முக சுந்தரத்திற்கும் நாட்டிய பேரொளி மோகனாவுக்கும் இடையே யான ஈகோ கலந்த கலவையான மோதலுடன் கூடிய காதல் கதை. 68ல் வந்ததாம். அப்படி என்றால் இருவரின் வயதையும் கணக்கிட்டுக் கொள்ளுங்கள்.
சிவாஜி தனது நடிப்பாலும், பத்மினி தனது நடனத்திறமையாலும் அந்தக் குறை தெரியாமல் செய்து விடுவார்கள். ஆனால் போஸ்டரில் பத்மினியின் வயது தெரிந்துவிடும்.


நாதஸ்வர கலைஞருக்கும் நடனசிகாமணிக்கும் காதல்...
நடண்சிகாமணி யின் தாயின் தோழர் நடண சிகாமணியை ஜமீந்தார் ஒருவருக்கு சின்னவீடாக செட்டப் செய்ய முயற்சிக்கிறார். இதற்கு அவர்களின் ஈகோவை பயன்படுத்திக் கொள்கிறார். போட்டி நடக்குமுன் கத்திக் குத்து நடக்கிறது. நலந்தானா பாட்டு பாடுகிறார். பல செண்டிமெண்ட் காட்சிகளுடன் காதலர்கள் ஒன்று சேர்கிறார்கள்.

இந்தப் படத்தில் குறிப்பிட்டுச் சொல்ல வேண்டுமானால் சிக்கல் சண்முக சுந்தரத்திற்கும் ஜில்ஜில் ரமாமணிக்கும் [படத்தில் மனோரமா ஆச்சிக்கு பலபெயர்கள்] உள்ள தூய்மையான நட்பு. ஆயிரம் படங்கள் ஆண் பெண் நட்பை உயர்த்தி எடுத்துருந்தாலும் தமிழில் இவ்வளவு இயல்பாக ஆழமாக யாரும் எடுத்ததாக தெரியவில்லை.

கரகாட்டகாரன்

http://2.bp.blogspot.com/_AYP76Q8vkj8/SaKMh1ByY3I/AAAAAAAAASQ/DqH_rdejtAk/s400/karagaattakkaaran.jpg

88ல் பெரிய்ய்ய்ய்ய்ய்ய்ய வெற்றி பெற்ற படம். அதே போல் இரண்டு கலைஞர்கள். நாதஸ்வரத்தையம் நாட்டியத்தையும் ஒருங்கிணைத்து இருவரையும் நாட்டுப் புர கலையான கரகாட்டக் காரர்களாக மாற்றியிருப்பார்கள். அங்கே நாகேஷ் செய்த வேடத்தை இங்கே அக்கா கணவர் செய்வார். நாயகியை உள்ளூர் நாட்டாமைக்கு மணமுடித்து வைக்கப் பார்ப்பார். காதலர்கள் பிரிவுத்துயரைச் சந்தித்து போட்டு நடனம், பூமிதி நடணம் ஆடி கத்திக் குத்தெல்லாம் வாங்கி கடைசியில் சுபம்.

இந்தப் படத்தில் நகைச்சுவை சுவையாய் அமைந்து படத்திற்கு தூணாக நின்றது என்றே சொல்லலாம். வாழைப்பழ காமெடி, ஜப்பான்ல ஜாக்கி ஜான் கூப்டாஆஆக. அமெரிக்காவுல மைக்கேல் ஜாக்சன் கூப்டாஆஆக.. ஜோக்கெல்லாம் பரபரப்பானவை.




Gamesfather Video

அண்ணன் -தங்கை, அக்கா-தம்பி என்று கூறிக் கொண்டு பின்னாலில் கழுத்தில் மாலையுடன் வந்து நிற்கும் கலாசாரத்தை சன்னமாக சாடி இருப்பார்கள்.

படத்தில் ஒரு ப்ளஸ் பாயிண்ட் ஜோடியில் இருவரும் இளைஞர்கள், சினிமா கரகத்தை அழகாக ஆடினார்கள்.


சங்கமம்



ஏ.ஆர்.ரெகுமான் இசையில் எல்லா பாடல்களும் சூப்பர் ஹிட்டாக ஆன பின்னர் சுரேஷ் கிருஸ்ணாவின் இயக்கத்தில் 99ல் வந்தது. இதில் ஒருவர் நாட்டுப் புற ஆட்டக்காரர். {அது என்ன ஆட்டம் என்று தெளிவாய் தெரியவில்லை}. பெண்மணியோ பரதக் கலைஞர். இங்கேயும் ஈகோ வருகிறது. நடனப் பெண்மணிமேல் ஆசைப் படுகிறார். இங்கேயும் கத்திக் குத்து. சீனியர் ஆட்டக்காரரின் பிணத்தினை வைத்துக் கொண்டு தெருவில் ஆடி பரத கலைஞர் சம்பாதிக்கும் அதே அளவு பணத்தினை சம்பாதிக்கிறார். கடைசியில் என்னென்னமோ நடந்து சுபம்.

இது அதி பயங்கர தோல்வியை சந்தித்த படம். மேடையில் ஆடும் பரதம். எல்.கே.ஜி குழந்தை ஆடுவதைப் பார்ப்பது போல் பார்த்தால் மிக அழகாக இருக்கும் அதற்கு தகுந்த செட் எல்லாம் போட்டிருப்பார்கள். ரகுமாணும் தனது முழு உழைப்பைக் கொடுத்திருப்பார். ஏ.ஆர்.ஆர் முழு திறமையும் காட்டியிருப்பார்கள்.


முன்னதில் நலந்தானா.. இதி சௌக்கியமா...
மொத்தத்தில் ஆட்டம்

==================================================


ரீமேக் என்ற பெயர் இல்லாமல் வந்த மற்ற சில திரைப் படங்களையும் பற்றி அறிய இந்தச் சுட்டியை அழுத்துங்கள்





சுவாரசியமான பாடல் காட்சிகள்

கதையின் நாயகனுக்கும் நாயகனின் முறைப்பெண்ணுக்கும் திருமணப் பேச்சுக்கள் நடை பெறுகிறதுஇருவரும் ஒருவர்மேல் ஒருவர் மிகவும் அன்புடன் பாசத்துடன் இருப்பவர்கள்முறைப் பெண்னுக்கு இந்த திருமணத்தில் விருப்பம் இல்லை। ஆனால் மாமன்மகனின் ( நாயகனின்) மணம் வருத்தப் படுமே என்று தயங்கி தயங்கி ரொம்ப நிதானமாக
தாங்கள் மனம் வருந்தக் கூடாது। உங்கள் மீது மிகுந்த அன்பு பாசம், மரியாதை எல்லாம் வைத்துள்ளேன், ஆனால்......., ஆனால்..........., நான் நம்ம இன்ஸ்பெக்டர் செழியனை காதலிக்கிறேன்
மிகவும் தயங்கி பில்டப் கொடுத்து நாயகன் ஃபீல் பண்ணாம இருக்க ரொம்ப கஷ்டப் பட்டு டயலாக் பேசி சமாதானப் படுத்துவார்.


இந்த மாதிரி சூழலில் எவ்வளவு ஆழமான் சோகம் பிழிந்தெடுக்கும் பாடல் போட்டிருக்கலாம்। ஆனால் ஜாலியான ஒரு பாடலை போட்டிருப்பார்கள்। ஏன்னா நாயகனும் மாமன் மகளீன் தோழியை லவ்விட்டு இருப்பார்। அவரும் இதே மாதிரி ஃபீல் பண்ணுவார்।
அந்தப் பாடல் இதோ.....

நல்ல வேளை நான் பிழைத்து கொண்டேன்
என் காதலை உன்னிடம் அழைத்து வந்தேன்
நல்ல வாழ்வை நான் அமைத்து கொண்டேன்
அந்த வாழ்விலே உன்னையும் அணைத்து கொண்டேன்
(நல்ல வேளை )


நானே எழுதி நானே நடித்த
நாடகத்தில் ஒரு திருப்பம்
என்னை நம்பியிருந்தாள் அவள் நலம் அடைந்தாள்
என்றும் அது தானே என் விருப்பம்
எதிர் காலம் ஒன்று புது கோலம் கொண்டு
மனவாசல் தேடி வருமே
(நல்ல வேளை )


கண் மேல் பிறந்து கை மேல் முடியும்
கதையில் என்ன தயக்கம்
மலர் கட்டில் அறையில் அன்று கிட்டும் வரையில்
சொல்லும் காவியத்தில் வரும் மயக்கம்
ஒரு பாதி அங்கும் மறு பாதி இங்கும்
சரி பாதி இங்கு வருமே
(நல்ல வேளை )


மடி மேல் துயிலும் கொடி போல் துவளும்
பேரழகை படம் பிடித்தேன்
அந்த பட்டு முகத்தை இந்த சுட்டு விரலால்
தொட்டு பார்க்கையிலே உயிர் துடித்தேன்
காதல் போன்ற உள்ளம் கரை மீறி துள்ளும்
உடல் சேரும் எண்ணம் வருமே
(நல்ல வேளை )

Saturday, December 6, 2008

எனக்கொரு குவாட்டர் வேண்டுமடி..

வேலன் தொடர்ந்து யோசித்துக் கொண்டிருந்தான்। இன்று தண்ணியடித்தே தீருவது என்ற முடிவில் இருந்தான்। ரூம்மேட் சரக்கு வாங்கி வர சென்றிருந்தான்।
என்ன பிரச்சனை அவனுக்கு। பெரும்பாலான பசங்களுக்கு வருவதுதான்। பவித்ரா அவனை காதலிக்க முடியாது என்று கூறி விட்டிருந்தாள்। அதனால் தண்ணியடித்தே தீருவது என்ற முடிவில் இருந்தான்।
Photobucket




சென்ற மாதமும் இப்படித்தான்। தேர்வில் மதிப்பெண் குறைந்து விட்டதால் தண்ணியடிக்க
நினைத்தான்। அவன் வீடு ஞாபகம் வந்தது அவனது வீட்டில் யாருமே தண்ணியடிக்கும் வழக்கம்
கிடையாது। தூரத்து உறவினர் ஒருவர் தண்ணியடிக்கும் வழ்க்கம் உள்ளவர் ஒருநாள்
அப்பாவைப் பார்க்க வீட்டிற்கு வந்திருந்தார்। வரும்போது போதை எல்லாம் கிடையாது।
அதற்கே தாத்தா கொதித்து எழுந்து விட்டார்। குடிகார நாயுடன் எல்லாம் என்ன உனக்கு
பழக்கம் என்று அப்பாவை தாளித்து எடுத்து விட்டார்। அதை நினைத்த உடனே வியர்த்து
ஒழுகிவிட்டது। அப்புறம் எங்கே தண்ணியடிப்பது । வாங்கி வைத்த சரக்கெல்லாம்
ரூம்மேட் தான் அடித்தான்।





ஆறு மாதத்திற்கு முன் இப்படித்தான் வகுப்பு மாணவிகள் மைதானத்திற்கு வந்திருந்தனர்। கிரிக்கெட் போட்டி நடந்து கொண்டிருந்தது। வேலன் டக் அவுட்। அவமானம் பிடுங்கி கொண்டுவந்தது। தண்ணியடிக்க நினைத்தான்। காசில்லை। அருகில் உள்ள நகரில் சித்தப்பா போலிசாக இருந்தார்। அவரிடம் போய் ஏதாவது காரணம் சொல்லி காசு வாங்கி வரலாம் என்று । வீட்டில் சித்தப்பாவுக்கும் சித்திக்கும் சண்டை சித்தப்பா வீட்டில் சிகரெட் பிடித்தாராம்। பார்த்தால் பிள்ளைகள் கெட்டுவிடும் என்று கூறி சண்டை। சிகறெட்டிற்கே இப்படி என்றால் தண்ணியடிக்க ...................... பயந்துபோய் வந்துவிட்டான்।



டி।வி।யில் ஒரு சினிமா விளம்பரம் ஓடிக் கொண்டிருந்தது। எதோ சாமி திருவிழா॥ சாராயம்
சாமிக்கு பிடித்ததாம் அதனால் அதற்கு கணக்குப் பார்க்க கூடாதாம்। சேய் நம்ம ஊரும்
தான் இருக்கிறதே........................



சைடி டிஷ் எல்லாம் ரெடி செய்து விட்டாயிற்று। செல்ஃபோன் சிணுங்கியது। பார்த்தான் பவித்ராதான்। ஒரு சப்பை ஃபிகர் மாட்டேன் என்று சொல்லிவிட்டாள்। எடுக்கலாமா வேண்டாமா ................................ யோசித்துக் கொண்டே இருந்தான்। ரூம் மேட் வரட்டும் । தண்ணியப் போட்டு விட்டு ஃபோனை போட்டு அவ நாக்கப் புடுங்கற மாதிரி கேள்வி கேட்க வேண்டும்। அவ மூஞ்சிய கண்ணாடியில் பார்த்திருப்பாளா.... பொங்கிக் கொண்டு வந்தது।




ரூம்மேட் வேறு இன்னும் காணவில்லை। அதற்குள் பவித்ரா நான்குமுறை ஃபோன்போட்டு
விட்டாள்। சரி பேசித்தொலைப்போம்। ஏற்கனவே யோசித்து வைத்த வசனங்களை ஒரு முறை
ரிகர்சல் பார்த்துக் கொண்டான்। ஃபோனை ஆன் செய்த உடன் காதில் வைத்தான்। பேச
நினைத்தான்। அந்த முனை பேசிக் கொண்டே இருந்தது। ஏதோ சொல்ல ஆரம்பித்தான்।
சிலவார்த்தைகள் பேசபேச மீண்டும் அந்தமுனை பேசிக்கொண்டே இருந்தது। கடைசியில் சோகமாக சரி என்று சொல்லி
முடித்தான்। ரூம்மேட் வந்தான்।



மச்சி......... வேலன் சோகமாக ஆரம்பித்தான்। கவலைய விடுரா இந்த பொம்பளங்களே இப்படித்தான் சிவப்பு ரோஜாக்கள் ஸ்டைலில் சொல்லிக் கொண்டே பரப்பி வைக்க ஆரம்பித்தான்।


இல்லடா। பவி இப்ப பேசிச்சு......................

சரி।


அவளுக்கு ஓ।கே।வாம்।


சரி விடுடா .................. வழக்கம்போல் நானே குடிக்கறேன்। உனக்கு சேத்தி வாங்கி உனக்கும் சேத்து தண்ணியடிக்கறது பழகி போன விஷயம் தானே॥ ரூம் மேட் சொல்லிக் கொண்டே ஊற்ற ஆரம்பித்தான்॥




இல்லடா... இந்த சந்தோஷத்த எல்லாரும் தண்ணியடிச்சு கொண்டாடுவோம்டா என்று சொல்லிக்
கொண்டே வேலணும் தண்ணியடிக்க ஆரம்பித்தான்.



இது ஒரு மீள்பதிவு
வழக்கம்போல் தமிழ்மண மேல்நோக்கிய கட்டைவிரலிலும், தமிழீஷிலும் க்ளிக் செய்து விடுங்கள்

Friday, December 5, 2008

உலக தொலைக்காட்சி வரலாற்றில் முதன்முறையாக ராஜ் டி.வி.யில் நாளை..,

கல்லூரியில் படித்துக் கொண்டிருந்தபோது ஒரு சீனியர் இருந்தார்। அவரது காரில் சூப்பராய் ஒரு ஆடியோ சிஸ்டம் இருந்தது। அவர் தேர்வெழுதப் போவது தனி அழகாய் இருக்கும் காரில் செல்வதால் சில நண்பர்களும் செல்வார்கள்। பாட்டு ஒன்று ஓடிக்கொண்டிருக்கும்। அந்தப் பாட்டு






நமது வெற்றியை நாளை சரித்திரம் சொல்லும்।
இப்படை தோற்கின் எப்படை வெல்லும்

சீர்காழி கோவிந்தராஜன் அவர்களின் வெண்கலக் குரலில் ஒலித்துக் கொண்டிருக்கும்।


மிகவும் ஜாலியாக தேர்வுகளுக்குச் செல்வார்।



அதன் பிறகு ஒருமுறை கே।ஜி। திரையரங்கில் அந்தப் படத்தை பார்க்க நேரிட்டது। அப்போதெல்லாம் தீபாவளிக்கு முந்தைய வாரங்களில் பழைய படங்களைப் போடுவார்கள்।அந்த சூழலில் நாங்கள் காலை காட்சிக்கு சென்றிருந்தோம். படத்தின் துவக்கமே அந்தப் பாடலோடுதான் துவங்குகிறது. வெற்றி என்ற வார்த்தைகளோடு விஞ்ஞானி முருகன் தனது கண்டுபிடிப்பினை செயலருக்குச் சொல்கிறார். வழக்கம்போல் இளமையான பெண் செயலர். வில்லனின் கையாள்,




ஒரு சிறிய குப்பியில் சூரிய சக்தியை அடைத்து வைத்து மாபெரும் அழிவு சக்தியாக அந்த கண்டுபிடிப்பு அமைகிறது. அதனை விஞ்ஞானிகளின் மாநாட்டில் நிரூபித்துவிட்டு அந்த கண்டுபிடிப்பு காகிதங்களை எரித்துவிடுகிறார். [உலக சமாதானம்]. ஆக்க சக்திக்கு ஆராய்ச்சியை தொடங்கப் போவதாக கூறிவிட்டு சுற்றுலா செல்கிறார். நீ இல்லாம ஜாலியா என்று கூறிவிட்டு நாயகியுடன் டூயடபோடுகிறார். பாடல் முடிவில் கொடியவகைத் துப்பாக்கியில் சுடப் படுகிறார். வில்லன் குலாம் அவரை கடத்தி செல்கிறது.

ஒரு வித்தியாசமான முன்னோட்டக்காட்சிகள் கண்டிப்பாக பார்க்க வேண்டியவை. ஒலி குறைவாக இருப்பதாக நினைப்பவர்கள் நீங்களே கூடுதலாக்கிக் கொள்ளலாம்




ஒரு ஓட்டலில் நடக்கும் துப்பாக்கி சாகஸ நிகழ்ச்சியில் குளிர் பாணம் குடித்துக் கொண்டே சுட்டு விஞ்ஞானியின் செயலரை தோற்கடித்து அறிமுகமாகிறார் ரகசிய உளவாளி ராஜூ. ( இரட்டை வேடம் பாஸூ)




விஞ்ஞானியின் காதலியை சந்தித்து ரகசிய காகிதங்களின் நகல் இருக்கும் இடங்களை தெரிந்துகொண்டு காகிதங்களையும் விஞ்ஞானியையும் மீட்க புறப் படுகிறார்.




காதலியை பலாத்காரம் செய்ய முயலும்போது விஞ்ஞானி மெதுவாக பல திரவங்களைப் போட்டு ஆராய்ச்சி செய்து கொண்டிருப்பது தமிழுக்கு கண்டிப்பாக இன்றுவரை புதுசுதான். ஆராய்ச்சியின் முடிவில் வெடிபொருளைத் தயாரித்து காதலியை மீட்பார். கையுறையெல்லாம் அணிந்து கொண்டு ஆராய்ச்சி செய்வார். புத்தர் சிலையைப் பார்த்த உடன் சித்தம் தெளிந்து விட்டதாக கூறுவார்.




புத்த மடத்தில் ரகசிய காகிதங்களின் ஒரு பகுதியை கைப் பற்ற போகும்போது வில்லனின் அடியாள் அங்கு காத்திருக்க, ராஜூ அடியோ அடி என்று அடிவாங்குவார் வெளியே வந்தவுடன் புனிதமான இடத்தில் சண்டை போட விரும்பவில்லை என்று கூறி திரும்ப அடித்து....................... மத நல்லிணக்கத்தை காப்பாற்றுவார்




ஹாங்காங் கடலில் இருக்கும் ஒரு நபரை சந்திக்கும்போது அந்த வீட்டில் இருக்கும் பெண் ராஜூவுடன் டூயட் கனவில் பாடி விடுவார். அடுத்த நாள் அந்தப் பெண்ணை அழைத்து தன் காதலியை இவதான் உண் அண்ணி என்று அறிமுகப் படுத்துவார். அப்போது அந்தப் பெண் பார்ப்பாரே ஒரு பார்வை போயும்போயும் இவளையா பார்வையிலேயே சொல்லிவிடுவார்.






ஒரு பாடலை முழுக்க முழுக்க நீருக்கடியில் எடுத்திருப்பார்கள். சில க்ளோசப் காட்சிகளைப் பயன்படுத்தி டூப் பயன்படுத்தி இருப்பார்களாஇல்லை உண்மையில் நம்ம ஆளுங்கதானா என்ற சந்தேகம் ஏற்படுத்தும் வகையில் நீருக்கடியில் நடணத்தை அமைத்திருப்பார்கள்.




மற்றொரு பாடலில் காலுக்கு அடியில் விமாணம் பறக்கும். நாயகிகள் கவர்ச்சியில் ஜொலிப்பார்கள்.




கட்டைவிரலை மட்டுமே பயன்படுத்தி சண்டை போடுவதாகக்கூட அமைத்திருப்பார்கள்.




பெரிய பெரிய நாய்களுடன் வில்லன் வந்து வம்புக்கு இளுக்கும் போது நாயோட திறமைய அப்புறம் பாரு என்னோட திறமைய இப்ப பாரு என்று ஒரே ஜம்ப்பில் வெளியே வந்து .................................. என்ன சொல்ல










தொழில்நுட்ப பூங்காவில் ஒரு சுற்று சுற்றி.............. கடைசியில் பாட்டெல்லாம் பாடி கண்டு பிடிக்க ஸ்கேட்டிங் எல்லாம் செய்து சண்டை போட்டு கடைசியில் சுபம்.










இருப்பத்தைந்து ஆண்டுகள் கழித்து பார்த்தபோது கூட எங்களுக்கு இனித்த கமர்சியல் பாயசம். இந்த தீபாவளிக்கு ரீ ரிலீஸ் ஆகி ஒரு கலக்கி விட்டது . இரண்டுபேர் இந்த படத்தை தமிழில் ரீ மேக்கிக் கொண்டு இருக்குறார்களாம்.


இது ஒரு மீள்பதிவு
-------------------------

இந்தப் படத்தின் முடிவில் எமது அடுத்த வெளியீடு
கிழக்காப்பிரிக்க தீவில் ராஜூ
என்ற விளம்பரப் பலகை இடம் பெறும். விஜயக் காந்த் கூட இதே பெயரில்தான் அடுத்த படம் எடுக்க இருக்கிறாராம்.

===================================================
தீபாவளியன்று உலகத்தொலைக்காட்சி வ்ரலாற்றில் முத்ன்முறையாக ராஜ் டி.வி.யில் இந்தப் படம் ஒளி பரப்பப் படுகிறதாம். பார்த்து ரசியுங்களேன்
=============================================================
இப்போது இது மீள்பதிவு , தீபாவளியன்று படம் பார்த்துவிட்டீர்களா?

==================================================

வருகைக்கு நன்றி, அப்படியே தமிழ்மணம், தமிழீஷ் ஆகியவற்றில் ஓட்டுப் போட்டுவிடுங்கள்.

Wednesday, December 3, 2008

தற்கொலையின் விளிம்பில்...........................

தற்கொலை செய்து கொள்பவர்கள் எழுதிய கடிதத்தை படித்தோ நண்பர்கள் சொல்லும் காரணங்களையோ கேட்டால் அனைவருக்கும் பரிதாபத்துடன் ஒரு சிரிப்பு தோன்றும்। இந்தப் பிரச்சனைகள் நமக்கும்தானே இருக்கின்றன। அப்புறம் ஏன் இவர்கள் மட்டும் தற்கொலை முடிவை தேடிகிறார்கள்। மனவலிமை இல்லாதவர்கள்தான் தற்கொலை செய்து கொள்வார்கள் என்றால் அதனையும் யாரும் ஏற்க மாட்டார்கள்। அதற்குத்தான் அதிகமான மனவலிமை அதிகம் தேவை என்றும் சொல்லிக் கொள்வார்கள்। புள்ளிவிவரங்களைப் பார்த்தால் அதிகமாய் தற்கொலைக்கு முயற்சி செய்பவர்கள் பெண்களாகவும், அதில் வெற்றி பெருபவர்கள் ஆண்களாகவும் அமைகிறார்கள்।



முதற்காரணம் குறிப்பிட்ட சம்பவத்திக் காரணமான நிகழ்ச்சி நடைபெற்ற பின் மற்றவர்களை எதிர்கொள்வதை அவர்கள் தவிர்க்கப் பார்க்கிறார்கள்। உடனடியாக அந்த முடிவை எடுக்கிறார்கள்। பெரும்பாலும் இந்த எண்ணம் உடனடியாகவே ஏற்படுகிறது। இந்த எண்ணம் பெரும்பாலும் வெகு காலத்திற்கு முன்னரே ஏற்பட்டு குறிப்பிட்ட சம்பவம் தூண்டுகோளாக அமைகிறது।



இன்னொரு வகையினர் உடனிருப்பவர்களை பயமுறுத்துவதற்காக செய்வது இதில் அவர்கள் வெற்றியடைகிறார்கள்। அதாவது தோல்வியடைந்தால் அதில் வெற்றியாகவும் வெற்றியடைந்தால் அது தோல்வியாகவும் அமைகிறது। இதில் ஒரு வகையினர் ஒன்றுமே செய்யாமல் செய்து விட்டதாக சொல்லி ரகளை பண்ணுவார்கள்। இவர்களுக்கு கிராமத்தில் கொடுக்கும் மருந்து சிறப்பாக அமையும்



(...............................................................................................................) இன்னொருமுறையில் தளபதி ரஜினியை அடிப்பது போல் முழங்காலில் நிற்க வைத்து கைகளை பின்னால் கட்டி வைத்து வாந்தி எடுக்க வைத்தால் இரண்டாம் முறை முயற்சிக்கும் எண்ணமே தோன்றாமல் போய்விடும்



இன்னொரு வகை। நோய்வாய் பட்ட நிலையிலும் மற்றவர்களால் கைவிடப் பட்டநிலையிலும் எடுக்கப் படும் முடிவு। இதற்கு என்ன தீர்வு என்பது உங்கள் அனைவருக்குமே தெரியும்।


சில நாட்களுக்கு முன் ஒரு செய்தி பத்திரிக்கைகளில் வந்தது, மூன்றாம் முறையாக பெண்குழந்தை பிறந்ததால் ஒருவர் தற்கொலை செய்து கொண்டார்। இவர் எந்த உணர்வில் தற்கொலை செய்திருப்பார் என்று ஏதாவது தெரிகிறதா............................


இதி விடுபட்ட கருத்துக்களை பின்னூட்டமாகக்கொடுங்களேன்

Monday, December 1, 2008

நான்கு வகை பில்லா(டான்)கள்

அடிபிறழாமல் எழுதுக என்று தமிழ் பாடத்தில் கேட்பார்கள்। அது போல் அமைந்த படங்கள்தான்। அமிதாப்பின் டான்ம் ரஜினியின் பில்லாவும்।


தான் வளர்க்கும் குழந்தைகளுக்காக தன் உயிரையே பணயம் வைத்து உலகத்தையே அச்சுறுத்தும் கடத்தல் கூட்டத்தைப் பிடிக்க உதவும் தெருப்பாடகன் ராஜாவின் கதைதான் பில்லா॥ அதுதான் டான்। அமிதாப்பின் படத்தில் இருக்கும் கதை திரைக்கதை, கதாப்பாத்திரங்களின் உடைகள் பெயர்கள் அனைத்தும் ஒரே மாதிரி அமைத்திருப்பார்கள்। ரஜினிக்கு மட்டும் பில்லா என்று பெயர் வைத்து இருப்பார்கள்। யார் கொடுத்த யோசனையோ॥ தேங்காய் சீனிவாசன் கதாபாத்திரம் ப்ளாஷ்பேக் மற்றும் உடைகள் அனைத்தும் மறுபதிப்பு செய்யப் பட்ட படம் தான் பில்லா। டான் மேல் ரசிகர்களுக்கு ஏற்படும் மலைப்பும் அப்பாவி ராஜாமேல் ஏற்படும் பரிதாபமும், ரசிகர்களின் அனுதாபமும்... தப்பிக்க அவரது முயற்சிகளுக்கு ரசிகர்களின் விசில்களும் இரண்டின் வெற்றிக்குக் காரணமாய் அமைந்தன। பில்லாவின் வெற்றிக்கு இன்னொரு காரணமும் உண்டு। அது பெரும்பாலான தமிழ்ரசிகர்களுக்கு டான் ப்ற்றி தெரியாததும், தெரிந்தவர்கள் பார்க்க முடியாததுமே..........



இருபத்தைந்து ஆண்டுகள் கழித்து ஷாரூக் கான் ரீமேக் செய்கிறார்। திரைக்கதையில் புதுமைகள் புகுத்த முற்படுகிறார்கள்। ஆனால் கதையிலேயே லேசான திருத்தங்கள் செய்யப் படுகின்றன। கதையில் ஏற்படுத்தும் சின்ன மாறுதல் எவ்வாறு கதையையே மாற்றீ விடுகிறது என்பதனை ஏற்கனவே பார்த்துள்ளோம்। விரும்புவர்கள் இந்தச் சுட்டியில் மீண்டும் பார்த்துக் கொள்ளலாம்.



ஷாரூக்கினை ஆள்மாறாட்டத்திற்கு அனுப்பியவர்தான் கொள்ளைக் கூட்டத்தலைவன் என்னும்போது ஷாருக் மட்டுமல்ல நாம்கூட குழம்பி விடுகிறோம்। ஷாரூக் கொஞ்சம் யோசித்து ஒரு காரணம் கண்டு பிடித்து அப்படித்தான் இருக்கும் என்று சொல்லிக் கொள்ளும்போது நம் மணம் அதை ஏற்க மறுக்கிறது। இருந்தாலும் படம் பிரமாண்டமாகச் செல்லும் போது அடுத்த கட்டத்திற்கு செல்லும்போது நாமும் சென்று விடுகிறோம்। இந்திய சினிமாக்களுக்கு லாஜிக் தேவையில்லை என்பது மற்றொரு முறை நிரூபணமாகிறது।



அடுத்து வைப்பதுதான் பெரிய ஆப்பு ரசிகனுக்கு வைப்பதாக நினைத்து தனக்குத்தானே வைத்துக் கொண்டது। கடைசியில் உயிருடன் இருப்பது ஒரிஜினல் டான் தானாம்। அப்பாவியை அவன் கொண்று விட்டதாக காட்டும்போது ரசிகர்களுக்கு ஏமாற்றமே..... மும்பை தாதாக்கள் வெற்றி பெறுவதாக அமைக்கப் படும் கதைகளுக்கு வைக்கப் பட்ட பெரிய ஆப்பாகவே கருத வேண்டும்। பாஷாவின் உயிரைக் காப்பற்றியது போல் டானைக் காப்பற்றியது ரசிகற்களுக்கு சுத்தமாக பிடிக்கவில்லை। இரண்டாம் முறை பார்க்கும் ரசிகர்களுக்கு படத்தில் வரும் திருப்பங்கள் உப்புச் ச்ப்பில்லாமல் அமைகின்றன। பாஷாவில் கதை தெரிந்தவர்களுக்கு பாஷா எப்பொது பொங்கி எழுவார் என்பது தெரிந்தாலும் ஒரு ஆர்வம் அதிகரித்துக் கொண்டே போகும்। இதில் தெரிந்து விட்டதால் தேவையில்லாமல் டான் ஓடி ஒளிவதாகத் தோன்றும் ஒரு தமாஷாக அமைந்திருக்கும்।



இதே நிலைதான் கொடி பற்க்குது படத்துக்கும் ஏற்பட்டது। விக் வைத்த, விக் வைக்காத ரஜினிகள் மாறீ மாறி சவால் விடும்போது ஏற்படும் த்ரில் இருவரும் ஒரே ஆள் என்பது தெரிந்தபின் சப் பென்று ஆகிவிடுகிறது। இரண்டாம் முறை பார்க்கும்போது த்மாஷு தமாஷு.....



ஒட்டு மொத்தத்தில் டான் (ஷாருக்) எல்லாத்தையும் ஏமாத்திடுச்சு


அஜித்தின் பில்லாவின் வெற்றிக்கு ரஜினியின் பில்லாவும் ஒரு காரணம்। திரைக்கதையில் துணைப் பாத்திரங்களை மட்டும் வெட்டி விட்டு ஒரு ஆங்கில டப்பிங் படம் பார்ப்பது போன்ற தோற்றத்தை ஏற்படுத்தி இருப்பார்கள்। இதற்கு நயன் மற்றும் நமீ ஆகியோரின் உதவி பெரும் பங்கு வகிப்பார்கள்। மொத்தத்தில் ஷாரூக் தோற்றதால் அஜித் வென்றார் என்றே சொல்லலாம்।


மறக்காமல் மேல் நோக்கிய தமிழ்மண கட்டை விரலிலும், தமிழிஷிலும் க்ளிக் செய்து விடுங்கள்.

Thursday, November 27, 2008

நிலைகெட்டுப் போன நயவஞ்சகனின்................

உலகில் புதிது புதிதாக பல ஆயுதங்களும் அதனை எவ்விதம் அழிவுப் பாதையில் செலுத்துவது என்பது பற்றியும் பலரும் ரூம் போட்டு யோசித்து வருகிறார்கள்..


இதற்காக தனியாக சம்பளம் வேறு கொடுக்கிறார்கள். காமிக்ஸ்களில் இதற்கென்றே தனியாக விஞ்ஞானிகளும் இருப்பதாக காட்டுவார்கள். அவர்களுக்கு ரசிகர் கூட்டமும் அதிகம். காமிக்ஸ் பற்றிய இணைய தளங்களே இவர்கள் பெயரில்தான் நடத்தப் படுடின்றன. என்பதே மக்கள் இவர்களை எவ்வாறு கவர்ந்துள்ளார்கள் என்பதற்கு உதாரணமாக அமைகின்றன.



ஆனால் உலகத்தின் அதிபயங்கர ஆயுதம் என்னவென்பதனை உலகலந்த தமிழ் சமுதாயம் ஏற்கன்வே கண்டறிந்து விட்டார்கள். பழைய பாடல் ஒன்றினைக் கேட்க நேர்ந்தது. அதில்தான் இதைப் பற்றி பேசுகிறார்கள். நிலைகெட்டுப் போன நயவஞ்சகனின் நாக்குதான் உலகத்தில் பயங்கர ஆயுதம்.



பில்டப் பாருங்கள். வெருமனே நாக்கு என்று கூறினாலே தத்துவார்த்தமாக ஏற்றுக் கொள்வார்கள். கவிஞர் அதனை இன்னும் கூர்படுத்துகிறார், (மிகைப் படுத்துவதாக சொன்னால் ஏற்க முடியாது)



வஞ்சக எண்ணம் கொண்டவனின் நாக்கினைச் சொல்லுகிறார். அவனும் நயவஞ்சகனாக இருக்கிறான். அவனும் தன்னிலை தவறியவனாக இருக்கிறான். அவனது பேச்சுக்களைப் போன்ற அழிவு தரக்கூடிய ஆயுதம் உலகத்தில் வேறெதுவும் கிடையாது.



நாட்டில், உலகத்தில் நடைபெறும் பல்வேறு நிகழ்ச்சிகளைப் பார்க்கும்போதும் அதன் தொடர்ச்சியாக பலரும் பல்வேறு விதங்களீல் பேசுவதைப் பார்க்கும் போதும் அணு ஆயுதங்களை விட கொடிய நிகழ்வுகள் இதனை வாய்க்கு வந்த படி பேசுவதால் ஏற்படுகிறது என்பதனை உணர வேண்டும். அன்றே சொன்னவன் தமிழன் என்பதனை தமிழ் கூறும் நல்லுலம் உணர வேண்டும். ஊருக்கும் சொல்ல வேண்டும்.




மறக்காமல் தமிழீஸிலும், உயர்த்திப் பிடித்த தமிழ்மணக் கட்டை விரலிலும் கிளிக் செய்து விடுங்கள்

Tuesday, November 25, 2008

ஒரே கதை தனித்தனிப் படங்களின் ஹீரோக்களாக அஜித், வடிவேலு

50 களில் வெளிவந்த படம் உத்தமபுத்திரன். இரட்டைக் குழந்தைகளில் ஒன்றை கடத்தி விடுகிறார்கள். ஒரு குழந்தை மாமன் கட்டுப் பாட்டில், நாடும் மாமன் கையில் இருக்கிறது. நடுவில் ஆள்மாறாட்டம் நடக்கிறது. பிரிந்து இருக்கும் குழந்தை வளர்ந்தபின் அரண்மனைக்குள் வருகிறார். பல திருப்பங்களுக்குப் பின் மாமன் திருந்தி சகோதரர்கள் ஒன்று சேர சுபம்.




60களில் வந்த படம் எங்க வீட்டுப் பிள்ளை. ராஜா கதை ஜமீந்தார் கதையாகி நவீனப் படுகிறது. 20ம் நூற்றாண்டுக் கதையாய் மாறி வெளிவருகிறது.





சில ஆண்டுகள் கழித்து கதை இன்னும் நவீனப் படுகிறது. தொலைந்து போன குழந்தை வில்லன் கட்டுப் பாட்டில் வளர்கிறார். திருடனாக வளர்கிறது. பின்னர் ஆள்மாறாட்டம். தந்தையைக் கொண்றவனை சகோதரர்கள் ஒன்று சேர்ந்து பழிவாங்கி கடைசியில் சுபம். குடியிருந்த கோவில்





மூன்றிலுமே நம்பியார் கட்டுப் பாட்டில்தான் ஹீரோ.




அடுத்த கட்டத்தில் இன்னும் ந்வீனப் படுகிறது. சென்ற படத்தில் வில்லனைப் பிடிக்க ஆள்மாறாட்டம் நடக்கிறது. இதில் கொள்ளை அடிக்க உருவ ஒற்றுமையை பயன்படுத்துகிறார் வில்லன்(ஹீரோ). நினைத்ததை முடிப்பவன்.




கொள்ளை என்ற அளவில் இருந்த கதை கொலைக்குச் செல்கிறது. ஒருவர் கொலைக் குற்றம் சாட்டப் பட அடுத்தவர் ஆள்மாறாட்டம் செய்து ஹீரோவைக் காப்பாற்றுகிறார். சிவாஜியின் உன்னைப் போல் ஒருவன்.




ஆள்மாறாட்டம் செய்யும் ஹீரோவைக் காப்பாற்ற வரும் குப்பத்து இளைஞனாக ரஜினி தோன்ற போக்கிரி ராஜா.



மீண்டும் பின்னோக்கிச் சென்று மாற்றங்கள் ஏற்படுகிறது. வில்லனைப் பிடிக்க ஆள்மாறாட்டம் உபயோகப் படுத்தப் படுகிறது. ஆள்மாறாட்டம் செய்த அதிகாரி இறந்துவிட கதை பில்லா.




போக்கிரி ராஜாவில் இருவரும் சகோதாரர்களாக மாறுகிறார்கள். ஒருவர் வெளியூரிலிருந்து கிராமத்திற்கு வந்து சகோதரனைக் காப்பாற்ற உழவன் மகன்.




கொலைக்குற்றத்தை போதைப் பழக்கமாக மாற்ற வருகிறது. தூங்காதே தம்பி தூங்காதே.




சரி தலைப்புக்கு வருவோம். உத்தம புத்திரன் 23ம் புலிகேசியாகவும் ( அது எவ்வாறு அமைந்துள்ளது என விளக்கும் சுட்டி  இது) பில்லா, பிற்காலத்தில் பில்லா2007ஆக வந்ததல்லவா. அதுதான் மேலே தலைப்பு.




மற்க்காமல் தமிழ் மண கட்டைவிரலிலும். தமிழிலீஸிலும் கிளிக் செய்யுங்கள்

Monday, November 24, 2008

தந்தை-மகன் சினிமாக்கள்.

இப்போது தந்தை மகன் கதைகள் புதிது புதிதாக வந்து கொண்டு இருக்கின்றன். இந்த படங்கள் முடிந்த பின் உங்கள் தந்தையை நினைத்துப் பாருங்கள் என்று மிரட்டல் வேறு விடுகிறார்கள். ஆனால் மிரட்டல் விடாமல் வந்த தமிழ் படங்களைப் பார்க்கலாம்.

மூன்று முகம்.
அலெக்ஸ் பாண்டியனைக் கொன்றவனை ம்கன் ரஜினிகள் போட்டி போட்டுக் கொண்டு கொலை செய்யும் படம் ஒரு ரஜினி அ.பா.வின் மறு பிறவியா? என நினைக்கும் வகையில் எடுக்கப் பட்டிருக்கும். மசலா படம் என்றாலும் ரஜினியின் மாறுபட்ட வேடங்களில் திறமை காட்டியிருப்பார்.

கடல் மீன்கள்.
தந்தையை மகன் பழிவாங்கும் படம். பண்பாட்டை வேறு கட்டிக் காப்பாற்ற பெரும் முயற்சி எடுக்கப் பட்டிருக்கும். கடைசியில் அப்பா அம்மா ஆகியோர் ஜலசமாதி அடைந்து விடுகிறார்கள். உழைப்பிற்கு உதாரணம் ஆன அப்பா, கமலின் உழைப்பைக்கும் எடுத்துக் காட்டும் முயற்சி.

முத்து
அப்பாவை தெய்வமாக காட்டி மகனை பக்தனாகக் காட்டி ரஜினியை வணங்கும் ரசிகர்களுக்கு விடுகதை போட்டு காலத்தின் கையில் பொறுப்பை ஒப்படத்த படம்.

அருணாச்சலம்
அப்பா சொன்னார் மகன் முடிப்பார் என எடுக்கப் பட்ட படம். மகன் எப்படி முடித்தார் என்று எல்லாருக்கும் தெரியும். இந்தப படம் பார்க்கும் போது கூட தந்தையின் ஞாபகம் வரலாம்

இந்தியன்
அப்பா மகன் தானே.... ஒவ்வொரு மகனும் நினைத்திருக்கலாம். எங்க அப்பா சுதந்திரப் போராட்ட வீரர் அட்டை வைத்திருந்தால் ரிசர்வேசன் கிடைக்கும் என்று. கடைசியில் பயந்திருக்கலாம்.

வானத்தைப்போல....
படம் பார்க்கும் வரை அப்பா என்றே நினைக்க வைத்த படம். அப்பானா இவர் அப்பா என சொல்ல நினைத்து அண்ணா என்று சொல்ல வைத்த படம்.

சூரிய வம்சம்.
அமிதாப் பச்சனையே அப்பாவை நினைத்து கண்கலங்க வைத்த படம். பிறகு ரீமேக் கில் நடித்தும் கண் கலங்கினார்.

தியாகம் செய்தே கலங்கடித்த அப்பாக்களுக்கு மத்தியில் கட்சி ஆரம்பிக்க கூப்பிட்ட அமைதிப் படை அப்பாவும் உண்டு.

ஆக சினிமாவில் அப்பாக்கள் ஆயிரம்.

Thursday, November 20, 2008

ரீமேக் சுவடே இல்லாத தமிழ் திரைப்படங்கள்

  • இன்று பழைய படங்கள் பலவற்றை ரீமேக் செய்வதைப் பார்க்கிறோம். சில படங்களை இன்ஸ்பிரேசன் என்று கூறுவார்கள். ஆனால் 80 களில் வெளீயான சில திரைப் படங்கள் அதற்கு முந்தைய கால படங்களீன் ரீமேக், ஆனால் புதிதாக வந்தது போல் வந்தன்.



  • 1.புதுமைப் பித்தன் VS நானும் ஒரு தொழிலாளி

  • MGRன் படத்தில் தந்தை மன்னர். மகன் வெளி நாடு சுற்றுப் பயணத்தில் இருக்கும் போது அவர் இறந்து விட்டதாக கதைகட்டி அவரை மறைத்து வைத்து பத்திரத்தில் கையொப்பம் கேட்டு கொடுமைப் படுத்துகின்றனர். மகன் வந்து மாறுவேடத்தில் மறைந்திருந்து உண்மைக் கண்டறிகிறார்.

  • நானும் ஒரு தொழிலாளீயில் தந்தை முதலாளி. மகன் வெளி நாடு சுற்றுப் பயணத்தில் இருக்கும் போது அவர் இறந்து விட்டதாக கதைகட்டி அவரை மறைத்து வைத்து பத்திரத்தில் கையொப்பம் கேட்டு கொடுமைப் படுத்துகின்றனர். மகன் வந்து மாறுவேடத்தில் மறைந்திருந்து உண்மைக் கண்டறிகிறார்.



  • 2.பெரிய இடத்துப் பெண் & சகலகலாவல்லவன்

    பெ. இ. பெ.வில் நாயகன் கிராமத்தான்.குடுமிக்காரன், பட்டணத்துக் குடும்பம் வருகிற்து. அவரது முறைப் பெண்ணை ஏமாற்றி கல்யாணம் செய்கிறார்கள். அக்காவை சீரழித்து விடுகிறார்கள். நாயகன் குடுமை வெட்டி ஸ்டைலாக நகரத்திற்கு சென்று அந்த்க் குடும்பப் பெண்ணை திருமணம் செய்து கொண்டு உண்மைகளை கண்டறிந்து ஊருக்கு உணர்த்துகிறார்

  • ச.க.வ..வில் நாயகன் கிராமத்தான்.குடுமிக்காரன், பட்டணத்துக் குடும்பம் வருகிற்து. அவரது சொத்தை ஏமாற்றி விடுகிறார்கள். தங்கைவயை சீரழித்து விடுகிறார்கள். நாயகன் குடுமை வெட்டி ஸ்டைலாக நகரத்திற்கு சென்று அந்த்க் குடும்பப் பெண்ணை திருமணம் செய்து கொண்டு த்ங்கைக்கும் வாழ்க்கைக்கும் உறுதி செய்து உண்மைகளை கண்டறிந்து ஊருக்கு உணர்த்துகிறார்.

  • அன்று வந்ததும் அதே நிலா பாடல் இன்று வந்தபோது இளமை இதோ, இதோ



  • 3.படிக்காத மேதை & பேர் சொல்லும் பிள்ளை

    இதனைப் பற்றி பலரும் பேசிவிட்டதால் ரீமேக் ஒரளவு வெளியே தெரிந்து விட்டது.


  • 4.உத்தம புத்திரன் & 23ம் புலிகேசி

    அதே இரட்டை பிள்ளைகள், அதே மாமன், அதே போல் ஒரு குழந்தை கடத்தப் படுகிறது. ஒரு பிள்ளை மாமன் சொல் கேட்டு வளர்ந்து யாரடி நீ மோகினி பாடுகிறார். இதில் ஆடிவா தேடிவா பாடுகிறார். இன்னொரு பிள்ளை சொந்த புத்தியுடன் வளர்ந்து தம்பியை சிறையில் தள்ளி மாமணைத்திருத்தி நாட்டை மீட்டு தம்பியைத்திருத்தி கடைசியில் சுபம்.

  • இதில் கவனிக்க வேண்டிய ஒரு விஷ்யம். முற்றிலும் மாறுபட்ட திரைக்கதையும் சமுதாய சீர்திருத்த கருத்துக்களும் இது கண்டிப்பாக வர வேற்கத்தகுந்த ஒன்று.


  • எங்க வீட்டுப் பிள்ளை கூட மேலே சொன்ன கதைதான் அது முற்றிலும் கண்ணாடி பிம்மம் போல் ரீமேக் செய்யப் பட்டுக் கொண்டேஏஏஏ இருக்கிறது

இதே போன்று மேலும் பல ஆராய்ச்சிக் கட்டுரைகளைப் படிக்க இங்கே சொடுக்குங்கள்

MGR ஆக மாறிய M.N.நம்பியார் சாமி

திரையுலகின் ஒவ்வொரு காலகட்டத்திலும் நடைபெரும் மாற்றம் ஒன்று. அடுத்த தலைமுறையின் ஆதிக்கம் தொடங்கும்போது முந்தைய தலைமுறை நடிகர்கள் வலிமையான கவுரவ வேடத்திற்கு செல்வார்கள்.

எம்.கே.ராதா, நாகையா, சிவாஜி ஆகியோர் செய்துள்ளனர். இந்தியில் அனைத்து நடிகர்களும் (அமிதாப் கூட) செய்துள்ளனர். அந்த வலிமை வாய்ந்த தந்தை அல்லது பெரியவர் வேடத்திற்கு பழைய நாயகர்களே சிறப்பாக அமைய முடியும்.

80களில் எம்ஜியாரின் இடத்தை திரையுலகம் நம்பியார் சாமி அவர்களுக்குக் கொடுத்து மரியாதை செய்தது. தூரல் நின்னு போச்சு, தாய் வீடு, தாய் நாடு, உழவன் மகன் ஆகிய படங்களின் பாத்திரங்கள் ஒரு நாயக நடிகர் செய்ய வேண்டிய பாத்திரங்களே. இந்த பாத்திரங்களை அவருக்கு கொடுத்ததன் மூலம் திரையுலகம் அவரை ஒரு நாயகனாக ஏற்றுக் கொண்டு முழு மரியாதை செய்ததாகவே ஏற்றுக் கொள்ளலாம்.

நாயகனாக ஆரம்பித்தவர், நகைச்சுவையாளனாக பின்னர் வில்லனா(ர்)க வலம் வந்தாலும் தமிழகம் அவரை பெரிய பலசாலியாகவே பார்த்தது. அது உண்மையும் கூட. அவரை வெற்றி பெருவதன் காரணமாகவே பல படங்களில் நாயக நடிகர்களின் பாத்திரம் வெற்றி அடைந்ததாகச் சொல்லலாம். சராசரி வில்லன்கள் செய்திருந்தால் படம் தோல்வி அடையக் கூடிய அபாயம் இருந்திருக்கிறது. அதனாலேயே இரண்டு கூடாரங்களிலும் அவரால் தொடர்ச்சியாக நடிக்க முடிந்தது.

எம்ஜிஆருக்கும் தனக்கும் இடையே எந்த மாதிரி நட்பு இருந்தது என்பதை நம்பியாரே
ஒருமுறை இப்படிக் குறிப்பிட்டார் ஒரு விருது வழங்கும் விழா மேடையில்:எனக்கு
எம்ஜிஆர் மேல ரொம்பக் கோபம். அவர் இருந்த வரைக்கும் எங்கே போனாலும் எம்ஜிஆர்
என்றதும் உடனே மக்கள் நம்பியார் என்றும் சேர்த்தே உச்சரிப்பார்கள். இப்போ அவர்
போய்ட்டாரு. மக்கள் என்னை மறந்துட்டாங்க... போகும்போது என்னையும் கூட்டிட்டுப்
போயிருக்கலாம் அவர், என்று கூறி மேடையிலேயே கண் கலங்கினார்.அந்த விழாவில் தலைமை
விருந்தினர் கலைஞர் மு.கருணாநிதி என்பது குறிப்பிடத்தக்கது.

மொத்தத்தில் சொல்லுவதானால் அவர் மட்டுமே நம்பியார் மற்ற யாருமே துவக்க காலத்தில் இவ்வளவு மரியாதையுடன் அழைக்கப்
பட்டதில்லை

Wednesday, November 19, 2008

கிரிக்கெட் ஏன் இந்தியாவில் பிரபலமாக இருக்கிறது?

கிரிக்கெட்டில் உள்ள வசதிகளை பட்டியல் போட்டுப் பார்த்தால் விடை ஓரளவு பிடிபடலாம்.



1.கிரிக்கெட்டை யார் வேண்டுமானாலும் விளையாடிப் பார்க்கலாம். பெரும்பாலான விளையாட்டுகளை விளையாடி பார்க்கமுடியாது. கால்பந்து பத்து நிமிடங்கள் விளையாடினால் மூச்சு வாங்க ஆரம்பிக்கும். கைப்பந்து, டென்னிஸ் போன்றவைகளுக்கு பந்து கைக்கு வருவதற்கே பயிற்சி எடுக்க வேண்டும். தடகள விளையாட்டுகளை தவம் போல கருதுபவர்கள் மட்டுமே விளையாட முடியும். சில விளையாட்டுகளுக்கு செலவு அதிகம்.

2.கிரிக்கெட்டின் பரபரப்பை யார் வேண்டுமானாலும் புரிந்து கொள்ள முடியும். இன்னும் எத்தனை ரன்? எத்தனை பால்? எளிதில் புரியும். கால்பந்தில் கூட எத்தனை கோல் என கேட்க முடியும், ஆனால் கிரிக்கெட்டில் நிமிடத்திற்கு நிமிடம் புள்ளிவிவரங்கள் மாறும். பரபரப்பு கூடும். மற்ற விளையாட்டுகளுக்கு இந்த வசதி கிடையாது.

3.கால்பந்து, கைபந்துகளில் யார் சிறப்பாக விளையாடிகிறார்கள் என்பது பார்த்தால் மட்டுமே புரியும்.

4.அதுவும் விளையாட்டு தெரிந்தவர்களுக்கு மட்டுமே புரியும். கிரிக்கெட்டுக்கு அந்த அவசியம் கிடையாது.

5கிரிக்கெட் பற்றி நாள் பூரா கேட்டுக் கொண்டே இருக்கலாம். மற்ற விளையாட்டுக்கள் எல்லாம் சீக்கிரம் முடிந்து விடும்.(20/20 பத்தி அப்புறம் பார்ப்போம்).

6.தூய வெள்ளை மற்றும் கவர்ச்சியான கல்யாண மாப்பிள்ளை போன்ற உடைகளுடன் கிரிக்கெட் விளையாடப் படுகிறது. மற்ற விளையாட்டுகளில் அப்படி இல்லை.(செஸ், துப்பாக்கி தவிர).

7.டி.வி.யில் பல கோணங்களில் காட்டும் வசதி கிரிக்கெட்டிற்கு மட்டுமே உண்டு. (ஸ்டம்பிலயே காமிரா வைக்கிறாங்களே)

8. ஐந்து நிமிடத்திற்கு ஒரு விளம்பரம் ஒளிபரப்பும் வசதி கிரிக்கெட்டிற்கு மட்டுமே உண்டு. அதனால் தொலைக்காட்சிக்கு தனிகாதலே உண்டு.

9.கிரிக்கெட் முடிந்த பின் அரைமணிநேரம் விவாதிக்க முடியும்.அதற்கு மேல கண்ட காரணங்களே உதவும்.

10.மூச்சு விடுவது கூட சாதனையாக கிரிக்கெட்டில் மட்டுமே கருதப்படுகிறது. தொடர்ச்சியாக 0 எடுப்பது கூட இங்கு சாதனை. தொடர்ந்து இரண்டு ஆட்டங்களில் கடைசி பந்துகளில் 4 எடுத்தால் இந்த மைதானத்தில் இது 3ம் தடவை. இந்த நாட்டிக்கெதிராக இது 8ம் முறை. இந்த நவம்பர் மாதத்தில் இது முதல் முறை. அந்த நேரத்தி சச்சின் மிட் ஆனில் நிற்பது இது 15ம் முறை என்றெல்லாம் சாதனைப்பட்டியல் போடுவார்கள்.

11.இந்தியாவும் பாகிஸ்தானும் சமபலத்தில் இருப்பது ஒரு காரணமாக இருக்கலாம். ஹாக்கி கூட ஒரு காலத்தில் புகழுடன் இருந்தது நினைவு இருக்கலாம்.



மீள்பதிவு அண்ணாச்சி

கமல்-ஸ்ரீதேவி, குடும்ப அமைதி

இன்று மதியம் டி.வி.யில் வறுமையின் நிறம் சிகப்பு படம் பார்க்க நேர்ந்தது. கமல் ஸ்ரீதேவியிடம் சொல்லிக் கொண்டிருப்பார்
"எத்தனை நாட்களுக்குத்தான் அடிமையாய் இருப்பிங்க. பிறந்ததும் அப்பாவுக்கு அடிமை,
கல்யாணம் ஆனதும் கணவனுக்கு அடிமை, குழந்தை பிறந்தால் அதற்கு அடிமை. எப்ப
சுதந்திரமாய் வெளிய வருவீங்க"

சாதரண்மாய் பார்த்தால் பெண்விடுதலைக்கான அற்புதமான ராக்கட் வசனமாக தோன்றும்.
ஆனால் கமலின் {வ.நி.சி.யில்} குடும்ப நிலையை சூழ்நிலையைப் பார்த்தால் ஒரு
உண்மை புலப் படும். இதே வசனத்தை ஸ்ரீதேவி, கமலைப் பார்த்தும் பேசலாம் .பேச விட்டுப்
பாருங்கள். வாழ்க்கையின் நிதர்சனம் புரியும்.

பாருங்கள். கமலுக்கும் அதே சூழ்நிலைதான். கமலும் தந்தைக்கு அடிமையாய் நினைக்கிறார். தந்தையும் கமலைஒரு சுமையாகவே நினைக்கிறார். இருவரும் ஒருவரிடம் இருந்து ஒருவர் சுதந்திரம் வாங்க நினைக்கிறார்கள். குடும்பம் சிதைகிறது. கமல் தனது குடும்பத்தின் ஈன நிலையை ஒரு வசனத்தின் மூலம் ஸ்ரீதேவிக்கு கூறுகிறார்.

பெற்றவர்களுக்கு பிள்ளையை நேர்படுத்தும் பொறுப்பு உண்டு. பிள்ளைகளுக்கும் பெற்றவர்களை கவனிக்கும் பொறுப்பு உண்டு, கண்வன், மனைவி இருவரும் ஒருவருக்கு ஒருவர் அனுசரனையாக (அடிமையாய் கூட இருக்கலாம்) இருந்தால்தான் குடும்பம் குடும்பமாக இருக்க முடியும். இல்லையென்றால் ஆளுக்கு ஒரு மூலையில் உட்கார்ந்து புரட்சி வாழ்க்கை வாழ முடியுமே தவிர மனித வாழ்க்கை வாழ முடியாது.

ஆனால் துரதிர்ஷ்டவசமாக விரக்தியில் ஒரு கதாபாத்திரம் எதிர்மறையாய் பேசுவதை விழிப்புணர்வு வசனம் என்று இன்று பள்ளியில் கூட பேச்சுப் போட்டியில் பெண்விடுதலைக்காக இந்த வசனம் உபயோகப் படுத்தப் படுகிறது.

ஸ்ரீதேவி கமலிடம் கூறியிருந்தால் இந்த தாக்கம் ஏற்பட்டிருக்குமா என்று தெரியவில்லை. ஆனால் அப்படித்தான் பேசியிருக்க வேண்டும்.

Saturday, November 15, 2008

பெண்கள் கல்லூரியில் கலைவிழா

நாங்கள் கல்லூரியில் சேர்ந்து ஒரு ஆண்டு பூர்த்தியான கால கட்டம் அது. ஒரு மாநிலம் தழுவிய வேலைநிறுத்தம் முடிந்திருந்தது. அதன் உபயத்தில் சீனியர் மாணவர்களுடன் ஓரளவு நெருக்கம் ஏற்பட்டது. அந்த வேலையில்தான் நகரின் முக்கிய பெண்கள் கல்லூரியில் ஆண்டுவிழா அழைப்பிதல் கண்ணில் பட்டது.


அனைவரும் புறப்பட தயாராயினர். கல்லூரியில் இருந்த அனைத்து ஆண்களும் ரெடி. கடைசியில்தான் தென்பட்டது அந்த விதி. போட்டியாளர்கள் மட்டுமே கல்லூரியின் உள்ளே அனுமதிக்கப் படுவார்கள்.
எங்கள் கல்லூரி அப்போது கலை நிகழ்ச்சிகளில் முன்னணி வகிப்பவர்கள்தான். எனவே கலைக்குழு கிளம்பினர். லக்கேஜ் அதிகமாக இருந்ததால் அதைத் தூக்க ஆட்கள் தேவைப் பட்டபோது நாங்கள் தென்பட்டோம். அதிஷ்டமா இல்லையோ நாங்களும் கலந்து கொள்ள சென்றோம். பாட் பூரியில் நாங்கள் கல்ந்து கொள்வதாக பேர் எழுதிக் கொண்டு அடையாள அட்டை பெற்றுதந்தார்கள். கல்லூரியில் நுழைந்ததும்...........................................................




கல்லூரியில் நுழைந்ததும் ஒரு அதிர்ச்சியை குழுத்தலைவர் வெளியிட்டார். பேர் குடுத்தவர்கள் கலந்து கொள்ளாவிட்டால் நெகடிவ் மார்க். மற்றும் அந்த அணி ஒட்டு மொத்த சாம்பியன் வெல்ல முடியாது. எங்களுக்கு அது ஒன்றும் பெரிதாக படவில்லை. ஒரு ஆண்டாக காதில் மட்டுமே கேட்டு வந்த இடத்தை நேரில் பார்க்கிறோமே................. பரவாயில்ல சார் நாங்க ஸ்டேஜ் ஏறிடுவோம்............. எங்கள் தைரியத்தை மெச்சினார்கள். ஆனாலும் லக்கேஜ் தூக்குவதிலேயே காலம் களிந்தது..... தீடிரென எங்களுக்கு அழைப்பு. அடுத்த ஈவண்ட் உங்களோடதுதான் ரெடியாகுங்க............... நாங்கள் கேட்டோம். பாட் பூரினா என்ன சார்? அனைவரும் அதிர்ந்தனர் ...................................................................................




எங்களுக்கு ஏதோ சாப்பாட்டு போட்டி என்ற எண்ணமே இருந்தது. மேடை ஏறச் சொன்னதும் திருதிருவாணோம்..... நெகடிவ் மதிப்பெண்ணுக்கு பயந்து எங்களை மிரட்டி மேடை ஏற்றினார்கள்.. வினாடி வினா மாதிரி சில சுற்றுக்கள் சென்றன.. அடுத்த சுற்று திரைப்பட பெயரை கண்டுபிடிக்கும் சுற்று. எங்களுக்கு கிடைத்த படம் சிதம்பர ரகசியம். நிகழ்ச்சியின் போது ஓடுவது உள்ளத்தை அள்ளித்தா. ஒருவர் நடிக்க் மற்றவர் கண்டுபிடிக்க வேண்டும். சீக்கிரம் கண்டுபிடிக்க நிறைய பாயிண்ட்.

அந்த படத்தை நாங்கள் எப்படி கண்டு பிடித்தோம். எங்கள் வகுப்பு மாணவர் ஒருவருக்கு சீணியர்கள் வைத்தபெயர்(உடைகளின் தன்மையை வைத்து) அது. அவரை போல நடித்து படத்தைப் பிடித்தோம்.



அடுத்து சில சுற்றுக்கள். . மாற்று மொழி கலக்காமல் இருநிமிடம் பேசும் சுற்று கூட இருந்தது. கடைசிசுற்று. ஐந்து வால் பேப்பர்களை கிழித்து போட்டிருந்தனர். ஒருவர் கையில் ஒரு கிழியாத படம்... கேள்விகள் கேட்டுக் கொண்டே குவியலில் இருந்து படத்தை எடுத்து ஒட்ட வேண்டும். ந்ண்பன் புத்திசாலி. கருப்புவெள்ளையா.... பெண்ணா இரண்டே கேள்விகளில் வேலை முடித்தான், கடைசியில் பரிசும் கிடைத்தது.

ஜேம்ஸ்பாண்ட் Vs வந்தியதேவன்

1.உலக நாயகன் பாண்டு நமக்கு ராணிக் காமிக்ஸ் உதவியுடன் அறியா வயதில் அறிமுகம் ஆனவர். வந்திய தேவன் மிக மெதுவாக நாம் கையில் கிடைத்த புத்தகங்களையெல்லாம் படிக்க ஆரம்பித்தபோது அறிமுகம்( 5பகுதிகள் படிக்கிறது சுலபமா)


2.ஜேம்ஸ் பாண்ட் முதல் காட்சியில் துப்பாக்கியுடன் அறிமுகம் ஆவார். பொ.செல்வனில் குதிரையுடன் வந்திய தேவன் அறிமுகம் ஆகிறார்.


3. அவர் பாண்ட், ஜேம்ஸ் பாண்ட். இவர் வந்தியத்தேவன், வல்லவரையன் வந்தியத்தேவன்


4.பாண்ட் படத்தில் நுழையும்போது சண்டை போடுவார். இவரும் கடம்பூர் மாளிகையில் நுழையும் போது சண்டை போட்டுக் கொண்டே நுழைவார்.


5. இருவரும் ஒற்றர்கள்.


6.மாடியில், நீரில், நிலத்தில்,சுரங்கப்பாதையில் எல்லா இடங்களிலும் சண்டை போடுவார்கள்.


7.பெண்களைப் பார்த்ததும் மெய்மறந்து போவார்கள்.


8.அனுப்பியவர்கள் நேரடியாக இவருக்கு உதவிசெய்ய தயங்குவார்கள்


9.எந்த ஒரு பிரச்சனையிலும் மனம் தளரவே மாட்டார்கள்


10.பல நாடுகளுக்கு பயணம் செய்வார்கள்


11.அனைத்து இடங்களிலும் பெண்பிள்ளைகள் இவருக்கு உதவுவார்கள்


12.நந்தினி போன்ற பல குழப்பங்களைக் கொண்ட லட்சிய வெறிமிக்க பெண்கள், பாண்டுவுக்கும் வந்திய தேவனுக்கும் மட்டுமே எதிரிகளாக இருப்பார்கள்

13.என்றுமே தனது அரசுக்கு விசுவாசமாக இருப்பார்கள். மண்ணாசை, பொண்ணாசை தாண்டி

14.கதை முடிந்ததும் தனக்கு விருப்பமான பெண்ணுடன் பேசிக் கொண்டிருப்பார்கள்.

Thursday, November 13, 2008

உலக நாயகன் உருவாகும் விதம் ( மேம்படுத்தப் பட்ட மீள்பதிவு)

http://himynameis.files.wordpress.com/2009/04/complete_20_movie_james_bond_set.jpg





1.முத்லில் கதாநாயகன் தேர்வு. இரண்டு வழிகள் உள்ளன. பழைய நாயகனையே புக் செய்வது. அல்லது சீன் கானரி மாதிரி உள்ள புதிய நாயகனை தேர்வு செய்வது (அவரை மட்டுமே பாண்ட் என்று பழம்பெரும் ரசிகர்கள் கருதுவார்கள். அதனால் ப்ராஸ்னனை விட டேனியல் கிரய்க் பெட்டர்)






2.நாயகி தேர்வு. இது இட ஒதுக்கீட்டுக் கொள்கை படி செய்யப் படும். உலகின் ஒவ்வொரு பகுதிக்கும் அடுத்தடுத்த படங்களில் வாய்ப்பு வழங்கப் படும். (சில நேரங்களில் கூடுதல்[extra] இட ஒதுக்கீடு மூலம் அழகிகளூக்கு கூடுதல் வாய்ப்பு அளிக்கப் படும்0





3.முதல் காட்சி படத்திற்கு சம்பந்தம் இல்லாமல் இருக்க வேண்டும்.அந்த சண்டையில் பாண்ட் மட்டுமே தப்பி வருவார். அப்போது ஏதாவது வகையில் அதிசயம் நிகழ்த்த வேண்டும். உடனே டைட்டில் சாங்

4.நீர், நிலம், காற்று, வானம், நெருப்பு ஆகிய இடங்களீல் சண்டைகள் அமைய வேண்டும்.{எல்லாப் படங்களீலும் உண்டு} அத்துனை இடங்களிலும் சண்டை ஆரம்பிக்கும் முன்னரோ, பின்னரோ பெண்களுடன் பின்னி பிணைய வேண்டும்.

5.ஜேம்ஸ்க்கு உதவி செய்ய எதிரி நாட்டு பெண் உள்வாளி வருவார் தேச துரோகியாக மாறி ஜேம்ஸ்க்கு உதவி செய்வார். சில நேரங்களில் துணை நாட்டு பெண்களும் வருவார்கள். (அல்லது வில்லனின் காதலி)



6.நீர்மூழ்கி கப்பலாக மாறும் கார். பாரசூட்டாக மாறும் டை. வெடிக்கும் பேனா, ரிமோட் கார், மினி சாட்டிலைட் ஏதாவது வர வேண்டும்.(இல்லைனா அது வெறும் படம்தான்)


7.உங்கள் உதவிக்கு யாரும் வரமாட்டோம் என்று கூறி அனுப்புவார்கள், அதனால் அவர் பெண்கள் உதவியை நாடுவார்.


8.படம் முடிந்த உடன் பெண்களுடன் ஐக்கியம் ஆகி விடுவார். அனைவரும் தேட வேண்டும்.


9.இதையெல்லாம் முடிந்த உடன் அப்போதைய உலகப் பிரச்சனைப் பற்றியோ, சென்ற படத்தின் தொடர்ச்சி பற்றியோ பேச விட்டு படத்தில் இணைக்க வேண்டும். அதுதான் படத்தின் கதை.

10.படத்தை ஆல்பர்ட் புரோக்கொல்லியின் பேனரில் வெளீயிட வேண்டும். இல்லையென்றால் அதை பாண்டு படம் என ஒப்புக் கொள்ள மாட்டார்கள், நம்பரும் தர மாட்டார்கள.



உங்களுக்குப் பிடித்த பாண்டு யாருங்க?


Sunday, October 26, 2008

கல்லூரி கனவு

கல்லூரியில் (விடுதியில்தான்) சீனியர் நண்பர் ஒருவரிடம் கடன் வாங்கி யிருந்த கலர் பெண்சிலை திருப்பி கொடுக்க ஜூனியர் நண்பர் சென்றிருந்தார். "வைத்து விட்ட்ப்போ"வசரத்தில் மேசையில் வைத்தான். அவசரத்தில் பென்சில் கீழே விழுந்தது. சீனியர் முறைத்தார்." ஏண்டா." கர்ஜித்தார் ,
பயத்தில் ஜூனியருக்கு என்னன்னமோ வந்துவிடும்போல் இருந்தது. என்ன சொல்வது? ஜூனியரின் மூலை வேகமாக வேகவேகமாக வேலை செய்தது. யோசித்து சொன்னார் "பூமி தன்னைத்தானே சுற்றிக் கொண்டு சூரியனையும் சுற்றுகிறது. அதனால்தான் நான் மேசையில் வைத்தது கீழே விழுந்து விட்டது
இது நான் கண்ட, கண்டு கொண்டு இருக்கிற, காணப்போகும் பகல் இரவு, அதிகாலை, தூக்கத்தில் , விழித்துக்கொண்டே க்ணட கனவுகளை அழைத்துப் பார்க்கும் பகுதியாகும், இதற்கும் ஈரேழு பதினான்கு லோகத்திற்கும் உள்ள தொடர்பு இதற்கு மேல் ஒன்றும் இல்லை. ஒன்றுமே இல்லை

Sunday, October 12, 2008

யந்திரன் entirely different entertainment

சூப்பர் ஸ்டாரின் பிறந்த நாள் பரிசாக இந்த பொற்காவியத்தை அவரது காலில் சமர்க்கிறோம்.

யந்திரன் entirely different entertainment

முதல் காட்சியில் நாயகன் சங்கராயனிலிருந்து இறங்கி வருகிறார். நாட்டிலேயே முதல்முறையாக பெரிய பெரிய படிப்பெல்லாம் படித்து விட்டு வருகிறார்.

அவரது பெற்றோர் அவருக்கு திருமண்த்திற்கு பெண் பார்க்கிறார்கள். இந்திய கலாச்சாரத்திற்கு தகுந்த பெண்ணாய் பார்க்கிறார். கேரளாவிற்குச் செல்கிறார். போகும் வழியில் பொள்ளாட்சி ரோட்டில் ஒரு பாட்டு. உடன் ஆட ஸ்ரேயா..


கேரளாவில் அவரை வில்லன் கூட்டத்தினர் கடத்தி விடுகின்றனர். தலமை மந்திரவாதி திலகன்,, தலைவரின் உடலில் ஒரு யந்திர தகட்டை வைத்து விடுகிறார். யந்திர தகடு உடலில் சேர்ந்த உடன் தலைவர் வில்லன் கூட்டத்தின் சொல்படி நடக்க ஆரம்பிக்கிறார்.

வில்லன் கூட்டத்தினர், உலகில் உள்ள பெரும்தலைகள் பலரை கொண்று குவிக்க ஆணையிடுகின்றனர். முதலில் ரஷ்யத் தொழில் அதிபரை கொல்கிறார். அதனை ஒரு அழகி விடியோ எடுத்து விடுகிறார். அடுத்து ஜெர்ம்னிக்குச் செல்கிறார்.


இந்த நிலையில் தலைவர் யந்திரத்தின் கட்டுப்பாட்டில் இருப்பது அவரின் குடும்பத்திற்கு தெரிந்துவிடுகிறது. உடனே இமயமலையில் 1000ஆண்டுகள் வாழ்ந்திருக்கும் மகான் அமிதாப்ஜியிடம் செல்கின்றனர். அவர் தனது தவ வலிமையால் தலைவரின் ஆன்மாவைத்தனியாக பிரித்து தலைவரைக் காப்பாற்ற அனுப்புகிறார். தலைவரின் ஆன்மா மனித உருக் கொண்டு தலைவரை காப்பாற்றச் செல்கிறார்.

இந்த நிலையில் எந்திரத் தலைவர் அமரிக்கா செல்கிறார். கடல் கடந்து செல்லும் சக்தியை அமிதாப்ஜி தராததால் ஆத்ம சக்தி திரும்பி விடுகிறார்.


கடல் கடந்து செல்லும் சக்தியை ஆதித்ய கணேசச் சித்தரிடம் தான் இருக்கிறது. அவர் விண்ணுலகம் பார்க்கும் ஆசையில் மண்ணுலகம் நீங்கிவிட்டார். அவரை வரவைக்க சிறப்பு வழிபாடுகள் செய்ய வேண்டும் என்கிறார். அந்த பூசைகளை அவர் திருமணம் செய்து கொள்ளும் பெண்தான் செய்ய வேண்டும் என்கிறார்.

ஐஸ்வர்யா பூஜைகள் செய்து வருகிறார். இந்த சூழ்நிலையில் ஜெர்மானிய தொழிலதிபரைத் தலைவர் ஐ.நா. சபை வாசலில் வைத்துக் கொண்று விடுகிறார். அடுத்த கட்ட பூஜையாக இமயமலை பனிக்கு நடுவே பூங்குண்டம் அமைத்து அங்கே கிடைக்கும் இலைகளை ஆடையாக அணிந்து நடணம் ஆடி பூஜை செய்கிறார்.கூடவே ஐந்து இளம் கன்னிப்பெண்களும் ஆடுகிறார்கள். தலைவர் செய்த கொலையால் உலகமே பரபரப்பாகிறது. இந்தியாவின் மேல் போர் தொடுக்க அமரிக்கா திட்டமிடுகிறது.



அடுத்த கட்டமாக அமெரிக்க ஜனாதிபதியை முடிக்கும் பணி கொடுக்க்ப் படுகிறது. தலைவர் மறுத்து விடுகிறார். வில்லன் குரூப் மந்திர வாதிகள் அதீத கோபம் அடைகிறார்கள். ஐஸ்வர்யாவின் பூஜை காரணமாக ஆதித்ய கணேச சித்தர் தோன்றி பல ரகசியங்களைச் சொல்கிறார்.இந்த வலுவான பாத்திரத்தை சிவாஜி சாருக்கு கொடுக்கிறார்கள். முழுக்க கிராபிக்ஸ்.


தலைவரின் நாடி, நரம்பு, ரத்தம், சதை, நகம், பனியன், ஜட்டி எல்லாமே நல்ல எண்ணங்களும் நல்ல சிந்தனைகளும் இருப்பதால் தலைவர் என்றுமே தவறு செய்யமாட்டார். இதுவரை அவர் கொன்றவர்கள் எல்லாம் உலக பயங்கரவாதிகள். அவர் என்றுமே நல்லவர்களை எதிர்க்க மாட்டார். என்று கூறுகிறார். அடுத்த ரகசியத்தையும் கூறுகிறார். தலைவர் பிறந்த அன்றுதான் வானில் துருவ நட்சத்திரம் காணாமல் போனது. அத்னால் தலைவர்தான் துருவ நட்சத்திரம். இதை வெளியே சொல்லக் கூடாது என்று சத்தியம் வாங்குகிறார். ஆதம சக்தி அமெரிக்கா செல்லும் சக்தியைக் கொடுக்கிறார்.


வில்லன் கோஷ்டி யெந்திரனை அடைத்துவைத்து விட்டு இந்தியா முழுவதும் குண்டு வைக்கின்றனர். ஆத்ம சக்தி அமெரிக்கா சென்று விட்டு, யெந்திரனை விடிவித்து இந்தியா அனுப்பிவிட்டு அங்கே அவர் தங்கிவிடுகிறார். தலைவர் அனைத்து இடங்களிலும் குண்டுகளை எடுக்கிறார். அங்கே அமெரிக்க ஜணாதிபதியைக் காப்பற்றும் பொறுப்பை ஆத்மாவும். இந்தியாவில் நடக்கும் மயிர் கூச்செரியும் சாகஸங்களை யெந்திரனும் செய்கிறார்கள். கூடவே ஐஸ்ஸும் போய் மிகவும் உதவி செய்கிறார். அங்கே தலைவர்க்கு பிரபல டென்னிஸ் வீராங்கணை உதவி செய்கிறார்.


கடைசியில் அமெரிக்காவையும் இந்தியாவையும் தலைவர் காப்பாற்றீவிடுகிறார். இந்த நிலையில் வெளி கிரகங்களீலிருந்து இரண்டு வாகண்ங்கள் வருகின்றன. அதில் இருந்து இறங்குபவர்கள் தாங்கள் ரஜினி ரசிகர்கள் என்று சொல்லிவிட்டு

யூனிவர்ஸ் முழுவதும் உன்னை வென்றிட யாரு...
பிரபஞ்ச நாயகனே ........

பாட்டுடன் படம் முடிவடைகிறது.


டாங்கர் வண்டியில் துரத்தும் படைகளைப் பார்த்து தலைவரின் வசனம்..


யெந்திரனுக்கே யெந்திரமா........



தலைவர் ஒவ்வொருவரையும் போட்டுத்தள்ளும்போது பேசும் வசனம்


நான் ஒருத்தனக் கொண்ணா நூறு பேரை கொண்ண மாதிரி


அமெரிக்காவுக்கும் இந்தியாவுக்கும் டக் டக் என்று பயணம் செய்துவிட்டு


ஆண்டவன் சொன்னான் அமெரிக்கா வந்தேன்

ஆண்டவன் சொன்னான் அமெரிக்காவிலிருந்து வந்தேன்


சொல்லி பல வகைகளில் கலகல்ப்பாக்கலாம்.



பின்குறிப்பு:-
வழ்க்கமாக ரஜினி படமென்றால் பழைய ரஜினி படங்களீன் சாயல் இருந்தே தீர வேண்டும். அதனை ஓரளவே நிறைவேற்ற முடிந்தது.

பின்பின்குறிப்பு:-
பிடித்தாலும் பிடிக்காவிட்டாலும் மேல்நோக்கிய தமிழ் மணக் கட்டைவிரலிலும் தமிழீஷிலும் க்ளிக் செய்து விடுங்கள்.

18 மாதங்களாக மீள்பதிவு வந்துகொண்டிருக்கிறது. படத்தைத்தான் காணோம்.
=====================
25 மாதங்களுக்கு பின் ஒருவழியாக பாடல்கள் வந்துவிட்டன.,

Life at a Primary Health Centre - பொது சுகாதாரமும் மருத்துவமும்

படத்தை அழுத்துங்கள்

LinkWithin

Related Posts with Thumbnails