சிரிப்பொலி தொலைக்காட்சியின் குசும்பு

சிரிப்பொலித் தொலைக்காட்சியில் பொதுவாக நகைச்சுவைக் காட்சிகள் போடுவார்கள். அந்தக் குழுமத்தில் நகைச்சுவைக்கான அலைவரிசை இது. சில நேரங்களில் திரைப்படங்களும் போடுவார்கள். பொதுவாக நகைச்சுவைப் படங்களே வரும்.

இன்று தேவர் மகன்

இது காசு படைத்த இரு அண்ணன் தம்பிகளின் குடும்பங்கள் எப்படி வெட்டி கவுரவத்திற்காக  ஊரை இரண்டு படுத்தி நாசமாக போகிறார்கள் என்பதைக் கதையாக படைத்திருப்பார்கள்
. தேவர் சமுதாயத்தை பின் புலமாக கொண்டு படம் எடுக்கப் பட்டிருந்தாலும் அனைத்து சமுதாயங்களிலும் இருப்பதுதான் இந்தப் பிரச்சனை.  கொஞ்சம் தீவிரமான காட்சி அமைப்புகளுடன் படம் அமைந்திருக்கும். வடிவேலுவுக்குக்கூட ஒரு தீவிர விசுவாசி வேடம்தான். தலைவனுக்காக கையை இழந்தாலும் திரும்ப வந்து மீண்டும் அரிவாள் தூக்குவேன் என்று சொல்லும் வேடம்.

இந்தப் பட்த்தில் என்ன நகைச்சுவையைக் கண்டார்களோ.., தெரியவில்லை. இப்போது படம் ஓடிக் கொண்டிருக்கிறது. யாராவது நகைச்சுவையைக் கண்டுபிடித்தால் சொல்லுங்களேன்,