பாட்ஷா பார்த்துக் கொண்டிருக்கிறீர்களா?

இப்போது சன் டிவியில் பாட்ஷா படம் ஓடிக் கொண்டிருக்கிறது.  இந்தப் படம் இந்தியில் வந்த ஹம் படத்தில் தழுவல் என்பார்கள். இரண்டு படங்களுக்கும் இடைப்பட்ட வித்தியாசங்களை படிக்க இந்த இடத்தை கிளிக் செய்து படித்துப் பாருங்கள்.


சாம்பிள் வரிகள் சில

///////////////////////சத்யா மூவீஸாரின் படத்தில் ரஜினிதான் ஹீரோ என்றாலும் ஹம் படத்தில் ரஜினி ஹீரோ அல்ல. பாஷாவில் தம்பியாக ஒரு போலீஸ் வருவாரே அந்தப் பாத்திரம்தான் ரஜினிக்கு. நீங்க யாரு.., பம்பாயில என்ன பண்ணிட்டு இருந்தீங்க என்று ரஜினியைப் பார்த்து பேசுவது போல ரஜினி அந்தப் படத்தில் இவர் பேரு டைகர், பம்பாயில் ஒரு கிரிமினல் என்றுஅமிதாப்பைப் பார்த்து பேசுவார். அவ்வளவுதான். இத்தனைக்கும் இந்தப் படம் 1991ல் வந்திருக்கிறது. 91ல் தளபதி, மன்னன் என்று பட்டையை கிளப்பிக் கொண்டிருந்தார். அதற்கு முன்னாலும் கூட மாப்பிள்ளை, பணக்காரன் என்று எல்லாமே ஹிட்டோஹிட்தான்.  ராமராஜன், மைக் மோகன், டி.ஆர். பாக்கியராஜ் போன்ற வெள்ளிவிழா குரூப்ஸ் தங்கள் கடையை காலி செய்து கொண்டிருக்கும்போது, டெண்டுல்கர் போல நின்று நிலையாக ஹிட்களைக் கொடுத்துக் கொண்டு  தான் ஒரு உண்மையான சூப்பர் ஸ்டார் என்பதை நிரூபித்த ஆண்டு அது. அந்த ஆண்டில் அப்படி ஒரு படத்தில் ரஜினி நடித்திருக்கிறார் என்றால் அதற்கு ஒரே ஒரு காரணம்தான் இருக்க முடியும்./////////////////  

HUM- திரை விமர்சனம்.

ஹம் படம் தமிழ்நாட்டு மக்களுக்கே பரிச்சயம் ஆன ஒரு படம். இந்தப் படத்தை அடிப்படையாகக் கொண்டு சத்யா மூவிஸ் எடுத்த படம். அந்தப் படத்தின் வெற்றி விழா . அதைத் தொடந்து சத்யா மூவிஸ் நிர்வாகிக்க்கு ஏற்பட்ட பிரச்ச்னைகள் போன்றவை தமிழ்நாட்டுக்கே அந்த ஆண்டு பிஸியாக அமைய வைத்தன.

சத்யா மூவீஸாரின் படத்தில் ரஜினிதான் ஹீரோ என்றாலும் ஹம் படத்தில் ரஜினி ஹீரோ அல்ல. பாஷாவில் தம்பியாக ஒரு போலீஸ் வருவாரே அந்தப் பாத்திரம்தான் ரஜினிக்கு. நீங்க யாரு.., பம்பாயில என்ன பண்ணிட்டு இருந்தீங்க என்று ரஜினியைப் பார்த்து பேசுவது போல ரஜினி அந்தப் படத்தில் இவர் பேரு டைகர், பம்பாயில் ஒரு கிரிமினல் என்றுஅமிதாப்பைப் பார்த்து பேசுவார். அவ்வளவுதான். இத்தனைக்கும் இந்தப் படம் 1991ல் வந்திருக்கிறது. 91ல் தளபதி, மன்னன் என்று பட்டையை கிளப்பிக் கொண்டிருந்தார். அதற்கு முன்னாலும் கூட மாப்பிள்ளை, பணக்காரன் என்று எல்லாமே ஹிட்டோஹிட்தான்.  ராமராஜன், மைக் மோகன், டி.ஆர். பாக்கியராஜ் போன்ற வெள்ளிவிழா குரூப்ஸ் தங்கள் கடையை காலி செய்து கொண்டிருக்கும்போது, டெண்டுல்கர் போல நின்று நிலையாக ஹிட்களைக் கொடுத்துக் கொண்டு  தான் ஒரு உண்மையான சூப்பர் ஸ்டார் என்பதை நிரூபித்த ஆண்டு அது. அந்த ஆண்டில் அப்படி ஒரு படத்தில் ரஜினி நடித்திருக்கிறார் என்றால் அதற்கு ஒரே ஒரு காரணம்தான் இருக்க முடியும்.


அதற்கு முந்தைய சில வருடங்களில் அமிதாப் பச்சனின் படங்கள் வரிசையாக வெற்றியடையாமல் போயின. அமிதாப்பின் வெற்றிப் படஙக்ள் பலவும் ரஜினியால் ரீமேக் செய்யப் பட்டு இங்கு  ஹிட் ஆனவை. தவிரவும் ரஜினி, கமல் ஆகியோர் இந்தியில் நுழைந்த போது அந்தப் படங்கள் ஒரு துவக்கம் கொடுப்பதற்காக அமிதாப் நடித்துக் கொடுத்திருக்கிறார்.  90களில் ரஜினிக்கு தென்னிந்தியா முழுவதுமே ஒரு மார்க்கெட் இருந்தது. நம்பினால் நம்புங்கள் 94- 95 களில் பல தெலுங்கு படங்கள், வெறுமனவே ரம்பாவையும், ரம்யா கிருஷ்ணனையும் நம்பி இங்கு கல்லா கட்டியுள்ளன. இது இல்லாமல் சிரஞ்சீவி, விஜ்யசாந்திக்கெல்லாம் இங்கு தனி மார்க்கெட்டே உண்டு. அதே கணக்கில் பார்த்தால் ரஜினி நடித்திருப்பது தென்னிந்திய சிறு நகரங்களில் ஒரு நல்ல துவக்கத்தையே கொடுத்திருக்கும். இதில் அமிதாப்பிற்கு ஜோடி இருக்கு ஆனால் இல்லை.. அப்போதைய இளைஞன் கோவிந்தாவும் அதில் நடித்திருப்பார்.

இந்த படத்திற்கு பிற்கு நிஜமாகவே அமிதாப் ஒரு ஓய்வு எடுத்தார். அதுவரை இதுதான் கடைசி, இதுதான் கடைசி என்றே சொல்வார்கள். ஆனால் அடுத்த படம் வரும். இந்தப் படம் ஓரளவு ஹிட்தான். அமிதாப்பும் ஓய்வு எடுத்தார். அந்த ஹிட்டுக்கு உதவுவதற்காக ரஜினி இந்தப் படத்தில் நடித்துக் கொடுத்ததாகவே எனக்குத் தோன்றுகிறது.

=======================================================================

கதைன்னுப் பார்த்தா ஒரு வரிசையில் சொல்லலாம் மூன்று அண்ணன் தம்பிகள். ஒரு குடும்பப்பாட்டு கிளைமாக்ஸ் காட்சியில் அந்தப் பாட்டைப் பாடி எல்லோரும் ஒன்று சேர்வார்கள்.  யதோன் கி பாரத் என்ற பெயரில் வந்த படம். அதில் அண்ணன் தம்பிகள் ரயிலில் பிரிவார்கள். இதில் மூவரும் சேர்ந்தே ஏறிவிடுவார்கள். அதனால் பிரியவெ மாட்டார்கள். கிளைமாக்ஸில் வில்லன் கட்டி வைத்த பின்னர் குடும்பப் பாட்டை பாடி சேர்ந்து விடுவார்கள்.  இது போலவே  அண்ணன் தம்பிகள் கடைசி வரையில் பிரியாமல் நின்று படம் முடிந்த பின் குடும்பப் பாட்டு பாடுவார்கள் விஜய காந்த் நடித்த வானத்தைப் போல படத்தில் ., அதையும் கூட இந்தப் படத்தின் ரீமேக் என்று சொல்லலாம். ஆனால் ஏனோ சொல்லவில்லை

==============================================================
பாஷா இந்தியில் மீண்டும் ரீமேக் செய்யப் பட்டு அங்கும் நன்றாக ஓடியதாகச் சொல்கிறார்கள். அந்த அளவு ஹம் மிலிருந்து பாஷா மாற்றப் பட்டுள்ளது.

இந்தியில் இந்த ஃப்ளாஷ் பேக் அதனுள் ஒரு ஃப்ளாஷ் பேக் என்றெல்லாம் கிடையாது. சீரான வரிசையாகக் காட்சிகள்தான்.   டைகர் (அவர்தாம் மாணிக் பாஷா) ஒரு கோபக் கார இளைஞர் .அவரது நண்பர்  கோன்சால் கண்ணாடி போட்ட இன்னொரு இளைஞர். இவர்கள்  மும்பை தாதா பாக்தாவர் (நம்ம ஆண்டணி)ஐ  எதிர்கிறார்கள்.  கோன்சாலின் சகோதரி ஜும்மா ஒரு நடனமாது. அவரோடு டீ கப் வைத்துக் கொண்டு ஒரு குத்துப் பாடல் இரண்டு முறை இருக்கிறது.



 டைகரின் அப்பா , மாணிக்கத்தின் அப்பாவைப் போலவே வில்லனிடம் வேலை பார்க்கிறார். டைகரின் அப்பாவுக்கும் இரண்டாம் தாரம் உண்டு. இரு மகன்கள்.  டைகரின் நண்பரைக் கொல்ல, டைகர் கொதித்து எழ  டைகரை காப்பாற்ற டைகரின் அப்பாவும் மாற்றாந்தாயும் பலியாகிறார்கள். கொதித்தெழுந்த டைகர் பாக்தாவாரின் சாம்ராஜ்யத்தை சூரையாடி விட்டு பாக்தாவரை கொல்லப் போகும்போது அங்கொரு டேஞ்சர் காமெடி போலீஸ் அனுபம் கேர் வந்து டைகரை போகச் சொல்லி விடுகிறார். வில்லனின் வீட்டை சூறையாடி விட்டு. அந்த ஊர் ஆண்டனியின் மனைவி குழந்தையை கொன்று விடுகிறார்.

டேஞ்சர் காமெடி போலிஸ் டைகர் ஒரு கெட்டவன் என்று அலுவலக குறிப்பு எழுதி வைத்து விட்டு தொழிலதிபராக செட்டில் ஆகி விடுகிறார். டைகர்தான் வில்லனின் வீட்டைக் கொள்ளையடித்துவிட்டு மனைவி குழந்தையை கொன்றதாக கதை பரப்பி விடுகிறார்.

டைகர் ரயிலில் பாம்பேயை விட்டு வெளியெறுகிறார், அவரது தோழியோடும் சின்னத் தம்பிகளோடும் ஓடும் ரயில் ஏறுகிறார். எல்லோரும் ஏறிய பின் உனது பழைய வாழ்க்கை எதுவும் வேண்டாம். நீ உன் தம்பிகளிடம் முழு அன்பைச் செலுத்து என்று சொல்லி விட்டு ஜும்மா நின்று விடுகிறார்.


கொஞ்சம் மொக்கையாகத் தெரிகிறதா?  அதனால்தான் சத்யா மூவீஸ் கதை இலாகா பிச்சுப் பிச்சு ஃபிளாஷ்பாக் ஆக்கியிருக்கிறார்.



அடுத்த காட்சியில் நேராக ஊட்டிக்கு வந்து விடுகிறார்கள்.  பெரிய தம்பி நல்லா படிச்சு இன்ஸ்பெக்ட்ராகி கல்யாணம்  ஆகி நன்றாக பாட்டுப் படிக்கக் கூடிய பெரிய சைஸ் குழந்தை ஒன்றும் இருக்கிறது.  ஃப்ளாஷ் பாக்கில் அவரை விட ச்ற்றே சின்னப் பையனாக இருக்கும் சின்னத்தம்பி கல்லூரி மாணவனாகவே  இருக்கிறார். மக்குப் பையன் ப்போல..

வீட்டில் ஒவ்வொருவரும் அவரை விரட்ட பம்பரமாய் சுற்றி வேலை செய்கிறார். அந்த வேகத்தில் அவர் கீழே விழுகிறார். விழுந்த உடன் இந்தக் குடும்பத்தின் வேகத்திற்கு என்னால் ஈடு கொடுக்க முடியவில்லை என்று கூறி அழுகிறார். உடனே  குடும்பப் பாட்டைப் பாடி சமாதானப் படுத்துகிறார்கள்.



சின்னத் தம்பி  கோவிந்தா ஒரு பெண்ணைக் காதலிக்க பெண்ணின் தந்தையின் விருப்பத்திற்கேற்ப ஒரு மிலிட்டரிக்காரராக வேடமிட்டு அமிதாப் குடும்பட்த்துடன் செல்ல குட்டு  வெளிப்பட   பெண்ணின் வீட்டில் அவரை த் துப்புகிறார். உடனே ரஜினியின் மனைவியாக வரும் பெண் ஐந்து விரல்களையும் காட்டி குடும்பப் பாட்டை ப் பாடுகீறார்.



இதே மாதிரி தங்கையின் திருமணத்திற்காக ரஜினி பேசும்போது அவர்து மாற்றாந்தாய் ரஜினியைப் புகழ்ந்து பேசுவார். ரஜினி எல்லாத்தையும் விட்டு கொடுப்பதாகப் பேசுவார். இதில் பெரிய தம்பியின் மனைவி கூட்டுக் குடும்பத்தைப் ப்ற்றியே பேசுவார்.


அப்படியே படம் செல்ல மெயின் வில்லன் வெளியேறி வருகிறார். உடைந்து போன தன் வீட்டைப் பார்த்து விட்டு டைகரைத்தேட ஆள் அனுப்புகிறார்.  கடைசியில் ஊட்டி வீட்டைக் கண்டு பிடித்து விடுகிறார்கள்.

ரஜினியின் மனைவிக்கு உடல் நிலை சரியில்லை என்று மாமியாருக்கும், மாமியாருக்கு உடல் நிலை சரியில்லை என்று இவர்களுக்கும் தந்தி வருகிறது.

ரஜினியின் மனைவி, குழந்தையை வில்லன் கடத்தி, தனது உடைந்து போன பழைய வீட்டில் அடைத்து வைக்கிறார். அமிதாப் வீட்டிற்கு ஃபோன் செய்து டைகரைக் கேட்கிறார். ரஜினிக்கு பழசெல்லாம் தெரியாததால் கோன் டைகர் என்று சொல்லி ஃபோனை கட் செய்கிறார்.   ரஜினியின் மனைவி மற்றும் குழந்தையைத் தேடி பெங்களூருவுக்குச் செல்கிறார்கள். இருவரையும் விசாரிக்கும்போது ஒரு டிரைவர் தவறாகப் பேச அமிதாப் கொதித்தெழுந்து அவனைப் புரட்டி விடுகிறார். அதற்கு ஈடாக தமிழில் ரஜினிக்கு கோபம் வரும் காட்சி  படும் பயங்கரமாக இருக்கும்.


அமிதாப் டைகரைப் பற்றி தெரிந்த தன் கடந்த கால நண்பர்களுடன் ஃபோன் செய்ய  ஜும்மா பெங்களூரில் இருப்பது தெரிய வருகிறது. அவரைப் பார்க்க போகிறார். இந்தக் காட்சி வரை படம் வானத்தைப் போல படம் மாதிரியே ஒரு திகிலுடன் தான் செல்கிறது. அந்த ஷூட்டிங் ஸ்பாட்டை அடைந்த உடன் இந்தக் காட்சி வருகிறது.



ஜும்மா பழைய பாடல் ஒரு குஜாலாகப் பாடுகிறார்.  படம் அப்படியே கமர்ஷியல் ஆக்‌ஷன் த்ரில்லராக மாறுகிறது. இந்த நிலையில் ரஜினிக்கு திரும்பவும் ஃபோன் வருகிறது. உன் அண்ணந்தான் டைகர் என்று சொல்கிறது. உடனே அவர் பழைய ஃபைல்களை எடுத்துப் பார்க்கிறார். அதில் இன்ஸ்பெக்டர் கிரிதர் அவரைப் பற்றி தப்பும் தவறுமாக எழுதி இருப்பதை படித்து விட்டு வருகிறார்.  வீட்டிற்கு நுழைந்த உடன் அமிதாப்பை இவர் ஒரு பயங்கர ரவுடி என்று வீட்டிற்குள் திட்டுகீறார்.

இந்தக் காட்சியில் அவர் ஒரு இன்ஸ்பெக்டர் என்பது நினைவுக்கு வந்து துப்பாக்கியைக் காட்டி அண்ணனை கைது செய்யப் பார்க்க சின்னத் தம்பி குறுக்கே பாய்ந்து தடுக்க அண்ணன் தப்பிச் செல்ல இணைந்த கைகள் எதிரும் புதிருமாக மாறுகின்றன. அமிதாப் தப்பிச் சென்றவுடன் ஜும்மா பேச ஆரம்பிக்கிறார். தம்பிகளுக்காக அவர் வாழ்க்கையையே தியாகம் செய்ததையும், அதுவும் மாற்றாந்தாய் வழித் தம்பிகள் என்பதையும் எடுத்துச்சொல்கிறா. உடனே ரஜினி திருந்தி விடுகிறார். கதையின் பிற்பகுதி ரஜினியின் மனைவி குழந்தையைச் சுற்றி வந்தாலும் இந்தக் கதாபாத்திரம் 1991ம் ஆண்டு ரஜினிக்கானது அல்ல.   கொஞ்சம் யோசித்துப் பார்த்தாலே தெரியும் உண்மை. மார்க்கெட்டிங்கிற்காக நடித்துக் கொடுத்தது போலவே இருக்கிறது.


அதற்குள்  அமிதாப் வில்லனின் இடத்திற்குள் சென்று விட ரஜினியின் குடும்பத்தை வெடி குண்டால் கட்டி வைத்து அவரைச் சுற்றி பெரிய அடியாள் படையுடன் வில்லன் நிற்கிறார். வழக்கம்போல உரத்த குரலில் அமிதாப் பேசுகிறார். சண்டை உனக்கும் எனக்கும்தான் . உன் குடும்பத்தை நான் ஒன்றும் செய்யவில்லை என்று பாஷா போலவே பேசுகிறார். குடும்பத்தைக் கொன்றது. சூரையாடியது எல்லாம்  இன்ஸ்பெக்டர் கிரிதர்தான் என்று சொல்கிறார். அதை உறுதி படுத்துவதற்காக சிரிப்பு போலீஸ் கிரிதர் ஹெலிகாப்டரில் வந்து அத்தனை அடியாட்களை மெஷின் கன் வைத்து சுட்டுவிட்டு படத்தின் முக்கிய வில்லனாக பிரமோசன் பெறுகிறார்.  சகோதரர்கள் பாட்டுப் பாடிவிட்டு ஒருவரை ஒரு கட்டிப் பிடித்துக் கொள்கிறார்கள். அப்படியே ரஜியின் மனைவியைத் தூக்கி தண்ணீருக்குள் போட்டு விடுகிறார்கள்.  சண்டை நடக்கிறது.  கடைசியில் ராணுவம் வருகிறது.  பழைய வில்லன் புதிய வில்லன்மேல் வெடிகுண்டினை மாட்டிவிட பாஷா போல அமிதாப் தலைமேல் அவரைத் தூக்கி இவர் போல போடுகீறார். வெடிகுண்டு வெடித்து வில்லன்கள் சாக  இவர்கள் எல்லோரும் ஒன்று சேருகிறார்கள். சுபம்.


படத்தின் முக்கிய வித்தியாசம் என்னவென்றால் டைகர் ஒரு சராசரி கோபக்கார இளைஞர்.  பாஷா அதிபயங்கர சக்திவாய்ந்த கடத்தல் மன்னன்.

மற்றபடி சிரிப்பு போலீஸ்- கேசவன், கோவிந்தா யுவராணி அப்படி இப்படி என்று சின்ன சின்ன மாறுதல்தான்.


வில்லனின் பெண்ணை தூக்கிக் கொண்டு போய் வளர்ப்பதாக சின்ன வயதில் ஏதோ ஒரு படத்தில் பார்த்த நினைவு. ஆனால் ஹம்மில் தாய் மகள் இருவரையும் கொன்று விடுகிறார். அது எந்த படம் என்று இல்லை.

ஜும்மா பாத்திரத்தை ஃபிளாஷ்பாக் காட்சிகளில் தமிழ்படத்தில் காட்டவேவில்லை . ஃப்ளாஷ்பாக்கிலும் நக்மா வந்திருந்தால் ரசிகர்கள் குழம்பாமல் இருந்திருப்பார்கள். படத்தின் பிற்பகுதியில் வரும் ஜும்மா நக்மா போலத்தான் இளமையாக இருக்கிறார்,.

கல்யாண சமையல் சாதம்- ஏ கிளாஸ்

டிஸ்கி:- முன்னொரு காலத்தில் முத்துராமன் மஞ்சுளா நடிப்பில் மறுபிறவி என்றொரு படம் வந்தது. 1995-98ல் சன் டிவியை இரவு 12க்கு மேல் பார்த்த ரசிக கண்மனிகளுக்கு அந்தப் படம் ரொம்பவும் பரிச்சயம். அடுத்த கட்டத்தில் கார்த்திக் ராதா நடிப்பில் வாலிபமே வா வா என்றொரு படம். அதுவும் பிரபலம்தான்.  இப்போது அடுத்த காலகட்டம். அதே போன்றதொரு கதை. ஆனால் கவுதம் கார்த்திக் நடிக்கவில்லை. பிரசன்னா நடித்து இருக்கிறார். அந்தப் படம் தான் கல்யாண சமையல் சாதம்.


முதலில் இந்தப் படம் ஆகா போன்றதொரு படம்போல என்ற எண்ணம் மனதில் இருந்தது. ஒரு சுபயோக சுபதினத்தில் தயிர் சாதம் மட்டும் சாப்பிடும் எண்ணத்தில் படம் பார்க்க ஆரம்பித்தவனுக்கு ஓப்பனிங்கே ஒரு இன்ப அதிர்ச்சிதான்.  பொண்ணு உட்கார்ந்துட்டா, ஓ உட்கார்ந்துட்டாளா..., நானும்தான் உட்கார்ந்துட்டேன் என்று ஆரம்பித்து,  if u want to talk, first learn WHISPER, உடனே ஒரு கெக்கெபிக்கே சிரிப்பு என்று டைட்டில் போடுகிறது.

முதல் படத்தில் கல்யாணத்திற்கு பிறகு முத்துராமனுக்கு அதில் ஒரு பலஹீனம் தென்படும். அவரது மனைவி தனது தளராத முயற்சியால் அதை சரிசெய்வார்.

இரண்டாவது படத்தில் சுற்றுலா சென்ற இடத்தில் ராதா போடும் சண்டை, மற்றும் கார்த்திக்கின் ஃபேவரிட் குத்துச் சண்டை வீரரின் மேல் திணிக்கப் படும் சதியின் காரணமாக கார்த்திக் தானும் ஒரு பலவீனமான மனிதரோ என்று வீட்டைவிட்டு ஓட கிளைமாக்ஸில் ராதா தானே களத்தில் இறங்கி, அவரும் வெற்றி பெற்று கார்த்திக்கையும் வெற்றியடையச் செய்வார். அவர்கள் இருவரும் வெற்றி யடைந்ததை அவர்களது சொந்தக் காரர்கள் வரிசையாக வந்து பார்த்து மகிழச்சியடைந்து செல்வார்கள்.

இந்தப் படத்தில் என்னவென்றால் முழுக்க முழுக்க ஒரு அரேஞ்சுடு மேரேஜ். பார்த்ததும் நாயகியிடம் விழுந்து விடுகிறார். ஹீரோ .   அவரது தாசானுதாசன் ஆகி விடுகிறார்.  திருமணத்துக்கு முன்பே ஒரு முயற்சித்துப் பார்க்க்க ..........., முயற்சி தோல்வி அடைகிறது.    இந்த முயற்சிக்கு முன்னால் சில டயலாக்குகள்,, இப்பெல்லாம் கல்யாணத்துக்கு முன்னாடிய மக்கள் களத்தில் இறங்கிடறாங்க,, இன்னும் சிலர் கல்லூரியின் போதே.., நீ அப்படி இல்லையில்ல என்று......  அதாவது ஹீரோ ஹீரோயின் சுத்தமானவங்களாம்........., 


இந்த இடத்தில்தான்  பழையகால விமர்சனங்கள் சில நினைவுக்கு வ்ந்தன. சில நேரங்களில் சில மனிதர்கள், அரங்கேற்றம் போன்ற சில ப்டங்கள் பற்றிய பேச்சுவந்த போது அந்த ப் படத்தின் நாயகிகள் எல்லாம் குறிப்பிட்ட சமூகத்தைச் சேர்ந்தவர்களாக படைப்பக்கப் பட்டிருப்பார்கள்,  அதற்காக சிலர் கொதித்துக் கொண்டிருந்தார்களாம். அப்போது படைப்பாளிகளால் சொல்லப் பட்ட ஒரு விளக்கம். பொதுவாக நாயகி கெட்டுப் போகிறார் என்றால் அவர் சுத்தமானவர் என்பதை மக்களிடம் காட்டவேண்டுமாம். இயல்பான கதாநாயகி கெட்டுப் போகிறார் என்றால் மக்களிடம் அதிர்ச்சி எதுவும் வராதாம். அதனால் குறிப்பிட்ட சமூகத்தைச் சார்ந்த கதாநாயகியைக் காட்டுவார்களாம். அவர்கள் கெட்டுப் போனால் பார்ப்பவர்களுக்கு ஒரு அதிர்ச்சி உருவாகுமாம. ஒரு வேளை அதே தியரிதான் இங்கு உபயோகப் படுத்தப் பட்டு நாயகனையும் நாயகியையும் குறிப்பிட்ட சமூகத்தில் காட்டுகிறார்களா என்ற சந்தேகம் கூட எழுகிறது.

நாயகி மனதளவில் நாயகனுக்கு சப்போர்ட்டாக இருக்கிறார்.  மறுபிறவியில் திருமணம் முடிந்து விட்டதால் மஞ்சுளா தனது கணவனை மீட்டெடுக்க கண்டபடி போராடுவார். பார்க்கும் நமக்கு தண்ணீரே வந்துவிடும் கண்களில்.



வாலிபமே வா வாவில் கார்த்திக்கின் போராட்டம்தான் படம் முழுவதும் ராதாவின் அதிரடி கிளைமாக்ஸில்தான்.  கிளைமாக்ஸ் முடிந்ததும் அவர்களின் சொந்தக்காரர்கள் பார்த்து சந்தோசப் படுவதுபோல் நாமும் சந்தோஷப் படுவோம்.



 இதில் கல்யாணம் ஆகவில்லை. தவிரவும் இவர்கள் சுத்தமானவர்கள். அதனால் அவருக்கு முழு அளவில் ஆதரவு கொடுக்கிறார் மனதளவில்.  பல இடங்களில் உட்கார்ந்து இது பற்றிப் பேசுகிறார்.

கோபத்தில் மாப்பிள்ளை ஒரு புஸ்ஸூ என்று சொல்லுவிட்டு ஹீரோ வருத்தப் படுவாரோ என்று இவர் வருத்தப் படுகிறார். மாப்பிள்ளைக்கு இப்படி ஒரு பிரச்ச்னை இருப்பது தெரிந்தும் மாமனார் திருமணத்தை தொடர்ந்து நடத்துகிறார். வாழ்க அந்த மாமனார்.   இணையத்தில் பார்த்து தெரிந்து கொள்வதற்குக்கூட பிரசன்னா அவ்வளவு கூச்சப் படுகிறார். அந்த அளவுக்கு அவர் நல்லவராம்.  இவ்வாறாக பிரச்சனையை எப்படி சரிசெய்வது என்பதிலேயேபடத்தை கொண்டு போகிறார்கள். கடைசியில் அவருக்கு எப்படி சரியானது என்பது தெரியாமலேயே சரியாகிவிட்டதாகச் சொல்கிறார்கள்.

நீங்களும் ஆகலாம் அர்விந்த் கஜ்ரிவால்

ஆம் ஆத்மி கட்சி பெற்றுள்ள வாக்குகள் இன்றைய இளைஞர்களுக்கு ஓர் ஆச்சரியத்தைக் கொடுத்திருக்கும். ஊழலுக்கு எதிராக அவதாரம் எடுத்திருக்கும் கட்சியாக துடைப்பம் கொண்டு துடைக்கக் கூடிய பொருளாக ஊழலை கற்பனை செய்து கொண்டுள்ள மக்களுக்கு ஆம் ஆத்மி ஒரு அவதாரமாகவே தோன்றும். அவர்களிடம் ஊழலை கழுவி சுத்தம் செய்யக்கூடாதா, எரித்து சுத்தம் செய்யக்கூடாதா என்பதெல்ல இந்த இடுகையின் நோக்கம்,  ஆம் ஆத்மியின் வெற்றியில் நமக்கு தெரியும் செய்தி என்ன? என்பதுதான்.

அஸ்ஸாம் கனபரிசத் கட்சியின் வரலாறு தெரியாதவர்களுக்கு இது ஆச்சரியமாக இருக்கலாம்.  ஆனானப் பட்ட அஸ்ஸாம் கனபரிசத் கட்சியே இப்போது பத்தோடு பதினொன்ரு எண்ணும்போது மற்றவர்களைப் பற்றி பேச வேண்டியதே இல்லை.

கஜ்ரிவால் போல திட்டம் போட்டால் யாவருமே வெற்றியை நோக்கிப் போக முடியும்.  கஜ்ரிவால் நினைத்திருந்தால் அகில உலக தேசிய கட்சியை ஆரம்பித்திருக்க முடியும். ஆரம்பித்து ஐந்து மாநில தேர்தல்களில் ஒரு கலக்குக் கலக்கி ஒரு விஜய காந்த் ஆகவோ அல்லது ஒரு சிரன்சீவி ஆகவோ மாறி இருக்கலாம். ஆனால் அவர்கள் டெல்லியில் மட்டும் தனது வேட்டையைக் காட்டி ஒரு சூப்பர் ஹீரோவாக மாறிவிட்டார். 

சமுதாயத்தை ஊழலற்றதாக மாற்ற நினைக்கும் மக்கள் நம் ஊரில் கூட மாநகராட்சி அளவில், நகராட்சி அளவில் கட்சி அல்லது கட்சி போன்ற அமைப்பை ஆரம்பிக்கலாம். உள்ளூரிலேயே ஆயிரக் கணக்கில் பிரச்சனைகள் இருக்கின்றன.  மாநகராட்சி போன்ற அமைப்புகள் நினைத்தால் அதிலுள்ள மக்கள் பிரதிநிதிகள் நினைத்தால் மிக்ச் சிறப்பான நிர்வாகத்தை தரமுடியும்.

முழுநேர அரசியலில் ஈடுபடும் அளவிற்கு வசதி இருப்பவர்கள் அவரவர் ஊர்களில் ஒன்று சேர்ந்து ஒரு கட்சி ஆரம்பியுங்களேன். இன்று ஒரு சில பிரதிநிதிகளின் வருமானத்தைப் பார்த்திருப்பீர்கள். அதில் பாதி அளவுக்கு மக்களுக்கு செலவு செய்தாலே மக்கள் உங்களை தலையில் தூக்கி வைத்து கொண்டாடுவார்கள்.

சச்சினை வீழ்த்திய பிபாசா பாசு

டிஸ்கி:- இது கொஞ்சம் காலதாமதமாக வந்த இடுகையாக இருந்தாலுன் கூட இப்போது அலசுவது என்பது கொஞ்சம் நடுநிலையாக இருக்கும் என்றே நினைக்கிறேன்.

சச்சின் ரசிகர்களால் அப்படி இப்படி பேசப்பட்டாலும்  உண்மையில் வெளியான போது தோல்வியான திரைக்கதை அது. சச்சின் வெளியான போது நான் திரைப் படம் பார்க்காமல் இருந்த காலகட்டம் தவிர அப்போது பிளாக்கர் எல்லாம் இருந்ததா என்றும் தெரிய வில்லை. நானும் களத்தில் இல்லை.

 சமீபத்தில்தான் எனக்கு இந்தப் படம் பார்க்கும் வாய்ப்பு கிடைத்தது. விஜய் ரசிகர்கள்  சிறப்பாகவே சொல்லியிருந்ததால் நானும் நல்ல எதிர்பார்ப்புடந்தான் பார்க்க ஆரம்பித்தேன்.  படம் பார்த்தபின் அது ஒரு படத்துக்கான எல்லா விஷயங்களுடந்தான் இருந்தது. இருந்தாலும் படத்தின் தோல்விக்கான் காரணத்தை அலசியபோது சில் விஷயங்கள் வெளிப்படையாகவே தெரிந்தன.


1.இது போன்ற ஜனரஞ்சகமான படத்துக்கு ஏ சர்டிஃபிகேட் அனாவசியம். குறிப்பாக அதைத் தவிர்த்திருக்க வேண்டும்.  முக்கியமாக குஷி மும்தாஜ் கதாபாத்திரத்திற்கு அந்த வயோதிக தோற்றம் உடைய பிபாசா அம்மையார் தேவையே இல்லை. அதுவும் கல்லூரி முடிய 30 நாட்கள் இருக்கும் நிலையில் நடனப் பயிற்சி எல்லாம் செய்யும் செய்யும் பெண்மணி தேவையே இல்லை.


2.குஷி வெற்றியடைந்திருந்த சில வருடங்கள் வெளிவந்த திருடா திருடியும் வெற்றி என்பது குறிப்பிடத்தக்கது.  இரண்டும் ஈகோ அடிப்படையில் வெளிவந்த படங்கள் என்பதும் குறிப்பிடத்தக்கது.  திருடா திருடிக்கும்  எம்ஜியாரின் அன்பே வாவுக்கும் உள்ள தொடர்பு ரீமேக் லேபிளை சுண்டி தெரிந்து கொள்ள முடியும். இந்தப் படத்திலும் சரோஜா தேவி சொல்லும் அதே காரணத்தை ஜெனிலியா கிளை மாக்ஸில் சொல்லுகிறார்.   இந்தப் படத்தை குஷி பார்ட் 2 என்றே ரிலீஸ் செய்து இருக்கலாம்.

3.இது போன்ற படங்களுக்கு நல்ல காதல் பாடல்கள் அவசியம். இந்த படத்தில் அவை சுத்தமாக மிஸ்ஸிங்.  ஒருவேளை நல்ல பாடல்கள் இருந்திருந்தால்  இந்தப் பாடல்களும் ஹிட் அடித்திருக்கும்.



4. அந்தப் படம் வந்த போது நாயகி தேர்வைப் பற்றியும் குறை சொல்லி பத்திரிக்கைகளில் எழுதியதாக நினைவு. ஒரு வேளை படம் வெற்றி பெற்றிருந்தால் ஜெனிலியாவை சரியான தேர்வு என்று சொல்லி இருப்பார்கள். இப்போது பார்க்கும்போது பாத்திரத்தில் அவர் சரியாகத்தான் பொருந்தி இருப்பதாகத் தோன்றுகிறது.


மொத்தத்தில்  மிக லேசான சருக்கல்களால் மிகப் பெரிய வெற்றிப் படமாக வந்திருக்க வேண்டிய படம் தூங்கி விட்டதாகவே தோன்றுகிறது. சருக்கல்கள் இருந்தாலும் இன்று மீண்டும் ரிலீஸ் செய்தாலும் படம் வெளியான போது கிடைத்த வர வேற்பை விட இன்று நல்ல வரவேற்பு கிடைக்கும் என்றே தோன்றுகிறது.

இது அது மாதிரியா?

ஆதித்ய கரிகாலன் மன்னன் ஆகிருந்தால்.....,

டிஸ்கி:-

நமக்கு பிடித்தவர்களை நாயகனாக்கி பல காவியங்கள் எழுதுவது மரபுதான். அது கல்தோன்றி மண் தோண்றா காலத்தில் துவங்கி இன்றைய சினிமா வரைக்கும் இருப்பதுதான். இது ஒரு சுவையாக கற்பனை.  சின்ன வயதில் நான் மன்னனானால்..........,    எதிர்காலத்தில் நான்....., என்றெல்லாம் பேச்சுப் போட்டி நடத்துவார்கள். இதுவும் அது போலத்தான்.


என் மனதில் வெகுநாட்களாக இருந்து கொண்ட அரிப்புதான். தமிழ் சமுதாயம் ஏன் இவ்வளவு சிரமப் பட்டுக் கொண்டு இருக்கிறது. இந்த தமிழ் சமுதயாத்தின் இழி நிலைக்கு காரணம் தான் என்ன என்றெல்லாம் நானும் உள்ளங்கிடங்கோடு போராடிக் கொண்டிருந்தவன் தான். 

அப்படி யோசித்துக் கொண்டிருந்த காலக் கட்டத்தில் தீடீரென்றா தீயாய், காற்றாய், புயலாய் தோன்றியதுதான். ஆதித்ய கரிகாலன் சக்ரவர்த்தி ஆகி இருந்தால் தமிழ் சமுதாயத்தின் இந்த இழிநிலை மாறியிருக்குமோ என்றுதான் தோன்றியது.இதற்கான காரணங்கள்.



1.  ஆதித்ய கரிகாலன் ஒரு அதிரடி இளவரசன், இணை அரசன், போர்கள் பல பறந்திருக்கும்.  சோழப் பேரரசு விரைவில் உருவாகி இருக்கும்.

2.ஆதித்ய கரிகாலன் தளிச் சேரிப் பெண்டிரை ஆதரித்த சுவடுகள் எதுவும் இல்லை. எனவே தேவரடியார் என்ற தனிப் பிரிவினர் வந்திருக்க மாட்டார்கள். பிற்காலத்தில் அவர்களுக்கு ஏற்பட்ட நிலையும், சமுதாயத்தில் அவர்களது நிலையும் அனைவருக்கும் தெரிந்ததே..,

3.அவர் அக்கனுக்கு அவ்வளவு முக்கியத்துவம் கொடுத்திருக்க மாட்டார். நாட்டுக்கு ஒரே ஒரு ராஜாதான் இருந்திருப்பார்.

4.ராஜ ராஜ சோழன் காலத்தில்தான் தமிழகத்தில் ஜாதி வாரி பிரிவுகள் வளர்ந்ததாகச் சொல்கிறார்கள். ஆதித்ய கரிகாலன் மன்னனாகி இருந்தால் இது தவிர்க்கப் பட்டிருக்கலாம். ( பட்டிருக்கலாம் என்றெல்லாம் இல்லை, கண்டிப்பாக ஜாதியாக இருந்திருக்காது.)

5. ராஜ ராஜன் காலத்தில்தான் கலைஞர்கள் எச்சில் துப்புவதை சேகரிக்க தனி ஆட்கள் நியமிக்கும் பழக்கம் வந்தது.

6. ஆதித்யன் தஞ்சை சக்கர வர்த்தி ஆகியிருந்தால்  அருள்மொழி ஈழ சக்கரவர்த்தி ஆகி இருக்க வாய்ப்பு அதிகம். ஒரு வேளை அது நடந்திருந்தால் இந்திய துணைக் கண்ட அரசியலே வேறு மாதிரி ஆகியிருக்கும்.

7. ஆதித்ய கரிகாலன் தாய் தந்தையர்க்கு செலவு செய்து வீடுகட்டும் இயல்பு கொண்டவன். ராஜராஜனோ பெருத்த செலவு செய்து கோவில் கட்டியன். அவனது மகனே அந்தக் கோவிலும், நகரும் பிடிக்காமல் வேறு ஒரு ஊருக்கு ஒதுங்கியது வரலாறு.


டிஸ்கி:-

எதிர்காலத்தில் ஔவையார் அரசாட்சி செய்திருந்தால் எப்படியிருக்கும்,  மருத நாயகம் பிரதமர் ஆகி\யிருக்க வேண்டும். கோச்சடையான் ஜனாதிபதி ஆகியிருக்க வேண்டும் என்றெல்லாம் பழ இடுகைகள் போடும் எண்ணம் இருக்கிறது.

மப்பும் மந்தாரமும்.., கொப்பும் குலையுமாய்..,

ஏறக்குறைய 20 ஆண்டுகளுக்கு முன், கூடுதலாய் சில ஆண்டுகளுக்கு முன் என்றும் கூட சொல்லலாம்.  தமிழ்நாட்டில் மது பற்றிய ஒரு எண்ணம், கசப்பாய், இனிப்பாய், புளிப்பாய் என்று கூட சொல்லலாம். நாம் பதின்ம வயதில் காலடி எடுத்து வைத்திருந்த கால கட்டம்.., 

சூப்பர் ஹீரோவாய் எதுவும் செய்ய முடியாவிட்டாலும் சூப்பர் ஹீரோ செயல் செய்பவர்களை சுற்றி, அவர்களது பிரதான அடிபொடிகளாய் நம்மை அடையாளப் படுத்திக் கொண்டிருந்த காலம் அது.

அப்போதெல்லாம் தெருவிக்கு ஓரிரு வீடுகளில் டி.வி. இருக்கும் ஓரிரு வீடுகளில் டிவிஎஸ் 50 இருக்கும். சில ஊர்களிலெல்லாம் தெருவே ஒன்றிரண்டுதான் இருக்கும்.  அப்படிப் பட்ட கால கட்டம். 

மலிவு விலை மதுக்கடைகள் அப்போது அங்காங்கே இருந்ததுண்டு. பாக்கெட், இப்போது ஆங்காங்கே விற்கும் தண்ணீர் பாக்கெட் வடிவில் இருக்கும். ரூ2 அல்லது 3 என்று நினைக்கிறேன். நான் வாங்கியதெல்லாம் கிடையாது. பிற்காலத்தில் எனக்கு கிடைத்த பொது அறிவுத் தகவல்கள் அவை.

அப்போதெல்லாம் ஊரில் சில சலம்பல் பார்டிகள் மட்டும் தண்ணி அடிப்பார்கள்.  அடித்துவிட்டு தெரு முக்கு வரை சலம்பல்கள் பறக்கும். ஊரின் நுனி வந்த உடன் அப்படியே பெட்டி பாம்பாய் அடங்கி விடுவார்கள். அப்படியே ஒரு ஓரமாய் நடந்துபோய் வீட்டில் அடங்கி விடுவார்கள். சில ஆட்கள் மட்டும் தண்ணி போட்டு விட்டு வந்து மனைவியை அடிப்பது உண்டு. அவர்களை எல்லாம்  தெருவில் இருப்பவர்கள் கண்டபடி திட்டுவார்கள், பெரும்பாலும் முதுகுக்குப் பின் தான்.

வெகுசிலர் போதையில் சண்டை போடுவது உண்டு. வெகு சிலர் என்றால் மொத்த மக்கள் தொகையில் வெகுசிலர்.  இன்று யோசித்துப் பார்த்தால் அவர்கள் போதை ஏற்றாவிட்டாலும்  சண்டைதான் போட்டிருப்பார்கள்.  

யோசித்துப்பார்த்தால் ஒரு ஒற்றுமை தெரிகிறது. அன்றைய தேதியில் மதுபோதையை நாடியவர்களை அவர்களது மக்கள், உறவினர்கள் பெரும்பாலும் வெறுத்துத்தான் இருக்கிறார்கள். மதுவை மட்டுமல்ல, மதுவின் நண்பர்களையும்தான்.


இன்றைய நிலையை யோசித்துப்பார்த்தால் மதுவால் ஏற்பட்ட படப்போகும் தீமைகள் ஒன்றும் குறைந்து போய்விடவில்லை.  ஆனால் மது மற்றும் மதுவின் உறவினர்களை வெறுக்கிறார்களா என்று பார்த்தால் , அப்படியெல்லாம் வெறுப்பவர்களாகத் தெரியவில்லை. நேற்று போதை அதிகமாகிவிட்டது என்பதை தேநீரில் இனிப்பு அதிகம் என்பது போல சொல்லுகிறார்கள். திரைப்படங்களைப் பார்த்தாலே இது நன்றாக விளங்கும். மது மயக்கத்தில் பாடுவதுபோல ஒரு பாடல் கண்டிப்பாக இடம்பெற்றுவிடுகிறது.  புகை பிடிப்பவர் ஒரு ஓரமாய் இருந்தால்கூட எச்சரிக்கை ஸ்லைடு போட்டு தெளிவாக்கி விடுகிறார்கள். 

மதுவை எதிர்ப்பவர்கள் யார் என்று பார்த்தால்

1.அரசியல்ரீதியாக நன்மைக்காக

2.சீர்திருத்தவாதியாக பெயர் எடுத்தவர்கள். இதிலும் சில புரட்சிவாதிகள் தன்னால் தண்ணி அடித்தால்தான் பேச எழுத முடியும் என்று பெருமையாக சொல்லிக்கொள்கிறார்கள்.

3.இன்றுவரை மதுவிற்கு அடிமையாகாமல் இருந்து எங்கே தங்கள் வாரிசுகள், அதில் சிக்கிக் கொள்வார்களோ என்று என்ற பயத்தில் எதிர்ப்பவர்கள் என மிக குறுகிய சில் வட்டத்துக்குள் அடிக்கிவிட முடியும். 

தனது சக மாணவன் தண்ணி அடிப்பதால் அவனை வெறுக்கும் அல்லது அவனது சகஜமாக பழக மறுக்கும்  மாணவன், மாணவி இன்று உண்டா....,?  

மதுப் பழக்கம் உண்டு என்ற காரணத்திற்காக தனது காதலனை வெறுக்கும் காதலி, கணவனை வெறுக்கும் மனைவிகள் இன்று குறைந்து கொண்டே வருகிறார்கள். வீட்டில் சிக்கன் வறுத்துக் கொடுக்கும் இல்லத்தரசிகளின் எண்ணிக்கை அதிகரித்துக் கொண்டே செல்கிறது.  எதிர்காலத்தில் இவர்களும் குடும்பத்துடன் அமர்ந்து சாப்பிடும் காலம் வரலாம் என்றே தோன்றுகிறது.

குறுகிய காலத்தில் இதெல்லாம் நடந்து விடுமோ என்று தோன்றுகிறது. மதுவை வெறுக்கும் மனப் போக்கு குறைந்துகொண்டே வருகிறது என்பதாக உலகம் போய் கொண்டு இருக்கிறது.

இப்படி மப்பும் மந்தாரமாய் மக்கள் போய் கொண்டே இருந்தால் கொப்பும் குலையுமாக விபத்தில் மாட்டிக் கொள்ளும் மக்களின் எண்ணிக்கையும் அதிகரித்துக் கொண்டே தான் போகும். என்ன சொல்லி என்ன பிரயொசனம்?  மக்களிடையே மதுவிற்க்கான எதிர்ப்பை வளர்க்காத வரையில் மது ஒழிப்பு சாத்தியமே இல்லை என்றுதான் தோன்றுகிறது .

சச்சினுக்குப் பின் டோனி?

இன்றைய விளையாட்டு வீரர்களில் மிக அதிகமாக சம்பாதிக்கும் விளையாட்டு வீரர்களில் டோனியும் ஒருவர். டோனியின் சரித்திரம் பல எதிர்பாராத திருப்பங்கள் நிறைந்தது.

அதில் ஒவ்வொரு நொடியும் ஒவ்வொரு நிமிஷமும் நானே செதுக்கினது என்று டோனி பெறுமை பட்டுக் கொள்ள முடியாது. அதில் பலரும் செதுக்கி உள்ளனர், ஆனால் அவர் ஒரு குட் ஃபினிஷர்,  ஒவ்வொன்றையும் கடைசியில அவர் செதுக்கி விட்டிருக்கிறார்.  டோனியின் கீப்பர் வாழ்க்கை டிராவிட் என்ற பேட்ஸ்மேனால் ஒரு குச்சியும், பர்த்தீவ் பட்டீல் என்ற குழந்தைப் பையனால் ஒரு குச்சியும்  தினேஷ் கார்த்திக் என்ற கொடுத்துச் சிவந்த கரங்களால் மற்றொரு குச்சியும் நடப் பட்டு அதற்குப் பின்னால் துவங்கியது. இதில் யாராவது ஒருவர் காட்டடி மன்னனாக இருந்திருந்தால் டோனி வந்தே இருக்க முடியாது. எதைப் பற்றியும் கவலைப் படாமல் அடி பிண்ணிஎடுக்க ஆரம்பித்தார் டோனி. அப்படியே ஒரு அதிரடி ஆட்டக் காரராக கில் கிரிஸ்ட் பாணியில் உருவாக  அணியில் நுழைந்து விடுகிறார்.

அடுத்ததாக அவர் கேப்டன் ஆகிய கதை இன்னும் சுவாரசியமானது. உன்னால நான் கெட்டேன். என்னால நீ கெட்டேன் என்ற நிலையில் உலகக் கோப்பையில் இருந்து இந்திய அணி திரும்பி வர  எப்படியும் டி 20லும் தோற்று விடுவோம் என்றே எல்லோரும் நினைத்திருந்த நிலையில் கங்கூலி, டிராவிட், சச்சின் ஆகியோர் அணியிலிருந்து வெளியேறுகின்றனர். இளைஞர்களுக்கு வழி விடுவதாக கூறினார்கள்  நாமும் அதை அப்படியே நம்பி விட்டோம்.  டி20ல் கேப்டனாக சச்சினின் ஆசிர்வாதம் இருந்ததாகவும் சொல்வார்கள்.

அவர் சில முடிவுகளை எடுத்தார்.  அதை பலராலும் யூகிக்க முடியாத நிலையில் அவர் எடுத்த பல முடிவுகளில் வெற்றியும் பெற்றார்.

அப்போது கிரிக்கெட்டின் கடவுளாக சச்சினை அவரது ரசிகர்கள் முன்னிறுத்தி வந்தனர். அவரைப் பற்றி பல ஸ்டேடஸ்கள் போட்டு லைக்குகளையும்  பெற்று வந்தனர்.

அதே நேரத்தில் கிரிக்கெட்டில் கங்கூலி, டிராவிட், சேவக் போன்றவர்களும் இருந்தனர். அவர்களும் ரசிகர்கள் இருந்தனர்.  அவர்களில் பலரும் சச்சினின் சாதனைகளுக்கு தங்கள் தலைவனின்  சாதனைகள் சளைத்தவை அல்ல என்ற எண்ணம் கொண்டவர்கள்தான். அவர்களுக்கு சச்சின் மேல் கொஞ்சம் கோபம், பிரமிப்பு கூட உண்டு. தங்கள் தலைவனின் சாதனைகளை சிறியதாக்கிய சச்சினை கொஞ்சம் வெறுத்தர்வர்கள் கூட உண்டு.

ஆனால் சச்சினை அவர்கள் ரசிகர் தூக்கி கொண்டாடிய நேரத்தில் அவர்களுக்கு போட்டியாக தங்கள் ஆளின் சாதனைகளை காட்டலாம் என்றால் அவர்கள் ஏறக்குறைய ஓய்வு பெற்றிருந்தனர்.  அந்த நேரத்தில்தான் டோனி வருகிறார்.  டோனியின் ஃபேஸ்பு க்  ரசிகர்களைப் பார்த்தால் ஒரு விஷயம் நன்றாகத் தெரியும்.  பெரும்பாலும் அவர்கள் ஏதாவது ஒரு விஷ்யத்தில் சச்சினை மட்டம் தட்டுவதிலே கவனம் செலுத்தி இருப்பார்கள்.

இப்படியான டோனி ரசிகர்கள்தான் ஃபேஸ்புக்கில் இருக்கிறார்கள். ஆபூர்வமாக உண்மையாக டோனி ரசிகர்கள் இருக்கலாம். ஆனால் ஃபேஸ் புக்கில் அடித்து ஆடும் பலரும் சச்சின் ரசிகர்களின் எதிர்ப்பாளர்களே.., சச்சின் ஓய்வு பெற்றுவிட்டால் அவர்களுக்கு போர் அடித்து விடும்.

எம்ஜியார் திரைப்படத்துறையை விட்டு விலகிய பின்னர் சிவாஜி படத்தைப் பார்ப்பதை குறைத்துக் கொண்ட சிவாஜி ரசிகர்கள்போல  ரஜினி திரைப் படத்துறையை விட்டு ஒதுங்கிய பின்னர் கமல் படங்களைப் பார்ப்பதை குறைத்துக் கொண்ட கமல் ரசிகர்கள் போல் சச்சினின் ஓய்விற்குப் பின் டோனியின் ஃபேஸ் புக் ரசிகர்களின் அதகள ஆட்டம் குறைந்துவிடும் என்றே தோன்றுகிறது.

விஜய்க்கு மட்டும் ஆசை இருக்க கூடாதா என்ன?

விஜய் ஏறக்குறைய 40 வயதில் இருக்கிறார். திரை உலகிற்கு (ஹீரோவாக) நடிக்க வந்து 20 ஆண்டுகளுக்கு மேல் ஆகிவிட்டது. 

நாயகன் வந்தபோது கமலுக்கு இதை விட வயது குறைவாகத்தான் இருந்திருக்கும். தளபதி வந்தபோது ரஜினிகூட 40ன் துவக்கத்தில்தான் இருந்தார்.  

எம்ஜியார் நாடோடிமன்னன் எடுத்த போது 40ல் இருந்தார். அஜித்கூட தனது 40;ல் தனது ரசிகர் மன்றங்களை கலைப்பதாக அறிவித்தார். 

இளைய தளபதி என்ற பட்டத்தை தளபதியாக மாற்றிக் கொள்ள ஆசை வருவது இயற்கைதான்.  

==========================================

தமிழில் ஸ்பூஃப் வகைப் படங்கள் அவ்வப்போது வருவது உண்டு. இருந்தாலும்கூட தமிழ் ப் படம் தான் முதல் ஸ்பூஃப் படம் என்பது போல வெளி வந்தபோது நாம் எழுதிய இடுகை இது .அதன் முழு உரிமை விஜய்க்குத்தான்.

தலைவாகூட அப்படித்தான். ஒரு முழு நீள ஸ்பூஃப் வகைப் படம் தான்.  

அஜித் பில்லா , பில்லா 2 விட்டது போல இதையும் நாயகன் 2 என்று சொல்லி இருந்தால் பிரச்சனை இருந்திருக்காது. ஸ்பூஃப் வகை சீரியல்களில் கொடி கட்டிப் பறந்த சந்தானத்தையும் திரைக் கதை வடிவமைப்பில் ஈடுபடுத்தி இருந்தால் படம் பட்டையைக் கிளப்பி இருக்கும். 

கருப்புக் கண்ணாடியை கழட்டாமல் சண்டைப் போட்டு அசத்தும் விஷ்வா பாய் அசத்தலோ அசத்தல். எம் ஜியார் கூட கடைசி காலத்தில் டூயட் சீன்களில் மட்டும்தான் கருப்புக் கண்ணாடியை கழட்டாமல் நடித்திருந்தார்.

காதலன் படத்தில் வந்த போலீஸ் அதிகாரியை காப்பி அடிக்கும் நோக்கத்தில் படைக்கப் பட்ட அமலா பால் பாத்திரம் காதலன் போலீஸ் அளவுக்கு நம்மை கவரவில்லை. அதுவும்கூட இந்த படத்தில் நமக்கு ஏற்படும் ஏமாற்றத்திற்கு காரணமாக இருக்கலாம். இன்றைய சூழலில் பெண் போலீஸ் அதிகாரி என்றால் அவர் நினைத்ததை முடிப்பவன்  மஞ்சுளா போன்ற திறமைசாலியாக இருக்க வேண்டும். ஆனால் புதிய பறவை சரோஜா தேவியோடு எல்லாம் இவரை ஒப்பிடுகிறார்கள். பாவம் அவரது பாத்திரப் படைப்பாளி.சந்தானமே சொல்லி விடுகிறார். டிஸ்கோ சாந்தி மாதிரி இருப்பதாக.

நடிகன் படத்தில் நடித்தபோது சத்தியராஜ் பல காட்சிகளில் தனது சிரிப்பை அடக்க சிரமமப் பட்டதாகச் சொல்லி இருக்கிறார். அந்த வரிசையில் இந்தப் படமும் அமைந்திருக்கும். 

படத்தில் வரும் பல காட்சிகளை பலரும் துவைத்து போட்டதால் நாமும் அதைப் பற்றி பேச விரும்பவில்லை.

==============================================================

 வீடியோ காசெட்டை விஜய் கைப்பற்றும் காட்சி, அதில் விஜய் இந்தி பேசிக் கொண்டே நடித்திருக்கும் காட்சி. கொஞ்சம்  முயன்றிருந்தால் துப்பாக்கி போல வந்திருக்கும் காட்சி அது. என்ன செய்வது எதைப் பார்த்தாலும் காமெடியாகவே தோன்றுகிறது மக்களுக்கு.

=============================================================

அமலா பால் விஜயிடம் உனக்கு அம்மா ஆக ஆசைப் படுகிறேன் என்று சொன்ன போதே  டைரக்டர் சொல்லி விட்டார் அவர் விஜயின் அப்பாவுக்குத்தான் ஆசைப் படுகிறார் என்று. இந்த டைரக்சன் டச் கூட மக்களை சென்றடையவில்லை. 

==================================================================

படத்தில் துவக்கத்தில் அண்ணா(விஜயோட அப்பா) வின் ஃபோன்  வந்ததால் அவரது நடன நிகழ்ச்சியில் அவரை டிஸ்குவாலிஃபை( அதுதாங்க தகுதி நீக்கம்)  செய்து விடுகிறார்கள். பிறகு அவர் தெருவில் ஆடி மக்கள் மனதில் இடம் பிடித்து யூ ட்யூப் மூலம் ஹிட் ஆகிறார். பேசாமல் இந்த முறையை கையாண்டிருந்தால் விஜய் நிஜமாகமாக பெரிய ஆள் ஆகியிருப்பாரோ...,

அரசியல்ல ஏதுவுமோ நமக்கு சாதகமா நடக்கறதில்ல. நடக்கிறத நமக்கு சாதகமா மாத்திடணும்....   இதுவும் கூட இந்தப் படத்தில் வரும் வசனம் தான்.

கிளைமாக்ஸ் சண்டை முடிந்த பிறகு வரும் போலிஸ் அதிகாரி (படம் பார்க்காதவர்களுக்கு ஒரு சஸ்பென்ஸ் )  கருப்பு சிவப்பு உடையில்...,   இதுவும் மக்களைச் சென்றடையவில்லை.

திருமணம் அவசியமா?

 பெத்த மனம் பித்து பிள்ளை மனம் கல்லு

- யாரோ ஒரு புண்ணியவான்.

காதல் திருமணம்தான் நம் வாழ்க்கைக்கு முக்கியம். 21 வயதுக்கு மேல் காதல் திருமணம் செய்து கொள்ள பெற்றோர் சம்மதம் தேவையில்லை. பிரேசில், சிங்கப்பூர், போன்ற நாடுகளில் இப்படி ஒரு சட்டம் உள்ளது என்றெல்லாம் நாட்டில் பேசிக் கொள்கிறார்கள். 

பதினெட்டு வயதில் பெண்கள் சட்ட ரீதியாக திருமணம் செய்து கொள்ளலாம் எனவே அவள் விரும்பிய ஆணைத் திருமணம் செய்து கொள்ளலாம். பெற்றோருக்கு அந்தப் பையனைப் பிடித்தாலும் பிடிக்காவிட்டாலும் ஏற்றுக் கொண்டேதீர வேண்டும் என்றெல்லாம் மக்கள் பேசிக் கொள்கிறார்கள்.  

சாதி ஒழிய வேண்டுமானால் காதல் திருமணமே வழி என்று பலரும் பேசிக் கொள்கிறார்கள். தென் தமிழகத்தில் பஞ்சமர்களில் இருந்த ஒரு சாதியே தனது உழைப்பால் மிகப் பிற்படுத்தப் பட்டவர் வரிசையில் இடம் பிடித்து இருக்கிறார்கள். அவர்கள் காதல் திருமணத்தால் அதை சாதிக்கவில்லை. உழைப்பால்தான் அதை நடத்தினார்கள்,  (ஐந்து சாதிகளில் ஒன்று மி.ப. வரிசையில் சேர்ந்தாலும் இப்போது தமிழ்கத்தில் தாழ்த்தப் பட்டவர்கள் எண்ணிக்கை நூறுக்கும் பக்கம் இருக்கிறது. )

தாழ்த்தப் பட்டவர்களைத் தவிர பிறரை காதலித்தால் நகரப் புறத்தில் ஏற்றுக் கொள்ளப் படுவதாக வேறு ஒரு கூட்டம் சொல்லிக் கொண்டு இருக்கிறார்கள்.  

எது எப்படிப் போனாலும் காதல் திருமணம் என்பது காதலிப்பவர்களுக்கும், அவர்களைப் பெற்றவர்களுக்கும் சரி ஒரு இம்சைதான். இதை நாம் தடுத்தே ஆக வேண்டும் என்று யோசித்த போது தான். சில விஷயங்கள் தோன்றின.

1. காதலிப்பவர்கள், கோவிலிலோ , சர்ச்சிலோ, மசூதி மூலமாகவோ திருமணம் செய்து கொள்கிறார்கள். சில நேரங்களில் இதற்கு மதம் மாற வேண்டிய சூழல் இருக்கிறது.

2.மதம் மாற விருப்பம் இல்லாதவர்கள், பதிவாளர் அலுவலகத்தில் திருமணம் செய்து கொள்கிறார்கள்.

திருமணத்திற்கு பின் பெற்றோர் பார்த்து வைத்த திருமணம், தானே செய்து கொண்ட திருமணம் எப்படி போகிறது என்று பார்த்தால், பெரும்பாலான மக்கள் தனிக் குடித்தனம் வந்து விடுகிறார்கள். 

நகர் புறங்களில் முதியோர் இல்லத்தை நாடுகிறார்கள். கிராமப் புறங்களில் தனியாக உலை பொங்கிக் கொள்கிறார்கள்.

நகர்புறங்களிலும் சரி கிராமப் புரங்களிலும் சரி குழந்தை வளர்ப்பு என்பது கம்பிமேல் நடப்பது போலத்தான் இருக்கிறது,. என்னதான் கஷ்டப் பட்டாலும் விளைவு என்பது ஏற்கனவே நடந்தது போல பெரிசுகளை விட்டு சிரிசுகள் போய்விடுகின்றன.

பெத்த மனம் பித்து பிள்ளை மனம் கல்லு என்பதாக வே   வாழ்க்கை ஓடி விடுகிறது.  இதற்கெல்லாம் என்ன வழி.

திருமணத்தை ஒழிப்பது தான்.

திருமணமே செய்யாமல் இருந்தால் ஜாதிப் பிரச்ச்னை கிடையாது. மதப் பிரச்சனை கிடையாது. 

நான் திருமணம் செய்யாமல் குழந்தை பெற்றுக் கொள்ள சொல்ல வில்லை.  எதுவுமே இல்லாமல் இருந்தால் வாழ்க்கை என்பது இன்ப மயம்தான். 

ஆசையே துன்பத்திற்குக் காரணம்

ஆசையை ஒழித்தால் துன்பம் இன்றி வாழலாம். என்ற பொன்மொழியை ஏற்று

காதலை மறுப்போம். திருமணத்தை ஒழிப்போம். மகிழ்ச்சியாக வாழ்வோம்

பாரதி ராஜா வழுக்கிய இடங்கள்.

பல பல விமர்சனங்களைப் படித்த பின்னர் உந்தப் பட்டு அன்னக் கொடி படம் பார்த்துவிட்டேன். கதை என்று எடுத்துக் கொண்டால் கொஞ்சம் வங்கமொழி திரைப்படங்களில் வருவது போன்று இருக்கிறது. 

அன்னக் கொடி காதலிக்கிறாள். சூழ்நிலை காதலை பிரித்து விடுகிறது. கனத்த இதயத்துடன் அன்னக் கொடி ஒருவனைத் திருமணம் செய்து கொள்கிறாள்.  சில நாட்கள் ( ஆண்டுகளாய் கூட இருக்கலாம்) அன்னக் கொடியின் காதலனும் இன்னொரு பெண்ணை திருமணம் செய்து கொள்கிறான். இவர்களுக்கு குழந்தை கூடப் பிறக்கிறது.  அன்னக் கொடிக்கு கணவனிடம் சித்ரவதை அதிகரிக்கிறது. பொறுக்க முடியாமல் காதலுடன் சேர்ந்து கொள்கிறாள். அவனும் அவளைச் சேர்த்துக் கொள்கிறான். கணவனுக்கு கோபம் வருகிறது.  அன்னக் கொடியின் காதலனின் மனைவியை கடத்திவிடுகிறான். அவளும் தூக்கில் தொங்குகிறாள். காதலனும் கணவனும் சண்டை போட கணவன் சாக  காதலனுக்கும் அவன் மனைவிக்கும் பிறந்த குழந்தைக்கும் தனது மார்பை உபயோகித்து பால் கொடுக்கிறாள் அன்னக் கொடி. 

மலையாளப் படம் போலவோ அல்லது வங்காளப் படம் போலவோ எடுத்திருந்தால் படம் ஓடியிருக்குமோ இல்லையோ பாரதிராஜா ஒரு திறமையான இயக்குநர். அவர் தமிழனாகப் பிறந்தது அவரது தவறு. தமிழனுக்கு திறமையை மதிக்க தெரியவில்லை அப்படி இப்படி என்று எதாவது எழுதி தள்ளி இருக்கலாம்.  

ஆனால் என்ன செய்வது அவருக்கு ஒரு மகன் இருக்கிறார். எஸ்.ஏ.சந்திரசேகர், மாதிரி இல்லாவிட்டாலும் கங்கை அமரன் மாதிரியாவது தனது மகனை அழகு பார்க்க வேண்டும் என்ற ஆசை இருக்காதா? அவருக்கு. தனது படங்களில் வில்லன்களாக நடித்து தமிழ் மக்களின் வெறுப்பை அள்ளிக் கொண்ட ரஜினிகாந்த், சத்யராஜ், பாக்யராஜ் ( வில்லனாகத்தான்) போன்றவர்கள் பிற்காலத்தில் பெரிய ஆளான மாதிரி தனது மகனையும் பெரிய ஆளாக மாற்றியே தீர வேண்டும் ஒரு தந்தையாக தன்னை முன்னிறுத்தி எடுத்த படம் என்பதால் அதில் சில பல வகைகளில் மெருகேற்றப் பட்டத்தில்  படம்  என்னவோ மாதிரி ஆகிவிட்டது.

கிழக்குச் சீமையிலே படத்தில் நெப்போலியனின் தங்கையின் காதலையும் அதற்கு  நெப்ஸ் குடும்பம் தரும் எதிர்ப்பையும் பதிவு செய்து இருப்பார். அந்தப் படத்தில் வரும் பாண்டியனின்  கதாப்பாத்திரம் போன்ற ஒரு பாத்திரம்தான் சடையனின் பாத்திரம்.  ஆனால் அந்தப் பாத்திரம் இந்தப் படத்துக்காக மாற்றி அமைத்ததில் அடியில் ஒரு ஒடுக்கு விழுந்து விட்டது. அதனால் நேராக நிமிரவே முடியாது. என்பதாக மாற்றி விட்டார்கள்.

இந்த மேட்டரை முத்துராமன் நடித்த மறு பிறவி சொல்லுவார்கள் என்று நினைத்தேன் ஆனால் ஏற்கனவே பாரதி ராஜா இயக்கிய  கன்னிப் பருவத்திலே மாதிரி ஆக்கிவிட்டிடுக்கிறார்கள்.

ஆனால் வீட்டில் இருக்கும் அத்தனை பெண்கள். அவர்கள் அதுவும் விருப்பப் பட்டாம்.  ஒரு காப்பித் தண்ணியிலேயே சந்தோஷமாய் இருக்கிறார்கள்.  அதுவும் சடையனின் தந்தையின் கையங்கர்யமாக இருக்குமோ என்பதையும் கேள்விக் குறியாக விட்டு இருக்கிறார்கள். 

கிழக்குச் சீமையிலே படத்தில் பாண்டியனின் அறிமுகத்தில் இருக்கும் ஒரு குளுமை கலந்த கிக் இதில் வாந்தியைத் தான் கொண்டுவருகிறது. அதுவும் கோழிக் குழம்பு வைக்கும் பெண்,  அப்பனுக்கு வழக்கமாக கோழிக் குழம்பு வைத்துக் கொடுப்பவர், மகனுக்கும் கொடுக்க ஆசைப் படுகிறார். கைப் பக்குவம் அப்படி போல..,  

ஆனால் அதை ஜீரணிக்கும் பக்குவம்தான் நம்மிடம் இல்லை. 

எதற்காக மின்சாரம் உள்ளே நுழைந்த காலக் கட்டத்திற்குப் போனார் என்று தெரியவில்லை. பேசாமல் இந்தக் கதையை ஐ.டி. கம்பனியை வைத்தே சொல்லி இருக்கலாம்.  ஜாதியை இழுக்காமல் இஷ்டம் படம் போல காட்டி நவீன பெண்களின் நவீண உரிமைக்கான படமாக எடுத்து இருக்கலாம். நவீன மனிதர்களின் பாராட்டாவது கிடைத்து இருக்கும்.

இந்தப் படத்தில் கூட சில பல மாற்றங்களை செய்து இருக்கலாம்.  கிழக்குச் சீமையிலே காதலைப் போல பணம் , வசதி , குடும்ப பெருமை இதைக் காட்டி காதலர்களை பிரித்து இருக்கலாம். அதை விடுத்து விட்டு வீரன் என்ற பெயர் அதுவும் செருப்புத் தைப்பவன் என்ற அடையாளம். பேசாமல் ஆட்டுக் காரனாகவே கூட இருந்திருக்கலாம்.

தமிழ் படத்தில் ஒரு தாழ்த்தப் பட்ட்வன்  ஒரு பிற்படுத்தப் பட்ட, மிகவும் பிற்படுத்த வீட்டுப் பெண்ணை காதலிப்பது, மணப்பது போன்ற காட்சிகள் வந்து விட கூடாது அப்படி வந்தால் அந்தப் படம் படுதோல்வி. அப்படி ஒரு காட்சி படத்துக்கு மிக அவசியம் என்றால் பெண்ணை உயர்சாதிக்கு மாற்றி பையனை பிற்படுத்தப் பட்ட வகையறாக்களில்  இருந்து அமைத்துவிட வேண்டும். இந்த அடிப்படை திரைப்பட விதிகூட படத்தில் மீறப் பட்டிருக்கிறது.

 எங்க ஊரு பாட்டுக்காரனில் சிஞ்சனுக்கு ஜனக்கு, நான் சொல்லித் தாரான் கணக்கு பாட்டை கொஞ்சம் உல்டா அடித்து சடையனின்  பஞ்ச் ஆக வைத்து விட்டிருக்கிறார்கள். 

கரகாட்டக்காரன் மாதிரியே காற்றில் பறந்து வரும் சட்டை ஒழித்து வைத்துக் கொள்கிறார்கள்.  சிலம்பரசன் மாதிரி செருப்பைப் பார்க்கிறார்கள்.

அன்னக் கொடியை புகுந்த வீட்டில் கொடுமைப் படுத்துவது என்றால் ஒரு காது வளர்த்த கிழவியை விட்டு கொடுமைப் படுத்தி இருக்கலாம். ஆனால் துண்டெல்லாம் கொடுத்து கொஞ்சம் டூ மச்..,  அதற்காகத்தான் அதை எதிர்பார்த்துதான் படம் பார்க்க போயிருந்தாலும்கூட  ஷாக்தான் அந்த காட்சி. 

ஏவிஎம்மின் புதுமைப் பெண்ணில்  நாயகி வீட்டை விட்டு வெளியேறியதை மக்கள் ஏற்றுக் கொண்டுவிட்டார்கள் என்பதற்காக மக்கள் எல்லாவற்றையும் ஏற்றுக் கொள்வார்கள் என்று அர்த்தம் கிடையாது. 30 வருடத்துக்கு முன்னாடி வீட்டை விட்டு வந்ததை ஏற்றுக் கொண்டதற்காக இன்று சேர்த்து கொண்டதை ஏற்றுக் கொள்வார்கள் என்று எதிர்பார்ப்பதெல்லாம் கொஞ்சம் அதிகம்தான்..

சாமி இரவில் வலம் வரும்போது வில்லன் சாவது கூட பல படங்களில் பார்த்ததுதான்.  

வீட்டை விட்டு வெளியே வந்த அன்னக் கொடி தனியே கஷ்டப் பட அவருக்கு ஒரு ஆடு மாதிரி மாடு மாதிரி பூனைமாதிரி இல்லாமல்   நாய் மாதிரி ஹீரோ உதவி செய்திருந்தால் மக்கள் ஏற்றுக் கொண்டு இருப்பார்கள். கடைசியில் வில்லனோடு சேர்ந்து ஹீரோவும் சாக அவன் குழந்தைக்காக தனது வாழ்க்கையையே  அன்னக் கொடு அர்ப்பணித்துவிட்டாள் என்று காட்டியிருந்தால் புரட்சிகள் பல கண்ட தமிழுலகம் கண்கள் பனிக்க இதயம் கனக்க படத்தைப் பார்த்து ரசித்திருக்கும். 

என்ன செய்வது பெத்த மனம் பித்து பிள்ளை மனம் கல்லு என்ற சொலவடைக்கு ஏற்ப எந்திரன் ரஜினிக்கு மீசை வைத்தாற்போன்ற முகத்துடன் மே..., மே...., என்று சொல்லிக் கொண்டு உடையார் நாவலில் பாலகுமாரன் விளக்கு ஒரு வண்டியில் வடிவேலுபோல் அடிக்கடி வேட்டியை அவிழ்த்து தலையில் போட்டுக் கொள்ளும் மகனுக்காக என்னத்த்ச் சொல்ல என்ன்னத்தச் செய்ய..,

டிஸ்கி;-  ஒவ்வொரு பத்திக்கும் தொடர்ப்பு இருப்பது போலவும் இல்லாதது போலவும் தோன்றுகிறதா உங்களுக்கு?

உங்களுக்கு படம் பிடிக்காது.

பத்திகள் தொடர்ச்சியாக இருப்பதாக தோன்றுகிறதா? உங்களுக்கு படம் புரிந்து விடும்.

விகடனுக்கே ஒரு விமர்சனம்.

இந்த வாரம் விகடனில் பிடாரனின் மகள் கதை படித்தேன்.  நட்சத்திர எழுத்தாளர்களின் சிறுகதை அணிவகுப்பில் எஸ்.ராமகிருஷ்ணன் அவர்களின் கதை தான் பிடாரனின் மகள்.

கதை என்று பார்த்தால் ஏற்கனவே நமக்கு அறிமுகமான கதைதான். ஏற்கனவே அழகி படத்தில் ஒரு ஓரமாய் எட்டிப் பார்த்த கதைதான்.  செல்லியை சின்ன வயதில் பார்க்கும் கதாநாயகன். அந்த சின்ன வயதிலேயே தனது தாயாரின் ஹேர் பின்களை கொடுத்தும், கொஞ்சம் கரெக்ட் செய்த காசில் நெயில் பாலீஸ் வாங்கிக் கொடுத்தும் ஃபிரெண்டு பிடிக்கப் பட்ட அந்தச் சிறுமியை, சில பல ஆண்டுகளுக்குப் பின் நாயகன் பார்க்கிறார். அப்போது அவரது உணர்வு,. அவ்வளவுதான் கதையின் சுறுக்கம்.  சிறுமியின் பின்புலம், வளர்ந்தபின் அவரது பின்புலம். அவரது தந்தையின் சிந்தனைகள் சில, நாயகனின் கருத்துக்கள் சில என்று புதிதாக கதை எழுத வருவோருக்கு எப்படி நமக்குத் தெரிந்த ஒரு சம்பவத்தை பெரிதாக மாற்றி கதையாக்குவது என்று சொல்வதாக இந்தக் கதை அமைந்திருக்கும்.

பாம்பு விளையாட்டுப் பொருள் இல்ல.., அது ஒரு உசிரு. அந்த உசிரு நமக்கு அடங்கியும் இருக்கும். மீறினா காவு வாங்கிடும்.

பாம்பாட்டுறது ஒரு போதை, நாம ஊதறதுக்குப் பாம்பு கிறங்கி ஆடுதேனு ஒரு மிதப்பு வரத்தான் செய்யும். நாள்பட அந்த கிறுக்கு மண்டைஇல் கிர்னு ஏறிடும்

பாம்பு சாகிறது சாதாரண விஷயமில்லை. எந்த பாம்பாவது தானாக சாகிறத பார்த்து இருக்கியா? 

அப்படி இப்படி பாம்பு பாம்பாட்டி பற்றியெல்லாம் பேசும்போது  பாம்பாட்டியின் வாழ்க்கை இப்படித்தான் இருக்குமோ என்று நம்மை எண்ண வைத்து விடுகிறார். 

நாமும்கூட அப்படியே அப்படியே நம்பிவிடலாம் அதனால் பாதிப்பு ஏதும் இல்லை.

அப்படியே ஒரு டாக்டரைப் பற்றியும் பேசுகிறார்கள் கதையில் அந்த டாக்டருக்கு ரத்தப் பரிசோதனையும் ஸ்கேன் பரிசோதனையும் தேவையில்லாமல் எழுதித் தருவதாகவும் அதில் கமிஷன் பெற்றுக் கொள்வதாகவும் எழுதி இருந்தார். அந்த வகையில் ஸ்கேனில் மட்டும் மாதம் மூன்று லட்சம் வருவதாக சொல்லி இருக்கிறார். 30 நாளில் மூன்று லட்சம் என்றால் ஒரு நாளில் 10,000 வருமானம். அதாவது கமிஷன்.  கணக்கிட வசதிக்காக  கமிஷன் 10%  என்று வைத்துக் கொண்டால் ஸ்கேன் செய்வது ஒரு நாளைக்கு ஒரு லட்ச ரூபாய்க்கு ஒரு வேளை கமிஷன் 2% என்று வைத்துக் கொண்டால் ஸ்கேன் செய்வது 5 லட்சம் ரூபாய்க்கு.  இந்த பெரிய தொகைக்கு கார்ப்பரேட் மருத்துவ மனைகளே செய்வார்களா என்பது சந்தேகமே..,

அதாவது கமிஷனாக பெரும்பங்கு சம்பாதிக்கும் நபர் என்று தேவையில்லாமல் புழுதியை எடுத்து விடுவதாகவே தோன்றுகிறது.  இவ்வாறான வரிகளைப் படித்த போது தனக்குத் தோன்றுவதை எல்லாம் எழுதி அதை இலக்கியமாக மாற்றும் திறன் நட்சத்திர எழுத்தாளர்களுக்கு உண்டு என்பதை ஒரு வார இடைவெளியில் மீண்டும் நிரூபித்து விட்டதாகவே தோன்றுகிறது.

குருடன் யானை கண்ட கதைபோல  இது போன்ற பாத்திரங்களை படைப்பதற்கு முன் எழுத்தர்கள் எழுதுவது போலவே இருந்து விடுகிறார்கள்

சாமிக்கு விட்றா சர்வேசா........,

+2ல் கண்ணாபின்னாவென்று மக்கள் மதிப்பெண்கள் வாங்கிக் கொண்டிருக்கிறார்கள். கற்கால மாணவர்கள் வெகுசிலரே நூற்றுக்கு நூறு வாங்கி வந்த சூழலில் ஒரே மார்க் மாணவர்கள் வெகுசிலரே இருந்தனர். அந்த கற்கால மாணவர்களுக்கு நுழைவுத் தேர்வு என்ற கூடுதல் ஐட்டம் ஒன்று இருந்தது. அதில் பொது அறிவு கேள்விகளெல்லாம் வைத்து இருந்தனர். ஒரே மதிப்பெண்களில் வந்து நிற்பது வெகுசில மாணவர்களே இருந்தனர். பின்னர் அந்த பொது அறிவுக் கேள்விகளை கட் செய்ய அதிலும் மாணவர்க்ள் முழு மதிப்பெண்கள் எடுக்க ஆரம்பித்தனர். 

வெட்டியாக ஒரு கூடுதல் தேர்வாக இருந்த அந்த நுழைவுத் தேர்வை பின்னர் வெட்டி எடுக்க மாணவர்கள் எடுக்கும் மதிப்பெண்கள் வித்தியாசமும் குறைந்து ஒரே மதிப்பெண்களில் பலரும் வந்து குவிய ஆரம்பித்து விட்டனர்; அந்த பிரச்சனையை சமாளிக்க அறிமுகப் படுத்தப் பட்டதுதான் குலுக்கல் எண் (ராண்டம் நம்பர்). பொறியியல் நேர்காணலில் உபயோகப் படுத்தப் படும் முறை. 

 //பி.இ., சேர்க்கை செயலர் ரைமண்ட் உதிரியராஜ் பேசியதாவது:வரும், 12ம் தேதி, அனைத்து மாணவர்களுக்கும், "ரேங்க்&' பட்டியல் வெளியிடப்படும். இந்த பட்டியல் தயாரிக்க, ரேண்டம் எண்கள் உதவுகின்றன. ஒரே, "கட்-ஆப்&' மதிப்பெண்களில், 350 பேர் வரை வருவர்.
இவர்களிடையே, கணித மதிப்பெண் யாருக்கு அதிகம் என, பார்க்கப்படும். இதில், அனைவரும் சமமாக இருந்தால், இயற்பியல் பாடத்தில் பெற்ற மதிப்பெண் பார்க்கப்படும். இதுவும், சரி சமமாக இருந்தால், நான்காவது பாடத்தில் பெற்ற மதிப்பெண்கள் ஆய்வுக்கு எடுத்துக் கொள்ளப்படும்.
இதுவும், ஒரே அளவு மதிப்பெண்களாக இருந்தால், மாணவர்களின் பிறந்த தேதி பார்க்கப்படும். இதிலும், "டை" வந்தால், இறுதியில், ரேண்டம் எண்களில், அதிக மதிப்புடைய எண்கள், யாரிடம் உள்ளதோ, அந்த மாணவர், முதலில் கலந்தாய்வுக்கு அழைக்கப்படுவார். இவ்வாறு ரைமண்ட் தெரிவித்தார்.//

ஏறக்குறைய இன்னபிற  தேர்வுகளிலும் அப்படித்தான்.   

இந்த குலுக்கல் முறையைவிட  தமிழ்பாட மதிப்பெண் மொத்த மதிப்பெண் போன்றவை உபயோகப் ப்டுத்தினால் தமிழுக்கு மரியாதை கொடுத்த மாதிரியும் இருக்கும்.  

சில பல பள்ளிகளில் மொழிப்பாடங்களுக்கு பெரிய முக்கியத்துவம் தராமல் நான்கு பாடங்களுக்கு மட்டும் முக்கியத்துவம் கொடுத்து பாடம் எடுக்கிறார்களாம். நன்றாகப் படிக்கும் மாணவர்கள் என்பதால ஓரளவு படித்தாலே நல்ல மதிப்பெண்களை மொழிப்பாடத்தில் எடுத்து விடுகின்றனர். ,மற்றபடி அந்த பள்ளிகளுக்கு தமிழ், ஆங்கிலம் பாஸ் செய்தாலே போதும் என சாமி விடும் மனப்பாங்கே நிலவி வருகிறது.  இது போன்று ஒரு உத்தரவு வந்தால் ஓரளவு மொழிப்பாடங்களையும் மாணவர்கள் படிக்க ஆரம்பிப்பார்கள்.

இதுக்கெல்லாம் காந்திய வம்புக்கிழுத்தால் என்ன செய்வது?

//தற்கால சூழலில் காந்தியின் கிராம ராஜ்ஜியம் சாத்தியல்லை என மத்திய மனிதவளத் துறை இணை மந்திரி சசி தரூர் கூறியுள்ளார்.//    

ஒவ்வொருவருக்கும் ஒவ்வொரு புரிதல் இருக்கும்போல.., ஆனாலும் பொறுப்பான பதவியில் இருப்பவர்கள், அதுவும் ஐ.நா சபையின் பெரிய பதவிக்கெல்லாம் போட்டியிட்ட நபர் இப்படியெல்லாம் பேசுவது சரியல்லதான் தோன்றுகிறது.  

இந்த நாட்டின் அடிப்படையே கிராமம்தான். கிராமங்கள் இல்லாமல் நகரங்கள் மட்டுமே இருந்தால் நகரத்த்துக்கு உணவு மட்டுமல்ல ஆட்கள் சப்ளையுமே குறைந்து போய்விடும். 

ஒரு கிராமம் எப்படி இருக்க வேண்டும் என்று பற்பல் கனவுகளை காந்தி விதைத்திருக்கிறார். காந்தியை ஒத்துக் கொள்ளாதவர்கள் கூட அவரது பல கருத்துக்களை ஒத்துக் கொள்வார்.  

சென்னை மாநகரம் என்பது இப்படி பக்கத்து மாவட்டங்கள் தாண்டி வளரும் என்று 40 ஆண்டுகளுக்கு முன் யாராவது நினைத்து பார்த்திருப்பார்களா? அப்போதைய கிராமங்கள் எல்லாம் இன்று சென்னைக்குள் வந்து விடவில்லை.  கோயமுத்தூரில் 20 ஆண்டுகளுக்கு முன்புகூட சிங்காநல்லூர் ஊருக்கு வெளியேதான் இருந்தது. பீள்மேடு கிராமம்தான். இன்று அவையெல்லாம். உள்ளே வந்து விட்டன. ஆனால் கிராமம் என்ற இயல்பை இழந்து விட்டு நகருக்குள் வந்து விட்டன. ஒவ்வொரு நகரைச் சுற்றிலும் இது போன்ற பலகிராமங்கள் இருக்கின்றன. கோவையிலிருந்து 40கிமீயில் பொள்ளாட்சி பசுமையுடன் விளங்கிக் கொண்டுதான் இருக்கிறது,. 

பழனியை எடுத்துக் கொண்டால் முன்பெல்லாம் விவசாய நிலங்களில் இருந்த  முதலாளிகள் அருகிலிருக்கும் ஓரளவு பெரிய ஊரில் இருந்து கொண்டு விவசாயத்தை கவனித்துக் கொண்டு இருந்தார்கள். இன்று தகவல் தொழில்நுட்பம் போக்குவரத்து வளர்ந்து விட்ட சூழலில் தங்களது தோட்டத்திலேயே வசதியான வீட்டைக் கட்டிக்கொண்டு, டிடிஎச் வசதி, கார், மொபைல் சகிதம் ஒரு ஹைடெக் வாழ்க்கையை விவசாயத்தோடு வாழ்ந்து கொண்டு இருக்கிறார்கள். அவர்களுக்கு விவசாயத்தின் வருமானமும் நன்றாகத்தான் வந்து கொண்டு இருக்கிறது.  ஆனால் அடுத்த தலைமுறை ஆட்கள் படித்துவெளிநாட்டிற்குச் செல்வதால்தான் அந்த குடும்பங்கள் விவசாயத்தை விட்டு வெளியே வரும் சூழல் இருக்கின்றன.

சிறுவிவசாயிகளுக்கும் நஷ்டப்படாத அளவில் தண்ணீர் வசதியை செய்து கொடுத்தால் ஓரளவு அவர்களும் தங்களது தோட்டங்களைப் பெருக்கி, அங்கேயே இருந்து விவசாயத்தை கிராமத்தை பலப் படுத்துவார்கள்.  இந்த சிறுவிவசாயிகளின் சிலரின் வாரிசுகள் விவசாயத்தை விட்டு வெளியேறினாலும் பலரின் வாரிகள் அதைத் தொடருவார்கள். கிராமங்கள் வளப்படும். சுலப போக்குவரத்தையும், தேவையான நீர்வளத்தையும் ஏற்படுத்தினால் போதும். ( இதைச் சொல்லும் போது கேலியாகச் சிரிக்கலாம். இது ஒன்றும் கஷ்டம் அல்ல, நாற்கரச் சாலைக்கு நம்மால் நிலங்களை கையகப் படுத்த முடியும்போது கால்வாய்கள் அமைக்க நிலங்களை கையகப் படுத்த முடியாதா என்ன? தவிர இந்த கால்வாய்கள் வந்தால் அந்த நிலச் சொந்தக்காரர்களுக்கும் கொழுத்த லாபம்தான் கிடைக்கும். நமக்குத் தேவை சரியான களப்பணியாளர்கள்தான்)

போக்குவரத்தை சுலபமாக்கி தண்ணீர் போதுமான அளவு கிடைக்கும் வகையில் செய்து விட்டால் கண்டிப்பாக கிராமங்கள் பலம் பெறும். தொழிற்சாலைகளை நகரத்திலேயே குவிக்காமல் அருகிலுள்ள சிறு நகரஙகளுக்கு மாற்றி அங்கிருந்து பெரு நகரத்துக்கு போக்கு வரத்தினை துரிதப் படுத்தினாலே  கிராமங்கள் நன்கு பலப் படும்.  

சரிநிகர் சமப்படுத்தப் பட்ட பொருளாதார வளர்ச்சிக்கு கிராம ராஜ்யமே தீர்வாக இருக்க முடியும். இல்லையென்றால் பணக்காரர்கள் பணக்காரர்கள் ஆகிக் கொண்டே இருப்பார்கள். ஏழைகள் ஏழைகள் ஆகிக் கொண்டே இருப்பார்கள்.

//கோவாவில் நடைபெற்ற விழாவில் சசி தரூர் பேசியதாவது:-

தங்களுக்கு தேவையான அனைத்து வளங்களையும் கிராமங்களே உருவாக்கிக் கொள்ளக்கூடிய கிராம ராஜ்ஜியம் பற்றி மகாத்மா காந்தி பேசி வந்தார்.

உலகமயமாக்கல், தொலைத்தொடர்பில் நவீனத்துவம் என்று மாறிவரும் தற்கால சூழலில் காந்தி விரும்பிய கிராம ராஜ்ஜியம் என்பது சாத்தியமில்லாத இலக்காகவே தோன்றுகிறது.

இவ்வாறு அவர் பேசினார்.//

//      

எனக்கென்னவே தொலை தொடர்பு வசதி என்பதை  கிராமங்களுக்கு கொடுக்க முடியாது என்பது போல பேசி இருப்பதாக தோன்றுகிறது. கிராமத்தான் முன்னேறிவிடக் கூடாது என்ற எண்ணமே அவர் நெஞ்சில் இருப்பதாக தோன்றுகிறது.

அப்துல் ரகுமான் பெயரை கெடுக்கப் பார்த்த நாஞ்சில் நாடன்

டிஸ்கி:- சில நேரங்களில் சில விஷயங்கள் பேசும் போது வெளிவரும் சில விஷயங்கள் விசமாகவும் விஷமாகவும் போய்விடுவதால் உண்மை நிலை தெரிந்தவர்கள் தாராளமாக உண்மையைச் சொன்னால் நான் என்னை சரி படுத்திக் கொள்வேன். 

கடந்த சில நாட்களில் இணையத்தில் பேசப் படும் சில விஷயங்கள், பல விஷயங்களை அம்பலப் படுத்திக் கொண்டு இருக்கின்றன. இதில் எனக்குள் உறுத்திய சில விஷயங்களை மட்டும் இங்கு பகிர்ந்து கொள்ள விரும்புகிறேன்.  http://neerottam.wordpress.com/2010/01/07/%E0%AE%9A%E0%AE%BE%E0%AE%A4%E0%AE%BF%E0%AE%AF%E0%AE%BF%E0%AE%A9%E0%AF%8D-%E0%AE%9A%E0%AF%81%E0%AE%AE%E0%AF%88%E0%AE%AF%E0%AF%81%E0%AE%AE%E0%AF%8D-%E0%AE%9A%E0%AF%86%E0%AE%95%E0%AF%8D%E0%AE%B8%E0%AF%8D/  வலைப்பூவில்  

 //விழாவுக்கு தலைமை தாங்கிய எழுத்தாளர் நாஞ்சில் நாடன், கவிஞர் அப்துல் ரகுமானைப் புகழ்ந்து சொன்ன சில வார்த்தைகள். பல வருடங்களுக்கு முன்பு தனது மகளுக்கு எழுத்தாளர் கோட்டாவில் எம்.பி.பிஎஸ் சீட் பெறுவதற்கு அப்துல் ரகுமான் காரணமாக இருந்தார் என்று குறிப்பிட்டார் நாஞ்சில் நாடன். தனது மகள் 600க்கு 596 மார்க்குகள் எடுத்ததாக சொன்னார் அவர். “அதற்கு மேல் அவளால் எடுத்திருக்க முடியாது. ஆனால் நான் பிறந்து வளர்ந்த சாதியின் சுமை காரணமாக அவளுக்கு மருத்துவ சீட் கிடைக்கவில்லை” என்று சொன்னார்..//

எம்பிபிஎஸ் படிக்க அடிப்படைத் தகுதியாக 80களிலிருந்து +2 மட்டும் நுழைவுத் தேர்வும் சில ஆண்டுகளுக்கு முன்பிருந்து +2 தேர்வு மதிப்பெண்கள் மட்டும் கணக்கில் எடுத்துக் கொள்ளப் படுகின்றன.   தர வரிசை கணக்கீட்டிற்க்கு உபயோகப் படுத்தும் முறையிலோ அல்லது +2 தேர்வு மதிப்பெண்களிலோ எப்போதுமோ  600க்கு என்ற கணக்கீடு வந்ததாகத் தெரியவில்லை. ஒருவேளை பாலிடெக்னிக், திருப்புதல் தேர்வு போன்றவைகளில் அவ்வாறு கணக்கிடுகிறார்களா என்றும் தெரியவில்லை.   

மேற்கண்ட வாக்கியங்களின் படி அவர் சார்ந்த அவர் விண்ணப்பம் செய்திருக்கிறார் ஆனால் கிடைக்கவில்லை. பொதுவாக அனைத்துவகை இட ஒதுக்கீட்டுகளும் ஏறக்குறைய ஒரே நேரத்தில்தான் நிரப்பப் பட்டு வருகிறது.  அவர் மகளுக்கு அதற்கு மேல் வாங்க முடியாது என்பதை ஏனோ அவரே ஒத்துக் கொள்கிறார். அதே நேரத்தில் விண்ணப்பித்து கிடைக்கவில்லை என்பதால் அவரை பிற மாணவர்கள் அதிக மதிப்பெண் வாங்கிவிட்டார்கள் என்பதையும் மறைமுகமாக ஒத்துக் கொள்கிறார்.   எழுத்தாளர் அல்லது ஏதோ ஒரு வகை இட ஒதுக்கீட்டின்படியும் அவருக்கு கிடைக்கவில்லை என்பதையும் ஒத்துக் கொள்கிறார்.  

பின்னர் திரு. அப்துல் ரகுமான் அவர்களைத் தொடர்பு கொண்டபின் எழுத்தாளர் கோட்டாவில் எம்பிபிஎஸ் சீட் வாங்க உதவியதாகச் சொல்கிறார். அப்படி என்றால் எழும் சந்தேங்கள்.

அவரது மகளின் எம்பிபிஎஸ் விண்ணப்பம் முறையாக அனுப்பப் பட்டு தரவரிசைப் பட்டியல் வெளியிடப் படும் வரை இவர் ஒரு எழுத்தாளர் என அங்கீகரிக்கப் படாமல் இருந்தாரா? அப்துல் ரகுமான் அவர்கள்தான் அவர் ஒரு எழுத்தாளர் என அங்கீகரிக்கப் பட உதவி செய்தாரா? அப்படித்தான் எனில்  உண்மையிலேயே அப்துல் ரகுமான அவர்களின் உதவி மிகப் பெரியதுதான்.  ஒரு எழுத்தாளருக்கு எழுத்தாளர் என்ற அங்கீகாரம் பெற்றுத்த்ருதல் என்றால் சும்மாவா? தவிரவும் அந்த அங்கீகாரம் மூலம் மகளுக்கு எம்பிபிஎஸ் சீட் வேறு வாங்கிக் கொடுத்தல் என்பது டபுள் நன்றிக் கடன் அல்லவா?

 ஆனால் நிலமை அப்படித் தோன்றவில்லை. ஏனென்றால் முறையான விண்ணப்பம் மூலமாக இவருக்கு சீட் கிடைக்கவில்லை. ஆனால் அப்துல் ரகுமானின் தலையீட்டுக்குப் பிறகு கிடைத்திருக்கிறது.  என்பதை அவர் ஒத்துக் கொள்கிறார்.

அப்படி என்றால்  அவரின் தலையீடுவரை எழுத்தாளர் ஒதுக்கீடு நிரப்பப் படாமல் இருந்ததா? அவரின் தலையீட்டுக்கு முன்னால் வரைக்கும் இவர் விண்ணப்பம் செய்யாமல் வைத்திருந்தாரா?

ஏற்கனவே மாணவரகளுக்கு இட ஒதுக்கீடு செய்த பிறகு யாருக்காவது கொடுத்த சீட்டை பிடுங்கி இவருக்கு கொடுத்தார்களா? இவர் சொல்வதைப் பார்த்தால்  இவருக்கு சுத்தாமாக கிடைக்காமல் போனபிறகு அப்துல் ரகுமான் அவர்களின் தலையீட்டுக்கு பிறகு சீட் கிடைத்ததாகச் சொல்வதைப் பார்த்தால்  அப்படித்தான் நினைக்கத் தோன்றுகிறது. 

நண்பர்களிடம் இதைப் பற்றி பேசிய போது  ஒருவர் சொன்ன கருத்து:- இதுகெல்லாம் சிபிஐ விசாரணையா கேட்க முடியும். போய்யா போய் புள்ளைங்கள படிக்க வைக்கிற வழியப் பாரு. 

டிஸ்கி:- இவ்வாறு தன் மகளுக்கு இடம் வாங்கிக் கொடுத்த போது  தன் மகளைவிட அதிக மதிப்பெண் எடுத்த ஏழை எளிய எழுத்தாளர்களின் குழந்தைகளுக்கும் அவர் மருத்துவ சீட் வாங்கிக் கொடுத்து சமத்துவத்தை நிலை நாட்டினாரா என்று தெரியவில்லை. 

ஐபிஎல் இறுதிப் போட்டி உணர்த்தும் உண்மைகள்

1. இறுதிப் போட்டியில் தோற்றதன் மூலம் லீக் ஆட்டங்களில் தோற்றது சூத்தாட்டத்தினால் அல்ல. தங்கள் திறமையால்தான் என சூப்பர் கிங்ஸ் நிரூபித்து உள்ளது.
2. சூப்பர் கிங்ஸ்க்கு போடப் பட்ட கடைசிப் பந்து வைடு ஆக ஆனதால் இதற்கு முன் சில ஆட்டங்களில் போடப் பட்ட கடைசி நோ பாலும் இதே போல் ஏதேச்சையாக நிகழ்ந்த நிகழ்வுதான் என நிரூபிக்கப் பட்டுள்ளது.
3. விக்கெட் வரிசையாக விழும்போது பத்ரிநாத் ப்ராவோவைக் களம் இறக்கியதன் மூலம் வீரர்களுக்கு போட்டிகளின் முக்கியத் தருணங்களில் வாய்ப்பு தரும் மகா மனிதர் டோனி என்பது மீண்டும் நீருபிக்கப் பட்டுள்ளது,
4. மும்பை வாலாக்கள் களத்தில் இறங்கினால்  அனைத்தும் சட்ட ரீதியாகத்தான் இருக்கும் என்பது உறுதியாகி உள்ளது.
5. இடியே விழுந்தாலும் கலங்காமல் இருக்கும் மிஸ்டர் கூல் என்பதை டோனி உலகத்துக்கும் அவரது மனைவிக்கும் ஒரு முறை நிரூபித்துக் காட்டி விட்டார்.
6. இந்த போட்டியுடன் ஓய்வு பெற்றுவிட்டதால் இளைஞர்களுக்கு வழிவிடுபவர் என்பதை டெண்டுல்கரும் நிரூபித்துவிட்டார்.
7. வெளிநாட்டு கேப்டனை விட உள்நாட்டு கேப்டன் தான் ஐபிஎல் அணிகளுக்கு சரிப் பட்டு வருவார்கள் என்பதை ரோஹித் சர்மா நிரூபித்து விட்டார். 
8. இதையெல்லாம் விட ஒரு சிறப்புப் படம் ஒன்று ஃபேஸ் புக்கில் பட்டது. அது டோனியின் பக்தியை மெச்சுவதாக உள்ளது அந்தப் படம். 
9. மாமியார் உடைத்தால் மண்குடம் மருமகள் உடைத்தால் பொன்குடம் என்ற பெண்களுக்கு எதிரான பழமொழியை மாமனார் மருமகனுக்கு மாற்றி எழுதிய பெருமையும் இந்த ஐபிஎல்லையே சாரும். மருமகன் உள்ளே மாமனார் வெளியே .
10. தங்கள் அணியை வெற்றிப் பெற செய்ய அணி உரிமையாளர் ஒருவர் எவ்வளவு வேண்டுமானாலும் செலவு செய்யத் தயாராக இருப்பார் என்பதும் இந்த ஐபிஎல்லில் நிரூபணம் ஆகியுள்ளது.    படித்துவிட்டீர்களா? 
11. IPL இறுதிப் போட்டி -  இறுதிச் சடங்கு?
12.  IPL மகாபாரத யுத்த விளக்கம்
13. டிஸ்கி:- மஞ்சள் சீருடை ஒருவேளை பச்சைச் சீருடையாக மாறினால் முக்தி கிடைக்குமோ என்னமோ?

IPL மகாபாரத யுத்த விளக்கம்

 ரோஹித் சர்மா: (மீடியாக்களைப் பார்த்து )உங்களால் அல்லவா சென்னை சூப்பர் கிங்ஸ் அணியை நாங்கள் தோற்கடித்தோம்.

மீடியா: உன் ஒருவனால் அவரை தோற்கடிக்க முடியுமா? உங்களுக்கு முன்பே ஆறு பேர் அவர்களை தோற்கடித்து விட்டார்கள். செத்த அடித்துவிட்டு நாங்கள்தான் தோற்கடித்தோம் என்று வீணே மார்த்ட்டுகிறீர்கள்.

1. பெர்மணண்ட் பிளேயர்களால் மற்றவர்கள் விளையாட வாய்ப்பில்லாமல் பாதி அணியை அவர்களே அழித்து விட்டார்கள்.
2. ஸ்ரீனிவாசனை வெளியேறச் சொல்லி  சென்னை அணியையே தடை ஆகும் வாய்ப்பை உருவாக்கி விட்டார்கள்.
3.  லட்சுமிராயுடனான ஃபோட்டோவைப் போட்டு அவரது நண்பர்களின் வயிற்றில் புளியைக் கரைத்து விட்டனர்.
4. மும்பை போலீஸ் மும்பை இண்டியன்ஸ்காக மாரல் சப்போர்ட் நடவடிக்கைகளை எடுக்க ஆரம்பித்தனர்.
5. டெண்டுக்கரும் ரிக்கி பாண்டிங்கும் கூடுதலாக இரண்டு வீரர்களை உங்கள் அணியில் விளையாட வழிவகுத்துக் கொடுத்தனர்.
6. காக்க வேண்டிய நேரங்களில் ப்ராவோவையும் பத்ரிநாத்தையும் அனுப்பி விழுந்த விக்கெட்டுகளின் எண்ணிக்கையை டோனி அதிகரித்து விட்டார்.

இப்படி ஏற்கனவே பல பேரால் தோற்கடிக்கப் பட்ட அணியை தோற்கடித்துவிட்டு நாங்கள்தான் தோற்கடித்தோம் என்று வீணே மார்தட்டுகிறாய். பேர் வாங்கப் பார்க்கிறாய். போப்பா போய் ஒழுங்கா விளையாடி டீம்ல இடம் பிடிக்கற வழியப் பாரு.

IPL இறுதிப் போட்டி - சடங்கு?

ஒரு பரப்ப்பான சூழலில் ஐபிஎல் இறுதி ஆட்டம் இன்று நடக்கிறது. இது ஒரு சடங்காகத்தான் இருக்கும் என்று பலரும் நினைக்கிறார்கள். சடங்கு என்றால் இப்படித்தான் இருக்க வேண்டும் சில கட்டுப்பாடுகள் உள்ளன. இவர் இங்கு நிற்க வேண்டும் இவர் இங்கு உட்கார வேண்டும். இவர் இந்த வசனம் சொன்னால் இவர் இந்த வசனம் சொல்ல வேண்டும் அப்படி இப்படியெல்லாம் சொல்லி நடக்கும். திருமணம், காதுகுத்து ,நல்லது , கெட்டது என எல்லா சம்பவங்களிலும் இப்படித்தான் சடங்கு நடக்கும்.  மரபுப்படி நடக்கும் திருமணம் என்று இல்லை. பதிவுத் திருமணம் கூட இன்னார் இன்னார் இப்படி இப்படி நடக்க வேண்டும் என்று சொல்லி அதுவும் ஒரு சடங்காகத்தான் அமையும். அது போல இன்று நடக்க இருக்கும் இறுதிச் சடங்கு எப்படி இருக்கும் என்பதான் ஒர்  எதிர்பார்ப்பு இது

  இது முழுக்க முழுக்க ஒரு கணிப்பு  மட்டுமே, அதுவும் இதுவரை நடந்த ஆட்டங்களில் அடிப்படையில் தோன்றிய ஒரு குத்து மதிப்பான கணிப்பு மட்டுமே இதற்கும் எந்த புக்கிகளுக்கும் ஒட்டு உறவு கிடையாது என்ப்தையும் இங்கு தெரிவிக்க கடமைப் பட்டிருக்கிறேன். இது இப்படித்தான் இருக்கும் என்பதாக யாரும் எதுவும் செய்ய முடியாது. 

முதலில் டாஸ் 

நினைத்த டாஸ்போடும் திறமைசாலி யாராவது உண்டா என்று தெரியவில்லை.   இருந்தாலும் கூட ஸ்ரீசாந்துக்கே அடித்து விளையாடும்படி பந்து போட பணம் கொடுத்ததாக பேசிக் கொள்ளும் நிலை இன்று இருப்பதால் டாஸ் ஜெயிக்கும் இடத்திலும் காசு விளையாடியதாக பேசினாலும் ஆச்சரியப் படாமல் இருக்க முடியாது.

 பொதுவாக இந்த ஆட்டத்தில் டாஸ் ஜெயிப்பவர்கள் பேட்டிங்க் எடுக்கும் வாய்ப்புதான் அதிகம் இருக்கிறது.

சென்னை முதலில் பேட்டிங் என்றால்

சென்னை அணியின் ஸ்கோர்:

முதலில் சென்னை பேட்டிங் செய்யும் நிலை வந்தால் சென்னையின் ஸ்கோர் அதிகமாக 180ஐ ஒட்டி இருக்கலாம்.  ஹஸ்ஸியிடம் ஏற்கனவே ஆரஞ்சுத் தொப்பி இருப்பதால் அவர் இந்த ஆட்டத்தில் குறைவான ஸ்கோரில் அவுட் வாய்ப்பே இருக்கிறது. 

ஜூனியர் ஸ்ரீகாந்த் இந்த ஆட்டத்தில் விளையாட வாய்ப்பு கிடைக்கலாம் என்று பேசிக் கொள்கிறார்கள்.  

ரெய்னா 47, 48, 49ல் அவுட் ஆகும் வாய்ப்பு இருக்கிறது. 

முரளி விஜய்  ( ஜூனியர் ஸ்ரீகாந்த் ஆடினால் ரெய்னா ) எப்போது மிக வேகமாக 4ம் 6ம் அடிக்கிறாரோ அடுத்து வேகமாக அவுட் ஆகும் வாய்ப்பு இருக்கிறது.  டோனி கடைசிக் கட்டத்தில் வேகமாக அடித்து ஆடி ரன்களை ஏற்றி விடுவார்.

மும்பை இண்டியன்ஸ்:

 சென்னை சூப்பர் கிங்ஸ் எவ்வளவு ரன் எடுத்தாலும் அதை சேஸ் செய்து வெற்றி பெறும் வாய்ப்பு மும்பை இண்டியன்ஸ்க்கு இருப்பதாகவே தோன்றுகிறது.  அதில்  தினேஸ் கார்த்திக்கின் பங்கு மிக முக்கியமானதாக இருக்கும்.  சென்னை சூப்பர் கிங்ஸின் தோல்வியால் சென்னை ரசிகர்கள் வருத்தப்படாமல் இருக்க தினேஸ் கார்த்திக்கின் இந்த ஆட்டம் ஒரு மருந்தாக இருக்கும்.  ஸ்மித், ஹர்பஜன் சிங் ஆகியோர் இறுதிக் கட்ட அதிரடியில் இறங்கி  வெற்றி வாகை சூடுவார்கள்.  சுத்தமாக சென்னை அணியின் பந்து வீச்சு எடுபடாது.

மும்பை முதலில் பேட்டிங் செய்தால்

மும்பை அணி  120-140 எடுக்க வாய்ப்பு இருக்கிறது.  வழக்கம்போல் ப்ராவோ , ஜடேஜா ஆகியோர் அதிக விக்கெட்டுகள் எடுக்க வாய்ப்பு இருக்கிறது.

டோனி சில கேட்ச்கள் மற்றும் ரன் அவுட் செய்வார்.

சென்னை அணி கடைசி ஓவரில் பத்து பதினைந்து எடுக்க முயற்சித்து தோல்வி அடையும்.  ரெய்னா அல்லது ஹசி போராடுவார்கள்.  ஆனால் 18ம் ஓவரில் அவுட் ஆகி விடுவார்கள்.

ஆட்ட முடிவில் :  சச்சினை தூக்கி தலையில் வைத்துக் கொண்டு வீரர்கள் சுற்றும் வாய்ப்பு இருக்கிறது.  இந்த நிகழ்ச்சிக்கு நடிகைகள் வரும் வாய்ப்பு சுத்தமாக இல்லை என்றே நினைக்கிறேன்.  

இதெல்லாம் படிக்கற பசங்களுக்கு நல்லதா?

 நாயக் நஹீ.., கல்நாயக் ஹூன் மே

டிஸ்கி;- இதெல்லாம் படிக்கற பசங்களுக்கு நல்லதா? ,  நாயக் என்ற இந்தி திரைப்படத்தைப் பார்த்து செய்திருக்கலாம். இல்லை முதல்வன் என்ற மூலப் படத்தைப் பார்த்தும் செய்திருக்கலாம்.

//மத்திய பிரதேச மாநிலத்தில் பிளஸ் 2 தேர்வில் 91.8 சதவீத மதிப்பெண்கள் எடுத்து முதலிடம் பிடித்த மாணவி, ஒருநாள் கவுரவ மேயர் பதவி அளித்து கவுரவிக்கப்பட உள்ளார்.//

//மாணவியை கவுரவிக்கவும், மாணவ, மாணவிகளை கல்வியின் மேல் ஆர்வம் கொள்ளச் செய்யும் வகையில் அவருக்கு ஒரு நாள் மேயர் பதவி வழங்க முடிவு செய்யப்பட்டுள்ளதாக நகரின் மேயர் ஷோபா யாதவ் அறிவித்துள்ளார். வருகிற 28 ஆம் தேதியன்று மாணவி சுனந்தா மேயர் பொறுப்பு ஏற்கிறார்.

அன்று காலை முதல் மாலை வரை மேயர் இருக்கையில் அமர்ந்து மேயர் பணிகளை கவனிப்பார். இதற்கான சட்ட நடைமுறைகளை செய்து, அரசிடம் முறைப்படி அனுமதி பெற்றுள்ளார் மேயர் ஷோபா யாதவ்.

28 ஆம் தேதியன்று மேயர் பதவியில் அமரும் மாணவி சுனந்தா, அன்றைய தினம் நகரில் பொதுமக்கள் பயன்பாட்டுக்காக ரூ.40 லட்சம் செலவில் சாலை அமைக்கும் திட்டத்தில் கையெழுத்திடுகிறார்//

 http://kalvi.vikatan.com/index.php?aid=1655#cmt241

செய்தி மேலே உள்ள சுட்டியில் வந்துள்ளது,. அங்கே போனால் முழுச் செய்தியையும் படித்துக் கொள்ளலாம்.

============================================================

முதல்வன் படத்தைப் பார்த்து இது போன்ற ஐடியாக்கள் தோன்றி இருக்கலாம். ஆனால் எல்லா ஊர்களிலும் மேயர் பதவி இல்லையே என்ன செய்யலாம் என்று மக்கள் மண்டையை உடைத்துக் கொண்டிருக்கலாம்.  எப்படியாவது விளம்பரம் பெற்றே ஆக வேண்டிய நிலையில் யாராவது யோசித்துக் கொண்டிருக்கலாம். பதவி ஏற்ற பின்  அவர்கள் ஏதாவது எக்குத்தப்பாக முடிவெடுத்து ஏதாவது செய்துவிட்டால் என்ன செய்வது என்ற பயம் கூட இருக்கலாம். அந்த சிறுவர்கள் கூட முதல்வன் படம் பார்த்து இருக்கலாம் அல்லவா? 

அவர்களுக்கு மேயர் , சேர்மன் பதவிதான் கொடுக்க வேண்டும் என்றில்லை. ஷெரிஃப், நாட்டாமை போன்ற வழக்கொழிந்த பதவிகளைக் கூட கொடுக்கலாம்.  நாட்டாமை பதவியை  வைத்துக் கொண்டு  போட்டாவுக்கு போஸ் மட்டுமே கொடுக்கலாம்.

17 வயது மாணவருக்கு அந்தப் பதவிகள் கொடுக்க முடியுமா?  கௌரவ பதவியாகக் கொடுத்த பதவியை கொண்டு உத்தரவுகள் போட முடியுமா? என்ற கேள்விகளை நாம் கேட்க வேண்டாம்.

பனிரெண்டாம் வகுப்பு மாணவர்கள் அரசியலுக்கு வருவதும் நிர்வாகப் பதவிகளுக்கு வருவதற்கான வாய்ப்புகளை உருவாக்குவதும் நல்லதுதான்.

ஆனால் வெறுமனே இது போன்ற ஒரு பதவியில் சிறு குழந்தைகளை தூக்கி வைப்பது தேவையில்லாமல் அவர்களுக்குள் ஒரு அதிர்வினை ஏற்படுத்தி  எதிர்மறை விளைவுகளை ஏற்படுத்திவிடும் வாய்ப்பு இருக்கிறது.

ப்ளஸ் டூ படிப்பில் முதல் மதிப்பெண் எடுப்பதால் அடுத்த கட்ட கல்வியில் வாய்ப்புகளை தேர்ந்தெடுப்பதில் அவருக்கு வாய்ப்புகள் அதிகம் கிடைக்கும். அவ்வளவுதான். மேற்கொண்டு அவர் பார்க்கவேண்டிய களங்கள் நிறைய உள்ளன. அதற்குள் இதுபோன்ற கிரீடஙக்ள் அவர்களுக்கு முள் கிரீடங்கள் ஆகி விடக் கூடாது.

எதிர்பார்த்தபடியே எதிர்பாராத நிகழ்வுகள் (ipl)

IPL-2 கிரிக்கெட் போட்டிகள். இன்றும்கூட இந்திய மக்களின் விடுமுறைக் கொண்டாட்டங்களில் முதலிடம் வகிக்கிறது. (தேர்தல் என்பது நமது எதிர்காலத்தை தீர்மானிக்கும் நிகழ்வாக இருப்பதால் அதை பொழுதுபோக்கு செய்திகளில் சேர்க்கக் கூடாது)

வெற்றிகரமான கிரிக்கெட் போட்டிகளில் சுற்று ஆட்டங்களில் பாதி ஆட்டங்களுக்கு மேல் முடிந்த நிலையில் மேற்கொண்டு என்ன நடக்கப் போகிறது? இன்றய சூழலில் ஹைதராபாத் அணி முண்ணனியில் இருக்கிறார்கள். அந்த அணியில் சென்ற ஆண்டுக்கும் இந்த ஆண்டுக்கும் செய்துள்ள ஒரே மாற்றம் தலமை மாற்றமே..,

சென்னை சூப்பர் கிங்ஸ் ஆ.......டிக் கொண்டு இருக்கிறார்கள். இனிவரும் ஆட்டங்களில் இவர்கள் சூப்பராய் ஆட ஆரம்பித்துவிடுவார்கள். அரையிறுதியிருதிக்கு தகுதி பெற ஆறு அல்லது ஏழு அணிகள் ஏற்க்குறைய சமநிலையில் இருந்து சின்ன வித்தியாசங்களுடன் நான்கு அணிகள் உள்ளே நுழைவார்கள்.

ஒரு ஆட்டம் அதிகம் எதிர்பார்க்கப் படுவதாகவும் இன்னொரு ஆட்டம் யானைக்கும் பானைக்குமான போட்டியாக எதிர்ப்பார்க்கப் படும். இறுதி ஆட்டம் பரபரப்பாக இருக்கும் என எதிர்பார்க்கப் படும் ஆட்டம் ஒரு தலை பட்சமாக முடியும்.
==============================================================
கைமாறும் கிரிக்கெட் அணிகள் சில பரபரப்பான வெற்றிகளைப் பெறுவார்கள். அப்போதுதான் புதிதாக வாங்க நினைக்கும் உரிமையாளர் சற்று அதிகப் பணம் கொடுத்து வாங்குவார்கள்.
=============================================================
போட்டித்தொடர் முடிந்த பின்னர் சில ஆட்டக்காரர்களின் தலைமை பண்பு சிறப்பாக பேசப் படும். அப்போது அவர்களை இந்திய 20-20 அணிக்கு தலைமையாக்கச் சொல்லுவார்கள். அப்பொதுதான் டோனியின் சுமை குறையும் என்பார்கள். குறிப்பிட்ட நபர் தலைவராக இருக்கும் அணிக்கு விளம்பரங்கள் அதிகம் கிடைக்கும் வாய்ப்பு இருப்பதால், வருமானம் அதிகரிக்கும் வாய்ப்பும் இருப்பதால் இந்தக் குரல் ஓங்கி ஒலிக்க வாய்ப்பு இருக்கிறது.

==========================================================

இந்தப் போட்டியின் பணச்சுழற்சியைப் பார்த்தால் மற்ற நாடுகளுக்கு வயிற்றில் புளியைக்கரைக்கும் வாய்ப்பு இருப்பதாலும் பல வெற்றிகள், எதிர்ப்பார்த்தபடியே அமைவதாலும் , எதிர்பார்த்தபடியே சற்றும் எதிர்ப்பாராதா முடிவுகளை ஏற்படுத்துவதாலும் முடிவுகள் ஏற்கன்வே நிர்ணயிக்கப் படுவதாக வெளிநாட்டவர்களால் பேசப் படும் வாய்ப்புகள் கூட இருக்கின்றன.

=========================================================

ம் .. நடக்கட்டும்  (இதுவரைக்கும் முதல் பதிப்பில் எழுதியது)

=========================================

பாருங்க தல..,  போன வருஷம் எழுதியது இந்த வருஷத்துக்கும் அப்படியே பொருந்துகிறது. குறிப்பாக சூப்பர் கிங்ஸ் அணியின் ஆட்டம் பற்றிய கருத்துக்கள் ( இது மறுபதிப்பில் போட்டது)
============================================ 
இன்னும் எத்தனை வருஷம் ஆனாலும் அப்படியே பொருந்தும் போல இருக்கே! (இது ஒரு மீள்மீள்பதிப்பு)

விகடன் செய்தது சரியா?

இது வழக்கமா யூ ட்யூப் பக்கத்தில் காலங்காலமா நடத்திட்டு வர ஆராய்ச்சிய ஆனந்த விகடன் தனது ஆராய்ச்சியாகப் போட்டு வெளியிட்டு இருக்கிறார்கள். தீம் ஏற்கனவே புழக்கத்தில் இருந்தாலும் கூட இந்தக் கலக்சன் ஆனந்த விகடன்காரர்களுடையதுதான்.

இந்தக் காலத்துக்குச் சரிதான். அந்தக் காலத்தில் நெட்டும் கிடையாது. திருட்டு சிடியும் கிடையாது, அப்ப எல்லாம் இந்திப் பாட்டு கூட நம்ம கிராமங்களுக்கு கிடைச்சு இருக்குமான்னு தெரியல. அந்த நேரத்தில உலக மொழிகள்ல இருக்கும் பாடல்களை நமக்குக் கொடுத்த இசையமைப்பாளர்களை கேலி செய்வது என்னால் ஏற்க முடியவில்லை.

2.52ல் வரும் இந்திப் பாடலை நாம் யாராவது கேட்டது உண்டா? அதைத் தமிழ்படுத்தி நம்மை ரசிக்க வைத்த இசையமைப்பாளர் என்னைப் பொறுத்தவரை ஒரு தெய்வம்(தெனாலி பாணியில்)

3.30ல் வரும் பொண்ணு ஒண்ணு நான் பார்த்த்தேன் மற்றும் அதன் ஒரிஜினல் அதுவே 3.39 மற்றும் 3.48 குறிப்பாக 3,48ஐ ஒருமுறைக்கு இருமுறை நீங்கள் ரசித்தே ஆகவேண்டும்

7.55ல் வரும் என்ன விலை யழகே பாடல் போலவே இருக்கும் மற்றும் பிரபல தமிழ் பழைய பாடல் . அதைத் தொடர்ந்து வரும் புதிய மற்றும் பழைய தமிழ் பாடல் தொடர்புகள்.

8.36ல் வரும் கல்லை மட்டும் கண்டால் கடவுள் தெரியாது பாடலின் முன்னோடியக் கேட்டு மாரடைப்பு ஏற்பட்டால்  8.52ல் வரும் ரெண்டக்கா ரெண்டக்கா வின் முன்னோடியைக் கேட்டால் நெஞ்சே வெடித்து விடலாம். 9.05ல் வரும் வொய் திஸ் கொலவெறியின் ஒப்பீட்டைப் பார்த்தால் உடலில் எல்லா உறுப்புகளே வெடித்துப் போகும் வாய்ப்பு இருக்கிறது.

டிஸ்கி:  கடைசியா விகடனார் சொல்லும் அறிவு ஜீவி, ஆக்ஸிடண்ட் கதையை கண்டிப்பாக கேட்டே தீர வேண்டும்.

கொசுறு: தேவாவிற்கு அறுவை சிகிச்சை நிபுநர் பட்டம் கொடுத்து கவுரவித்து இருக்கிறார்களார். அவர்கள் விட்டு விட்ட ஒரு செய்தி. தேவாவின் பெயரே கூட அந்தக் கால இசையமைப்பாளரான வேதாவின் உல்டாதான். இந்த வேதா அவர்க்ள் அந்தக் கால இந்திப் பாடல்களை தமிழ்படுத்துவதில் வல்லவர்.


===========================================================

இந்தப் பாட்டு மேலே இருந்த பிட்டுல இருந்து தேடி பிடிச்சது.  தமிழ் பாட்ட விட  நல்லாயிருக்க மாதிரி பட்டது. பார்த்தா இது ஷோலேவுக்கும் முன்னாடியே வந்தது போல. சும்மா கும்முன்னு இருக்கு 

தப்புமா? தப்பாதா?

 

இப்படியும் ஒரு கோயில்

ஆயிரம் ஆண்டுகளுக்கு முற்பட்ட வீர நாராயண புரத்தில் உள்ள சிவன் கோயில்தான் இது. கடவுள் நம்பிக்கை இருந்தாலும் இல்லாவிட்டாலும் இது போன்ற கோவில்களை, புராதாணக் காலக் கட்டிடங்களைக் காக்க வேண்டியது நம் கடமை.  

 http://www.thehindu.com/news/national/tamil-nadu/1000yearold-cholaera-temple-facing-threat-of-demolition/article4718623.ece#comments   செய்தியின் படி இந்தக் கோவில் ராஜராஜ சோழன் தன் மனைவியரோடு வந்து வணங்கியது.,   தஞ்சாவூர் விக்கரவாண்டி நாற்கரச் சாலையின் காரணமாக  இந்தக் கோவில் அழிக்கப் படலாம் என்ற எண்ணம் இப்போது தோன்றியுள்ளது. அந்த ஊர் மக்கள் எதிர்ப்பினை தெரிவித்திருக்கிறார்கள்.  இப்போதைய கும்ப கோணத்திற்கு அருகில் உள்ள மாணம்பாடி கிராமத்தில் உள்ள இந்தக் கோயில் கடந்த 30 ஆண்டுகளாக மாநிலத்தின் தொல்பொருள் துறையின் கண்காணிப்பில் உள்ளதாம்.
 

முதல்வர் மாதிரி பெரிய பதவியில் இருப்பவர்கள் யாராவது இதில் தலையிட்டு ஏதாவது செய்தால் இந்தக் கோவில் தப்ப வாய்ப்பு இருக்கிறது.

டோனி! எனக்கு சோடா வேண்டும்

 

 வியாபார ரீதியான விளையாட்டுப் போட்டிகளில் முதலிடம் வகிப்பது நம்ம ஐ.பி.எல் தான்.

அதன் வியாபாரத் தன்மையிலெயே சில பல சந்தேகங்கள் இருக்கின்றன்.

1. ஏற்கன்வே சச்சின், டோனி போன்றவர்கள் சந்தையில் பல விளம்பரங்களை கையில் வைத்திருக்கும்போது சில பல சிறுவர்களால் அந்த பொருட்களின் மார்க்கெட் கூடுமா? 

2.மேலே உள்ள சிலபல சீறுடைகளில் சிறு சிறு எழுத்துகளில் எழுதியிருக்கும் பொருட்களுக்கு அப்படி எழுதியதால் வியாபாரம் பெருக வாய்ப்பு இருக்கிறதா?

3.ஐ.பி.எல் போட்டிக்கு பல கோடி கொடுத்து பெப்ஸி என்று பெயர் வைத்திருப்பதால் கோக்கிற்கு ஏதாவது நஷ்டம் இருக்குமா?

4.ஷாரூக் போன்று ஒரு பெரிய பிஸினஸ் உள்ள ஒரு நடிகர் இரண்டுமாதம் கிரிக்கெட்டில் சுற்றுவதால்  ஷாருக் கானுக்கு லாபமா நஷ்டமா?  இதே கேள்வி  ப்ரீதி, ஷில்பா வைக்கூட கேட்கலாம். ஆனால் அவர்கள் சும்மா இருக்கிறார்கள் என்பதால் அந்த கேள்வி இல்லை

5.சின்ன அம்பானிகளும் கிரிக்கெட் கிரவுண்டில் தனி ஷோபா போட்டு உட்கார்ந்து கொண்டு இருக்கிறார்களே.., அவர்களுக்கு அவ்வளவு நேரம் வெட்டியாக இருக்கிறதா? அல்லது அவர்களுக்கு கிரிக்கெட் கிரவுண்டில் இருப்பதால்தான் லாபம் அதிகமா?

6. பூனே அணி அதிக போட்டிகளில் தோற்றதால் கண்ட லாபத்திற்கும். சென்னை அணி வென்றுகொண்டிருப்பதால் அடையும் லாபத்திற்கும் ஏதாவது வித்தியாசம் இருக்குமா?

7.கங்கூலி போன்ற ஒரு மூத்த முக்கிய வீரரை சும்மா உட்கார வைத்ததற்கு ஏன் கிரிக்கெட் உலகம் பொங்கி எழவில்லை.

8.ரிக்கி பாண்டிங் போன்ற ஒரு மாபெரும் காப்டனுக்கு இந்தியாவில் உள்ள பி தர வீரர் அளவு சம்பளம் கொடுத்து மரியாதை செய்ய என்ன காரணம்? 

9.லட்சுமி கரமான சில நடிகைகள் கிரிக்கெட் முக்கிய நபர்களுக்கு ஏற்கனவே நண்பர்களாக இருக்கிறார்களே.., அவர்களோடு இனிப் பேசிக் கொண்டிருந்தால்கூட சிபிஐ தவறாக நோக்குமா?

10.பெப்சி, கோக் போன்ற பொருட்கள் குக்கிராம பெட்டிக்களில்கூட கிடைக்கும்ப்போது, டோனி விளம்பரப் படுத்தும் கிளப் சோடா மட்டும் ஏன்  டிபார்ட்மெண்டல் ஸ்டோரில் கூட கிடைப்பதில்லை?

ஸ்ரீசாந்த் குற்றமற்றவர் என்று நான் நம்புகிறேன்

செய்தி Three Rajasthan Royals players, S. Sreesanth, Ajit Chandila and Ankit Chavan, were detained early on Thursday morning by the Delhi police for allegations of spot-fixing.

The BCCI has swiftly moved in to suspend all three cricketers pending investigation.

Seven bookies in Mumbai and three in Delhi have also been detained along with the three.

AUSTRALIAN PLAYER UNDER SCANNER

The Delhi commissioner of police Neeraj Kumar said “more arrests are likely”. He did not mention if the arrests would be of players, administrators or bookies.  

http://cricket.yahoo.com/news/sreesanth--chandila--chavan-arrested-by-delhi-police-052841701.html 

போன வருஷம் கூட இந்த மாதிரி ஒன்னு ரெண்டு பேர  மாட்ச் ஃபிக்சிங்ல போலீஸ் அரெஸ்ட் பண்ணியிருக்காங்க. இந்த முறையும் கொஞ்ச பேர கைது பண்ணி யிருக்காங்க.  

நாங்க எப்போதுமே ஐபில் பார்க்கும்போது ரஜினி படம் மாதிரித்தான் பார்ப்போம். ஜாலியா இருக்கும். ரஜினி எவ்வளவு அடிவாங்குனாலும் அவமானப் பட்டாலும் ரஜினிதான் ஜெயிப்பார். ரஜினி தோற்கிற மாதிரி இருந்தா கிளைமாக்ஸில ஜெயிக்கறது இன்னொரு ரஜினியாத்தான் கதை அமைந்திருக்கும். ஜாலியா பார்ப்போம்.  ரஜினி அடிவாங்கறார் என்பதற்காக நாங்கள் கலங்கியதே இல்லை.  அவமானப் படுகிறாரே என்று அதிர்ந்ததே இல்லை. கடைசில் எஸ் பி முத்துராமனும், கே எஸ் ரவிக்குமாரும் அவரை ஜெயிக்க வைத்து விடுவார்கள். அந்த நம்பிக்கை எங்களுக்கு எப்பவும் உண்டு. 

போன வருஷம் ஐ.பி.எல்ல அரெஸ்ட் ஆன பசங்களால எந்த மேட்ச் ஆவது அவஙக் ஜெயிச்சிருக்காங்களான்னு பார்த்தா ஒன்னும் தெரியல.  அவங்க யாருன்னே தெரியல. ஒரு அசாருதீன், ஒரு ஜடேஜா ரேஞ்சுக்கு பேப்பர் ந்யூஸ்  போட்டு எல்லாரும் பார்த்தாங்க. இந்த வருஷம் அரெஸ்ட் ஆன ஆட்கள் பேர பார்த்தா அதுல ஸ்ரீசாந்த பேர் இருக்கு. ஸ்ரீசார்ந்த பேட்டிங் பண்ணியோ இல்ல பந்து வீசியோ அவரால ஒரு டீம் ஜெயிச்சு இருக்கா?   இல்ல அவர் போட்ட பந்துகள யாராவது விலாசோ விலாசுன்னு விலாசி ஜெயிச்சு இருகாங்களா? (அப்படி ஒரு ஓவர் விலாசின பிறகும் அவருக்கும் ஓவர் த ந்திருந்தா அவரோட கேப்டனும், அணி உரிமையாளரும் காரணமாகத்தான் இருந்திருக்கணும்).

ஆனா ஸ்ரீசாந்த் அப்படி பட்டவர் அல்ல.  அவரால் அவுட் ஆக்கும் வகையில் அல்ல. அடித்துவிளையாடும் வகையில்கூட பந்து வீசத் தெரியாது. ஒரு அப்பிராணியின் மீது கேஸ் போட்டு உள்ளதாகவே தோன்றுகிறது.  சிங்கம் பாணி திரைப்படங்களில் அனுப்பப்படும் தோரணை தெரிகிறது. 

ஆனால் ஸ்ரீசாந்த் உறவினர்கள் பொங்கி எழுந்திருக்கிறார்கள். என்ன நடக்கிறது என்று பார்ப்போம். ஏற்கனவே கொச்சி அணி காணாமல் போனதிலேயே அரபிக் கரையோர மக்கள் கோபத்தில் இருக்கிறார்கள்.