சின்ன வீட்டிலிருந்து ஒரு பாடம்

சின்ன வீடு சரித்திரத்தில் அதற்கு பல முகங்கள் இருக்கின்றன. சின்னதா ஒரு வீடு என்றெல்லாம் பொருள் கிடையாது. ரிலாக்ஸ் செய்து கொள்ளும் இடமாகவே சின்ன வீடு கருதப் படுகிறது. பாக்கியராஜின் இயக்கத்தில் கூட சின்னவீடு என்ற ஒரு திரைக் காவியம் வந்திருக்கிறது.

வழக்கமாக பாக்கியராஜ் ஒரு மேட்டரை எடுத்து அதைக் கொஞ்சம் ஜிகினா, கொஞ்சம் இனிப்பு, சில நேரங்களில் புளிப்புக் கூட சேர்த்து படங்களில் தருவதை வழக்கமாகக் கொண்டிருப்பார். இதில் நிறைய ஜிகினாவை எடுத்து அங்காங்கே அறிவுரைகளைச் சொல்லுவார். அதில் ஒரு அறிவுரைதான் இது.

""""""""""""""""""""""""""""""""""""""""""""""""""""""""""

நாயகனைத்தேடி நாயகனின் நண்பன் வருவார். வந்து நாயகியிடம் மதன் இருக்கானா? என்று கேட்பார்.( கேட்கும்போது புகைத்துக் கொண்டுவேறு இருப்பார்.) அதற்கு நாயகி கண்ணாபின்னாவென்று திட்ட ஆரம்பித்துவிடுவார்.

உங்கள் நண்பர் என்றால் நீங்கள் பேசிக் கொள்ளும் போது எப்படி வேண்டுமாணாலும் பேசிக் கொள்ளுங்கள். ஆனாலும் மனைவியிடம் விசாரிக்கும்போது அவர் என்று மரியாதையாக அழையுங்கள் என்று கடைசியில் கூறிவிட்டு வெளியே போயிருக்கிறார். சிறிது நேரம் அமருங்கள் என்பார். இவர் பொரிந்து தள்ளுவதைப் பார்த்து நண்பர் ஓடியே விடுவார்.

"''''''''''''''''''''''''''''''''''''''''''''''''''''''''''''''''''''''''''''''

நம்மில் எத்த்னை பேருக்குத் தெரிகிறது? நாம் கேட்கும் நபர் அந்தக் குடும்பத்தில் ஒரு வி.ஐ.பி. என்று?

நண்பனாக இருந்தாலும் அவரது மனைவியிடமோ அல்லது குடும்பத்தினரிடமோ பேசும்போது மரியாதையாகவே அழைக்கலாமே!

===================================================

அந்தப் படத்திலேயே சேப்பாக்கத்தில் நேற்று சதமடித்த கவாஸ்கர் இன்றும் அதே மைதானத்தில் சதமடித்தார் என்று ஒரு வசனம் வரும் கவனித்திருக்கிறீர்களா...

====================================================


சின்னவீடு வைத்திருப்பதாக நாயகனை அவரது தந்தை திட்டிக் கொண்டிருக்கும்போது அவரது தாய் பீடி எதுவும் குடித்தாயா? என்று அன்பொழுக கேட்பாரே ஒரு கவிதை போல....

தாய் மணத்தின் பிரதிபலிப்பாக.......

அந்த அன்புத்தாயை வெகுளித்தாயை நாம் தாயார்களின் தினத்தில் நினைவு கூறுவோம்.
=====================================================