வேட்டைக்காரன் இனிய துவக்கம்

பாதுகாப்பு அறிவிப்பு:- இந்தக் கதைக்கும் மக்கள் திலகத்தின் திரைப்படத்திற்கும் எந்த தொடர்பும் கிடையாது. அதே போல் காட்டில் சுற்றிக் கொண்டிருந்த எந்த ஒரு மனிதனுக்கும் தொடர்பு கிடையாது. இது சும்மா ஜாலியா ஒரு கற்பனை. பயங்கரவாதி செவன் அவர்களின் வேண்டுகோளை நிறைவேற்றும் உன்னத நோக்கத்தோடு எழுதப் படுகிறது. தளத்திலேயே வந்து வேண்டுகோள் விடுத்துச் சென்றுள்ளார்.(வேண்டுகோள் இங்கே) இந்தக் கதையை ஹாலிவுட் திரைப்படமாக எடுத்தால் எனக்கு எந்த ஒரு எதிர்ப்பும் இல்லை என்று முதலியேயே சொல்லிவிடுகிறேன். சின்னத்திரையில் தொடராக எடுத்தால் அதற்கு ஆங்கிலத்தில் சப்-டைட்டில் போட்டே தீர வேண்டும் என்று கேட்டுக் கொள்கிறேன்.
(இதில் கிங் விஸ்வா அவர்கள் விரும்பும் பாத்திரத்தை அவருக்கு அளித்தால் மட்டுமே இதை படமாக்க அனுமதிவழங்கப் படும்)

==========================================================
துவக்கம் 1:-

வேட்டைக்காரனின் கைது செய்தி மாவட்ட ஆட்சித்தலைவருக்கு சொல்லப் படுகிறது.
என்ன....?
அதிர்ச்சியுடன் எழும் அவர் உடனடியாக சம்பவ இடத்திற்கே சென்று வேட்டைக்காரனை விடுதலை செய்ய வைத்து விட்டு இந்த சம்பவத்தை மறந்து விடுமாறு அனைவரிடமும் சொல்லி விடுகிறார்.

இந்த நாட்டில் உள்ள மிக நேர்மையான ஆட்சித்தலைவர் ஏன் வேட்டைக்காரனை விடுதலை செய்யச் சொன்னார்?
=====================================================

வேட்டைக்காரனின் மீசை லேசாகத் துடிக்கிறது.(இதுதான் வேட்டைக் காரனின் மீசையைக் காட்டும் முதல் காட்சி)

வேட்டைக்காரனின் முதல் தளபதி வேகமாகச் சென்று ஒரு அரிசி மூட்டையில் கத்தியைச் செருகுகிறார். அரிசி மூட்டையில் இருந்து ரத்தம் வழிகிறது. மூட்டையைத்திறந்தால் வேட்டைக்காரனைக் கொல்லவந்த நபர் அரிசி மூட்டைக்குள் ஒளிந்திருந்தவர், செத்து விழுகிறார்.
=========================================================

கல்லூரி மாணவி அனுஷ்காவின் முதுகில் இருசக்கர வாகனத்தின் வெளிச்சத்தை பாச்சி விளையாடுகிறார்கள் இரு கல்லூரி மாணவர்கள். டேய்.. சூரியனுக்கே லைட்டா..? என்ற குரல் மட்டும் ஒலிக்கிறது. கல்லூரி மாணவர்களின் வண்டிகள் வானத்தில் பறக்கின்றன.

==========================================================

அமெரிக்க ஜனாதிபதியாக யாரைத் தேர்ந்தெடுப்பது பற்றி அமெரிக்க மக்களுக்கு குழப்பம் ஏற்படுகிறது. அனைவரும் தொடர்ச்சியாக வேட்டைக்காரனுக்கு தந்தி அடிக்கிறார்கள். அந்த தந்திகள் தமிழ்நாட்டை வந்தடைகிறது. தந்திகாரர் வேட்டைக்காரன் எங்கிருக்கிறார் என்பது தெரியாமல் வேட்டைக்காரனின் இருப்பிடத்தைத் தேடுகிறார்.

அப்போது ஒரு பெரியவர்: நீ நிக்கறதே அவரோட எல்லையிலதான். நீ தந்தியைப் படி அப்பு.., வேட்டைக்காரனுக்கு கண்டிப்பா கேட்கும்
என்கிறார்.

தந்திக்காரர் படிக்க படிக்க அமெரிக்க, ஐரோப்பிய, ஆப்பிரிக்க, ஆஸ்திரேலிய ஆசிய மக்கள் எல்லோரும் ஓடி வருகிறார்கள். ஷூவிலிருந்து வேட்டைக்காரனை மேல் நோக்கி காட்டுகிறார்கள். வேட்டைக்காரனின் முகத்திலிருந்து வரும் பிரகாசம் சூரியனையே மறைக்கிறது.

துவக்கப் பாடல் ஒலிக்கிறது:

தந்தி பாருடா
தம்பி பாருடா
அமெரிக்கா காரன் கூட அண்ணனை நம்பிதானடா
உலகத்துக்குக்கே வெளிச்சம் இவர்தானடா
=============================================

வேட்டைக்காரன் யார்?
அவரை ஏன் கைது செய்தனர்?
அவரை ஏன் ஆட்சித்தலைவர் யாருக்கும்தெரியாமல் விடுதலை செய்தார்?
அமெரிக்காவுக்கும் அவருக்கும் என்ன தொடர்பு?
அவரை ஏன் கொலை கொலை செய்யப் பார்க்கின்றனர்?

இந்தக் கேள்விகளுக்கு பதில் தெரிய வேண்டுமா.. தொடர்ந்து படியுங்கள். இன்றே புக் மார்க் செய்து வைத்துக் கொள்ளுங்கள்.
===================================================

இரண்டாம் பாகம்நாசாவுக்குள் போன நம்மாளு
மூன்றாம் பாகம்வேட்டைக்காரச் சாமி
நான்காம்பாகம் உரிமைக்குரல் பன்ச் டயலாக்
படித்து மகிழுங்கள்
=================================================

அமெரிக்க பொருளாதாரம் நாளைய நிலை?சொடுக்குங்கள்,படியுங்கள், மகிழுங்கள்