சிவாஜிக்கு விருது ஏன்? எதற்கு?

சிவாஜிக்கு ஏன் விருது?



1.பணம் சம்பாதித்த இளைஞன் மீண்டும் தாயகத்திற்கு திரும்பி நல்லவை செய்ய நினைக்கிறார். இந்தப் புள்ளியிலிருந்து படம் விருதினை நோக்கி படம் பயணம் செய்ய ஆரம்பித்துவிட்டது.

2.நமது கலாச்சாரப் படி பெண் வேண்டும் என்று சொன்னது மட்டும் அல்லாமல் உடனே நயனத்துடன் ஆட ஆரம்பித்து இளைஞர்களின் உள்ளக்கிடைக்கையை வெளிச்சம் போட்டுக் காட்டியது.

3. மகனைவிட வயதில் இளைய வயதில் தம்பி இருக்கும் சில குடும்ப சூழலை அம்பலப் படுத்தியது படத்தின் சமூக அக்கறையை எடுத்துக் காட்டியது.

4.ஒரு கல்வி நிறுவனம் ஆரம்பிக்க எவ்வளவு சிரமப்பட வேண்டியிருக்கிறது என்று காட்டியதன்மூலம் கல்வி முதலாளிகளின் கஷ்டத்தில் பங்கு கொள்ளவந்த படமாக விளங்கியது.

5.ஒரு இதய மருத்துவர் எவ்வளவு கஷ்டப் பட்டு உயிரைக் காப்பாற்றுகிறார்? அந்த நேரத்தில் அவருக்கு எவ்வளவு வியர்வை கொட்டுகிறது என்பதைப் படம் போட்டுக் காட்டியிருக்கிறார்கள்

6.மாயாஜாலில் குரங்குப் படம் பார்க்கும்போது எச்சரிக்கையுடன் இருக்கவேண்டும் என்ற சமூக விழிப்புணர்ர்சியை உருவாக்கிய படம். சீட் பெல்டின் மகத்துவத்தை மக்களுக்கு லேசான பிரச்சாரத்துடன் சொன்ன படம்.

7.வாழ்க்கையில் முன்னேர ஒரு ரூபாய் இருந்தாலே போதும் என்பதை வலியுறுத்திய படம்.

8.வாழ்க்கையில் மிகவும் கஷ்டங்கள் வரும்ப்பொது தலைமுடியை ஒரு சிலுப்பு சிலுப்பினால் தனி வழியும் வலிமையும் கிடைக்கும் என்பதைச் சொன்ன படம்.

9.காதலுக்காக தண்டவாளத்தில் கூட நிற்கும் இளைஞனையும், கடைசிநேரத்தில் மணம் மாறினால்கூட மாட்டிக்கொள்ளவேண்டி வரும் என்ற சூழலையும் இன்றைய இளைஞர்களுக்கு எடுத்துச் சொன்ன படம்.

10.வருமானத்திற்கு மீறி சொத்து சேர்க்கும்ப்பொது எப்படிச் சேர்த்தால் அரசை ஏமாற்றமுடியும் எனச் சொல்லிக் கொடுத்த படம்.

11.சிவப்பழகின் முக்கியத்துவத்தையும் பழகுவதின் முக்கியத்துவத்தையும் சொல்லி ஒரு மரியாதையை ஏற்படுத்திய படம். தமிழகத்தில் மறந்து போயிருந்த அங்கவை சங்கவை பெயர்களை ஒவ்வொருவரையும் உச்சரிக்க வைத்த படம்.

12.திருநல்லாறு போனால்கூட ஜாதகப் படித்தான் நடக்கும் என்பதை ஆணித்தரமாக கூறி தேவையில்லாத பரிகாரங்களில் வீணாக வேண்டாம் என்ற பகுத்தறிவுப் பிரச்சாரத்தை செய்த படம்.

13.உலக அளவில் பாஸ்போர்ட், ஓட்டுநர் உரிமம், கடன் அட்டை வாங்குவது மிகவும் சுலபம் என்பதை உல்கத்தோருக்குச் சொன்ன படம்.

14.வீட்டின் ஓட்டில் கூட பணத்தினை சேர்க்கமுடியும் என்று ஒரு புது வழி கண்டுபிடித்தபடம்.

15.வழக்கறிஞர்கள் பலருக்கும் கூலியை கையிலிருப்பதைக் கொடுத்துத்தான் வாடிக்கையாளர்கள் கழிக்கிறார்கள் என்பதையும் பதிவு செய்திருக்கிறார்கள்

16.ஷ்ரேயாவை வைத்துக்கூட படத்தை ஓட்ட முடியும் என்று சாதித்துக் காட்டிய படம்

17.முக்கிய நடிகர்களாக ரஜினியும் நடிக்க முடியும் என்று நிரூபித்த படம்/

பெண்களை கவர்ந்தவை:-

1காதலனுக்காக நடு ரயில்பாதையில் தவணியை கழட்டிவிட்டு ஓடுவாள் பத்தினி என்பதைப் பதிவு செய்த படம்

2.காதல்னுக்காக காதலையே தியாகம் செய்வாள் என்பதைக் காட்டிய படம்

3. கணவனைக் காப்பாற்ற அவனை காட்டிக் கொடுக்க தயங்க மாட்டாள் பெண் என்பதும் பதிவு செய்யப் பட்டுவிட்டது.


இது போன்ற பல கருத்துக்களும் காட்சிகளும் சமுதாயத்திற்கு விழிப்புணர்வும் மற்றும் பல அவலங்களையும் சாடியிருப்பதால் சிவாஜிக்கு விருது வழங்கியிருப்பது மிகவும் பொறுத்தமான ஒன்றே.


தெலுங்குப் படத்தில் சிவாஜிப் பதிலாக ஏ.என்.ஆர், எம்ஜியாருக்குப் பதிலாக எண்டியார், கமலுக்குப் பதிலாக சிரஞ்சீவி வேடத்தில் ரஜினிபோடும் ஆட்டம்




ரஜினி போட்ட ஆட்டத்திற்கு எண்டியாரும், ஸ்ரீதேவியும் போட்ட ஒரிஜினல் ஆட்டம்




இந்தப் பாட்டுக்கு ரசிகர்கள் கண்டிப்பாக மிகப் பெரிய ஆட்டம் போட்டிருப்பார்கள். இன்னும் கூட போட்டுக்கொண்டுதான் இருப்பார்கள் என்று நினைக்கிறேன். தவிர பாட்டில் கொஞ்சூண்டு கவர்ச்சியும் கூடுதலாக இருக்கிறதே!